رواية اسمي جميله (كاملة جميع الفصول) حصريا عبر دليل الروايات بقلم حروف كاتب
رواية اسمي جميله الفصل الحادي والعشرون 21
الحلقة الحاديه والعشرون...............
مسك ماهر الخاتم
وحطه في جيبه
وبص على الوثيقة بتاعة الطلاق
قال ماهر: انا مش فاهم حاجة
ايه اللي جاب الورقة دي
جميلة راحت فين
ولفت نظره جواب ابيض مكتوب عليه " لماهر "
فتح ماهر الجواب وبدا يقراه
" ماهر
اولا حمدلله على السلامه ونجاح العملية
لو انت اللي بتقرا الجواب ده ركز في اللي هقولهولك كويس
في الوقت اللي انت هتفتح فيه الجواب هكون مشيت خلاص
انا عايزة اشكرك من كل قلبي
كل اللي انت عملته عشاني لحد دلوقتي
انت انسان صادق في مشاعرك
يمكن كان بتهيالك اني بساعدك لكن انت اللينت بتساعدني في الحقيقة
انا قضيت معاكم اسعد اوقات قضيتها في حياتي
معاك ومع عمي وعمتي مي
انت الوحيد اللي حبيته بجد
ولازم اقولك حاجة
انا كنت متحوزا لاني كنت محتاجة فلوس ليا ولاهلي
لكن
انا لعد ما اتجوزك اكتشفت اني كنت ولا حاجة
انا رجعت كل الفلوس اللي اخذتها طول ال 8 شهور
كمان الهدوم والفساتين
والخاتم الفضة
وحاجة اخيرة
انت انسان كويس جدا
واكيد في يوم هتحب واحدة احسن مني
خد بالك من نفسك
جميلة "
اشتعل ماهر من الغضب اول ما قرا الرسالة
قطع ماهر الورقة بغضب
وخرج من الاوضة واتجه لاوضة عمته مي
****
صحيت منى من النوم وراحت عند الحمام
كانت جميلة واقفة بترجع في الحوض
منى: جميلة
راحت عندها ومسكتها
منى: جميلة انتي كويسة
رفعت جميلة راسها وغسلت وشها
ابتسمت جميلة وقالت: اه انا كويسة يا ماما
وقبل ما تكمل جملتها رجعت تاني
منى: لا مبدهاش بقى مالك
وحطت ايديها على جبينها وقالت: انتي سنة على فكرة
خرجت جميلة وامها برا الحمام وقعدوا على الارض
منى: انتي تعبانة مالك؟
جميلة: تلاقيها شوية برد هيروحو لحالهم
انا هاخد اسبرينة ولا حاجة
بصتلها امها باستنكار
منى بضيق: انتي شايفة اللي عملتيه صح
جميلة: مقتنعة بيه مية بالمية
تنهدت منى في ضيق وقالت: بس انا مش راضية عن اللي انتي عملتيه
وعايزاكي ترجعيله
جميلة: خلاص يا ماما انا اتطلقت منه
منى: انتي هتستعبطي
اتطلقتي ازاي هو رمى عليكي اليمين ولا روحتوا لمأذون
مردتش جميلة
منى: انا حقيقي مصدومة فيكي
كنت فاكرة انك بتحبيه
صرخت جميلة: انا بحبه
والله العظيم بحبه
منى بعصبية : اي حب ده
اي حب يجبرك تتخلى عن جوزك في وقت كان محتاجك جدا فيه
انا رغم كل الظروف اللي مرينا بيها انا وابوكي الله يرحمه عمري ما فكرت ولو للحظة واحدة اسيبه
جميلة بحزن: ظروفك غير ظروفي يماما
مكنش في حد بيهددك ولا بيحتقرك
منى: الظروف بتختلف بس المعادن والأصالة بتفضل واحدة
جرحت العبارة جميلة
وحست ان امها داست على وجع خبره في قلبها ونسيته
او بتحاول تنساه
منى: هاه
مردتش جميلة
اتهمت منى وقالت: جميلة
جميلة: نعم يا ماما
منى: على فكرة انتي حامل
اتصدمت جميلة
جميلة: ايه يا ماما اللي بتقوليه ده
منى: انا متأكدة
جميلة: لا لا مستحيل
ده شوية تعب لان نفسيتي كانت زفت في الايام اللي فاتت
شوية تعب وهيروح لحاله
منى: ماشي
بس برضو هاخدك بكرة للدكتور
وهتعرفي ان كلام امك صح
اندهشت جميلة
معقولة تكون حامل فعلا
حامل بطفل ماهر!
جميلة اختي
قطع افكارها صوت اختها ندى
بصتلها جميلة
قعدت ندى جمب اختها
جميلة بفرح: ندى ازيك
ندى: انتي قاعدة معانا ليه
جميلة: انا هفضل هنا علطول يا ندى
ندى: يعني مش هتسيبينا تاني
جميلة بحزن : مفتكرش
قامت منى من مكانها بضيق ومقدرتش تسمع باقي الحوار
ندى: يعني خلاص مش عنتي هتعيشي مع الامير ماهر
حاولت جميلة تبتسم لكن اتغيرت ملامح وشها
نزلت من عيون جميلة دموع وقالت بصوت باكي: خلاص يا ندى معدش فيه امير ولا قصر
ولا انا حتى بقيت سندريلا
وحطت ايديها على وشها وبكت بصوت عالي
ندى: خلاص يا جميلة مقصدش ازعلك
لكن عياط جميلة موقفش
***
في قصر عيلة النمر
سمعت مي صوت خبط جامد على الباب
مي: حاضر جاية
فتحت مي الباب واتفاجات بماهر في وشها
دخل ماهر
مي: ماهر انت ليه مش في سريرك
ماهر: جميلة
مي: ايه عرفت حاجة عنها؟
طلع ماهر الخاتم ووثيقة الطلاق من جيبه
وراهم لمي
ماهر: جميلة سابتلي دول
انصدمت مي لما شافت وثيقة الطلاق
مي: ايه دول؟
ماهر بضيق: جميلة عايزاني اطلقها
مي بصدمة: ايه
ايه اللي انت بتقوله ده
قعد ماهر على اقرب كرسي ليه
ماهر: جميلة سابت جواب
بتقول فيه انها لازم تمشي واني لازم اطلقها
بتقول انها اتجوزتني عشان الفلوس
اتصدمت مي وقالت: معقول
ماهر: انا مش فاهم
ليلى برضو قالتلي نفس الكلام
وسارة كمان
عمتو فهميني
قعدت مي وحدت نفس عميق وقالت: طيب ماشي
قعد ماهر يسمعها باهتمام
مي: من سنة تقريبا كنت عايزة انا وبابا نجوزك من بنت عشان تهتم بيك
جاتلي فكرة نعمل اعلان ونطلب فيه بنت تكون قد المسؤولية تتجوزك وتتكفل بيك
في مقابل تاخد فلوس شهرية
وجت جميلة
بس
كملت بحنان: انا من اول ما جت حبتها
وحبيت ابتسامتها الصافية وطيبة قلبها ورقتها
انا متأكدة انه
انه جميلة مكنتش بتعمل كدة عشان الفلوس وبس
يمكن كانت بتحبك او يمكن هي طبيعتها كدة
ابتسم ماهر بحزن وقال: انا فهمت
مي: اسفة اني خبيت عليك
ماهر: جميلة رجعت كل الفلوس اللي خدتها يا عمتو
انصدمت مي
ماهر: ورجعت كل الفساتين والهدوم اللي جبناها
مشيت زي ما جت
مي: انا مش مصدقة
مش مصدقة انها خرجت من حياتنا كدة
ماهر: لا
انا مش هسمحلها
قام ماهر من مكانه
مي: انت هتعمل ايه
ماهر: هرجع جميلة
لازم اشوفها واعرف بنفسي الحقيقة منها
لازم اشوفها باي طريقة وارجعها معايا
وابتسم بحنان وقال
انا لسه بحبها
قامت مي ومسكت دراعه وقالت: ماهر انا مقدرة بس
انت متقدرش تتحرك دلوقتي
ماهر: عمتو
مي: ماهر الدكتور قال متتعرضش للشمس فترة كبيرة دلوقتي
استنى شوية
ماهر بعصبية: انا عايز اعرف هي فين
مي: حبيبي متفتكرش اني مش قلقانة عليها
انا خايفة عليها زيي زيك بس لازم تخاف على صحتك
استنى النهاردة على الاقل واخرج بكرة يا حبيبي
وقف ماهر وقال بحزن: حاضر يا عمتي هضغط على نفسي عشانك
وسابها واتجه لاوضته
***
في اوضة ماهر
نام ماهر على السرير
كانت ريحة جميلة مالية كل حتة في الاوضة
غمض ماهر عيونه بالم وافتكرها
افتكر صوت ضحكتها
صوتها الرقيق لما تتكسف
لما كانت تشتمه
لما كانت تضغط على ايديه بايديها الرقيقة عشان تطمنه
لما دافعت عنه وجدت بداله طعنة مميتة
وسال نفسه سؤال
هل ممكن تعرض نفسها لكل الاخطار دي لمجرد الفلوس
لو هي بتحبه علشان فلوسه فعلا
هل ممكن تبقى بالصفاء والرقة دي
لا
هي كانت بتحبه زي ما بيحبها
وقال في نفسه
ليه مشيت
ليه سابته في الوقت ده بالذات
وافتكرها وهي بتقول
" ماهر انا هفضل معاك للابد "
غطى عينيه بدراعه وحاول يمنع دمعة نزلت غصب عنه
كانت كل خلية من خلاياه بتصرخ باسمها
واكتشف اد ايه هو وحيد
واكتشف انه كل اللي بيحبهم بيروحو من حياته
اهله
جده
والانسانة الوحيدة اللي سلملها قلبه سابته ومشيت من غير ولا كلمة
لكنه مكنش زعلان منها
كان نفسه بس يشوفها
كان مسامحها على كل حاجة
واتمنى في اللحظة دي بالذات لو انه فضل اعمى
لو ان ده كان هيخليها جمبه مستعد يرجع اعمى تاني
و بكى ماهر
بكى قلبه بدموع بدل الدم
واكتشف ان حياته كانت حزينة ومؤلمة
واكتشف انه مكسبش حاجة
لكن فجاة جت صورة جميلة ف ذهنه
قام من مكانه بنشاط وراح للحمام غسل وشه
وقال: لا يا ماهر
متخليش الياس يتمكن منك
لازم تلاقي جميلة
لازم
****
وقف ماجد في البلكونة الرئيسية
جت سارة وراه وضمت الشال عليها لتحمي نفسها من البرد
وقفت جمبه وقالت بصوت حزين: مبسوط كدة
ماجد ابتسم وقال: مبسوط بايه
ابتسمت سارة بالم وقالت: مبسوط انك خربت حياتنا
ضحك ماجد وقال: خربت حياتكم
معقولة
سارة بضيق: انت مش حاسس باللي انت عملته
انت فرقت شملنا وحولت حياتنا تاني
ماجد: جر ا ايه يا سارة كل يوم الكلمتين الخايبين دول
سارة بعصبية: وهقولهم لحد ما يجيبوا نتيجة
انا عايزة اعرف بس حاجة واحدة
ايه ذنب ماهر ومراته
عاجبك اللي حصل
طب انت كنت واحد حقير وعايز تلهف كل حاجة لنفسك
ايه ذنبهم بقا
ليه يحصلهم كدة وهما في عز شبابهم
تفتكر لو بابا كان عايش كان رضي عن اللي بيحصل ده
ماجد: اول مرة اسمع منك حاجة حكيمة كدة
اتغيرتي امتى
خدت سارة نفس عميق وقالت: انا عندي 30 سنة يا ماجد
وعرفت انه خلاص كل اللي عملته زمان كان غلط
كنت طايشة ومستهترة وانانية
كنت انسانة حقيرة للاسف
لكن جه الوقت وعرفت حقيقة نفسي واتغيرت
وانت يا ماجد
انت كمان لازم تتغير
ماجد بخبث: انا فعلا اتغيرت يا سارة
سارة: نعم
ماجد: انا قربت اوي
وخلاص قريب كل فلوس عيلة النمر هتبقى تحت ايدي
وساعتها كلكوا هتشتغلوا عندي
وضحك ضحكة.عصبية
سارة بفرع: انت اكيد اتجنيت
احنا عيلتك
انت مجنون
ماجد: معدتوش تفرقوا معايا خلاص
سارة: وانا مش هسمحلك ابدا
مش هسمحلك تنفذ خطتك ولا تاخد مليم من فلوس ماهر وفلوسنا
ماجد: ابقي قابليني
سارة: هيظهر الحق يا ماجد في يوم
واكيد انت هتروح في الرجلين
اكيد
ماجد: مستني اليوم ده
سارة بعصبية: طب ايه ذنب جميلة
ايه ذنب ماهر
هما الاتنين راحوا ضحايا خطتك القذرة وشهوتك ورغبته الانانية
ماجد: انا مستعد امحي اي حد مقابل اني احقق رغبتي
حتى لو كان انتو
اتفزعت سارة و
لكنها اتمالكت اعصابه وقالت: مش هسمحلك
وهمنعك يا ماجد
حتى لو كان نتيجة ده موتي
وكانت تعني اللي قالته فعلا
****
كان ماهر بيلبس
سمع صوت خبط على الباب
ماهر: ادخل
دخلت بنت وقفلت الباب
ليلى: صباح الخير
انصدم ماهر لما شافها
ماهر بعصبية: انتي هنا ليه
ليلى: الحق عليا اني جيت ازورك
كان ماجد لابس بنطلون اسود وقميص ابيض
ليلى: استنى هجيبلك كرافتة
ماهر بضيق : انا مطلبتش منك حاجة واطلعي برا دلوقتي
ليلى بابتسامة: متقفلهاش بقا
ووقع في ايديها الكرافتة اللي اشترتها جميلة لماهر قبل كدة
ليلى: واو الكرافتة دي ذوقها عالي اوي
البسها
ماهر: مش عايز البس حاجة
وراح يفتح الباب
ليلى ب ضيق: رايح فين
ماهر: وانتي مالك
احمر وشها الابيض من الغضب
ليلى: رايح تشوف جميلة مش كدة
مردش عليها ماهر وقفل الباب ومشي
***
وقف السواق قدام باب بيت جميلة القديم
ماهر: هو ده البيت
هز السواق راسه
نزل ماهر من العربية وقفل الباب ووقف شوية قدام البيت
هو ده البيت بتاع جميلة اللي زاره اكتر من مرة
دق قلبه بسرعة كبيرة
وراح خبط الباب
فتحتله بنت
اول ما شافته
ابتسمت ابتسامة كبيرة وقالت: الامير ماهر جه
ماهر في نفسه: ا.امير؟
جم اخوات جميلة التوام
فاطمة وسالم: الامير ❤
لاحظت ندى التوتر على وش ماهر
ندى: انت مش فاكرنا ولا ايه
انا ندى
افتكر ماهر
ماهر: انتي بقا ندى صح
وشاور على فاطمة وقال: وانتي فاطمة
وانت سالم
فاطمة: صح
منى: مين على الباب يا ندى
ندى بفرحة: الامير بتاع جميلة يا ماما
الامير ماهر.
راحت منى عند الباب واتسعت عيونها في دهشة وقالت: استاذ ماهر
ماهر: مدام منى؟
منى بفرحة: اتفضل اتفضل
قعد ماهر وقدمتله منى الشاي
منى: حمدالله على السلامة
ومبروك ان عمليتك نجحت يا حبيبي
ابتسم ماهر . وقال: ربنا يخليكي
امال فين جميلة
قتلت منى بحزن: جميلة في الشغل
ماهر بحزن : بجد
ندى: انت ليه سبت جميلة
بالها ماهر باستغراب
ندى: جميلة كانت بتعيط
قالت انها مش هترجع تعيش معاك تاني
ليه سبتها
ابتسم ماهر بحزن وطبطب على ندى وقال: هرجعها يا ندى اوعدك
منى: انت عرفت اللي جميلة عملته مش كدة
ماهر: انا مش هظلقها
انا هخليها على ذمتي
لاني بحبها
لمع وش منى وقالت بفرحة.: بتتكلم جد
ماهر: ايوة
بس الاول لازم اقابلها
ينفع عنوان شغلها
منى بفرحة: اكيد
***
في شغل جميلة
جميلة: مها انا اسفة.جدا كل مرة تشيلي الشغل الباقي بدالي
مها: لا ميهمكيش انتي شكلك تعبانة روحي احسنلة
وبعدين انا فرحانة انك رجعتي الشغل
ابتسمت جميلة وشالت شنطتها ومشيت
خرجت جميلة برا المحل وجرت رجليها عشان تروح بسرعة
جميلة: ياه
رجعتي للشغل تاني
جميلة
سمعت جميلة صوت مالوف عليها
جميلة في نفسها: للدرجادي وحشني
عشان كدة يتخيل صوته
امشي يا جميلة امشي
جميلة
نادى الصوت تاني
جميلة: اكيد مش بتخيل
بصت جميلة وراها لقت خيال مشوش وسرعان ما اتضحت الرؤية
كان هو بشأنه ولحمه
كانت الصدمة شديدة على جميلة وحسن ان رجليها هتخذلها وهتقع من طولها
هتفت جميلة بصوت مرتعش
م..اهر
هو.. انت؟
يتبع في الحلقة الجايه
•تابع الفصل التالي "رواية اسمي جميله" اضغط على اسم الرواية