رواية سلف و دين كاملة بقلم لولو محمد عبر مدونة دليل الروايات
رواية سلف و دين الفصل الرابع و الثلاثون 34
الراجل / المصلحه تمت يا كبير
حسام / فى نفس المكان هتلاقى كرتونه فيها تلاتين علبه
الراجل / بس دا كتير اوى
حسام / ركز بروح امك انا مش بديهملك لسواد عيونك انا عاوزك تصرفهم
الراجل / وحشتنى ايامك يا كبير
حسام / خلصهم و نتحاسب عشان اديك غيرهم
الراجل / اعتبره حصل
حسام / يلا غور
الراجل / عشت
………………………………….
فى المستشفى عند أية
عمر يفتح الباب و يدخل يلاقى على نايم على الكنبه يصحى مفزوع و غاده تدخل وراه
عمر / فى ايه يا على مالها أية
على / كومه زى ما انت شايف …. اهلا غاده
غاده / ازيك يا على
على يبص لعمر
غاده / عمر حكالى كل حاجه
على / دى حاجه تخصه
غاده / انا هروح بقى عشان الوقت اتاخر هكلمك اطمن عليك او ابقى كلمنى بس لازم الصبح تبقى فى الكليه
عمر / حاضر مع السلامه
غاده / سلام
غاده تمشى و على بيبص لعمر
عمر / بتبصلى كدا ليه هى جت عليها ما انا خلاص فضيحتى بقت على كل لسان
على / المحامى قدم طلب للنائب العام بوقف النشر تماما فى القضيه دى و عمل محضر فى القسم باللى حصل من اوله لاخره
عمر / و أية
على / انت لما مشيت من عندى اتصلوا بيا فى المحل التانى و قالولى ان أية مستنيانى روحتلها و رفضت اساعدها و قولتاها تروح لامها الهبله رجعت البيت
عمر / عشان أية ما عادلهاش ام من ساعه اللى حصل هى قالت ده هى نفسيتها كانت مدمره و كانت بتعيط طول الوقت و تقول ماما باعتنى
على يتنهد
على / لما رجعت السكان اتهجموا عليها و كسروا البيت من خوفها رمت نفسها من البلكونه عشان تهرب منهم من الشباك كانت مستخبيه فى اوضتكوا
عمر يروح يمسك ايدها و يقعد جنبها
على / انا لما وصلت لقيتها نايمه على سقف عربيه و الناس ملمومه الدكتور قال انها كومه يا عالم هتفوق منها امتى
عمر / هتفوق انا متاكد … مش كدا يا أية انا والله ما شوفتش رسالتك الموبايل كان مقفول والله لو كنت شفتها كنت جيتلك فى ساعتها …. انا بس كنت محتاج وقت عشان اهدى …. قومى عشانا عشان انا لوحدى مش هعرف اكمل
على / أية كانت حامل
عمر يبص لعلى
على / فى شهر و نص باين
عمر / و ايه يعنى بكره لما أية تقوم نجيب غيره مش كدا يا يويو هاه مش انتى هتقومى برده عشان خاطر حبيبك عمر هاه و لا انتى هتبقى قاسيه عليا و تسبينى لوحدى هاه مش احنا ملناش الا بعض يا قلبى قومى بقى
عمر يعيط على يقوم يطبط عليه و ياخده فى حضنه
عمر / هى زعلانه منى صح
على / مش قد زعلها منى
عمر / بس هى هتفوق انا متاكد أية ما تقدرش تبعد عنى أية بتحبنى و هتفوق عشان نبقى سوا انا متاكد
على / باذن الله باذن الله
……………………………….
فى شقه نور
نور قاعده فى اوضتها بتتصل بحد يرد
نور / اخيرا رديت
على / اؤمرى عاوزه ايه تانى
نور / انا لولا مقدره الظروف اللى انت فيها
على / انا لولا عامل خاطر للحجه اقسم بالله
نور / انت بتتعامل معايا كدا ليه
على / مطلوب منى اتعامل معاكى ازاى الا قوليلى صحيح ياترى بتسجليلى المكالمه و لا بتخطتى لايه انتى و اخوكى
نور / انا عزراك بس والله انا مليش اى دخل باللى حصل انت ليه بتتعامل معايا كدا
على / انتى ليه بتتعاملى معايا اصلا
نور / عشان احنا اصدقاء و انت فى مشكله
على / و انتى هتساعدينى صح الله الغنى يا ستى
نور / أية عامله ايه
على / اسالى اخوكى مش هو السبب فى اللى هى فيه
نور / ماشى يا على اخويا السبب انا بقى ذنبى ايه هى مش أية دى اللى اكلت معاها عيش و ملح فى شقه طنط منال
على / انتى عاوزه ايه يا نور بجد
نور / انا عمرى ما عملت كدا مع حد على فكره عمرى ما اتحملت كلمه من حد و لا اتحايلت على حد انه يفضل فى حياتى بس بجد انا مش قادره اخويا وحش انت شايفه وحش عامل مشاكل مع الدنيا كلها انا معاك بس انت لازم تعزرنى ده اخويا الوحيد اخويا اللى كل اللى بيتمناه من الدنيا انه يربى بنته فى حضنه
على / بنته اللى رماها فى بطن امها فى الصحرا و بعدين جاى دلوقت يفتكر انها بنته و يلمها ازاى انه يعيش امها معاه بالغصب
نور / انا نفسى مش موافقه على الاسلوب بس اللى حصل حصل و ندى نفسها بتتعامل معاه عادى انت مش عايش معانا و شايف حسام كتبلها شقته و طلق مراته عشان بس يرضيها و كل يوم بيخرجوا و يتفسحوا و عايشين فتره خطوبه سعيده على قد ما انا شايفه
على / و هو بقى اللى طلب منك تكلمينى و تقوليلى الكلمتين دول ندى سعيده مع حسام مش كدا
نور / و حسام يطلب منى كدا ليه بس
على / ابقى اساليه
نور / انا بسالك انت ليه حاسس بنظريه المقامره دى من ناحيتى انا والله مليش اى ذنب فى كل اللى حصل
على / و المطلوب
نور / عوزاك تفتكر يوم ما اطلقت من مروان يوميها انا اتهمتك بنفس الاتهام اللى بتقولهولى دلوقت انك انت اللى نحست حياتى و خربتها مع انك ما كانلكش اى ذنب انا ما فرضتش نفسى على حياتك زى ما انا متاكده انك ما فرضتش نفسك عليا هى كانت مجموعه من الصدف ليه فى الوقت ده بالتحديد انا ما اعرفش و متاكده انك انت كمان ما تعرفش ….الو
على / معاكى بسمع
نور / انا مش مجهزه حاجه اقولهالك و ربنا وحده اللى شاهد على كلامى يا على انت وقفت جنبى فى اصعب مرحله فى حياتى ساعدتنى انى اقف على رجلى تانى انا عمرى ما هاذيك صدقنى انا اتمنالك السعاده فى اى حاجه و يصعب عليا ان دى تكون نهايه علاقتنا
على / علاقه ايه انا مفيش بينى و بينك اى علاقه
نور / صداقتنا اسفه انت كنت دايما بتقولى كدا صح ان احنا اصدقاء اقصد
على / قبل ما اعرف الحقيقه
نور / انت ما اخترتش والدك و لا والدتك و ما اخترتش حياتك و لا كل اللى حصل فيها انا كمان ما اخترتش اخويا و مش موافقه على تصرفاته بس انا مفيش فى ايدى اى حاجه اعملها عشان امنعه انا نصحته كتير ما اقدرش اعمل اكتر من كدا
على / كتر خيرك
نور / يا على صدقنى انا مليش ذنب و بعدين انت بتلوم حسام بس ليه انا ما اعرفش تفاصيل اللى حصل كل اللى اعرفه انه دفع فلوس لمامه أية عشان تصور ندى
على / لا هو جاب واحد شمال و دخل ركب الكاميرا فى اوضه نوم أية و صور بنفسه
نور / حسام حلفلى انه ما شافش اى حاجه من التسجيلات غير اللى سمر بعتتها
على / قالوا للحرامى احلف
نور / حسام ايه مصلحته انه يفضحك انت و أية و عمر ما هو خلاص وصل لندى و رجعتله
على / بيعاقبنى بيربينى
نور / ليه انت ايه علاقتك بيه
على / اساليه
نور تتنهد
على / انا سمعتك للاخر و لا لسه فى عندك كلام تانى
نور / سمعتنى
على / طب كويس عشان عاوز اقفل بعد اذنك
نور / مع السلامه
على يقفل السكه فى وشها تحط الموبايل قدامها و تعيط
…………………………………..
عند المحامى تانى يوم
مجدى / انا مش فاهم انت ليه رافض انى اعمل محضر فى الواد ده و نجيبه من قفاه دا هيسهل كتير من وضع مدام سمر فى القضيه خصوصا لو شهد على حسام فى المحكمه انه حرضه
على / كلو بوقته انا بس عاوز اعرف حضرتك عملت ايه فى اللى طلبته منك
مجدى / الملف ده يا سيدى فيه كل المعلومات عن رامى ده ملوش سجل جنائى نهائى و ملوش بطاقه ضريبيه مع انه متسجل فى البطاقه مهندس حر بس ملوش ورق فى اى جهه حكوميه
على / يعنى مش مسنود
مجدى / نهائى مفيش اى حد من قرايبه بيشتغل فى اى جهه حكوميه او سياديه فى البلد
على / بس دا كل اللى كنت محتاج اعرفه
مجدى / انت ناوى تعمل ايه
على / هبلغ عنه زى ما حضرتك اقترحت
مجدى / تمام سبلى انا
على / لا معلش الموضوع ده بالخصوص يخصنى انا و لازم اخلصه بمعرفتى عن اذنك
……………………………
فى الشارع عند رامى
على يخبط على الباب ما حدش بيرد يخبط تانى واحد طالع على السلم
الراجل / بتدور على حد معين يا استاذ
على / مش دى شقه رامى حسنى كنت عاوزه فى مصلحه و مش لاقيه
الراجل / هتلاقيه على القهوه اللى على الناصيه انا لسه شايفه بيلعب طاوله مع رافت صاحبه
على / شكرا
على ينزل و يشاور لعربيه سايقها عمر و مليانه شباب و يروح للقهوه يشاور للقهوجى يروحله
القهوجى / الا قولى كنت بدور على رامى حسنى
على يدى للقهوجى فلوس القهوجى يشاورله على اتنين بيلعبوا طاوله على ترابيزه فى الشارع
القهوجى / هو ابو كاب ازرق ده
على / الف شكر
على يروح يسحب كرسى و يقعد وسطيهم
على / ميا مسا يا رجاله
الاتنين يبصوله
رافت / اى خدمه اؤمر
على يبص لرامى
على / انت مش فاكرنى و لا ايه
رامى / بشبه بس مش واخد بالى
على / عاوزك فى مصلحه ما ينفعش قدام الناس
رامى / و انا خدام القرش اتفضل
على / ما قولت مش هنا
على يقوم يقف و رامى ياخده الشقه و اول ما يفتح الباب على يضربه و الشباب و عمر يطلعوا وراه
رامى / انت اتجننت دا انت هتدفن هنا
رامى يشوف عمر و الشباب داخلين
رامى / بص انا والله خدام لقمه العيش الدكتور طلب منى نركب كاميرا و انا ركبت و لما قالى تعال شيلها روحت شلتها غير كدا مليش اى دعوه يا باشا والله
عمر يهجم عليه و يضربه و على يحوشه
على / شوف شغلك يا مجدى …. لو عاوز تعيش خليك مؤدب ماشى
رامى يهز راسه
عمر / موتك على ايدى يا ابن الكلب
مجدى يفتح الاجهزه و يبدا يفر فى الملفات
مجدى / دا الاجهزه دى لوحدها توديه ورا الشمس كل دول بنات مصورهم يا ابن الكلب
على يروح يشوف و الشباب ماسكين رامى
مجدى / دا مركب كاميرات فى محلات ملابس و حمامات دا غير الفيديوهات الثقافيه
رامى / اللى يخصكوا موجود فى الشنطه الزرقه دا الهارد اللى عليه كل اللى طلعته الكاميرا بتاعتكوا
مجدى يفتح الشنطه و يطلع الهارد و يركبه
مجدى / صحيح ما عليهوش اى حاجه تانيه
على / الهارد ده يلزمنى
مجدى يفكه و يديهوله على يروح لرامى
على / انت محتفظ بيه ليه مش قولت ركبت و فكيت و خلصت
على يضرب رامى فى بطنه
على / فى نسخ تانيه من القرف ده يا ابن الكلب انطق بدل ما ادفنك حى
رامى / والله يا باشا ابدا
على يضربه تانى و تالت و رابع
رامى / اه فى نسخه على سى دى تخص البت الصغيره و الاستاذ شويه صور و فيديو اديتها للواد رافت اللى كان بيلعب معايا على القهوه تحت مصلحه هو دفع و انا قبضت غير كدا خلاص يا باشا والله
على /فى حد تانى طالع فى السى دى اللى مع رافت ده
رامى / لا البت التانيه كانت تخص الدكتور و بصراحه دا واصل اوى و ممكن ياذينى فدليت اى حاجه تخصها حتى مش هتلاقيها على الهارد اللى معاك اصلا الا بقى لو حد فاهم اوى
على / ابعت رساله لرافت خليه يجى ياخد نصيبه
عمر / ما نقتلهم و نخلص و القانون فى صفنا بالسى دى ده
على يبص لعمر
على / اهدى
عمر / دا شرفى يا على
على / و شرفى انا كمان ما تنساش اهدى بقولك
عمر ينفخ و رافت يطلع السلم
رافت / فين المصلحه يا زميلى
عمر يديله بالبوكس فى وشه يوقعه على الارض
رافت / نهار اسوح
عمر / عرفتنى يعنى
على يشد رافت من تحت ايد عمر
على / انطق يلا عملت ايه بالسى دى اللى معاك اديته لمين تانى
رافت / ما اديتوش لحد والله
على يضربه يوقعه فى الارض و يشده تانى
على / امال الحاجات اللى عليه اتوزعت فى الشارع ازاى يا ابن الكلب انت
رافت / يا باشا والله انا عملت مصلحه بس عشان اخد قرشين والله لكن البت اقسم بالله ما لمستها و لا جيت جنبها
على / هنشوف حد يتصل بالبوليس
عمر / بوليس ايه انا مش جاى احبسهم انا جاى اموتهم
على / و فى الاخر استفدت ايه كل البنات اللى على الحاجات دى ياعالم اهاليهم عملوا فيهم ايه بسبب الزباله دى لازم يتجاب هو و كل الى ساعدوه
عمر / انت كل اللى همك حسام
على / و هو مش حسام ده السبب فى اللى انت فيه
عمر / براحتك
عمر يسيب الشقه و ينزل الشارع
……………………………….
فى القسم
حسام / انا ما اعرفش الراجل ده اصلا و مليش اى علاقه بالموضوع من اوله لاخره
رامى / نعم امال مين اللى جه معايا الشقه
حسام / زى ما قولت لحضرتك انا فى التاريخ ده كنت فى شركه ادويه بصرف ادويه للصيدليه بتاعتى و عندى شهود على كدا و اديت حضرتك اساميهم و بياناتهم كامله و حضرتك ممكن تتاكد بنفسك من سجلات الشركه انى كنت فى الوقت ده بستلم الادويه و تسال مدير الحسابات و مسؤل المخازن لانهم كانوا واقفين معايا
الظابط / و بالنسبه لمحاوله مدام سمر وهدان انها تقتلك من كام يوم فى كافيه
حسام / واضح ان فى سوء تفاهم فى الموضوع هى فعلا سالتنى عن الموضوع ده و قولتلها انى ما اعرفش اى حاجه عنه اكيد الجدع ده هو اللى فهمها ان ليا دخل
الظابط / ايوه بس انت متصور فعلا فى كاميرا المحل و انت بتشترى منها و بتتفق معاها
حسام / حضرتك انا فعلا اشتريت منها موبايل هديه لمراتى سورى طليقتى عشان اصالحها و كمان اديتها صوره ليا انا و مراتى عشان تطبعها على الكوفر و حضرتك ممكن تتاكد بنفسك من الفيدوهات و كمان ممكن تطلب من طليقتى تشهد الموبايل بالكوفر معاها و عليه صورتنا و الكيس بتاع الموبايل ما اعرفش هى محتفظه بيه و لا لا انا شاريه من عند مدام سمر
الظابط / و اشمعن اشتريت من المحل ده بالذات يعنى
حسام / حضرتك زوجتى و بنت مدام سمر اصدقاء سورى طليقتى و كانت بتزورهم كتير فمدام سمر عملتلى خصم كويس و هى الحياه ايه غير علاقات حضرتك
الباب يخبط و العسكرى يدخل و معاه كروت يسلمها للظابط
الظابط / خليهم يدخلوا يابنى
المحامى / امجد الفخرانى المحامى حاضر مع المتهم و حاضر معايا مدير الحسابات الاستاذ ياسر الكومى ومسؤل المخازن الاستاذ تامر عبد الرحمن
……………………………………..
فى شقه ندى
نور / انتى هاديه كدا ليه
ندى / طب المفروض اعمله ايه يعنى يا نور
نور / مش عارفه بس انا ما قولتش لماما و بابا حاجه و من ساعه ما اخدوه و انا اعصابى بايظه تفتكرى الموضوع خطير
ندى / ما افتكرش حسام هيخرج منها زى الشعره من العجين اى كان اللى عمله
نور / و جبتى الثقه دى كلها منين
ندى / عشان هو دايما بيوصل للى هو عاوزه
نور / انتى رجعتيله بسبب الصور صح
ندى / رجعت عشان بنتى يا نور لو كانت الصور دى مش بتهدد حرمانى من بنتى ما كانتش فرقت معايا
نور / بس اللى يشوفكوا سوا
ندى / اعمل ايه افضل شايله الهم طول عمرى بحاول اعيش بديله فرصه طول الوقت بيقول فرصه فرصه فرصه كلكوا بتقولولى اديله فرصه عشان خاطر بنتك يوم ما اعمل كدا كلكوا بتلمونى
نور / انا مش بلومك
ندى / انا ما بحبش حسام و هو عارف ده انا اتفقت معاه انى احاول هو بيعمل اللى يقدر عليه عشان احبه و انا بعمل اللى اقدر عليه عشان احبه صدقينى
نور / مصدقاكى اهدى يا بنتى فى ايه
…………………………..
فى القسم
على / يعنى ايه
مجدى / يعنى هيفرجوا عنه طبعا لنقص الادله هو كان موجود فى الشركه و فى شهود على وجوده فى التوقيتين اللى مدام سمر و رامى قالوا ان تم تركيب الكاميرات فيهم
على / و التسجيلات اللى خدناها من الكاميرات فى المحل
مجدى / التسجيلات مطلعه رامى بوشه وواحد كمان لابس كاب و مدى للكاميرا ضهره طول الوقت لكن حسام طالع بوشه بوضوح فى المشاهد اللى بيشترى الموبايل و الكوفر و بس زى ما قال فى اقواله
على / مستحيل مفيش جريمه كامله مش معقول اكيد عرف مكان الكاميرا و كان قاصد معقول فى عقليه اجراميه كدا معقول فى حد بيخطط لكل حاجه بالتفاصيل دى طب هو اثبت كان فين وقت المحل
مجدى / حسام متسجل انه فى الشركه تقريبا اكتر من عشر مرات فى الوقت ده لانه كان بيفرش الصيدليه و شهاده الشهود فى الشركه انه كان بيستلم الادويه بنفسه على مراحل فى عربيته الخاصه ياخد و يفرش و يرجع ياخد تانى
على / طب العربيه دى ما نقدرش نكشف عليها فى المرور او فى اى حاجه نعرف راحت فين
مجدى / للاسف مفيش اى حاجه تثبت انه كان موجود حتى كاميره المحل اللى على الشارع مصوراه بيدخل على رجليه
على / مش قادر اصدق حقيقى مش قادر اصدق طب و الاتنين التانين
مجدى / رافت اعترف انه حاول يبتز أية بالصور دى و لما رفضت باعهم للميكانيكى اللى فى المنطقه
على / و اكونتات الفيس اللى قال عليها
مجدى / رامى اعترف ان هو اللى عاملها لما واجههوا جوه و حسام ملوش اى علاقه بيها
على / دا عند امه ده يعنى ايه
مجدى / يعنى حسام خارج خارج
على / و شهاده رامى و سمر
مجدى / ملهاش اى قيمه قدام شهاده تامر و ياسر و الدفاتر و الفواتير
على / ما يمكن الاتنين دول شركاته او شهاده زور
مجدى / عندك دليل
على / طب الوضع ايه دلوقت
مجدى / احنا معانا امر بمنع النشر فى القضيه دى و اكيد مدام سمر هتتحاسب على مساعدتها لرامى فى تركيب الكاميرا على فكره القضيه كبيره جدا الفيديوهات و الهاردات اللى لقوها فى شقه رامى دى ممكن يقعدوا فتره طويله يفرغوها بس و يطلعوا البنات اللى فيها القضيه مش سهله و لبساهم لبساهم
على / على البركه كتر الف خيرك و اسف انى تعبتك
مجدى / دا شغلى يا على
على يهز راسه و هو بينفخ
…………………………………
فى شقه ندى
نور / انت بجد مش متخيل انا كنت قلقانه عليك ازاى
حسام / بس انتى طلعتى جدعه انك ما قولتيش حاجه لبابا و ماما على اللى حصل
نور / هو انا مجنونه اقولهم
حسام / امال ندى فين
نور / فى المطبخ ما اعرفش بتعمل ايه
حسام يقوم يدخل المطبخ يلاقى ندى بتقطع فاكهه
حسام / الجميل بيعمل ايه
ندى تبصله و تبتسم
حسام / كانك زعلانه انى خرجت
ندى / انت شايف كدا
حسام / ما انا مش لاقى مبرر لوضعك بصراحه فى ايه مالك
ندى / يعنى ما ينفعش اكون خايفه من بكره يا حسام تفتكر هتفضل تهرب من الحاجات اللى بتعملها لحد امتى
حسام / انا ما عملتش حاجه و لو كنت عملت اكيد ما كانوش هيروحونى
ندى / حسام
حسام / يا روح حسام
ندى / انا مش هقدر اعيش فى رعب طول عمرى ان فى يوم حد يقول لحبيبه ابوكى عمل و لا ابوكى سوا الدنيا دى سلف و دين يا حسام و اللى بتعمله النهرده اكيد هيجى يوم و تدفع تمنه مش عاوزه تمنه يترد فى بنتى و لا فيا و تعرف و لا حتى فيك
حسام يمد ايده و ياخد حته فاكهه
حسام / بجد
ندى / طبعا انت فاكر انها سهله عليا او على حبيبه انت ليه مش قادر تفهم انا ما عادليش ضهر فى الدنيا دى خلاص لا انا و لا بيبوا انت متخيل لو جرالك حاجه هيعملوا فيا ايه
حسام / ندى اهدى
ندى / انت متخيل ان الناس هترحم حبيبه و لا هترحمنى انا خايفه يا حسام انا حقيقى خايفه
حسام / اهدى يا قلبى مش كدا ما تخافيش انا ما عملتش اى حاجه غلط
ندى تبص الناحيه التانيه
حسام / ان كنت غلطت فى حق حد هيبقى انتى و بس اللى حصل لأية انا مليش اى دخل بيه و لعلمك انا فعلا كنت ناوى اعاقب الكلب ده على اللى عمله لانى والله ما كانش ده اتفاقى معاه
ندى / انت ازاى تثق فيه اصلا
حسام / و اللة يا نونو انا ما شوفت صوره واحده او مشهد واحد من اللى اتسجل انا جبت واحد ركب الكاميرا لانى محتاج حد يركبها و التسجيلات كلها كانت بتروح لسمر اول باول و سمر هى اللى ادتنى التسجيلات بتاعتك غير كدا مليش اى دعوه و انا بنفسى روحت شيلت الكاميرا انا مليش دعوه باللى حصل و كنت فعلا هعاقبه على اللى حصل لانى مفيش بينى و بين أية اى مشاكل و مش هستفيد حاجه باللى حصلها
ندى / خلاص يا حسام لو سمحت
حسام / انتى يرضيكى ايه و انا اعمله
ندى / اوعدنى انك هتتغير اوعدنى انك هتبطل تاذى الناس اوعدنى انك هتكون اب و زوج كويس عشان خاطرى و عشان خاطر بيبو
حسام / اوعدك طول ما انتى جنبى و فى حضنى اوعدك انا اصلا كل هدفى من كل اللى حصل انك تكونى جنبى غير كدا هعمل كدا ليه
ندى / و ادينى جنبك اعمل حاجه تانيه يا حسام والله شوف والله
ندى تهدده بالسكينه و هو مبتسم
ندى / انت بتضحك على ايه
حسام / بحبك
ندى / انا بتكلم جد
حسام يمسك ايدها اللى فيها السكينه و يبوسها نور تدخل
نور / احم احم هو انا جيت فى وقت مش مناسب و لا ايه
حسام يمد ايده فى طبق الفاكهه المتقطع و ياكل حته و يخرج و هو مبتسم و ندى مضايقه
نور / على فكره انا سمعت الحوار كله
ندى / و ما دخلتيش ليه
نور / لانه هيتقبل منك النصيحه اكتر لانه هيخاف على زعلك انتى اكتر
ندى / يارب يجى بفايده
ندى تحط السكينه على الرخامه بعصبيه و تشيل الطبق و تطلع بره و نور معاها
…………………………………
فى المستشفى عند سمر
على / هو اللى عمل فيكى كدا
سمر / الله اعلم
على / يعنى ما قالوش اى حاجه يعنى رساله مثلا
سمر / ابدا ضربونى لما عدمونى العافيه و صحيت لقيت نفسى هنا
على / سلامتك
سمر / طمنى
على / مفيش اى تقدم فى حاله أية زى ما هى
سمر / طمنى على الكلب اللى اسمه حسام عمل ايه
على / عايش و مكمل و كان السكينه اللى غرزتيها فى كتفه كانت حقنه فيتامينات
سمر / و القضيه
على / ما عرفوش يمسكوا عليه حاجه
سمر / بس انا اديتك الورقه مكتوبه بخط ايده فيها العنوان
على / هو اصلا ما كانش معاكى و لا له اى علاقه بيكى وقت تركيب الكاميرا و فكها كان فى شركه الادويه و بالادله و الشهود و مش طالع فى ولا لقطه فى الكاميرا بوشه و لا حتى كاميره المحل
سمر / يا ابن الكلب يا مين يلايمنى على راسك دلوقت
على / انتى اللى عملتى فى نفسك و فينا كدا لو كنتى روحتى للمحامى زى ما قولتلك كنتوا رسمتوا خطه عدله توقعوه يمكن سجلتيله او اى حاجه لكن انتى ضيعتى الامل الوحيد اللى كان باقيلنا بتهورك و ياريته بفايده
سمر / على ممكن اطلب منك طلب
على / اطلبى
سمر / أية
على / مالها
سمر / انا عمرى ما كنت ليها الام اللى هى تستحقها دمرتها و دمرت حياتها بالله عليك يا على ما تاخدها بذنبى انا عمرى ما هقدر اصلح اللى فات لا ليك و لا ليها و لا لعمر انا عارفه ان مليش خاطر عندك بس أية ملهاش ذنب فى كل اللى حصل ابوس ايدك يا على ما تاخدها بذنبى ارجوك تساعدها تعيش ارجوك
على / ما تخافيش من غير ما تطلبى لو كان فى ايدى اى حاجه اعملهالها كنت عملتها بس للاسف كلنا مستنين رحمه ربنا بيها و بينا
سمر / كتر الف خيرك
على / انا هقوم هتعوزى حاجه
سمر/ كتر خيرك
على / بالاذن
على يقوم و سمر تمسح دموعها
……………………………
فى القسم بعد كام يوم
الظابط / انتى ام انتى انهى ام اللى تعمل فى بنتها كدا
سمر / يا باشا انا ما عملتش فى بنتى حاجه التسجيلات كلها الراجل ده اكدلى انها معايا و ما حدش غيرى هيشوفها
الظابط / و انهى عقل اللى خلاكى تحطى كاميرا فى اوضه نوم بنتك انهى عقل مريض يخليكى تراقبيها
سمر / يا باشا ما كنتش براقبها انا كنت براقب بنت تانيه بتيجى البيت عندنا اسمها ندى طليقها طلب منى اصورهاله
الظابط / حسام زغلول مش كدا
سمر / ايوه حضرتك
الظابط / و طبعا جه بنفسه يوم تركيب الكاميرات
سمر / بالظبط حضرتك و اخد منى الفيديوهات يوم ما جم شالوا الكاميرات
الظابط / ايه رايك بقى ان حسام زغلول كان موجود فى مكان تانى خالص وقت تركيب الكاميرات
سمر / كدب
الظابط / عندك اى دليل اى حد شافه
سمر / مفيش غيرى انا و الواد بتاع الكاميرات منه لله سعاتك
الظابط / اه بس هو معاه اتنين شهود برده و ورق و وصولات انه كان فى مكان تانى حتى عربيته كانت متصوره بالكاميرا اللى قدام الشركه انها راكنه هناك
سمر / ما هو كان بيجى بعربيه نص نقل عليها لوح المرايه حضرتك
الظابط / معاكى رقم العربيه بيانتها حد شافه سايقها
سمر / لا حضرتك
الظابط / اسمها ايه البنت اللى كانت بتيجى عندكوا
سمر / اسمها ندى زغلول حضرتك بنت عمه
الظابط / و كانت بتيجى عندكوا ليه ندى
سمر/ كانت بتقابل اخو جوز بنتى عندنا عندها مشاكل فى بيتها و كانت بتيجى تريح اعصابها عندنا
الظابط / و انتى بقى صورتيها و اديتى الصور دى لحسام يبتزها بيها
سمر / لا هو بس كان عاوز يردها عشان بنته ما تترباش فى حضن راجل غريب الموضوع كلو كانت نيتى فيه خير والله
الظابط / و ايه كان بيحصل بالظبط بين ندى و اخو جوز بنتك قولتيلى اسمه ايه
سمر / على على حقى حضرتك
الظابط / دا اللى مقدم البلاغ اصلا طلع عشيق ندى طليقه حسام زغلول
سمر / لا يا باشا عشيق ايه دا كان خطيبها
الظابط / و انتى صورتى ندى و على دول فى اوضه نوم بنتك
سمر / حصل حضرتك
الظابط / طب ايه رايك بقى ان ما كانش فى و لا صوره على الهاردات كلها لعلى مع اى بنت تانيه
سمر / اكيد الواد الزفت ده مسحهم سعادتك
الظابط / مسحهم ….. ماشى يا سمر
……………………….
فى المستشفى عند أية
الدكتور / ده طبيعى جدا و انا قولتلك من الاول ان فى حالات بتطول فى حالات بتقعد سنين
على / ايوه بس احنا دورنا ايه نستنى الفرج يعنى نفضل حاطين ايدينا على خدنا اكيد فى حل اكيد فى علاج
الدكتور / يا استاذ على انا متفهم قلقك بس صدقنى مفيش اى حاجه اكتر من اللى بنعملها ممكن نقدمهالها
على / ما تقولش مفيش اكيد فى اكيد فى
الدكتور / انا اسف حقيقى اسف عن اذنك
الدكتور يسيب على و يمشى الممرضه تطلع من الاوضه
على / هى عامله ايه
الممرضه ما تخافش يا استاذ والله باخد بالى منها زى ما طلبت و اكتر حميتها و غيرتلها و قصيتلها ضوافرها و سرحتلها شعرها و كلينتها و خليتها عروسه
على / انتى بتقولى فيها ما هى عروسه فعلا
الممرضه / دى فى عنيا والله مش بتاخر عنها فى اى حاجه
على يطلع فلوس و يديهالها
على / ارجوكى تهتمى بيها اكتر ارجوكى
الممرضه / حاضر ما تقلقش انت بس
…………………………………….
فى القسم تانى يوم
حسام / هى ما عرفتش تحبسنى فقررت تشوه سمعه مراتى
الظابط / يعنى انت بتنكر العلاقه اللى كانت بين على و طليقتك
حسام / العلاقه اللى كانت بين على و ندى كانت علاقه جيره و صحوبيه مش اكتر و الكل عارف ده
الظابط / زى مين يعنى
حسام / حضرتك لو سالت على نفسه هيقول كدا و ندى مفيش اى علاقه بين على و ندى اكتر من مجرد انه اخو جوز صحبتها أية نفسها صحبه ندى و كانوا بيخرجوا سوا خصوصا ان بعد طلاقى لندى ندى مرت بمرحله وحشه فكانت أية بتخرج معاها كتير و تروحلها البيت لكن على ما كانلوش اى علاقه بيها خصوصا النوع ده من العلاقات يعنى
الظابط يتعدل فى قعدته بالكرسى و يبص لحسام
………………………….
فى القسم بره
نور / انا كنت متاكده ان الموضوع ده مش هيعدى على خير
على يدخل و يقف بعيد و ندى مش بتبصله و هى بيبصلها هى و نور
نور / على جه تفتكرى هياخدوا اقواله هو كمان
ندى / ما اعرفش بس لازم اعرف
ندى تروح ناحيه على
ندى / ما اكتفتش صح كل اللى حصلى ما كانش كفايه صح واحده قصاد واحده صح
على / انتى بتقولى ايه
ندى / انت عارف انا بقول ايه صعبان عليكوا اوى تشوفوا حياتى هاديه خلاص يعنى
على / ندى انا
ندى / مش فارق معايا تصدق اعملوا اللى تعملوه انا اصلا قرفت
ندى تسيب على و تمشى العسكرى يطلع
العسكرى / على محمود حقى
حسام يطلع و على يدخل و يبصوا لبعض على يدخل الظابط يشاورله يقعد
الظابط / مرات والدك مدام سمر وهدان بتقول ان التسجيلات دى كان الهدف منها اثبات ان فى علاقه مخله بينك و بين طليقه حسام زغلول عشان ترجعله و انها كانت خطيبتك فى الفتره دى
على / كلام فارغ
الظابط / انت متاكد
على / طبعا ما كانش فى اى علاقه تربطنى بندى مش اكتر من جيره ندى لما اتجوزت والدها ووالدتها ما كانلهمش حد فانا بحكم الجيره و انها كانت طالبه عند اخويا فى الكليه لانه معيد فانا كنت بساعد اهلها لو احتاجوا اى حاجه
الظابط / انت كنت مجهز تاشيره للامارات انت و المرحومه مها والده مدام ندى مش كدا
على / ايوه اللى حصل انها جتلى فى يوم بتعيط لان ندى و حسام اتخانقوا باين فهو سابها و رجع و هى على وش ولاده و هى معاهاش فلوس تسافر فانا قررت اساعدها
الظابط / و لغيتوا السفر ليه
على / مدام ندى رجعت من السفر لوحدها و روحت على البيت و تم الطلاق بينهم
الظابط / اه طب و كانت بتخرج معاك كتير
على / غالبا مع أية مرات اخويا و لما كان اخويا بيخرج معاهم انا كنت بروح معاهم يعنى عشان انا اللى معايا عربيه لانها كانت بتمر بظروف نفسيه صعبه الفتره دى نتيجه طلاقها و كدا
الظابط / مدام سمر بتقول ان الهدف من وضع الكاميرا هو تصويرك فى وضع مخل مع مدام ندى
على / ما عنديش فكره تسالها هى فى الموضوع ده
الظابط / فى عندك اى اقوال تحب تضيفها
على / لا
الظابط / تقدر تتفضل
على يطلع و العسكرى ينادى على ندى و هى معديه على يوشوشها من غير ما حد ياخد باله
على / ما كانش فى اى حاجه بينا
ندى تبصله و تدخل
الظابط / اتفضلى مدام ندى
ندى تقعد
الظابط / مالك متوتره كدا ليه
ندى / اول مره ليا فى قسم
الظابط / لا ما تقلقيش اعتبريها دردشه وديه
ندى / اتمنى
الظابط / تعرفى مدام سمر وهدان مش كدا
ندى / ايوه مامه صحبتى أية
الظابط / علاقتك بيها كانت عامله ازاى
ندى / ما كانتش بتطيقنى
الظابط / معقول ليه
ندى / بنتها كانت متجوزه و كانت بتقضى وقت طويل معايا و انا بالنسبالها مطلقه و ممكن افسد بنتها يعنى او اخرب عليها او اخد زوجها حاجه زى كدا بس كانت بتتنرفز اوى لما كنت بروح ازور أية
الظابط / و كنتى بتروحى تزوريها كتير
ندى / ايوه فتره كدا كنت بمر بظروف صعبه اوى و هى كانت صحبتى الوحيده
الظابط / اتعرفتى عليها ازاى
ندى / هى تبقى بنت مرات ابو المعيد بتاعى و جارنا
الظابط / طب و على
ندى / ماله حضرتك
الظابط / ايه علاقتك بيه
ندى / قبل الجواز على كان بيشتغل فى الشاورما و انا كنت بحبها اوى و كنت بطلبها باستمرار و ساعتها عمر اخوه اتعين معيد فى الكليه و بقى يدرسلى و بحكم الجيره و كدا بس انا اتجوزت علاطول و سافرت و لما رجعت اطلقت
الظابط / اطلقتى ليه
ندى / هو ده ضرورى
الظابط / ياريت
ندى / احنا ما كناش مرتاحين مع بعض فى الغربه و مشاكل طول الوقت و خصوصا من ساعه ما عرفت انى حامل كنت مصره انزل مصر و يوم السفر كنا فى الطريق كلمه منه كلمه منى وقف العربيه و قالى انزلى و كمل هو على المطار و سافر من غيرى
الظابط / معقول
ندى / عشان كدا اول ما نزلت مصر اطلقت علاطول
الظابط / اه و لما رجعتى بقى اتخطبتى لعلى مش كدا
ندى / حضرتك انا والده بنتى من مفيش و لسه عدتى ما خلصتش هتخطب ازاى بالسرعه دى و بعدين حضرتك انا شلت الرحم فى الولاده يعنى صعب جدا حد يقبل بيا و انا ما بخلفش و على ما اتجوزش اصلا حضرتك فاهمنى طبعا
الظابط / اه طب تفسرى بايه ان مدام سمر اتهمت طليقك الاستاذ حسام انه ساعدها فى تركيب الكاميرات عشان تصور بنتها
ندى / انا ما كنتش اعرف اى حاجه عن موضوع الصور ده غير لما أية انتحرت
الظابط / يعنى الاستاذ حسام ما حاولش يبتزك بالصور دى
ندى / مش فاهمه
الظابط / انتى بتعرقى جامد كدا ليه
ندى / الجو حر حضرتك و انا متوتره جدا قولت لحضرتك ان دى اول مره ادخل قسم
الظابط / انتى رجعتى تعيشى فى بيت طليقك مش كدا
ندى / والدتى اتوفت ووالدى ما استحملش الخبر و جاله شلل نصفى و انا خيبه حضرتك ما بعرفش اعمل اى حاجه فهو قالى اعيش فى شقتنا فوق عمى و كدا عشان يساعدونى و ياخدوا بالهم منه و منى و من بنتى يعنى
الظابط / فى نفس الوقت اللى حسام طلق مراته فيه
ندى / هو حضرتك بتسالنى كل الاسئله دى ليه ايه علاقتها بالموضوع دى حاجات تخص حسام ممكن تساله هو
الظابط / انتى اتعصبتى كدا ليه احنا بندردش
ندى /لا حضرتك مش بتدردش حضرتك بتستجوبنى كانى متهمه ورا بعض ورا بعض
الظابط يضرب جرس يدخل عسكرى
الظابط / اتنين ليمون يا ابنى بسرعه
ندى تبصله يبتسملها
الظابط/ انا عاوزك تهدى و تروقى انتى مش متهمه فى القضيه باى حاجه و لا حتى طليقك الاستاذ حسام بس تفسرى بايه اتهام مدام سمر ليكى انك كنتى مخطوبه لعلى
ندى / ما اعرفش قولت لحضرتك ما كانتش بتطيقنى اصلا هى ما كانتش بتطيق حد و لا حد بيطيقها هى كانت اسوء مرات اب فى الدنيا و أية كانت بتعيط كتير بسببها و كانت دايما تتخانق مع عمر و على مع حفظ الالقاب يعنى
الظابط / ليه
ندى / مرات ابوهم حضرتك و أية اتجوزت عمر غصب عنها
الظابط / انتى متاكده
ندى / لا بس ده اللى كنت بشوفه منها
الظابط / هههههههههههههههههههههههههههه
ندى / فى مره كنت هناك و اتخانقت مع على جامد اوى و قعد يقولها انها كانت بتعذبه هى اتهمته انه بيخرب على اخوه و يوميها أية قعدت تعيط كتير اوى
الظابط / تعرفى ان عندى اخت قدك
ندى / و دا حلو و لا وحش
الظابط / هههههههههههههههههههههههههههه
ندى / هو حضرتك بتضحك عليا ليه
العسكرى يخبط و يدخل اللمون
الظابط / اشربى و روقى انا خايف اسالك حاجه تانى تعيطى منى
ندى / اعيط ليه يعنى انا ما عملتش حاجه غلط هو انا طولت كدا ليه اشمعن هما ما قعدوش كل الوقت ده
الظابط / عشان الحقيقه كلها عندك انتى
ندى / انا قولت لحضرتك كل حاجه بس حضرتك مش عاوز تصدقنى
الظابط / لا ازاى انا مصدقك بس حاسس فى عندك اكتر
ندى / ازاى
الظابط / اسمحيلى اشيل الالقاب … على هو اللى اتهم حسام بمساعده سمر و سمر بتقول ان حسام ساعدها و رامى اللى ركب الكاميرات بيقول ان حسام هو اللى دفعله فى نفس الوقت اللى سمر بتقول ان حسام عمل كدا عشان يبتزك على بينكر اى علاقه بينكوا مع ان هو اللى مبلغ عن حسام اصلا
ندى / ورامى بيقول ايه فى موضوعى
الظابط / ما سالتوش لسه
ندى / طب ما تساله
الظابط / حاضر ههههههههههههههههه هساله
ندى / طب لو رامى كمان انكر
الظابط / هههههههههههههههه المفروض ان انا اللى بسال بس
ندى تشرب ليمون و الظابط يبتسملها
الظابط / انتى عارفه الموضوع ده ايه اللى هيحله
ندى / ايه
الظابط / الهارد اللى عليه الداتا اتبعت للمعمل الجنائى و قالوا ان فى بيانات كتير ممسوحه من عليه الحقيقه كل الهاردات عليها بيانات ممسوحه و بنحاول نستردها و الموضوع للاسف بياخد وقت
ندى / مش فاهمه
الظابط / هبسطها التسجيلات كلها لما تتفرغ هنعرف ان كان ليكى صور فعلا على الهارد مع على و لا لا
ندى / و ساعتها ايه اللى هيحصل
الظابط / بصى تعالى نلعب لعبه
ندى / انت بتعمل معايا كدا ليه
الظابط يبتسم
الظابط / دلوقت سمر كدا كدا لابسه القضيه و رامى كمان لابسها المشكله فى مين فى الاستاذ حسام مظبوط
ندى / بيتهيالى
الظابط / بس ايه اللى يحصل بقى لو سمر ما بتكدبش و حسام عمل كدا فعلا
ندى / ما اعرفش
الظابط / بس حسام عنده شهود انه ما كانش موجود فى الوقت ده معاهم و انه كان فى مكان تانى و تسجيل كاميرات و فواتير انتى معايا
ندى / لا
الظابط / على عاوز حق مرات اخوه و حسام متهم بس فى نفس الوقت ما ينفعش رجلك تيجى فى الموضوع مش كدا
ندى تبصله
الظابط / و حسام كمان اكيد مش عاوز رجلك تيجى فى الموضوع و لا انتى بس ايه هى اسوء حاجه ممكن تحصل لو كان كلام سمر صح و انتوا التلاته بتكدبوا بقى انتى ساكته ليه
ندى / المفروض اتكلم
الظابط / ههههههههههههههههههه ما عندكيش رد يعنى
ندى / انا بقول نجيب عشا عشان الليمون لوحده مش كفايا والله
الظابط / تقدرى تمشى و لينا كلام تانى لما الهاردات تتفرغ
ندى تقوم ناحيه الباب
الظابط / مدام ندى
ندى تبصله
الظابط / لو كان طليقك بيبتزك بالصور و بيكدب هو و الشهود بتوعه و له علاقه فعلا باللى حصل لصحبتك مدام أية مش هتلاقى فرصه احسن من دى تخلصى بيها منه فكرى
ندى تبصله
الظابط / تقدرى تمشى على فكره
ندى لسه واقفه الظابط يتعدل فى قعدته و يبصلها تانى
الظابط / صحبتك اللى فتحتلك بيتها فى ظروفك الصعبه تستحق منك تساعديها فى ظروفها دى و لا ايه
ندى تفتح الباب و تمشى و الظابط يبتسم اول ما ندى تطلع بره حسام يشوفها يجرى عليها
حسام / طولتى كدا ليه
ندى يغم عليها على و نور يجروا عليها
………………………….
فى المستشفى
الاربعه قاعدين فى الاوضه و ندى مركبه محلول على السرير
حسام / طب ايه المشكله اقوالنا واحده
ندى / بيقول فى بيانات ممسوحه من على الهارد لو رجعت اكيد هيلاقوا الصور اللى حضرتك دبستنا فيها كل ده بسببك ………..بيقولى لو كنت عاوزه اخلص منك فدى فرصتى و عشان اخد حق صحبتى ساعتها انت هتتحبس
نور / و انتى بجد ناويه تعملى كدا يا ندى
ندى / افضح نفسى و بنتى و ابو بنتى
على / القضيه ممنوع فيها النشر على فكره
ندى / ساكت ليه يا حسام
حسام / انت ايه رايك يا على كانت فرصتك تخلص منى ليه انكرت فى التحقيق ان ليك صور مع ندى
على / عشان سمعتها كفايا اوى عليا واحده فى المستشفى
ندى / فارق معاك اوى مش كدا
على / انتى بتقولى ايه انتى
ندى / ما بقولش
نور / اهدوا يا جماعه مش كدا خلونا نفكر فى حل للموضوع ده
ندى / انتى بتعملى ايه هنا اصلا حبيبه مع مين
نور / ماما
ندى / والله طمنتينى
نور / مالك يا ندى سخنه على الكل كدا ليه فى الاول حسام و بعدين علي و انا و ماما
ندى / بتحبنى و بتحب بنتى مامتك صح بتعتبر البنت حفيدتها صح
نور / ماما مش هتاذى بنت بترضع انتى بتقولى ايه انتى
حسام / لو سمحتى يا نور ممكن تروحى و تخلى حبيبه معاكى ندى مش ناقصه توتر
نور / انت بتطاوعها على كلامها
حسام / نور ارجوكى روحى و لو حد سال عننا قولى ان انا خدتها و بنتفسح
نور / حاضر
حسام / نور
نور / ما تخافش قولت حاضر عن اذنكوا
نور تاخد شنطتها و تمشى و ترزع الباب وراها
على / انتى بجد مقتنعه انى مش فارق معايا
حسام / ممكن نركز فى اللى جاى
على / لا مش ممكن انت اللى وحلتنا كلنا فى القرف ده انت اللى تخرجنا منه ماشى
حسام / انا ممكن اتنازل عن المحضر بتاع محاوله القتل بتاع سمر مقابل انك تقنعها تغير اقوالها
على / اقنع مين انت مجنون اللى فى المستشفى دى بنتها
حسام / بنت مين يا ابنى هى دى يفرق معاها خليها تخفف الحكم من عليها شويه
على / صبرنى يارب ……. هحاول بس لو حصل هتعمل ايه فى رامى
حسام / مقدور عليه
ندى / هتعملوا ايه فى الملفات اللى على الهارد حتى لو غيروا اقوالهم هتعملوا ايه فى الصور
حسام يبص لعلى
حسام / مفيش صور على الهارد دى فيديوهات و الفيديو فى حد ذاته ما فيهوش حاجه تدينك انتى او على بالعكس فى مشهد لسمر و هى بتحاول تقلعك لحظه دخول على الاوضه فلو لقوا الفيديو هيدين سمر احنا التلاته ما نعرفش اى حاجه عن الموضوع ده و اتفاجئنا بيه هى كانت ناويه تبتزك مش انتى قولتى انها مش بتطيقك
على / فى نسخه من الفيديو ده مع سمر او على الاقل على الهارد بتاعها
حسام / ليه ما قدمتهاش
على / ما اعرفش بس انا معايا مفتاح المحل ممكن اروح و اخد الهارد و ابدله او اى حاجه
حسام / اوعى دا هيبقى اكبر دليل ادانه و مش بعيد يكونوا مرقبين المكان
ندى / و مش بعيد يكون الهارد معاهم اصلا الظابط كان بيتكلم بثقه شديده جدا
حسام / الروايه واحده فى كل الحالات انت ما تعرفش حاجه عن اللى حصل و لا انا و لا ندى احنا ما كدبناش دى مؤامره من الكلب رامى و الست سمر عشان يبتزوا ندى بس قلبوا على بعض احنا مالنا
حسام يبص لندى تهز راسها يبص لعلى
على / ماشى …….. مش مصدق انى بتفق معاك حقيقى مش مصدق انى بعمل كدا
ندى / قال يعنى اول مره
على / قصدك ايه يعنى اول مره هاه قصدك ايه بتلميحاتك من الصبح
ندى / ياترى عمر اخوك هيقول عليك ايه لما يعرف انك بعته و بعت مراته و هتسيب حسام من غير عقاب
على / انتى اللى مكتفانى
ندى / انا بس ؟؟؟
على / قصدك ايه
ندى / ما اقصدش
على / لا بجد قصدك ايه
حسام / انا عن نفسى مش هدخل فى المشهد اللذيذ ده ندى و على بيتخانقوا
على يبصله و يسيب المكان و يمشى حسام يروح يفتح الباب و يبص عليه و هو بيبعد و هو فى منتهى العصبيه يقفل الباب تانى و يبص لندى
حسام / سيبك منه قوليلى انتى ليه هتعملى كدا
ندى / هعمل ايه
حسام / كانت فرصتك فعلا تخلصى منى
ندى / و تبقى رد سجون ابو بنتى سوابق مش كدا و مش بس كدا انا هتفضح فى كل حته و اضمن منين ساعتها ان مامتك مش هترفع قضيه و تحرمنى من حبيبه مين هيقف لاهلك هاه قولتلك قبل كدا السبب الوحيد اللى خلانى اديك فرصه تانيه انى محتجاك تحمينى انا و بنتى ما كنتش متخيله ابدا انى هكون انا اللى بحميك
حسام يقرب منها و يحاول يبوس راسها تزقه
ندى / ادى اللى كنت عامله حسابه حصل انا قولتلك اكيد عمايلك مش هتعدى على خير يا ترى أية لما تفوق هتقول عنى ايه
حسام / ايه لو مكانك كانت هتعمل زيك بالظبط
ندى تعيط
……………………………………
فى المستشفى عند أية
على / انت ما بتردش عليا ليه
عمر / عاوزنى اقولك ايه انت مش قررت و نفذت خلاص عاوز منى ايه
على / كنت عاوزنى افضح ندى كمان
عمر / انت عبيط يا على الفيديوهات كدا كدا هتطلع و هيتعرف ان ندى اتصورت معاك
على / فضيحه ندى مش قدام الناس يا عمر لو كان الناس مهمين ما كنتش سكت من ساعتها ندى ممكن تتحرم من حبيبه بسبب اللى حصل
عمر يبصله
على /الفيديو غير الصور الفيديو ندى متخدره و انا و هى ما نعرفش ان فى كاميرا
عمر / لو قولتوا الحقيقه هتخلصوا من حسام و الموضوع هينتهى
على يقعد على اقرب كرسى و يفكر
عمر / حق أية عليك انك تقول الحقيقه يا على حق ندى عليك انك تخلصها من حسام اهله مش هيقدروا يرفعوا قضيه حضانه ندى هتاخد حريتها هى و حبيبه و مش بعيد ترجعلك
على يبص لعمر و يقوم يتصل بالتليفون ندى ترد
على / الو ندى
عمر يشد منه التليفون و يقفل السكه
على / فى ايه
عمر / حسام معاها فى المستشفى مش هتقدر تتكلم قدامه
على / انا لازم اتكلم معاها لازم اقنعها نروح بكره و نقول الحقيقه
عمر / انت متحمس زياده عن اللزوم انت ما شوفتش الفيديو يمكن حسام بيخدعكوا
على / انت بتقول ايه
عمر / قبل ما تكلم ندى تروح لسمر و تسالها هى شافت الفيديو او تستنى اما الفيديوهات تطلع و ساعتها تتكلم
على يبصله
عمر / اسمع الكلام
على / انا هروح المحل اشوف الهارد و اتاكد
أية تبربش
عمر / انت شوفت اللى حصل
على / لا ايه
عمر / أية حركت عنيها بربشت
على يجرى يضرب الزرار الممرضه تدخل
عمر / بربشت لو سمحتى نادى الدكتور بسرعه ارجوكى
الممرضه تهز راسها و تمشى
………………………
فى شقه ندى تانى يوم
ندى بتنيم حبيبه فى السرير تليفونها يرن ترد
ندى / الو
على / ازيك
ندى / هتقفل السكه فى وشى النهرده كمان و لا فى حاجه معينه تحب تقولها
على / روحتى
ندى / اه علاطول لما اتصلت كنت فى الطريق
على / الحمد لله
ندى / اخبار أية
على / بربشت امبارح بس الدكاتره قالوا عادى و هيتابعوها بس
ندى / يا خساره ما لحقتش افرح المهم كنت عاوز ايه عشان مش فاضيه
على / محتاج اشوفك ضرورى
ندى / بمناسبه ايه
على / بمناسبه انى قررت ما اكدبش انا هقول الحقيقه حسام لازم يتعاقب على اللى عمله دا حق أية و حقك
ندى / بس ما تتكلمش عنى تمام
على / بصى انا اديت معاد للمحامى و هنشوف وضعك القانونى
ندى / انت لسه فيك حيل تتكلم فى الحوار ده
على / ندى ارجوكى ما تستسلميش بالبساطه دى حاربى على الاقل عشان خاطر بنتك
ندى / انا عارفه مصلحه بنتى كويس
على / ارجوكى على الاقل عشان خاطر أية ده حقها عليكى ما ينفعش تسيبى اللى عمل فيها كدا من غير عقاب ما تنسيش اللى عمله فيكى ارجوكى ادى لنفسك اخر فرصه ما تستسلميش
ندى / تمام اجى فين و الساعه كام بس تعمل حسابك ان قرارى هيمشى اى كانت عواقبه يعنى لو ما اقنعتنيش تنسى خالص الموضوع ده و تلتزم باللى اتفقنا عليه انت فاهم
على / تمام اللى تشوفيه حالا هبعتلك العنوان بالتفصيل و الوقت
ندى / اوك
……………………………………….
فى الكليه عند عمر
غاده / انت مضايق ليه مش احسن من مفيش
عمر / طولت اوى يا غاده و كل يوم بيفوت بخاف اكتر بخاف عليها
غاده / اسمع لو تكاليف المستشفى
عمر / لا لا لا الفلوس مش مهمه الحمد لله الحاله كويسه جدا و اى كانت مصاريف علاجها مستعدين نعمل اى حاجه عشان نوفرهالها
عمر / فوق ما تتخيلى كل مره بحط راسى على المخده دماغى بتجيب الشريط من اوله كل حاجه وحشه عملتها فيها كل مره قلتلها كلمه تجرحها او احرجتها كل مره هنتها كل دمعه نزلت من عنيها كل كلمه قالتها و هى بتحاول تقولى الحقيقه و انا ما فهمتش قصدها او ما اديتهاش فرصه تتكلم صريخها و هى بتترجانى ما امشيش و انا بزقها على اخر دراعى فى الارض و برمى عليها اليمين لو قعدت عمرى كله اوصفلك مش هيكفى الوجع اللى حاسه
غاده / للدرجادى بتحبها
عمر / انا اللى مربيها على اديا ما كانتش عشره يوم دا عمرها كلو
غاده / ساعات كتير بحقد عليها حتى فى ظروفها دى اللى مستحيل حد يتمنى يكون مكانها كميه العذاب اللى شافته بحقد عليها لانها بالرغم من كل ده عندها الحب اللى مش موجود فى الافلام ههههههههههههههه انا عارفه انها انانيه منى انى ابص على الحاجه الحلوه الوحيده اللى فى حياتها بس يمكن لان دى الحاجه الوحيده اللى ناقصه فى حياتى يمكن
…………………..
- يتبع الفصل التالي اضغط على ( رواية سلف و دين ) اسم الرواية