رواية حين تقع في الحب بقلم ندي علي حبيب الجزء الرابع عبر مدونة دليل الروايات
رواية حين تقع في الحب الجزء الرابع الفصل التاسع و الاربعون 49
” الفرح خلص وكل عريس اخد مراته وراح علي شقته فرحه مخلوطه بشعور عزم الاستوعاب اليوم اللي خلص في 24 ساعه دا بقالهم كتيرررر اووي مستنينه ”
” عند اسر وحبيبه ”
اسر نزل من العربيه بتاعته بكل شياكة وراح فتح الباب لحبيبه ومسك ايدها : هقولك من هنا نورتي حياتي وعمري كله ” وباس ايدها واخدها ودخل البيت وقفل الباب ”
” الشموع والورد والريحه الجميله اللي موجوده حبيبه من فرحتها مش عرفه اقول ايه غير انها بصه لاسر بدموع وبس”
اسر قرب منها ومسح دموعها : ممكن منعيطش وومكن تخليني افرح بيكي ؟
حبيبه بصوت مبحوح : من حبي فيك لازم اعيط انا فعلا مش عرفه اتكلم ولا عرفه اعمل ايه صراحه يعني
اسر راح شغل اغنية ” ملكة جمال الناس وراح ليها شدها في حضنه ”
اسر بهمس في ودنها : طول عمري بحلم يبقالي حد ابقي قلبه ويبقالي جت احلي من رسم خيالي ملهاش شبه هوصفهااا بإيه ” وبعد وباس راسها وفك الطرحه بتاعتها وفرد راسها وبص في عيونها ” صاحبة عيون هاديه بريئه ” وابتسم ليها ” قلبي انخطف مني دقيقه ودا صعب اوووي بنسبالي او عمري ما اتعودت عليييه ” وحضنها ولف بيها ” ملكة جمال الناس دلوقتي ملكي خلااص يا مثبت الاحساس جواها ثبتني ” ونزلها من حضنه ”
حبيبه بحب بصت ليه وحطت ايدها علي وشه : انا بموووت فيك من النهارده هتبقي الاب والسند هتبقي كل حاجه ليا يا اسر مش مصدقه ان هنام في حضنك علطول انا بحبك
اسر حضنها وشالها : وانا بعشقك كل يوم هحبك اكتر اوعدك هتبقي السر والصحبه مش الزوجه والحبيبه بس يا حبيبة ايامي ” وطلع علي قوضة النوم وهي في حضنه ”
………………………….
” في شقة غسان ”
” نور راحه جايا في الصاله جواها قلقان خايف مش مرتاح شعور كتير هي مش عرفه تحدده بس اللي متأكده منه انها عوزه حبيبه او عوزه تطمن عليها ”
غسان كان بياخد دش طلع والفوطه علي رقابته يدور علي نور : في ايه يا نور راحه جايا في الشقه ليه دلوقتي تعبانه ولا ايه ؟
نور بقلق بصت ليه : انا عوزه حبيبه يا غسان عوزه اطمن عليها دلوقتي عوزه اسمع صوتها ؟
غسان رفع حواجبه الاتنين في وقت واحد وبص ليها : حبيبه اللي هي المفروض العروسه واللي حاليا انا وانتي والعيله كلها عرفين ان هي مع جوزهاااا ” وضغط علي كلمة جوزها ”
نور بصت ليه بتوتر : مليش فيه جوزها مش جوزها هي بنتي وانا عوزاها ؟
غسان راح عندها بهدوء ومسك ايدها وقعدها علي الكنبه وقعد قصادها علي الطربيزه : طيب نفهم بس انتي عوزاها ليه ؟
نور : قلقانه عليها ؟
غسان : من ايه من اسر ؟ مصدقش دا حبيبه بتعشق اسر دا وقفت في وشنا علشانه مش لما احنا اتجوزنا انا اخدتك من امك ؟
نور بصت ليه : ايوا
غسان : وكانت فرحانه لبنتها انها خلاص استقرت في حياتها مع جوزها طيب ليه مش فرحانه لحبيبه ؟
نور بسرعه : والله فرحانه يا حبيبي بس انا قلقانه
غسان : مفيش قلق حبيبه زي الفل وانا متأكد حاليا احنا نقوم نعمل كوبايتين شاي ونطلع البلكونه نسهر علي صي القمر ايه رأيك يا قمر ” وباس ارنبة مناخرها ”
نور ضحكت بخجل : طيب اسبقني بقا علي ما اعمل الشاي وبراحه وانت بتفتح البلكونه ادم نام ومصدقت نيمته ” وقامت علي المطبخ “
” غسان دخل الاوضة غطي ادم كويس وفتح البلكونه وقعد يستني نور بص علي القمر وفضل يفكر في عيلته وحياته وولاده ونور وكل حاجه بس الغريب المره دي انه بيفكر بسعاده جواه وابتسامه علي شفايفه ”
غسان ببتسامه : بالله الدنيا دي صغيره وعمرها ما تستاهل الزعل ولا النكد
نور من وراه : هي ايه دي اللي متستاهلش الزعل ولا النكد ” وحطت الصانيه علي الارض وقعدت جنب غسان ”
غسان ضمها لحضنه : الدنيا يعني بفكر ان لو احنا مكناش اتقابلنا حياتي كانت هتبقي ازاي ؟
نور ببتسامه : كنت هتستناني لما اجي برضو علشان احنا قدر بعض
غسان بص ليها ببتسامه ومسك كوباية الشاي يشرب منها : يابووووووي علي كوباية الشاي العسل دييي
نور ببتسامه : بالهنا يا حبيبي
غسان : مش القصد الشاي مسكر اوووي ؟
نور بغيظ شدت الكوبايه : هااات مش ضروري تشرب
غسان بضحك وهو بيبوس راسها : بنكشك يا بت وانتي حلوه علي المسااا كدا
…………………………….
” في البلد عند مصطفي ”
” وصل مصطفي بالعربيه قدام البيت بتاع الجد الكل كان منتظرينه هناك قدام البيت والنور مالي البيت واللي بيضحك واللي بيرقص والجو فعلا يخليك تضحك لوحدك نزل مصطفي من العربيه ونزل فرحه ومسك ايدها وراح ليهم ”
الجد وقف ومصطفي باس ايده وحضنه : الف مبروك يا غااالي تتهني بعروستك وربنا يتمم بخير
مصطفي : يبارك في عمرك ويخليك لينا ياحج
فرحه راحت عند الجد وباست ايده : جوزك دا يعني انتي شرفه وعرضه تحافظي عليه وتاخدي بالك منه زي ما الكلام ينطبق علي مصطفي مراتك تاخد بالك منها
فرحه بحترام :في عيوني يا جدو والله
الجد هز راسه لمصطفي : يلا يا مصطفي خد مراتك واطلع شقتك وربنا معاكو في حياتكم يارب
” مصطفي مد ايده لفرحه وشدها عليه وشالها وطلع بيها ”
فرحه بخوف عليه : مصطفي ضهرك يا حبيبي نزلني الفستان تقيل
مصطفي بص ليها بطرف عينه : هتسكتي ولا ابوسك وانا اصلا ملمستش شفايفك ولا مره ف انا مستني ادوووق كتير بقااا يعني علي اخري
فرحه بخجل : هسكت خلاص
” مصطفي طلع قدام شقته في الدور التالت ونزل فرحه وفتح الباب ودخلو الاتنين وقفل الباب”
“مصطفي قلع جاكت البدله وبيفك زراير الكمام بتاع القميص ”
فرحه بتوتر : انت بتعمل ايه ؟
مصطفي بستغراب : هغير البدله دي علشان حران بشكل رهيب ” وبص ليها بمكر ” بس ادوق الاول ” وبيقرب منها ”
فرحه بترجع لورا : تدوق ايه يا صاصتي ؟
“مصطفي شدها عليه وبص في عيونها وايده ورا رقابتها وباسها بشوق وحب رهيبب شويه وفرحه استجابت معاه ودي كانت بداية حياة زوجية سعيده ”
………………………
” في الشقه عند عاصي “ً
” ندي قعدة علي السرير بتحط كريم مرطب علي رجليها وايديها وعاصي لسه تحت مطلعش ”
” ندي غمضت عينها وبتفتكر لما كانت بتضايق من حاجه كانت تروح تحضن امها وتنسي كل الوجع والضيق اللي هي فيه طيب هي هنا هتحضن مين الكل ايوا بيحبها هنا بس محدش هيعوضها حضن امها وحشتها اووي بس متقدرش تسيب عاصي علشان هو اصبح قلبها الباب بتاع الشقه اتفتح “
عاصي : ندوشتي حبيبي انتي فين ؟
ندي : تعالي يا عاصي انا في اوضة النوم
عاصي دخل وبص ليها وفهمها من نظره راح علي السرير ونام علي رجلها : العبي في شعري يا ندوش ؟
ندي ابتسمت وفضلت تلعب في شعره : مالك حساك مضايق ؟
عاصي وهو مغمض عينه : مش مضايق بس هبطان بقالي يومين منمتش ودماغي هتتفرتك وعاوز استحمي ومكسل اقوم والله
ندي نزل علي راسه باستها : طيب هقولك علي عرض مغري هقوم اطلعلك هدوم تاخد شور علي ما اجهز المسكات واعملك ” ولسه هتقوم مسكها بصرخه ”
عاصي : لااااااء مسكاااات لاء بقولك مهدود وهلكان وبموت ومكسل اقوم استحمي وتقوليلي ماسك انا فكرتك هتقوليلي هرقصلك ولا حاجه ؟
ندي برفع حاجب : هو انت اللي مهدود لوحدك يعني كلنا مهاديد يبااااا انت اصلا مينفعش معاااك دلع
عاصي بضحك : يا حبيبي والله مش قادر لمسكات النهارده خليها بكرا هدخل اخد شور واجيلك ” ودخل علي الحمام ”
ندي : ايه الراجل اللي مبيحبش النضافه دا ياربي فين العقارب كنت بجرب السنفره علي وشهم وساكتين والله لو كنت قعدت ساعه في بيت جدي كمان كان زماني ولعه في شعر وحده ولا حاجه
………………………………
” في شقة عمر ”
عمر كان جاااي من القاعه كلمة تعبااان قليله علي اللي حسه دخل علطول نام وساب نورهان قعده بتاكل في نفسها وهو مش عارف ليه بس قرر يسألها الصبح ”
نورهان دخلت الاوضه بعياط : عمرررر الحقني اصحييي بسرعه
عمر قام مفزوع : اهدي يا حبيبتي في ايه في ايه اهدي واحكي ابويا منير حصله حاجه في ايييه انطقييييي
نورهان بشهقات : فرحه قفله فونها ياعمر ؟
عمر غمض عينه ورزع ايده في السرير بغضب : واناي عوزه اييييييه من فرحه يا نورهاااااان الساعه 3 الفجرررر فهمينيييي النهاااارده دخلتها عوزه ايييه منهااااا
نورهان مسحت دموعها : انت قولت الساعه 3 الفحر يعني خلاص مبتردش ليييه ليكون حصل ليهم حاجه ياعمررر
عمر بهدووء غير اللي جواه شدها وقعدها علي السرير : اسمعي يا روحي النهارده فرح بنتك يعني لازم تكوني فهمه وعرفه انها مع جوزها والمفروض نديهم مساحتهم ولا ايه ؟
نورهان : يعني ارن كمان ساعه كدا ؟
عمر : لاء انتي حاليا هتتخمدي جنبي والصبح نبقي نكلمهم انتي ايه اللي مصحيكي اصلااا ” وشهدها في حضنه ” نامي يلااااا
” نورهان سمعت كلام عمر وفعلا نامت علطول لانها كمان تعبانه وهبطانه نامت بهدوء علطول “
- يتبع الفصل التالي اضغط على (رواية حين تقع في الحب ) اضغط على أسم الرواية