Ads by Google X

رواية سلف و دين الفصل الثامن و الاربعون 48 - بقلم لولو محمد

الصفحة الرئيسية

   رواية سلف و دين كاملة بقلم لولو محمد عبر مدونة دليل الروايات 


 رواية سلف و دين الفصل الثامن و الاربعون 48

فى شقه مصطفى
على / طب والله الواحد وحشته قاعده الرجاله اوى
محمد / و بتقولها قدامى
على / هتفتن عليا و لا ايه
محمد / هههههههههههه و ان فتنت نور ما بتسخنش
على / رينا يديمها عليها نعمه
محمد / تعرف يا على نور دى اطيب واحده فى العيله دى عمرها ما عملت مشكله مع حد و لا زعلت حد منها حتى لما حد بيجي عليها و لا يزعلها ما كانتش تعرف تاخد حقها مش زى حسام و لا زى امها
على / زيك
محمد يبص لعلى
محمد / زيي ما خادتش منى غير خيابتى
على/ مش خيابه الاذى مفيش اسهل منه انما انك تعمل الصح و تجاهد نفسك ده الصعب بعينه
محمد / احيانا بيكون عجز مش جهاد
على يسكت
محمد / جربت العجز يا على
على يبتسم بحزن
على / دا انا ما جربتش غيره يا عمى بس ربك بيعوض
محمد / و نعم بالله
على / اهو ده بقي عيب القاعده الناشفه بتقلب نكد
محمد / ههههههههههههههههه
على / انا هطلب عشا و اناديهم يجوا يتعشوا معانا و نشوفنا فيلم و لا حاجه
محمد / خليها بيتزا سى فود
على / عيني للغالى
محمد يضحك وعلى يقوم يتكلم في التليفون
…………………
فى كافيه
ندى / و فيها ايه لما ادانى كتب جديده يعني
حسام / فيها حاجتين الاولى انك بتسيبى الباب مفتوح بينك و بينه و السبب التانى انك سبتى حبيبه لوحدها فى البيت و نزلتى
ندى / اولا انا اتاكدت ان المفتاح فى ايدى قبل ما اقفل الباب و كنت مرضعاها و مغيرالها و منيماها و ما اتاخرتش دا يادوب ما كملتش عشر دقايق
حسام / و ثانيا
ندى / ان مفيش اى حوار بيني و بينه اتفضل الكتاب انا مجهزلك كتب جديده
حسام / بالظبط طب المره الاولى كنتى قاعده و اخدتى الكتاب و قالك كمليه انما بيفكر فيكي و بيجهزلك كمان دا ناقص يطلع يوصلك الكتب بنفسه
ندى / مش شايف انك اوفر اوى
حسام / ماشي يا ندى … هخليني اوبن مايندد و هكبر دماغى بس لو الموضوع زاد عن كدا ما اوعدكيش ان رد فعلى هيعجبك
ندى / هتعمل ايه
حسام / كتير … و ياريت العلاقه بينا ما توصلش لكدا و ساعتها مش هبقي الغلطان زى المره اللى فاتت
ندى / انا ما بخافش منك
حسام / و انا مش بخوفك انا اصلا ما بخوفش بس اتقى شر الحليم اذا غضب
ندى / انا ما بعملش حاجه غلط انت بقي عارف انك عامل حاجه غلط و خايف
حسام / ما تسبيش الباب موارب للحراميه و تقولى ما بعملش حاجه غلط ان كان على الكتب و حبك المفاجئ للقرايه اجبلك شوال كتب
ندى / بتنقيهالى على زوقك
حسام / و هو منقيها على زوق امه يعني ما تتعدلى … و بعدين بسيطه ابقي اخدك تنقى انتى حاجه تانى
ندى / مش راده عليك
حسام / براحتك انا اصلا خلصت الكلمتين اللى عندى
ندى / انا كان ممكن ما اقولكش اصلا على فكره
حسام / عشان بدل ما يبقي غلط واحد يبقوا اتنين
ندى / يوووووه بقي انت مخرجنى تنكد عليا
حسام / انى اعلمك الصح من الغلط
ندى / انا مش صغيره انت اللى على راسك بطحه و مش واثق فى نفسك
حسام / انا اللى عندى قولته و انتى ما غلطتيش لما قولتى انك مش صغيره و بيتهيالي كبيره كفايه انك تتحملى نتيجه افعالك
ندى / مش راده عليك
ندى تبص الناحيه التانيه حسام يشاور للمتر بالحساب
……………….
فى شقه محمد
الكل متجمع بيتفرجوا على فيلم بنك الحظ و قدامهم بيتزا و ساقع و مسخسخين من الضحك امانى تطلع السلم و تسمع الضحك تفتح باب الشقه و تدخل تلاقى الشقه فاضيه
امانى / ما ليك حق طبعا طب والله لاوريك
امانى تطلع تسمع صوت الضحك
امانى / طيب عيني حاضر
امانى تطلع موبايلها و تتصل بتهانى
امانى / ايوه يا تهانى
تهانى / عملتى ايه طمنيني لقيتيه عندهم
امانى / اه لقيته قاعد و مكركر معاهم زى ما قولتى
تهانى / و نور راضيه بالوضع
امانى / نور !!! و هى نور بقالها شخصيه من ساعه ما اتجوزت سبع البرومبه
تهانى / هى فره فى العيال و لا ايه
امانى / يا ميله بختى فى عيالي و جوزى
تهانى / و هتعملى ايه
امانى / لا دا انا هعمل و هعمل و هعمل الاول معكيش رقم نجار يجي بسرعه
تهانى / و اشمعن نجار
امانى / هغير الكالون و انيمه على السلم
تهانى / ازاى يعني هتطرديه من بيته
امانى / لا دى شقتى بحكم القانون
تهانى / اقصرى الشر و بلاش جر شكل مهما كان اللى بينكوا ما يطلعش بره بيتكوا
امانى / و لا هيعتبها
تهانى / هيطلع ينام مع مصطفى و يقولك اولعى بيها
امانى / يبقي ينام مع اخوه
تهانى / ساعتها هيبان قدامها مسكين و تاخده هى بقي على الحجر
امانى تهدى
تهانى / خبطى عليهم و قولى انك كنتى جايه لنور تساعدك تلمى شويه حاجات
امانى / حاجات ايه و انا جايبه حاجتى معايا
تهانى / دول وسخين جايه تاخدى حاجات نضيفه
امانى / و هو انتى ما عندكيش غساله
تهانى / اى كلام هو حد هيراجع وراكى
امانى / انتى شايفه كدا
تهانى / ايوه خشي نكدى عليهم ما تسبيش حقك
امانى / ادعيلى
تهانى / ربنا معاكى ابقي طمنيني
امانى تقفل السكه و تخبط على الباب على يفتح يشوفها يستغرب يبص لمحمد
امانى / جرا ايه يا جوز بنتى هتسبنى على الباب و لا ما صدقت خلصت منى
على / استغفر الله يا طنط بالعكس انا مبسوط جدا ان حضرتك جيتي
نور تجرى تطلعاها
نور / اتفضلي يا ماما تعالى
امانى / لا انا عوزاكى تحت طلعتلط فوق ما لقتكيش
على / طب ما كنتى تكلميها على الموبايل حضرتك كانت هتنزلك
امانى / معلش ليكوا نصيب تشوفونى انا نازله يا نور
امانى تنزل و نور تنزل وراها محمد يجي ينزل على يمنعه
محمد / ايه !! ما هى جت اهى
على / كمل السهره و بعدين انزلها
محمد / انت ناوى على خراب بيتي يا على
على / هى مش جتلك زى ما قولت
محمد / حقه انا لسه مش مصدق روحى
على / خلاص اسمع كلامى خليك كمل الفيلم و بعدين انزل و لما تكلمك تعمل زعلان انها سابت البيت و مشيت و روحت تراضيها و ما عملتش حساب لمجيتك خليها هى اللى تصالحك انت فى مركز قوه دلوقت ما تضيعش تعبك
محمد / انت شايف كدا
على / ايوه مش بيقولوا التقل صنعه اتقل مره واحده بس
محمد يتنهد و يهز راسه و يدخل يقعد
………………..
فى شقه امانى
نور / يعني اسيبه يكتئب يعني
امانى / لا فرفشيه و دلعيه و هاتيله نسوان كمان
نور / انتى بتقولى ايه يا ماما
امانى / و هو هيعرف قيمتى منين ما دام مبسوط من غيرى
نور / ما انا لو ما بسطوش هيدور بره على واحده تبسطه و دا فكره الجواز لسه ماليه دماغه
امانى / و طبعا الست ام المحروس كانت قاعده باروقله دمه معاكوا
نور / لا كانت قاعده معانا عادى
امانى / و ما تقعدش فى بيتها ليه ما لهاش بيت يلمها
نور / عيب كدا يا ماما
امانى / عيب !! بتقوليلى انا عيب كتر خيرك يا بنت بطنى
نور / هى وصلت لبنت بطنى … طب بصي بقي خليكي جدعه بقي ما دام جيتي و لمى الدنيا مع بابا
امانى / و هو فين ابوكى يا اختى ما هو بيدلع فوق مع الغندوره
نور / يا ماما عيب كدا الكلام ده كبير
امانى / طبعا خايفه على زعل سبع البرومبه بتاعك انما امك تولع
نور / انتى بتقولى ايه يا ماما
امانى / ما بقولش … حالا تطلعى تقفلى الليله دى و تاخدى جوزك و حماتك و تطلعوا شقتكوا
نور / ازاى يعني مش لما الفيلم يخلص
امانى / هتطلعى و لا هطلع امسحلك بيهم الارض
نور / هطلع هطلع يارب بقي يارب
نور تمشي و امانى قاعده بتفرك
…………………..
فى شقه مصطفى
محمد قاعد كل شويه يبص فى الساعه و مصطفى و ليلى بيبصوا على الفيلم و على متابع محمد
محمد / كفايا كدا و انزل بقي
على / لما نور تطلع
محمد / ما انزل انا اطلع نور اقولك انزل ناديها انت اطلبها على التليفون
على / دا انت واقع
محمد / لا و انت اللى خبير علاقات اوى
على / هههههههههههههههههه اتلم المتعوس لامؤاخذه يا عمى
محمد / ما جاتش عليك
جرس الباب محمد يتنفض يقف و يروح يفتح يلاقي نور
نور / عشان خاطرى يا بابا انزل راضي ماما جتلك اهى ما تسوقش فيها بقي و لم الدور
محمد يبص لعلى
محمد / عشان خاطرك انتى بس … يلا يا جماعه تصبحوا على خير
محمد ينزل و نور تدخل و هى بتبص لعلى
نور / انا تعبت
على / الله يعينك خشي خشي هههههههههه
نور تدخل على يقفل الباب
………………..
فى شقه ندى
ندى قاعده فى البلكونه بتقرا حسام يدخل
حسام / انا داخل انام
ندى / تصبح على خير
حسام / ابقي خفى من القاعده فى البلكونه شويه
ندى / ما تركب حديد هنا كمان و اسجنى اقولك حطنى فى برطمان المخلل يمكن تهدى دى ما بقتش عيشه دى
ندى تقفل الكتاب و تدخل تنام جنب حبيبه حسام يدخل وراها
حسام / انا بحبك و بغير عليكي
ندى / من مين انت ليه اوفر اوى كدا انا عملت ايه او حتى هو عمل ايه عشان تعمل كل ده
حسام / مش هستنى لما يعمل
ندى / ما تخافش انا اتعلمت الدرس خلاص
حسام يدخل ينام جنب ندى الناحيه التانيه و يحضنها
حسام / انا بحبك يا ندى بحبك اوى
ندى / انا مش فى المود ابدا يا حسام لو سمحت
حسام / مش يمكن ده اللى يعدل مودك مش يمكن
ندى / بقولك تعبانه يا حسام لو سمحت
حسام / هتفضلى كدا لحد امتى يعني
ندى / لحد ما اموت و اخلص اوعى
ندى تزق ايد حسام و تقوم من فوق حبيبه و تروح تقفل عليها الحمام
حسام / كدا ما حدش يلومنى بقي
………………………
فى شقه امانى
محمد يدخل يلاقي امانى قاعده و حاطه رجل على رجل و بتغلى
محمد / السلام عليكم
امانى / اهلا
محمد / نورتى بيتك انا داخل انام
امانى/ يا اخى نامت عليك حيطه هو فى ايه طبعا ما ان غاب القط اللعب يا فار
محمد / ما حدش قال للقط يغيب
امانى / طفش من عمايلك السوده
محمد / عمايلى انا !!! ليه هو لو كانت اختك تعبانه و بتراعيها كنت وقفتلك فيها
امانى / اختى !! طب ياريت كان عندى اخت كنت روحتلها دا انا يوم ما غضبت ما لقيتش غير بيت اختك انت
محمد / ربنا يديم المحبه بس ما حدش قالك سيبى بيتك و تروحى لاختى لو مش عوزه تقعدى معايا قوليلى انا امشي
امانى / طبعا تقعد فوق و هاتك يا ضحك و كركره و افلقى راسك فى الحيط يا امانى بس العيب مش عليك العيب فى خلفه بطنى اللى مشجعاك
محمد / نور !! طلعى البت من الموضوع ما صدقنا حياتها استقرت و هديت ما صدقنا حد فى العيله دى حياته بقت طبيعيه
امانى / و ايه حكايه العروسه دى كمان
محمد / ما هو البيت من غير ست زى الموبايل من غير نت
امانى / لا و انت نتيت اوى يا اخويا
محمد / و الله العده شغاله الرك على الشبكه المهم ريحتى اعصابك عند تهانى و لا زى ما روحتى زى ما جيتي
امانى / طبعا .. نفسك ارجع تانى عشان اخليلك الجو
محمد/ ما كنتش جيتلك ارجعك
امانى / جايلى ايدك فاضيه و مستقوى قلبك
محمد / كنتى عوزانى ادخل بورد يعني
امانى / ما اشبهش اللى بيجيلهم ورد و لا اكون ما اشبهش و لا تكونش عروسه الهنا
محمد / مفيش عروسه انتى مش رجعتى و لا انتى ناويه تمشي تانى
امانى / لا دا بيتي و بيت عيالى عاوز انت تتجوز الباب يفوت جمل
محمد / عين العقل انا بقي داخل انام عشان عندى شغل صبح
امانى / نام فى اوضه حسام اوضتى وحشتني
محمد / هنام فى اوضتى و على سريرى حبيتي تنورى جنبى اكون ممنون جدا مش عاوزه ما عندناش اكتر من السراير
امانى / انت بتكلمنى كدا ليه دا جزاتى انى جيت من روحى يعني
محمد / انا زعلان منك يا امانى و اسلوب قلب الترابيزه ما عدش بياكل معايا انتى بنت اصول و التصرفات دى ما تطلعش منك دا ان ما كانش اخويا احتسبيها عند ربنا بنساعد واحد عاجز ارحموا عزيز قوم ذل
امانى / و هى كانت بنته رحمه ابنى
محمد / و هى البت اليتيمه دى عملت ايه ما هى عايشه و ساكته و راضيه
امانى / خليك انت كدا سلبى طول عمرك
محمد / ابنك عاوزها سبيه يعيش بدل ما تخربى عليه كفايانا بقي لحد كدا
امانى / الكلام معاك ما لوش عازه انا داخله انام رفعت ضغطى
امانى تدخل اوضتها محمد يدخل وراها
امانى / رايح فين
محمد / هنام انا كمان
امانى/ تنام على الطرف لا تقرب منى و لا تلمسنى و لا تحط ايدك عليا
محمد / لا و انا اللى هموت و اللزق فيكي اوى
امانى تنام على طرف و محمد ينام على الطرف التانى و كل واحد كل شويه يبص للتانى يلاقيه باصص الناحيه التانيه محمد ينفخ
محمد / خيركم من يبدا بالسلام
محمد يروح يحضنها امانى تدلع
امانى / اوعى انا زعلانه
محمد / ما تسوقيش فيها بقي انا بصالحك اهو
امانى / بعد ايه
محمد / بعد شوقه
امانى تلف و تبصله
امانى / يا سلام
محمد / هان عليكي فراقى الوقت دا كله
امانى / ما انا كمان هنت عليك
محمد / جتلك
امانى / مره
محمد / ما تيجي نفضها سيره و احنا ولاد النهرده
امانى / بشروطى
محمد / اللهم طولك ياروح
امانى/ شرط واحد ما لوش تانى
محمد / اسمع
امانى / الست اللى فوق دى لا تكلمها و لا يجمعك بيها مكان
محمد / ازاى يعني
امانى/ زى الناس لا تطلعلها و لا تنزلك و لا تتقابلوا عند مصطفى
محمد / و نور
امانى / نور تيجي تقعد معاك هنا ما فرقتش الكام سلمه دول هى تنزلهم اسهل ما انت تطلعلها
محمد / موافق مع انى مش فاهم ايه دخل الست ليلى باى حاجه بس ماشي انا اساسا ما ليش كلام معاها
امانى / يبقي اتفقنا
محمد / صافيه لبن يعني
امانى / حليب يا قشطه
محمد / اموت انا فى القشطه البلدى
امانى / ههههههه
………………….
فى شقه على
على ممدد على السرير و نور ممدده جنبه و مدياله ضهرها تقوم
على / على فين
نور / انت لسه صاحي
على / مش جايلى نوم
نور / و لا انا بجد مضايقه اوى من حوار بابا و ماما ده
على / لا ما تقلقيش اتراضوا و بقوا سمنه على عسل
نور / تبقي ما تعرفش امى
على / ضرب البهائم بالعصا و ضرب النساء بالنساء
نور / افندم … معقول يا على لتكون انت اللى شورت عليه بحوار الجواز
على / كدا و كدا يعني تهويش
نور / انت بتهزر يا على
على / ليه ما هى رجعت اهى و اتصالحوا
نور / اتصالحوا اه انما انت متخيل ان الموضوع خلص تبقي بتحلم
على / ليه يعني
نور/ لان بابا مش بيعرف يتعامل مع ستات و اكيد الفكره دى ما جاتش فى دماغه من فراغ
على / قصدك هيبيعني يعني و يقولها
نور / لا .. باختصار كدا امى فاكره ان ابويا عينه من مامتك
على / احمد يا عمر
نور / ما هو ما فيش ست غيرها قدامه
على / هى امك علاطول مسافره منها كدا و لا ايه حكايتها دى
نور / بص انا هحاول على قد ما اقدر ما يكونش فى اى احتكاك الفتره الجايه و انت تساعدنى
على / الله يكون فى عون ابوكى الراجل كان صعبان عليا دلوقت بقي صعبان اكتر
نور / على
على / ايه يا نور ايه يا نور ما هى الدماغ دى مش طبيعيه
نور / الغيره بتعمى يا على
على / بقولك ايه نامى نامى ما تقفليش اليوم اكتر من كدا
نور / على انا قولتلك لانى بثق فيك
على / هو ده كلام يتحكى اصلا و لا يتلت فيه سيره و اتقفلت
نور / على
على يبصلها
نور / انت زعلان منى
على / اكيد لا
نور / زعلان من ماما
على يسكت ثوانى نور تبصله برجاء
على / لا مش زعلان خالص
نور تنام فى حضن على يبوس راسها
نور / انا بحبك اوى يا على
على / و انا كمان بحبك اوى يا نور
نور تقون تقعد فجاه على يتفزع
نور / بس ايه حكايه ضرب النساء بالنساء دى كمان
على / يختااااااى انتى طلعتى بنت أمك و لا ايه
نور / على
على / قلب على
نور / بتكلم جد انت ممكن تخونى
على يشد نور لحضنه
على / نامى يا نور ما تشغليش بالك بالهبل ده انا لو كانت عاوز غيرك كنت اخترتك ليه من الاول
نور / اوعدنى
على / نور بطلى هبل يا ماما لا اله الا الله انا غلطان يعني انى حاولت أصلح بينهم
نور / يعني انت مش بتؤمن بكدا فعلا
على / و انتى عملتى ايه غلط تنضربى عليه يا ماما دا انتى ما عليكيش غلطه
نور تقومتقعد تانى
نور / ولو غلطت
على / لا اله الا الله
نور / لو جه يوم و غلطت يا على
على / هقولك الاول و انصحك و احاول معاكى مره و اتنين و تلاته
نور / و اربعه و ميه و مليون
على / هههههههههههه دا انتى ما بتتعلميش بقي
نور / على
على / قلب على
نور / اوعى تفقد فيا الامل
على / حاضر حاجه تانى
نور تنام فى حضن على تانى يبوس راسها
على / هى ماما نامت
نور / زمانها نامت
على / طب ايه بقي هاه
على يغمز لنور تضحك
نور / هههههههههههه
على / صحيها صحيها روحى صحيها
نور / شششششششششش
على يقوم يفتح الباب و يبص مفيش حركه يقفل الباب بالمفتاح و يرجعلها و هى بتضحك و مغطيه بقها بايديها
………………………
فى شقه ندى تانى يوم
ندى بتكلم نور فيديو كول
ندى / دا ناقص يركب حديد على الباب و الشباك زى ما عمل فى الامارات انتى متخيله جنانه
نور / ما يمكن عارف عن الواد ده حاجات انتى ما تفهنيهاش الرجاله ليهم نظره برده فى بعض
ندى / دى مجرد كتب
نور / هو شايفها مدخل
ندى / انا مش صغيره و بعرف اوقف كل واحد عند حده كويس
نور / انتى جميله و فيكي الطمع و لوحدك فى بلد غريبه الدنيا ما فيهاش امان
ندى / و هو كدا بيحميني يعني كدا بيخنقنى
نور / و هو الراجل لما يغير على مراته حبيبته يبقي بيخنقها برده يا ندى والله حرام عليكي
ندى / اقفلى اقفلى قال و انا اللى جايه اشتكيلك
نور / طب بس اهدى و انا هكلمه
ندى / مش عوزاكى تكلميه و مش عاوزه منك حاجه يلا اقفلى سلام
ندى تقفل و تحط الموبايل جنبها و هى بتنفخ يرن ما تردش و تقوم تروح المطبخ
……………………….
فى شقه نور
نور تنفخ
نور تنفخ و الموبايل بيرن فى ايدها ندى ما تردش على يدخل الاوضه بينشف شعره يفتح الدولاب يطلع طقم خروج
على / مالك بتنفخى ليه على الصبح
نور / ندى … عمرها ما هتكبر ابدا
على / اخوكى عمل ايه تانى
نور / ما عملش غيران عليها من واحد جارهم و ندى بتقول ان مفيش سبب مقنع لكدا
على ينتبه و يبص لنور
على / ايوه و ايه علاقه ندى بجارها اصلا يعني
نور / بالظبط حسام شايف ان ما فيش داعى ان يكون فى كلام بينهم بس التانى بقي بينقى لندى كتب و هى تقعد تقراها حسام راح اشترالها كتب و برده التانى ده اداها كتب فحسام اضايق و غار خصوصا ان ندى طول الوقت بتقعد فى البلكونه و هو اكيد من اللى فهمته انه كاشفها يعني
على يسكت ثوانى و باصص فى الارض
نور / سكت يعني
على / انا اعرف ندى من سنين بتزاكر فى البلكونه هى حياتها حرفيا فى البلكونه بس …
نور / بس ايه
على / حسام ليه حق يغير انا متفهم موقفه
نور / بتتكلم جد
على يبص لنور و يهز راسه
على / ندى لوحدها فى بلد غريبه حلوه و صغيره و فيها الطمع و بالرغم من ان الكتب مفيده لكن … ما حدش ضامن كتر الاحتكاك بينهم ممكن يعمل ايه
نور / هى بقى مش شايفه كدا بتقول انها كبيره و مش بتعمل حاجه غلط
على / يمكن اسلوبه كان عنيف انتى عرفاه
نور / مش عارفه انا حقيقي ما بقيتش ملاحقه افوق
على / كلميه خليه يراضيها كفايا اللى هى فيه مش هتبقي متغربه و كمان متنكد عليها
نور / كدا كدا كنت هكلمه بس المشكله فيها هى اتعصبت و اتقمصت لمجرد انى قولتلها رايك ده
على / لما تيجي تشتكيلك ما تجيش عليها اسمعى بس عشان هى ما عندهاش غيرك تحكيله لو قفلتى الباب ده فى وشها … و كمان ما تعرفيهاش انك بتعرفيني خليها تثق فيكي و تتكلم معاكى اكتر دى لا ام و لا اب و لا صحاب و احنا مش عارفين الناس اللى هناك عاملين ازاى ما تجبروهاش تدور على منفذ فى ناس ربنا وحده الاعلم بيهم
نور / معاك حق انا هكلم حسام و بعدين احاول اكلمها تانى
على / انا هنزل عشان اتاخرت … هرجع متاخر
نور / انا كمان هنزل الصيدليه النهرده
على / تمام
………………….
فى شركه حسام
حسام يطلع البلكونه و فى ايده مج و يقف يتفرج على الفيو يتفاجئ بصوت هدايه واقفه فى جنب جوه سانده على الحيطه و بتشرب سجاره
هدايه / دا الموضوع كبير اوى
حسام يبصلها و يتفاجئ هدايه تعزم عليه بالسجاره
حسام / ما بدخنش
هدايه / و لا حتى و انت صغير … فى المدرسه فى الحمام … ايه كنت الجود بوى طول عمرك يعني
حسام يبصلها
هدايه / و يا ترى لسه برده جود بوى و لاااااا
حسام / انتى رايك ايه
هدايه تنفخ الدخان
هدايه/ انت عمرك ما كنت الجود بوى و لحد دلوقت … و الا ما كنتش اتشديتلك
حسام / انا راجل متجوز و بحبها
هدايه / بس هى مش مريحاك
حسام / افندم
هدايه / على العموم براحتك
هدايه تطفى السجاره فى الطقطوقه و تبص لحسام
هدايه / لو على الطمع فانت ما حلكتش اللى يطمع فيه و لو على الفلوس الشركه مليانه اغنى منك
حسام / بالظبط امال ايه بقي
هدايه / قولتلك بتشد للباد بوى
حسام / يبقي اتوب بقي
هدايه تضحك و تسيبه و تعدى
حسام / دا انا ليا الجنه حدف على العذاب اللى انا فيه ده … ربنا يهديكي يا ندى
حسام يكمل شرب من المج
………………….
فى شقه ندى
ندى قاعده بتقرا فى البلكونه تبص تلاقي زياد بيشاورلها تبتسم
زياد / صباح الخير
ندى / صباح النور
زياد / لقيتلك كتاب جديد هيعجبك اوى
ندى / انا لسه ما خلصتش
زياد / هعينهولك
ندى / اوك
ندى تدخل جوه و تروح تقعد جنب حبيبه نايمه تليفونها يرن فى البلكونه تتنهد و تقوم تروح تجيبه و ترد
ندى / الو
نور / لسه زعلانه منى
ندى / مش زعلانه
نور / بصي انا فكرت فى الموضوع و لقيت ان معاكى حق حسام كان ممكن يتكلم معاكى بطريقه احسن بس هو خايف عليكي و بصراحه زياد ده انا مش مرتاحاله خالص
ندى / جايبلى كتاب جديد
نور / سريع اوى ما شاء الله
ندى / انا اصلا بطيئه فى القرايه بس صدقيني مسليانى جامد و الكتب فيها معلومات حلوه اوى
نور / ممكن احكيلك قصه كنت قريت عنها
ندى / احكى انا فاضيه
نور / كان فى بنت ملتزمه و مش بتكلم شباب و كل حاجه و بعدين على الفايس كدا فى جروب الكليه المهم عملوا جروب تانى للى عاوزين يعملوا ايفنتات خير و يصحوا بعض لصلاه الفجر و انشطه جميله بتاعه ربنا فى الجروب ده كان فى شاب ملتزم برده و بيشجعهم و كدا واحده واحده بدا يدخلها خاص بحجه انه بيفكرها و ياكد عليها
ندى / الرساله وصلت
نور / دخلها من باب الدين و الخير و علقها بيه كل بنت فى الدنيا ليها مدخل يا ندى
ندى / انا عارفه حدودى كويس
نور / الناس وحشين يا نونو و انتى حلوه اوى
ندى / شكرا يا نور
نور / بصي انا واثقه فيكي خلى السكه بينكوا عن طريق حسام
ندى / ازاى يعني ؟ ابعت الكتب معاه تقصدى
نور / بالظبط خلى حسام فى الصوره و كمان حاولى تخفى من البلكونه شويه
ندى / دى شباكى الوحيد على الدنيا يا نور طول الوقت بين اربع حيطان بتخنق
نور / يا حبيبتي حاسه بيكي والله
ندى / لا مش حاسه انتى مش لوحدك و لا مقفول عليكي باب
نور / ما هو حسام برده بيخرجك
ندى / عمرك ما هتحسي بيا ربنا ما يكتب عليكى اللى حساه
نور / هو حسام بيعمل حاجه من حركات زمان
ندى / لا بس انا تعبانه بابا واحشنى اوى و حاسه انى لوحدى
نور / انتى اللى اخترتى السفر
ندى / و هو انا كان ليا مين فى مصر يا نور
نور / اخص عليكي يا ندى
ندى / مش بقولك عمرك ما هتحسي بيا
نور / ما قولتيليش الكتاب الجديد بيتكلم عن ايه
ندى / دلوقت روايه فى نفس الموضوع بس زياد جابلى تاب عن البدى لانجوتش
نور / اسمع عنه لما تقريه قوليلى رايك
ندى / تمام
نور / نصيحه منى حاولى تقرى الكتب اللى حسام جايبها على الاقل قدامه الراجل تعب نفسه و اشتراهالك حسسيه انه عندك احسن من زياد
ندى / يا بنتى
نور / عشان خاطرى عشان خاطرى
ندى / هشوف
نور/ تمام هقفل بقي عشان فى زبون يلا سلام
ندى / سلام
ندى تقفل و تروح تبص لحبيبه
ندى / حوارات فى كل حته خديني جنبك يا بنتى
ندى تنام جنب حبيبه
…………………….
فى شقه عمر
باب الشقه يخبط أية تروح تقف ورا الباب
أية / مين ؟
شاب / انا اسف انا عصام فوقيكوا بعتزر القميص بتاعى وقع من على الحبل عندكوا
أية تلبس الاسدال و النقاب و تفتح البلكونه تلاقي قميص متعلق بين الحبال تمسكه و تروح ناحيه الباب و تحط ايدها على الاوكره بتردد و بعدين تفتح و تمد ايدها بالقميص و الباب متوارب خالص
الشاب / شكرا و اسف مره تانيه على الازعاج
أية تقفل الباب من غير ما ترد و الشاب واقف مستغرب ياخد القميص و يطلع
…………………
فى شقه ندى
ندى قاعده فى السرير بتقرا حسام يدخل شايل علبه
حسام/ الله ما القرايه طلعت تنفع فى الاوضه اهو
ندى تقفل الكتاب و تبصله
حسام / عديت على حلوانى جبتلك جاتوهات عجيبه كدا بس هى شيكولاتات كلها
ندى تقوم و تاخد العلبه يبتسم ندى تروح المطبخ و تفتحها
ندى / على فكره انا وزنى بيزيد
حسام / محتاج اعمل نضاره عشان اللاحظ الفرق
ندى تحط قطعه فى طبق
حسام / و انا
ندى تحطله قطعه فى طبق تانى و تديهوله
حسام / تحبى تطلعى البلكونه
ندى / لا هقعد جنب حبيبه
ندى تاخد الطبق و ترجع على السرير
حسام / هو انا ممكن اسالك سؤال
ندى / اتفضل
حسام / هو انا ابان باد بوى من بره
ندى تبصله
حسام / طب هو انا باد بوى يعني انسان وحش شقي
ندى / هو انت بعد كل اللى عملته بتسال بجد .. على العموم انت من بره ما تبانش خالص بالعكس شخصيه محترمه و حنينه و كل حاجه كويسه المشكله فى اللى
حسام / فى اللى يحاول يحرمنى من حاجه بحبها
ندى تكمل اكل
حسام / انا بحبك اوى على فكره .. بغير عليكي .. و بخاف عليكي كمان
ندى / و انا يا سيدي مش طالعه البلكونه تانى و هخلص الكتب و ابعتها معاك ترجعهاله ارتحت
حسام / و ايه اللى غير رايك
ندى / بريح دماغى من الحوارات
حسام / تحبى تخرجى
ندى / لا
حسام / مش النهرده
ندى / عاوزه كتب عن التخسيس و الدايت
حسام / اجبلك و لو عاوزه اشتركلك فى جيم تسلى وقتك
ندى / و حبيبه هوديها فين
حسام / هشوف جيم يكون فيه كيدز اريا او اجبلك بيبي سيتر
ندى / لا انا هظبط اكلى و اللعب رياضه مع نفسي لحد ما تكبر شويه ساعتها اوديها حضانه او اشوف هعمل ايه
حسام / انا ممكن اجبلك مشايه كهربا قسط انا مش معايا دلوقت اجيبها كاش و مش عاوز امد ايدي على الفلوس اللى فى البنك انا بحاول اكسر قرش لحييبه
ندى / فكره كويسه و ياريت كمان نحاول نلم ايدنا فى المصاريف مش عارفه ازاى بس نحاول … انا مش قادره أكملها تاكلها
حسام / انا لسه ما دوقتش بتاعتى اصلا
ندى / خلاص هحطها فى التلاجه يمكن ارجعلها بعدين
ندى تاخد الطبق و تقوم و حسام متابعها
………………….
فى شقه عمر بعد اسبوعين
أية بتعبى علب الاكل فى الكيس و تعدل النقاب و تفتح باب الشقه تلاقي شاب طالع على السلم شايل حاجات ترزع باب الشقه يتخض و يبص باستغراب و بعدين يكمل طلوع و هى متبعاه من العين السحريه لحد ما يطلع تفتح الباب بالراحه مفيش حد تاخد الكيس و تنزل
………………….
فى مخزن كبير
حسام واقف مع عمال كتير بيجردوا و هو ماسك دفتر راجل عجوز يدخل شايل شمام متقطع
الراجل / تؤبرنى استاذ حسام تاكل شقفه من هالبعجور
حسام / تسلم ايدك .. بس انا طالب اكل و اخاف يسد نفسي اعزرنى
هدايه تدخل تاخد شريحه تدوقها
هدايه / يا بيي بيعقد شو
الراجل يبتسم
الراجل / تكرملى هالعين الحلوين بعدك كمان شقفه
هدايه / ايي بدى
الراجل يديها شريحه كمان و يمشي هدايه تحطهم على منديل على الترابيزه
هدايه / جبر الخواطر على الله يا دكتور
حسام / بدل ما يترموا كان حد جعان اكلهم
هدايه / ما بتتحسبش كدا يعني عندك مثلا نانسي هناك
هدايه تبص على بنت مليانه
هدايه / لازم كل يومين اقولها تقبريني عا هالجمال نحفانه كتير خبريني بلحكايه تضحك و تقولى على وصفات الدايت الفاشله اللى بتستخدمها بس بتبقي مبسوطه باقي اليوم و كل ما تبصلى تبتسم
هدايه توطى صوتها و تقرب
هدايه / و كمان لما تسمع اى حاجه كدا و لا كدا انا اول حد هتيجرى عليه و تقوله
حسام / ااااااااه دا انا للحظه صدقت
هدايه / العلاقات هى اساس اى حاجه فى الدنيا .. علاقاتك وحشه بكل اللى حواليك مسيرهم هيتفقوا عليك و يطيروك ليك معارف يسندوك كل واحد هيلبد فى جحره
حسام / منك نستفسد
هدايه / تؤ … انت عارف الكلام ده كويس انت بس مش عارف اهميه عم مرزوق و نانسي فى الشركه فمش مديهم وش
حسام / طب بما انك خبره هنا كدا ما تنوريني
هدايه / مش لما ترمى بياضك الاول
حسام / انتى متاكده انك لبنانيه دا انتى قلبتى شرابيه خالص
هدايه / هههههههههههههههه و هو انت الفتوش اللبنانى بياكل معاك … دا انت حتى بتموت فى السمن البلدى اما انا عندى حته جلبيه بلدى بتاكل من وسطى حته
حسام / يا بنتى شيليني من دماغك و وفرى وقتك و مجهودك ده مش هتكسبى حاجه من ورايا لا انا صاحب شركه و لا رئيس مجلس اداره و لا فى تحت القبه شيخ
هدايه / بس معاك ختم التوريدات و ما فيش حاجه بتدخل او تخرج من المخزن الا بموافقتك
حسام يحط الدفتر و يبصلها هدايه تبتسم
هدايه / انت مش بتقول ما فيش تحت القبه شيخ انا بقي اللى هعبيلك اللى تحت البلاطه و هخليك داخل على حبيبه القلب كل يوم و التانى بهديه شيك تزغلل بيها عنيها و تخليها ترضي عنك بدل ما هى ملوداك كدا
حسام يرفع حاجبه هدايه تمسك الدفتر و تشاور على اسم دوا
هدايه / من يوم ما جيت الشركه و انت متابعه اوى و النهرده رايح جاى على كراتينه و مسكت العلبه فوق التلت مرات تقرا البروشور بتاعها … ايه عاوز تقنعنى ان ما فيش منه فى مصر و اول مره تشوفه
حسام / لا انا بس كنت فاكر نفسي واد جامد و انك طول الوقت ده بتحكيها عشان سواد عيونى طلعتى … يلا … طب كنتى جيتي دوغرى مش يمكن كنت ريحتك و قولتلك ان السكه دى مش بتاعتى
هدايه / اطحن حبايه و حطهالها فى العصير و لو انيرجى درينك مفعوله هيبقي اسرع هتجيلى هى تتمسح فيك زى القطط و ابقي ادعيلى
هدايه تغمزله و تمشي و حسام متابعها
………………..
فى محل عمر
عمر / و انا بقي هلاقي فين شقه في بيت ما فيهوش رجاله و بعدين يا يويو هو الشارع و المحل ما فيهمش رجاله
أية / بس انا ما ببقاش لوحدى لا فى المحل و لا فى الشارع ديما بمشي وسط الناس فى شوارع زحمه
عمر / و كل ما اقول اتقدمنا خطوه الاقينا بنرجع عشره لورا
أية / خلاص يا عمر خلاص انا مش هتكلم فى الموضوع ده تانى
عمر / و ما تفكريش فيه … على فكره لو الراجل ده كان عمل اى حركه كدا و لا كدا انا اول واحد كنت هدخل بس هو مش هيطير يدخل شقته من البلكونه يعني اكيد هيطلع السلم و موقف القميص وارد جدا غير كدا ما فيش بينا و بينه اى كلام من يوم ما سكنا
أية / تمام
عمر / يويو .. لا انا و لا انتى عملنا حاجه غلط بالعكس اللى بيتفرج على الحاجات دى هم اللى بيغلطوا و هم اللى المفروض يداروا مننا … انا عارف ان الموقف صعب و صدقيني صعب عليا زى ما هو صعب عليكي و يمكن اكتر بس انا ما غلطتش و مش هدارى من الناس و طول ما احنا مع بعض مش هيقدروا يعملولنا حاجه
أية / عارفه بس برده خايفه
عمر / ما تخافيش و اتعاملى عادى و ان خبط تانى ما تفتحيش و لا تردى انا معايا مفتاح غير كدا مين ما كان يخبط لا تفتحى و لا حتى تعبرى تمام
أية / تمام
…………………….
فى شقه على
على واقف بيكوى طقم نور تدخل
نور / يا حبيبي انت بتعمل ايه يعني مش قادر تستنى اما اخلص المواعين هات عنك
على / خلاص خلصت اخر قميص هكويه و خلاص و بعدين كفايا عليكي وقفتك فى الصيدليه طول النهار و دلوقت وقفتك على الحوض مش القميصين دول اللى هيضلعونى يعني
نور / بس انا بحبك اعملك حاجتك بايدي
على / على العموم خلاص خلصت
على يطبق القميص و يحطه فوق مجموعه مطبقه و مكويه نور تلم المكوه و الترابيزه و على يحط الهدوم فى الدولاب
على / اخبار الشغل ايه
نور / كويس الحمد لله الدكتور اللى فتح جديد ده فرق فى المنطقه اوى بس اقولك سر
على / اكيد
نور / شكله حمار ما بيفهمش حاجه بيكتب ادويه كتير اوى
على / كنت سمعت انهم بياخدوا نسبه من شركات الادويه على الحاجات دى
نور / اه حسام مره كان بيتكلم فى الحوار ده مع ماما بياخدوا حاجات كتير اوى اجهزه كهربائيه و رحلات لشرم و الغردقه و فلوس و حاجات كتير اوى و كلو على حساب المريض الغلبان
على / ربنا يهدي مش عارف بيبلعوا اللقمه الحرام دى ازاى بيتاجروا باوجاع الناس و امراضهم
نور / طب تصدق لو قولتلك ان دكتور محمود النهرده عرض على واحد بديل بربع التمن و نفس الماده الفعاله و نفس التركيز دا ورالع اطلس الادويه الراجل يرد عليه و يقوله انا مش عاوز بدايل لو كان فيه الخير كان الدكتور كتبه
على / يبقي ادفع بقي
نور / اديك قولتها
على ينام فى السرير نور تدخل تنام جنبه
على / ما فيش اخبار عن ندى و حبيبه
نور / لا العادى بتاعهم مفيش جديد
على يهز راسه
نور / اخبار المحل بتاع طنط ايه
على / خلاص كلو تمام هنفتح الأسبوع الجاى بقي ان شاء الله
نور / مبروك انا كلمت كل صحباتى اللى معاهم اطفال و كلهم متحمسين و هيحضروا الافتتاح ان شاء الله
على / اتفقت كمان مع شركه من بتوع الحفلات دى هجيب كام عروسه و كهارب و دى جاى و الواد اللى ماسك الصفحه هيعمل حمله دعايه مموله و ان شاء الله الدنيا تمشي
نور / باذن الله كل حاجه هتبقي زى الفل
على / انا بفكر كمان اشوفلى مطبعه و اعمل كام يفطه كدا فى المنطقه حوالين المحل انا كدا كدا كنت اتفقت على فلايرز و كنت اتفقت مع كام طيار من اللى عندى يوزعوهم
نور / بص اليفط فكره حلوه اوى انما الفلايرز و الورق صدقني فلوس بتترمى فى الارض هيوزعوهم و هتلاقي الورق كلو فى الزباله بعد كدا انما اليفطه هتبقي متعلقه و ثابته أطول فتره و كل اللى رايح و اللى جاى هيشوفها مش اللى كان معدى وقت التوزيع بس
على / خلاص زمان المطبعه خلصتها اساسا
نور / خلاص تمام ما دام عملت يبقي مفيش مشكله ربنا يعمل اللى فيه الخير بقي
على / بس برده انتى كل مره بتثبتيلى انى المفروض ارجعلك قبل ما اخد اى قرار بحب دماغك برده
نور / و انا اجى جنبك ايه
على / ربنا ما يحرمنى منك ابدا
نور / و لا يحرمنى منك ابدا
…………………….
فى شقه ندى
حسام يدخل يلاقى ندى و حبيبه نايمين و النور كله مطفى يروح يبص عليهم و يدخل المطبخ يلاقي طبق مكرونه و بانيه متغطى و باردين ياخد الطبق يحطه فى المايكرويف و يروح ياخد بجامته من على الشماعه فى هدوء و يغير فى الصاله و هو ببفكر
//////////////////
حسام / انا كنت عارف ان البت دى بلوه سوده بس مش للدرجادى … هو انا بجد باين عليا اوى كدا … اعمل فيكي ايه بس يا ندى مش مخليانى عارف اركز فى اى حاجه … انا لسه جديد و معارفى هنا قليلين … الوقعه بفوره ما ينفعش اجازف … بس انا كمان محتاج فلوس … مصاريفي كتير و ندى مش عايشه معايا عشان سواد عيونى حتى لو ما بتطلبش حاجه لازم ديما اعيشها فى مستوى تنبهر بيه … لازم اوفر لحبيبه مستوى ما حدش غيرى يقدر يعوضها عنه … ما اقدرش اطلب منهم يبعتولى فلوس الصيدليه فى مصر امال انا متغرب ليه … و هى فلوس الصيدليه دى فلوس … ما اقدرش كمان اعمل اى حركه من حركات زمان انا كدا بحط نور فى وش المدفع … و لو على عرف اكيد هيقول لندى او يبلغ عنى .. لا .. مش هياذى نور … دا يبيع نور و ابو نور كمان على عاوز ندى و مش هيلاقيلى غلطه اكبر من دى يطيرنى بيها … اعمل ايه بس يا رب … انا كمان ما ينفعش اثق فى هدايه دى خالص على الاقل مش دلوقت انا لو دخلت فى السكه دى مش هعرف اخرج منها … هو اه يمكن ده مش ملعبى بس انا برده قديم فى اللعبه
/////////////////
حسام يطلع شريط حبوب فيه حبوب بنبى و يبصله
حسام / نلعب
………………………
فى المحل عند منال
دى جاى و كهارب و افتتاح ضخم و المحل زحمه جدا
منال / والله تسلم ايدك يا على انا ما كنتش متخيله الدنيا هتبقي بالشكل ده ابدا
ليلى / دا لو كل يوم كدا ما شاء الله ما شاء الله
امانى تدخل تبوس منال و تحضنها
امانى / الف مبروك يا حجه الف مبروك يا حبيبتي
منال / الله يبارك فيكي يا حبيبتي منوره
على يناول ليلى ازازه حاجه ساقعه و ليلى بتبصلها بطرف عينها
امانى / تسلم ايدك يا حبيبي
ليلى / امال نور ما جاتش معاكى ليه
امانى / هو انا اللى هقولك ما هى واقفه طول النهار فى الصيدليه انا بس قولت اجى اجامل الحجه و اسلم عليها
ليلى / و هى نور مش هتجامل الحجه و تسلم عليها
على / ماما
ليلى / سكت مع ان كان اولى بيها تبقي اول واحده تقف جنبنا النهرده
منال / و هى لازم تيجي فى الزحمه يعني عشان تقف معانا ما كفايا تعبها معانا الفتره اللى فاتت
ليلى / لا يا حجه و انتى الصادقه كفايا وقفه على
على / بقولك ايه يا ماما ما تشربى حاجه ساقعه تروقى دمك الدنيا مش مستهله
على يدى لليلى ازازه حاجه ساقعه تسيبها و تقوم تقعد بعيد
على / عن اذنكوا
على يروح يقعد جنب امه
امانى / الله يعينك يا نور شاهده يا حجه
منال / الا قوليلى يا ست امانى الا و انتى داخله ما سلمتيش عليها ليه ما شوفتيهاش عن اذنك اشوف البنات جوه
منال تدخل المحل و امانى تقعد تشرب الساقع و هى عاوجه بقها
…………………
ناحيه على
ليلى / ما اكيد فى حاجه تانيه مضيقانى بس هيفرق معاك هتحس يعني يا على
على / اكيد هحس يا ماما ليه الكلام ده
ليلى / سبتوا كل المشاريع و فتحتوا محل ملابس اطفال عشان اتفرج على العيال و هى داخله و خارجه في ايد ابهاتها و انا ابنى الوحيد اللى طلعت بيه من الدنيا
على / ماما
ليلى / سكت
على / العيال رزق لو ربنا رايد هيرزقنا
ليلى / ما انطش من المركب فى عرض البحر و انا ما بعرفش اعوم و اقول لو ربنا رايد هيرزقنى ما هو ربنا عرفوه بالعقل
على / انا موضوع الخلفه ده مش فى دماغى يا امى ابوس ايدك انا مبسوط مع نور
ليلى / تغور من وش امها الحيزابونه دى
على / هههههههههههه ما تبطلى شغل الحموات الفاتنات ده بقي انتى اكبر من كدا
ليلى / يعني ما شوفتهاش و هى بتطنشنى و ما سلمتش عليا لا و انت بتديها حاجه ساقعه … بالسم الهارى
على / اهى الحجه كمان سيباها لوحدها اهى روحى اقفى جنب الحجه و سيبك من التفاهات دى النهرده افتتاح و فرح خلي الدنيا تمشي
ليلى / و انا اللى موقفاها
على / عشان خاطرى
ليلى تبصله
على / يلا بقي
ليلى / طب عشان خاطرى انت بس فكر الشرع حلل اربعه
على / ماما بقي
ليلى / سكت سكت بس لا قلبي هيسكت و لا هبطل احلم باليوم ده يا على
ليلى تسيب على يقف يتنهد
…………………
فى شقه حسام تانى يوم الصبح
ندى نايمه تصحى على صوت دربكه تقوم تلاقى حسام بيوضب فطار
ندى / انا ما حسيتش بيك امبارح و انت جاى
حسام يبصلها و يبتسم
ندى / ايه ده هى الساعه كام انت مش رايح الشغل و لا ايه
ندى تدعك عنيها حسام يروح يلف ايديه حولين وسطها و يقربها منه
حسام / امبارح اتاخرت جامد ما هونتيش عليا اقلقك و بما انى اتاخرت اوى كدا فالنهرده اجازه هقضيه معاكى انتى و بيبو ان ما كانش عندك مانع
ندى تفك ايدين حسام و تروح تساعد فى الاكل
ندى / و انا همانع ليه بالعكس انا تهمنى راحتك
حسام / جهزت كام فيلم و اشتريت شويه حلويات بقي على تسالى و هظبطلك حته يوم نحلف بيه سنتين قدام
ندى تبتسم
حسام / تشربى ريد بول
ندى / ما بحبهاش و انت عارف
حسام / عارف عشان كدا جبتلك بيبس ودى الاطباق دى على ما اصبلك كبايه
ندى تهز راسها و تشيل طبقين و تمشي حسام يطلع من جيبه ورقه ملفوف فيها بودره يفضيها فى كبايه و عينه على الباب و يصب عليها بيبسي لنصها و التانيه لاخرها و يطلع و هو بيعمل بيشرب من الفاضيه ندى تشدها من على بقه و تشرب منها و هى بتضحك
ندى / عشان اجرى وراك شويه
حسام / هتجرى ههههههههههههههههههه
……………………….
فى شقه على
نور / انا هنزل الصيدليه يا ماما هتعوزى حاجه
ليلى / سلامتك … على فكره انا هبقي طول اليوم فى المحل ابقي فضي نفسك ساعه و اطلعى اعملى لجوزك لقمه دا لو مش هتعبك
نور تبص لليلى باستغراب
نور / انا كدا كدا عندى اكل من امبارح كنت ناويه اسخنه
ليلى / ااااااه انتى بقي هتقضيها كدا
نور / فى ايه يا ماما هو حضرتك زعلانه منى فى حاجه
ليلى / و انا اقدر ازعل منك و لا حتى ازعلك دا احنا فى بيتك
نور تحط شنطتها على الكرسي و ترجع تقعد قدام ليلى
نور / حضرتك لسه مضايقه منى انى ما جيتش الافتتاح امبارح صح
ليلى / ما كفايا علينا مجيه أمك و لا على ما حكالكيش هى عملت ايه امبارح
نور / لا والله ما اتكلمناش فى حاجه بس لو ضايقت حضرتك فى حاجه فحقك عليا قوليلى و انا اكلمها
ليلى / كتر خيرك مش مستنيه منك حاجه اصلا الحاجه الوحيده اللى مستنياها فى دنيتي انتى مش هتعرفى تديهانى
نور / و ايه الحاجه دى يا ماما
ليلى / حته عيل يا روح ماما
ليلى تسيب نور و تدخل جوه نور تقف و الدموع ماليه عنيها
………………………
فى شقه أية
باب الشقه يخبط تروح تبص من العين تلاقى جارها تسند ضهرها للباب من غير صوت فى صمت تبص تانى ما تلاقيش حد تروح تفتح الباب بالراحه كارت كان محشور فى الباب يقع تاخده و تقفل الباب تفتحه تلاقى جواه دعوه فرح تحطه على السفره و تدخل المطبخ
………………….
فى شقه ندى
ندى قاعده بتتفرج على فيلم رومانسي اجنبى حسام بيدى لحبيبه ببرونه و كل شويه يبص لندى
حسام / تفتكرى انا عشان يبقي عندى ابس زى الواد ده اروح جيم و لا انحت علاطول
ندى / هتعمل بيها ايه
حسام / هو انتى ما بتحبيش الراجل الفيت ابو جسم مقسم كدا
ندى / لما ابقي زى البت دى يبقي يفرق معايا الرجاله اللى زى ده
حسام / بس انا شايفك احلى منها بكتير
ندى / بص بطنها مشدوده ازاى انا جسمى باظ خالص من الولاده و شعرى كمان
فجاه تيجي مشهد بوسه حسام يوقف
حسام / هدخل انيم حبيبه فى سريرها و اجى اكمل الفيلم معاكى ما تشغليش الا اما اجى
حسام يدخل جوه و الشاشه ثابته على البطل و البطله ندى تقوم تدخل الحمام حسام يطلع ما يلاقيهاش يروح الحمام يخبط على الباب
حسام / نونو .. نونو
حسام يسمع صوت الدوش يتنهد و يروح يقعد قدام الفيلم
حسام / بوس يا عم بوس اياكش نولع احنا مش مهم
……………………..
فى عياده نسا
نور بتكشف سونار الدكتوره تديها مناديل و تقوم تقعد على المكتب نور تمسح الجل و تقوم تعدل هدومها الدكتوره تبص تانى فى ورق و تحاليل قدامها نور تقعد قدامها
الدكتوره / انا هطلب منك تعيديلى التحاليل دى تانى و عاوزين نعمل اشعه بالصبغه
نور / يعني فى حاجه اتغيرت عن التحاليل و الاشعات اللى مع حضرتك فى امل انا ممكن اخلف
الدكتوره / انا مش هضحك عليكي لكن كل اللى اقدر اعمله اننا نمشي فى السكك كلها
نور / ما انا عملت الصبغه قبل كدا و النتيجه مع حضرتك
الدكتوره / ما دام كدا كدا كل الطرق مسدوده جيالى ليه و بعدين التحاليل دى من فتره مش يمكن ربنا اراد و النتيجه تطلع مختلفه
نور تتحمس
نور / و دا ممكن يعني فى امل فعلا
الدكتور / الله اعلم ما فيش حاجه بعيد عن ربنا … انا برده هكتبلك على حقن منشطه و هنمشي فى كل الاتجاهات و ان شاء الله ربنا يفتحلنا سكه نشتغل فيها
نور / يارب يارب يا دكتوره يا رب
الدكتوره تدى لنور روجته
الدكتوره / التحاليل دى تتعمل فى المعمل اللى تحت هم هيبعتولى النتيجه علاطول عشان ما تتاخريش عليا فيها
نور / تمام حاضر هنزل اعملها حالا
الدكتوره / اول ما التحاليل توصلنى هكلمك ابلغك بمعاد الاعاده عشان نعمل الاشعه علاطول
نور / حاضر هعملها حالا والله حالا هنزل
الدكتوره تبتسم و نور تطلع بره
………………
فى الصيدليه
ليلى تدخل تلاقي شاب واقف لوحده
ليلى / هى نور جوه ؟
الشاب / لا والله قالت رايحه مشوار و ما رجعتش لسه
ليلى / مشوار ايه ده
الشاب / والله يا امى ما اعرف
ليلى تهز راسها و تطلع السلم و هى بتتصل بحد
ليلى / مساء الخير يا حبيبي اخبارك و اخبار الشغل
ليلى تضرب الجرس على امانى
ليلى / لا انا بخير الحمد لله بس نسيت المفاتيح بتاعتى و رجعت اجيبها ما لقيتش نور فى الصيدليه تحت
محمد يفتح باب الشقه
محمد / اهلا اهلا يا ست ليلى اتفضلى اتفضلى
ليلى / معلش يا حج اصلى مستعجله هى نور عندك
على / انا هكلمها … فى مفتاح استبن فى علبه فى درج الكومدينو جنب عمو مصطفى خلى عموا محمد ما دام عندك يجيبهولك
ليلى / تمام شوف انت بقي نور مراتك فين و ابقي طمنى عليها
على / سلام يا ماما
على يقفل و ليلى تبص لمحمد بابتسامه مصطنعه
ليلى / اهلا يا حج محمد
……………….
فى شقه ندى
ندى خارجه من الحمام لافه شعرها بفوطه تروح تقعد قدام التسريحه حسام يدخل الاوضه
حسام / مش هتكملى الفيلم
ندى / هو انت ما خلصتوش
حسام / لا مستنيكي
ندى / انا بجد اسفه اوى
حسام / هو فى حاجه ضايقتك انا قولت حاجه غلط مثلا
ندى / ابدا .. و فعلا اسفه انى قمت كدا فجاه بس انا مش حاسه انى مظبوطه خالص
حسام / مالك لو تعبانه اوديكي لدكتور او اجبلك دوا
ندى / مش عارفه بس هى مش حاجه خطيره يعني فمش مشكله
حسام يروح يقعد على السرير و يشد ندى بكرسي التسريحه

google-playkhamsatmostaqltradent