رواية اسمي جميله (كاملة جميع الفصول) حصريا عبر دليل الروايات بقلم حروف كاتب
رواية اسمي جميله الفصل الثاني 2
الحلقة الثانية والحلقة الثالثه
فجاة وبدون مقدمات حضنها ماهر
اتصدمت جميلة من اللي هو عمله واحمر وشها
وصرخت: يااااااه
وبعدت عنه وضربته بالقلم وقالت بعصبية: انت ازاي تعمل كدة يا حيوان
اندهش الكل ولطمت ام جميلة على وشها
وفجاة خدت جميلة بالها من اللي عملته
بصت جميلة لماهر اللي حط ايده على وشه مكان الضربة
قالت جميلة بتوتر: انا..اسفة 😳
بصت جميلة لامها اللي بادلتها نظرات متوترة
غضب بسيوني جدا وكان هيقوم من مكانه يضربها
مي بغضب : ايه اللي انتي عملتيه ده
فجاة قطع الجو المتوتر صوت ضحك ماهر
بصتله جميلة باستغراب
جميلة بتوتر: انت.... كويس
ماهر بضحك : دي اول مرة حد يضربني بالقلم على وشي
بسيوني: انت كويس يا ماهر اجبلك دكتور
ماهر: متقلقش يا جدو مش للدرجادي
منى: انا حقيقي اسفة على اللي جميلة عملتوا احنا نقدر نعمل ايه عشان تسامحوا بنتي
بص بسيوني لجميلة بغضب شديد وقال: انتي لازم يتنفذ عليكي اقوى العقوبات
اترعبت جميلة
ابتسم ماهر وقال: انا هسامحك بس بشرط
جميلة: ايه هو
ماهر: انك تنزلي تتمشي معايا في الجنينة
استغربت مي
مي: ايوة يا ماهر بس انت بقالك كتير مبتحبش تنزلها
ماهر: وجالي مزاج انزلها يا عمتو فيها مشكلة
مي: لا طبعا يا حبيبي مفيش
ماهر: بس عايز انا وجميلة نبقى لوحدنا
بسيوني: طيب يا ماهر اللي انت عايزه
ماهر: انا هغير هدومي الاول
وقام ماهر من على السرير
وحاول يقف لكن كان هيقع
سندته جميلة وقالت: خد بالك
ماهر بابتسامة : متشكر يا جميلة
مي: متاكد انك مش محتاج مساعدة
ماهر: دي اوضتي يا عمتو وانا عارفها كويس
بسيوني: طيب احنا هنخرج ونسيبك
خرجو كلهم برا الاوضة
جميلة: ماما روحي انتي انتي اتاخرتي اوي على اخواتي لازم تروحي
منى: لا يا جميلة انا مش هسيبك لوحدك
جميلة: متخافيش يا ماما انا هبقى كويسة
منى: متاكدة
جميلة: ايوة متاكدة
منى: طيب انا هستاذن منكم
مي: على فين
منى: لازم اروح
عن اذنكم
مي: اتفضلي
ومشيت منى من غير مرافق
بسيوني: انا مش عارف ليه ماهر عايز يروح الجنينة مع واحدة مجنونة زيها
اضايقت جميلة
مي: اهدى يا بابا متبقاش قاسي
وبعدين قربت من جميلة وهمست في ودنها: متزعليش اصل ماهر غالي عليه اوي
وفجاة انفتح باب اوضة ماهر وخرج منه
ماهر: انا خلصت
وجه يطلع برا اتكعبلت رجله وكان هيقع
جميلة: خد بالك
وجريت سندته واتقابلت عيونهم
احمر وش جميلة
ماهر بابتسامة : شكرا يا جميلة
جميله : انت عرفتني ازاي
وفجاة انتبهت انها شبه حاضناه بايديها
فبعدت بسرعة واحراج
ماهر: عمتو جدو انا عارف انكو هنا يا ريت تمشوا وتسيبونا لوحدنا
بسيوني: طيب يا ماهر اللي انت عايزه
ماهر: انا عايز اكون معاها لوحدنا فيا ريت محدش يقاطعنا واحنا تحت
مي: اكيد يا ماهر
يلا بينا يا بابا
ومشيت معاه
وفضلت فاتن عشان تقولهم على الطريق
ماهر: مش هتمسكي ايدي
جميلة بضيق: وامسك ايدك ليه ان شاء الله
وفجاة انتبهت لفاتن اللي بصتلها بنظرات كلها غضب
مسكت ايد ماهر وجمدت عليها
ضحك ماهر بينه وبيني نفسه
فاتن بضيق: تعالي ورايا
مشيت جميلة وراها ومشيت مع ماهر سنة. سنة
بعد ما وصلوا الجنينة
انبهرت جميلة بمنظرها
كانت جنينة مليانه ورود من مختلف الاشكال والالوان واشجار بديعة جدا وفي وسطها نافورة من الرخام على شكل بجعة
ماهر بضيق: فاتن امشي
فاتن: ايوة بس
ماهر: مهمتك انتهت امشي
مشيت فاتن
ماهر: مشيت؟
جميلة: ايوة
وسحبت ايديها من ايد ماهر بعصبية
ماهر بحزن: لسه مضايقة مني
حست جميلة انها كانت قاسية معاه
جميلة: انا اسفة
ماهر: على ايه
جميلة باحراج : القلم اللي ضربتهولك فوق
انا حقيقي مكنش قصدي بس انت فاجئتني وكانت اول مرة حد يحضنني فجاة كدة
ماهر: انا اللي المفروض اعتذرلك
حاولت جميلة تغير الموضوع
جميلة: بس عارف الجنينة دي جميلة جدا
ماهر: تعرفي انها كلها من ذوق امي
ابتسمت جميلة وقالت: واضح ان مامتك ذوفها رقيق اوي
وفجاة لفت نظرها شجرة ورود في اخر الجنينة
جميلة: الله انا هروح اشوف الشجرة اللي هناك دي
ومشيت خطوتين وبعدين رجعت مسكت ايد ماهر
اندهش ماهر من فعلها
جميلة: تعالى معايا
وخدته وراحو
في نفس الوقت كان في عيون بتراقبهم
مي: شايف ماهر مندمج معاها ازاي
بسيوني: قصدك ايه
مي: قصدي ان البنت شكلها كويسة جدا ده كفاية ان ماهر قرر ينزل الجنينة بعد ما انعزل عنها فوق ال 3 سنين
بسيوني: انا لولا ان ماهر اتدخل كنت مسكت البنت دي قطعتها بسناني حتت
مي: انسى الموضوع ده بقا يا بابا وفكر في اللي جاي
انا شايفة ان البنت كويسة اوي
بسيوني بضيق: لولا فكرتك انا عمري ما كنت هفكر اختارله زوجة من عامة الناس
مي: يا بابا متامنش للمظاهر
المظاهر دايما خداعة
******
وصلت جميلة للشجرة واتنفست من عبيرها الجميل
جميلة: ياه على الريحة شايف الجو عامل ازاي
ماهر: فعلا النسيم هنا حلو اوي
فجاة سابت جميلة ايديه وقعدت
ماهر: انتي روحتي فين
ضحكت جميلة
جميلة: انا تحتك بالظبط
ابتسم ماهر وقال: انتي بتلعبي معايا بقا
جميلة بضحك : اقعد اقعد
قعد ماهر على الحشيش وهي قاعدة قصاده
جميلة: ينفع اسالك سؤال
ماهر: نعم
جميلة: انت اول مرة تقابلني بس رغم كدة خلتني اجي معاك هنا ينفع تقولي ليه
ماهر: تقدري تقولي اني ارتحتلك
جميلة: بس كدة؟
ماهر: بس كدة
جميلة: انت بسيط اوي حقيقة
ماهر: ودي حاجة حلوة ولا وحشة
ضحكت جميلة بعذوبة
جميلة: بتهيالي حاجة حلوة
ابتسم ماهر لما سمع صوتها وهي بتضحك
ماهر: تعرفي ان ضحكتك حلوة اوي
ابتسمت جميلة بخجل وقالت: شكرا
ماهر: ينفع اسالك انا سؤال
جميلة: اتفضل
ماهر: احكيلي عن نفسك
استغربت جميلة
جميلة: احكيلك عن نفسي
ماهر: ايوة يعني انا مثلا معرفش غير اسمك عايز اعرف عنك اكتر
جميلة: بس مش هينفع دلوقتي
ماهر باستغراب: ليه
قامت جميلة من مكانها وقالت: كان نفسي اقعد معاك اكتر بس للاسف الوقت اتاخر ولازم امشي
ماهر: بس انتي لسه مقعدتيش معايا
وقف ماهر معاها
جميلة: اكيد هنقعد تاني سوا
مسكته المرادي من كتفه وقالتله بابتسامة : يلا بينا
*****
مي: هتمشي معقولة؟
جميلة: اه انا مضطرة
بسيوني: بس احنا لسه بينا كلام كتير
جميلة: اه طبعا
بسيوني: احنا لسه مش اختبرناكي
مي: بس يا بابا
شاورلها بسيوني تسكت
بسيوني: صحيح ان ماهر مبسوط معاكي بس ده مش معناه ان انا موافق
قلقت جميلة
جميلة: يعني ايه
بسيوني: مستنيينك بكرة الصبح تبقي هنا لو نجحتي في الاختبار اللي هدهولك هوافق عليكي تتجوزي ماهر
وبص لماهر وقال: ده طبعا بعد ما يوافق حفيدي الاول
جميلة: اكيد هكون هنا
ماهر: جميلة
جميلة: نعم
ماهر بابتسامة: هستناكي
ابتسمت جميلة وقالت : اكيد
عن اذنكم
وانحنت ومشيت
حس ماهر بالحزن وهو يسمع خطواتها
ماهر: انا هطلع الاوضة
مي: ماهر مش هتتعشي معانا
ماهر: مليش نفس يا عمتو
*****
وصلت جميلة بيتها وفتحت الباب
استقبلها اخواتها التوام
فاطمة وسالم: جبتلنا ايه جبتلنا ايه
جميلة: اسفة بس مجبتش حاجة خالص
ظهر الحزن على وش التوام
منى: جميلة حبيبتي
دخلت جميلة وقعدت قصاد امها
منى: عملتي ايه
حكتلها من جميلة اللي حصل
جميلة: بس كدة
منى: وانتي هتروحي بكرة برضو علشان يختبروكي صح
جميلة: ايوة
منى: مش عارفة يا جميلة بس قلبي مقبوض كدة مش عايزاكي تروحي
جميلة: ليه بس يا ماما
منى: يعني خايفة من الراجل الشراني اللي اسمه بسيوني ده
جميلة: هحاول اتفاداه على قد ما اقدر
وبعدين انا هعمل اللي عليا عشان ارضيه وكمان عشان اتجوز ماهر حفيده
منى: انا اسفة يا جميلة انا اللي دخلتك في كل ده
جميلة: لا متقوليش كدة
انا ممكن اعمل اي حاجة عشان خاطركوا
منى: خلي بالك من نفسك
جميلة: حاضر
*****
في اليوم التاني
في قصر ماهر
في اوضة الضيوف تحديدا
مي: مستنيينك من الصبح يا جميلة
قام ماهر من مكانه
ماهر بفرحة : جميلة جت
راحت جميلة وسلمت عليه
جميلة : ازيك يا ماهر
ماهر: ازيك انتي
بسيوني: شايفك جيتي اهو
انحنت جميلة
جميلة: اسفة على التاخير
بسيوني: طيب انا هبدا الاختبار معاكي
مي: بابا متكونش قاسي معاها اوي
بسيوني بعصبية : خليكي في حالك يا مي
مي: حاضر
بسيوني: هنبدا من عند المطبخ
جميلة باستغراب: المطبخ؟
بسيوني: ايوة
يلا يا فاتن
وراحو التلاتة عند المطبخ
ماهر: عمتو هو هيعمل فيها ايه
مي: انت عارف جدك
محدش يتوقعوا
****
في المطبخ
بصت جميلة لكوم المواعين اللي في الحوض
بسيوني: عايزك تغسليهم
جميلة: اغسلهم
بسيوني بسخرية: ايه مبتعرفيش
ضحكت فاتن
جميلة بضيق: لا بعرف
بسيوني: عايزك تغسليهم في ربع ساعة
جميلة: نععععمممم!!! '
بسيوني: زي ما سمعتي
جميلة بضيق: حاضر
وغسلت المواعين بسرعة
وخلصت الربع ساعة
جميلة: انا خلصت
بسيوني: تمام بينا على الاختبار التاني
وراحو عند اوضة بسيوني
بسيوني: عايزك تروقي اوضتي
جميلة باستغراب: بس دي متروقة
بسيوني: فاتن
راحت فاتن وكركبت الاوضة وطلعت كل اللي في الدواليب
بسيوني: متروقة هاه؟
جميلة في نفسها: ده اختبار ولا تعذيب ده انا لو خدامة مش هيعمل فيا كدة
واتوالت اختبارات بسيوني في الكنس والمسيح والترويق 😂
وبعد ما انتهى اليوم
وقعت جميلة من طولها وبدات تنهج جامد
جريت عليها مي
مي: انت كنت قاسي عليها اوي يا بابا
بسيوني: انا هطلع دلوقتي الاوضة مع ماهر
عشان نتناقش اذا كنا هنقبلك ولا لا
جميلة في نفسها: تقبلني ولا لا ده انت هديت حيلي منك لله وحسبي الله ونعم الوكيل فيك
طلع بسيوني وطلع ماهر
مي: متقلقيش يا جميلة ويا ريت متزعليش منه
ماهر كان اول حفيد عنده عشان كدة غالي اوي عليه ده غير ان في حاجات مؤلمة حصلت في العيلة كتير فهو بيخاف عليه زيادة
جميلة: اكيد مش زعلانة
بعد مرور فترة من الزمن
نزلو الاتنين
مي: ايه يا بابا
بسيوني: احم احم
بعد ما انا وماهر اتكلمنا سوا وعرفت رايه
وبعد ما جميلة كمان اجتازت كل اختباراتي للاسف
ضحكت جميلة بضيق مع نفسها
كمل بسيوني: عشان كدة مكنش قدامي اني
للاسف الشديد
اقبلها زوجة لماهر
مي: بجد يا بابا
بسيوني: للاسف بجد
مي: مبروك يا جميلة
وقعت جميلة على الارض
جميلة: ياه بعد ما عملت فيا ده كله
بسيوني بغضب : نعم
جميلة: لا ولا حاجة انا بقول شكرا يا عمي
ضحكت مي وضحكت كمان جميلة
يتبع.....
❤
💜(
•تابع الفصل التالي "رواية اسمي جميله" اضغط على اسم الرواية