رواية الاسطى سارة (كاملة جميع الفصول) حصريا عبر دليل الروايات بقلم فاطمه عادل
رواية الاسطا سارة الفصل الخامس 5
البارت 5
"فى القسم عند تميم"
ايهاب: ابن الل........بيهددك باختك
تميم : شوفت بس ورحمة امى اللى وصتنى عليها مانا سايبه فى حاله
ايهاب : تفتكر مين اللي بيعرفه كل تحركاتك
تميم : هو فى غيره ، بس والله ماهسيبه هو كمان
ايهاب : تقصد مين ، مؤمن
تميم : هو طبعا ، اكبر مرتشى فى الداخليه وبسبب زف|ت منصور ومعارفه محدش يقدر يقربله
ايهاب : مش عشان سواد عيونه بيعمل كده ، ده عشان بيمشيله مصالحه وكمان مراقبله كل أعدائه واولهم انت
تميم : معاك حق ، بس ده عايز تخطيط على كبير
ايهاب : فعلا لأن اللى وراه مش سهل ابدا
تميم لسه هيتكلم ، الباب خبط ودخل العسكرى
تمام يا افندم
تميم : خيير
العسكرى : البت بتاعة المرة اللى فاتت برة ومس|يّحه د|م واحد
تميم قام وقف : ايييه ، دخلها بسرعه
فى مكان تانى
قاعد على الكرسى وبينفخ دخان السيجارة ببرود وهو حاطط التلفون على ودانه
منصور : بتقول عملت ايه
الحارس بتاع منصور واسمه احمد وده بيراقب سارة من ساعة ماعرف أنها تبع تميم وهو بيراقبها
احمد : بقولك سي|حت د|م الراجل ياباشا ، عشان بس مسك دراعها
توفيق بيضحك : حلو ، احب انا البنات الشرسه دى ، طب وايه اللى حصل
احمد : حصلت خناقه كبيرة ، واللى عرفته لن الراجل ده متجوز اتنين وعايز البت دى تبقى التالته بتاعتهم ، بس هى مش مدياله ريق حلو ، عشان كده بيرازى فيها فى الرايحه والجايه
منصور : يعنى سيد ده بيحبها ، ولا عايزها عشان هى رفضته
احمد : ياباشا معرفش ، بس اكيد يعنى اللى زى ده ميعرفش حاجه عن الحب ، ده عايزها متعه وخلاص
منصور : حلو الكلام ، كده بقى نلعب احنا على مزاجنا
احمد : اؤمرنى يا كبير
منصور باتسامه خبيثه : استنى سيد ده لما يخرج من عندك وهاتهولى
احمد : حصل ياكبير
قفل منصور وعلى وشه ابتسامه خبيثه : والله ياتميم لخليك ولا حاجه
فى القسم
سارة : ياباشا واحد اتعرضلى فى الطريق ومسك دراعى بالعافيه ، اعمله ايه يعنى ، أسمى عليه
تميم : وهو عمل كده ليه ، هو يعرفك
سيد : يابيه انا جارها وفى مقام خطيبها و...قبل ما يكمل
سارة : خطيب مين يلااا بقولك ايه هو انت هتتبلى عليا ولا ايه
تميم : يعنى هو مش خطيبك
سارة : خطيب مين ياباشا ، ده واحد هابه منه ومش عارف بيقول ايه ، انا اصلا مش بطيق خياله فى الشارع ، هتخطب ليه ازاى يعنى
سيد : انا بتكلم على اعتبار ما سيكون
سارة : روح بس اقدر على حريمك الاتنين وتعالى اتكلم ، قال خطيبى قال
تميم : انت شكلك راجل زبا|له وبتريل على اى ست ماشيه وخلاص ، وانا بقى هكتفى بمحضر عدم تعرض ، ولو اتعرضت ليها تانى أو اى حد يخصها ، حسابك معايا مفهوووم
سيد اتخض : بس يابيه كده حقى ضاع
تميم قام وقف وقرب منه ومسك ياقة هدومه : طب حقك معايا ، خده منى بقى لو تقدر
سيد بلع ريقه بخوف : يابيه ميصحش كده ، هى اللى ضرب|تنى وسي|حت د|مى
تميم : انت لو ماشى فى حالك مش بتتعرض لبنات الناس مكنتس قربتلك
وبعدين قولتلك حقك معايا ، لو مش هتمضى عدم تعرض ، قرب وخد حقك
سيد : همضى يابيه
سارة : طب ينفع أمشى انا ياباشا ، اخواتى لوحدهم وصاحبتى اللى معاهم اكيد عايزة تروح
تميم : تقدرى تمشى طبعا ، خرجت سارة وفجأة نده تميم
انسه سارة
سارة : ايوة ياباشا
قرب من عندها واتكلم : اخوكى حالته ايه دلوقت
سارة ابتسمت : بخير الحمد لله
تميم : لو عوزتى اى حاجه متتردديش وتعالى ليا على طول
سارة : تشكر ياباشا ، كلك واجب
تميم : العفو
فضل سرحان فى عيونها شويه
سارة : احم ، اقدر امشى
تميم : اه. اه طبعا اتفضلى
مضى سيد على عدم تعرض وتميم قام معاه بالواجب
خرج سيد وهو بيش|تم فى سارة على تميم على اللى حطه فى الموقف ده
فجاه واحد وقفه
احمد وهو حاطط السيجارة فى بوقه : بقولك يابرنس ، ولعلى
سيد بتكشيرة : مش فايقلك وحياة ابوك
احمد : مالك بس
سيد : انت هتصاحبنى يا اخ ، وانت مالك
احمد : طب ايه اللى مبهدلك كده
سيد : بنت الورمه ، الجعانه اللى معندهاش د|م
احمد : يااا ده انت شايل كتير اوى
سيد : اوى اوى ، ايه ده يا اخ عمال تجرجرنى فى الكلام وانا اصلا معرفكش
احمد : بس انا عارفك كويس وعارف اللى عملت فيه كده على فكرة
سيد استغرب اوى : انت بتشتغلنى ولا ايه
احمد : مش اللى عملت فيك كده البت سواقة الميكروباص ، وانت دلوقتى نفسك تنتقم منها وتعرفها مقامها
سيد بسرحان : بنت سواق الميكروباص اللى بتتنك عليا
احمد : انا بقى عندى الحل ، وهخليك تجيبها راكعه تحت رجليك
سيد عينه لمعت : بجد ياا...
احمد : احمد أسمى احمد ، تعالى بس معايا ومش هتخسر
سيد : ماشى يلا
مشيوا سوا وركبوا العربيه مع احمد لحد ما وصلوا لمكان منصور
دخلوا فيلا منصور وأحمد قال لسيد يستناه
سيد سمع الكلام وفضل يبص يمين وشمال بانبهار على الفيلا
احمد لمنصور : حصل يا كبير والواد اياه بره
منصور طب ادينى خمس دقائق
احمد : تحت امرك وخرج
احمد : الباشا خارج حالا
سيد : كل ده عشان اقرص ودن البت بس
احمد : انت غالى اوى عندنا
عند منصور فى المكتب
فى التلفون : يعنى يا مؤمن البت دى هتلبس على الأقل 15سنه
مؤمن : لو حبكت الموضوع بالظبط وعملت اللى اتفقنا عليه ، هتلبس ويمكن كمان تأبيده
منصور : طب واللجنه دى هتبقى فى الطريق امتى
مؤمن : بكرة الساعه 2الظهر هتكون أول دورة من الميكروباص بتاعها راجعه وهتبقى نزلت الزباين وراجعه فاضيه
منصور : وهنا بقى تتمسك متلبسه
مؤمن : بالظبط ، بس بقى متنساش حلاوتى
منصور : عيب عليك ، لو حصل الترقيه الجايه بتاعتك
مؤمن : احنا فى الخدمه واوعدك انه هيحصل
قفل منصور وخرج
منصور: ازيك يا. سيد مش كده
سيد : ايوة ياباشا خدامك سيد
منصور : سمعت عنك كتير
سيد : الله يكرمك يابيه
منصور : بص ، اختصارا لوقتك ووقتى ، انت عايز تنتقم من اللى اسمها ساره وانا هساعدك
سيد : وحضرتك هتستفيد ايه لامؤاخذة
منصور : تؤتؤتؤ ، محبش حد يدخل فى اللى ملوش فيه ، انت ليك عليا اجيبهالك تحت رجلك ، بس تسمع اللى اقولك عليه
بدأ منصور يخطط مع سيد ويعرفه هو ناوى على ايه
سارة قامت الصبح وكانت سلمى بايته معاها عشان سارة تنزل شغلها ومعاذ لسه تعبان محتاج حد يقعد معاه
سارة خرجت من الاوضه بعض ما لبست
سلمى كانت قاعده ومجهزة الفطار وبتاكل معاذ وميس
سارة : ياصباح الورد ، ياااا الواحد يقوم الصبح يلاقى الاكل جاهز كده والدنيا رايقه
سلمى : عدى الجمايل ، على الله يطمر
سارة والاكل فى بوقها : بعد ياختى بعد ، يلا بقى انا نازله
سلمى : ربنا معاكي ، خلى بالك من نفسك
سارة بضحكه : بتكلمينى انا
سلمى ضحكت : ايوة صح ، هو انا بكلم مين ده انت الراجل اللى يقولك مساء الخير بيبقى عزاه بليل
سارة ضحكت : طب سلام بقى هتاخر
سلمى : ربنا معاكى يارب
نزلت سارة وماشيه فى الشارع
وبتصبح ع الناس والجيران
شافها سيد وهى ماشيه وابتسم بخبث
سارة : مال امه ده ع الصبح
وصلت سارة الموقف وركبت الميكروباص
يلا يا افنديه كده والنبى لموا الأجرة سوا وابعتوها مرة واحده
توكلنا على الله
مشيت سارة مشوارها ووصلت وهى راجعه
فى لجنه على الطريق والظابط اللى فيها ايهاب
سارة : يافتاح ياعليم ، الواحد لسه يدوب بيقول ياهادى
وقفت سارة
ايهاب : رخصك يسطا ، ايه ده الانسه سارة
سارة : اهلا يا ايهاب بيه
ايهاب : اهلا بيكى ، انتى بتعدى من هنا كتير
سارة : ده طريقى
ايهاب لسه هيتكلم جاله عسكرى
تمام يا افندم
ايهاب : خير
العسكرى : فى أوامر بتفتيش العربيه دى
ايهاب : نعم ، ده ليه
العسكرى: دى اومر رئيس المباحث نفسه
ايهاب بص لسارة ومستغرب
سارة :فتش ياباشا ، انا فى السليم
بدأ التفتيش فى العربيه والعسكري بيرفع الكرسى
العسكرى : تمام يافندم
ايهاب : خير
لقيت ده ياباشا
ايهاب : فرش حش|يش
سارة : ياليله سودا ومهببه بهباب
ايهاب :.............
•تابع الفصل التالي "رواية الاسطى سارة" اضغط على اسم الرواية