رواية مخادعتي الجميلة كاملة بقلم نورا رمضان عبر مدونة دليل الروايات
رواية مخادعتي الجميلة الفصل الثلاثون 30
ليث بجدية :للاسف حور رفضتك يامعتز
معتز بحزن :بجد ياليث
ليث بهدوء :اه يامعتز
معتز سابت الاكل اللي كان بيحضره وراح يغسل أيده :ماشي ربنا يرزقها بالاحسن مني انا رايح الشغل
ليث وهو بيحاول يكتم ضحكته:وفي عريس متقدملها والنهارده هتقول أنها هتوافق أو هترفض بس انا متاكد انها هتوافق لاني شوفت نظراته ليه عامله ازاي هي بتحبه علي فكره
معتز بوجع ودموع محبوسه : اه تمم ربنا يتمملها علي خير والولد يكون بيحبها ويعرف يسعدها ويحافظ عليها هي جوهرة غاليه اوي وقال لنفسه بس محدش هيحبك زي م انا حبيتك ياحوري
ليث :اه مهو كمان بيحبها اوي وهو اللي قالي يامعتز وهي كمان بتحبه علي فكره
معتز بغضب :خلاص ياليث عرفت انها بتحبه وأنه هو كمان بيحبها خلاص اعمل حساب لمشاعري وان قلبي اتكسر اسكت
ليث بصله وفي يضحك
معتز بغضب:بتضحك علي اي بتضحك عشان رفضتني وعشان بتحب واحد تاني بتضحك علي كسرة قلبي ووجعي
ليث بضحك:لا بضحك عشان انت طلعت مغفل وشربتها في ساعتها انا بضحك عليك ياغبي هي لسه مقالتش موافقه ولا لا وكنت بقول أن في واحد اتقدملها وبيحبها اللي هو انت وهي كمان بتحبك ومواقفه عليك بص انا معرفش هي هتوافق ولا لا بس متاكد انها بتحبك وهتوافق ياغبي
معتز بغضب :يبن****وقعت قلبي وخضتني ده كنت هعيط قدامك وفي الاخر بتضحك عليا والله م هسيبك ياليث وراح طلع يجري وراه وليث جري بسرعه قبل م يقفشه وخرجوا من المطبخ وليث راح وقف ورا نجيه :بصي ياتيته عايز يضربني عشان بهزر معاه متخلهوش يمسكني
معتز :لا ياتيته مهزرش معايا هو عمل موقف وحش اوي معايا ولازم اربيه عشان ميعملش كده تاني
نجيه بضحك:خلاص يامعتز خليك انت الكبير وهو الصغير وهو بيهزر معاك حصل خير
معتز بغضب:لا ياتيته لازم أخد حقي وبعدين هو اي خليك انت الكبير انتي هتكبريني ليه ده هو أكبر مني مش انا انتي مش شيفاه عامل ازاي ده شحط
نجيه بضحك:لا متقولش علي حبيب تيته كده واخدته ليث في حضنها وطبطبت عليه ده حبيبي ده
ليث بص لمعتز وطلعله لسانه
معتز :ماشي ياتيته خليه ينفعك وانا زعلان منك
نجيه:لا مقدرش علي زعلك ياحبيبي واخدته في حضنها
قصي ولين وامير وغزل وحور :واحنا ياتيته
تيته:تعالوا ياحبايبي
وراحو هما كمان حضنوها
نجيه :يلا بقي عشان نفطر وبعدها نقعد مع بعض وتحضنوني براحتكم
وراحو قعدو علي السفره
ليث عيونه دمعت لما افتكر حضن مامته وباباه كان بيحس بالدفا والحماية مكنش بيشيل هم حاجه وهما معاه مكنش بيبقي خايف من بكره كان بيطمن في وجودهم
غزل اخدت بالها من ليث وعرفت هو بيفكر في أي راحت قربت منه واخدته في حضنها :ربنا يرحمهم ياحبيبي هما أن شاء الله الجنه
ليث ابتسم وسط دموعه :ودي اكتر حاجه مفرحاني
غزل بدأت تأكله
غزل وهي بتكلم نفسها:ليه يابابا تعمل كده وتق.تل أهله هو دايما هيفتكر أن اللي قت.ل أهله ودمر حياته ابو مراته وانا مش هقدر انسي حاجه زي دي حرمته من اخوه وأبوه وأمه مره واحده وفضل عايش لوحده يتالم ويعاني
ليث : كلي انتي ياغزل انتي م اكلتيش
غزل فاقت من سرحانها :هاكلك وبعدين هبقي اكل
ليث :افتحي بوقك وبدأ يأكلها
وكلهم كانو بيبصوا عليهم
معتز:راعي أن في سناجل طيب
ليث بضحك: سيبني ااكل مراتي براحتي ولو مش عاجباك السنجله روح اتجوز
معتز وهو بيبص لحور :ادعيلنا ياعم وقريب تلاقيني قاعد بااكل مراتي
حور اتكسفت وبص في طبقها
ليث :يارب ياخويا
غزل :اسكت بقي عشان اعرف ااكلك
قصي وهو بيبص للين :وادعيلي انا كمان ياليث اتجوز اللي بحبها
لين بصتله وكانت عايزه تسأله بيحب مين وحبها أمتي
ليث بخبث :لا انت لسه قدامك كتير لسه ثانوي وبعدها جامعه وبعدها تشتغل وتكون نفسك وبعدها تخطب وبعد سنتين تلاته تبقي تتجوز
قصي :لا مفيش الكلام ده هو بعد م اخلص الجامعه علطول هتجوز ده انا عايزها تبقي معايا انهارده قبل بكره
لين اضايقت :هي مين دي ومقليش عليها لي
ليث :طب وهتكون نفسك ازاي
قصي :هشتغل وانا بدرس طبعا
ليث :مفيش الكلام ده انا عايزك تركز في دراستك وبعدها أما تخلص تبقي اعمل اللي انت عايزه
قصي:يابني بقولك عايزها تبقي معايا انهارده قبل بكره
اسماعيل :طب واي المشكله ياليث ممكن يخطبها وبعد م يخلص جامعه يتجوزو مفيش مشكله يعني
قصي بفرحه:يعني انت موافق ياعمي
اسماعيل : واي اللي هيخليني ارفض يا ابني انا بعتبرك انت وليث وامعتز زي امير بالظبط وانا شايف أنه مفيش مشكله لو خطبت دلوقتي وخصوصا انك مش صغير انت كبير كفايه عشان تحدد مستقبلك يا ابني بس هي مش البنت دي اللي هتموت عليها
قصي بحرج :لما يجي الوقت المناسب هعرفكم عليها
اسماعيل :ماشي واديني رقم والدها عشان أكلمه
قصي:حاضر يعمي
معتز :اي ده يعني في ثانيه اتفقتوا علي الخطوبه طب وانا ياعمي اسماعيل عايز اتجوز انا كمان
اسماعيل بضحك:حاضر لما حور تخف تماما نبقي نشوف الموضوع ده بعدين
قصي وهو بيطلع لسانه لمعتز :شوفت وافق اني احبك وانت خدك علي قد عقلك وقالك بعدين هخطب قبلك هخطب قبلك
معتز وهو بيغيظ قصي:وانا هتجوز قبلك انت لسه قدامك بتاع خمس سنين يعيني عليك
اسماعيل بضحك :انتو مدلوقين علي الجواز كده ليه بكره هتندمو
ميرفت مسكت السك:ينه اللي علي السفره ورفعتها ناحيه اسماعيل : يعني قصدك انك ندمت بعد م اتجوزتني
اسماعيل بخوف :لا ياحبيبتي ده كان اجمل يوم يوم م اتجوزنا ياحبيبتي
ميرفت بضحك:ايوه كده
هدي بضحك:شاطره ياميرفت مسيطره
ميرفت بضحك :ايوه عيب عليكي
لين بضيق قامت وقفت :انا شبعت وهخرج الجنينه اشم شويه هوا
ميرفت : في حاجه مضيقاكي ياحبيبتي
لين وهي بتحاول تداري ضيقها بابتسامه :لا ياماما انا بس عايزه اقعد في الجنينه واقرا قصه
ميرفت:ماشي يحبيبتي روحي
لين خرجت وقصي بصلها باستغراب :هي مالها انهارده لما اروح اشوف مالها
قصي قام عشان يروح يشوف لين
ميرفت :رايح فين يابني اقعد كمل أكلك
قصي: انا اكلت الحمدلله هروح اشوف لين باين عليها مضايقه ينفع ياعمي
اسماعيل:روح يابني
قصي خرج لقي لين قاعده علي المرجيحه وبتبص للسما وباين عليها انها مضايقه راح وقعد جنبها
قصي:مالك يبنتي مضايقه ليه
لين بضيق:مفيش بس صحابي وحشوني
قصي بضيق:انتي عايزه ترجعي تاني بلدك
لين :أه حياتي كلها هناك اصحابي وكل مكان هناك ليا فيه ذكره ومقدرش اني افضل هنا كتير
قصي بحزن:ماشي هترجعي أمتي
لين :في اقرب وقت طبعا
قصي سكت وبص للأرض بضيق
لين بغضب: هي مين دي ياقصي اللي عايز تتجوزها ومقولتليش ليه انا عايزه اتعرف عليها
قصي حس انها مضايقه عشان قال إنه بيحب بنت وعايز يتجوزها
قصي باستفزاز : مقدرش اقولك عليها دلوقتي بس هي ملاك من السما قمر اوي وطيبه وهبله وجميله اجمل واحده شوفتها خطفت قلبي بعفويتها وتلقائيتها وجمالها وضحكتها اللي بدوب في جمالها مهما اقول مش هقدر اوصفها دخلت قلبي من غير استئذان اجمل واحده في البنات كلها ويلاهوي علي جمال ضحتها
لين زقته بغضب:ياعم اوعي انت جاي تحب فيها جمبي
قصي بضحك :بحبها اعمل اي يعني بصي قريب اوي هعرفك عليها يالين وهتعرفي انها اجمل بنت
لين ببرود :بس مش اجمل مني
قصي بابتسامه: ده كده كده مفيش حد اجمل منك يابنتي
لين اتجاهلت كلامه:طب معاك صوره ليها عايزه اشوفها عشان اعرف عرفت تختار ولا لا
قصي بابتسامه بارده :اه معايا صور كتير ليا انا وهي دي اول صور علي الموبايل كانت معاها روح قلبي بس مش هعرف اوريهالك بردو لسه مجاش الوقت المناسب عشان اعرف حد عليها
لين شدت تليفونه من جيبه:انا هعرفها دلوقتي الباسورد بتاعك اي
قصي بضحك:تاريخ ميلادها
لين بغيرة:وانا هعرف تاريخ ميلادها منين ياض
قصي: بصي هو سهل جدا وانتي عارفاه ف حاولي وجربيه
لين ادته الموبايل بغضب:امسك هو انا هشم علي ضهر ايدي يعني
قصي بضحك :والله سهل جدا بس انتي اللي غبيه
لين بغضب وغيرة :انا غبيه طب والله لوريك ياقصي وقامت تجري وراه
لين بغضب:همسكك اهو ومسكته
قصي بضحك:خلاص خلاص مش قادر
لين فضلت تضرب فيه وهو كان بيضحك
ميرفت خرجت علي الصوت:في أي ياولاد …لين اي اللي بتعمليه ده عيب كده
لين سابت قصي بغضب وكانت حابسه دموعها
قصي :بنهزر ياطنط عادي
ميرفت :لا مينفعش ياقصي تمد أيدها عليك
قصي وهو بيستفز لين :عادي ياطنط لين زي اختي وبنهزر مع بعض
ميرفت :طيب يابني انا داخله وانتو شويه وادخلوا الجو برد
قصي :حاضر ياطنط ميرفت دخلت
لين قامت وسابت قصي وراحت قعدت علي المرجيحه ومسكت الموبايل بتاعها وكانت بتحاول تمنع نفسها من أنها تعيط
قصي راح قعد جنبها وبصلها:لين مالك في أي انتي انهارده متغيرة كل ده عشان اصحابك يعني
لين مردتش عليه لأنها كانت خلاص هتعيط
قصي في نفسه:شكلي كده زودتها اوي جيت اكحلها عميتها اه علي غبائي
قصي :لين ردي عليا
لين:…….
قصي مسك وشها ولفه ليه لقاها دموعها مغرقه وشها وكانت بتمنع شقهاتها
قصي بخوف :مالك يالين بتعيطي ليه ومسحلها دموعها مالك ياحبيبتي ردي عليا انتي تعبانه طب في حاجه وجعاكي
لين بعياط ووجع :ل ل لا انا بس عايزة اسافر تاني
قصي :طب كلميهم فون وفيديو بس بلاش ترجعي تاني خليكي وكمان عمو اسماعيل بنسبه كبيرة مش هيرجع تاني
لين بعياط :لا انا هرجع وبعد اذنك محتاجه انام وقامت جري دخلت الفيلا
وطلعت علي اوضتها علي طول
غزل وحور شافوها وهي بتعيط
اسماعيل:لين مالها ياميرفت
ميرفت :معرفش والله
اسماعيل:طب اطلعي شوفيها
غزل :خليكي ياطنط انا وحور هنروح نشوفها
ميرفت:ماشي يحبيبتي وانا هطلع معاكم اطمن عليها وبعدها اسيبكم تتكلموا معاها
وطلعو اوضه لين
غزل خبطت
لين :مين
غزل :انا يالين ممكن ندخل انا وحور ومامتك
لين :اتفضلوا
دخلو وقعدو جنبها علي السرير
ميرفت :مالك يالين بتعيطي ليه قصي دايقك
لين وهي بتمسح دموعها :لا معمليش حاجه
ميرفت:طب بتعيطي ليه ياحبيبتي
لين :عايزه اسافر وارجع بلدي ياماما صحابي هناك وحياتي كلها هناك
ميرفت:متاكده انك بتعيطي عشان كده
لين بهدوء:اه ياماما
ميرفت :حاضر هقول لاسماعيل انا هسيبكم وانزل وباست لين من خدها وحضنتها ونزلت تحت
اسماعيل :هي مالها ياميرفت
ميرفت :عايزه تسافر وترجع تاني صحابها وحشوها
اسماعيل:طيب هنرجع قريب بعد فرح معتز وحور إن شاء الله
ليث :خليكو قاعدين هنا ياعمي
اسماعيل:مش هينفع يابني شغلي كله هناك واولادي ومراتي اصحابهم هناك وشغلهم هناك وهنبقي نزوركم لما ننزل في الإجازة
نجيه :انا مش هرجع يابني انا هقعد مع هدي مش هسيبها لوحدها
اسماعيل:لا ياماما هنرجع وناخد هدي معانا
ليث :لا ياعمي ماما هتفضل هنا وهتعيش معانا انا بعتبرها امي ومفيش ابن بيسيب أمه
بره قصي كان قاعد مخنوق :يعني انت عشان تعرف بتحبك ولا لا تعمل كده وتخليها تعيط ده انت غبي هتموت من غبائك
انا زودتها اوي هكلمها واتاسفلها بس انا مش عارف اعترفلها لو اتخطبنا دلوقتي هيبقي لسه قدامي حوالي أربع سنين جامعه وبعدها الشغل عشان اجمع مبلغ الشقه ولسه الجهاز ياربي انا هكلمها واعترفلها وأشوف إذا كانت هتوافق أو لا ولو وافقت هنتخطب واقنع باباها أننا نكتب الكتاب واشتغل بجانب الجامعه واشتري الشقه والجهازر وكله وبعدها نعمل الفرح الله عليك ياقصي ذكي
عند لين وحور وغزل
غزل :لين احنا اخواتك وعايزينك تقوليلنا الصراحه انتي كنتي بتعيطي عشان حاجه تانيه وانا متاكده من ده
حور وهي بتطبطب علي لين :احكيلنا وصدقينا مش هنقول لحد حاجه وهنحللك مشكلتك يالين
لين بصتلهم :وعد
حور وغزل :وعد
لين بإحراج :لما ق قصي قال إنه بيحب واحده وعايز يتجوزها الصراحه انا اضايقت بسبب كده ولما خرجت الجنينه وهو جه ورايا اتكلمنا وقولتله انت ليه مقولتليش عليها واني عايزة اتعرف عليها قالي أنه مش هيعرف يقولي عليها ويقولي هي مين وبعدها قعد يحب فيها وبعدها قولتله عايزة اشوف صورتها قالي معاه صور ليهم في الفون وقالي أن اول صوره علي الموبايل كانت ليهم هما الاتنين
ومرديش يوريني الصور روحت اخدت الفون وقولتله الباسوورد اي قالي اني عارفاه وأنه تاريخ ميلادها روحت قولتله وانا هعرفه منين انا هشم علي ضهر ايدي وبعدها طلعت اجري وراه وضربته وبعدها ماما جت وزعقتلي وهو قال لماما أننا بنهزر واني زي اخته وبعدها ماما دخلت تاني وانا قعدت علي المرجيحه وهو قعد جنبي وبعدها انا مقدرتش امسك نفسي وفضلت اعيط وهو سألني مالي وبعيط ليه اخترعت حجه وقولتله عشان عايزه ارجع لاصحابي وبلدي وبعدها سيبته ودخلت
غزل :يعني انتي عيطي عشان طنط ميرفت زعقتلك ولا عشان البنت اللي قصي بيحبها
لين بتسرع وغيرة :عشان هو بيحب البنت وكان جمال يمدح فيها ويتغزل فيها وفي جمالها وجمال ضحكتها
غزل وحور بصو لبعض وفضلو يضحكوا
لين بصتلهم بغضب :كده بتضحكو عليا انا غلطانه اني اتكلمت يلا يابت انتي وهي اخروجو من اوضتي
غزل بضحك:خلاص خلاص بصي اولا انتي بتحبيه
لين :لا لا مش بحبه احبه اي ده احنا نعرف بعض من كام يوم
لا انا بس كنت عايزه اعرف البنت دي
غزل بجديه:لين متكدبيش علي نفسك انتي غيرتي عليه لما قال إنه في بنت بيحبها يالين انتي بتحبيه ومش شرط انك تكوني تعرفيه بقالك سنين عشان تقولي بتحبيه اهي الهبله دي وشاورت علي حور حبت معتز ومعتز حبها في كام يوم وانتي وقصي بردو حبيتو بعض يالين بسرعه واه قصي بيحبك قصي ميعرفش بنات اصلا وبيضحك عليكي
لين :ممكن تكون بنت معاه في المدرسه او الدرس
غزل :لا قصي لسه ماراحش دروس ولا مدرسه يامغفله قصي اصلا بابا كان خاطفه بقاله سنين وليث أنقذه في اليوم اللي عمي وتيته جم فيه المستشفي يعني من كام يوم وبعدها انتي وامير ومرات عمي جيتو من حوالي يومين تلاته وهو كان دايما معانا يا في المستشفي يا اما في البيت ومكنش بيخرج يبقي هيعرف بنات منين يالين
لين :ممكن من علي السوشيال ميديا
غزل :قصي مكنش معاه موبايل في اليوم اللي روحنا فيه المستشفي لماما ليث في نفس اليوم جابله موبايل جديد هو انتو لما روحتو المول اتصورتوا هناك
لين :اه
غزل : بت انتي غبيه اوي م هو كانت أول صور علي موبايله هي صورك انتي وهو عرفتي بقي أنه كان بيختبرك كان عايز يعرف بتحبيه ولا لا عشان كده قالك الكلام ده كله
لين بسعاده وفرح:يعني كده هو بيحبني
غزل بضحك:اه ياهبله وهو عرف دلوقتي انك بتحبيه كان بيستفزك عشان يعرف هتغيري عليه ولا لا
لين :بجد يعني اتفضحت وغرف اني بحبه
حور بضحك :اه يامدلوقه
لين :طب انا اعمل اي دلوقتي واتعامل معاه ازاي بعد اللي حصل
غزل : مش هو استفزك عشان تغيري عليه يبقي تعملي زي م هو عمل واحنا هنساعدك وتبينيله أنه مش فارق معاكي وتقوليله هتخطب أمتي انا نفسي اشوفها دي مرات اخويا وكده وانتي متعترفيش بحبك ابدا حتي لو هو قالك بحبك يجي يطلب ايدك من عمي
لين بفرحه :ماشي شكرا ليكو انا بحبكو اوي
حور:مش من شويه كنتي بتقولي اخرجو من الاوضه وملكوش دعوه بيا
لين بضحك:لا متزعلوش مني ده انتو حبايبي
حور بضحك:بتاعت مصلحتها اوي
غزل :حصل
غزل :خلونا نتكلم جد شويه حور قررتي اي
حور بكسوف:موافقه
غزل قامت هي ولين يتنططو بفرح :هنجيب فساتين هنجيب فساتين هييييييي وراحو حضنو حور وهما فرحانين
غزل بفرح :هروح اقول ل ليث يبلغ معتز موافقتك
حور بتوتر: متقوليش دلوقتي أو قولي اني وافقت عشان شكله قدام العيله انا مكسوفه اوي وهو هيفكر فيا ازاي بعد م يعرف اني كمان بحبه
لين بضحك: يعني لما نقول انك وافقتي عشان شكله قدام العيله طيب م هو كده بردو هيعرف انك بتحبيه م هو اكيد مفيش واحد هتوافق تتجوز واحد مبتحبوش عشان شكله قدام الناس وهيعرف بردو ده انتي ذكيه اوي
غزل بضحك:طالعه ليكي يالين كنتي بتعيطي من شويه عشان قصي قال إنه بيحب وكان بيستفزك عشان يعرف بتحبيه ولا لا
لين بضيق:خلاص بقي ولا هتذلوني بالموضوع ده
غزل :هنذلك بيك
حور بتفكير:خلاص قولي مش موافقه
غزل بنفاذ صبر:بت انتي انا جبت اخري منك هو هروح اقول انك وافقتي خلاص ولو زودتي حرف هقول انك بتحبيه وبتحبي فيه قدامنا
حور بسرعه:لا لا خلاص روحي قولي اني وافقت
غزل :خمس دقائق وابقي عندكم
لين وحور : حاضر ياباشا
غزل نزلت تحت لقت ليث قاعد مع اسماعيل وبيتكلمو :ليث ممكن تيجي ثانيه
ليث بصلها:حاضر بعد اذنك ياعمي
اسماعيل :اتفضل يابني
ليث راحلها
غزل شدته من أيده:تعالي معايا
ليث:علي فين
غزل :الجنينه خرجو الجنينه وقعدو علي المرجيحه
ليث :هو حد ضايق لين ياغزل
غزل :لا هي كويسه كان موضوع بسيط وحلناه مع بعض
ليث : طيب اتفضلي قولي اللي عايزاه
غزل بفرح:حور وافقت علي معتز
ليث بابتسامه:كنت متاكد يلا ربنا يتمملهم علي خير أما اقوم اقول لمعتز واحنا رايحين الشغل
غزل بحب :ربنا معاك يحبيبي
ليث بحب :ويديمك نعمه في حياتي يلا ادخلي واقعدي مع اخواتك وانا همشي انا ومعتز
غزل :ماشي يحبيبي وباست رأسه ودخلت ليث نده علي معتز ومعتز خرجله وركبو العربيه واتجهو للقسم
ليث :عندي ليك خبر بمليون جنيه وانت هتموت عليه من الصبح
معتز :اي هو
ليث:حور وافقت يااخويا وهتبقي عريس ياض
معتز بفرحه وسعاده: احلف انك مبتحورش عليا
ليث بضحك: لا والله مش بكدب عليك غزل هي اللي بلغتني بموافقه حور
معتز بسعاده :هبقي عريس هبقي عريس هبقي عريس ياعالم
ليث بابتسامه:الف مبروك ياحبيب اخوك
معتز :الله يبارك فيك ياخويا عقبال م افرح بعيالك
ليث بفرحه :أن شاء الله
معتز:نكتب بقي الكتاب يوم الجمعه الجايه
ليث :لما تحدد الاول انت وعم اسماعيل
معتز :انا كده كده قررت انا عايز اتجوز ياجدعان
ليث :لما نشوف بكره هتندم انا عارفك
بعد شويه وصلو الشغل وكل واحد دخل مكتبه
عند البنات
غزل :هنجيب الفساتين لما يتحدد ميعاد الفرح انا هجيب دريس ابيض وخمار بيج
حور :غزل انا عايزاكي تيجي معايا انتي ولين واجيب دريسات وادناءات وخمارات لاني ناويه البس الخمار
غزل بسعاده:ده اي الاخبار الحلوه اللي بتيجي ورا بعض دي حاضر يستي نروح أمتي
حور :أنهارده انا حباه اوي يلا نروح ارجوكي
غزل :حاضر هتصل بليث واقوله ونروح
لين بفرح : وانا كمان عايزه اجيب
غزل بفرحه :ماشي ربنا يهديكو ياحبايب قلبي
لين : الموضوع كان في بالي بقاله فتره كبيره بس كنت متردده بس لما جيت حبيته اكتر لما شوفتك لابساه وكنت هاخدكم معايا اجيب بس يلا نروح دلوقتي
غزل: حاضر هكلم ليث اعرفه أننا خارجين واتصلت علي ليث وقالته أنها هتروح معاهم عشان يجيبو لبس شرعي
ليث: روحي ياحبيبتي وهاتي ليكي انتي كمان
غزل :حاضر سلام عشان نمشي
وقفلت معاه ونزلوا من الأوضه وقالت للعيله أن حور ولين هيلبسو الخمار وكلهم فرحو جدا بعدها البنات خرجو وركبوا العربيه ووصلوا المول ودخلو اشترو الهدوم وخرجو من المحل ولين وحور لابسين الخمار وكانو مبسوطين جدا بده وبعدها مشيو
حور :تعالو نجيب ايس كريم واندومي وبيبسي وشكولاته ونروح ونقعد مع بعض في الجنينه
لين :يلا الحاجه ورجعو ركبو العربيه ووبعد شويه وصلو البيت ودخلوا والعيله باركتلهم وبعدها عملو الاندومي وخرجو قعدو في الجنينه وبقو يتكلمو مع بعض
لين :حد فيكم شاف قصي مشفتهوش من الصبح
غزل:ممكن يكون راح الدرس قالي أنه هيروح انهارده
قصي:طب وهو مقاليش ليه
غزل :اسكتي يالين انتي طلعتي جري وفضلتي في الاوضه من الصبح وهو زمانه جاي
لين :ماشي
غزل: في موضوع عايزه اتكلم معاكم فيه
لين وحور :قولي
غزل قعدت تتكلم معاهم في أنه حرام يتكلمو مع اي اجنبي ليهم أو يقفو قدامهم من غير حجابهم أو أنهم يهزرو معاه وقالتلهم علي ضوابط الخطوبه وعلمتهم حاجات كتير في دينهم
لين بحب :شكرا ياغزل في حجات كتير مكنتش اعرفها ومش هكلم قصي تاني عشان حرام وهتجنبو دايما وهلتزم بديني وصلواتي وقيام الليل وورد القران الكريم
حور :وانا بردو نفس كلام الهبله
لين :يابت انتي ليه مصره انك تخرجيني عن شعوري
حور : هو كده انا بحب ادايقك
وفضلو يتكلمو مع بعض ويهزرو
قصي دخل الجنينه ولقاهم قاعدين
قصي بفرحه وهو شايف لين بقت مختمره :اللهم بارك ربنا يثبتكم يارب
حور :شكرا
لين وهي غاضه بصرها عنه :شكرا
قصي :لين تيجي معايا بكره ف وقبل م يكمل كلامه
لين :لا مينفعش حضرتك اجنبي عني ومينفعش أخرج معاك وحضرتك مينفعش تقول لبنت تجوزلك كده تمام انت مترضاش أن اختك تخرج مع واحد غريب واللي مترضهوش علي اختك مترضهوش علي بنات الناس وبعد اذنك امسح صورنا مع بعض
قصي بإحراج :حاضر انا اسف ومشي
غزل :شاطره يالين ولما ليث يجي هخليه يقول الكلام اللي قولتهولكم لقصي ومعتز
لين وحور ابتسمولها وفضلوا يتكلمو
عند قصي بعد م طلع اوضته:انا مش هقدر امسح صورنا بس انا مش هفتحهم لغايت م تبقي حلالي وهعمل اللي طلبتيه وهجاهد نفسي اني اصبر واغض بصري عنك
معتز وليث رجعو ومعتز فرح جدا لما شاف حور
معتز : مبروك علي الخمار
حور ولين :الله يبارك فيك
ليث :مبروك يابنات
حور ولين :الله يبارك فيك
معتز وليث دخلو الفيلا والبنات بردو
ميرفت بفرحه:يلا اقعدو السفره جاهزة
و قصي نزل
ميرفت :يلا يابني عشان تتعشا ده انت من الصبح في الدروس
قصي:حاضر ياطنط
قعدو واتعشو
وبعدها كل واحد طلع اوضته ينام
عند غزل وليث
غزل :ليث عايزاك تخلي قصي ومعتز وامير يقربوا من ربنا وتكلمهم زي م كنت بكلمك في أول جوازنا كده وتعلمهم القران والصلاة وأنهم مينفعش يهزرو مع بنات أو يكلموهم ياليث وانا علمت حور ولين كل حاجه انهارده
ليث :حاضر يلابقي ننام ياحبيبتي انا تعبت اوي انهارده كان في شغل كتير
غزل :حاضر يلا ونامو
تاني يوم
صحيو وفطرو وبعدها ليث ومعتز راحو الشغل وقصي راح دروسه والبنات دايما قاعدين مع بعض
بعد اسبوع
كانو بيفطرو
معتز:عمي
اسماعيل :نعم يابني
معتز :انا عايز أننا نكتب الكتاب ونعمل الفرح حور اتعافت اهي
اسماعيل :ماشي وانا موافق معنديش اي مشكله بس القرار الأول والأخير لحور حور يابنتي موافقه علي معتز
حور بخجل :اه ياعمو
معتز ابتسم
اسماعيل: علي خيرت الله
معتز: عمي ممكن نكتب يوم الجمعه وان شاء الله هنعمل فرح اسلامي
في نفس اليوم
اسماعيل:موافقه ياحور علي يوم الجمعه
حور هزت راسها
اسماعيل:تمام هروح بكره أن شاء الله انا وامير نعزم عيلتنا وانت وليث تعزمو عائلاتكم واحجز القاعه
هدي بفرحه :الف مبروك ياولاد لولولولويييييي
قصي بابتسامه:وانا عايز اتجوز انا كمان
اسماعيل:وماله مفيش مشكله ويبقي عروستين وعريس هات رقم والد البنت وانا هكلمه
قصي بضحك:لا مش لسه هتصل عليه هو قاعد هنا
اسماعيل بعدم فهم: مش هتتصل علي ازاي وقاعد فين انا مش فاهم منك حاجه وضح كلامك ياقصي
قصي بابتسامه:عمي انا طالب ايد الانسه لين وعايز اكتب الكتاب يوم الجمعه مع معتز وحور
اسماعيل بغضب:مش موافق طبعا
ياتري اسماعيل رفض ليه واي اللي هيحصل معاهم والمغربي حكايته كده خلصت بدخوله السجن ولا لا كل ده هنعرفه في البارت الجاي
- يتبع الفصل التالي اضغط على ( رواية مخادعتي الجميلة ) اسم الرواية