رواية لاني احبك الفصل الثاني 2 - بقلم سلمي السيد

الصفحة الرئيسية

  رواية لاني احبك كاملة بقلم سلمي السيد عبر مدونة دليل الروايات 


 رواية لاني احبك الفصل الثاني 2

مالك في ذهنه و بزعل من جواه : مش معقولة بجد متكونش فكراني للدرجادي ناسية ملامحي ؟! بس معاها حق أنا من و أنا طفل برا مصر هتفتكرني ازاي !!!.

بهار بإستغراب : بتبصلي كده ليه ؟؟؟.

مالك بإحراج : لاء عادي سرحت شوية مكنتش ببصلك أنتي .

بهار : ………………….. .

سيف جه و قال : معلش أتأخرت عليكوا كان شريكنا في الشغل معزوم هنا و شوفته ف كان لازم أسلم عليه .

مالك بإبتسامة : ولا يهمك .

سيف : تعالي يا مالك نطلع برا شوية نتكلم في هدوء بدل الدوشة دي .

مالك : تعالي يله .

سيف : بهااااار ، متتنقليش من هنا نازلي زمانها جاية عشان متفضلش تدور عليكي .

بهار بغمزة : و أنت هتوصيني علي صحبتي برضو يا بشمهندس ، هي جت في بالك ليه ها ؟!.

سيف بتنهد و بيزق مالك : يله يا مالك يله عشان مش هنخلص .

سيف بإستغراب : فين دبلتك مش لابسها ليه ؟!.

مالك : سبتها أصلاً .

سيف : ليه يا ابني ؟؟ .

مالك : ما أنت عارف يا سيف إنها كانت خطوبة مصلحة عشان الشغل الي بين عيلتي و عيلتها دا الحمد لله و الله إنها مكنتش جوازة زي ما بيعملوا في المسلسلات و الروايات .

سيف بإبتسامة : ربنا يكتبلك الخير دايمآ .

مالك بتنهد : يارب ، بس سيلين و عيلتها نزلوا مصر برضو و رنت عليا و قالتلي نكمل و مش عارف اي قولتلها الأفضل يبقي كل واحد فينا من طريق و قولتلها كمان الشغل زي ما هو بينا عادي بس أنا مكنش هينفع أكمل مع واحدة أنا مغصوب عليها عشان هظلمك معايا ، فضلت تقولي طب نحاول قولتلها مش هينفع .

سيف : ما تحاول تحبها هتخسر اي ؟!.

مالك : حاولت يا سيف بس المشكلة مش في المحاولة ، المشكلة إنها مدلعة بزيادة و عاوزة رأيها يمشي في كل حاجة و مفيش تفاهم و كمان أنا مش مرتحلها شخصيآ ف مش عارف أحبها ، حاسس إنها مش سهلة و بتاعت مشاكل ، يعني مثلآ حصلت كذا مشكلة في الشغل و أحنا برا مصر و هي أتصرفت مع الناس بطريقة مش كويسة و معجبتنيش ، ف هي مش شبهي خالص .

سيف : اممممم فهمتك ربنا يرزقك بلي تريحك يارب .

مالك بغمزة : سيبك مني بقا ، مين نازلي دي ؟؟!

سيف بإبتسامة : نازلي دي هي أجمل حاجة في حياتي أصلاً ، بس المتعب في الموضوع إني لسه مقولتش ليها أي حاجة عايش حالياً بحبي ليها من طرف واحد بس لاكن الله أعلم هي بتحبني و لا لاء .

مالك بإبتسامة : طب ما تقولها و يمكن تكون بتحبك و ميطلعش حب من طرف واحد .

سيف و بيحرك إيده علي شعره : و الله حاولت ألمح بس أنت عارفني أنا مليش في التلميح و الرومانسية (بضحك) جيت لحد عندها و وقفت زي التمثال معرفتش أنطق بحرف .

مالك بضحك : صاحبك الرومانسي هيقولك حلول تنجح إن شاء الله .

سيف بضحك : كنت نفعت نفسك يا أخويا .


مالك بإبتسامة و أختفت : أنا الي حبتها مفتكرتنيش أصلاً ، يوم ما نزلت مصر كانت في حفلة و شوفتها فيها بالصدفة و معرفتنيش .

سيف بإستغراب : و اي السبب هي هتلحق تنسي شكلك ؟؟

مالك : من و أنا طفل يا سيف مشوفتهاش من ساعة ما كان عندي ٥ سنيين و دلوقتي ٢٧ سنة يعني ملامحي أتغيرت ف عشان كده و أنا كمان لما لاقتها مش فكراني عملت نفسي ناسيها برضو و معرفهاش و لا أعرف أسمها .

سيف بإبتسامة : بس أنت أفتكرتها .

مالك بإبتسامة : عشان هي ملامحها مراحتش من بالي لحظة واحدة ، و دا سبب من أسباب إنفصالي عن سيلين ، إني كنت ببقي معاها و بفكر في غيرها ، و دا أنا مرضهوش علي نفسي و لا عليها يعني برضو مهما كانت شخصية سيلين اي ف هي بنت و عندها مشاعر و لو حست بحاجة زي كده هتنهار ف عشان كده سبتها برضو عشان مكونش سبب في أذي نفسيتها .

سيف بإبتسامة : و الله ياريت الناس كلها زيك كده كان زمان كل حاجة في سلام .

مالك بإبتسامة : …………………. .

بهار بدموع : أتأخرتي ليه يا نازلي حصلت حاجة غريبة أوي تعالي .

نازلي بذهول : عارفة عارفة و أنا داخلة القاعة لاقيت سيف برا و معاه واحد و كان نفس الشاب الي قولتي عليه خطيبك أول إمبارح في الحفلة .

بهار بدموع و توتر : أنا أترعبت بجد لما شوفته و قلقانة سيف يعرف دا لو عرف هياكلني .

سيف بشك : بس مين الي أنت مشوفتهاش من و أنت عندك خمس سنيين ؟! أصلاً مكنش فيه غيري أنا و أنت و بهار في الوقت دا .

مالك سكت شوية و قال : خليها لوقتها طيب .

سيف في ذهنه و بإبتسامة علي وشه : دا علي أساس إني معرفش إنها بهار يعني .

سيف بذكاء : صح مش بهار أختي جالها عريس .

مالك بصدمة و صوت عالي : عريس ؟؟.

سيف : اه عريس مالك ؟؟ ، الشاب كويس و محترم و محاسب و لما سألت عليه لاقيت إن مميزاته أكتر من عيوبه .

مالك و بإزدرء ريقه بصعوبة و بيبعد بنظره : و هي وافقت ؟؟.

سيف بلا مبالاه : هترفض ليه ؟؟ هي لسه مقالتش رد بس ممكن توافق أصلها هترفضه ليه و هو كويس .

مالك بفقدان أمل : طيب يله ندخل .

سيف بزعل : مالك أنت كويس ؟؟.

مالك : اه اه يله ندخل .

سيف في ذهنه : مش جريمة إنك تقولي بحب أختك يا سيف دا أنا أتمني و الله .

سيف بإبتسامة : أزيك يا نازلي ؟؟.

نازلي بتوتر و إبتسامة : الحمد لله .

مالك في ذهنه : نازلي دي صاحبتها الي كانت معاها في الحفلة .

بعد ساعة و نص .

بهار بسعادة : بجد الفرح كان حلو أوي و عمرو و نور كانوا أجمل عرسان شوفتهم في حياتي بجد .

سيف بضحك : عقبال فرحك يا سنجل .


بهار بتريقة : عقبال فرحك يا سنجل ، دا علي أساس إنك مش سنجل زيي يعني .

سيف بتلقائية : لاء مين قالك إني سنجل و مش بحب مثلآ ؟!.

نازلي بسرعة و تلقائية : نهارك أزرق هو أنت مش سنجل و بتحب كمان .

سيف بصدمة من ردة فعلها : ………….. .

نازلي و أستوعب هي قالت اي : أحم قصدي يعني إني علطول معاك أنت و……و بهار يعني و مقولتش لينا حاجة .

مالك بغمزة لسيف من غير ما حد ياخد باله .

سيف بتوتر : كنت هقولك و الله .

نازلي بزعل : طيب .

بهار جت تمشي كعب الجزمة أتكسر و قالت : يادي النيلة عليا ما قولنا بلاش نلبس هيلز و روحت عملت فيها أنچلينا چولي و لبسته .

مالك بضحك : ………………. .

نازلي تليفونها رن و قالت بخضة : اي ؟؟؟؟ طب هي كويسة ؟؟؟ طيب طيب أنا جاية حالآ أهو .

بهار بخضة : في اي ؟؟.

نازلي بعياط : ماما الضغط علي عليها أوي و دوها المستشفي و لازم أمشي دلوقتي حالآ .

سيف : استني طيب هوصلك أنا .

بهار بدموع : طب هاجي معاكوا ازاي دلوقتي بالكعب المكسور دا ؟! .

مالك بتلقائية : وصل أنت نازلي يا سيف و أنا هوصل بهار علي البيت تلبس حاجة تانية و هجبها و أجي .

سيف بلهفة : طيب ماشي يله يا نازلي .

في عربية مالك .

بهار : أنا أسفة تاني بجد علي الي عملته .

مالك بإصطناع البرود : أنتي حطتيني في موقف زي الزفت و الله قدام صحابي .

بهار بتلقائية و بتشوح بإيديها : ما خلاص يا عم مالك بقا أنت كمان هو يعني عشان طلعت معاك بت كيوت و بعتذرلك تاني ف هتسوق فيها بقا ، ما قولنا أسفة و لو مش عاجبك إعتذاري يا نجم أسحبهولك عادي و ………… .


مالك قاطعها و قال : في اي في اي !!!!! ، راديو و أتفتح ما تهدي .

بهار و بترجع شعرها لورا بثقة و قالت : اه راديو و أتفتح أومال هسكت عن حقي ؟؟!.

مالك بتنهد : عمرك ما هتتغيري طول عمرك كده .

بهار بإستغراب : و أنت تعرفني طول عمري منين ؟؟.

مالك بنفاذ صبر : بخمن ياستي بخمن في صياغ الكلام عادي .

بهار بإصطناع الصياعة : أنت مش واخد بالك إنك واخد عليا بزيادة و لا اي يا عم البشمهندس أنت ما تركز في طريقك الله يباركلك بدل ما نموت كلنا .

مالك : مش لايق عليكي دور الصياعة دا خالص ، و بعدين فيه بنت بمكانتها الإجتماعية دي برقة شكلها دا تتكلم كده ؟!.

بهار بطريقة كوميدية : الله يباركلك علي مجاملتك دي و الله تسلم .

مالك في سره : ……………….. .

 رواية لاني احبك الفصل الثاني 2 -  بقلم سلمي السيد
nada eid

تعليقات

ليست هناك تعليقات
إرسال تعليق
    google-playkhamsatmostaqltradent