رواية الحب يعشق الصدف الفصل التاسع 9 - بقلم رحمه محمد
رواية الحب يعشق الصدف الفصل التاسع 9
#الحب يعشق الصدف
البارت 9
ليلي بعد ما نطت من الشباك
ليلي ببتسامه نصر وهي بصه للشباك: حطتلي حراسه في كل مكان بس برضو خرجت بالعند فيك
...: تفتكري
ليلي عيونها برقت: لا لا اكيد مش هو
وبصت وراها بسرعه كانت الضلمه ماليه المكان ومفيش حد موجوده خدت نفس عميق وطلعته تاني براحه: مفيش حد الحمدلله
مسكت شنطتها ولسه بتبص قدامها: عاااااااااا
مراد وهو مربع ايده وباصص ليها: راحه فين
ليلي: انا... انا (وبتسمت بغباء) كنت بتمشي
مراد بص لشنطة هدومها: بتتمشي بشنطة هدومك
ليلي بصت ليها وغمضت عيونها وعضت شفايفها وهمست: غبيه
مراد بخبث : اي مختيش بالك منها
ليلي بصت ليه: لا.. لا مش بتاعتي
مراد: امممم (وشاور لحد من البودي جاردات) هاتها وتعالي
وقرب من ليلي فجاه وشالها ومشي
ليلي شهقت: عاا نزلني عااااا حد يلحقني ي ناس (وفتكرت الحلم وعيطت)
مراد بص ليها بستغراب: بتعيطي لي
ليلي بصتله وعيونها مليانه دموع وعيطت بصوت اعلي
مراد وصل للاوضتها وحطها علي السرير وبصلها بملل: بطلي عياط
ليلي سكتت وبصت ليه افتكر الحلم فعيطت تاني بصوت اعلي
مراد زهق وزعق: قولتلك بطلي عياط
ليلي سكتت علطول وبصت للبودي جارد الي دخل وحط شنطتها جنب الباب ومشي
ليلي لنفسها: لا لا رايح فين تعالي
مراد بجمود: كنتي رايحه فين
ليلي:.....
مراد بصلها وجز علي سنانه: لما اسالك سؤال تردي ليا
ليلي قامت وقفت بتوتر : كنت ماشيه مش عايزه افضل هنا مامتك بقت كويسه مش محتجاني خليني امشي وهبعت ليها ممرضه تديها الادويه بتاعتها في مواعدها
مراد بص ليها بنظره طويله : ماشي
ليلي: م.. ماشي همشي يعني
مراد بص ليها: ايوا
ومشي وسابها تحت تاثير الصدمه لغايت ما اخيرا فهمت كلامه: اي دا يعني همشي وافق كدا بسرعه (وابتسمت) طلع طيب
حاولت تنام بعدها بس مش عارفه قررت تقوم تشوف مامت مراد وتطمن عليها
وقامت فعلا وراحت للاوضه بتاعتها ولسه هتدخل سمعت صوت
_متقلقش هنفذ الي قولتلي عليه اهو
.....
_والفلوس هخدها امتي
.....
_طب يلا سلام بقا
ليلي بستغراب: تنفذ اي؟؟
وفتحت الباب براحه لقت واحده من الخدم بتقرب من مامت مراد وهي ماسكه حقنه وشكلها هتحطها في المحلول الي متعلق ليها
ليلي بسرعه: بتعملي اي
ولاء الخدامه بصت بصدمه وتكلمت بتوتر: ها مبعملش
ليلي بصوت عالي: اي الي فايدك ومخبياه ورا ضهرك دا
ولاء بلعت ريقها بصعوبه: لا ولا حاجه
ليلي قربت منها وشدت ايديها: وريني اي الي معاكي
الحقنه وقعت من ايديها وليلي اول ما سبتها وجابت الحقنه كانت ولاء جريت برا الاوضه
ليلي بزعيق: استنيي
بس كانت جريت معرفتش راحت فين وبعدها ليلي راحت الجناح بتاع مراد وخبطت جامد
مراد فتح الباب ببرود : انا مش هخلص منك بقا ولا اي
ليلي رفعت الحقنه قدام وشه وبدات تحكي الي حصل
مراد بغضب جحيمي وزق ليلي عشان يروح لولاء
ليلي: اهدي ي مراد نشوفها عملت كدا لي
مراد بزعيق: مش هرحمها وسعي من وشي
ليلي خافت من صوتو وبعدت شويه واول ما مشي مشيت وراه
مراد طلع تليفونو بسرعه ورن علي حد من الحرس الي واقف برا: اقفلو كل ابواب القصر مش عايز نمله تطلع منه فهمييين
وقفل معاه ورن علي حد تاني: اجمعلي كل الخدم حالاً
وقفل معاه ودقايق وكان كل الخدم قدام مراد
مراد جز علي سنانه: فين ولاء
كل الخدم بصو لبعض بستغراب ومحدش رد
مراد بصوت عالي: اي اخرصيتو ما تنطقو
اتكلم واحد من الخدم: انا شوفتها من شويه بتطلع من باب القصر الي ورا
وقاطع كلامه واحد من الحرس دخل وساحب ولاء : مراد بي لقتها بتحاول تطلع من القصر
مراد ابتسم بمكر وبص ليها شويه : طب يلا روحو كملو نوم
وكل الخدم مشيوا وبقاش غير ليلي ومراد وولاء
ولاء بدموع وجسمها كله بيترعش: مراد بي انا...
مراد بخبث : روحي نامي
ليلي وولاء بصو ليه بصدمه
مراد: يلاا
ولاء جريت وراحت اوضتها ومراد بص لي ليلي
مراد: يلا انتي كمان
ليلي بستغراب: اا.. انت
قطعها مراد بخبث: المسامح كريم يلا روحي نامي
وسابها ومشي
ليلي فضلت تبص ليه لغايت ما اختفي: مش مرتاحه ليه
صباح يوم جديد ساره صحيت علي صوت المنبه قفلتو بملل وشافت الساعه كانت 7الصبح ولمحت مسدچ من رقم غريب استغربت وفتحتها
ساره بستغراب: مجنونه!! مين دا والله انت الي مجنون وستين مجنون كمان
وقامت فطرت وجهزت وراحت المستشفى
اول ما وصلت كان عمرو واقف قدام المستشفى واول ما شافها ابتسم وقرب منها بسرعه
عمرو: ي صباح الفل
ساره: صباح النور انت لسه عايش
عمرو ببتسامه : تخيلي بقاا
ساره: ماشي بعد اذنك
ولسه هتمشي عمرو وقفها: ممكن اتكلم معاكي شويه
ساره بستغراب: بخصوص اي
عمرو ببتسامه: بصراحه حابب اتعرف عليكي اي رايك
ساره ابتسمت: كسفتني ياسمك لي (وفجاه كشرت) ابعد ياض من وشي لصوت ولم عليك الناس
ومشيت وسبتو
عمرو اتصدم من ردها: ياض!!! وامبارح ولااا ونفس الجعوره اي دا
وقاطع تفكيرو صوت تليفونو بيرن وكان مراد
عمرو: اي ي برنس
......
عمرو: جاي ي عم بس متزقش
وقفل معاه
ليلي قامت وراحت لاوضة مامت مراد لقاتها صحيه
ليلي ببتسامه: حمدلله علي السلامه
مامت مراد بصوت ضعيف: الله يسلمك ي حبيبتي
ليلي: الحمدلله صحتك اتحسنت اوي وبقيتي كويسه
مامت مراد: البركه ربنا وفيكي
ليلي ابتسمت : كدا اقدر امشي وانا مطمنه
مامت مراد ببتسامه: كتر خيرك تعبتك معايا
ليلي: تعبك راحه ي طنط المهم انك قومتي بالسلامه
وفضلو يتكلمو كتير وليلي حكت ليها علي تصرفات مراد
مامت مراد: حقك عليا ي بنتي الي عدا مش سهل عليه مراد مكنش كدا ابدا كان حنيه الدنيا فيه
ليلي ببتسامه: مش زعلانه المهم انك بخير وبعدين عندو حق يخاف علي الجميل دا
مامت مراد ضحكت: فكرتيني ببنتي سلمي
ليلي: وهي فين دلوقتي
مامت مراد اتنهدت: الله يرحمها
ليلي بحزن: اسفه فكرتك
مامت مراد : لا ي حبيبتي متتاسفيش وانا مش نسياها عشان افتكرها (وبدات تفتكر الي حصل لبنتها) ماتت في حادثه عربيه
ليلي بحزن: الله يرحمها
مامت مراد بحزن: ودا كان سبب من الاسباب الي خلت مراد قلبه يقسي اكتر حتي صورتها ديما معاه وحطتها في الاوضه بتاعته
ليلي افتكرت الصوره الكبيره الي كانت في الجناح بتاعه وفتكرت ردت فعله وتكلمت بحزن: الله يرحمها (وكملت) طب ممكن ترتاحي شويه بقا
مامت مراد بحزن: خليكي معايا شويه انا علطول لوحدي وساكته ومبلاقيش حد اتكلم معاه واديكي شايفه القصر كبير ومراد وعمرو علطول في الشغل
ليلي ابتسمت: حاضر
وفضلو يتكلمو ويضحكوا سوا وفجاه حد جه
...: انا جيييت
في مكان تاني
ولاء بخوف: مراد بيه حضرتك جايبني هنا لي
مراد قام وقف مكانه وباين عليه الهدوء التام ودا الي خوف ولاء اكتر: الاه قوليلي ي ولاء كنتي بتحاولي تطلعي من القصر لي امبارح
ولاء: ك... كنت ااا كنت... ك..
مراد بهدوء وخبث: مالك بس متوتره كدا لي تعالي اقعدي
ولاء : ل.. لا العفو ي بيه
مراد بصيغة امر: انا بأمرك مش باخد رايك تعالي
ولاء كانت رجليها بتترعش من كتر الخوف ولسه هتمشي خطوه علي سجاده كبيره فاصله بينها وبين مراد
مراد: تؤ تؤ تؤ كدا هتعدي علي سجاده الشرف الحمرا دي بالجذمه اقلعيها
ولاء بصت ليها شويه
مراد بحده: يلاا
ولاء خافت وقلعت الجذمه بسرعه وقدمت خطوه وبعدها صرخت من كتر الوجع ورجليها كلها د.م
السجاده كانت كلها ازاز متكسر صغير
مراد بصلها واتكلم ببرود: تؤ انتي مش عارفه اني بكره الصوت العالي يلا تعالي اقعدي استريحي
ولاء مشيت خطوه كمان وصرخت بصوت اعلي وبدموع: انا اسفه ي بيه ابوس ايدك ارحمني
مراد: استغفر الله تبوسي ايدي اي بس (وتحولت ملامحه من الهدوء للغضب الشديد) مين الي بعتك
ولاء بدموع: محدش بعتني ي بيه
مراد اتكلم تاني بصوت هادي : كدا ي ولاء بقا انا كنت عايز اعفو عنك تقومي تكدبي عليه طب قدمي خطوه كمان
ولاء بدموع: لا ونبي خلاص هقول
مراد ببرود : خلاص قولي
ولاء بدموع ورجليها بتترعش وكلها د.م: معرفش ي بيه غير ان حد رن عليه وعرض عليه فلوس كتير اوي مقابل اني احط الحقنه في المحلول الفلوس عمتني ومقدرتش ارفض
عمرو : خدي الحقنه ازاي
ولاء وهي بصه لرجليها الي مش قادره تحركها: رن عليا تاني وقالي ان في حد برا القصر واقف معاه الحقنه وقالي اطلع اخدها منه
مراد كان ساكت تماما وبيسمع وولاء بصاله ومرعوبه منه
عمرو: شكله اي
ولاء بدموع : معرفش الدنيا كانت ليل اوي مشفتهوش وكمان كان حاطت قناع علي وشه
مراد قام فجاه و.........
#يتبع
#بقلمي رحمه محمد
اسفه علي التاخير وكبرت البارت اهو ♥♥