Ads by Google X

رواية سلف و دين الفصل السابع و الثلاثون 37 - بقلم لولو محمد

الصفحة الرئيسية

  رواية سلف و دين كاملة بقلم لولو محمد عبر مدونة دليل الروايات 


 رواية سلف و دين الفصل السابع و الثلاثون 37

نور / بابا لو طلع الكافيتريا لاى سبب و شافنا بجد هيزعل منى اوى و انا مش متعوده انى ما اسمعش كلامه او اكسره
على / بس انا من حقى افهم ايه اللى جد من امبارح للنهرده
نور / بص الكلام ده انا مش مقتنعه بيه بس حسام اقنع بيه بابا النهرده الصبح
على / اللى هوه
نور / بص يا على هو بيقول ان مش معنى اننا عيله منفتحه و كدا ان كل الناس هتبصلنا كدا و ان اللى بعمله ده هياثر على سمعتى خصوصا يعنى انى … مطلقه و كدا
على / اللى هو ايه اللى بنعمله معلش مش واخد بالى
نور / انك توصلنى تتعامل معايا تكلمنى فى التليفون نتقابل فى اى مكان
على / اه فهمت
نور / هو انت ممكن تكون شايفنى بالطريقه دى بجد يا على
على / بتهزرى صح
نور / يعنى انت عمرك ما قولت ان دى مطلقه و سهله و حاولت تتسلى بيا صح
على / هههههههههههههههههه بصى يا نور من الاخر كدا اللى بيدور على الشمال ما بيستناش شهور عشان يصطادها يعنى انا عمرى طلبت منك اى طلب او حاولت اى محاوله او حتى تلميح لاى غرض
نور / انا عارفه والله بس بجد الموضوع ضايق بابا اوى دا انا لولا ندى و ان أية فاقت ما كانش سمحلى اجى و مش بس وصلنا لا دا طلع معانا عشان يتاكد ان كنت موجود و لا لا
على / يعنى باختصار المشكله الوحيده في اللى بينا هو كلام الناس صح
نور / ايوه
على / طب ما دى ليها حل
نور / و اللى هو
على / نتجوز
منال / على الحاجات دى ما فيهاش هزار
على / و انا والله ما بهزر انا ما عنديش اى استعداد ان اى مخلوق يوجه كلمه لنور باى شكل يسيئلها حتى لو كان اخوها
نور / نتجوز ازاى يا على
على / زى الناس ماذون و شهود و لولولولى فرح و معازيم و كدا يعنى
نور / لا يا على ما اقصدش انا و انت مش يعنى العلاقه اللى بينا مش النوع ده انت نفسك يعنى و انا مش عارفه انت بتقول ايه يا على
على / فكرى يمكن تلاقيها تنفع انا هنزل عشان ما يستعوقونيش و انتوا خدوا راحتكوا اشوفكوا تحت
……………………………………..
فى اوضه أية
أية / دا جنان رسمى على فكره
عمر / انت ازاى تعمل حاجه زى دى
على / ما كانش قدامى حل تانى
أية / طب و ندى
على / فى ايدى ايه اقدمهولها طيب
أية / انت كدا بتزود عذابها مش كفايا عايشه مع واحد ما بتحبوش غصب لا كمان اللى بتحبه قدامها متجوز بنت عمها
عمر / يا ابنى انت كدا بتدخل جحر التعابيين برجليك دا حسام مش هيعتقك هيحطك فى دماغه لحد ما يديك اللدغه للى هى
على / اديك قولتها جحر تعابيين و ندى هناك لوحدها انا هبقى قريب و اطمن عليها و اعرف اخبارها و احاول اخفف عنها و اساعدها من بعيد ما ينفعش اسيب الكلب ده يستفرد بيها
عمر / اصلا مين قالك ان اهل نور هيوافقوا على الجوازه دى
على / ما اعرفش
أية / دا جواز يا على مش لعبه
على / يعنى اعمل ايه اطمن عليها ازاى دا لولا انك فوقتى و ان طنط منال اتحايلت على نور تيجى ما كنتش عرفت المجنون ده عمل فيها ايه بعد امبارح و اللى حصل فيه يا جماعه انا اه يمكن اكون انانى اوى فى قرارى ده بس ده من غلبى تعبت اعمل ايه
عمر / اهدى يا ابنى مش مستاهله
على / كل حاجه حبيتها فى حياتى اتحرمت منها اى حد بيقرب منى بيتاذى اى حد يمكن لما ابقى وسطيهم هما اللى يتاذوا و اخلص منهم يمكن
أية / والله ما عارفه مين فيكوا يصعب عليا اكتر
على / هو الدكتور قال هتروحى امتى
أية / انا لو عليا عاوزه امشى دلوقت
عمر / وحشتك يا يويو
أية / لا عشان انا اتخنقت من هنا
على يضحك
عمر / من ورا قلبك على فكره
أية تبصله و تروح تقعد على السرير و تنفخ عمر يروح يقعد جنبها
عمر / مالك يا أية فى ايه
أية / عمرنا ما هنرتاح ابدا عمرنا هنفضل طول عمرنا نهرب من المشاكل عمرنا ما هنقدر نحلها
على / و احنا فى ايدنا ايه اكتر من اللى بنعمله و ما عملناهوش
أية / ما اعرفش
عمر / تعرفى ترمى الدنيا كلها ورا ضهرك و ما تعملش حساب لبكره احنا معاكى
أية / لحد امتى
على يقوم يقعد على السرير الناحيه التانيه
على / لحد اخر نفس فى عمرى و دا وعد اتحاسب عليه يوم القيامه قدام ربنا
عمر / و انا زيه بالظبط
أية تبص فى الارض و تهز راسها
……………………………….
فى شقه نور
امانى تدخل اوضه نور تلاقيها سرحانه تقعد جنبها
امانى / اللى واخد عقلك
نور / مفيش
امانى / ابوكى قالى ان على كان هناك انتوا اتكلمتوا فى حاجه
نور / احنا ؟؟ ابدا
امانى / نور ما اتعودتيش تكدبى عليا قوليلى دا انا امك حبيبتك
نور / انا حكيت لعلى كل حاجه بصراحه و شرحتله ليه بابا رافض التعامل بينا
امانى / و قالك ايه
نور / تتوقعى قالى ايه
امانى / ما تيجى نلعب عروستى بالمره ما تنطقى يا بنتى ما تتعبنيش
نور / بيقول نتجوز
امانى / بجد
نور / بيقول ان ده اكبر دليل ان مفيش فى نيته اى حاجه وحشه
امانى / و انا بصراحه من يوم ما شوفته بقول عليه واد جدع طيب و ابن حلال و كسيب و دماغه شغاله
نور / انتى بتقولى ايه يا ماما
امانى / بقول و ماله نفكر
نور / ايوه يا ماما بس فى مليون سبب يمنع الجوازه دى
امانى / ادينى سبب واحد
نور / انا يا ماما ظروفى
امانى / هو عارفها كويس و راضى بيها
نور / ايه اللى يخلى واحد زى على يرضى انه يتحرم انه يكون اب عشان يعيش معايا
امانى / اكيد بيحبك على الاقل الموضوع مش فارق معاه
نور / و لو جه فى يوم و غير رايه
امانى / يا نور انتى ليه بتقدرى البلا قبل وقوعه ما يمكن على ده هديه من ربنا بيعوضك بيها عن اللى شوفتيه
نور / طب و حسام
امانى / و ماله حسام بالموضوع المهم انتى موافقه و لا لا
نور / جزء منى موافق و طاير من الفرحه و الجزء التانى خايف اوى
امانى / اركنى الجزء الخايف ده ورا ضهرك و انا هكلم ابوكى و الراجل يجى نقعد و نتكلم و نشوف هنعمل ايه و مايته ايه و اللى فيه الخير يقدمه ربنا
نور / يا ماما بقولك حسام ما بيطقهوش
امانى / و اللى بيحبهم حسام عملولنا ايه مروان من ناحيه و ست ندى من ناحيه
نور / يعنى رايك افكر فى الموضوع
امانى / فكرى و شوفى و انا من ناحيتى هكلم ابوكى و نحدد معاد مع على و اللى فيه الخير يقدمه ربنا
نور تهز راسها امانى تبتسم و تقوم
………………………………….
فى شقه ندى
حسام / طبعا انا لو اتكلمت هتهددينى انك تطفشى مش كدا
ندى / ابدا والله انا ما روحتش غير عشان عمى رايح و لعلمك نور هى اللى قالتلى اروح عشان أية صحبتى
حسام / و لسه ست نور دى كمان
ندى / بس انا والله ما كلمت على و لا سبت عمى لحظه
حسام / يا سلام
ندى / انت مش مصدقنى و لا ايه اسال عمى هيقولك
حسام / لا طبعا مصدقك انا بس مستغرب
ندى / صدقنى انا بحاول اقدم السبت
حسام / هو ناوى على ايه فى حاجه غلط
ندى / خفت منه و لا ايه
حسام يبصلها
حسام / منين بيحبك و منين بيكلم نور بالساعات بالليل
ندى / بيقولوا اصدقاء مش اكتر
حسام / لا لا لا مش كدا خالص
ندى / بتفكر فى ايه
حسام / اشمعن نور يعنى معقول ما بيرتاحش غير لبنات عيله زغلول مثلا
ندى / هههههههههههههههههههههههه يمكن
حسام / انا داخل انام
ندى / داخل تنام فين اتفضل انزل تحت
حسام / يعنى هيحصل ايه لو نمت هنا
ندى / هتفتح عليا فاتوحه جهنم الست هانم مبيتاه عندها قبل الجواز و انت عارف مامتك ما هتصدق و مش بعيد تلاقى الخبر منشيت صفحه اولى فى كل الجرايد بكره الحكومه و المعارضه
حسام / ايه التخلف ده هو يعنى الوقت اللى قضيته هنا دا كلو ما كانش كفايا انى اغلط يعنى لو عاوز باباكى هيحوشنى مثلا
ندى / ربنا يشفيه ما عادش بيقدر لا يهش و لا ينش
حسام / بكره يخف و يبقى كويس
ندى / يارب انزل بقى مش ناقصه قالوا و عادوا
حسام / طب تصبيره طيب
ندى / هات الماذون الاول امشى بقى
ندى تزق حسام بره الباب و تقفل و تنفخ و تدخل اوضتها
………………………………………….
بعد يومين فى شقه منال
أية تدخل
منال/ الف حمد الله على سلامتك يا قمر اما انا بقى عملالكوا شويه محشى
على / الله الله الريحه قالبه البيت
منال / الاوضه اللى هناك دى انا موضباها لأية حبيبه قلبى دخل فيها الشنطه يا عمر لو سمحت
أية / انا مش جعانه ممكن اريح شويه
منال / طبعا يا قلبى بس المحشى و هو سخن له طعم تانى
أية / الف هنا معلش
منال / براحتك
أية و عمر يدخلوا الاوضه
منال / هى مالها أية
على / زعلانه دا غير طبعا انها لسه ما فاقتش اوى من الصدمه اللى حصلت
منال / قلبى يا بنتى بس زعلانه ليه
على / مش موافقه على جوازتى من نور
منال / بصراحه و لا انا هو صحيح انا ياما اتحايلت عليك بس مش عشان السبب ده يا على
على / يمكن لما اعاشرها و اشوفها من قريب احبها
منال / بص يا ابنى انا مش مقتنعه و لا انت عشان نبقى متفقين بس انا معاك فى اى قرار هتاخده و متاكده انك مش هتظلم نور و هتتقى ربنا فيها زى ما اتعودت منك مش كدا
على / اكيد يا حجه
منال / هى أية هتيجى معانا
على / لا مش راضيه بتقول ما عندهاش استعداد تقابل ناس خصوصا حسام يعنى
منال / حقها برده بقولك ايه انا رايى اننا نشوف دكتوره او دكتور نفسى يساعدها تعدى المرحله دى
على / انا ما عنديش مانع المهم هى توافق
منال / انا هكلمها هروح اغرف عشان نلحق نتغدى قبل ما ننزل
…………………………..
فى اوضه أية
أية قاعده على السرير و عمر بيرص الهدوم فى الدولاب
أية / انت روحت البيت خدت الهدوم من هناك
عمر / احنا خدنا كل حاجه من هناك و حطيناها فى الشقه اللى كان على ماجرها يتجوز فيها و نقلنا معاهم كمان العفش من شقه بابا الله يرحمه
عمر يروح يقعد جنبها و يمسك ايدها
عمر / و لعلمك الناس فى الشارع عندنا عرفوا الحقيقه و اعتزروا جدا عن اللى حصل و كانوا بيسالوا عليكى طول الوقت
أية تهز راسها و تسكت
عمر / انا خايف عليكى اوى يا أية بقيتى ساكته و هاديه مش طبعك ده
أية / مفيش
عمر / انتى لسه زعلانه منى والله كانت لحظه ضعف كنت مصدوم و مش فى وعيي الشيطان عمانى انا اسف حقك عليا
أية / خلاص يا عمر مش مستاهله
عمر / انا ما رضيتش اردك الا لما تفوقى و مستنى هو انا ما وحشتكيش انتى والله وحشانى اوى يا أية
أية / انا مليش غيرك فى الدنيا دى يا عمر ما اعرفش حد و كمان بعد ماما الله يرحمها
عمر / خلاص رديتك انتى مراتى
أية / ايه ده بالبساطه دى
عمر / اه طلقتك شفهى و رديتك شفهى
أية / انت متاكد
عمر يخبطها بالراحه على كتفها
عمر / هو انا هعيش معاكى فى الحرام يا بلوه انتى اه طبعا متاكد
أية / فكر تانى فى موضوع الاستقاله يا عمر فكر فى مستقبلك
عمر / صدقينى الجو فى الكليه مش مريح اللتزام طول النهار و حضور و انصراف و انا كدا هبقى مرتاح اكتر مش هشتغل عند حد و صاحب باللين كداب يا أية و انا كنت صاحب عشره
أية / خلاص مدام انت مقتنع
عمر / ما اقولكيش بقى مسكت الدفاتر بتاعه المحل و شوفت الموردين و اتفقت معاهم هيفرشوا المحل من اول و جديد و هيظبطوه
أية / بس الموضوع ده هيكلف فلوس كتير اوى
عمر / ما تشيليش هم الفلوس موجوده و الحمد لله و مش بس كدا فى حاجه انا كنت مخبيها عليكى
أية / ايه
عمر / الشقه و المحل على كان كاتبهم باسمى من زمان بس انا ما رضيتش اقول عشان حسيت ان مامتك يعنى
أية / فهمت
صوت من بره منال / الاكل جاهز يا جماعه
عمر يسكت و يبص على الباب و يبص لأية
أية / روح كل عشان تلحق تنزل تقف جنب اخوك هو محتاجك جنبه النهرده
عمر / مش عاوز اسيبك لوحدك
أية / متخافش هبقى كويسه
عمر / متاكده
أية تبتسم و تزقه يقوم و يحدفلها بوسه و يطلع بره تفرد ضهرها عالسرير و تغمض عنيها
……………………………………….
فى الشارع عند حسام
على يركن العربيه و ينزل هو و عمر و منال و على شايل علبه كبيره مقفوله فيها جاتوه حسام يشوفه يطلع من الصيدليه
حسام / انت بتعمل ايه هنا ياله
عمر / بص احنا مش عاوزين مشاكل ماشى خليك فى حالك و سيبنا فى حالنا يلا يا على
عمر يحرك على و منال ناحيه البوابه حسام يضرب علبه الجاتوه من ايد على يوقعها فى الارض
على / كدا الجاتوه كدا الجاتوه يا ابنى بطل حركات العيال دى هو انا جاى رامى نفسى انا عندى معاد مع الحج والدك و عيب اوى العمايل دى مع ضيوفك
حسام / دا عند امك يا روح امك انت لو رجلك عتبت البيت ده هكسرهالك انتوا عاوزين تجننونى
عمر / اهدى يا حسام بس الناس بتتفرج عليك و انت مجنون خلقه متجيبهاش فينا بقى
منال / عيب يا ولاد عيب يا حسام يا ابنى كدا ما يصحش احنا ضيوف عندكوا برده
حسام / ضيوف رامين نفسهم مع السلامه
محمد يطلع و وراه امانى
محمد / حسام اتلم عيب كدا …. انا اسف اوى يا جماعه اتفضلوا اتفضلوا
حسام / يتفضلوا فين
محمد / و لا كلمه يا تدخل صيدليتك يا تطلع على بيتك مش كل يوم الفضايح دى بسببك
حسام يقف مسهم و محمد و امانى ياخدوا منال على جوه ووراها عمر على يتاخر شويه و يتكلم مع حسام بهدوء
على / فقرى من يومك ضيعت على نفسك شويه جاتوه عنب كانوا خساره فيك بصراحه يلا مش مشكله سلام
على يطلع و حسام هيطق يشوط علبه الجاتوه فى الارض
………………………………….
فى شقه امانى
امانى / والله انا وشى منكوا فى الارض من عمايل الواد ده والله ما كانش كدا مش عارفه ايه اللى صابه بس
على يبص لعمر و يبتسم و يرجع يبص لامانى
محمد / منورنا يا استاذ على
على / البيت منور باهله
امانى / عن اذنكوا اجيب الساقع
منال / هاتى العروسه فى ايدك يا امانى حلى القاعده الله هو انا اللى هفهمك
صمت و تبادل نظرات
منال / بص يا حج محمد انت عارف احنا جايين ليه فمفيش داعى نضيع نص القاعده فى اننا نبص لبعض نستنى حد يفتح الموضوع
على / هههههههههههههههههههه بصراحه انا جاى طالب القرب من حضرتك فى بنتك يعنى لو ما كانش عند حضرتك مانع
محمد / بص يا على يابنى انا صحيح عندى حسام بس نور دى وضع مختلف
عمر / اكيد طبعا البت حبيبه ابوها
محمد / اكيد و طبعا انت عارف ظروف نور من الاول و معنى انك جيت انك موافق عليها
على / اكيد
محمد / بس انا لازم افهم انت بجد مستعد تكمل حياتك مع نور بنتى يعنى مش هيجى يوم و تعمل زى طليقها او تجرحها بكلمه
على / بص حضرتك الوضع مختلف عن طليقها كتير لانى داخل من الاول و عارف و راضى و بالنسبه لانى اغير رايى فى اى وقت دا شئ مفروغ منه مش هيحصل لانى مؤمن اوى بمبدا ان فاقد الشئ لا يعطيه و ما اعرفش حضرتك تعرف عنى الموضوع ده و لا لا انا …
منال / على من اب و ام منفصلين و لا شاف حنان اب و لا شاف حنان ام
على / حاجه زى كدا بس اللى اقدر اضمنه لحضرتك انى هتقى ربنا فى نور اوى و مش هخليها ناقصها حاجه
منال / على بسم الله ما شاء الله عصامى بنا نفسه من الصفر لحد ما وصل للى انت شايفه ده يا حج نسب تفتخر بيه تربيه الحج انور الله يرحمه
محمد / و الله يا حجه منال دا السبب الاول اللى خلانى افتحله الباب اصلا انى واثق فى زوق الحج انور فى الرجاله
على / شكرا
امانى و نور يدخوا يسلموا و نور شايله صينيه عليها كاسات عصير و ساقع تعزم
………………………………..
فى شقه ندى
ندى ماسكه مجله تليفونها يرن
ندى / ايوه يا حسام ازيك
حسام / الحمد لله تمام و انتى
ندى / كويسه بس زهقانه شويه
حسام / انتى فين عندنا و لا فى شقتك
ندى / فى شقتى طبعا مامتك امبارح محرجه عليا ما انزلهمش عشان عندهم ضيوف مهمين و مش عوزاهم يشوفونى
حسام / يا سلام ازاى يعنى
ندى / والله مش فارق معايا
حسام / طب اللبسى و انزليلى
ندى / هنروح فين
حسام / يا ستى اللبسى بس
ندى / اوك تمام حاضر بس هجيب حبيبه معايا
حسام / تمام يلا سلام
ندى / سلام
ندى تقفل المجله و تقوم تلبس
……………………………
فى شقه نور
نور / بتعزم بالعصير على منال
منال / الله عريسك الاول يا بنتى
نور تعزم على على ياخد منها كاستين و يناول عمر و ترجع منال تاخد و باباها و مامتها و تحط الصينيه و تقعد
محمد / ندخل بقى فى التفاصيل
على / بسم الله اول الكلام انا بدور على شقه فى منطقه قريبه من هنا عشان نبقى جنبكوا و كدا خصوصا انى عارف قد ايه نور متعلقه بحضرتك و بوالدتها و انتوا متعلقين بيها
محمد / والله هو الموضوع
على / فى شقه تانيه حضرتك بس هى بعيد اوى عن هنا و المنطقه ممكن ما تعجبكوش فانا كنت قررت ابيعها و اشترى فى المنطقه هنا احسن
امانى / والله عين العقل المنطقه هنا راقيه و ناسها محترمين اوى
على / اكيد … بالنسبه للعفش فاللى تؤمروا بيه هفرش الشقه كلها و الجهاز زى ما تحبوا يعنى انا ما عنديش مشكله
امانى / لا مؤاخذه فى الكلمه يعنى الشبكه و المهر و المؤخر الحاجات دى
على / براحتكوا ننزل ننقى اللى يعجبكوا
امانى / الرنج يعنى
منال / تلاتين كويس
امانى / دى بنتك يا منال
على / خمسين كويس
محمد/ والله يا ابنى انا ما عارف اقولك ايه
على / بص يا حج انا من الاخر شارى فاللى حضرتك هتؤمر بيه انا موافق و باذن الله مش هنختلف
محمد / والله يا ابنى انا ما عنديش اى مانع و مدام وعدتنى انك هتصون نور و تحطها فى عنيك يبقى اى حاجه تانيه كلام فارغ
على / على البركه نقرا الفاتحه بقى
محمد / نقرا الفاتحه
الكل يقروا الفاتحه
……………………………………
على السلم قدام شقه نور
حسام واقف ندى تنزل شايله حبيبه
ندى / خير هنروح فين
حسام ياخد منها حبيبه
حسام / هعرفك على الضيوف اللى عندنا تعالى
حسام يفتح الباب و يدخل
حسام / مش عيب تقروا الفاتحه و ما تستنونيش …. تعالى يا ندى اتفضلى
ندى تدخل تشوفهم و تتصدم و على و عمر و منال يقوموا يقفوا نور تقوم تجرى تروح ناحيه ندى تجيبها تقعد
نور / تعالى تعالى
ندى تدخل تسلم على منال و عنيها على على مصدومه من اللى بيحصل و على ساكت
منال / ازيك يا قلبى وحشتينى تعالى اقعدى جنبى هنا تعالى
ندى تقعد و ما بتنطقش و حسام واقف بعيد مستمتع بالمنظر
نور / صحيح هو أية ما جاتش معاكوا ليه
عمر / نايمه انتوا عارفين انها لسه خارجه من المستشفى و حالتها الصحيه محتاجه شويه راحه
حسام / لا سلامتها الف سلامه
عمر يبص لحسام
ندى / عن اذنكوا هاخد حبيبه و انيمها جوه
حسام / خليها دول مش غرب و لا ايه يا على
على / اكيد
حسام يروح يقعد على ايد الكرسى اللى ندى قاعده عليه و ندى تاخد منه حبيبه
امانى / انا هقوم اجيب العشا تعالى يا نور ساعدينى
منال / ملوش لزوم والله يا امانى
نور / عن اذنكوا
امانى و نور يدخلوا جوه و ندى ما شالتش عينها من على على و هو بيتهرب منها و حسام متابع المشهد فى اهتمام
حسام / اتفقتوا هتجيبوا الشبكه امتى ان شاء الله
على / وقت ما تحبوا
ندى / انا هقوم اساعدهم عن اذنكوا
ندى تقوم تجرى تقفل على نفسها الحمام و تقف قدام المرايه و هى مش قادره تستوعب اللى بيحصل و عنيها بتدمع تفتح الحنفيه و تحط راسها تحتها تغرق هدومها تقعد فى ارض الحمام و تسحب مناديل و تقعد تنشف وشها و شعرها و بتتنفس بصعوبه من الصدمه
…………………………….
فى شقه مروان
مروان قاعد على السرير تليفونه يرن برقم غريب يرد
مروان / الو
نهاد / ازيك
مروان / نهاد انتى ليكى عين تكلمينى بعد اللى حصل
نهاد / ممكن لو سمحت نتقابل فى اى مكان عشان نتكلم شويه
مروان / ابعدى عنى و عن طريقى احسنلك و ابنى انا هاخده من حباب عنيكى انتى فاهمه
نهاد / الله يرحمه
صمت
نهاد / وقعت من على السلم و البيبى نزل و ده اللى فوقنى و خلانى ارجع عشان استسمحك
مروان / كدا ما عادش فى اى حاجه تربطنا بعض و الحمد لله انها جت على قد كدا
نهاد / انا مش بطلب منك كتير عشر دقايق بس
مروان يقفل السكه و يحط الموبايل مكانه و ينام على السرير و هو باصص للسقف
…………………………………….
فى شقه امانى
منال / هى ندى فين مش شيفاها خالص
امانى / والله ما اعرف
حسام / انا هقوم ابص عليها عن اذنكوا
حسام يبص فى مطبخ و الاوض ما يلاقيش يخبط على الحمام مقفول بالمفتاح ما حدش يرد
حسام / ندى ؟؟؟ ندى
حسام يقلق و يخبط اعلى و بعدين يدى للباب كتف التانى يكسره و يدخل يلاقى ندى واقعه على الارض و على صوت الخبط الكل يدخل وراه حسام يقوم يفتح الحنفيه و يجيب ميه و يرشها على وش ندى
نور / انا هعمل ميه بسكر
نور تمشى و الكل واقف متابع بصمت حسام يشيلها و يدخلها اوضه من الاوض و يحطها على السرير نور تدخل بالميه بسكر حسام ياخدها و يسقيهالها تفوق
منال / قلقتينا عليكى يا قلبى مالك انتى كويسه
ندى تهز راسها و تبص حواليها تلاقى نور و على واقفين بيبصوا عليها
ندى / حسام لو سمحت انا تعبانه اوى ممكن تسندنى نطلع بيتنا
حسام / اكيد يا روحى
محمد / طب ارتاحى شويه لحد ما نطمن عليكى
ندى / انا كويسه ما اعرفش دوخت بس عن اذنكوا
حسام يسند ندى و هى معديه من جنب نور
ندى / الف مبروك يا نور الف مبروك يا على يلا يا حسام
ندى و حسام يمشوا و على واقف مجهم
امانى / لا ما تاخدوش فى بالكوا تعالوا كملوا عشاكوا
الكل يتحرك لبره على يوشوش عمر
على / خمس دقايق تليفونك هيرن اعمل ان أية عوزاك و لازم نمشى
عمر يهز راسه حاضر
………………………………..
فى شقه ندى
ندى تدخل اوضتها و حسام يحط حبيبه فى سريرها يبص يلقى ندى نامت على السرير يجرى يساعدها و ندى بتعيط على الاخر
ندى/ انتوا ليه بتعملوا فيا كدا حرام عليكوا …. تعالى خديني يا ماما مش عاوزه اعيش وسط الناس دى كلهم وحشين اوى يا ماما
حسام ياخد ندى فى حضنه و ينام جنبها فى السرير
حسام / حقك عليا يا ندى والله حاولت امنع الجوازه دى بس ما قدرتش
ندى / ندتلى اشوفه ليه بتعمل فيا كدا ليه
حسام / كدا كدا كنتى هتعرفى اهدى بقى
ندى / انا تعبانه اوى تعبانه اوى
حسام يحط راسها على صدره
حسام/ حقك عليا بس انا كنت فاكر ان ده هيساعدك تشيليه من قلبك
ندى / خروجه مش سهل خروجه بيوجع اوى قلبى بيوجعنى اوى يا حسام قلبى بيموتنى
حسام / بعد الشر عنك يا قلبى
ندى / انا مش قادره افتح عينى عاوزه انام
حسام ياخدها فى حضنه اكتر
حسام / نامى يا قلبى نامى ارتاحى انا جنبك اهو انا جنبك
ندى تغمض عنيها و هى بتعيط و حسام واخدها فى حضنه
حسام / حقك عليا يا ندى انا اللى قصرت زمان انا اللى اديت فرصه للكلب ده انه يدخل حياتك و ياذيكى كدا حقك عليا يا ندى حقك عليا يا قلبى
……………………………………………..
فى شقه منال
على واقف لوحده فى البلكونه عمر يدخله
عمر / ايه ما كنتش متوقع حاجه زى دى تحصل
على / كنت متوقعها بس كان عندى امل انها ما توجعش اوى كدا
عمر / انت قلقان عليها صح
على / هموت
عمر / ما تتصل بنور و تلوك معها فى كلمتين يمكن تريحك
على / لا
عمر / لا ليه قال يعنى بتوصل الود
على / الصباح رباح بقولك ايه احنا مش هنروح بقى
عمر / انا رديت أية خلاص
على / مبروك
عمر / مفيش سبب اننا ناجل الفرح ايه رايك يوم الخميس
على / على البركه من بكره ننزل كلنا نخلص اللى ورانا
عمر / تمام
على / يلا نروح بقى
عمر / يلا
…………………………
تانى يوم فى شقه ندى
ندى تصحى تلاقى حسام قاعد جنبها و مربع رجله و حبيبه على رجله بيرضعها ببرونه
حسام / صباح الخير يا قلبى احسن النهرده
ندى / انت بتعمل ايه هنا
حسام / زى ما انتى شايفه حبيبه عيطت و انا خفت تصحيكى فاديتها ببرونه
ندى / انت بتشتغلنى صح
حسام / والله ابدا هو ده اللى حصل لا انا غيرتلها كمان لو ده هيفرق معاكى
ندى تبص لحسام
حسام / لو اللى فى دماغك هو اللى فى دماغى فلا انا ما عملتش اى حاجه و عند اتفاقى معاكى انى عمرى ما هستغلك و ان لازم يكون برضاكى
ندى / انا هقوم اطمن على بابا
حسام / قومى و اغسلى وشك و ظبطى نفسك كدا و انا هاخدك افسحك احلى فسحه
ندى / مليش مزاج اخرج
حسام / خلاص مفيش مشاكل فى اصلا فيلم جامد على التليفزيون و تعرفى انا واخد من واحد صاحبى فلاشه عليها شويه افلام انما ايه جامده لسه ما اتعرضتش كلها ايه رايك
ندى / حلوه الفكره دى
حسام / انا هنزل اصلى الجمعه و اجيب فطار و ساقع و دره نعمله فشار و فاكهه و حلويات و تسالى عشان ما يبقاش ناقصنا حاجه فى حاجه نسيتها
ندى / لا حلو اوى كدا
ندى / ايوه
حسام / انتى كويسه
ندى / اكيد هيكون مالى يعنى
حسام / دا كل اللى يهمنى
ندى تبتسم و تمشى
……………………………………………

 رواية سلف و دين الفصل السابع و الثلاثون 37 - بقلم لولو محمد
nada eid

تعليقات

ليست هناك تعليقات
إرسال تعليق
    google-playkhamsatmostaqltradent