رواية عشق الاسر الفصل الثالث 3 - بقلم ناردين خليل
رواية عشق الاسر الفصل الثالث 3
اوليفيا وقفت بصدمة وشرشحت:نعععم يا عنياااا.....وانت جاى تشقط بقي ولا ايه....لا يا دكتور انا مش من النوع دا.....بقول لحضرتك ايه انا مابجيش سكة مع حد انا مش. زى اللى تعرفه يا بابا.......فوق يا.....دكتور
اسر برق:نهر ابوكى اسود
اوليفيا: وانت مالك ب بابا...................
اسر:انتى تسكتى خالص.....اى اللى انتى فهمتيه عنى دا......ما كان بلاها دكتور وحضرتك....مالهمش لزوم.....لا شرشحي....شرحي يا بت كمان وكمان ....على صوتك عليا.....انا عايز رقمك عشان اعمل جروب لأم الدفعة اللى انتى فيها......فوقي
اوليفيا بتوتر:ايه......انا اسفة يا دكتور سامحنى والله العظيم ما كنت اعرف افتكرتك جاى تشقطنى
اسر بخضة:اشقطك.....!! اشقطك النيلة والسواد بقي دى عيلة تتشقط اصلا .....وايه اشقطك دى
اوليفيا:قصد حضرتك ايه يا دكتور انى ماتشقطش يعنى....
اسر:طريقتك دى تتعدل معايا انتى فاهمة.....دى تانى غلطة ليكي....غلطة كمان وتكوني ساقطة في المادة....انجزى هاتى رقمك وبلاش رغي كتير
اوليفيا بأسف:خلاص انا اسفة يا دكتور اسر
اسر:هاتى رقمك انجزى
اوليفيا بحزن:حاضر.......اهو اتفضل
اسر كتب الرقم واعطاها الهاتف وغادر
اوليفيا قعدت
حلا:احم .....هو دا المعيد
لارين:خلاص يا ستى فكى عن نفسك شوية بلاش الاحباط اللى فيكي دا.....خلاص بقي ماتزعليش.....هو ماكنش المفروض تعملى كدة بس حصل اللى حصل وخلاص.....ان شاء الله يكون ليكوا نصيب للجواز من بعض
اوليفيا بصتلها بغضب وبصت قدامها تانى
حلا:بس قمور اوى....قمور ايه دا مز.....كلمة مز دى ماتكفيش
اوليفيا:تحبي اجبلك رقمه احسن....ماهو بالمرة
لارين:وها هى بدأت الغيرة تظهر على وجه اوليفيا.....انها تغار على حبيبها
اوليفيا:بببسسسسس.................
عند اسر في مكتبه
الاء:اسر وحشتنى
اقتربت الاء لكى تحضنه ولكنه منعها
اسر بقرف: وانتى كمان يا الاء......خير في حاجة
الاء :جيت اطمن عليك....اه وجبتلك الغدا معايا....كمان وحشتنى الجامعة وكنت عايزة انزل مع صحابي نشوفها بس مارضيوش عشان ماحدش كان هايدخلنا.....بس انا افتكرت انك موجود هنا وقولتلهم انى تبعك.....( كذب )
اسر وهو يعلم انها تكذب عليه:تمام.....لو وجودك مالوش لزوم في مكتبي من الاحسن انك تطلعى برة
الاء بحزن مستعار:يا اسر بقي يعنى انا عملتلك الاكل بإيدى وجبتهولك لحد عندك عشان تقولى اطلعى برة
اسر ببرود:ماكنتيش مجبرة انك تعملى كل دا.......انا عندى شغل دلوقتي يا الاء فا بعد اذنك اتفضلي برة
جلست الاء على الكرسي وفتحت علبة الطعام التى جهزتها من اجله
الاء:لو مش هاتاكل أاكلك انا
وقف اسر بغضب ودب بأيده على المكتب:اطلعى برة يا الاء ومن غير كلام كتير
الاء اتخضت من منظره وخدت الاكل وطلعت على برة وهى مدايقة
اسر قعد على الكرسي: أخيراً خلصت منها.....مش معقول دى عاملة زى اللزقة ومش راضية تسبنى....دى ناقص تحطلى سم في الاكل لو حبيت واحدة عشان ماكونش لغيرها وتموتنى
اوووووووف
انتهى اليوم وعاد اسر الى القصر
في قصر الدمنهورى
دخل آسر القصر وكانت الانوار مظلمة
آسر:انا جيت....هو مافيش حد يستقبلنى ولا ايه
فُتحت الانوار فجأة
الجميع: Happy birthday to you تشا تشا تشا Happy birthday to you تشا تشا تشا Happy birthday Happy birthday Happy birthday to you تشا تشا تشا
سنة حلوة يا جميل سنة حلوة يا جميل سنة حلوة يا آسر سنة حلوة يا جميييل
سكت الجميع وتكلم ~الحمار~ قصدى وتكلمت ياسمين
ياسمين:كان يوم اسود لما جيت..... كان يوم اسود لما جيت....بابا وماما سابوا البيت... والشغالة جالها حالة والطباخ ولع في البيت هاااااااااااااااااااااااه
الجميع:كل سنة وانت طيب يا آسر.....عيد ميلاد سعيييييييد
آسر وقف في حيرة وتفاجأ بالذي حدث.....كل الكلمات علقت في فمه لا يعرف ماذا يقول
آسر بدموع:وانتوا طيبين يا احلى عيلة في الوجود....انا مش عارف اقولكوا ايه
مسح دموعه وتكلم بضحك:انا نسيت اصلا ان النهاردة عيد ميلادى....ربنا يخليكوا ليا
ياسين:يلا سباق واللى يوصله الاول هو اللى هاياكل معاه الحلويات
ياسمين:اشطا يلا
ياسين وياسمين: واحد.....اتنين.....تلاتة
جريوا عليه وحضنوه و وقعوا
آسر:ااااه يا ولاد ال...........
ياسين وياسمين بيتخانقوا وهما فوق آسر😅
انا اللى وصلت الاول.....لا انا الاول انا اللى هاكل معاه الحلويات....لا انا الاول
آسر:بس يا ولاد العفاااريييت
اتكلم آسر وكأنه ماتكلمش اصلا وكملوا خناقهم🐤🥲
آسر بزعيق:قوموا من عليا فطستونى
آسر زقهم من عليه وقام وشالهم ياسين على ايده الشمال وياسمين علي ايده اليمين
(ماهو بعضلات بقي😎)
آسر باسهم من خدودهم
ياسمين:نزلنى يا متحركش
آسر:متحركش....!! نهار ابوكى اسود مين اللى قالك الكلمة دى يا بت
ياسمين:تصدق بالله......انا غلطانة انى قولتلك متحركش مش متحرش....نزلنى بقي انت مابتتعبش
ضحك آسر عندما تذكر الذي فعلته اوليفيا عندما طلب رقمها
ياسمين:انت بتضحك عليا.......!!
آسر بضحك:لا والله ابدا انا افتكرت حاجة كدة بس
ياسين:ايوة يا ابو العضلات ايوة.....دا انت شوية وهاتلعب بينا اثقال
آسر:انزل يلا منك دا انا ايدى وجعتنى.....
آسر نزلهم
ياسمين:جدع يا ياسين انك حسدته
ياسين:اى خدعة😎😉
تتردلى في فرحى ماتكونيش من النوع اللى بياكل وينكر
ياسمين :ليه وانت عملت ايه يعنى
ياسين:شيلها تانى يا آسر مش ناقصين قرف وحياتك
منى:ايه دا يا آسر معقول نسيتنى
آسر بأبتسامة:وانا اقدر انسي ست الكل
ذهب وحضنها
قبل يدها
آسر:ربنا يخليكي ليا يا امي وربنا مايحرمنى منك يا حبيبة قلبي انتى
ياسين:يلا قطع التورتة بقي....دى كمان عليها صورتك
ياسمين بفخر و وضعت يدها على خصرها :انا اللى اخترتله الصورة
ياسين وهو يقلدها:وانا اللى اخترتله التورتة اللى هايتحط عليها الصورة
اخرج لها لسانه
آسر:بس بقي بطلوا خناق....انتوا طول النهار كدة....!؟
ياسمين:هو اللى بيبدأ الاول
ياسين:نععععم ياختى.....انا اللى ايه يا عنيا.....ايوة ايوة اكدبي كمان وكمان
اكدبي....
ياسمين بحزن مستعار:هو على طول بيضربنى بيخليني انضفله اوضته غصب عليا.....ولو ماعملتش اللى هو عاوزة.....ياخد السكينة ويقطعلى هدومة ويعورنى.....حسبي الله ونعم الوكيل .....حسبي الله في كل شرير
ياسين:ياختى صماله.....تحبي اوريكى دا
ياسين مسك سكينة التورتة وفضل يجرى ورا ياسمين
وياسمين تصوت وتقول
ياسمين:الحقونى يا ولاه......جوز امى هايقتلنااااااااااى .....يالهواااااى....ياناااس يا اهل البللللللد.....الحقوناااااااى....يانهاااارااااااااى
ياسين:خدى هنا يا بت الكدابة
منى:ولا
آسر:يا رب.....هما دول اخواتى ولا جوز شياطين..........
انتهى اليوم بدون اى اصابات....... سوى بعض الكسور لياسمين😅
في اليوم التالى في الصباح المشرق قبل ان يذهب آسر الى الجامعة
آسر وهو على السلم: صباح الخير .....انا نازل يا امى عاوزة منى حاجة
أكمل في سره:كويس ان جوز المقاريط دول ماصحيوش
ياسين وياسمين:آااااااسررر
آسر في سره:يالهوى يانى ياما
آسر:صباح الخير يا عفاريت
الاتنين:صباح النور....على البنور....لما يزقزق العصفور....صو صو صو.....صو صو صو
منى:صباح النور يا حبيبي
معلشي يا ولاد اطلعوا اوضكوا شوية عاوزة اكلم آسر في موضوع مهم
الاتنين:حاضر
ياسين:قدامى
ياسمين:بس ياض
ياسين:تيجي سباق
ياسمين:اشطا.....بس اللى يوصل في الاخر يبقي بقرة كبيرة
الاتنين:واحد....اتني........
ياسمين جريت
ياسين:خدى هنا يا بت دا مش عدل
آسر جلس بجانب والدته
آسر:خير يا مونتى في حاجة
منى:انا لو حصلي حاجة يا آسر هاتعمل ايه....؟
آسر بأيستغراب:ليه الكلام دا بس يا ماما....ماتقوليش كدة ربنا ياخد من عمرى ويدهولك.....كمان دا انتى لسة شابة صغيرة....اللى يشوفك يقول عليكي اختى مش امى
منى ضحكت واكملت كلامها بجدية:انا بتكلم جد يا آسر.....انا عاوزاك يا حبيبي لما اموت تخلى بالك من اخواتك.....حافظ عليهم وحبهم اكتر واكتر ....عوضهم عنى دول لسة صغيرين.....مايفهموش حاجة
ماتوقفش حياتك لما اموت....وافضل اشتغل لحد ماتحقق حلمك......افضل متمسك بعيلة الدمنهورى ماتوقعش ثقة ابوك فيك........
قاطعها آسر بانفعال:بعد الشر عليكي بتقولى كدة ليه.....انتى لسة عمرك طويل يا حبيبتى.....لو سمحت ماتجبيش سيرة الموضوع دا تانى
منى:استنى اخلص كلامة وماتقاطعنيش......انا عاوزاك تتجوز الاء....هى بتحبك وبتغير عليك وهاتعمل اى حاجة علشانك
آسر بخضة:اييييه....! لا طبعا مستحيل
منى بدموع:دى وصيتي ليك يا ابنى ارجوك حققهالى...انا عارفة انك مابتحبهاش بس لو اتعاملت معاها هاتحبها
انت عارف ان مامتها تبقي صاحبتى الانتيم وانا وعدتها بدة لما كنتوا صغيرين لما كان عندكوا ١٨ سنة
هى قالتلى ان الاء بتحبك وعاوزة تتجوزك وانا وعدتها انك لما تخلص وتشتغل هاتتجوزها....دى يتيمة الاب يا آسر....غير انها بنت ووحيدة امها....عاوزة تفرح بيها يابنى
اسر:هو انتى اللى قولتلها تجبلي اكل امبارح صح...؟
كان لازم اتوقع دا من الاول
انا مش هاتجوزها يعنى مش هاتجوزها....دى واحدة شمال وبتمشى مع ولاد الدنيا.....عاوزانى اتجوزها....مستحيل يا ماما.... دا على جثتى
آسر قام وسابها
منى بصوت عالى وبدموع:انا بحبك يابنى وارجوك حقق وصيتي.....وخليك محتفظ بأسم الدمنهورى واشتغل في الشركة كمان......
آسر سمع كلامها وخرج من القصر وركب سيارته وظل يفكر في كلام والدته
آسر بعصبية:ازاى اتجوزها يعنى.....مستحيل
وصل آسر الجامعة ودخل المدرج
آسر كان يشتعل ناراً ولا يطيق احد
وطرد نصف الطلاب بسبب اشياء بسيطة
اوليفيا في سرها:دا ماله دا عمال يزعق في اللى قدامه.....لازم ماعملش اى حاجة عشان مايطردنيش....دا متخلف عقلياً.....عنده هرمونات دا ولا ايه....هو يوم يبقي حلو في ويوم يبقي مش طايق نفسه......بس النهاردة اليوم مختلف....متعصب اكتر من الاول....ماكونش اوليفيا لو ماعرفتش سبب عصبيته الشديدة دى....نيهاهاهاهاهاهاهاهاهاهاهاهاهاهاهاهاااااااااا
آسر بعصبية:اوليفيا
اوليفيا بخوف:ننننن...ن.ن.ن
اسر بعصبية:ماتنطقي
اوليفيا:ن..نعم يا دكتور
اسر:قولى بقي يا ست سرحانة احنا في انى سؤال وجاوبي عليه
اوليفيا بلعت ريقها:نهار اسود احنا فين يا بت يا اوليفيا.....في في السؤال السابع
اسر:جاوبي بقي
اوليفيا:...........................
اسر: تمام.....بعد كدة اللى هايسرح في محاضرتى هايطلع برة......سامعين
ونظر الى اوليفيا
اوليفيا بلعت ريقها بصعوبة ونظرت الى الكتاب دون ان تنظر اليه
انتهت المحاضرة
في البريك
اوليفيا:دا دكتور مجنون
حلا:ليه عمل ايه
اوليفيا حاكتلهم اللى حصل
لارين:ياستى عديها مش مشكلة
اوليفيا شافته من بعيد
اوليفيا:هو هناك اهو هاروح اعرف منه السبب
حلا:مابلاش لحسن يحرجك وتوقعى في مشاكل
اوليفيا:لا هاروح بقي
بسم الله
اوليفيا راحتله
اوليفيا:احم احم
احم احم احممممم
آسر بصلها:عاوزة تشربي يعنى ولا ايه
اوليفيا:ممكن اسأل حضرتك سؤال
اسر تكلم بسرعة:لو في المحاضرة ماعنديش مانع غير كدة اتفضلي امشي
اوليفيا:هو مش في المحاضرة بالظبط يعنى...احم
هو ليه حضرتك كنت بتعصب اوى النهاردة
اسر ببرود:طب اتفضلي امشي بقي عشان انتى مالكيش دخل تدخلى في خصوصيات غيرك....
اوليفيا:اصل يا دكتور اسر شكل في مشكلة.....ممكن اقدر اساعد حضرتك
اسر:حاجة مش تخصك ....اتفضلي امشي عشان مش ناقص صداع
اوليفيا وهى تشاور على نفسها:انا صداع.....!؟
اسر بنفاذ صبر:اديكى عرفتي ....اتفضلي بقي
اوليفيا: لا ثانية بس كدة....انا....صدااااع!؟ طب والله دا انا عسل
اسر بصوت واطى:عسل اسود مهبب
اوليفيا:بتقول حاجة يا فندم
اسر:بقول انك لو مامشتيش هاتتهزقي منى.....وانتى على ما اظن جربتى تهزيقي قبل كدة...... تحبي تجربيه تانى
اوليفيا:لا لا شكرا....واجرب تانى ليه....هى كفاية عليا مرة مابحبش اجرب الحاجة مرتين😊
اوليفيا مشيت وسابته وراحت لحلا ولارين
اوليفيا:هو هزقني فعلا وكان ناوى يهزقنى اكتر.....بس اللى انا عايزة اعرفه....هو انا صداع يا ولاه
حلا:صداع بس....لا ازاى....بتجيبي صداع للواحد بس صاحبة مميزة ومافيش منك اتنين.....تلاقي دلوقتي نص الكلية صحابك....
اوليفيا:الله يخليكي
بس مش نص الكلية اتعرفت عليها
الكلية كلها.....زائد انى اتعرفت على عمو بتاع الكافيتريا بيبقي عايز يديني الحاجة ببلاش بس انا مابرداش
لما بيبقي في كذا واحد عنده بيشوف طلبي انا الاول
لارين:الله عليك يا لولو
انتهى اليوم وعاد آسر الى القصر
دخل القصر ولم يجد والدته في استقباله مثل كل يوم
سمع صوت ياسمين تبكى من الاعلى فصعد الدرج وتتبع الصوت
اسر:ياسمين
سمع الصوت اتي من غرفة والدته فدخل بسرعة ووجد ياسمين تبكى بكاء شديد وياسين واقف مكانه ويبكيان مثل الطفال
ياسمين ببكاء:مامااااااا......ارجوكى اصحيي ماتسبنيش لوحدى
اسر ذهب اللى والدته الراقدة على السرير
اسر بدموع:في ايه يا ياسمين
ياسمين تبكى ولا تستطيع الكلام
اسر:اي اللى حصل يا ياسين....؟ اتكلم
ياسين ببكاء:كنت انا وياسمين بنلعب تحت وماما كانت قاعدة معانا....بعد شوية قالت انها هاتطلع تستريح عشان هى تعبانا وراحت باستنا وقالتلنا انها بتحبنا وطلعت فوق.....بعد.... بعد شوية....ان...انا وياسمين جوعنا.....فاطلعنا...لم..لما.م.ا لق..ن.ا.ه....ا...نا...نايمة....جي...نا نصحيها.....مارضيتش....تصحي.....بقالنا....ن.ص...نص ساع...ة بن...ص.ح.ي.ها وهى....مابتص....مابتصحاش و...ومابتتنفسش..........
انهى كلامه وانفجر في البكاء
اسر بدموع وهو يحاول ايقاظها
اسر:منى ....منى...انتى سبتيني ليه يا منى.....منيييي.....اصحي....اصحي والنبي....ماتسبنيش لوحدى......منيييييي......يا ماماااا.....اصحااااااي بقي....اصحي بقي اصحي.....عشان كدة اتكلمتى معايا الصبح......اصحي
اغمى علي ياسمين من كثرة البكاء واتصل اسر بالاسعاف
•تابع الفصل التالي "رواية عشق الاسر" اضغط على اسم الرواية