رواية احببت وصية رسول الله كاملة بقلم نورهان محمد عبر مدونة دليل الروايات
رواية احببت وصية رسول الله الفصل العاشر 10
توجهوا إلي الاسفل
كانت تجلس عائشه بجوار عمر وميار امامهم
عمر اتفضلي ياميار كنتي عايزه تقولي ايه
ميار وقبل أن تكمل قطعها صوت دلوف عربيه
عمر باستغراب في ايه ومين
ليصمت فجأه وقف عمر وتوجه نحو الآتي
عمر بانفعال ايه اللي جابك هنا
حسام ايه ياعمر هو دا بردو الترحيب وبعدين انا لسه واصل من كام يوم وقلت لازم اجي اسلم عليك الاول وابارك علي الجواز
ليكمل وهو ينظر لعائشه مبروك والله فرحتلك قصدي فرحتلكم
عائشه وقبل أن تجيبه وجدت من يمسك بيدها ويقفها خلفه
ليكمل عمر مش عايزك توجهلها أي كلام سامع وياريت تتفضل انت عملت الواجب يلا مع السلامه
عائشه باستغراب في ايه ياعمر حسام بيبارك ومقالش اي حاجه مالك كده وبعدين دا في بيتك…
ليقطعها عمر وهو ينظر إليها بغضب جنوني انتي تسكتي خالص انتي ازاي يا هانم تسمحي لنفسك حتي انك تكلميه او حتي تدافعي عنو ليه عايز اعرف
ليكمل دلوقتي كلامه معايا انا لكن انتي مش معاك أي حق تتكلمي وانا واقف سمعتي
ليكمل وهو ينظر لها بتوعد اتفضلي علي فوق وحسابك معايا لما اطلع اتفضلي يلا
نظرت له عائشه نظرة حزن والم حتي هو لم يفهمها لتترك يده الممسكه بها وغادرت إلي شقتها والدموع عالقه علي جفونها
حسام لا انت بقيت غريب انا مش عارفه هو دا اللي المفروض اتعلمتوا بره ان تجرح مراتك قدامنا
ليكمل وهو ينظر لعمر بضيق همشي وعلي فكره انا غلطان اصلا اني جيت لك
كانت تخرج خديجه في هذه الأثناء
خديجه في ايه وحسام مشي ليه هو ايه اللي حصل
لاحظ عمر اخيرا ما فعله ليهتف وهو ينظر لخديجه انا طالع فوق شويه ونازل اقعدي انتي مع ميار
نظرت خديجه نحو ميار المندهشه مكانها من تصرفات عمر ونرفزته علي عائشه
خديجه وهي تلتفت نحوه تمام اطلع انت وانا هقعد مع ميار
توجه عمر نحو شقته
وجلست خديجه مع ميار مره اخري
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في شقه عمر
ترجل عمر إلي الداخل وهو يتجول بنظره في أنحاء الشقه ولكن لم يجدها
ليتوجه إلي غرفتهم
كانت تجلس متكوره علي نفسها تضع رأسها بين ركبتيها
ليري عمر وضعيتها هذه وبدأ قلبه ان يدق بشده ويعتصر الما عليه
بعد عدة ثواني من النظر اقترب إليها وجلس علي حافه السرير
عمر بحزن عائشه ممكن ترفعي راسك انا مش هقدر اشوفك كده
حقك عليا طيب لو ليا خاطر عندك ارفعي رأسك
لترفع عائشه وجها وتنظر اليه وكانت الدموع تغطي وجهها من كثرتها
ليري عمر حالتها هذه ويبدأ ان يتمزق قلبه حزنا علي شكلها فهو من اوصلها إلي هذه المرحله من كلامه الجارح
عمر بحزن يااه ياعائشه انا السبب في كل الدموع دي
عائشه وهي تمسح دموعها بكفها مثل الاطفال لتكمل لو سمحت ياعمر انا عايزه اقعد لوحدي
عمر بهدوء وانا لو خرجت وسبتك في زعلك مستهلش اكون معاك في وقت فرحك وسعادتك وبعدين انا لايمكن اسيبك الا لما تهدي والدموع دي تقف واكون جنبك ومعاك في كل لحظه حتي لو حزينه
عائشه بدموع واصبح شكلها مثل الطفل الصغير الذي يبكي
لتكمل وانا مش هبطل دموع ياعمر
عمر انا اسف ياعائشه بس انتي عارفه اني اتضايقت لما دافعتي عنو في وجودي ودا غلط صح ولا لا
عائشه بدأت تزيد في البكاء وبدأ الكلام يخرج بصعوبة
لتهتف اخيرا انت عليت صوتك عليا من غير سبب اه انت جوزي بس انا معملتش حاجه تستدعي كل كلامك دا
وكمان كان قدامهم تحت ومن غير ذنب انا كنت بدافع عادي علشان ميحصلش مشكله مش علشان تقولي كده
وبعدين حتي لو غلطت بردو كنت تقدر تعاتبني بيني وبينك وفي شقتنا وزعلنا ميخرجش بره اوضتنا مش قدام أي حد
دا الرسول صلى الله عليه وسلم قال ” استَوصوا بالنِّساءِ خيرًا فإنَّهنَّ عندَكُم عَوانٍ ”
هو دا ياعمر كلام الرسول وهي دي وصيه رسول الله اللي وصاكم بيها علينا هو دا الرفق بينا وتعليمنا بلطف وحب وحنان
عمر نظر إليها نظره توحي بحزنه وايضا باعجابه بها وبكلامها وأنها كل يوم تزداد في نظره أكثر فأكثر فحقا هي وصيه رسول الله ومن اليوم سيحاول عمر جاهدا أن يعاملها بالحسني والا يجرحها او يحزنها
ويبدأ معها عهدا جديد خالي من الحزن ملئ بالحب والوفاء والحنان والرفق
وسوف يحاول جاهدا في دعائه كل يوم ان تصبح زوجته في الجنه
ليبتسم عمر بحب وهو يقترب منها ويمسح لها دموعها هاتفا عارفه علي قد دا كلو بس انتي وجهتيني لحاجات كتير ومن دلوقتي حاولي بكل قوتي اني اكون زوج صالح ياخد بايدك إلي الجنه
♥︎♥︎ حقيقي الكلام دا شدني جدا وكان لازم أقول ثلاث كلمات مهمين ” استَوصوا بالنِّساءِ خيرًا ” ♥︎♥︎
رفعت عائشه بنظرها نحوه هاتفه بجد ياعمر
عمر بجد يا قلب عمر
عائشه بكسوف ادارت وجهها للجهه الاخري
عمر اقترب منها واحتضنها واخذ يقبل رأسها ويربت علي كتفها بحنان وهدوء
إلي ان استكانت اخيرا وهدات وتوقفت دموعها
عمر بمزاح قولي كده بقا
عائشه أقول ايه
عمر انك كنتي عايزاني احضنك كنتي قولتي كده من بدري وريحتيني من تانيب الضمير
عائشه بابتسامه انت قاعدتك الكتير مع عمر خلتك اتعاديت منو ولا ايه
عمر اه والله شكلي كده هو اللي يقعد مع اخوكي يسلم منو
عائشه بمشاكسه احمد دا حبيبي هو في منو
اخرجها عمر من بين يديه ونظر إليها ليهتف اخيرا يسلام لا علي فكره انا بغير يا ست عائشه
عائشه وهي ترجع إلي احضانه مره اخري انت كمان حبيبي ياعمر
عمر بصدمه انتي قولتي ايه
عائشه بكسوف خرجت من بين ايديه لا كفايه عليك مره واحده
لتكمل بتذكر اه صحيح احنا نسينا ميار يلا ننزل
عمر بضحك اه صحيح ميار وسبتي جوزك ماشي ياعائشه هتروحي فين الأيام بينا
عائشه بابتسامه فعلا
عمر اه بالمناسبه بقا اننا هتاخد بايد بعض للجنه العشاء فاضل عليها خمس دقايق نتوضي ونصلي وبعدين ننزل ميار مش هتطير
عائشه بابتسامه هو دا عمر اللي كنت اعرفوا زمان
عمر بمزاح وعمر اللي كان عايش معاك من فتره نظاموا ايه
عائشه بضحكه جميله لا دا واحد كده معرفهوش
عمر متعرفهوش والله طيب استني بتجري عائشه وتغلق خلفها الباب وتبدأ في الوضوء
وأخذوا هذه الدقائق في الوضوء وتجهيز انفسهم للصلاة
ليقطعهم صوت الآذان رددوا الآذان سويا ومن وتوجهوا نحو المصلي الخاص بهم
كان عمر يصلي بخشوع وصوت عذب وبآيات من سورة يوسف
ومن جمال صوته كانت عائشه عيونها تدمع من سعادتها به
لينتهي عمر بعد دقائق من الصلاة وينظر إليها بابتسامه ونظره حب
لتبادله عائشه نظراته ولكن كانت عائشه نظراتها تدل علي الفخر والاعتزاز به
عمر نسبح ونقرأ آيات بسيطه من القرآن دلوقتي ونبقا نكمل في قيام الليل
عائشه تمام
بعد دقائق انتهوا وتوجهوا إلي الاسفل
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
في الجنينه
ميار باستغراب ايه دا عائشه نازله مع عمر
خديجه ايوه ماهو غاب فوق شويه اكيد صالحها ورضاها
ميار بالسهولة دي
خديجه مش حكايه سهوله طول ما في موده وحب كل حاجه هنلقيلها حل وكمان هو ايوه اتنرفز وعلي صوته عليها وضايقها بالكلام بس اكيد ليه عذر والحمد لله هما اتصافوا ورجعوا احسن من الاول اللهم بارك
عائشه وهي تقترب
ميار بعدم انتباه اه فعلا رجعوا احسن من الاول
عمر بتقولي ايه ياميار
ميار لا عادي بتكلم مع خديجه
عمر اه طيب كنتي عايزاني في ايه
ميار بتذكر مش فاكره لتهتف اه افتكرت كنت هقولك المستشفي تمام كده وجهزت علشان عايزه اعرف مصيري فيها
عمر اه طيب في الاول المستشفي جهزت والافتتاح بكره ان شاء الله
ثانيا انتي هتشتغلي معايا وهيكون في دكتور كمان او اتنين هنكون احنا المختصين في المستشفي وطبعا دا غير المساعدين التانيين انا علي العموم رتبت كل حاجه
ثالثا انا حجزتلك في فندق قريب من الفيلا هتقيمي انتي فيه
بس انتي انهارده هتكوني معانا ومن بكره تقدري تنتقلي هناك لحد ماتستقري هنا
ميار بضيق تمام انا اقدر امشي من دلوقتي وشكرا علي الوقت اللي قضيتوا هنا معاك و معلش لو ازعجتكم
عمر بنفاذ صبر ايه لتقاطعه عائشه انا هتكلم معاها
عمر بابتسامه تمام
ليكمل تعالي ياخديجه نتدخل نقعد معاهم جو
خديجه وقفت وترجلت معه إلي الداخل
في الداخل كان الجميع مجتمع في الريسبشن يتبادلون الحديث
عمر السلام عليكم
ردوا عليه السلام وجلس عمر
الجد حامد آمال عائشه فين
عمر مع ميار في الجنينه
الجد حامد طيب وهتعمل ايه
عمر هتمشي بكره ياجدي انا قولتلها علي كل حاجه
الجد حامد احنا بنحب ضيوفنا ويشرفونا في أي وقت لكن البنت دي واخده علي عادات بره وانت وابن عمك شباب ووجودها في البيت غلط احنا عارفين اخلاقكم كويس بس دا ميمنعش الاحتراس يابني
محمد فعلا ياحج عندك حق في كل كلمه قولتها
ليكمل محمد طبعا هتكونوا في المستشفي من الصبح
احمد ايوه ان شاء الله ياعمي
وطبعا كلنا هنكون مع بعض ونكون سند ودعم لبعض بكره
زينب طبعا يابني هنجهز كلنا وهنكون معاكم بكره بإذن الله
فاطمه ايوه ان شاء الله علي خير ياحبايبي
عمر بحب ربنا يباركلنا فيكم
فاطمه وزينب ياارب ياحبيبي
عمر كان شارد في غياب عائشه فهو اعتاد علي وجودها بجواره في كل لحظه
احمد سرحان في ايه ياسي عمر
عمر بضحك سي عمر سرحان في افتتاح بكره يالمض
ليكمل الله يكون في عونك ياخديجه دا ابتلاء من ربنا
فاطمه لا ياعمر متقولش كده علي احمد هو في زيه
احمد يباركلي فيك ياخالتو يارب دايما معايا كده
ليكمل وانتي يا ماما هتنضمي لصفي ولا ايه علشان بجمع إعداد
زينب لا انا مع عمر طبعا حبيبي
احمد بضحك عادي كنت متوقعها بس عادي خالتو بردو معايا وبتعمل اكل حلو وكده هيتحسب صوتين
عمر دا اللي هو ازاي
احمد سهله صوت لخالتو والتاني للاكل الحلو اللي بتعملوا
ليضحك الجميع علي كلامه بما فيهم عمر
عمر وهو مازال يضحك لا كده كتير عليا انا هقوم انام علشان شغلي اللي هيقعد معاك مش هينام
احمد قوم يااخويا وهات الحجه في كده
عمر وهو يقف القي عليه المخده وخرج يضحك علي احمد
واتجه نحوهم
عائشه بابتسامه بتضحك علي ايه
عمر في غيرو احمد باشا كالعاده
عائشه ايه احمد دا حكايه
عمر فعلا دا حكايات
ليكمل ميار بتعمل ايه
عائشه بتتكلم في الفون
عمر اه طيب يلا نطلع علشان نصلي ونام شويه علشان بكره يوم صعب
عائشه تمام هبلغ ميار لما تخلص تلحقنا وهدخل اقولهم اني طالعه مشفتهمش من بدري
عمر تمام
اتجهت عائشه نحو ميار واخبرتها انها سوف تصعد مع عمر
وان تحلق بهم بعد الانتهاء من المكالمة
ميار تمام ياقلبي
اتجهت عائشه إلي الداخل والقت السلام
وردوا عليها السلام
عائشه انا طالعه فوق انا بس قولت اشوفكم قبل مااطلع
احمد بهزار كعادته عادي ياعائشه انتي بعتينا اصلا من أول ما عمر وصل ياااه يااااه يااااه
عائشه وبعد يااااه
احمد بعديها الزمن ياااه علي الزمن اللي يخليك تنسينا
زينب يابني ارحم اختك خليها تطلع تشوف جوزها
خديجه لا ياخالتو احمد بيمسي عليها بس
هي شافت حاجه دا لو اشتغلها مش هتطلع انهارده
احمد لا تربيتي نفعه معاك ليك هديه
خديجه بجد ايه هي
احمد منا لو قولتك مش هتكون هديه
فاطمه اطلعي يابنتي لجوزك دول اشتغلوا قصاد بعض انا عارفاهم ربنا يعينا عليهم انا وزينب
زينب ياارب يافطوم
عائشه بابتسامه تصبحوا على خير
فاطمه وزينب وانتو من اهله
واحمد وخديجه كانوا لسه بيتناقشوا في الهديه
كان عمر ينتظرها اتت إليه عائشه وصعدوا إلي شقتهم
وأثناء صعودهم
عمر اتكلمتي مع ميار
عائشه بتذكر اه
فلاش باك
عائشه عامله ايه ياميار
ميار تمام
انتي عامله ايه
عائشه الحمد لله بخير
ميار بتسائل انا بلاحظ عليكم حاجات غريبه
عائشه باستغراب ايه
ميار ان طريقة كلامكم كلكم زي بعض
عائشه اه ما احنا اتربينا مع بعض واتربينا علي التدين وقيم وأخلاق وعادات وتقاليد
ميار اه فعلا باين كده
عائشه طيب ودي حاجه عجبتك فينا ولا لا
ميار هي الصراحه كويسه وكمان تقربكم من ربنا
عائشه طيب ماتحاولي ياعائشه وانا معاك
ميار مش عارفه اتغير
عائشه انا ممكن اساعدك
ميار هشوف هشوف
عائشه ربنا يقدملك اللي فيه الخير
لتعود من تذكرها حاسه انها عايزه بس في حاجه بتمنعها وبترجعها خطوات
عمر مش عارفه ياعائشه
عائشه والله ربنا يهديها ويهدينا
عمر اللهم آمين
ليكمل يلا بينا بقا نصلي القيام بدري علشان ننام
عائشه بفرحه يلا بينا
ترجلوا إلي الداخل وتوجهوا نحو المصلي الخاص بهم
وكل واحد منهم صلي ماتيسر له بخشوع
عمر يلا نقرأ شويه من الورد اليومي
وبعدين انا هقرأ سورة يوسف
عائشه تمام ياعمر انا بحب سورة يوسف جدا ومع صوتك العذب دا هتكون حاجه جميله
عمر تمام
كان يقرأ عمر في سورة يوسف بصوته العذب
وكانت عائشه تنظر إليه بحب وسعاده
انتهي عمر من القراءة هاتفا الواحد حاسس براحه غريبه
عائشه فعلا هدوء وسكينه حاجه كده قمه في الجمال
عمر ربنا يزيدنا ياعائشه
عائشه اللهم آمين
عمر نقرأ سورة الملك وندخل ننام بقا
بعد الانتهاء
عائشه ميار اتاخرت ليه
ليتزامن ذلك مع دخولها
ميار انتو لسه قاعدين
عائشه لا داخلين ننام محتاجه حاجه
ميار لا شكر تصبحوا على خير
ردت عائشه عليها وتوجهت ميار إلي غرفتها
وتوجه عمر وعائشه هما الآخران إلي غرفتهم
عمر يااه انا تعبان جدا
عائشه وهي تفك طرحتها اه كان يوم شاق عليك جدا
عمر اه فعلا يلا الحمد لله علي كل حال
عائشه فعلا الحمد لله
نامت عائشه بجوار عمر وظل عمر ينظر إليها إلي الي ان غقي مكانه
ليفيق عمر علي رنات هاتفه
عائشه بدهشان في ايه
عمر مش عارفه
عائشه خير ان شاء الله
عمر الوووو
الطرف الآخر……..
عمر بصدمه ايه ……
♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎♥︎
- يتبع الفصل التالي اضغط على ( رواية احببت وصية رسول الله ) اسم الرواية