رواية اسمي جميله (كاملة جميع الفصول) حصريا عبر دليل الروايات بقلم حروف كاتب
رواية اسمي جميله الفصل الخامس
الحلقة الخامسة)
في اليوم التاني
في قاعة الطعام
كانو قاعدين بيفطروا
نزلت سارة بهدوم النوم
كانت لابسة حمالات وشورت بس
سارة: صباح النور
مي: صباح...
وانتبهت مي للبسها
مي: ايه ده يا سارة
سارة: ايه يا ميمو فيه حاجة
مي بغضب: اه فيه ايه اللي انتي لابساه ده
قعدت سارة على مائدة الطعام
سارة: ايه يعني هدوم ثم مفيش حد غريب
مي: ومن امتى بنلبس كدة في اليوم يا سارة
سارة: مش شايفة انك كبرتي شوية على انة تعاتبيني ثم انا في بيت ابويا والبس اللي يعجبني
قطع بسيوني كلامهم
بسيوني: جوزك فين يا سارة
سارة: قصدك محمود
مي باستغراب: هو فيه غيره
ضحكت سارة ضحكة عابثة
سارة: هو روح يعمل شوية حاجات وانا قررت افضل هنا شوية لحد ما الفرح يخلص
وكملت بسخرية:
ده طبعا لو العروسة مش عندها مانع
جميلة: لا طبعا معنديش
سارة: كويس
ماهر: التجهيزات خلصت
مي: ايوة يا حبيبي وجهزنا القاعة
بسيوني: تصور يا ماهر انت مش متخيل فرحتي انك بقيت بتقعد معانا كل يوم واني بسمع صوتك فرحان
انا اسعد واحد في الدنيا اني هشوفك عريس
حطت مي ايدها على كتف جميلة وقالت: كل الفضل يرجع لجميلة يا بابا
جميلة بخجل: انا معملتش حاجة
****
في اوضة جميلة
دخلت سارة الاوضة
لقت مي وجميلة
مي: سارة تعالي تعالي
سارة: جبتوني ليه على ملا وشي
مي: شوفي كدة
وورتها شوية هدوم
مي: ايه رايك في الهدوم
دي جبتها لجميلة مخصوص من برا
بدات سارة تفحص الهدوم
سارة: حلوين اوي بس مش شايفة انك كلفتي نفسك جامد
مي: ليه يعني
سارة: يعني الهدوم دب هتلبسها بعد الجواز
بس مكنش ليها لزوم البهرجة دي
اصلك عارفة ماهر مش بيشوف فمش هتفرق معاه اللي تلبسوا اصلا
اتصدمت جميلة من كلامها
مي بغضب : ليه يا سارة اللي بتقوليه ده
سارة: هو الحق بيزعل ولا ايه
بس على العموم الهدوم حلوة اوي
انا همشي بقا
وخرجت برا الاوضة
مي: مش مصدقة اللي هي بتقولوه بجد
جميلة متحطيش في بالك
جميلة بابتسامة حزينة: لا مفيش حاجة
****
في يوم الفرح
في اوضة جميلة
فاتن: انسة جميلة ارجوكي اثبتي عشان احط اللمسات الاخيرة عليكي
جميلة: بسرعة يا فاتن انا وشي اتهنى
فاتن: خلاص معدش فاضل غير فورمة الشعر
جميلة: حرام كدة
بعد ما خلصت
فاتن: انا خلصت يا انسة جميلة
بصت جميلة على نفسها في المراية
جميلة بانبهار: هي مين دي
قامت جميلة من الكرسي
مي بإعجاب: ياه يا جميلة شكلك يجنن
مبروك
جميلة: الله يبارك فيكي يا عمتو
وخرجت جميلة مع عمتها
لقت ماهر واقف قدام الاوضة
جميلة بفرحة: ماهر
ماهر: جميلة خلصتي
جميلة: ايوة
وكملت بإعجاب
شكلك حلو جدا
ابتسم ماهر ابتسامة باهتة وطبع قبلة على جبينها
جميلة وشها احمر
ماهر: ده رد لبتاعة المرة اللي فاتت
بدا بسيوني يتامل جميلة ورجعتله بغض الذكريات
مي هنسافر في ودنه: مش هتقول كلمة حلوة
ابتسم بسيوني وقال: جميلة
بصتله جميلة باستغراب
كمل: مبروك خلي بالك من ماهر
ابتسمت جميلة بفرحة
وبدون ما حد يتوقع جريت وحضنت بسيوني وقالت: انا فرحانة انك ناديتني باسمي من غير زيادات ولانك اول مرة تقولي كلمة حلوة
ابتسم بسيوني
بعدت جميلة عنه وراحت مسكت في ايد ماهر.
مي: يلا بينا الناس مستنية تحت
نزلوا وانبهرت جميلة
كانت اول مرة تشوف القاعة اللي في القصر
وفجاة سمعت صوت بتحبه بينادي: ابلة جميلة
بصت جميلة وراها لقت فاطمة وسالم
بصت جميلة وراها وابتسمت ابتسامة كبيرة
جميلة بفرحة: حبايبي
سابت ايدين ماهر
وجريت على اخواتها وخدتهم كلهم بالحضن
جميلة: وحشتوني يا مقاريط وحشتوني كلكو
ندى: جميلة شكلك حلو اوي
فستانك جميل جدا
جميلة: شكرا يا قلبي انتي
وبعدين بصت لامها بعيون دامعة
قربت منها منى ومدن ايديها تمسح دموعها
منى: امسحي دموعك يا جميلة
وخدتها بالحضن وقالت: عشت وشوفتك عروسة يا جميلة
جت مي وسلمت على منى
مي: متتصوريش فرحتنا بجيتك عاملة ازاي
منى: خلو بالكوا منها دي اول فرحتي
مي: اكيد
من بعيد سارة بتوشوش جوزها
سارة: شوفت دول عيلتها باين
محمود: واضح انها جاية تعرف عيلتكم
ضحكت سارة وقالت: الظاهر كدة
بعد كدة جريت جميلة على ماهر وقالت: مااهر
وفجاة وهي بتجري وقعت على وشها
اتصدمت مي ومنى
وطلعت ضحكة من سارة وضحك الكل وراها
حست جميلة بالاحراج الشديد وفجاة اتمدت ايد تساعدها
فاتن: انتي كويسة
جميلة بابتسامة: شكرا يا فاتن
قامت جميلة ووقفت جمب ماهر
ماهر: ايه اللي حصل
جميلة: محصلش حاجة
ومسكت ايده وراحو عند الكوشة
وبعدين جت التورتة
جميلة: ماهر التورتة جت
ماهر: هتساعديني اقطعها مش كدة
جميلة: اه طبعا
وبدات جميلة تقطع التورتة وقبل ما يبداو
همست جميلة لماهر: الحقني انا كدبت انا مبعرفش اقطع التورتة
ضحك ماهر
ماهر: خلاص سيبي نفسك ليا
وبعد ما قطعوا التورتة
جه اتنين يسلموا عليهم
ماجد :ماهر مبروك فاكرني
ماهر: عمو ماجد مش كدة
ماجد: طول عمرك نبيه
وسلم على العروسة وقال: مبروك يا عروسة خلي بالك منه
جميلة بابتسامة : الله يبارك فيك
ماجد: ولو اني حاسس اني ضيف غير مرغوب فيه جميلة باستغراب: ليه
ماجد: ده موضوع قديم كدة
اهم حاجة مبروك ليكو
****
خلص الفرح وطلع ماهر مع جميلة على اوضته
قعد ماهر على السرير
ماهر: ياااه كان يوم متعب جدا
بدات جميلة تفتح الدولاب
جميلة: معاك حق
بس انا مستغربة نقلوا حاجاتي عندك بالسرعة دي ازاي
ماهر بابتسامة: الخدم عندنا نشيطين جدا
جميلة: ما هو واضح
ماهر: مش هتيجي تقعدي جمبي
جميلة باحراج: انت عايزني اقعد جمبك ليه بقا
ماهر: هو العريس بيعوز ايه من عووسته يعني
احمر وش جميلة
جميلة بغضب : انت منحرف اخلاقيا وبحذرك تقرب مني ماشي
ضحك ماهر وشه احمر
ماهر: انتي دماغك بتحدف بعيد كدة ليه مش قصدي كدة
حست جميلة باحراج اكتر
جميلة: انت بتتريق عليا
طب انا هروح انام لوحدي
ماهر بضحك: خلاص خلاص اسف تعالي هنا
قعدت جميلة جمبه
جميلة: على فكرة انت مكار جدا
ماهر: كانو بيقولولي كدة وانا صغير
وضحك
بصتله جميلة بحنان
واكتشفت انه جواه روح طفل
***
في اليوم اللي بعده
صحيت جميلة على صوت خبط على الباب
جميلة: مين ممكن يكون دلوقتي
وراحت تفتح الباب
لقت خدامة قالتلها: اسفة على الازعاج جبتلكوا الفطار
هدت جميلة منها الصينية وقالت بابتسامة: شكرا
وقفلت الباب
ودخلت حطت الصينية على السرير
وقربت من ماهر براحة وقالت في ودنه: توووووت
اتفزع ماهر وصحي من النوم وقال: يمااااما
ضحكت جميلة وقالت: كل ده نوم
ماهر: جميلة
حرام عليكي ليه عملتي فيا كدة
جميلة: بردهالك
وساعدته يقوم
جميلة بابتسامة :يلا الفطار
وبداو ياكلوا
****
بعد مرور ميعاد الفطار
نزلت جميلة عند اوضة الجلوس
لقت سارة
سارة: صباحية مباركة
جميلة: الله يبارك فيكي
شاورت سارة على صورة وقالت: شايفة الصورة دي
كانت صورة لعيلة مكونة من اربع افراد
جميلة باستغراب: مين دول
سارة: دول عيلة ماهر
وده ماهر وهو صغير
بصت جميلة عليه وقالت: كان لطيف اوي
سارة: بس انتي متعرفيش اللي حصلهم
جميلة: حصلهم ايه
سارة بسخرية : هو ماهر مش قالك
جميلة هزت راسها بالنفي
قربت منها سارة وقالت بخبث: ماهر قتل عيلته
اتصدمت جميلة
جميلة: انتي بتقولي ايه
سارة: زي ما قولتلك
بس ده سر يفضل بينا
وغمزتلها وسابتها ومشيت
وقفت جميلة مذهولة لحظات
وبصت على الصورة العائلية
وقالت لنفسها بصدمة: ماهر
ق...تل عيلته
يتبع في الحلقة الجاية
تفتكروا سارة قصدها ايه بالكلام ده
يتبع............
•تابع الفصل التالي "رواية اسمي جميله" اضغط على اسم الرواية