رواية اسمي جميله (كاملة جميع الفصول) حصريا عبر دليل الروايات بقلم حروف كاتب
رواية اسمي جميله الفصل الثاني والعشرون 22
الحلقة الثانية والعشرون والحلقة الثالثة والعشرون
ماهر: مفاجأة مش كدة
انصدمت جميلة انه عرفها
مقدرتش تتكلم اكتر من كدة
جميلة بتوتر: انت عرفتني ازاي
ماهر: من صورتك
جميلة: صورتي
ماهر بحنان : الصورة الوحيدة الموجودة عندي
سالته جميلة بلهفة: انت. بتشوف
العملية نجحت صح
ماهر بابتسامة: اه الحمدلله
نزلت من عينيها دموع السعادة وقالت: الحمدلله
الحمدلله
مقدرش ماهر يسيطر على عواطفه وراح خدها في حضنه
اندهشت جميلة
ماهر: بقالي كتير مش شوفتك
دفعته جميلة بعيد عنها وقالت في.حدة : متلمسنيش
انصدم ماهر من ردة فعلها
ماهر: كنت فاكرك هتفرحي لما تشوفيني
جميلة: مينفعش
انا معنتش مراتك
اضايق ماهر وقال بعصبية: مين اللي قال الكلام ده
جميلة: احنا اتطلقنا
ماهر بضيق: امتى حصل الكلام ده
وطلع ورقة الطلاق من جيبه
ماهر: لو قصدك على دي
فدي بح خلصت
وقطعها قدامها بعصبية ورماها على الارض وصرخ: انتي مراتي انتي فاهمة
جميلة: قولتلك لا
مسكها ماهر من ايديها بعصبية وقال: ليه
ليه كل ده
زادت دموع جميلة وقالت: ماهر ايدي وجعتني
انتي وجعت ايدي
اندهش ماهر وبص على وشها المحمر المليان دموع
وساب ايديها برفق وقال: انا اسف
ومسح دموعها بحنان وقال: متعيطيش
انهمرت دموع جميلة اكتر من الاول وبعدت ايديه وقالت: كفاية
متعاملنيش بالطيبة الزيادة دي
انا مستاهلش
ماهر بحزن : ليه بتقولي كدة
جميلة: انا جرحتك وخذلتك ومنفذتش بوعدي ليك
انت المفروض مش تسامحني
ماهر: صحيح انتي جرحتيني بس..
جميلة: انت قولتها
انا جرحتك
لا يمكن اكون معاك
لا يمكن تسامحني
اتعصب ماهر لما سمع جملتها
ماهر بحدة: بس انا مسامحك
انا عارف انك عملتي كدة لظرف معين
وانا مسامحك ومش هاممني اللي حصل
ارجوكي
مسك كتفيها بايديه
وكمل بحنان: ارجعي معايا
بصتله جميلة بحب
واتهيأ لماهر لحظة انها هتوافق
لكن جميلة بصت في الارض وقالت: لأ
كانت صدمة كبيرة جدا بالنسبة لماهر
كان لسه هيقول حاجة
لكن سمع الاتنين صوت محرك عربية وقفت
انفتح الباب ونزلت ليلى وصرخت: ماهر
ماهر بصدمة: ليلى
استغلت جميلة الموقف وبعدته عنها وطلعت تجري
ماهر: جميلة؟
وكان هيتحرك وراها لكن مسكته ليلى من كتفه
ليلى: لا يا ماهر مش هسمحلك تروح وراها
اشتعل ماهر بغضب شديد وقالها : ابعدي عني
ودفعها بايده بقوة لدرجة انها وقعت على الارض
كانت جميلة في الوقت ده ابتعدت كفاية عنهم
جري ماهر وراها ودخل في اكتر من شارع وبعد ما اتملكه الياس وقف وقعد ينهج جامد
انا جميلة فوقفت على بعد خطوات قليلة من بيتها ووقعت على الارض وعيطت
بكت بصوت عالي
وقالت لنفسها: انا غبية
كان ممكن ارجع معاه
انا غبية غبية جدا
انا استاهل اني اموت
***
رجع ماهر البيت حزين
كان بيجر رجله وراه بالعافية
اول ما دخل اوضته نام على سريره وبص جمبه
كان حاطط جمبه الصورة الوحيدة اللي صورها لجميلة في مرة
ابتسم بحزن ومرارة واتعدل وركن ضهره على السرير وافتكر
اول مقابلة معاها
لما ضربته بالقلم
وبص على الصورة واتاملها
كانت صورة ليها وراها ازهار الحديقة بتاعة بيتهم
وشعر جميلة الاسود بيطير حوالين وشها
ماهر: ليه يا جميلة
ليه مصرة تعذبيني كدة
****
في اليوم التالي
في قاعة الطعام
مي بحزن: يعني انت قابلت جميلة ومرضيتش تيجي معاك
هز ماهر راسه بحزن
اتنهدت مي بضيق
مي: مش. مصدقة ان جميلة ممكن تعمل كدة
ماجد: احم احم
طيب انا همشي بقا
سارة: على فين العزم؟
ماجد بابتسامة: عند المحامي طبعا
سارة: طب ما تاخد ماهر معاك
انصدم ماجد
ماهر: اروح معاه؟
سارة: ايوة مش تشوف الشغل وادارة اموال العيلة معاهز
ابتسم ماجد بصعوبة وقال: طبعا طبعا
بس مش النهاردة لاني مستعجل
ومشي بسرعة الريح
****
في اوضة ماهر
دخلت سارة من غير ما تخبط على الباب
اتعدل ماهر في قعدته اول ما شافها
سارة: اسفة اني دخلت من غير استئذان
ماهر: ولا يهمك يا عمتو
سحبت سارة كرسي وقعدت
سارة: معرفتش ترجع جميلة مش كدة
ماهر: للاسف لا
خدت سارة نفس عميق وقالت
: ماهر اسمع اللي هقوله كويس
ماهر: ايه؟
سارة: انا اترددت كتير قبل ما احكيلك بس انت لازم تعرف
ماهر: اعرف ايه
سارة: تعرف اللعبة اللي بتدور ورا ضهرك
ماهر باستغراب: لعبة ايه
سارة: كل اللي حصل ده
ان جميلة سابتك فجاة وان ليلى ظهرت في حياتنا
لعبة ماجد عاملها
عشان يغفلنا ويزور حقوقنا في الميراث ويلهف كل حاجة اتكتبت باسمك
اتصدم ماهر وقال: انتي بتقولي ايه
كملت سارة:
في الاول ماهر اتفق مع ليلى انها تقرب منك
وبدات ليلى تهدد جميلة بحاجات كتير زي اهلها والفلوس وحاجات زي دي
لان جميلة كانت طيبة اوي وجبانة صدقت وبعدت عنك
بعدها ماجد استغل بعدكوا وبدا يظبط كل حاجة مع المحامي
وبعدين لما رجعت استغل الصدمة ببعد جميلة عنا ودلوقتي بيحاول يكمل خطته الشيطانية
ودلوقتي جه دورك
ماهر باستغراب : انا
سارة: ايوة
انا وانت ومي
وحتى جميلة
لازم نتعاون ونوقف ماجد
ماهر: انا مش مستوعب حاجة من اللي انتي قولتيها
اتنهدت سارة
سارة: للاسف لازم نبدا من دلوقتي
ولازم مي تعرف بالكلام ده
ماهر
بصلها ماهر باهتمام
ابتسمت سارة وقالت: كل حاجة هترجع زي ما كانت
****
" مبروك انتي حامل "
سمعت جميلة العبارة وخفق قلبها من السعادة
جميلة: بجد يا دكتور
الدكتور: ايوة يا بنتى بجد
منى: هي في الشهر الكام يا دكتور
الدكتور: في الشهر التاني
منى: طيب يا دكتور شكرا
في بيت جميلة
منى: هتعملي ايه
انصدمت جميلة
جميلة: هو ايه اللي هعمل ايه يا ماما
منى: عجيبة والله
هتعملي ايه باللي في بطنك
جميلة: هيتولد عادي
منى: من غير اب
اضايقت جميلة وقالت: ماما
انا وانتي عارفين مين ابوه كويس
منى: لازم ماهر يعرف
جميلة برعب : لا ياماما مش تقوليله
منى: ليه بقا ان شاء الله
جميلة: مش لازم يعرف
منى: حسبي الله ونعم الوكيل
صبرني يا رب على ما نابني
انتي هبلة ولا حكايتك ايه
ازاي ابوه ميعرفش يعني
ولا تكونيش فاكراه طلقك بجد
جميلة: ماما انا تعبت من الكلام ده
ودخلت الاوضة وقفلت على نفسها
****
" ليلى انتي فشلتي "
سمعت ليلى العبارة وانتفض جسمها بقوة
ليلى: يعني ايه يا ماجد
ماجد: يعني لحد هنا ومش محتاجاك معايا خلاص
كدة كل اللي بينا انتهى
ليلى: انت بتهزر صح
انا حسابي معاك فين
ماجد: هو انتي كنتي نجحتي واتجوزتيه
وقعدتي تقوليلي هتجوزه في ظرف شهر واحد
اهو فتح وفقا بيشوف
موقعش في غرامك ليه
ليلى.: اديني فرصة تانية ارجوك
ماجد: فرصك خلصت خلاص
وانا قولتلك قبل كدة لو تفتكري
خطتي بيكي او من غيرك هتكمل صح
يلا عن اذنك
ومشي وسابها
اتغاظت ليلى وطلعت اوضتها ورمت نفسها على السرير وقعدت تعيط.
دخلت عليها امها
( الولية دي حتى الان معرفلهاش اسم مستفزة زي بنتها 😂)
الام بفزغ: ليلى مالك.
ليلى: فشلت يا ماما
معرفتش اخليه يتجوزني
الام: وايه يعنينا ليلى
انا كنت متوقعة كدة
وقولتلك من الاول الراجل ده انا مش مرتحاله نهائي
كملت ليلى العياط
الام: بتعيطي على ايه مخسرناش حاجة
قومي غسلي وشك يلا واجهزي
يمكن نلاقي عريس تاني عدل بدله
***
وقفت منى قدام قصر عيلة النمر
واستنت لما البوابة تنفتح
اول ما انفتحت البوابة شافت فاتن منى
فاتن: انتي
منى: انا ام جميلة
فاتن : طيب اتفضلي اتفضلي
دخلت منى وقعدت في اوضة الضيوف
منى: انا عايزة اقابل الاستاذ ماهر
فاتن: حالا هناديه
قعدت منى تهز رجليها في توتر عصبي شديد
فجاة انفتح الباب ودخل ماهر ودخلت مي
ماهر باستمرار: مدام منى
مي بدهشة: حضرتك ام جميلة صح؟
انحنت منى في احترام وقالت: اسفة على الزيارة في غير معادها
مي: لا ولا يهمك اتفضلي
منى بتوتر: الحقيقة كنت عايزة اكلمكوا فس موضوع مهم
ماهر: اتفضلي
مى: ماهر
انت مش هترجع جميلة ليك
مي بحزن: بس جميلة لسه على ذمة ماهر
هي اللي مشيت للاسف
منى بحزن: دماغها ناشفة جدا ومبتسمعنيش
بس ممكن تسمع منك انت
ماهر: متقلقيش انا هرجعها وعد
منى: الحقيقة في حاجة مهمة بالنسبة لجميلة
ماهر: ايه هي
اترردت منى قبل ما اتقول وبعدين قالت: جميلة حامل
اتصدم ماهز وقالت مي بفرحة: بجد
هزت منى راسها وقالت: اه هي حامل في اواخر الشهر التاني
مي: ماهر انت لازم تجيبها هنا تاني
وكملت بفرحة: دي حامل في حفيد عيلة النمر
ابتسم ماهر وقال: متقلقيش يا عمتو
محدش يقلق
جميلة قريب اوي هتبقى هنا وسطينا
وانا عارف هرجعها ازاي
***
في مكتب المحامي الخاص بعيلة النمر
وقف المحامي ( فايز) يتكلم في التليفون
فايز: ماجد بيه
ليه القلق اللي انت فيه
انا وعدتك كل حاجة هتمشي زس ما اتفقنا وهنحاول نزورها بحيث تكون اقرب للحقيقة
وقريب اوي كل حاجة اتكتبت لماهر بيه هتكون باسمك
وطبعا كله بحسابه
فجاة سمع فايز صوت تصقيف بطيئ
وبص وراه وشافه
كان ماهر واقف ساند على الباب وبيقول: هايل
يظهر اني جيت في الوقت المظبوط
تعرف تعيد الكلام اللي قولته ده تاني
وظهرت من وراه سارة وهي بتبتسم وبتقول: مش قولتلك يا ماهر
فايز ده اكبر الخونة اللي هنا
وكانت صدمة المحامي كبيرة
جدا
•تابع الفصل التالي "رواية اسمي جميله" اضغط على اسم الرواية