رواية الم رحيق (كاملة جميع الفصول) بقلم سمية عبد السلام
رواية الم الرحيق الفصل السابع عشر 17
البارت السابع عشر
في الصباح في بيت عم إبراهيم
وردة_يلا يا إبراهيم الفطار جهز
ابراهيم_وندى فين؟
وردة_لأ الغيبوبة لسه مصحيتش اما تصحى تبقا تقوم تاكل.
إبراهيم _لأ افطري انتي انا مليش نفس.
وردة_مالك يا ابراهيم من امبارح واحنا في كتب كتاب رحيق شكلك مش مظبوط وشيفاك سرحان؟
إبراهيم _كنت بتخيل ندى مكان رحيق وانها هتبني حياتها مع الانسان ال المفروض يعيشو مع بعض طول العمر بكدبة.
وردة بقلق_قصدك ايه يا ابراهيم؟
إبراهيم _قصدي اني زهقت وخايف اموت وندى تعرف الحقيقة وتكرهني.
وردة بعياط_لأ لأ ندى مش لازم تعرف حاجة.
ابراهيم_ندى لازم تعرف السر ال احنا مخبينه عليها وان احنا مش اهلها الحقيقين وان احنا لقناها وهيا صغيرة وربنا مأردش اننا نخلف خدناها وربناها بعد ما فقدنا الامل في ان احنا نلاقي اهلها.
ندى بصدمة_يعني انا مش بنتكم!!!
وردة جريت عليها وهيا بتعيط_لأ انتي... انتي بنتي وهتفضلي بنتي الام مش ال بتخلف الام ال بتربي وتعلم وتكبر انتي بنتي ياندى عارفة يعني ايه بنتي.
وندى وهيا لسه مصدومة _يعني انا ممكن اكون بنت حرام؟!!!
إبراهيم بسرعة_لأ لأ متقليش كده انتي بنتي ياندى.
وفجأة ندى اغمى عليها.
وردة بصراخ_بنتتتتي؟
_________________~_______________~
في القصر
رحيق صحيت من النوم ملقتش آدم لبست دريس زيتي وخمار بيج وراحت عند اية.
وخبطت علي الباب.
اية من الداخل_ادخلي يادادة.
رحيق بهزار=مينفعش رحيق؟
اية بفرحة_رحيق!! ادخلي.
رحيق=عاملة ايه ياست في المذاكرة؟
اية_الحمدلله يعني كويسة.
رحيق=طبعاً لو احتاجتي اي اي حاجة في المنهج او حاجة وقفت قصادك منصحكش تجيلي.
اية_هههه انا مش خايفة من المنهج انا خايفة من فكرة كوني في تالتة ثانوي وعايزة اجيب طب زي مكنت بحلم انا وصفا الله يرحمها.
رحيق افتكرت اختها شهد لانها في تالتة ثانوي برضوا.
رحيق ببتسامة=بصي ياستي احساسك ان ال بتذكريه راح كله علي الارض وان الامتحان ممكن ييجي صعب وكمان متجبيش المجموع ال نفسك فيه وصعوبة المواد وانتي بتذاكري والخوف والقلق من بكره...
رحيق كانت لسه هتكمل بس قاطعتها اية_صح ده نفس ال بيحصل معايا.
رحيق=كلللل ده هيعدي وهيمشي وهيمر بإذن الله بالحلو والوحش ال فيه وكل ال بتمري بيه ده ربنا هيجازيك عنه خير باذن الله، كل تعبك ومجهودك مش هيضيع ولا هتظلمي مثقال ذرة واهم حاجه اليقين بالله يعني تبقي متاكدة ان ربنا مش هيسيبك.
شوفي انتي بتتعاملي مع مين انتي بتتعاملي مع ربنا مش اي حد ال قادر يقلب كل الموازين عشان خاطر دعوة في جوف الليل،
وبتكمل بتحذير =واياك والغش، متغشيش، متغشيش لان النجاح الذي عند الله لا ينال بمعصيته، انتي بتتعاملي مع ربنا ركزي في ده كويس واعملي ال تقدري عليه وذاكري واتوكلي علي الله
ربنا قال في كتابه{ان الله لا يضيع اجر المحسنين} التوبة.
اية بفرحة_ربنا مايحرمني منك طمنتيني وطمنتي قلبي.
رحيق بهزار=وبعدين انتي عندك اخوك لو عايز يدخلك طب من اعدادي يعملها.
اية بضحك_حصل.
رحيق=احم... اية هوا ليه ايمان بتكرهني ده حتي محضرتش كتب الكتاب انا عملتلها حاجة؟
اية وهيا بتقلب في الكتب_لأ انتي معملتيش حاجة، دي بس عشان بتحب آدم.
دقيقة واية استوعبت هيا قالت ايه؟
اية بتوتر_قصدي يعني زي اخوها.
رحيق =طب اسيبك تكملي مذكرة بقا، سلام
رحيق خرجت واية قالت_ايه ال انا هببته ده.
________________~________________~
في بيت عم إبراهيم
وردة بعياط_بنتي بتضيع مني منك لله.
ابراهيم كان واقف ساكت مستني الدكتورة تخرج من عند ندى.
وردة_والله لو ندى حصلها حاجة مهسمحك يا ابراهيم و.....
كانت لسه هتكمل كلامها والدكتورة خرجت
ابراهيم بقلق_مالها ندى يادكتورة.
الدكتورة_اطمن ياعم ابراهيم هيا الحمدلله بقت كويسة.
وردة_امال اغمى عليها ليه؟
الدكتورة_ممكن مكنتش واكلة كويس او ارهاق او يمكن سبب نفسي اتعرضت لصدمة مثلا.
وردة_ياحببتي يابنتي.
الدكتورة_انا مش هكتبلكم علاج لان ملوش لازمة هيا كل ال محتجاه نفسيته تتحسن شوية.
إبراهيم _شكراً يادكتورة تعبناك معانا زمان عطلناك عن المستشفي
الدكتورة _متقلقش كده احنا مش جيران بس حضرتك زي والدي وندى اختي الصغيرة.
ابراهيم _بنت اصول، كتر خيرك يابنتي.
__________________~______________~
باليل
حسن_انت اتجننت يايوسف.
يوسف _وفين الجنان في اني عايز اتجوز؟
حسن_منتا مش عايز تتجوز اي حد دي اية البنهاوي.
يوسف بهدوء_مع احترامي لحضرتك يابابا، انا بحب اية من واحنا لسه في الصعيد من قبل ما نيجي هنا، حتى بعد ما سفرت الغربة معرفتش تنسهاني انا هطلب ايدها من آدم.
حسن_يابني انت ملاحظ ان احنا عايشين مع آدم، وانا شغال سواق عنده وامك خدامة.
فاطمة بصوت عالي_حسن!! انا عمري ماكنت خدامة و آدم عمره ما عملني علي كده آدم بيعتبرني زي امه الله يرحمها، آدم بيعتبرنا اهله احنا ال ربناه واذا كان مشغلك سواق فده عشان عزة نفسك مش عايز يخليك تحس انك عالة علي حد، آدم ابن اصول.
حسن_نقوم احنا بقا نطمع ونطلب ايد اخته.
فاطمة_وفيها اي هوا ابني حد قليل، ابني دكتور اد الدنيا، الدكتور يوسف حسن الجبالي.
يوسف باس ايد امه_يابابا آدم مبيفكرش بالطريقة دي وانا بكرة هروحله الشركة واطلب ايد اية منه.
حسن بيأس_ال تشفوه اعملوه بس اما يطردنا انا مليش دعوة.
~~~~~~~~~~~~~~~~~~~~~~~~
عند آدم ورحيق
رحيق=لأ متقلش والله متقول هقلها اهوا.
آدم بضحك=انا اتكلمت.
رحيق=هقول اهوا.
آدم =لأ محتاجة تحفظي كويس مش من نص ساعة تحفظي لوح وبعدين الناس بتبدأ ب قل هوا الله احد، وانتي بادأة من البقرة.
رحيق=لأ انا بحب ابدأ من الصعب.
آدم =طب اعملي حسابك بكرا لو غاطتي في حرف هشعلقك.
رحيق=عيب عليك يا رياسة.
آدم =متجوز بلطجي، اما نشوف
رحيق=لأ متقلقش من النحية دي اطمن.
آدم بتريقة=لأ منا مطمن.
وبعدين راح عند السرير وفتح الدرج وطلع علبة واداها لرحيق.
رحيق خدت العلبة=اي ده؟
آدم =افتحي وشوفي
رحيق بفرحة =الله نقاب، ده كان نفسي البسه من زمان.
آدم ببتسامة=عجبك؟
رحيق=جداً، وقالت بسرعة=ممكن تلبسهولي
وبعدين كملت=احم..... انا اسفة بس كان نفسي ال اتجوزه هوا ال يلبسهو.....
آدم خده منها وقال=انتي لسه هتشرحي.
رحيق=ها حلو عليا؟
آدم في نفسه =يخربيتك حتى في النقاب قمر طب البسها إي دي؟ وبعدين قال=اياك اشوفك رفعاه حتى قدام ابوك.
رحيق كانت لسه هتتكلم، آدم شالها وحطها علي السرير وخدها في حضنه ونامو
"" "" "" "" "" "" "" "" "" "" "" "" "" "" "" "" "" "" "" "
=عيناك كالقهوة اعشقها.
_القهوة؟
=لا عيناك
"" "" "" "" "" "" "" "" "" "" "" "" "" "" "" "" "" "" "" ""
_________________~_______________~
تاني يوم في الشركة
آدم ببتسامة=چو!!!! ادخل
يوسف باحراج_احم.... كنت عايز اتكلم معاك في موضوع.
آدم =ومالك متخشب كده؟ وعلي العموم انا موافق.
يوسف وهوا فرحان ومصدوم في نفس الوقت_موافق؟!!! انت عارف انا عايز ايه؟
آدم =طبعاً وبعدين انا مش هلاقي لايمان حد في اخلاقك وتربيتك انت ال هتعرف تحافظ عليها.
يوسف بصدمة_ايمان؟!!!!!!!!!!
... لسه الحكاية مخلصتش....
رحيق هتكره ايمان عشان بتحب آدم ويحصل مشاكل بينهم؟
اهل ندى الحقيقين ليه محولوش يدورو عليها لو هيا فعلا مش بنت حرا..... م؟
ياترى لسه في اسرار احنا لسه منعرفهاش؟
يوسف هيقول ايه ل آدم وهيقدر يواجه ولا ممكن يتجوز ايمان فعلا؟
•تابع الفصل التالي "رواية عشق الرحيق" اضغط على اسم الرواية