رواية سلف و دين كاملة بقلم لولو محمد عبر مدونة دليل الروايات
رواية سلف و دين الفصل السابع و العشرون 27
سمر / و هتفضلوا كدا لحد امتى
أية / قصدك ايه
سمر / قصدى ان انا لو منكوا اخد بعضى بكرامتى و اشوفلى شقه ان شالله ايجار بدل ما استنى يجى عليا اليوم و على يقولكوا فضوها عشان يتجوز فيها
عمر / على مش هيعمل كدا ماشى
سمر / طبعا طبعا
عمر / بصى انا جبت اخرى مش كل حاجه تعملى منها حوار ايه كميه النكد دى انا عرفت ليه ابويا مات بدرى هو فى كدا
سمر / قصدك ايه يا ابن حنان
عمر / قصدى ان كفايا اوى لحد كدا انتى ما بتزهقيش عاوزه توصلى لايه من كل ده فى دماغك ايه هترتاحى لما تخربى على بنتك مثلا هترتاحى لما تفرقى العيله دى ما عادش باقى غيرنا احنا التلاته ايه تعباكى اوى لمتنا فى ايه عاوز افهم
أية / عمر
عمر / بلا عمر بلا زفت كل يوم تنامى معيطه بسببها و انا ساكت و مستحمل انا …..
عمر يشوف ندى شايله حبيبه وواقفه بعيد بتبص عليهم يسكت
ندى / انا ماشيه عن اذنكوا
عمر / استنى يا ندى دا بيتك
ندى / لا هو انا اصلى اتاخرت و لازم اروح
أية / صدقينى يا ندى الحوار ده مش بسببك خالص احنا حياتنا علاطول كدا
سمر تفتح الباب و تمشي و ندى تجرى وراها
………………………………
فى المحل
على بيتكلم فى التليفون
على/ ايوه بس انتى طولتى اوى
منال / ما انا قولتلك انى مرتاحه هنا اوى
على / طب و احنا هنا
منال / يا ابنى تانس و تنور فى اى وقت بس بجد الشقه بقت خنيقه اوى من غير الحج
على / الله يرحمه الدنيا بقت كلها خنيقه اوى من غيره
منال / طمنى انت عليك
على / محتاجك والله يا ست الكل على الاقل تقفى جنبى فى ايام جوازى الحمد لله اشتريت الشبكه امبارح
منال / الف مبروك يا حبيبى انت طيب و ابن حلال و تستاهل كل خير
على / ربنا يخليكى انا باذن الله هحاول فى اقرب وقت انى اجى ازورك و اجيبها معايا
منال / تنور يا حبيبى بتكلم نور لسه
على / لا والله مش كتير
منال / كنت عاوزه اطمن عليها
على/ هى مش بتكلمك
منال / ابدا يمكن مشغوله او حاجه
على / هحاول اكلمها اطمن عليها
منال / لو فى حاجه ابقى كلمنى
على / تمام هتحتاجى اى حاجه
منال / ما انحرمش مع السلامه
على / مع السلامه
…………………………………
فى الشارع عند عمر
ندى تدى حبيبه لعمر و تجرى ورا سمر تمسكها تقف و تتكلم بصوت عالى
سمر / عاوزه ايه هاه
ندى / انا مش عدوتك و لا عدوه أية
سمر / يا بنتى فوقى و ما تديش نفسك قيمه اكبر من قيمتها اسمعى انا عايشه فى الدنيا دى عشان خاطر بنتى و بس
ندى / و هو خاطر بنتك انك تعيشيها فى مشاكل علاطول
سمر / ابقى اسالى حبيب القلب ازاى عمر اتجوز أية تفتكرى فى ام فى الدنيا هترضى ان بنتها تتجوز كتيمى كدا من غير فرح دا احنا الشبكه جتلنا بعد طلوع الروح اوعى تفتكرى انهم ملايكه انا اللى مربياهم و عارفاهم اكتر منك
ندى / أية بتحب عمر
سمر / عشان هبله عيله مراهقه و مش عارفه مصلحتها كلها شهر و الدراسه تبدا تقدرى تقوليلى تضمنى منين انها ما تقابلش حد و تعجب بيه تضمنى منين انها هتفضل معجبه بالشاب الوحيد اللى شافته فى حياتها
ندى / عشان عمر شاب كويس و يتحب
سمر / انتى نفسك عندك كام سنه تفهمى ايه انتى فى الحب اعجبتى بواحد و اهلك غصبوكى تتجوزى واحد تانى و لما الجوازه باظت قالوا يقبلوا بيه تفهمى ايه قوليلى
ندى / افهم ان اى واحده مننا بتحتاج للامان
سمر / و على هيوفرلك الامان ده اتمنالك التوفيق ياختى …. تاكس
سمر توقف تاكس و تركب و تمشى و ندى واقفه فى الشارع ساكته أية تطلع من العماره تمسك ايدها و يتكلموا بصوت واطى
ندى / ايه اللى نزلك
أية / انا واقفه هنا من بدرى بس ما اعرفش ليه ما قدرتش اتكلم و لا ارد
ندى / عشان هى ما عندهاش حق احنا مش اطفال انا اكبر دليل ان مش دايما الاهل عارفين مصلحتنا انا جيت استخبى عندك لان بيت اهلى مش امان بالنسبالى و اقولك حتى هنا مش امان زى ما عرف اننا فى المطعم امبارح ايه يمنع انه يكون هنا فى مكان مش شايفينه …. حبيبه فين
أية / مع عمر فوق انتى اديتهاله و انتى نازله
ندى / انا بجد اسفه اوى ما كنتش عاوزه ابدا اتسبب فى المشاكل دى كلها
أية / صدقينى احنا فى الهم ده من قبل حتى ما ترجعى مصر مفيش فايده و بكره ماما هتنسى و هتتراضى بكلمتين و ربنا هيصلح حالها يوم و لا اتنين و هترجع ريما لعادتها القديمه
ندى / انتى كويسه
أية / مش عارفه يمكن لو شربت عصير اتحسن
ندى تبتسم
أية / تعالى نطلع بلاش وقفه الشارع دى الناس فى القهوه هناك بيبصوا علينا
ندى / تعالى
ندى تطلع مع أية و على القهوه حسام يقلع الكاب و النضاره الشمس و يبتسم
حسام / حبيبتى يا سمر
حسام يحاسب و يمشى
………………………………..
فى شقه امانى
تهانى / والله زى ما بقولك
امانى / يمكن قالها كدا عشان مش عاوز يفتح على نفسه فاتوحه و يقلب اليوم نكد و انتى عارفه حسام بطبعه ما بيحبش لا النكد و لا المشاكل
تهانى / يا امانى انا فاهمه بس احنا لازم نتكلم معاه و نشوف هو عاوز ايه بالظبط ما ينفعش يشتت نفسه فى مليون جبهه كدا
امانى / الله يعينه يا تهانى اللى عاشه ما كانش سهل ابدا كفايا بنته اللى بعيد عنه
تهانى / يا ستى بكره ربنا يكرمه بعيل و اتنين و تلاته و يمكن يكون فيهم واد و لا اتنين يشيلوا اسمه
امانى / كل اللى يجيبه ربنا كويس بس حبيبه برضه ضناه
تهانى / طب و العمل
امانى / كدا كدا محمد اخوكى اتفق ان ندى تتجوز و تكمل حياتها عادى بس حبيبه تيجى هنا خميس و جمعه
تهانى / والله افرحلها يا امانى بس على الله حسام ما يقولش يومين بس مش كفايا
امانى / ما هو حقه برده
تهانى / ما قولتش حاجه بس لا مها و لا ندى هيسكتوا هو فى واحده تلاقى عريس و تتجوزه بالسرعه دى دا حتى عدتها ما خلصتش
امانى / نقول ايه بقى ما بتضيعش وقتها
تهانى / انا و الله ما عدتش فاهمه مصطفى اخويا خالص طول عمرى اقوله شد على البت لم مراتك يقولى بنتى الوحيده و سبيها تدلع ما لكيش دعوه بمراتى انا جوزها و راضى ادى اخرتها
امانى / الله يرحمها حماتى ما كانتش بتطيقها فاكره كانت بتقول عنها ايه
تهانى / الا فاكره قادره و خطفت الواد
امانى / و بنتها طلعالها عليها شويه كهن حريم يوووووه مش على حد
تهانى / ربنا يحفظ بناتنا احنا عندنا ولايا
امانى / على رايك اما اقوم اعملك شاى
امانى تقوم و تهانى قاعده
…………………………………………….
فى شقه ندى
ندى / انتوا ازاى تعملوا كدا هو ده اللى اتفقنا عليه
مصطفى / يا بنتى الموضوع لسه فى ايدينا احنا بس
ندى / انت وعدتنى انت وعدتنى ان حسام مش هياخد منى حبيبه
مصطفى / و انا عند وعدى
ندى / ازاى و انت هتاخد منى حبيبه و تديهاله تضمن منين انه هيرجعها اذا كنتوا خايفين تروحوا للمحكمه دلوقت عشان الفضايح و الشوشره ساعتها … ساعتها اكيد هتمنعونى انى ارجع بنتى لحسن يفتح الملفات القديمه و شكلكوا يبقى وحش
مصطفى / مش هيحصل
ندى / تضمن منين
مصطفى / انا و عمك اتفقنا لا انا هسكت و لا هو
ندى / انا مش قادره اصدق مش قادره استوعب
مصطفى / طب بصى لو كتبنا الموضوع ده فى ورقه اتفاق و يمضى عليها شهود يرضيكى
ندى / لو خد بنتى و سافر لو عملوا فيها حاجه لو فى يوم حصل اى حاجه فى مليون سيناريو فى دماغى هعمل ايه
مصطفى / يا بنتى ما هو ابوها و لازم يشوفها
ندى / لا مش ابوها لا مش ابوها الاب ما يرميش ضناه الاب ما يعملش كدا انتوا بتعملوا معايا كدا ليه
جرس الباب يضرب
مصطفى يفتح يلاقى على
مصطفى / ادخل يابنى
ندى / خد شبكتك الموضوع ده مش نافع ندى تيجى تدخل اوضتها على يجرى عليها و يمسكها
على / اهدى كدا و اعقلى و اقعدى نتكلم
ندى / انت جاى تقنعنى انت كمان اديله حبيبه اسلمله روحى بايدى ازاى يا ناس
على / ندى اسمعى اولا الكلام بين عمك و عمى حسام اصلا ما وافقش
ندى / و مش هيوافق
على / عارف و دا فى مصلحتنا اننا قدمنا السبت و رفض
ندى / انت بتقول اى هبل على فكره
على / حسام كدا كدا هيرفض العرض اصلا و الورق اللى معانا هيخلى اهله يخافوا عليه ما تخافيش هما هيبعدوه عننا
ندى / بيتهيالك
على / مراته و عمتك و عيلته كلها مصلحتهم اننا نتجوز
ندى / عشان ياخدوا منى بنتى
على / لا عشان ابنهم ما يتحبسش
ندى تبص لعلى و تسكت
على / لو حسيت للحظه انى ممكن احرمك من حبيبه صدقينى انا من نفسي هبعد بس انا مش جايب الثقه دى من الهوا انا كلمت محامى و اتنين و كلهم اكدولى ان الحضانه ليكى مليون فى الميه فاهدى بقي
ندى تقعد و تحط وشها فى اديها مها تحط ايدها على ضهرها ندى تبصلها
مها / انا ساكته من الصبح بس هم معاهم حق اصبرى لما نشوف مايتهم ايه و هيقولوا ايه و اكيد هنقعد و نتكلم يوم الجمعه الجايه لما يجوا
ندى تبص لعلى و تبص لمامتها و تدخل جوه
مها / انا ههديها ما تشغلش بالك
على يهز راسه و يبص لمصطفى و يمشى
……………………………….
فى شقه امانى
حسام / والله كويس الحمد لله بدل ما كنت هضرب المشوار لحد عندها كل اسبوع بنتى هتيجى تبات معايا يوم فى الاسبوع لا دا كرم اخلاق منها والله
محمد / حسام احنا كلنا شايفين ان ده لمصلحتك انت و ندى و حبيبه
حسام / هو البتاع اللى هى هتتجوزه ده احسن منى فى ايه
اروى / يعنى عاوز ترجعلها
حسام / انا اقصد احسن منى فى ايه يربى هو بنتى و انا لا
محمد / راعى ظروفها يا ابنى هى مش هتقدر تجيب غيرها
حسام / دى اراده ربنا انا ما ليش دخل بيها
محمد / قصدك رحمه ربنا بيك لو كانت البنت دى ماتت و هى فى الصحرا كان ذنبها هيبقى فى رقبتك و كانت ندى هتتحرم من نعمه الامومه طول العمر
حسام / ايوه ايوه لفوا لفوا و ارجعوا لنفس الموضوع تانى اصلا هو يعنى الواد ده هيبقى احسن من مروان جوز نور يعنى مش هيجى عليه يوم و يقوم انا عاوز اخلف هيتجوز ندى على ايه
تهانى / و انت كنت اتجوزتها على ايه
حسام / كنت بحاول ابنى بيت و اسره و اكيد موضوع الخلفه كان فى دماغى
محمد / دا موضوع بينها و بين خطيبها احنا ما لناش دعوه يا ابنى
حسام / ازاى مليش دعوه و بنتى بتتربى فى حضن راجل تانى تضمن منين انها مش هتحبه اكتر منى طبعا ما الست ندى هتقعد الاسبوع كلو تشحنها ضدى و تكرهها فيا بالصدق و بالكدب
محمد / مش هيحصل
حسام / انتوا كلكوا موافقين على الاقتراح ده يعنى
اروى / بصراحه مش شايفه اى مبرر للرفض اصلا
حسام / هى نور فين
امانى / عندها صداع من الصبح و قافله على نفسها اوضتها
حسام / انا هدخل اشوفها
محمد / طب قولى هنعمل ايه
حسام/ احنا كدا كدا هنروح الجمعه من هنا للجمعه يحلها حلال عن اذنكوا
…………………………..
فى اوضه نور
حسام يخبط على الباب و يفتح يلاقى نور نايمه يدخل جنبها
حسام / نونو … نونو
نور تقوم تقعد
حسام / مالك
نور / ماليش كويسه
حسام / بيقولوا مصدعه من الصبح ليه خير فى ايه
نور / ما اعرفش بس خدت اسبرين و ان شاء الله لما اصحى من النوم يكون راح
حسام / نور انتى فى حاجه مديقاكى
نور / لا انا كويسه الحمد لله
حسام / نور انا اخوكى مليش فى الدنيا غيرك لو فى اى حاجه جواكى
نور / حسام انا بجد كويسه
حسام / الحمد لله يارب دايما
نور / حسام انا عارفه ان اللى هطلبه منك صعب بس صدقنى
حسام / عوزانى اوافق على جواز ندى و الحضانه بتاعه حبيبه صح
نور / هى محتاجاها اوى و كمان صغيره ما تحرمش ام من ضناها يا حسام انا متاكده ان ربنا مش بس هيعوضك عن حبيبه دا هيجمعك بيها فى يوم من الايام
حسام / انا مش حيوان اوى لدرجه انى احرم ندى من حبيبه بس هى كانت هتوافق لو الوضع معكوس لو كانت حبيبه فى حضنى و بتشوفها يوم واحد
نور / هى تعبت فيها اوى يا حسام حمل وولاده و اديك شايف
حسام / انا كان ممكن اخد منها حبيبه فى اول يوم نزلت فيه مصر بس انا قولت اهو خليها فى حضنها هى ما اتفرغالها و كمان تكفير عن ذنبى دا غير انى واثق ان حبيبه محتاجه لندى عشان الرضاعه و كدا
نور / و ايه اللى جد
حسام / الكائن ده ما ينفعش ابدا يكون اب لبنتى
نور / ندى اهم حاجه عندها حبيبه و لو ما كانتش شيفاه كويس
حسام / ندى مين يا نور بس هو انتى لسه هتعرفى عمك دلوقت عمك لقى صيده جديده الواد الصايع ورث و بقى عنده فلوس و بقى لقطه فقالوا مصلحه
نور / ما تكدبش على نفسك يا حسام لا عمك و لا مراته بيفكروا بالشكل ده و اكبر دليل على كدا الفلوس اللى دفعوها فى شقتك
حسام / يا سلام ما انا صرفت قد كدا فى الجوازه دى شبكه و فرح و سفر و فسح حصل و لا ما حصلش
نور / حصل بس
حسام / بصى يا نور من الاخر انا هقولك زى ما قولت لبابا بره انا هفكر من هنا للجمعه هفكر و اللى هرتاحله هعمله ما انا مش هقدر اربط حياتى كلها بكلمه توجعنى
نور / ماشى صلى استخاره و اللى فيه الخير يقدمه ربنا
حسام / انا هسيبك ترتاحى هتعوزى حاجه
نور / سلامتك
حسام يلعب فى شعرها و يسيبها و يقوم
………………………………..
تانى يوم الصبح
سمر تنزل تفتح الدكان و شويه و حسام يدخل لابس النضاره الشمس و متشيك على الاخر
حسام / السلام عليكم
سمر / و عليكم السلام اؤمر
حسام / لو سمحتى كنت عاوز اشترى موبايل حريمى يكون نوع نضيف اوى و غالى
سمر / فى حاجه معينه فى دماغك
حسام / لا مفيش هو الحاج محمود فين
سمر / الله يرحمه اتوفى
حسام / لا اله الا الله امتى الكلام ده
سمر / من فتره كدا مش بعيده
حسام / بجد والله زعلتينى اصل انا كنت مسافر و لسه راجع من كام يوم والله كان راجل زوق تعرفى انا ما بشتريش موبايلات غير منه راجل زوقه عالى اوى و عمرى ما اخدت منه حاجه و اشتكيت
سمر تبتسم اوى
سمر / حمد الله على السلامه استنى هوريك شويه حاجات باذن الله هتعجبك و ما تشيلش هم السعر احلى واجب لزباين الحج الله يرحمه
حسام / لا مش مهم الفلوس انا عاوز حاجه غاليه اصلى بصراحه مزعل المدام و عاوز اجيبلها حاجه عليها القيمه اصالحها بيها
سمر / لا لو على كدا بقى شوف ده بقى
حسام / حلو اوى دا عامل كام
سمر / سبعتلاف و تلتميه
حسام / حلو اوى هو له كفر
سمر / اه له ثوانى اجيبلك حاجات تنقى منها
سمر تطلع لحسام مجموعه كفرات ينقى
حسام / لا لا مش زوقها خالص بصى هو انتوا عندكوا طباعه على الكفرات
سمر / اه بس بالطلب يعنى هتيجى تستلم الكفر كمان اسبوع
حسام / اسبوع بحاله انا ممكن ادفع الضعف او التلت اضعاف انا اصلى مستعجل اوى انا ممكن ادفع دلوقت كلو
حسام يطلع رزمه فلوس متينات
سمر / لا والله مش مساله فلوس بس الطباعه دى بتتعمل بره فيادوب على ما ابعت الكفر و الصوره تنطبع و ترجع غصب عنى والله
حسام / اممممم امرى لله هعمل ايه ماشى موافق
سمر / حلو اللون ده اطبع عليه
حسام / جميل
سمر / لو معاك الصوره على فلاشه ممكن اخدها منك
حسام / لا معيش على فلاشه عندى على الموبايل ممكن ابعتهالك بلوتوث مثلا
سمر / اه اوى اوى ثوانى هجيب موبايلى
سمر تفتح الموبايل
سمر / ريمكسات اسم المحل ههههههههههههههههههه
حسام / تمام استقبلى بقى بعت
سمر تستقبل الصوره و تفتحها و تبص فيها تلاقيها صوره فرح حسام و ندى و هما حاضنين بعض تبص لحسام
سمر / بسم الله ما شاء الله دى مراتك
حسام / اه والله تحبى تشوفى القسيمه ههههههههههههههههههههههههه
سمر / لا انا بهزر اصلى بشبه عليها
حسام / ما افتكرش اصل احنا بقالنا سنه فى الامارات بس اتخانقنا و من يوم ما نزلت و هى قاعده عند اهلها و مش عاوزه تروح و هما سكنين بعيد اوى عن هنا ما افتكرش انك تكونى شوفتيها قبل كدا
سمر تبص لحسام و هو باصصلها و مبتسم يطلع ورقه
حسام / دا تمن الموبايل و ده رقم موبايلى لما الكوفر ينطبع ياريت تكلمينى اجى اخده
سمر / اكيد
سمر تحط الموبايل فى كيس و تديه لحسام يحيها براسه و يمشى تقعد على الكرسى و هى بتفكر
/////////////////////////
سمر / هو الجدع ده بيشتغلنى و لا ايه … دى صوره ندى منين بيقول مراته و متخانقين و منين هتتجوز على يكونوا اهلها بينصبوا على الواد … البت دى مش سهله و شغل السهوكه بتاعها دى مش عاجبنى …. اه متخانقه مع اهلها و تيجى تنام تقشط اللى فى البيت …. لا جوزها اللى مش سهل
سمر تبص فى الورقه
سمر / حسام زغلول ؟؟؟ يعنى هى الدنيا صغيره اوى كدا لدرجه انه ما يجبش الموبايل ليها غير من عندى … الموضوع فى ان …. لو انا قولت على اللى حصل النهرده ده البت دى هتلم الموضوع و لو ما عرفتش على هيلمه بدالها … ما يمكن الجدع ده طليقها و عاوز يردها …. حقه ما هى لسه فى عدته معقول يكون مش عارف انها اتخطبت …. ايه يا سمر الموضوع ماله مكلكع كدا ليه …. يكونش عارف انها اتخطبت لعلى فعاوز يخلص منه …. الواد شكله مريش بس على كمان دلوقت معاه فلوس …. لا لا الموضوع محتاج مخمخه جامده
//////////////////////////////
سمر تقوم تشيل الفلوس و تحط الكفر فى الدرج معاه ورقه رقم التليفون و هى بتفكر
……………………….
فى المحل عند على
تليفون على يرن
على / الو ازيك فينك يا بنتى كلمتك كذا مره قلقت
نور / انا كويسه كنت مصدعه و عملته صامت و نمت
على / خير سلامتك
نور / صداع عادى ما تاخدش فى بالك
على / الحجه منال بتسلم عليكى وحشاها كتير كنت بفكر اسافرلها تحبى تيجى معانا
نور / معاكوا ؟؟؟
على / اصلى هاخد خطيبتى معايا تتعرف عليها
نور / اه … ايه ده انت خطبت خلاص
على / اه الحمد لله دا كان يوم اقسم بالله
نور / تصدق انا زعلت منك
على / حقك بس والله كنا عاملينها على الضيق ما كانش فى حد يعنى بس على العموم ملحوقه انا اصلا نفسى اوى انى اعرفكم ببعض
نور / اكيد باذن الله فى اقرب فرصه
على / مال صوتك فى حاجه متغيره فيكى بقالك فتره لسه موضوع مشاكل اخوكى برده
نور / مش اخويا لوحده العيله كلها ما فيهمش حد طبيعى اصلا
على / و مين طبيعى فى الزمن ده اصلا انا ؟؟؟ انتى ؟؟؟
نور / تصدق صح انا ساعات فعلا بحس ان العيب منى انا اللى مش طبيعيه اصل مستحيل يكونوا كلهم غلط و انا اللى صح اكيد العكس
على / ساعات كتير بحس بكدا برده بس برجع اقول لينا رب اسمه كريم و هو اللى هيحاسبنا مش الناس
نور / الواحد حقيقى تعب
على / طب خلاص باذن الله ننزل بكره البلد للحجه ايه رايك
نور / معلش يا على اعفينى انا بجد الفتره دى مش فى المود خالص و مش عاوزه اتقل على الحجه بمشاكلى انت عارف قد ايه بتحبنى و هتتاثر عشانى
على / ما هى كمان قلقانه اوى عليكى
نور / انا هكلمها فى التليفون و اطمنها بس بالله عليك ما تحكيلها حاجه حسسها ان انا زى الفل و لو سالتك قولها انى مشغوله فى جوازه اخويا و كدا و هبقى اكلمها او ازورها
على / و هتفضلى كدا لحد امتى
نور / مش عارفه يا على بجد مش عارفه بس اكيد فتره و هتعدى
على / انا متاكد انك هتقدرى تعديها عديتى الاسوء منها
نور / بس كان الكل جنبى المرادى انا لوحدى ضد الكل بص انا لازم اقفل ممكن نبقى نتكلم وقت تانى
على / اكيد مع السلامه
نور / سلام
……………………………………
يوم الجمعه فى شقه ندى
مصطفى / اتفقنا يا حسام
حسام يبص لندى
مصطفى / حسام
حسام / لو حبيبه كانت فى حضنى كان هيبقى ليكى الحق تشوفيها يوم واحد فى الاسبوع
ندى / لما تتعب فيها زيى ابقى اطلب اكتر من كدا
حسام / و هو عريس الهنا تعب فيها يا ندى
ندى / يعنى مش موافق
حسام / ردى عليا هو تعب فيها
ندى / هيتعب و عنده استعداد يتعب
حسام / باماره ايه ايه يثبتلك انه احن عليها منى انه هيحبها اكتر منى
ندى / انه هيقبل يعيش مع واحده زيى واحده بسببك انت مش هتقدر تديله ابسط حقوقه و هو انه يكون اب هتكون بنته هيربيها كانها بنته
حسام / اصل فى حد بيربى ولاد غيره دلوقت
مصطفى / حسام
حسام / احنا بنتكلم عادى من حقى اكون مقتنع
ندى / انت ما لكش عندى اى حقوق
حسام يقوم يقف و يزعق
حسام / لا ليا اوعى تفتكرى انك ملاك انتى كمان غلطتى انتى لا احترمتى زوج و لا دين و لا اهل
ندى / لان لا كان عندى زوج و لا فى دين يحلل اللى كنت فيه و لا كان عندى اهل
حسام / قصرت معاكى فى ايه هو احسن منى فى ايه
محمد / حسام
حسام / ليه يكون ليه الحق ياخد بنتى فى حضنه و انا لا ليه يكون ليه الحق انه يربيها
ندى / ماشى يا حسام مش ده اللى انت عاوزه حاضر انا مش هتجوز اتفضل امشى
حسام / انتى بتعملى كدا ليه
ندى / عاوز ايه تانى جواز مش هتجوز
حسام / و انتى كدا بتدي لحبيبه الحياه اللى تستاهلها حياه من غير اب
ندى / انت عمرك ما هتكون اب لحبيبه على جثتى
حسام / مش هتقدرى تمنعينى بنتى و من دمى و ليا فيها زى اللى ليكى بالظبط
محمد / حسام
حسام / هتحتاجينى يا ندى لو مش النهرده بكره بعده هيجى يوم و هتسال عنى
ندى تتعصب
ندى / هقولها الحقيقه
حسام / هتخليها تكرهنى يعنى
ندى / الحقيقه بتوجع مش كدا
حسام / كرهتى ابوكى يا ندى كرهتيه على اللى عمله فيكى
مصطفى / حسام
ندى / انت عاوز ايه روح عيش حياتك بعيد عنى انسانى
حسام / حتى لو نسيتك هنسى بنتى
ندى / باماره ايه بنتك قدمتلها ايه
حسام / كتير اوى تسع شهور حمل بصرف عليكى و ….
ندى تنهار و تعيط
ندى / تسع شهور حمل نتيجه اغتصاب و حبس و ذل و فى الاخر رميتنى بنزف فى وسط طريق مهجور و جيت نمت وسط اهلى بعد ما غلطت فى شرفى و سوءت سمعتى كفايا و لا اقول كمان
حسام / قولى طلعى كل اللى جواكى
ندى / ما استنتش تطمن عليا و لا على بنتك اللى بتطالب بيها و روحت بنيت حياه تانيه جديده و لما ربنا نجانى مستكتر عليا انى اعيش ليه ادينى سبب واحد انا عملتلك ايه
حسام / اعملى اللى يريحك انا مش همنعك بس خليكى فاكره ان ده كان قرارك انتى
حسام يروح يقعد جنب ابوه و ندى تروح تقف بعيد و تمسح دموعها اللى مش قادره تمسكها و صمت
حسام / انا موافق شوفوا انتوا عاوزين ايه انا موافق
ندى تبصله
حسام / انا همشى و هاجى الخميس اخدها و اجيبهالك الجمعه فى اى حاجه تانيه مطلوبه منى
مصطفى / تمضى على الاتفاق ده
حسام / اللى يرضيكوا انا هعمله مع ان كلمتى قدامكوا عقد و ابويا شاهد عليها كدا كدا انا عارف ان الوضع ده مش هيستمر كتير و بكره الحقيقه كلها تبان
ندى / حقيقه ايه
حسام / حقيقه الوهم اللى انتى معيشه نفسك فيه مساله وقت مش اكتر … يلا يا بابا
محمد يقوم يروح ناحيه ندى
محمد / انا عارف ان حسام و كلنا غلطنا فى حقك بس فى الاول و الاخر كلنا اهلك
ندى تبص لعمها
محمد / طول ما انا عايش اوعدك ان مفيش حاجه فى الدنيا هتحرمك من حبيبه
ندى / وعد
محمد / وعد
محمد يحضن ندى و حسام واقف يبص عليهم محمد و حسام يمشوا مها تلم الكوبايات و تقوم
مها / بكره تاخد على و تروح للمحامى و تخلصوا موضوع الحضانه ده عشان انا مش مرتاحه لحسام ده
مصطفى / محمد قال كلمه بس على العموم هروح اضمن
مها / محمد طيب و محترم لكن للاسف طيبته مخلياه مالوش كلمه لا على مراته و لا على ابنه و لا على اى حد انت لسه هتعرفه النهرده
مصطفى / قولتلك هروح اهدى بقى انا نازل اقعد على القهوه شويه
مصطفى ينزل مها تروح تطبطب على ندى و تدخل بالصينيه
………………………………..
فى المحل عند سمر
سمر بتقفل الحاجات جوه المحل عشان تقفل حسام يخبط على الباب
حسام / هتقفلى بدرى كدا
سمر / اهلا
حسام / كنت معدى قولت اسال على الكوفر خلص و لا لا
سمر / خلص لسه واصل النهرده كنت هكلمك الصبح تيجى تاخده
حسام / ابن حلال انا و لا ايه ههههههههههههههههههههه
سمر / اؤمر
حسام / الامر لله الحساب كام
سمر / انت قولتلى انك كنت بتجيب حاجتك من الحاج محمود صح
حسام يبتسم
سمر / ما تجيب من الاخر و توفر فلوسك
حسام / الاسبوع اللى فات كلو المحامى بتاعى كان بيقلب فى الدفاتر القديمه لقى ايه بقى لقى عقد بيع المحل منك لعلى حقى و الشقه و العربيه
سمر / و الموضوع ده يخصك فى ايه
حسام / ايه اللى يخلى صاحبه الملك تبقى مجرد بياعه فى المحل ايه اللى يخلى بنتك و جوزها يعيشوا فى شقه باسم على حقى بدل ما يعيشوا فى بيت كان مكتوب باسمك اصلا
سمر / انت عاوز ايه
حسام / انتى عارفه انا عاوز ايه على خد منى حاجه و خد منك حاجه انا اقدر ارجعلك حاجتك بس تساعدينى ارجع حاجتى
سمر / و انا ايه يضمنلى انك مش نصاب
حسام / هنصب عليكى فى ايه انا روحى فى ايدك
حسام يطلع الكوفر و يشاور على الصوره
حسام / مراتى و بنتى
سمر / ما تردها ايه اللى مانعك
حسام / اهلى اصلها للاسف بنت عمى ما ينفعش اغصبها على حاجه فللاسف محتاج انها تيجى برضاها
سمر / و انا هستفيد ايه
حسام / قولتلك هرجعلك حاجتك الشقه و المحل
سمر / انا ماضيه لعلى بشيك بخمسه مليون جنيه
حسام / اعتبريه ما حصلش انا هخلى على نفسه رقبته فى ايدك
سمر / افكر
حسام / لازم تفهمى ان ندى كدا كدا هترجعلى هى و البنت دلوقت بقى بعد ما تقشط على هترجع اصل ابوها ما يفرقش معاه الا الفلوس تعرفى ان على اتقدملها و اترفض عشان ما كانش حلته حاجه بس دلوقت بقى احلو انا هرجع على يسف التراب تانى و هخلى كل فلوسه اللى فرحان بيها دى بتاعتك انتى و بنتك
سمر تبصله
حسام / فكرى براحتك بس تفتكرى ندى لما تتجوز على مش هتقومه على اخوه اصلها مش هتقدر تخلف ندى شايله الرحم يعنى على مش هيكون له وريث غير اخوه باختصار هتخليه يكتبلها كل ما يملك بيع و شرا و سى عمر الاخ الطيب المخلص هيطلع من المولد بلا حمص حتى حقه فى ورث اخوه مش هيطوله
سمر / على مش اهبل للدرجادى
حسام / تفتكرى ؟؟؟ لنفرض اللى قولته مش احتمال وارد برده بلاش تفسرى بايه واحد يتجوز واحده ما بتخلفش تفسرى بايه ان نفس الاب اللى رفض على و هو فقير يوافق عليه و هو غنى انتى كنتى معاهم فى الصاغه شوفتى الشبكه اللى جبهالها عاملك ازاى قدامهم راعى اخوه اخوه نفسه فكر فى شكل مراته قدام نسايب اخوه قدر يفتح بقه بكلمه
سمر تبص الناحيه التانيه
حسام / معاكى رقمى قلبى الموضوع فى دماغك و ردى عليا تانى و لا اقولك ما ترديش كدا كدا هنتقابل كتير
حسام ياخد الكوفر و يمشى و سمر واقفه تفكر
………………………………
فى شقه نور
نور تتصل بالتليفون
نور / الو ازيك يا عمتى
مها / اهلا يا نور خير
نور / هى ندى موجوده
مها / اه ثوانى اديها الموبايل
ثوانى و ندى ترد
ندى / الو
نور / ازيك
ندى / الحمد لله
نور / انا اترددت كتير اوى عشان اخد قرار اكلمك
ندى / معلش
نور / بصراحه مكسوفه منك مش حاجه تانيه
ندى / ليه
نور / عشان .. ما اعرفش … عشان كل حاجه انا كلمتك و انتى هناك و قولتيلى بس انا ما سمعتلكيش ما قدرتش اساعدك و لما حسام جه الاحداث كانت سريعه و انا كمان ما كنتش مظبوطه طلاقى و مشاكلى حياتى ملخبطه انا بجد اسفه اوى
ندى / انتى بتقوليلى كدا ليه
نور / عشان احنا طول عمرنا اخوات يا ندى انا بجد مش قادره اخسرك
ندى / حسام اللى طلب منك تقوليلى كدا
نور / لا
ندى / احلفى
نور / والله العظيم انا بكلمك من نفسى
ندى / انا اسفه انا بس ما عدتش عارفه مين عدوى من حبيبى خلاص
نور / عزراكى اللى حصل ما كانش شويا سمعت انك اتخطبتى مبروك
ندى / اخوكى مش هيسيبنى فى حالى
نور / اخويا مش هيقف لوحده قدام الكل كلنا شايفين ان جوازك من حقك حتى اروى
ندى / اروى ؟؟؟ صدمه عمرى فيها كانت اكبر من صدمتى فى حسام للدرجادى كانت بتكرهنى و تنافقنى للدرجادى
نور / ندى
ندى تعيط
ندى / و لا عمتى هما ليه عملوا معايا كدا شافوا منى ايه وحش
نور / بصى هما كانوا مشحونين و
ندى / ما فرقتش معاهم ما صدقوا خلصوا منى للدرجادى كنت عقبه فى حياتهم
نور / ندى
ندى / خلاص خلاص انا اسفه انا
نور / لا لا قولى
ندى / و عمتى امانى بتقول على بنتى بنت حرام على قد ما كنت طول التسع شهور حمل بقولها بس لما سمعتها وجعتنى اوى انا ما عملتش حاجه حرام انا كنت مغصوبه انا ذنبى ايه حبيبه ذنبها ايه
نور / صدقينى كلمه اتقالت فى لحظه غضب و توتر عشان بابا و كدا
ندى / ماشى
نور / هو احنا لسه اخوات يا ندى
ندى / لو بجد عاوزه ده ابعدى حسام عنى لو بجد اهمك خليه ينسانى انا و بنتى
نور / والله بكلمه
ندى / انا مش طالبه منه اى حاجه و الرؤيه انا وافقت عليها و حبيبه هتجيلكوا الخميس الجاى ارجوكى يا نور بالله عليكى تحطيها فى عنيكى ارجوكى يا نور
نور / يا بنتى دى بنتى
ندى / انا بجد مش عارفه اقولك ايه
نور / تحبى تخرجى بكره نروح فى اى حته نغير جو
ندى / مش عارفه بصى انا مش مظبوطه اليومين دول بجد و ملخبطه ممكن ناجلها شويه انا هكلمك و اديكى رقمى الجديد و نتكلم سوا كتير و اكيد هقابلك قبل الخميس ان شاء الله و هعلمك تعملى كل حاجه لحبيبه عشان مش عوزاها تتبهدل
نور / ما تخافيش يا بنتى ما حدش يجرؤ اصلا
ندى / ربنا يخليكى يا نور بجد
نور / انا عندى مكالمه على الوايتنج هقفل و نتكلم وقت تانى ممكن
ندى / اكيد سلام
نور تقفل و ترد
على / ايه بتكلمى مين كل ده
نور / بنت عمى
على / مرات اخوكى قصدى باين طليقته
نور / اه ارتحت كتير لما كلمتها كنت بجد حاسه بالذنب اوى ناحيتها
على / المهم انك احسن
نور / اه
على / انا هسافر بكره البلد للحجه متاكده انك مش عاوزه تيجى
نور / قولتلك فرصه تانيه
على / خلاص اللى تشوفيه
نور / انت متصل عشان كدا بس
على / انا قولت اقولك لتزعلى
نور / لا اكيد ما كنتش هزعل
على / انا هقفل بقى عشان ورايا شغل كتير و كدا
نور / اوك سلام
على / سلام
………………………………………
فى شقه سمر بعد فتره
أية/ على فكره انتى مكبره الموضوع اوى
سمر / يعنى يعلى صوته عليا قدامها و اسامحه
أية / يا ماما ما انتى كل شويه تقوميه على اخوه و هو ما لوش غيره و بتقعدى تجرحيه بالكلام هو يعنى قصر معانا فى ايه
سمر / الا السنيوره فاكره ان لو الايه معكوسه سي على هيتحمق لاخوه اوى كدا
أية / طبعا
سمر / انتى عبيطه يا بنتى دا البت واكله دماغه هو فى واحد عاقل يتجوز واحده ما بتخلفش و يربى بنت واحد تانى اصلا على اساس ان ابو البت هيسيب على يربيها
أية / يا ماما احنا مالنا احنا اخرنا لولولولى و الف مبروك و خلاص
سمر / يعنى نسكت لحد ما نلاقى روحنا فى الشارع يا بنتى فوقى طيابه عمر دى ما تنفعش فى الزمن ده عمر مش زى على على ربايه شوارع و داير و متكحرت و جايبها من تحت اوى مش زى عمر نضيف و ابن ناس
أية / يا ماما ليه بس تقدرى البلا قبل وقوعه و بعدين مرتب عمر مش قليل و يفتح بيت مرتاح
سمر / اه يفتح بيت لكن ياجر بيت يصرف عليكى و على دراستك و لو حصل حمل يكفى مستشفى نضيفه ما انتى اصلك ما جربتيش كشك الولاده فى المستشفيات الحكومى
أية / احنا فين و الحمل و الولاده فين بقولك ايه تعرفى ترمى حمولك على ربنا و تكبرى دماغك
سمر / اعرف
………………………….
فى شقه ندى
مصطفى يفتح الباب و معاه على
مصطفى / اتفضل يا على …. يا ندى على هنا
ندى تطلع من الاوضه
مصطفى / انا هدخل اغير هدومى خدوا راحتكوا
مصطفى يدخل و على يقف قدام ندى
على / هو فى ايه بقى لا بتردى على تليفوناتى و لا عاوزه تكلمينى فى ايه مالك
ندى / مفيش بس مخنوقه شويه
على / ليه ايه الى جد مش العيله اتفقت و كل حاجه تمام فى ايه صارحينى
ندى/ انا لسه من جوايا خايفه يا على
على / بقولك ايه خشى اللبسى عاوز اخدك مشوار
ندى / هنروح فين
على / عاملك مفاجاه يمكن لما تشوفيها تغيرى رايك
ندى / انا تعبانه اوى يا على
على / ساعتين بس مش هطلب اكتر من كدا
ندى تهز راسها و تدخل و مصطفى يطلع من جوه يقعد و على يقعد جنبه
مصطفى / ايه الاخبار
على / اجرت شقه على الناصيه هنا فى التالت عماره الحاج مرزوق
مصطفى / اه عارفها نضيفه
على / هو التمليك موجود بس بعيده اوى عن هنا و ندى الفتره الجايه هتدخل فى دراسه و حبيبه و انا المحل و كدا فقولت يعنى لو ما عندكش مانع
مصطفى / فاهمك و صدقنى خير ما عملت
على / الشقه متشطبه ندى بس تشوفها لو ناقصها حاجه نظبطها
مصطفى / على بركه الله لو احتجت اى حاجه قولى
على / كتر خيرك ما اتحرمش
ندى تطلع من جوه على يقوم يقف
على / حبيبه مش هتيجى ؟
ندى / لا هخليها مع ماما
على / ماشى يلا بينا
على و ندى ينزلوا
……………………………..
فى الصيدليه
افتتاح و نور متعلق فى الشارع كلو
محمد / مبروك يا حسام الف مبروك يا ابنى
حسام / بتباركلى على ايه بس يا بابا يلا مش مهم
محمد / شكلك مش مبسوط
حسام / بعد ما كنت شغال بره و منصب و بقبض اللوف بالدولار دلوقت هستنى زبون ابيعله كيس جل و لا مرهم تسلخات
محمد / يا ابنى الارزاق على الله و اعتبرها مرحله فى حياتك و بعدين انا لو منك ما اسكتش انا فتحت صيدليه ابعت السى فى للشركات اللى هنا
حسام / يا بابا شركات هنا ايه بس
محمد / يعنى بتفكر تسافر تانى
حسام / مش عارف بس اكيد مش دلوقت
محمد / خلاص يبقى تسيبها لوقتها و تنبسط باللحظه اللى انت عايشها
……………………………
فى ورشه نجاره كبيره
على ياخد ندى و يوريها سرير بيبى على جنبه حروف بارزه بتعمل كلمه حبيبه ندى تعدى من جنبه و تحط ايدها عليه
على / ايه رايك نقيته على زوقى هيدهنوه بمبى و يترسم عليه ورد فوشيا
ندى تبصله و تبتسم على يديها كتالوجات
على / تحبى تتفرجى على موديلات اوض النوم و يتعملك حاجه مخصوص و لا نطلع على المعرض تتفرجى على الحاجات الجاهزه
ندى / انت بتعمل ايه
على / انا روحت معرض موبليا بس حلو اوى و سالته على سراير الاطفال و لما ما عجبنيش حاجه عملولى التصميم اللى فى الورقه دى و هيتنفذ مخصوص لبيبوا سمو الاميره هتنام فى سرير ما لوش زى زيها
ندى / على ارجوك افهم
على / صدقينى لو قادر اعيش من غيرك كنت نسيتك بس مش هقدر و الاكتر دلوقت انى اتعلقت ببيبوا كمان كانها بنتى و اكتر
ندى / انت ما شوفتش حسام
على / فى اكتر من تلت محاميين هيمسكوا القضيه دى اهدى بقى و مراته و حماته و ابوه هيقفوله دا غير باباكى و مامتك و انا كلنا هنقفله قوليلى بقى ايه رايك فى السرير ده التصميم اللى رسموهولى
على يدى لندى ورقه ندى تبتسم
على / هدهن الاوضه بمبى و اعملها نموسيه على السرير من التل الناعم و اكتب على الحيطه بيبو بحروف فسفورى تنور فى الضلمه و احطلها نجوم فسفورى فى السقف ايه رايك مش انفع مهندس ديكور
ندى تبتسم اوى
على / ها هتتفرجى على الكتالوجات و لا نروح على المعرض و نختصر الوقت و لا تحبى نروح الشقه تتفرجى عليها الاول
ندى / هو انا قبل كدا قولتلك انى بحبك
على / الصراحه اه بس انا ما عنديش اى مانع انى اسمعها تانى و تالت و رابع و مليون ما بزهقش منها
ندى / بحبك
على / يبقى نروح نشوف العفش الجاهز عشان التفصيل هياخد مننا شويه وقت
………………………….
فى شقه عمر
عمر / انا اسف
سمر / عادى ما تاخدش فى بالك
عمر / بصى انا عارف انك زى ما عملتى معايا حاجات وحشه ليكى فضل عليا برضه و على أية بس على مش عدوك
سمر / ماشى
عمر / لو سمحتى افهمى انا مليش غير على
سمر / و انا و أية مش فى حسابك مش كدا
عمر / انتوا فى كفه و هو فى كفه تانيه خالص مفيش مقارنه انا بحاول ارضيكى بكل شكل بس انا مش هقدر استحمل كلمه عن اخويا خصوصا لو واثق مليون فى الميه انه مش كدا
سمر / باماره ايه طيب ايه اللى مديك الثقه دى
عمر / عندى اسبابى
سمر / يوم الصاغه ما عملش اعتبار لشكل مراتك قدام نسايبك
عمر / اعتزر للأية قدامهم و جابلها خاتم هديه ما انتى شوفتيه
سمر / اعملوا اللى يريحكوا انا تعبت
جرس الباب يضرب أية تروح تفتح تلاقى ندى و على
أية / اهلا ايه النور ده اتفضلوا اتفضلوا
ندى و على يدخلوا
سمر / اهلا نورتوا
على / دا نورك
عمر / ايه المفاجاه الحلوه دى
على / كنا بنقى العفش و كنا جنبكوا قولنا نعدى عليكوا
عمر / تنوروا
سمر / امال النونه فين
ندى / مع ماما
سمر / و اخبار الكليه ايه سمعت انك قد أية
ندى / لا انا اكبر بسنه الصراحه بس السنه اللى فاتت ما قدرتش ادخل الامتحانات بسبب ظروف خاصه
سمر / اكيد عشان الجواز و الحمل و كدا
ندى / يعنى
سمر / بينى و بينك انا كمان اتجوزت صغيره عشان كدا بكره جواز الصغيرين و اتجوزت راجل كبير اصل الحاله كانت وحشه اوى كنت عايشه مع جوز امى الله يرحمها و مراته فما صدقت اول راجل يخبط على بابى اوافق خصوصا انه كان مبسوط
ندى / الله يرحمه
سمر / مات و أية حته لحمه حمره على ايدى و طبعا اهله بعيد عنك و عن السامعين ما اكتفوش بنصيبهم من الورث و حطوا ايدهم على الباقى يادوب على ما فقت لنفسى لقيتنى على البلاطه
ندى / الله يعينك
سمر / بس ربنا يكرمه الحج محمود الله يرحمه اتجوزته و شوفت معاه الهنا كله عشت معاه اجمل سنين حياتى حتى أية كانت بتحبه اوى مش كدا يا أية
أية / اه والله انا عمرى ما هنسى اول يوم ليا فى المدرسه و هما بيقولولى ان اسمى مش أية محمود حقى بجد كان يوم صعب اوى و قعدت فتره طويله جدا على ما فهمت
سمر / دى كانت بتعيط و تقول اشمعن عمر يكون اسمه عمر محمود حقى و انا لا
ندى / الله يرحمه
سمر / بكره على و حبيبه يبقوا كدا ما هى هتبقي دلوعتكوا بقي مفيش غيرها
ندى تبص لعلى تلاقيه باصصلها و مبتسم
سمر / بس الوضع بالنسبالكوا هيكون اسهل لان حبيبه هتبقى عارفه و فاهمه ان فى بابا و في جوز ماما بس طبعا هتتعلق بعلى اكتر حتى اسالى على
على / ازاى يعنى
سمر / الله مش انت مامتك سابتك و اتجوزت واحد تانى و انت عشت مع باباك و حنان مراته الله يرحمها مامه عمر
على / بس ماما حنان كانت بتعاملنى احسن معامله لكن جوز امى ما كانش راجل اصلا لا معانا و لا مع امى
سمر / الا هى فين مامتك دلوقت يا على
على / انتى بتحاولى توصلى لحاجه معينه قوليلى و ريحى نفسك
سمر / سكت اصل كلمتى بتقف فى الزور عمرك ما هتنسى انى مرات ابوك عمرك
على / اعملى اى حاجه غير كدا و انا هنسى بس انتى اعملى
سمر / والله لو قدتلك صوابعى العشره شمع ما هيتمر فيك
على / عملتيلى ايه ؟ تحبى اقلع هدومى قدامهم و اوريهم كنتى بتعملى فيا ايه
سمر / كنت بربيك حمل تقيل و اترمى على كتافى فى سن قليل واحده عشرين سنه و لا يمكن اقل فى فى رقبتها اربع عيال منهم واحد مش طايقها و ما بيبطلش مشاكل
على / دا انا مش كدا يا شيخه اتقى الله بقى
ندى / على
على يبصلها
ندى / اهدى
على يدخل المطبخ
سمر / ابقى بص على المحشى على البوتجار و انت جوه
صوت مواعين بتتهبد فى الارض
عمر / انا هقوم ابص عليه
ندى / معلش يا عمر انا اللى هدخله
ندى تقوم و تدخل المطبخ ورا على
سمر / قولوا بقى ان انا اللى عملت المشاكل و جرحت بالكلام قولوا قولوا
عمر و أية يبصوا لبعض و يسكتوا
……………………………..
فى المطبخ
على ساند على الرخامه ندى تدخل يبصلها و يبص الناحيه التانيه ندى تحط ايدها على ايده
ندى / انسى
على / ازاى و هى قدامى طول الوقت اقسم بالله لولا عمر و أية ما كنت سمحتلها
ندى / اديك قولتها عشان خاطر عمر و أية
على / ممكن نمشى من هنا
ندى / اكيد اللى يريحك
سمر تدخل المطبخ تبص على الاكل و تطفى
سمر / الغدى جاهز تعالى يا ندى ساعدينى فى الغرف
على / احنا ماشيين
سمر / عشان قولتلها تعالى ساعدينى فى الغرف امال لو قولتلها اطبخى بقى
أية تدخل المطبخ
أية / خلاص خلاص انا هساعدها
ندى / على فكره على ما كانش يقصد كدا احنا كنا هنمشى من غير حاجه
أية / تمشوا ايه يا على طب كلولكوا لقمه
عمر يدخل
عمر / فى ايه ؟
ندى / مفيش حاجه خد على بره ثوانى على ما نغرف
على يبص لندى و يخرج بره مع عمر و سمر تزعق
سمر / انا مش فاهمه هو انا شيطانه اوى كدا بيكرهنى كدا ليه هو انا اللى قولت لامه تسيبه و تروح مع حبيبها و لو انا شريره و بعذبه ابوه اللى من لحمه و دمه ما اتكلمش ليه سابنى اعمل فيه كدا ليه امه سكتت ليه اساليه لما راح عند امه لقى معامله احسن من كدا؟ ما كانش بيشتغل عشان يجيب لقمته و لقمه اخته و فى الاخر ايه اللى حصل امه نفسها عملت ايه حمت اخته و لا رموها فى حضن جوزها يغتصبها لحد ما انتحرت المسكينه
على يدخل المطبخ
على / انتى تخرسى خالص انتى فاهمه ما اسمعش حسك بدل اقسم بالله
سمر / كدبت انا و لا قولت حاجه غلط رد قولى مش دى الحقيقه انا اللى خدت عبير و لا انت انا اللى رميت اختى تحت رحمه حيوان و لا انت
على / اطلعى بره انتى فاهمه مش عاوز اشوف وشك تانى
عمر يحاول يحوش على و أية و ندى يحاولوا يحجزوا عن سمر
سمر / بتعمل عليا انا راجل كنت روح اتشطر على اللى اغتصب اختك
عمر / مكفاياكى بقى انتى ايه ما بتخرسيش
سمر / بخرس بخرس يا عمر اوعوا من وشى
سمر تاخد بعضها و تمشى
أية / انا اسفه اوى بجد
أية تدخل اوضتها و تعيط ندى تبص لعلى و تبص على أية و تجرى ورا أية
عمر / اهدى تعال روق
على / انا هنزل شويه و راجع ما تخليش ندى تمشى ماشى
عمر / على فين بس
على / محتاج ابقى لوحدى لو سمحت
عمر / طب اجى معاك
على / قولتلك عاوز ابقى لوحدى انت ايه ما بتفهمش
عمر / لا بفهم
على يبص لعمر و يمشى
…………………………….
فى الشارع تحت بيت عمر
سمر ماشيه فى الشارع عربيه تزمرلها تبص تلاقى حسام تروح تركب ياخدها و يمشى
حسام / مش قولتلك هنتقابل كتير
سمر / انت بتراقبنى بقى و لا ايه
حسام / انا ابدا انا بس مرزق ربنا بيبعتنى فى الوقت المناسب مش تباركيلى مش النهرده افتتاح الصيدليه الجديده بتاعتى و يادوب عرفت ازوغ و لسه واصل لقيتك خارجه من العماره بتنفخى
سمر / ندى فوق على فكره
حسام / هى بتيجى هنا كتير
سمر / مش اوى جت قبل كدا و نامت بتقول انها مش بتحس بالامان فى بيت اهلها
حسام / مدا شئ كويس
سمر / انت ناوى تعمل ايه فى على
حسام / انتى عاوزه ايه
سمر / انت قولتلى انك هتخليه يسف التراب قولتلى انك هتدوقه الفقر تانى
حسام / ههههههههههههههههههههه شكله ضايقك اوى فوق
سمر / انجز و قولى ناوى تعمل ايه بدل ما اروحله و اقوله انك جتلى و عرضت عليا مساعدتك ترجع ندى و انى اخترته و ساعتها هكسبه فى صفى
حسام / لو منك اعمل كدا فعلا بس انا و انتى عارفين كويس انك مش هبله عشان تضيعى على نفسك فرصه زى دى و انا و انتى عارفين كويس انك لو عملتى كدا على مش هينزل على رجليه و يشكرك هو كل اللى هيعمله انه هيخلص منى بطريقه او بالتانيه او بمعنى اصح هيحاول و هيفشل لانى ما بمشيش فى سكه واحده و عندى غيرك طريق و اتنين و تلاته لكن المحصله واحده ندى هترجعلى و انتى و على هتبقوا فى الباى باى
سمر / و ايه المطلوب منى اعمله
حسام / قولتيلى ان ندى بتبات فوق ساعات
سمر / لا باتت مره واحده المره التانيه كانت الصبح غير كدا زيارات خفيفه زى دى او بيخرجوا سوا
حسام / انا عاوزك ترجعى و تعتزرى لعلى و ندى على اى كان اللى حصل و تكسبى ندى و على و تطاطى
سمر / لا طبعا مستحيل
حسام / انا عاوز ندى تيجى هنا كتير و فى وجودك عاوزك ترجعى زى الاول و تباتى هنا عاوزك تعرفى ندى بتيجى امتى و تمشى امتى و تبلغينى بكل صغيره و كبيره
سمر / و دا كلو ليه
حسام / الاول اعملى اللى قولتلك عليه و بعدين هتعرفى لوحدك ليه بس يارب تكونى فعلا قدها و تقدرى تكسبيهم فعلا
سمر/ لف و رجعنى
حسام / انا هرجعك فعلا بس هنزلك بعيد و تكملى مشى عشان ما حدش يشوفنى يا عالم على و ندى نزلوا و لا لا
سمر / اقسم بالله لو طلعت بتضحك عليا
حسام / انتى مش صغيره عشان واحد قد ولادك يضحك عليكى مع انك ما يبانش عليكى خالص انك ام اصلا
سمر / اما نشوف اخرتها
حسام يلف بالعربيه و يرجع تانى
……………………………….
فى شقه عمر
ندى / الحاجات دى بتحصل فى اى حته يا أية
أية / يا سلام
ندى / يا بنتى امال اللى انا فيه ده سببه ايه و بعدين لازم تعرفى انه لا سهل على على و لا على مامتك انهم يبقوا كويسين سوا فى ماضى كبير بينهم
أية / تعبت من الكلام معاها
ندى / اى كان اللى هتقوله على مش هيطيقه و خصوصا لو زى النهرده كلام فى الزكريات انا و انتى و عمر هنشوفه عادى بس على هيوجعه لانه بيقلب عليه المواجع
أية/ و هنفضل كدا لحد امتى
ندى / نحاول مره و اتنين و تلاته احنا عيله و اكيد لازم نستحمل بعض
أية / انا و الله تعبت يا ندى بجد
ندى / يا بنتى لازم نحاول
صوت جرس الباب
ندى / تفتكرى على رجع
أية / مش عارفه
سمر تدخل
سمر / انا اسفه اتعصبت و ما كانش المفروض اقول الكلام ده قدام على و عمر
ندى تبص لأية و تبتسم
سمر / هو على فين اعتزرله
ندى / نزل انا هكلمه يرجع انا متاكده ان هو كمان كان عصبى و قال كلام ما ينفعش يقوله
سمر / انا بعمل ده عشانك يا أية عشان ما تبقاش امك هى اللى وحشه و لا تنامى معيطه كل يوم بسببى
أية تقوم تحضن سمر و ندى تقوم تتكلم فى التليفون
- يتبع الفصل التالي اضغط على ( رواية سلف و دين ) اسم الرواية