رواية حكايا كاملة بقلم ايمان عبر مدونة دليل الروايات
رواية حكايا الفصل الثاني عشر 12
أجابتها ام سلمى وهى تنظر لاختها بعتب : ابدا ياحببتى مفيش حاجة
شاهى : لا فى ام اروى من وقت ما دخلت وهى بتبص ليا وليكم بنظرات غريبة يعنى فى حاجة وحاجة كبيرة كمان
نجلاء : قولولها احسن عشان تاخد حذرها ما تسبوهاش كده
شاهى بقلق : اخد حذرى من ايه يا نجلاء
سلمى باندفاع : بصراحة كده وعلى بلاطه الست الحر*باية اللى خطفت جوزك جت زارتنا
شاهى بعدم فهم : ايه انتى بتقولى ايه ياسلمى
فأكملت والدتها موضحه : الخقيفة من يومين وحدة اتصلت بينا وطلبت تشوفنى انا واختى وبناتى فكرتها من بتوع الصحافة ولا المجلات او القنوات الفضائية اللى بيستضيفوا البنات المهم قولتلها تتفضل تشرفنا ولما جت قالت انها مش تبع لا صحافة ولا تلفزيون وانها جيه تعرض علينا عرض مغرى جدا عشان نشتغل معاها بشرط ما نشتغلش مع اى حد تانى ونمضى معاها عقد بكده اول لما قالت الكلام ده انا واختى بصينا لبعض وفهمنا ان الموضوع فيه حاجة مش مظبوطة قامت اختى قالتلها
صحيح يا حببتى انتى معرفتناش بنفسك
قامت قالت انا مدام سمر صاحبت اتيليه تيوليب
هى قالت اسمها واسم الاتيليه من هنا
أكملت سلمى وهى لا تستطيع ان تمسك نفسها من الضحك : لالا استنى انا اكملها الباقى بصى يا شاهى هى قالت الاسم من هنا وقومت انا ونجلاء بصين لبعض وعينك ما تشوف الا النور
فانفجر الجميع فى الضحك وسط ذهل شاهى ولهفتها لمعرفة ما حدث بعد ذلك : يا جماعة استنوا بس قولولى حصل ايه
ام اروى بعد ان جاهدت لتتوقف عن الضحك : احنا بصينا لاقينا البنات قاموا وقفوا ادمها وفنفس واحد قلولها هو انتى اللى اتجوزتى جوز شاهى فردت بمنتهى البرود ايوة قاموا الاتنين رنوها حتت دين علقة ما اخدهاش حمار فمطلع وانا وام سلمى مبقناش عرفين نضحك عليها وهى بتفرفر فاديهم ولا نخلصها منهم لحد ما قدرنا نسيطر عليهم قامت طلعت تجرى على بره ولا اللى بيجرى من أسد
فلم تتمالك شاهى نفسها من الضحك
سلمى : ايوة كده ياشيخة اضحكى ولا يهمك حاجة
شاهى : تعرفوا يا جماعة كل اللى انا مش فهماه بجد ازاى الست دى كانت صحبتى المقربة لسنين طويلة من غير مقدر اعرف الشر اللى جواها دا كله ليا دا غير انى مش فهمه ايه سببه
ام اروى : ما تشغليش نفسك وتدورى على اسباب حاجة ملهاش سبب من الاساس اللى من نوعية سمر دول جواهم سو*اد لو طلع على الدنيا يضلمها كلها بدون اى سبب
شاهى : والله عندك حق يلا منها لله واهى خدت اللى تستحقه من البنات
فعاد الجميع للضحك ثم قطعت شاهى الضحك فجأة قائلة : ايه احنا حنفضل نضحك كده وننسى شغلنا
فقال الجميع معا باهتمام : شغل ايه؟؟؟
شاهى : هو احنا مش حنجهز للديفليه الجاى ولا ايه؟؟
ام سلمى : الله مش خلاص خلصنا
شاهى : انتزا نسيتوا اننا فسنة جديدة وانا قررت بقه انى حعمل الديفليهات بتعتى اخر السنة مش اولها وعوزين المرة دى نشتغل براحتنا
سلمى : انتى عوزة ماما وخلتى عشان الخياطة يعنى
شاهى : يسلااام مامتك وخالتك بس وانتى ونجلاء خلاص اعتزلتوا
نجلاء : احنا قولنا انها كانت مرة وخلاص
شاهى : لا طبعا انا قررت انى اعمل كلوكشن لكل اطياف المجتمع الرشيقة المتوسطة البدينه يعنى حلبس مصر كلها من تصميماتى
سلمى : الله حلوة اوى الفكرة دى
شاهى : يعنى خلاص اتفاقنا ولا عندكم عروض تانية
سلمى بكبر : الحقيقة العروض كتشير كتشير بس يلا حنكمل معاكى وخلاص
فأخذت شاهى خدادية كانت بجوارها وقذفتها فى وجهها
سلمى : كده ياشاهى كده
اه صحيح يا جماعة انا جيت عشان اقولكم ان عيد ميلادى الخميس الجاى وطبعا كلكم معزومين
سلمى بسماجة : عيد ميلادك الكام هه الكام
شاهى بضحك : رزلة اوى انتى
اثناء مروره من امام قسم العلاقات العامه توقف مجد امام ورد والتى ارتبكت عندما وجدته امامها فهى من وقت ان بدئت العمل معهم هو وأمجد لم يتحدث معها ابدا فيما كان امجد دائم السؤال عنها وعن احوالها هى وأخيها والاطمئنان الى انهم لا ينقصهم شى
مجد : مساء الخير
ورد بخجل : مساء النور
مجد : اخبار الشغل ايه مرتاحه هنا
ورد : الحمد لله مرتاحة
مجد :والشقة اخبارها ايه عجبتك انتى وجواد ومرتحين فيها
ورد : ايوة الشقة جميلة وعجبت جواد ازى.
مجد : طب كويس مش محتاجين حاجة
ورد : ربنا يخليك احنا الحمد لله مش ناقصنا اى شىء
مجد : يعنى
وسكت قليلا ثم اكمل وهو ينظر فى عينيها ليتبين صدق ما ستقول يعنى انتى دلوقتى كل حياتك الشغل وجواد ودرستك بس
ورد وقد فهمت ما يريد ان يتأكد منه وهو انها لم تعد للسر* قة : أقسملك انى
وقبل ان تكمل قاطعها قائلا : ورد مش محتاجة تحلفى انا مصدقك يلا سلام
وبعد ان ابتعد قليلا عاد اليها قائلا : صحيح هى شاهى عزمتك على عيد ميلادها اللى يوم الخميس
قالت ورد بسرعة : ايوة اتصلت بيا وعزمتنى
ثم اكملت متعجبة
الله هو انت تعرف شاهى
فابتسم مجد بعذوبة لترتبك هى ثم قال : امال انا عترت فيكى ازاى ما انا شوفتك فى ديفليه شاهى ماهى تبقه بنت خالتى
ورد متفاجأة : بجد
مجد : ايوة هاا ريحه عيد ميلادها
ورد : اكيد
مجد : لوحدك
ورد بعدم فهم : نعم
مجد مكررا : ريحة لوحدك
ورد : لا حاخد جواد معايا هو نفسه يتعرف على الناس اللى كنت شغاله معاهم وهما كمان عوزين يشوفوه
ورد : هو انا ليا غيره فى الدنيا
مجد : ربنا يخليكم لبعض ثم قال مفاجأ اياها خلاص حعدى عليكم انا وامجد نخدكم معانا
ورد : مش عوزة اتعبكم
مجد : ولا تعب ولا حاجة انتوا كده كده فسكتنا واحنا ريحين مكان واحد يلا حروح اشوف شغلى
فندهته ورد أستاذ مجد
نعم
هو انت يعنى حتقول لشاهى انت عرفتنى ازاى
فأجاب بحزم : لا
- يتبع الفصل التالي اضغط على ( رواية حكايا ) اسم الرواية