رواية سلف و دين كاملة بقلم لولو محمد عبر مدونة دليل الروايات
رواية سلف و دين الفصل التاسع و الثلاثون 39
فى شقه ندى بعد فتره
ندى بتلم حاجات فى شنطتها و تشيل حبيبه و تفتح باب الشقه تقابل نور على السلم
ندى / جيتي فى وقتك يا بنتى انا التطعيم هيفوتنى
نور / والله يا دوب طلعت الشاى للعمال و نزلتلك اهو
ندى / هم مش هيخلصوا بقي المهم بابا له دوا كمان ساعه يلا سلام انا
نور / سلام
ندى تنزل تجرى بحبيبه تقابل حساب قدام المدخل
حسام / اتاخرتى كدا ليه
ندى / نزلت اهو سوق سوق لحسن نتاخر
ندى و حسام يركبوا و حسام يسوق و يمشي
…………………
فى شقه عمر
أية و عمر قاعدين بيفطروا
أية / ما ليك حق طبعا تستحلى المحل عن الجامعه لما كل يوم هتنام لحد الضهر
عمر / هو اكل و لا بحلقه ما انا بسهر معاكى كل يوم للفجر
باب الشقه يخبط عمر يقوم
عمر / خليكي دا اكيد على
عمر يفتح يلاقى على
على / و طبعا بعتنى و خلصت البيض
أية / لا ما تقلقش اتلكعت شويه
على يدخل يقعد و ياكل
عمر / اخبار الشقه ايه مش ناويين يخلصوا و لا ايه
على / ربنا يبارك فى حماتى بقي يا سيدي كل يوم تطلع للعمال تعدل عليهم
أية / عليها و على ابنها ما تفكك من الجوازه دى يا على
عمر / نور غلبانه و ما لهاش دعوه بيهم
أية / اه بس ندى كمان كلها حاجه بسيطه و عدتها هتخلص و الوضع مش هيبقي مريح
عمر / والله انا بقي حكايه العده دى اللى مش فاهمها
على / و انا كل مره اشرحلك
عمر / الحاجه الوحيده اللى فاهمها ان ندى بتماطل تكسب وقت بس واضح انه على الفاضي
عمر / يا ابنى افهم ندى ما اتجوزتش شرعا بس فى ورق الحكومه اتجوزت و عشان كل حاجه تمشي رسمي خلت حسام زى ما اتجوزها على الورق يطلقها على الورق و لازم يستنوا العده تخلص عشان يقدروا يكتبوا عقد جديد بمؤخر جديد يكون شرعى و قانونى فى نفس الوقت
أية تقعد و تمسك بيضه مسلوقه و تقشرها و ترجع تحطها فى الطبق
أية / انا ليا تار عند الكلب ده ان كنتوا نسيتوه و لا سامحتوا فيه
على / و لا عمرنا هنسامح بس كلو بوقته
أية / امتى و ازاى و انت كل يوم بيعدي بتوحل نفسك مع نور اكتر و بتدبس ندى فيه اكتر
على / ما هو عشان اقدر اضربه صح لازم اقرب منه
عمر / عمره ما هيثق فيك
أية / قوله
على / مش شرط يثق فيا كفايا يثق فى ندى
أية / اللى انت بتخسرها بجوازك من نور مش كدا
على / انا عارف انا بعمل ايه
أية / طب كلو عشان تشوفوا مين هيوصلنى لطنط منال
على / هوديكي انا بس كبايه شاى فى الخمسينه من ايديكى
أية / حاضر
أية تقوم
على / انتوا عاملين ايه سوا
عمر / العادى ليه
على / حاسسها قافشه
عمر / و لسه كل ما فرح ندى يقرب هتقفش اكتر
على / ياريت كان فى فى ايدي اى حاجه ما كنتش اتاخرت
أية تطلع شايله صينيه عليها الشاى تحطها
أية / هدخل اللبس خدوا راحتكوا
على يبتسم أية تدخل جوه
……………………….
فى شقه محمد
امانى تورى محمد رسمه على الموبايل
امانى / ايه رايك اعمل الرسمه دى فى الليفينج
محمد / ليفينج ايه يا امانى هو اللى هنعيده نزيده
امانى / احنا لسه فيها لو دى احلى
محمد / و لا احلى و لا اوحش ما خلاص بقي الراجل بدا يضايق و بصراحه عنده حق
امانى / يووووه هى كلمتى انا اللى بتقف فى الزور
محمد / انا هطلع ابص على العمال
امانى تبصله و تقلب فى الموبايل تتصل بحسام
امانى / ازيك يا قلب امك فينك
حسام / بنطعم بيبو يا ماما
امانى / اه طبعا امال هتكونوا فين
حسام / فى حاجه يا ماما
امانى / اه فى ان ضهرى واجعنى و مش قادره اعمل اكل لا ليكوا و لا للعمال و نور بدل ما تساعدنى قاعده بعمك
حسام / اه فهمت … ماشي هتصرف
امانى / قسما بالله لو كلمت على يبعت اكل تانى
حسام / هم مش عماله و دا بيته
امانى / اقفل يا حسام ما تنقطنيش اقفل اقفل
امانى تقفل و تقوم
امانى / يا ميله بختك فى ابنك يا امانى يا ميله بختك
…………………
فى المركز الطبى
ندى خارجه شايله حبيبه
ندى / اخيرا … دا لو بيوزعوا لحمه مش هيبقي زحمه كدا
حسام / تحبى تروحى فى حته و لا نروح علاطول
ندى / نروح ايه بس دا انا بقيت ما بصدق اخرج من البيت
حسام / مصلحه تحبى تروحى فين
ندى / اى حته بعيد عن البيت
حسام يشيل منها حبيبه و يروحوا يركبوا العربيه و يسوقها و يمشي
……………………
فى شقه امانى
على بيحط اكياس كتير على الارض
امانى / اخص عليك يا على هو كل يوم و لا ايه
على / ما فيهاش حاجه يا امى انا اولا من الغريب و بعدين انا عارف ان نور هتقعد النهرده مع عمى و ندى بتطعم حبيبه و كدا هيبقي مجهود كبير على حضرتك
امانى / تسلملى حنيه قلبك اهى دى الناس مش التانيه اللى اكل و مرعى و قله صانعه قال ايه و هتكمل تعليم هى عارفه توفق بين بنتها و بيتها لما كمان تحط عليهم كليه
على / حقها … على العموم انا هطلع ابص على العمال عن اذنك
على يطلع يقابل نور على السلم
على / اهلا
نور / اتاخرت ليه النهرده
على / غصب عنى اخبار عمى ايه
نور / كويس كنت هقولك ادخل بس هو نايم
على / نوم العافيه مفيش اخبار عن العمال
نور / بابا معاهم من الصبح … صحيح ماما امبارح اقترحت على حسام نعمل فرحنا سوا
على / و وافق
نور / ابدا طبعا بيقولها ان خلاص عدته هتخلص لكن احنا الشقه لسه بدرى عليها
على / اكيد مش هياجل طبعا
نور / انت عاوزه ياجل
على / مش مهم اللى انا عاوزه … بقولك ايه انا ممكن اقعد جنب عمى و انتى انزلى ساعدى ماما انا جبت اكل للعمال و برضه مضايقه ان ندى بتطعم حبيبه … بصراحه ما بفهمهاش ما هى البنت محتاجه تطعم و بعدين ندى مش ملزمه ناحيتنا باى حاجه ندى ما بتعرفش تطبخ اساسا
نور / هههههههههههههه ما هو ده اللى مضايقها انها حتى ما بتحاولش تتعلم
على / لا بس على كلام حسام انها بتحاول
نور / و بتفشل
على / ما ياما بوظنا طب دا انا ليا مع المطبخ ده … هو ايه وقفه السلم دى بقولك ايه يا بت انتى رغايه و مش هخلص معاكى انزلى ساعدى مامتك و انا هقعد جنب عمى
نور / هههههههههههههههه تمام
نور تنزل على يدخل و يقفل الباب و يفتش فى الادراج و الورق و يروح يفتح الدولاب و يبص على الهدوم كلها لندى يروح يقعد على السرير و يبص عليها يلاقي بجامه مطبقه على طرف السرير يشدها و يشمها و يتنهد
………………………
فى مطعم فخم
ندى / طب و ليه لا
حسام / ليه لا ايه الموضوع ده هياخد وقت طويل جدا فى الاجرائات
ندى / و احنا ورانا ايه برده
حسام / طب و شهادتك انتى مش لسه كنتى شاده مع ماما امبارح بسبب الكليه
ندى / و هشد تان لما اسيبها و تالت لما هتنفس جنب ودنها و رابع لما هتنفس بعيد عن ودنها
حسام يضحك و يبص الناحيه التانيه
ندى / و بعدين كليه ايه طب قول بابا هسيبه لمين انا بجد ما عدتش عارفه هلاقيها منين و لا منين
حسام / فى مركز كويس اوى متخصص فى حاله عمى ممكن نسيبه فيه لو عاوزه
ندى /دار مسنين يعنى
حسام / لا طبعا ايه اللى بتقوليه ده دا مركز طبى عشان يبقي تحت الرعايه اربعه و عشرين ساعه و ساعتها اكيد علاجه هيبقي اسرع
ندى / لا طبعا ما اقدرش اطمن على بابا مع غيرى
حسام / و انا مش هقدر اخده لبنان معانا انا حتى مش المفروض اخدك معايا انتى و حبيبه فى الاول المفروض اسافر قبلكوا
ندى / و انا مش مستعجله سافر و رتب الدنيا و ابعتلى
حسام / يبقي ندخل الاول و بعدين اسافر
ندى / احنا كان فى بينا اتفاق مش هيحصل الا برضاي
حسام / انا هبقي جوزك انتى بتقولى ايه
ندى / اتكلمنا فى الموضوع ده كتير
حسام / و هنفضل نتكلم اصل ما فيش اهم من الموضوع ده يا ندى انا عملت كل اللى اقدر عليه قدمت السبت و الحد و الايام كلها
ندى / تحب تروح
حسام يبص الناحيه التانيه و يكتم جواه
ندى / احنا ف بينا اتفاق سيبها لله تيجي بوقتها ما تضغطش عليا
حسام يبصلها و يبتسم و يهز راسه موافق ندى تبتسم و تكمل اكل
………………………
فى شقه ندى
على واقف فى المطبخ بيدفى لبن نور تفتح باب الشقه و تدخل
نور / على .. على
على / فى المطبخ
نور تدخل المطبخ
نور / بتعمل ايه
على / بعمل لعمى كبايه لبن صحى جوه و له دوا
نور / ايوه ندى كلمتنى تفكرنى
على / شكلهم هيتاخروا
نور / انت بتقول فيها اتغدوا بره و ماما هتطق
على يصب اللبن فى الكبايه و يروح اوضه مصطفى و يحطها على السرير و يساعد مصطفى يعدل نفسه و يديهاله يشرب و يسندها قصاده
نور / مش عشان اتغدوا بره بس عشان عرفت ان حسام اتقبل فى شغلانه لبنان اللى كان مقدم فيها
على يبص لمصطفى و مش بيعلق
نور / و غالبا هيسافروا سوا
على / ناوليني يا نور معلش دوا عمى انهى واحد اللى عليه الدور
نور تقلب فى الكيس و تطلع علبه و تدى لمصطفى حبايه
نور / بالشفا يا عمى
على / بالشفا
على يناوله ميه مصطفى ياخد الدوا
على / خليكي جنبه بقي هطلع ابص على العمال و ارجعلك
على يديها الكبايه و يمشي نور تقعد جنب مصطفى
نور / مش عوزاك تشيل هم لو حصل و ندى سافرت مع حسام هاخدك تعيش معايا انا و على و اديك شايف بيحبك قد ايه يعني مش هيمانع و حتى لو حصل و مانع و فضلت هنا انا هبقى معاك طول الوقت و هشوفلك حد امين يبات معاك مش هسيبك تتبهدل ابدا
مصطفى يمسك ايد نور تبتسم
نور / انا شايفه ان سفرها لبنان فرصه كويسه تقرب من حسام و تبعد عن المشاكل بدايه جديده و مكان جديد تتفسح و تنبسط
مصطفى يبتسم
نور / انا هقوم اجيبلك حاجه تاكلها اللبن لوحده مش كفايا
نور تقوم و مصطفى متابعها
…………………
فى شقه منال
أية / انا ما بحبهاش و لو جابولى مليون قلب فوق قلبى مش هقدر احبها
منال / طب شوفتى منها ايه طيب
أية / يعني انا اتفضح و اخته تفرح و تتهنى انا حياتى تدمر و اخسر ابنى و هو يتجوز اللى بيحبها و اخته تتجوز اللى بتحبه فين عدل ربنا فين حقى سكتونى عشان خاطر ندى طب ابنى اللى راح منى فين حقه
منال / يا أية انا حاسه بيكي بس انتى صغيره و بكره ربنا يعوضك
أية / و نعم بالله انا كنت فاكره انى هقدر امسك نفسي بس كل يوم بيعدى كل ما اسمع اسمه او اسمها كل ما
منال / اهدى يا بنتى
أية تقعد تعيط
أية / انا ما حدش حاسس بيا حتى عمر عايش و لا كان حاجه حصلت بيقف قدام حسام و لا كانه عرانى و لا كانه فضحنى و قتل ابنى بقيت لما بشوف عمر هادى كدا النار جوايا بتزيد بفتكر انى ما ليش حد
منال / فى ايده ايه بس يا بنتى يعمله و ما عملوش يعني هترتاحى لو قتله و اتسجن
أية / هرتاح مش هكدب عليكي هرتاح و مش هرتاح الا اما يموت
منال / و هتقدرى تعيشي من غير عمر
أية / طب ما ندى هتعيش من غير على و على هيعيش من غير ندى و انا عايشه من غير روحى
أية تمسح دموعها
أية / انا ما بقدرش افتح الشباك و لا حتى اقرب منه بقيت بنشر الغسيل على كراسي السفره عشان خايفه اقرب من البلكونه
منال / و برده مش عاوزه تروحى للدكتور
أية / مش كفايا كل الناس اللى اتفضحت قدامهم عوزانى افضح نفسي قدام ناس تانين
منال / دا دكتور محترم و ادى قسم و انتى محتاجاه يساعدك انتى كل يوم حالتك بتبقي اسوء يا بنتى و انا خايفه عليكي
أية / ما انتوا ما تجبرونيش اتعامل معاهم كل يوم و تطلبوا منى انسي و اعيش فى حاجات كلمه اسف ما بتصلحهاش
منال / معاكى حق و صدقيني لا عمر و لا على نارهم اقل من نارك بس هم بيفكروا بعقلهم
أية / على السكينه سرقاه مش مستوعب الحقيقه هو فاكر انه هيقدر يساعد ندى لما يتجوز نور هيقدر ينام كل ليله و هو شايف ندى فى حضن غيره هيقتلها و يقتل نفسه بالبطئ و برده حسام و اخته مش هيخسروا حاجه
منال / لا اله الا الله مش عارفه اقولك ايه
أية / طب نور مش وحشه زى ما بتقولى و ما لهاش ذنب هو كدا مش هيجرحها مش هيستغلها هيخيرها بينه و بين اخوها و لما تختاره هيسيبها فى الاخر و يروح لندى انتى ازاى بتحبى نور و قبلالها حاجه زى دى
منال / عشان على وعدنى هيتقى ربنا فيها
أية / ازاى و هو ناوى على غدر من الاول ازاى
منال / أية .. حبيبتي … بقولك ايه ما تقومى كدا تتوضي و تستهدى بالله و تصلى ركعتين و تنطرى شيطانك ده
أية / انتى شايفه كدا ؟
منال / و احنا لينا غيره يا بنتى
أية/ معاكى حق
أية تقوم و تدخل الحمام
منال / انا مش عارفه اخره اللى احنا فيه ده ايه افرجها من عندك يا رب
………………….
فى شقه امانى
محمد و على و نور وامانى قاعدين بيضحكوا و يشربوا الشاى
على / و انا همانع ليه بالعكس دا ينورنا
امانى / و انا اللى قولت انتى اللى هترد عليها و تعقلها و لا انت محرج مننا
على / ابدا الحج مصطفى مهما كان جارى من سنين و كفايا انه عم نور
امانى / بس انتوا هتبقوا عرسان و عاوزين تاخدوا راحتكوا
على / و هو الحج مصطفى هيمنعنا فى ايه دا ربنا يشفيه ما بيتحركش من مكانه و بعدين هو ما لوش غيرنا مش هنبهدله فى اخر ايامه
امانى / له بنته اللى رمياه و دايره تتسرمح طول الوقت و لا ساله عنه و ما تقوليش بتطعم البت الساعه داخله على سته اهو وما روحوش
على / عشان مطمنه عليه معانا
امانى / خلاص تقعد بابوها بلا سفر بلا بتنجان
نور / و حسام
امانى / يسافر يسافر و يبعد اياكش ينساها و لا يشوفله واحده لبنانيه تملا العين انا عارفه عاجبه فيها ايه دى
نور تبص لامها
امانى / ماسخه و دلعها ماسخ زيها
على / بس هو عاوزها
امانى / سحراله
على يبتسم و يقوم
على / عن اذنكوا اروح الحمام
نور / مفيش فايده مش كدا
نور تقوم ورا على
امانى / يا حظك النار يا بنت مها الكل بيتحمقلك حتى جوز بنتى
محمد / ما تنسيش ان على عارف ندى من زمان و جيران و صاحبه مرات اخوه
امانى / بس نور هتبقي مراته و المفروض اقربله من ندى
محمد / و هو كان فى حد قرب لنور عشان يتحمقلها
امانى / ما هو ده اللى ناقص كمان
محمد / شوفيلنا كركديه الضغط فى الطالع
امانى تبصله و تقوم و محمد ينفخ
…………………..
فى المول
ندى بتنقى و حسام قاعد شايل حبيبه على ايده ندى توريله فستانين قصيرين
ندى / ده و لا ده
حسام / عليكي شكلهم هيفرق
ندى / عاوزنى اقيسهم هنا قدام الناس
حسام / اكيد لا عاوزك تاخديهم الاتنين و تقيسيهملى لما نروح
ندى / يعني اخدهم الاتنين
حسام / ما يغلوش عليكي
ندى / خلاص تمام هاخدهم هات حبيبه بقي و روح حاسب
حساب يقوم يديها حبيبه و ياخد كومه هدوم و يروح يحطها عند الكاشير و ندى متابعه و مبتسمه توشوش حبيبه
ندى / اما نشوف تيته هتقول ايه لما تشوف الحاجات اللى بابا جبهالى .. اياكش تطق بقي و تريحنا
ندى تبوس حبيبه من خدها و تروح لحسام بيدى للراجل الكريديت كارد و يدخل الرقم السرى
الكاشير / نورتونا
حسام / ميرسي
حسام يشيل الشنط و يروح يفتح العربيه يحط الحاجه و يفتح لندى تركب و يلف يركب
ندى / بس الصيدليه طلعت بتكسب جامد مش زى ما نور بتقول يعني ان الرجل خفيفه و كدا
حسام/ هى نور بتفهم فى الصيدليه ايه غير انها تصرف الروجيتات دا ان عرفت تقراها اصلا
ندى / هههههههههههههههه على رايك بس برده مبلغ كبير اوى النهرده مش كل حاجه اقولك دى و لا دى تقولى خدى الاتنين
حسام / اعملك ايه ما زوقك حلو اوى و بعدين انا بضعف قدام الدلع ده امتى بقي تلبسيهملى و ترضي عنى و تدلعيني بقي
ندى / لسه بدرى
حسام / و انا مش هضغط عليكي
ندى / تعجبنى روحنى بقي قبل ما عمتوا تعملنا فيلم
حسام / كل الحماوات كدا
ندى / طب سوق سوق
…………………
فى شقه عمر
أية بتوضب العشا فى المطبخ و عمر واقف ينقنق جنبها
عمر / لا الحمد لله الشغل النهرده كان حلو اوى تعرفى لو كل يوم كدا
أية / ما ينفعش و انت عارف … اومليت و لا عيون
عمر / مفيش بسطرمه
أية / فى حاضر
أية تفتح التلاجه و تطلع البسطرمه عمر يروح يحضنها من ضهرها
عمر / انا بحبك اوى يا أية
أية / و انا كمان يا عمر … عمر طنط منال كلمتنى تانى فى حكايه الدكتور
عمر / انا مش هضغط عليكي
أية / انا موافقه
عمر / بجد يا أية … بجد هتروحى
أية / اكيد … خصوصا بعد ما انبسطت اوى كدا
عمر / عشانك والله
أية / عمر انا بفكر اتنقب
عمر / طب و انا هتنقب انا كمان و لا هعمل ايه
أية / انت غيرى
عمر / اى حاجه هترتاحى فيها انا معاكى فيها
أية تحضن عمر اوى و بعدين تسيبه و تقطع البسطرمه
أية / بقولك ايه روح ظبطلنا فيلم حلو على زوقك على ما اخلص العشا
عمر / عيونى
عمر يطلع بره و هى متبعاه تفقش البيض
………………….
فى شقه امانى
على / يادوب والله ابص على المحل بصه فى السريع
نور / هتيجي بكره
على / مش عارف سبيها لله
نور / تمام لما تروح ابقي كلمنى تمام
على / تمام
على يفتح باب الشقه يلاقي حسام و ندى طالعين
حسام / الله على فين هو اذا حضرت الملايكه و لا ايه
ندى / اما حسام جابلى شويه حاجات للجهاز يا نور ايه ما قولكيش
على / حمد الله على السلامه عن اذنكوا عشان اتأخرت
على يعديهم و يمشي
حسام / ما بدرى .. هنطلب عشا
نور / على فكره عيب اسلوبك ده انت كدا شتمته
حسام / خلاص خلاص ما تتحمقيلوش اوى كدا دا انتوا حياله لسه فى الخطوبه امال لما يتجوزك هتضربيني بالنار عشانه بقي و لا ايه
نور / اكيد لا بس
ندى / ما بسش سيبك منه و تعالى افرجك على التحف اللى جبتها
ندى تمسك ايد نور و يدخلوا جوه
حسام / طب انا ايه انا اللى دافع على فكره هههههه ماشي يا ستى مؤقتا بس ههههههههههه
امانى تطلع من جوه حسام يلم نفسه
امانى / حلوه وقفه السلم دى
حسام / لا انا اصلي كنت طالع اطمن على عمى فقولت انكشهم بس
امانى / يا ميله بختك يا امانى
امانى تسيبه و تدخل و هو بينفخ
…………………..
فى اوضه نور
ندى لابسه فستان قصير و عماله تلف بيه
نور / لايق عليكي اوى
ندى / بس مش عارفه اعمل ايه فى بطن القيصيريه دى مضيقانى اوى تفتكرى اكلم حسام اعملها كافيتايشن قبل الفرح و لا اعملها من وراه و اخليها مفاجاه
نور / انا والله مش شايفه انك محتاجه اى حاجه
ندى / ازاى يا نور بقي بعد ما حسام يدخل عليا بنوته و بعد اروى يدخل على البطن دى اكيد لا طبعا و لا انتى فاكره ان عشان على ما اتجوزش قبلك ما شافش بنات تانين
نور / لا طبعا على بيتقى ربنا
ندى / انتى فهمتى ايه يا بنتى ما تبصي حواليكي الفيديو كليبس و الافلام و لا البنات فى الشوارع امال لو ما كانش محله قدام الجامعه
نور / يعني ايه
ندى / الله هو انتى مش عارفه بنات الجامعه بيبقوا عاملين ازاى و لا لابسين ازاى دول على راى حسام ههههه اوزى و بيهتموا بنفسهم على الاخر
ندى تقف و تفضل تعدى ايديها على بطنها نور تقف جنبها و تعدى ايديها على بطنها هى كمان و ندى بتبصلها بطرف عينها و هى مبتسمه
………………………….
فى شقه ندى
ندى نايمه على السرير بتتكلم فى التليفون و حاطه ماسك على وشها
ندى / و هم اللى اتعلموا خدوا ايه بلا هم
أية / يعني فعلا هتسافرى يا ندى
ندى / اقعد هنا اعمل ايه اتفرج عليهم و هم بيحبوا فى بعض و لا اقعد امثل السعاده قدام كل الناس خصوصا حماتى عشان ما تشماتش فيا اقعد و اسيب حسام و على يضربوا فى بعض و لا ابعده عن هنا و اخلى الناس تتقى شره
أية / طب و انتى على بيقرب منك عشان
ندى / على مش عاوز يفهم الموضوع انتهى يا أية مفيش امل حسام كسب خلاص
أية / مستحيل تكون دى النهايه
ندى / على الاقل نهايه المرحله دى
أية / و هتعملى ايه معاه هناك لوحدك
ندى / هههههههههههههههههه طب ما انا هنا معاه لوحدى بس هنا انا لوحدى ضد الكل هناك انا و هو لوحدنا
أية / ما تسافريش يا ندى ما تبعديش
ندى / مش هقدر يا أية ما يغركيش اللى انا فيه انتى اكتر واحده عارفه انا لولا حبيبه
ندى تعيط و تقوم تقعد
ندى / انا كنت ولعت فى نفسي من زمان
أية / حاسه بيكي جدا
ندى / عمرك … ما يحسش بيا الا اللى عنده ضنا
أية / او اللى خايف يكون عنده
ندى / و انتى تخافى من ايه عمر بيحبك و انتى بتحبيه
أية / ما انا يتيمه برضه و ما ليش حد و عمر جربته قبل كدا
ندى / حرام عليكي يا أية اى حد فى مكانه
أية / انا مش بلومه مش بلومه غلطه امى برضه مقدره والله انه دفع التمن و مقدره انه اتمسك بيا بعد اللى حصل بس انا مت يوميها يا ندى مهما حاولت ارجع زى ما كنت مش قادره … انا قررت اروح لدكتور نفسي
ندى / هو ما ينفعش تاخديني معاكى
أية / بجد ؟
ندى / عشان حماتى تمسكهالى يا شيخه بقي
أية / الله يعينك
ندى / بصي يا أية انا و انتى ما نفرقش كتير عن بعض فهقولك اللى اتعلمته ما حدش هينفعك اوعى تخافى من حد او تعملى حساب لحد خليكى بجحه عشان كل اللى حواليكي بجحه
أية / بالبساطه دى
ندى / والله يا أية طلعت ابسط من ما تخيلت … بقولك ايه انا هقوم اغسل وشي و انزل انكد على حماتى شويه
أية / ههههههههههههههه ربنا معاكى
ندى / طب والله كنت بحبها زمان زى ماما بالظبط بس نقزل ايه بقي
أية / ما تقوليش شوفت بعيني ما حدش قالى
ندى / ههههههههههههههه سلام
ندى تقفل و تروح تبص على باباها نايم تروح الحمام
……………….
فى شقه نور
على واقف مع العمال فى اوضه
نقاش / ايوه بس الست امانى قالت هتعملها مكتبه
على / هههههههه مكتبه ايه بس ما تضحكنيش بص هى مش ادهنت بيج خلاص شوفلى كدا كام صوره كارتون بناتى وزعهم و عاوز للنجوم الفسفورى دى فى السقف
النقاش / لا الحاجات دى بسيطه بتتعمل فى الاخر
على / خليها فى دماغك برده
نور تدخل
نور / صباح الخير
على / صباح النور
نور / هانت قربوا يخلصوا خلاص اهو
على / الراجل بيقول الاوضه هتتعمل مكتبه
نور / مش بالمعنى بس زى ما تقول كدا
على / هعملها لحبيبه
نور تبصله باستغراب
على / حبيبه او جدها يعني لما يجوا عندنا يبقي ليهم ركن بتاعهم فيه حاجتهم
نور / هتفرق ايه هنا من دور تحت يعني
على / مش هتفرق … بس انا ما ليش فى القرايه يا نور و انا عرق انا قد ايه انتى متعلقه بحبيبه و عارف ان حسام يعني الود وده يوزع حبيبه
نور / على
على / انا كنت بغيرلها البامبرز و اسهر بيها و احيانا بعملها ببرونه و ارضعها
نور / انا عارفه بس
على / لا انا و لا انتى و لا حسام و لا ندى هيكون عندنا بيبي غيرها
نور / على انت متاكد انك
على / نور انتى بتقعدى بحبيبه اكتر من امها اصلا
نور / حبيبه هتسافر معاهم لبنان
على / عرفت بس عمى هيفضل معانا
نور / لا هيفضل مع بابا
على يبتسم و يبص الناحيه التانيه
نور / على
على / نور … مش هنكدب على بعض مامتك هتاخد بالها منه و لا انتى بقي هتفضلي نازله طالعه
نور / اللى تشوفه يا على
على / و بعدين بكره ربنا يكرم عمر و أية بعيال كتير يبقوا يجوا يحتلوا اوضه بيبو بقي و يكسرولها لعبها
نور تبتسم
على / ضيوف كدا على خفيف نلعب معاهم و لما نحب نستفرد ببعض نبقي نطرق كل واحد على بيت امه
نور تبتسم و تبص الناحيه التانيه
على / انا هنزل اعدى على المحل شويه تقلت على احمد اوى الفتره اللى فاتت
نور / تمام يا حبيبي تمام
على يبتسم و ينزل يقابل ندى طالعه
ندى / ما كنتش اعرف انك هنا
على / كنت ماشي .. ازيك
ندى / هسافر لبنان
على / عرفت
ندى / كنت طالعه اتفرج على شقتك انت و نور طنط بتقول العمال قربوا يخلصوا ما شاء الله
على / ايوه الحمد لله على اخر الاسبوع ننزل نشترى العفش
ندى / بجد !!! مبروك فرحتلك اوى
على / هنعمل اوضه لعمى و حبيبه
ندى / والله !!! كويس بس انا هاخد حبيبه معايا لبنان
على / انتى متاكده من حكايه لبنان دى
ندى / و ليه لا
على / هتفرق يعني عن الامارات
ندى / هتفرق كتير تصدق يا على و انا فى الامارات كان فى امير انقذنى و عرض عليا اعيش فى الامارات و يتكفل بمصاريفي انا و حبيبي و انا … ههههههه رفضت … قال ايه عاوزه انزل مصر … سبت الامارات اللى حسام ما يقدرش يهوبها و رجعت … رجعت عشان اشل ابويا و اموت امى و ارجع لحسام … و مش هتكلم عن أية انت عارف هههههههههههههههههه سبحان الله
على باصص فى الارض
ندى / رجعت عشان كنت فاكره ان ليا فى مصر حاجه ارجعلها … بس طلع ما فيش … اهو اجرب تانى يمكن .. يمكن
على / ندى انتى عارفه انا هنا ليه
ندى / عشان توضب شقتك اللى هتتجوز فيها نور و الاسبوع الجاى ان شاء الله هتروحوا تشتروا اوضه النوم اللى هتناموا عليها سوا فبلاش الوش ده بلاش الحركات دى
على / حركات ايه يا ندى
ندى / انك خايف عليا يا على انك بتضحى عشانى يا على عشان ما طلبتش منك حاجه و لا مستنيه منك حاجه لانك ما تقدرش تعملى حاجه
على / لو فضلتى فى مصر هقدر هقرب من حسام و مسيره يغلط
ندى تبتسم و تسيبه و تطلع و على متابعها لحد ما تدخل شقته يبص فى الارض و يمشي
……………………..
فى شقه امانى
امانى / و ما يتعملكيش فرح ليه هى المعدوله احسن منك و لا احسن منك
ندى / ايه ده هو انت ما قولتلهاش و لا ايه يا حسام
امانى / و هو انا اعرف عنكوا حاجه
حسام / احنا فكرنا فى حكايه الفرح دى لقيناها مصاريف على الفاضي
ندى / فقولنا يجبلى بيها خاتم سولتير احسن
امانى / سولتير الله يرحم امك
محمد / امانى
ندى / الله يرحمها فعلا هى قالت حاجه غلط
الكل يبص لبعضه
امانى / و انتى بقي يا ست نور هيجيلك بدل الفرح سولتير و لا فضه
نور / لا هنسافر شهر عسل فى المالديف
ندى / الله انا عمرى ما روحتها يا حسام
حسام / نروح يا حبيبتي
امانى / يا مرارتى
ندى / سلامتك يا طنط مالك
امانى / وديها المالديف يا خويا وديها شوفت يا محمد هيوديها المالديف
محمد / ما يوديها و لا يجيبها انتى شاغله بالك ليه
ندى / كدا فاضل لندن و باريس و تبقي للفتتنى الدنيا بحالها
امانى / انا داخله انام
ندى / مش هتتعشي
امانى تبص لندى و تدخل اوضتها محمد يوطى على ندى
محمد / خفى على الوليه لتفطس فى ايدك
ندى / الله و انا عملت حاجه
محمد / ههههههههههههه ابدا تصبحوا على خير
محمد يقوم
نور / و انتى بقي ايه حكايتك انتى مش مسافره لبنان
ندى / هو انا قولت هسافر المالديف الصبح دا انا حيالله بقول نفسي و لا هو ما ينفعش احلم يعني
حسام / نور بتهزر يا نونو
ندى / و طنط كمان بتهزر … بقولكوا ايه انا طالعه انام
حسام / و الموفى نايت
ندى / مره تانيه سورى تصبحوا على خير
ندى تقوم تدخل اوضه نور تجيب حبيبه و شنطتها تطلع تلاقى حسام واقف على الباب و نور فى البلكونه
حسام / ايه حركات العيال دى احنا فينا من قمص
ندى / انا مش مقموصه بس ما احبش حد يدخل فى حياتى ما توديني مكان ما تودينى هو حد كلمها لما قالت رايحه المالديف و لا هو حلال ليها و حرام ليا
حسام / ما حدش قال كدا
ندى / طب ايه رايك بقي ما فيش دخله الا فى باريس
حسام / ازاى يعني
ندى / اهو كيفي كدا
حسام / ندى
ندى / نعم
نور تطلع من البلكونه
حسام / عنك حبيبه اوصلك
ندى تشيلهاله و تطلع و هو وراها
نور / ربنا يهدى
…………………..
فى المحل
على بيراجع الحسابات عمر يدخل و أية وراه
عمر / ميا مسا على الرياسه
على / اهلا اهلا اتارى الدنيا منوره
عمر / كنا بنشترى شويه حاجات قولنا نعزم نفسنا على العشا
على / خير ما عملتوا اقعدوا ها طلبتوا و لا تحبوا تاكلوا ايه
أية / انا اى حاجه معاها كولسلو
على يقوم يقف
على / هههههههههههههه عنيا و انت
عمر / انت و كرم اخلاقك بقي مش عاوز اتقل عليك
على / بس كدا طب اقعد اقعد
على يطلع بره و عمر يقعد جنب أية
…………………..
فى شقه ندى
ندى تدخل تبص على ابوها قاعد بيقرا فى كتاب حسام يحط حبيبه فى سرير اطفال و يرجعلها
ندى / انا صاحيه شويه لو احتاجت اى حاجه اضرب الجرس تمام
مصطفى يهز راسه ندى تبوسه و تطلع بره مصطفى يبص لحسام حسام يبتسم و يروح ورا ندى اوضتها يلاقيها بتطلع بجامه من الدولاب
حسام / هو انتى شيفانى ازاى يا ندى
ندى تبصله باستغراب
حسام / يعني شيفانى عيل هفا مثلا
حسام يقرب منها ندى ترمى البجامه على السرير و تبصله
حسام / اوعى تفهمى حبى ليكي ضعف اوعى تفتكرى ان عشان بحبك و ما بحبش ازعلك يبقي هتلويلى دراعى افتكرى انى باخد اللى عاوزه دايما باخد اللى انا عاوزه
ندى تفتح ايديها و تبتسم
ندى / و ايه اللى مانعك ؟ ما تاخد
حسام يمسك ايدها و يشدها عليه ندى تضحك
حسام / لما نتجوز و تبقي مراتى انا مش هكرر نفس الغلطه مرتين
ندى تتنهد و تفك ايدها من ايده و تروح تقعد على السرير
ندى / كل الليله دى عشان قولتلك الدخله فى باريس
حسام / عشان بتلعبى بيا … الكل شايفني دلدول خاتم فى صباعك … و اوعى تفتكرى انهم يهمونى بس لو انتى فكرانى كدا فعلا ففوقى
ندى تسحب نفسها على السرير و تسند ضهرها و تحط رجل فوق رجل
ندى / ههههههههههههههههههه يعنى حلال ليهم و حرام عليا
حسام / يعني زى ما كلمتى واحده معاكى ما تلعبيش بيا
ندى / انت وعدتنى تنفذلى احلامى يا حسام مش عاوز خلاص مش هحلم بس ما تزعلش نفسك اوى كدا الموضوع مش مستاهل يعني و زى ما انت قولت انت كدا كدا بتاخد اللى انت عاوزه هيفرق اللى انا عوزاه فى ايه
ندى تعمل زعلانه و تبص الناحيه التانيه حسام يروح يقعد جنبها
حسام / ما تقلبيش الترابيزه انتى فاهمه قصدى
ندى / انا قدامك يا حسام ادخل وقت ما تحب و مكان ما تحب و انا مش هقدر امنعك اخرى ايه يعني
ندى تقعد على ركبها قدام حسام و تشاور فى اركان الاوضه و ترجع تبص لحسام
ندى / هشوفلى ركن هنا و لا هناك و اقعد اعيط فيه لوحدى
حسام / و انا وعدتك انى مش هعمل حاجه غصب عنك
ندى / امال فين بقي المشكله زعلان ليه يا سيدى بناقص باريس خالص اللى زعلتك دى
حسام / انا ما بتكلمش فى كدا يا ندى
ندى / انا جعانه ما تيجي نروح المطبخ نشوفلنا حاجه ناكلها و لا انام خفيف
ندى تقوم من قدام حسام لزق يقوم وراها المطبخ يلاقيها بتطلع حاجات من التلاجه يساعدها يمسك ايدها تبصله
حسام / هوديكي باريس و هلفكك الدنيا بحالها بس كل حاجه باوانها
ندى / اللى تشوفه يا حبيبي ههههههههههههههههههههه
ندى تضحك بصوت عالى حسام يبتسم
………………….
فى شقه امانى
امانى تدخل اوضه نور و هى بتغلى تلاقيها بتتكلم فى التليفون
امانى / شايفه عديمه الربايه شايفه ربايه الشوارع
نور تبص لامها و تكتم الموبايل
نور / فى ايه بس يا ماما
امانى / ايه مش سامعه ضحكتها اللى بترن فى المنور من فوق
نور / ماما انا بكلم على الله
امانى / الحمد لله انها هتسافر بدل ما هتفضحنا قدامه
نور / ممكن بقي لو سمحتى
امانى تطلع و تقفل الباب
نور / سورى يا على ماما و كدا
على / هو ايه اللى عصبها المرادى
نور / ندى عاوزه الدخله فى باريس
صمت
نور / هههههههههه بص الحق ندى بتغيظ ماما يعني اول ما عرفت اننا هنروح المالديف قالت اروح يا حسام و بعدين قالت باريس و طبعا انت عارف حسام بقي
على / ما هو المصيبه انى عارفه
نور / تعرف انى سامعه صوت ضحكهم من فوق دول اكيد فى المطبخ
على / اشمعن
نور / ما هو الصوت ما يسريش كدا الا من المنور و المنور يا المطبخ يا الحمام و اكيد مش الحمام يعني
على / كويس انك قولتيلى عشان ابقي اخد بالى بصي هقفل عشان أية و عمر ما يزهقوش و كدا هبقي اكلمك تانى
نور / تمام يا حبيبي سلام
نور تقفل و تقوم تطلع بره
………………..
فى المطعم
على يدخل المكتب
عمر / انت فين يا عم الاكل هيخلص
على يقعد
على / الف هنا معلش كنا بنقول ايه بقي معلش … اااه بصي يا أية انتى لو قولتى انك قررتى تتنقبى عشان مقتنعه بفضل النقاب هقول امين واقف جنبك و انزل معاكى نجيب لبسه و حاجته انما عشان تدارى من الناس
أية / مش حوار ادارى او غيره انا بس مش برتاح لما بشوف حد بيبصلى كدا اريح هقدر انزل و اروح و اجى براحتى
هبقي مرتاحه شويه بصوا انتوا مش هتفهمونى كدا كدا فريحونى و خلاص
عمر / يا ابنى انا ريقي نشف فى الكلام ده ما فيش فايده فريحتها و جبتلها الحاجه
على/ يعني خلاص هتنفذى فعلا
أية / ايوه من بكره باذن الله
على / ربنا يصلحلك الحال
أية / بص انا مش عارفه الكلام ده هيضايقك و لا يفرحك بس انا هلبسه بره البيت بس يعني حياتك مع عمر مش هتتاثر بحاجه تقدر تيجي فى اى وقت زى ما كنا عايشين عادى
على يسيب اللقمه و يبصلها و يبص لعمر عمر يبص فى الطبق و يكمل اكل
على / انتى كمان لبساه من الغرب بس قصدك يعني حتى فضل النقاب انتى رمياه
عمر / ما تنساش انها صغيره و مش فاهمه حاجه
على / و لا هى صغيره و لا ما بتفهمش بصي يا يويو انتى زى اختى و انا عاوزك احسن حاجه و عاوزلك احسن حاجه فكرى تانى و انا مش هضايق من نقابك و كمان انا و عمر مش لازم نتقابل عندك فى البيت و نقيدك ممكن عندى هنا عنده فى المحل على القهوه اى حته عادى
أية / انا مش منتقبه يا على انا
على / ما هو ده بقي اللى مضايقني انتى ما غلطتيش عشان تدارى
أية / هرتاح كدا
عمر / اعملى اللى يريحك و احنا معاكى
على / لا مش معاكى لبستيه مش هتقلعيه و لبستيه يبقي على الكل الا عمر محرمك الوحيد على الكوكب
أية / هلبسه
على / على بركه الله
عمر يبص لعلى
على / ايه ؟ دا نقال يعني مش لعبه يا عمر
عمر / نتكلم بعدين
على / نتكلم … اجبلكوا ساقع … هجبلكوا ساقع
على يطلع بره
……………………..
فى اوضه امانى
نور / يضحكوا و لا يعملوا اللى يعملوه انا مالى هطلع ازعقلهم يعني يا يا ماما
امانى / ما انا لو كنت لقيت رجا من ابوكى ما كنتش جيتلك
صوت ضحك عالى فى المنور
صوت ندى / هههههههه حاسب يا حسام هتغرقنى هههههههههه
امانى / سامعه قله الادب
محمد / يعني هترتاحى لو كان ده عياط و صريخ يعني
امانى / طلبت تطلق قولنا مصلحه قالت استنوا العده قولنا خير و بركه انما شغل مياصه و قله ادب فى الحرام
محمد / فى عدته يعني اى كان حلال
امانى / دا اى كلام حتى هى نفسها مش مقتنعه بيه بدليل حكايه العده اللى احنا فيها دى بتقول انهم ما كانوش متجوزين
نور / يا ماما عشان خاطرى احنا بنحاول ننسي الحكايه دى مش كل شويه هتقوليها
امانى / ما هو مش هنبقي احنا اللى كدبنا الكدبه واحنا اللى صدقناها يا عنيا
محمد / خلاص هكلمه لما ينزل هكلمه
امانى تسيب المكان و هى بتبرطم و تشوح بايدها
امانى / لما بقي
……………………
فى اوضه ندى
ندى بتحط حبيبه فى السرير
حسام / انا هنزل انام بقي
ندى / ششششش
ندى تزق حسام بره الاوضه
ندى / لو تحب افرشلك الكنبه
حسام / ياريت كان ينفع بس اكيد سمعونا و احنا بنحمى بيبو فلازم انزل عشان ما يفهموش غلط
ندى / تمام … هبقي اكلمك فى التليفون
ندى تنفض لحسام بايدها هدومه بدلع و حسام متابعها
حسام / احب حاجه على قلبي
ندى / يعني مش زعلان منى
حسام / عمرى
ندى تبتسم و تفتح باب الشقه حسام يطلع تقفل الباب و تدخل تقفل شباك المطبخ و الحمام و تروح لابوها باصص لها
ندى / عاوز حاجه يا بابا
مصطفى يبص فى الارض ندى تمسك دقنه و ترفع عينه لعينها
ندى / اكيد امه هتتخانق معاه و تنكد عليه
مصطفى يبص الناحيه التانيه
ندى / هاخده لبنان ومش هنزله مصر ابدا … هخليه ينسى امه و اهله و احرمهم منه زى ما حرمونى من امى
مصطفى يمسك ايد ندى
ندى / لا يا بابا انت لا انا بس ارتب الدنيا هناك و اوعدك هبعتلك تيجي انا ما ليش غيرك مش هسيبك وعد … و ان كان على حسام مش هيقدر يقول لا انا هعرف اتعامل معاه
مصطفى يطبطب على ايد ندى تبتسم و تمسك ايده تبوسها و تطلع بره مصطفى يعيط
……………………
فى شقه امانى
حسام / ما قولت كنا بنحمى حبيبه البامبرز سرب ابقوا ركيبولنا كاميرات و لا ابقوا اطلعوا معانا
امانى / و هى يعني ما تعرفش تحمى بنتها
حسام / دى بنتى يا ماما يعني حتى لو ندى مش محتاجانى فى تربيتها انا محتاج اكون اب ليها
محمد / برده يا حسام استحمل يا سيدى الكام يوم دول لحد ما العده دى تعدى
حسام / هو احنا لوحدينا
امانى / و هو عمك يعرف يهش دبانه
حسام / بكره ربنا يشفيه يلا تصبحوا على خير عن اذنكوا
حسام يقوم
امانى / عشان تصدقنى ان الكلام مع ابنك بقي زى قلته
محمد / يبقي ما تتكلميش يا امانى ما تتكلميش
محمد يقوم و امانى تقعد تنفخ
………………..
بعد فتره فى شقه ندى
ندى نايمه على السرير لابسه فستان حمالات ضهره مكشوف و فى واحده بترسملها حنه على ضهرها و أية قاعده على كرسي شايله حبيبه و بتهزها نور تدخل شايله كاسات عصير
نور / العصير الفريش عمايل ايديا وحياه عنيا
ندى / هههههههههه جه فى وقته خشي عليا خش
نور / لا بس الرسمه طالعه جامده لزم اجيبك قبل فرحى
البنت / عنيا تؤمرى
ندى / عوزاكى بعد ما تخلصي ترسميلهم كلهم على ايديهم اخوات العروسه
البنت / عنيا
نور / بقولك ايه ما ترسميلها كوليه كدا على رقبتها و صدرها زى الصور اللى فرجتينا عليها
ندى / مش هيبقي اوفر
نور / يا اختى ادلعى
ندى / على رايك ههههههه
البنت / انا خلصت ضهرك نص ساعه ماكسميم ينشف
ندى / طب شوفى نور بقي على ما امشى رجلى لحسن نملت
ندى تقوم و تاخد كبايه العصير و تطلع بره و نور تقعد مكانها أية تشيل حبيبه و تطلع ورا ندى
أية / انتى كمان هتتنزوقيله
ندى / انا بتزوق لنفسي بعيش لنفسي
أية / هيتقفل عليكوا باب واحد هتبقي مراته يا ندى
ندى / ههههههههههههههه انتى طيبه اوى يا أية
أية تحط حبيبه على الكنبه
أية / طب فهميني بردى نارى هطق
ندى / قولت لا مليون مره ايه اللى حصل حاجه اتغيرت ؟ ابدا ان جالك الغصب هاته بالرضا
أية تبص الناحيه التانيه
ندى / دايما بسال نفسى ازاى ان كيدهن عظيم ازاى و احنا هبل اوى كدا بس ما ينفعش القران يغلط كلام ربنا ما بيغلطش احنا اللى بننكر الحقيقه
أية / و انتى بقي اللى هتعدلى المايله
ندى / و لا اعدل المايل و لا اعوج المعدول انا اخرى اعيش اكل و اشرب و اربى بنتى و انام اكتر من كدا بطلت احلم
أية / و على
ندى / ماله على ما هو قرر يكمل هو كمان و مراته بتتزوقله جوه اهو
أية / طب و انا
ندى / مالك يا أية
أية / فين حقى منه
ندى / اللى عند ربنا ما بيروحش المهم بس ما يجيش فى الغلبانه اللى نايمه مش دريانه بالنار الل والعه حواليها
نور تطل توريهم ايدها
نور / ايه رايكوا ؟ تحفه مش كدا … يلا يا يويو دورك
أية / بلاش انا … انا همشي هدخل اللبس و امشي
ندى / لسه بدرى يا أية حرام عليكي
أية / معلش اشوفك بكره فى الزفه عن اذنكوا
أية تدخل اوضه
نور / على قلقان عليها اوى و بصراحه معاه حق دى ما كانتش بتبطل تنطيط بقت هاديه و كئيبه اوى
ندى / البركه فى سي حسام
نور / البركه فى امها حسام ما غلطش لوحده
ندى / اللى حصل حصل مش هتفرق مين الغلطان كدا كدا سمر ماتت
نور / ندى … انتى هتتجوزى حسام بكره على فكره
ندى/ تصدقى فاجئتيني بالموضوع ده انا كنت فاكره انى هتجوز على هههههههههههههههههه
نور / مش ظريفه على فكره
ندى / ايه يا بينتى بهزر معاكى مالك قفشتى كدا ليه
نور / و لا حاجه انا بتكلم عن انك لسه زعلانه من حسام
ندى / انا مش زعلانه منه بس انا ام و من حقى اخاف على بنتى انا لسه قايله لأية انى خايفه ربنا ياخدلها حقها من حسام فى بيبو
نور / لا ما تخافيش لا تزر وازرة وزر اخرى … انا نازله اساعد ماما و طنط منال فى الغدى ما دام ما فيش حاجه تانيه اعملها هنا
نور تنزل و البنت تطلع من جوه
البنت / هو مفيش حاجه تانيه اعملها و لا ايه
ندى تروح تطلع فلوس و تديهالها
ندى / تسلم ايدك تعبتك
البنت تبتسم و تدخل تلم حاجتها أية تطلع لابسه النقاب
أية / انا ماشيه بقي
ندى / هتسيبونى لوحدى انتوا الاتنين يعني
أية / ما انتى هتبقي لوحدك معاه من بكره
ندى / بكره لما يبقي عندك عيال هتحسي بيا
أية / و عشان كدا باخد موانع حمل عشان ما ابقاش زيك
أية تنزل النقاب على وشها و تمشي و ندى مصدومه
……………………..
فى محل على
على عمال يلف حوالين نفسه هيطق
على / لا و البجح البجح بيعزمنى اروح معاه الاسبا الزفت على دماغه نقضي قال ايه يوم رجاله مع بعض مساج و ساونا اياكش يفطس البعيد اياكش يولع ابو شكله على ابو اللى جابه
عمر / يا عم اهدى بقي مستنى منه ايه يعني ما تهدى
على / اهدى ايه بس ما شوفتش كدا ما شوفتش تناحه و برود كدا
عمر / يا سلام و هى ندى عملت ايه يعني ما هو نفس رد الفعل بس بدل بره جابت الوليه تظبطهم فى البيت دا أية العيله ضغطها على
على / ندى بتغيظنى مش أكتر
عمر / صحيح حبيبك يبلعلك الظلط ما هو حسام بيغيظك برده فرقت ايه
على / ما فرقتش اسكت بقي … انت ايه اللى جابك
عمر / لا اله الا الله مش انت اللى اتصلت بيا و تعال و هرتكب جنايه وهرتكب جريمه
على / ايوه حصل يبقي تهديني مش تعصبنى اكتر
عمر / صح معاك حق انا اسف بقولك ايه اهدى بقي عشان عاوز اروح اهدى بنت المجنونه التانيه دى
على / روح كدا كدا هم يومين صعبين و هيعدوا
عمر / يومين !! طيب بقولك ايه خليهم يلفولى عشا لأية و اهدى كدا اهدى خلاص سبق السيف العزل و بكره هتتجوز انت نور و لازم تتاقلم بقي لحد ما ندى تسافر دا الشقتين فوق بعض يا على
على يسيب المكتب و يطلع بره و عمر بيضرب كف على كف
……………………….
تانى يوم فى شقه ندى
الشقه متزوقه و بلالين و سفره مفروشه اكل و مصطفى قاعد على كرسيه و حبيبه على رجله ندى قاعده جنبه بتاكله جاتوع و ساقع ولابسه فستان ابيض سواريه سيمبل و مسيبه شعرها و تاج و مكياج بسيط نور واقفه جنب سماعات بتنقى اغانى و حسام واقف مع صحابه بيضحكوا فى جنب و كل واحد شايل طبق و امانى قاعده بتغلى و محمد واقف فى البلكونه بيبص على النور المتعلق نور تروح لحسام
نور / ما تشوف يا حسام الماذون اتاخر ليه
حسام / كلمته والله فى الطريق … امال عريسك فين مش شايفه يعني
نور / اتصل اعتزر أية تعيانه شويه
حسام / أية تعبانه شويه !! لا الف سلامه عليها طبعا
نور / اه الف سلامه انت عارف ظروفها مش هتيجي تقعد و تتفرج عليك و انت طاير من الفرحه ما انا برده مش هبله عشان اصدق انها هتسامحك يعني
حسام / برده يا نور
نور / بقولك ايه مش وقته روح لضيوفك الحمد لله اننا ما عملناش فرح على الفراغ اللى احنا فيه ده
حسام يبصلها و يمشي نور تروح تقف جنب ابوها
نور / اجبلك تاكل يا بابا
محمد / مش مرتاح للى بيحصل
نور / ليه بس يا بابا ما كلو عشان خاطر حبيبه
محمد / فاكره الفرح بتاع ندى كان مليان ناس قد ايه الناس قلت فى فرح اروى و دلوقت ما عدش فى حد
نور / ما هو ما حدش فينا عزم حد عشان احنا فى البيت و على الضيق و كدا
محمد / انا داخل ابص على مصطفى خايف يجراله حاجه هو كمان
محمد يدخل و نور تقعد جنب امانى تبص الناحيه التانيه و تتنهد الماذون يدخل حسام يجرى عليه و ندى تبصله و عنيها واسعه
حسام / اهلا اهلا يا مولانا اتفضل اتفضل كل ده تاخير اتفضل
الماذون يقعد
الماذون / بالرفاء و البنين ان شاء الله
حسام يديله خمس بطايق و منديل قماش ابيض
حسام / بطاقتى و بطاقه المدام و والدى واكيلها بصفته عمها و اتنين شهود وادى المنديل اهو
الماذون / ههههههههههههههههههه دا انت مستعجل اوى يا عريس
حسام / البركه فيك بقي يا مولانا ههههههههههههههه
الماذون يفتح الدفتر و يبدا يسجل البيانات حسام يطلع ورقه طلاقه
حسام / دى ورقه الطلاق العده خلصت اول امبارح زى ما فهمت حضرتك و كدا
الماذون / على خيره الله
…………………
فى الشارع
على راكن العربيه بعيد بيتفرج على النور اللى على البيت صوت الاغانى مش واصله
//////////////
على / سامحيني يا ندى … سامحيني على ضعفى و قله حيلتى اتغدر بيا زى ما اتغدر بيكي ما قدرتش احميكى منه ثقتى فى نفسي و فى القانون ضيعتك منى … ما كنتش عارف انا بتعامل مع مين ما كنتش متخيل انها توصل لكدا … سامحيني
//////////////
على يشوف الماذون خارج من البيت و حسام و اصحابه خارجين من البوابه بيضحكوا يتعدل فى قعدته و يبص على البلكونه ندى و نور واقفين و نور بتطبطب على دراع ندى ندى تحضنها
نور / اعمل ايه بس ما بعرفش ازغرط
ندى / مش هتفرق … شوفتيني و انا واقفه بطولى ما ليش حد
نور / امال انا و بابا و عمى روحنا فين بس
ندى / انتى و عمى اهل العريس يا نور
نور / اخص عليكي دا انا اختك
ندى / خدى بالك من بابا و بيبو النهرده ممكن
نور / طبعا فى عنيا انتى بتقولى ايه
ندى / ما بقولش هدخل اللم الاكل و الحاجه
نور / هاجى اساعدك
……………………….
فى شقه ندى
نور و ندى بيلموا الحاجه الباب مفتوح حسام يدخل يخبط بصابعه و مبتسم
نور / اتوزعنا
حسام / احبك يا اذكى اخواتك
نور تسيب الكيس فى الارض و تنزل و تقفل الباب وراها وندى تلم باقي الجاتوه ترجعه فى علبه تانى حسام يحضنها من ضهرها
حسام / بتعملى ايه
ندى / خساره باقى الجاتوه و الاكل هحطهم فى التلاجه
حسام / و دا وقته برضه
ندى تلف و تبقي فى حضنه حسام مبتسم و عينه مش ثابته فى مكان
ندى / على ما تغير هدومك هكون خلصت
حسام / محلويه اوى النهرده مش قادر اشيل عيني و لا ابعد
………………….
- يتبع الفصل التالي اضغط على ( رواية سلف و دين ) اسم الرواية