رواية سلف و دين كاملة بقلم لولو محمد عبر مدونة دليل الروايات
رواية سلف و دين الفصل الرابع و العشرون 24
على / و انك تركبى معايا و تسبينى اسوق بيكى يا عالم واخدك فين دا اكبر دليل انك عارفه انى ما كنتش غلطه فى حياتك
ندى تبص الناحيه التانيه و ما تقدرش تمسك دموعها بس تحاول تداريها عن على
على / انا عارف انتى حاسه بايه
ندى تصرخ فيه
ندى / لا ما انتش عارف ما حدش عارف ما حدش كان مكانى كلكوا كنتوا هنا كلكوا سبتونى ما حدش سال عنى ما حدش شاف اللى شفته
على يناولها منديل
ندى / انا ما بنامش قالولى خليكى قالولى هنوفرلك اقامه ما تنزليش معرفش ليه كنت مصره انزل مصر ليا مين هنا مليش حد لا عارفه اكل و لا اشرب و لا ارتاح ازاى اثق فيهم بعد كل اللى عملوه ازاى كنت بالسذاجه دى ازاى ضحكوا عليا كلهم كدا
على / انا ….
ندى / و انت عملت ايه رد قولى عملت ايه وقفت تتفرج و لا اشتركت معاهم
على / انا !!!
ندى / اه دافعت عنى حاربت عشانى قالولى انك ما جتش قالولى انك بتلعب بيا قالولى انك ما بتحبنيش
على / والله كدب اسالى عمر انا جيت
ندى / انا حاربت عشانك لكن انت كنت جبان سبتنى فى اكتر وقت كنت محتاجاك فيه
على / كان فى ايدى ايه اعمله
ندى / ما اعرفش ما تسالنيش ما اعرفش
على / طب اهدى تشربى عصير
ندى تبصله و تضحك و هى بتعيط
على / ايسكريم طيب اجيبلك شاورما
ندى تضحك غصب عنها و تبص الناحيه التانيه
على / حقك عليا انا فعلا قصرت بس والله … انا اسف
ندى / عاوز ياخد منى بنتى هو يقدر يجيب غيرها لكن انا مش هقدر مستخسر يسيبهالى مستخسر يشوفنى مرتاحه
على / ما لوش عندك حاجه البنت بترضع و محتاجاكى
ندى / و بكره
على / لو راح المحكمه هنجيب تقريرك من المستشفى هو مش امين عليكى و لا عليها انا سالت المحامى على فكره
ندى / هياخدها انت ما تعرفوش انت ما تعرفش هو يقدر يعمل ايه
على / انتى كنتى بتهربى ؟؟؟
ندى / يعنى هروح فين مليش مكان ما اعرفش انا كنت رايحه فين ما اعرفش
على / تحبى اروحك
ندى / فين
على / بيتك
ندى / انا مليش بيت مليش مكان اروحه مليش اهل انا تعبانه اوى انا بجد عاوزه انام
على / ليه بتقولى كدا مامتك و باباكى غلطوا بس كانوا نيتهم خير حسام ضحك عليهم هما حكولى كل حاجه صدقينى هما ندمانين و مش هيسمحوا للغلط ده يتكرر
ندى / حكولك عشان بقى عندك عربيه فوق يا على اللى باعو ضناهم مره سهل اوى يبيعوه تانى
على / يمكن بيحاولوا يصلحوا غلطهم اديهم فرصه
ندى / انت مش فاهم ليه انا امى كانت بتحطلى المنوم فى العصير ابويا ربطنى و كتب كتابى غصب عنى و ابن عمى ضحك عليا و قالى هنلم الليله و نطلق و فجاه صحيت لقيت نفسى حامل ازاى عاوزنى اعيش معاهم تانى ازاى عاوزنى انام وسطهم او اكل من ايدهم ازاى عاوزنى احس بالامان تانى انام اصحى ما الاقيش بنتى جنبى اصحى الاقيه هو نفسه جنبى
على / مش هيحصل
ندى / وقف العربيه
على يركن ندى تنزل و تمشى على يمشى وراها
على / رايحه فين استنى
ندى/ ابعد عنى انا مش قدرالك
على / طب اركبى و انا هوديكى مكان ترتاحى فيه
ندى / فين
على / اركبى بس تعالى
…………………………………….
تحت بيت عمر
على / وصلنا
ندى تبص لعلى
على / على فكره دى شقه عمر عايش فيها مع مراته اصله اتجوز عقبال عندنا
ندى صمت
على / طب استنى ثوانى
على يطلع موبايله و يتصل
على / ايوه يا ابنى انت فوق ؟؟؟
عمر / اه
على / طب ما تجيب أية و تنزل الشارع ثوانى معايا ضيفه و مش عاوزه تطلع الا لما تتاكد انى مش بضحك عليها ههههههههههههههههههههه
عمر / ضيفه !!!!
على / ندى يا اهبل
عمر / على انت بتتكلم جد
على يبص فوق يلاقى عمر بيبص من البلكونه يشاورله ينجز
عمر / ثوانى
على يبص لندى
على / انا مش هاذيكى انتى عاوزه مكان بعيد عنهم انا ما عنديش ائمن من المكان ده عمر انتى عرفاه و مراته طيبه و غلبانه زينا هتحبيها اوى على فكره
عمر ينزل
عمر / ازيك يا على … ازيك يا ندى
ندى تهز راسها
على / فين أية
عمر يشاور فوق على و ندى يبصوا يلاقوا أية واقفه فى البلكونه
عمر / تعالوا اتفضلوا
ندى مش عاوزه تمشى معاهم
على / تحبى تروحى فندق ؟؟؟
ندى تبص لعلى و تمشى معاهم على يقفل العربيه و يطلعوا
………………………………….
فى شقه مصطفى
مصطفى / يعنى ايه يا مها
مها / احمد ربنا لو ما كانش شافها و هى نازله كان زمانا بندور عليها فى الشوارع
مصطفى / اعمل ايه بس ياربى اعمل ايه بس
مها / ما البركه فى ابن اخوك اللى جه ورعبها البت خافت و هربت ببنتها تعمل ايه المسكينه
مصطفى / على جثتى لو قرب منها و لا من البت والله اقتله و اخد فيه اعدام و انا مستريح
مها / اهدى بس اعصابك
مصطفى / هو انا مش هقدر احمى بنتى يا مها خلاص عجزت للدرجادى
مها / مصطفى
مصطفى / قوليها يا مها قولى ان انا السبب قولى ان انا اللى عملت فيها كدا قوليها يا مها قوليها
مها تطبطب على مصطفى و تمشى و تبصله
مها / على الاقل عارفين هى فين و مع مين على الاقل عارفين ان فى حد بياخد باله منها
مصطفى يغمض عينه و يتنهد
………………………………..
فى بيت تهانى
تهانى / انتى بتقولى ايه يا بت انتى
اروى / بقول انى مش هقعد هنا و احط ايدى على خدى و هى هناك بتسحبه نحيتها
تهانى / اعمليلك كرامه يا هبله يا بنت الهبله
اروى / انا بكره الصبح هروح للست ندى و امسح بيها الارض و اعرفها مقامها
تهانى / هيركبوكى انتى الغلط
اروى / امال عوزانى اقف اتفرج عليها و هى بتاخده منى و اطلع من المولد بلا حمص
تهانى / لا اتقلى اما خليته يجى يبوس رجلك عشان ترجعيله ما بقاش انا
تليفون اروى يرن
اروى / دا حسام
تهانى / ما ترديش
اروى / يمكن بيصالحنى
تهانى / هاتى انا هرد عليه
اروى تدى الموبايل لتهانى ترد
تهانى / نعمين
حسام / ازيك يا عمتى
تهانى / كويسين ياروح عمتك الدور و الباقى عليك انت
حسام / ممكن اكلم اروى لو سمحتى
تهانى / نايمه لما تصحى هقولها انك اتصلت
حسام / شكرا
تهانى / حاجه تانى
حسام / لا مع السلامه
تهانى / الله يسلمك
تهانى تقفل السكه
اروى / ما كنت كلمته
تهانى / خليه يحس انك مش سهله و ان كانت ندى بتلوعه قيراط انتى تلوعيه اربعه و عشرين
اروى / اما نشوف
…………………………….
فى شقه عمر
أية و ندى قاعدين فى الصاله و عمر و على فى المطبخ
عمر / ايوه بس
على / الحجه منال لسه مسافره لو كانت هنا كنت استاذنت لندى تعيش معاها باقى عدتها
عمر / انت بجد نويتها مش كدا
على / بص انت مش هتحس بوجودها خليها النهرده و بعد كدا هبقى اجيبها ساعتين و لا حاجه بالنهار ترتاح بس
عمر / يا ابنى انا بتكلم انك هتتجوزها بعد ما العده تخلص
على / دانا بحسبهم باليوم والله يا عمر
عمر / ايوه يا على بس ندى محتاجه فتره تفوق فيها لنفسها اللى انت حكيته وضعها صعب اوى
على / هى محتاجانى جنبها محتاجانى يا عمر
عمر / ايوه يا على بس انت كدا بتحرم نفسك من الخلفه انت بنفسك قولت ده
على / ربنا يبارك فى حبيبه يا عمر
عمر / اللى تشوفه يا على بيتك و مطرحك
عمر و على يخرجوا من المطبخ و معاهم عصير
عمر / مش هتدوقى فى حياتك احلى من عصير المانجه اللى بيعمله على
عمر يغمز لأية
عمر / اتفضلى
ندى / مين فيهم كبايتى
عمر / اى واحده اللى تعجبك
ندى / شكرا
ندى تاخد الكبايه البعيده عنها و تحطها قدامها و الكل ياخد كبايات و يدوقوا
أية / حلو فعلا تسلم ايدك ابقى علمنى بقى
على / اعلمك ايه دى المانجه اللى انتى مخزناها يادوب ضربناها فى الخلاط
عمر / حد قالك قبل كدا انك اذكى اخواتك
على / لا ليه
أية / ههههههههههههههههههههههههههه هو انا بس اللى جعانه و لا فى حد غيرى
عمر / هى المانجه مش عجباكى يا ندى
ندى تبص لعمر على يمسك الكبايه و يشرب منها بقين و يحطها مكانها
عمر / ايه القرف ده تشرب منها ازاى هى دلوقت
على / بدوق الله عندكوا كبده
أية / اه فى
على / هعملكوا بقى شويه سندوتشات تاكلوا صوابعكوا وراها قوم يلا ساعدنى
على يشد عمر و يقوموا ندى تمسك الكبايه و تشرب بق و تحطها مكانها
أية / تعرفى حكولى عنك كتير اوى
ندى تبص لأية
أية / انتى مش زى ما حكولى خالص المفروض تبقى مجنونه انتى هاديه اوى
ندى تبتسم
أية / اصل انا مجنونه برده … اااااااااااااه انتى عشان مش واخده عليا صح تعرفى بكره لما تعرفينى هتحبيبنى اصل انا طيبه و اتحب والله ههههههههههههههههه
ندى تبتسم
أية / هو انا ممكن اشيلها
ندى تبص لحبيبه و تحضنها و أية بتبصلها ندى تديها حبيبه
أية / بسم الله ما شاء الله حلوه اوى تفتكرى ممكن ربنا يرزقنى ببنوته حلوه اوى كدا
ندى / هتبقى احلى ان شاء الله
أية / عمر قالى انك هتباتى معانا النهرده تعرفى انا مش هسيبك تنامى انا حبيتك و هفضل ارغى معاكى للصبح
ندى تبتسم
أية / بصراحه انا عمرى ما كان ليا صحاب … كان ليا بس تعرفى زمايل دراسه كدا اول ما بناخد الاجازه ما حدش بيسال عن التانى ايه رايك تبقى صحبتى
ندى / اكيد طبعا
أية / تعرفى بكره لما تتجوزى على انا و انتى هنتفق عليهم بقى هههههههههههههههههههههه
ندى تبص حواليها بارتباك
أية / هو انا قولت حاجه غلط …. اصل انا عارفه نفسى ما بفكرش فى الكلام قبل ما اقوله الموضوع ده كان بيعصب ماما اوى
ندى تبصلها و تبتسم حبيبه تبدا تزمزق أية تهزها
ندى / لا ما قولتيش بصى هو فى مكان ارضع فيه حبيبه شكلها جاعت
أية / اه فى تعالى
أية تاخد ندى و يدخلوا اوضه أية و يقفلوا الباب عمر يطلع يبص و يدخل تانى لعلى
عمر / دخلوا الاوضه و قفلوا الباب عليهم يمكن بتجيبلها حاجه تلبسها و لا حاجه تفتكر أية و ندى هيتفقوا و يبقوا صحاب انا مش مرتاح على فكره خايف منك
على يبصله
عمر / لو حصل كلاش بينهم هتجيب اللوم على أية
على يضحك و يكمل تقطيع
عمر / قلت نكته انا
على / لا اصلا دمك تقيل
عمر / امال بتضحك ليه
على / من غلبى يا عمر من غلبى مش عارف اعمل ايه و لا اروح فين ازاى ترجع الضحكه لوش حد انكسر من جواه فاكر كانت بتضحك ازاى شوفت دلوقت عامله ازاى
عمر / فتره و هتعدى على فكره هترجع زى ما كانت و احسن على فكره و بكره تقول عمر قال هى كمان صغيره لما تكبر شويه…
على / زمان ما كانش عندى اى امل انها تبصلى عشان فقرى و بصتلى كنت مستغرب قد ايه الموضوع سهل اتارى مفيش حاجه فى الدنيا بتمشى سهله خصوصا مع واحد نحس زيي ههههههههههههههههه
عمر / دلوقت ربنا كرمك و تقدر تعيشها فى عيشه كويسه لعله خير يا ابنى و كمان كل واحد فيكوا كبر شويه و عرف قيمه التانى و ….
على / و الله انت ما فاهم حاجه ندى مش واثقه فيا خايفه منى
عمر / انت عبيط يلا امال جت معاك هنا ازاى
على / ما قدمهاش اختيار ندى تعبانه
أية تدخل شايله حبيبه عمر و على يبصولها
أية / ندى نامت …. هو انا المفروض اصحيها
على / لا لا سبيها
أية / كانت بترضع حبيبه و راحت فى النوم و هى سانده ضهرها على السرير شلت منها حبيبه هو انا المفروض اعمل ايه
عمر / تعرفى تعدليها بالراحه من غير ما تصحيها
أية / لا انا بسال المفروض اعمل ايه فى حبيبه
على / هاتيها انا هاخد بالى منها لحد ما تصحى نامى جنبها يا أية لو تحبى
أية / ماشى
أية تمشى
عمر / انت عارف هتعمل ايه
على / ما عنديش اى فكره بس لازم اتعامل
عمر / بقولك ايه انا هلم الليله و احطها فى التلاجه و تعال ندخل انا و انت الاوضه التانيه و ندعى ربنا ان البت دى تفضل نايمه لحد امها ما تصحى
عمر يبص لعلى يلاقيه سرحان فى ملامح حبيبه و حاضنها اوى يبتسم
عمر / اللى جابلك يخليلك يا علوه
على يبصله و يضحك
……………………………………..
فى شقه امينه
امينه / مش كان واجب تروح تطمن على حماك
مروان يبصلها و يسكت
امينه / ايه رايك اروح انا و انت نزورهم انا متاكده ان
مروان / بانهى وش يا ماما
امينه / يابنى انت الحمد لله رجعت شغلك و الاعتزار اتنشر فى الجرايد و ما تنساش وقفتها معانا هى و اخوها و انت فى الحبس
مروان / اقولك ايه بس
امينه / ما تقولش خش احلق دقنك و روق كدا و بكره ربنا يقدم اللى فيه الخير
مروان / و نهاد و اللى فى بطنها
امينه / هتعمل ايه يعنى يا مروان هتروح تدور عليها ؟؟؟ ماشى و لنفرض انك لقيتها هتعمل ايه هتردها بعد اللى عملته فيك
مروان / لا طبعا بس ابنى
امينه / يا ابنى اللى زى دى ما لهاش امان
مروان / امال انا اتجوزتها ليه امال انا خسرت نور و الشقه و الارض ليه
امينه / انت مش كلمت المحامى باذن الله هيلاقيها سبها انت بس على الله
مروان / و نعمه بالله
……………………………………..
فى شقه تهانى
اروى قاعده فى اوضتها بتلعب فى الموبايل فجاه يرن تتخض و ترد كانها نايمه
اروى / الو
حسام / هو دى اخرتها هنعيل مع بعض
اروى / قصدك ايه
حسام / بصى حركات العيال اللى حصلت دى زعلتنى و انا زعلى وحش
اروى / و طظ فى زعلى يعنى
حسام / بصى يا اروى من الاخر كدا بكره الصبح تكونى فى بيتك و تفهمى امك ان الشغل ده ما بياكلش معايا و لا تحبى افهمها انا بطريقتى
اروى / انت بتتعامل معايا كدا ليه
حسام / افهميها لوحدك تصبحى على خير سلام
حسام يقفل السكه
اروى / ماشى يا ندى وربنا لعرفك مقامك
………………………………..
فى شقه عمر
عمر / انتوا عارفين بتعملوا ايه و لا بتلعبوا
أية / مكتوب على العلبه الرضعه بتتعمل ازاى
على / ما يتهياليش انها جعانه
أية / و انت عرفت ازاى
على / الريحه باينه
عمر / ما تصحى ندى هى اكيد هتعرف تتصرف بدل ما الغلبانه دى تتبهدل فى ايدينا
على / انا هتصل بمامتها و هى هتقولى
أية / اعمل حسابك من دلوقت انا مليش اى علاقه بالبامبرز ماشى
على / انتى البنت اللى فينا
أية / و دا ايه علاقته بالموضوع
عمر / يعنى مش هتغيرى لبنتنا
أية / ما تدخليش من السكادى لسه بدرى اوى على ما اكون ام و لعلمك اكيد ساعتها فى حد هيعلمنى ماما مثلا
عمر / لو صوت البت دى على عن كدا لعلمكوا ندى هتصحى و مش هيبقى فى اى لازمه لكل الهرى ده
على يشاورلهم و هو بيتكلم فى التليفون
على / ايوه يا طنط ازيك
مها / ايوه يا ابنى ندى حصلها حاجه
على / لا لا اطمنى حضرتك ندى كويسه و نايمه بس حبيبه
مها / يا قلبى مالها البت قولى سخنت رجعت مالها البت
على / ما لهاش انا ما بعرفش اغير البامبرز
مها / هههههههههههههههههههه خضتنى حرام عليك
على / صدقينى مش هتتخيلى موقفى
مها / بص يا سيدى فى فى شنطه ندى مفرش افرشه
على / افرش المفرش
أية تنفذ و تحط حبيبه عليه و على يفتح الاسبيكر
مها / نيم حبيبه عليه بعد ما تقلعها البنطلون
على / و بعدين
مها / حط بامبرز نضيف تحت حبيبه و حط فوقيه شويه منديل
أية / وبعدين
مها / افتحى البامبرز بالراحه و لفيه لجوه بس ما تشيليهوش و نضفى بالمناديل المعطره هتلاقيها فى الشنطه
أية تبص لعلى قاعد جنبها
عمر / انا هستناكوا بره
أية / عمر
عمر يخرج بره و على ينفذ يتقرف أية تزوقه و تكمل هى
أية / عاوز يبقى اب هو كدا احنا اللى بنشيل الهم و هما بيتفرجوا
على يبصلها و يرفع حاجبه
مها / ههههههههههههههههه
أية / نضفت بقت فله
مها / نضفتى كويس بالمناديل
أية / فله اخدها تحت الحنفيه
مها / لو نضفت مش لازم لو عاوزه ممكن تشطفيلها لو تحبى
أية تشيل حبيبه و تروح بيها الحمام و عمر يدخل
مها / بس خدى بالك لتعملها عليكى
على / هى الرضعه بتتعمل ازاى
مها / فى ازازه ميه معدنيه فى الشنطه اغلى منها شويه و حطهم فى الببرونه حوالى ستين ملى تانى علامه و حط فوقيها مكيالين من العلبه و اقفل العلبه كويس و رجها كويس
عمر / العلبه و لا الببرونه
على يزق عمر من جنبه
عمر / بسال بس
على / هترج العلبه ليه يعنى يا ابو مخ طخين
عمر / سبتلك المخ الرفيع
أية تدخل هدومها غرقانه و مش طايقه نفسها عمر يموت من الضحك ترفصه برجلها
أية / ماشى غسلتلها و نشفتها
مها / حطى شويه زيت و اقفلى البامبرز و لبسيها البنطلون لو نضيف
أية / تمام حصل
مها / على
على / ايوه
مها / اوعى تنسى تجرب الرضعه على ايدك قبل ما تديها للبت بدل ما تلسعها فى بقها
على / حاضر
مها / ابقى طمنى يا ابنى انا صاحيه مش هنام
عمر / لا ما تقلقيش يا طنط احنا قايمين بالواجب
على و أية يبصوله شظرا
مها / سلام يا ولاد
على/ سلام
على يقفل السكه
أية / انا هدخل اغير هدومى و لعلمكوا بعد اللى حصل ده انتوا مديونينلى بكتير اوى
أية تمشى و عمر بيضحك
على / انت هتقعد تضحك كدا انجر يلا اعمل الرضعه
عمر / ايه المعامله دى حاضر عشان خاطر ندى بس على فكره
عمر يقوم و على يلم الحاجات فى الشنطه و يروق المكان و يشيل حبيبه يهزها بالراحه
………………………..
فى شقه نهاد
البنت / انا مش فاهمه انتى زعلانه ليه
نهاد / يعنى ايه زعلانه ليه انا بجد ما كنتش فاكره ان الموضوع هيوصل لكدا
البنت / يا بنتى ما انا قلتلك من الاول انتى بس اللى حنيتى لما الاعتزار اتنشر
نهاد / هو حامد ما قالكيش اى حاجه عن الفلوس
البنت / يابنتى مهو قال قدامك اداهم لمقاول كبير و هيدينا بيهم شقتين بعد ما يخلصوا بونا
نهاد / و ساعتها بقى ما حدش هيسالنا جبنا الشقق منين
البنت / يا بنتى من هنا لساعتها الموضوع هيكون اتنسى اصلا
نهاد / مش مرتاحه
البنت / بصى مدام حامد قال اطمنى يبقى تحطى فى بطنك بطيخه صيفى
نهاد تشاورلها بايدها اسكتى
………………………………………………
فى شقه عمر تانى يوم الصبح
ندى تصحى تلاقى أية نايمه جنبها و ما تلاقيش حبيبه
ندى / أية … أية
أية تان
ندى / حبيبه فين ؟؟؟
أية / مع على فى الاوضه التانيه
أية تتقلب و تكمل نوم ندى تقوم تعدل هدومها و تروح تبص تلاقى عمر و على نايمين قتله كل واحد على سرير و على واخد حبيبه نايمه فى حضنه و ماسك الببرونه فاضيه فى ايده التانيه توطى تاخد حبيبه من جنبه و الببرونه على يتقلب و يديها ضهره تشيل شنطتها
ندى / شكرا
ندى تمشى و تقفل الباب وراها
……………………………..
فى شقه مها
باب الشقه بيتفتح مها تجرى تفتح تلاقى ندى يبصوا لبعض فى صمت
مها / هتفضلى واقفه على الباب ادخلى
ندى تبصلها و تدخل
مها / عملتى ايه ؟؟؟؟
ندى تبصلها
مها / ههههههههههههه على فكره على كلمنى و قالى تفتكرى كنتى هتيجى تلاقينى قاعده كدا لو ما كنتش عارفه انتى فين و مع مين
ندى / انا
مها / ندى انا حاسه بيكى بس صدقينى حسام مش هيقدر ياذيكى لا انتى و لا حبيبه لا انا و لا ابوكى هنسمحله
ندى / بابا
مها / ربنا ما يوريكى منظره امبارح دا نزل من الفجر و ما نامش طول الليل
ندى تبص فى الارض
مها / تعالى احكيلى عملتوا ايه
ندى / مفيش روحنا عند عمر و أية مراته و نمت
مها / تعرفى انه كلمنى امبارح و قالى انه ناوى ياخدكوا الصبح تروحوا الملاهى اصله وعد أية يا ستى انتى اصلك ما تعرفيش هههههههههههههههههههههههه و هى بتغير لحبيبه البامبرز حبيبه غرقتها اما كان ضحك
ندى تبص لامها ساكته مع ابتسامه خفيفه
مها / العيال دول طيبين اوى يا ندى
ندى / انتى ازاى واثقه فيهم اوى كدا
البسمه تروح من على وش مها
مها / انتى بتثقى فيهم و انا بثق فيكى انا بتعلم من اخطائى
ندى / مش يمكن هينتقم منى مش يمكن بيستغلنى مش يمكن اى حاجه
مها / لو كنتى شوفتى قلقه عليكى و احنا مش عارفين مكانك لو شوفتى تعب قد ايه و كان بيجرى ازاى من مكان لمكان عشان يخلص الورق عشان يجى يدور عليكى عمرك ما هتقولى كدا
ندى / ايوه بس مش انا اللى بيدور عليها
مها تطبطب على ندى
ندى / انا نفسى ما اعرفش انا مين انا ما عنديش اى حاجه اديهاله
مها / كلميه اتكلمى معاه و شوفى هيقلك ايه هو عارف ظروفك عارف كل حاجه و راضى
ندى / و لحد امتى هيفضل راضى لحد امتى مش هيجى عليه يوم يقول نفسى فى عيل مش هيجى يوم و يعايرنى و حسام
مها / ماله هيعوز منك ايه اكتر من اللى عمله
ندى / هيسيبنا فى حالنا
مها / مفيش فى ايده حاجه يعملها
ندى / اكيد فى اكيد عنده اللى يعمله صدقينى انا عرفاه كويس هدوءه بيرعبنى
مها / الكل كلنا كنا مخدوعين فيه دلوقت عمك و ابوكى و كمان عمتك هتقفله كلنا هنقفله خصوصا بعد جوازه من اروى ما هو مستحيل عمتك ترضى انه يقربلك اصلا
ندى / ما حدش هيقدر عليه ما حدش
الباب يخبط ندى تقوم تقف
مها / اهدى انا هفتح
مها تروح تفتح تلاقى اروى
اروى / ندى موجوده
مها/ خير
ندى تروح تفتح الباب اكتر
ندى / اتفضلى
اروى / انا جايه اتكلم معاكى كلمتين ورد غطاهم
ندى / تشربى ايه
اروى / ما لوش لزوم قلتلك مش هطول
مها / يا سلام
ندى / براحتك اتفضلى خير
اروى / بصى يا ندى شغل زمان بتاع الشبط ده ما عدش ينفع انتى كبيره دلوقت و الحركات دى عيب اوى
مها / صبرنى يارب
ندى / ممكن تاخدى حبيبه جوه يا ماما
مها / حاضر
مها تاخد الشنطه و البنت و تدخل جوه
ندى / معاكى كملى
اروى / انا الكلمتين اللى عندى قلتهم لمى نفسك فاهمه
ندى / لا الحقيقه مش فاهمه ممكن توضحى تقصدى ايه
اروى / ابتدينا ابعدى عن حسام حسام راجل متجوز و اوعى تفتكرى انى هسيبهولك ماشى
ندى / والله!!! لا احب اطمنك انا اموت و لا انيش ارجع لحسام تانى اصلا بس ياريت بما انه راجل متجوز تبعديه انتى عنى و عن بنتى ياريت بجد
اروى / حسام طلقك و خلصت
ندى / الحمد لله
اروى / انا مش قادره اصدق انك عملتى معايا كدا مش قادره اتخيل كميه الحقد و الغل اللى جواكى انك تيجى يوم فرحى عشان تبوظيهولى و لا هو لما شوفتيه معايا حلى فى عنيكى و عرفتى قيمته
ندى / صدقينى لو كانت ظروفى الصحيه تسمح انى انزل بدرى عن كدا كنت نزلت بس زى ما انتى شايفه انا فاتحه بطنى
اروى / يا سلام
ندى / هو اللى المفروض ما يتصدقش سرعتك انك تتجوزيه من غير ما تسالى عن بنت خالك من غير ما افرق معاكى من غير ما تلوميه و لو ثانيه واحده عن اختفائى من غير ما تخافى على نفسك حتى
اروى / هو المفروض ندور على واحده زيك بعد اللى عملتيه
ندى / انتى لسه مصدقه نفسك امال لو ما كانتش الحقيقه بانت قدام الكل لسه بتحاولى توهمى نفسك انى بتبلى على حسام بس انا هستغرب ليه اذا كانت عمتى اللى ربتنى صدقت
اروى / انتى ما بتتعبيش من التمثيل
ندى / اخر كلام حسام ما يساويش صرصار تحت جزمتى حلال عليكى ابلعيه بس ما ترجعيش تعيطى اعملى كل اللى تقدري عليه انك تبعديه عنى صدقينى انا اموت و لا انيش ابص فى خلقته
اروى / انا حزرتك
ندى تبتسم اروى تمشى و ترزع الباب وراها مها تطلع من جوه
مها / ما شوفتش كدا
ندى ما تردش و تدخل جوه تليفون مها يرن
مها / الو
على / هى ندى روحت نزلت و احنا نايمين
مها / اه هنا من بدرى لو كنت اعرف انها نزلت و انتوا نايمين كنت اتصلت و طمنتك
على / خلاص مش مهم المهم اننا اطمنا هى عامله ايه
مها / والله كانت كويسه بس نقول ايه الهم ورانا ورانا
على / ليه هو الكلب جه تانى
مها / لا بعت مراته مش عارفه هو عاوز مننا ايه
على / طب ممكن تديها التليفون
مها / ثوانى
مها تدخل لندى
مها / على
ندى تاخد التليفون
ندى / الو
على / ايه حركات العيال دى ينفع كدا
ندى / قصدك انى مشيت يعنى
مها تسيب المكان و تمشى
على / ما تمشى انتى حره بس تاخدى بيبو من جنبى ليه
ندى / ههههههههههههههههههههههه
على / لا بجد مش من حقك على فكره انا و هى عملنا احلى شغل امبارح
ندى/ عرفت انها تعبتكوا
على / مش بالمعنى احنا اللى خيبه بعيد عنك
ندى / سمعت انكوا هتروحوا الملاهى
على / اه وعدت أية بس دى خروجه للمفرفشين بس ما لكيش انتى دعوه
ندى / مين قالك انى كنت هاجى اصلا
على / مش قولتلك للمفرفشين بس
ندى / بطل بقى
على / وحشانى
ندى / شده و تزول
على / ههههههههههههههههههههههههههه ماشى يا رخمه
ندى / شكرا على فكره على امبارح بس انا قررت انى اواجه مشاكلى مش ههرب منها تانى
على / دا قرار ممتاز
ندى / اشكر أية و عمر بجد كانوا زوق اوى معايا
على / اشكريهم بنفسك انا مش الفلبينيه بتاعتك
ندى / ماشى
على / ندى الاسود مش لايق عليكى
ندى / انا مش لابسه اسود
على / انا اقصد النكد الحزن الكئابه اللى انتى فيها ايه اسوء حاجه ممكن تحصل لو ضحكتى يعنى على فكره الخوف من بكره مش هيمنعه انه يجى انتى بس هتضيعى النهرده
ندى / انت مش قادر تفهم ليه انا ما انفعلكش
على / انا عن نفسى شايف غير كدا
ندى / على افهم انا ما عدتش ملك نفسى انا عندى بنت عايشه عشانها
على / و البنت دى مش هتحتاج لاب انا متاكد انى هكون اب ممتاز
ندى / بالظبط لاولادك اللى مش هقدر اديهملك
على / و انتى تعرفى منين انى بخلف اصلا مش يمكن اكون عقيم
ندى / انا بتكلم جد
على / و انا كمان تعرفى فى ناس كتير جدا ما عندهمش مشاكل فى الخلفه لا هو و لا هى و ربنا ما كتبلهمش بس انا و انتى عندنا حبيبه يا ندى
ندى / حسام مش هيسمحلنا
على / سبيه عليا انا قده
ندى / انت ما تعرفوش
على / هو مش ربنا عشان اخاف منه اخره يعمله
ندى / اخره هيوجعنى
على / مش هسمحله خلى عندك ثقه فيا
ندى / على حساب مين على حساب حبيبه
على / يعنى هيكمل هو حياته و انتى لا
ندى / صدقنى يا على دا لمصلحتنا كلنا
على / انا مش صغير انا عارف مصلحتى
ندى / على افهم
على / افهم يعني ان ما وحشتكيش سندوتشات الشاورما بتاعتى
ندى تبتسم
على / انا فاضلى خمس دقايق و اوصل المحل هعملك السندوتشات بايدى و بعدين لو وراكى اى حاجه خلصيها اول باول عشان احنا بنتغدى على الساعه 3
ندى / و انا مالى ما تتغدوا
على / ما تتعدلى يابت هنتحايل عليكى و الله لو ما كنتيش جاهزه و نازله الساعه 3 لتشوفى
ندى / هتعمل ايه يعنى
على / جربى سلام
ندى / سلام
على يقفل و ندى تحط الموبايل جنبها و تنام على السرير و تبص لحبيبه
ندى / مجنون مش كدا
……………………………………
فى شقه نور
جرس الباب يضرب حسام يروح يفتح يلاقي مروان و مامته حسام يحضن مروان
حسام / اهلاااااااااااااااااا اتفضلوا اتفضوا
امينه / ازيك يا حسام يا ابنى بابا موجود
حسام / لا والله فى الشغل بس مش هيتاخر زمانه جاى
امانى تطلع من جوه تسلم
امانى / ايه المفاجاه الحلوه دى اما انا بعمل صينيه بطاطس باللحمه تاكلوا صوابعكوا وراها
امينه / تسلم ايدك يا امانى هى يعنى اول مره ندوقها امال نور فين
حسام / انا هدخل اكلم بابا عشان ما يتاخرش ثوانى و هناديها
امينه / احنا بصراحه جينا عشان نطمن على الحج عرفنا انه عمل عمليه
امانى / اه والله منها لله اللى كانت السبب
امينه / مين دى يا اختى
امانى / ابوس ايدك ما تفتحنيش لحسن بيرجع يزعل و يتقمص عشانها
امينه / ندى
امانى / غيرى السيره نور جايه
امينه تقوم تحضن و تبوس
امينه / اهلا اهلا وحشانى يا ست البنات
مروان يقوم يسلم نور تسلم بطراطيف ايديها و تروح تقعد بعيد
امينه / شوفتى يا ست امانى الاعتزار اللى نشرته الشركه
حسام يدخل
حسام / انا شوفته بصراحه اقل واجب
مروان يبصله
امينه / ورجع شغله تانى و ادوله علاوه كويسه و عملوله حفله رد اعتبار فى وسط زمايله بس والله ما كان ليها طعم من غيرك يا نور
نور تبتسم
حسام / انا كلمت بابا على فكره ساعه و هيوصل باذن الله
امانى / يكون الاكل استوى
الباب يخبط نور تقوم تفتح تلاقى اروى توسعلها تدخل تبص لحسام
حسام / حمد الله على السلامه تعالى جنبى تعالى … طبعا عارفين اروى مراتى
اروى تروح تقعد جنب حسام
مروان / بالسرعه دى
حسام / انت فاكرنى زيك و لا ايه
امينه / ههههههههههههههههههه الف الف مبروك
امانى / خشى بصى على الاكل يا رورو
اروى تقوم
امينه / انا مش هكدب عليكوا انا عارفه ان الشيطان دخل بينا جامد بس انتوا عارفين مصارين البطن بتتخانق و دى كانت نزوه وراحت لحالها
نور / عن اذنكوا
نور تقوم صمت ثوانى
امينه / مروان عرف غلطته و ندمان عليها و دفع تمنها غالى اوى انا بس بقول
امانى / والله يا امينه يا اختى الموضوع ده
حسام / مش بايدينا احنا يعنى انا شايف انه حاجه تخص نور دى حياتها و لازم يكون قرارها
امينه / ما البركه فيكوا تعقلوها و تهدوها انا عارفه انها اتجرحت من اللى حصل بس احنا فيها و اللى انكسر ينصلح
حسام / والله …
باب الشقه يتفتح و محمد يدخل مروان يقوم يسلم عليه
مروان / الف سلامه عليك يا عمى اول ما عرفت جيت لحضرتك علاطول
محمد / فيك الخير يا ابنى اتفضل اتفضل ازيك يا حجه
امينه / بخير طول ما انت بخير يا خويا تسلم و تعيش
………………………….
فى اوضه نور
اروى / بصراحه انا لو منك كنت طردتهم زى الكلاب
نور / بجد !!!!!
اروى / يا بنتى حسام قالى انه باع شقتكوا اللى كنتوا متجوزين فيها و الارض اللى حلته فى البلد يعنى ما عدش حيلته الا مرتبه و حتى ده كمان هيصرف منه على امه اللى المفروض هتعيشوا معاها يعنى جاى عليكى بالقوى
نور / هو ده كل اللى همك فى الموضوع
اروى / يا بنتى طبعا رجوعك ليه لازم يكون بشكل يرفع من كرامتك تقدرى تقوليلى عنده ايه يقدمهولك يصالحك بيه هيجيلك بوكيه ورد و شيكولاتايه مثلا
نور / يا اروى الموضوع اكبر بكتير من الماديات يا ابنتى حتى لو فرضنا ان كل الاسباب الهبله بتاعتك دى مش موجوده تقدرى تقوليلى ايه اللى اتغير ما المشكله لسه موجوده ما اتحلتش و ان ما كنتش نهاد هتبقى غيرها عن اذنك البطاطس هتشيط
نور تدخل المطبخ ثوانى و حسام وراها
حسام / اخباراتك
نور / مشيو
حسام / لا لسه بره
نور / ياريت تبلغوهم ينسوا الموضوع ده خالص
حسام / انا رايى تفكرى مش معنى انه غلط
نور / حسام معلش دى حياتى انا
حسام / والله خلاص بقت حياتك انتى و احنا ما عدلناش لازمه
نور / ايوه انتوا دوركوا فى حياتى انكوا تدعموا قراراتى مش انكوا تكتفونى انا مروان انتهى بالنسبالى
حسام / نكتفك ؟؟نور انتى عارفه انتى بتقولى ايه يا بت انتى بالنسبالى الدنيا انا مش عاوز حاجه غير مصلحتك و طظ فى مروان على فكره هو ما يلزمنيش فى حاجه انما انتى تلزمينى و سعادتك تهمنى و انا مش شايفك سعيده يا نور
نور / و مروان هو الحل يعنى يا حسام فوق و بص حواليك انا مش سعيده عشان الجو المريض اللى عايشين فيه و كميه المشاكل الرهيبه اللى عايشين فيها و اخرها تعب بابا
حسام / اااااااااااااااه قولى بقى انا تعبتكوا انا سبب تعاستك مش كدا
نور / لا مش كدا
حسام / انتى معاكى حق هى حياتك انتى انا طالع شقتى عشان اصالح مراتى و اخف شويه من المشاكل اللى تعساكى عن اذنك
حسام يخرج و نور تنفخ
……………………………………………
فى شقه ندى
ندى نايمه مها تدخل شايله الموبايل و تصحيها
مها / ندى ندى على على التليفون
ندى تاخد الموبايل و تتقلب
ندى / الو
على / ايه انتى بتصدرى النوم قومى هنتاخر
ندى / حبيبه نايمه هصحى اعمل ايه يعنى
على / وحشتنى الكلبه
ندى / ما تشتمهاش
على / وحشتنى بنت الكلبه حلو كدا
ندى / ههههههههههههههههههههه
على / قلبى يا ناس
ندى / انت بتعمل كدا ليه
على / بعمل ايه
ندى / ما تفكك منى يا على و تشوفلك واحده طيبه احسن منى
على / ما انتى طيبه يا نونو و يلا قومى اللبسى بقى هنتاخر
ندى / يا ابنى صدقنى مش هتنبسطوا فى وجودى
جرس الباب يضرب
ندى / استر يارب
على / دى أية طالعه تجيبك من شعرك
ندى / هههههههههههههههههههههههههههه
أية تدخل الاوضه
أية/ انتى لسه ما لبستيش ايه لعب العيال ده
أية تبص لمها اللى بتبصلها باستغراب
أية/ اهلا يا طنط سورى انا أية مرات عمر اخو على
مها / اهلا و سهلا يا حبيبتى
أية / قومى اللبسى بقى اقولك هاتى البت دى و خليكى
أية تاخد حبيبه من جنب ندى
أية / يلا يا طنط ساعدينى نغيرلها و نجهز شنطتها هاخدها الملاهى و خلي ندى قاعده بقى
ندى تتكلم فى التليفون
ندى / لا واضح ان انت و عمر اخوات
أية تشد التليفون
أية / عليك ليا ميه جنيه
على / متين عشان خاطر عيونك يا جميل
أية / يلا سلام عشان ما تعطلهاش عن اللبس
أية تقفل التليفون و تفتح الدولاب
ندى / هو انتى عسل كدا علاطول
أية / بصى انا مكبوته بقالى كتير اوى و ما اقولكيش نايمه بحلم بالخروجه دى اى حته والله مش لازم ملاهى بس اخرج اشوف بشر افرح نكد نكد نكد
ندى تتنهد
أية / يا بنتى احنا صغيرين خلينا نعيش بقى انا بقيت حاسه ان عندى اربعين سنه
ندى تبصلها
أية / و انتى كمان يعني اللى يشوفك يقول كام سنه على قالى نعمل فرحنا سوا ايه رايك
ندى / فرح ايه مش انتى متجوزه
اية / اه متجوزه بس اقولك ايه اتجوزت عند الماذون من غير فرح و لا حتى زفه عربيات كنت اول عروسه تتجوز من غير حتى فستان و لا طقم عليه القيمه و لا شهر عسل بقى و لا اى فرحه بس مش هكدب عليكى كل ده ما فرقش معايا ساعتها لكن بعد كدا اتمنيته
ندى / بتحبى عمر اوى كدا
أية / اوى مع ان عمر و ماما مش بيطيقوا بعض و خناقات طول الوقت و انا فى النص لا بعرف ارضى ده و لا ارضى دى بس بحبه اعمل ايه
ندى / ربنا يخليكوا لبعض
أية / يلا هسيبك ثوانى و اروح مع طنط و انتى اللبسى
ندى / حاضر
……………………….
فى شقه حسام
حسام يقفل الباب و اروى ترمى شنطتها على الكرسى
حسام / ممكن اعرف ايه اللى عملتيه ده
اروى تبصله يروح يحضنها
حسام / هو ده اللى حاسه بيه و هتقفى جنبى
اروى / انت بتخلينى اندم انى وثقت فيك
حسام / و انتى بتشمتيهم فيا
اروى تبصله
حسام / انتى شيفانى اهبل
اروى / اه لما تسبنى و تجرى ورا الست ندى تبقى اهبل
حسام / ههههههههههههههههه انتى شوفتى ندى لكن شوفتى ابويا اللى دخل المستشفى و لا شفتى بنتى اللى اتحرمت منها و لا فلوسى
اروى / فلوسك ؟؟؟
حسام / لتكونى صدقتى الهبل اللى حصل يوم الفرح …. معقول صدقتى ؟؟؟ هو ده اللى غيرك من ناحيتى صح هو ده اللى بعدك عنى مش كدا
اروى / انا ما بعدتش و لا اتغيرت حتى الكلام ده ما بعدنيش عنك معاملتك هى اللى بعدتنى عنك
حسام / لعلمك انا مش مجبر اقولك حاجه بس عشان انتى مراتى هقولك الناس كانوا ماللين المكان و للاسف ندى بنت عمى مش بس مراتى
اروى / طليقتك
حسام / هههههههههههههه المهم ان سمعتها تمسنى و فى الحالتين كنت هتلط بعملتها بس انى اقول قدام الناس ان انا الوحش ارحم بكتير ما اقول انها هربت مع عشيقها و ادينى طلقتها قدام الكل فهمانى
اروى / لا مش فهماك و معاملتك المتغيره ليا و تهديدك طول الوقت
حسام / ما حصلش انا لا اتغيرت و لا هددتك انا و مراتى مش المفروض ان حد يدخل بنا انتى بقى بتاخدى كلامى بمعنى تانى عشان عارفه انك عملتى حاجه غلط تبقى هبله انا مش هروح افضح مراتى و بنت عمتى
اروى / و نفسك
تليفون حسام يرن
حسام / الو
محمد / ايوه يا حسام ازيك
حسام / تمام الحمد لله خير
محمد / ينفع اللى مراتك عملته ده بقى انا كل محاول اصلحها من ناحيه تبوظوها من ناحيه
حسام / اروى ؟؟؟ عملت ايه
حسام يبص لاروى اروى تعمل نفسها مشغوله فى اى حاجه
محمد / عمك لسه قافل معايا دلوقت و قالى ان اروى راحت اتخانقت مع ندى و بهدلتها و طلبت منها تبعد عنك
حسام / اروى راحت اتخانقت مع ندى ؟؟؟
اروى تيجى تمشى حسام يمسكها من ايدها يقعدها على الكرسى بالغصب
محمد / عمك لسه داخل البيت و مراته حكتله اللى حصل و هو اتصل بيا يشتكيلى و يقولى ان الموضوع ده لو اتكرر اتفاق يوم الجمعه لاغى و نروح كلنا المحاكم بقى
حسام / لا ما تقلقش انا هتصرف فى الموضوع ده
محمد / كلمها بالراحه
حسام / اطمن سلام
حسام يقفل و يوطى على كرسى اروى و هو ساند بايديه الاتننين على ايدين الكرسى و عنيه فى عنين اروى
حسام / ايه اللى عملتيه ده ؟؟؟
اروى / عملت ايه
حسام / انتى اتهبلتى يا اروى بتدى لندى نقطه على قفايا فكراها هتخاف منك و لا هتكش مثلا فوقى
اروى / انا مش هقف اتفرج لحد ما تاخدك منى
حسام / تاخدنى منك ايه يا هبله فوقى انا بحبك و لعلمك انتى كدا هتبانى الوحشه و هى هتطلع الضحيه فى الاخر
اروى / يا سلام
حسام / انا ندى ما تهمنيش انا اللى يهمنى بنتى اللى عندها
اروى / طب و ايه مانعك ما تاخدها و انا والله هعاملها على انها بنتى بالظبط
حسام / بالبساطه دى
اروى / ايه اللى يمنع
حسام / البلد و القانون و اهلى تفتكرى ابويا نفسه هيوافق
اروى / بس دى بنتك
حسام / انا لو ضيعت عمرى كله افهمك مش هتفهمى
اروى / معلش اصلى غبيه
حسام / اه غبيه يا بت فوقى البلد دى ما بتمشيش بالصح و الغلط بتمشى بالذكاء خليكى ذكيه و خدى حقك بحرفنه
اروى / ازاى يعنى
حسام / هقولك بس توعدينى انك تهدى كدا و تعقلى و ما تعمليش حاجه من دماغك الا لما ترجعيلى
اروى / انت بتتكلم جد و لا بتضحك عليا
حسام / ماسكه عليا ذله مثلا و لا عليا ليكى فلوس هو انا هخاف منك يا بت و لا ايه انا بعمل كل ده لمصلحتنا انا و بابا اتفقنا انى هشوف بنتى يوم الجمعه بس دلوقت بعد اللى عملتيه حتى ده مش هطوله و بكره تطلب مصروف ايدها و مصروف للنونو و تفتح عليا مسوره طلبات مش هعرف اسدها انا مش عاوز اتشتت فى مليون اتجاه
اروى/ انت عارف انى
حسام / انك بتحبينى و انك بتغيرى عليا عارف بس انا عارف انا بعمل ايه و ندى للمره المليون مش فى دماغى انا مش اهبل عشان اغلط نفس الغلطه مرتين انا عاوز بنتى و بس يا اروى و هاخدها و هتشوفى بس انتى اهدى كدا و اتلمى
اروى / اما نشوف
حسام / هتشوفى الا صحيح هو انا ما وحشتكيش ليه مع انك وحشانى
اروى / ثبتنى انت كدا يعني
حسام / عندك شك انك وحشانى طب بصى فى عينى كدا دا انا ما عرفتش انام طول الليل و انتى مش جنبى
اروى / كان باين من طريقه كلامك معايا
حسام / من غلبى اعمل ايه و بعدين يا ريرى لو ما كنتيش انتى تستحملينى مين يستحملنى بس
اروى تهز راسها
حسام / قومى كدا خديلك دش و فكى نفسك و تعالى نبدا صفحه جديده ماشى
اروى / ماشى
………………………………….
فى الملاهى
على و ندى قاعدين فى مطعم لوحدهم
ندى / على فكره أية بنت لذيذه اوى
على / عارف هى عيبها حاجه واحده بس بكره تكبر و تعرف تتعامل
ندى / مامتها صح
على / ما حدش بيختار اهله العيب انى اسيبهم يتحكموا فى حياتى و يخربوهالى
ندى / مش انت اللى قولتلى نيتهم كانت خير كل اب و ام عاوزين مصلحه عيالهم اشمعن هى مش بتقول كدا
على يسكت
ندى / مش سهل نسيطر على حياتنا او نخرج اهلنا منها و حتى لو خربوها بنرجع فى الاخر ما لناش مكان الا حضنهم يا على أية بتحب عمر و هو بيحبها بس ده مش كفايه زى بالظبط ما حبك ليا و حبى ليك ما كانوش كفايه
على / لما جيت اتقدمتلك كنت لسه صارف اخر مليم فى جيبى فى علاج ابويا الله يرحمه فى المستشفى و سالف كمان ساعتها ما كانش مشجعنى غير ان انا و انتى بنحب بعض و ضامن موافقتك باباكى طلب منى شبكه بتلاتين و اوضه نوم و اوضه اطفال و صالون و سفره و ليفنج و تليفزيون على الاقل سته و تلاتين بوصه فلات و بالنسبه للمؤخر فما يقلش عن خمسين الف و الماذون و الفرح عليا وافقت مع انى مش عارف هجيبهم منين و لا ازاى و لا امتى بس كل اللى اعرفه انى هعمل المستحيل عشان تبقى من نصيبى دلوقت انا عندى كل ده و اكتر بس ما عادش عندى اهم حاجه
ندى / و هى
على / انتى مش عارف ازاى هكسب قلبك و ثقتك فيا تانى ازاى هرجع اشوف اللمعه اللى كنت بشوفها فى عنيكى و ضحكتك اللى طالعه من قلبك بس برده مش هستسلم على فكره برده هعمل المستحيل عشان تبقى من نصيبى مش هسمح لحاجه تفرق بينا مهما كانت
ندى / و تفتكر حسام
على / اقسم بالله اقتله و اتعدم
ندى / و هتستفيد ايه انت انا هستفيد ايه
عمر و أية يدخلو
أية / اما حته لعبه وااااااااو بجد يا بنتى هاتى حبيبه عنك شويه و قومى اللعبى
ندى و على بيبصوا لبعض
عمر / ايه طلبتو اكل و لا لسه انا واقع
عمر يمسك المنيو و يقلب فيها
……………………………….
فى شقه نور
نور / بجد يا بابا !!!!
محمد / يابنتى انا ما قولتش توافقى انا بقولك تفكرى
نور / لا طبعا مستحيل دا مش ممكن يحصل ابدا انا و مروان موضوع و انتهى
محمد / الراجل ندمان و عرف غلطته و قالك انه هيكتبلك شقه والدته باسمك عشان ترجعى معززه مكرمه و تضمنى انه عمره ماهيطردك من بيتك تانى و انه
نور / طب و اللى عمله فيا هنساه ازاى الشقه هتنسيهونى
محمد / يابنتى ما كفاكيش عقاب ربنا ليه الراجل اتبهدل بهدله ما يستحملهاش حد و انا لو ما كنتش واثق انك بتحبيه ما كنتش ابدا فاتحتك فى الموضوع
نور / كنت يا بابا كنت بحبه و صدقنى يمكن لو كان جه و اتكلم بدرى عن كدا كنت وافقت بس دلوقت
محمد / فى حد تانى
نور / لا طبعا مفيش ايه خلى حضرتك تقول كدا
محمد / انا ابوكى على فكره
محمد يمسك تليفون نور و يديهولها
نور / يا بابا انا مفيش بينى و بينه اى حاجه الموضوع كله ان هو كان بيمر بفتره صعبه و انا بمر بفتره صعبه فكنا بنحاول نعديها سوا مش اكتر
محمد / يعنى لو جه اتقدملك
نور / مش هيجى يا بابا هو عنده حياته و حبيبته و حتى لو جه لازم حضرتك تكون فاهم ان انا مش هسمح انى احس بالعجز ده تانى
محمد / عجز
نور / صحيح ربنا اكيد له حكمه انه يحرمنى من الخلفه بس انا مش هقدر استحمل اشوف نظره الحرمان فى عنين اى كان مروان او غيره مش هستحمل احساس الشك طول الوقت انه ممكن يكون لو حتى بيفكر فى غيرى المبرر هيكون على طول موجود انه يكمل مع غيرى مش هقدر اعلق نفسى بحد تانى مش هستحمل
محمد / بس انتى كدا بتدفنى نفسك بالحيا
نور ش/ صدقنى يا بابا انا متاكده ان ربنا شايلى حاجه احسن حاجه ما كنتش متخيلاها ابدا انا بس هستناها و مش هستعجل انا متاكده
محمد / ربنا يكملك بعقلك يا بنتى و يسعدك على العموم انا مش هرد على الناس دلوقت يمكن تحبى تغيرى رايك
نور / لا يا بابا رد لان رئيى نهائى و انا متاكده ان مفيش قوه فى الدنيا ممكن ترجعنى لمروان تانى
محمد / مش هيخسر لو سبناه على اعصابه اسبوع كمان هههههههههههههههه
محمد يخرج و نور تمسك الموبايل و تتصل بعلى
على / الو
نور / ازيك … ايه الدوشه دى
على / انا فى الملاهى
نور / هههههههههههههه اخر مكان ممكن يجى فى بالى اروحه
على / اخبارك
نور / انا محتاجه اتكلم معاك اوى
على / اكيد بس ممكن اكلمك بالليل انا بجد سامعك بالعافيه و انا هنا
نور / اوك
على / سلام
……………………………………..
فى الملاهى
على يقفل ندى بتبصله
على / دى نور معرفه الحجه منال
ندى / ما سالتكش على فكره
على / مش بلسانك بس سالتى بعنيكى
ندى تبتسم
على / تحبى تروحى فين بكره
ندى / بكره الجمعه و حسام هيجى البيت يشوف حبيبه
على بحزن / اه
ندى / بس ممكن اكلمك فى التليفون على فكره
على بفرح / بجد
ندى / ههههههههههههههههههه اه ممكن لما تبقى تخلص كلام مع نور هانم
ندى تبوز و تمشى و على يستغرب و يجرى وراها
على / دى غيره دى و لا ايه
ندى / لا طبعا انت حر اصلا
على / لا مش حر انا راجل مرتبط و كلها كام شهر و اتجوز على فكره دا غير انى مشغول جدا انتى اصلك مش متخيله موضوع الشقه و الفرش و الفرح دول بياخدوا وقت جامد جدا
ندى تبصله
على / مش بمزاجك انا لو هخطفك و اتجوزك هخطفك هخطف حبيبه و ابتزك هتتجوزينى غصب عنك
ندى تبتسم و تبص فى الارض
على / انا استنيتك كتير اوى بطلى تقل بقى خلى عندك دم
ندى / ههههههههههههههههههههههه
على / بتيجى على الشتيمه شكلها
ندى / بطل بقى
على / بحبك
ندى تتكسف و تبص الناحيه التانيه
على / نعم ؟؟
ندى / عاوز ايه
على / لا و هعوز ايه يعنى ربك على المفترى يلا نرجعلهم زمانهم خلصوا
ندى / يلا
……………………………….
فى شقه حسام
محمد / و لازم تيجى معاك
حسام / انا ما اقدرش اجبرها على حاجه زى دى بس هى وعدتنى انها مش هتعمل كدا تانى
محمد / ايوه بس لو جت معانا و اعتزرت
حسام / مش هتقبل و لا هى و لا عمتى و لو عمتى عرفت اننا طلبنا بس مش اجبرناها تعمل
محمد / احنا مش هنجبرها طبعا انا هتكلم معاها بالعقل
حسام / اللى حضرتك تشوفه بس ارجوك خلينى انا بعيد
محمد / ماشى ناديها بس و انا هكلمها
حسام / اروى …. اروى
اروى تدخل فى ايدها صينيه الشاى
اروى / سورى اتاخرت عليكوا و لا ايه كنت بعمل الشاى
محمد / تعالى جنبى يا بنتى
اروى تقعد
محمد / خالك زعلان منك اوى يا اروى
محمد / ايوه
اروى / خالو زعلان من يوم خطوبتى على حسام و حضرتك عارف
محمد / لا هو زعلان انك روحتى اتخانقتى مع ندى
اروى / انا
محمد / انتى عارفه ان بكره هنروح لعمك عشان نشوف حبيبه
اروى / اه طبعا عارفه للاسف
محمد / انا بقول تيجى معانا و
حسام / و تشوفيها
محمد و اروى يبصوا لحسام
حسام / انتى مراتى المفروض تكونى جنبى و دى بنتى عاوزها تعرفك و تاخد عليكى زى ما هتاخد عليا و كمان عشان ما اسبكيش هنا لوحدك
اروى / ايوه بس
حسام / انا عارف ان اكيد ندى مش هتسكت و عمتى كمان بس انتى دماغك اكبر من كدا انتى رايحه مع جوزك تشوفى بنتك و ده حقك
اروى / بنتى
حسام / مش انا و انتى واحد و لا ايه
- يتبع الفصل التالي اضغط على ( رواية سلف و دين ) اسم الرواية