رواية اسمي جميله (كاملة جميع الفصول) حصريا عبر دليل الروايات بقلم حروف كاتب
رواية اسمي جميله الفصل التاسع عشر 19
في بيت جميلة
طلعت منى وفتحت الباب لجميلة
منى: يخربيتك حماكي لسه ميت ولبستي الالوان
جميلة باستمرار: الوان ايه يا ماما ده كحلي
منى: طب خشي يا حيلتها
دخلت جميلة ولاحظت ان مفيش دولة لاخواتها
جميلة: امال العيال فين
منى: بيلعبوا عند الجيران
جميلة بفرحة: ماما عايزة اقولك حاجة مهمة.
منى: ايه
جميلة: ماهر يا.ماما
هيرجع يشوف تاني
انصدمت منى
منى بفرحة: بتتكلمي جد
جميلة: ايوة.طبعا
منى: بس ازاي
جميلة: هيسافر يعمل عمليه برا وانا هسافر معاه ان شاء الله
منى: ياه با جميلة فرحانة عشانكو اوي
المهم اخبار الموضوع اللي اتكلمنا فيه
احمر وش جميلة وقالت باحراج: ماما مش كل مرة
منى: طيب يا حلوة
بس انا عايزة اشوف حفيد ليا قريب
جميلة بخجل: ان شاء الله
ابتسمت منى وقالت: يا رب العملية تنجح ويكملكوا على خير
جميلة: يا رب
ابتسمت منى بحنان
منى: عارفة يا بت يا جميلة من ساعة ما اتجوزتيه اتغيرتي
جميلة: اتغيرت ازاي
منى: بقيتي حلوة كدة واتيكيت وكمان اتغيرت شخصيتك جامد
جميلة: ببتمدحيني ولا بتشتميني يا ماما
ضحكت منى وقالت: يعني من ده على ده
ضحكت جميلة معاها
***
الخدامة: انسة ليلى مكالمة على التليفون
ليلى باستغراب: ليا انا
راحت ليلى ورفعت سماعة التليفون وقالت الو
ماجد: ليلى
ليلى: استاذ ماجد
ماجد: عندي ليكي اخبار حلوة
ليلى: خير
ماجد: ماهر هيعمل عملية
وهيرجع يشوف تاني
ليلى: انت بتتكلم بجد
ماجد: فورلان بهزر في الحاجات دي
المهم
دي فرصتك الذهبية جت لحد رجليكي
ليلى باستغراب: فرصتي
ماجد: ايوة
عندي فكرة هتبعد جميلة عن طريقك
اسمعيها بالحرف الواحد ونفذيها
وسمعت ليلى باهتمام
***
في اليوم اللي بعده
قعدت جميلة في الكافيه وهي مستغربة
افتكرت كلام ماجد انها تقعد هناك وتستنى عشان هيجيلها حد مهم
جميلة: يا ربي حد مين ده اللي اقابله والجو متلج
وارتعشت وقعدت تحك ايديها ببعض عشان تتدفى
غداة جه من وراها صوت انثوي مالوف بيقول: اتاخرت عليكي
بصت جميلة وراها واتسعت عيونها من الصدمة
جميلة بضيق : ليلى
قعدت ليلى قدامها
جميلة: اوف
لو كنت اعرف اني هقابلك انتي مكنتش اتحركت من السرير
ليلى ببرود: لاحظي كلامك معايا يا حلوة
جميلة بضيق: هتعلميني اتكلم ازاي
ليلى: اوف
بعيدا عن الحوارات دي لازم تسمعي اللي جاية اقولهولك
بصت جميلة بعيد وقالت: ايه هي
ليلى: اولا انا عرفت ان ماهر هيسافر لندن يعمل عملية في بصره
انصدمت جميلة
جميلة بقلق: عرفتي ازاي
ليلى ابتسمت بخبث وقالت: عرفت زي ما عرفت
المهم انا جاية اقولك حاجة مهمة
وهي لعلمك امر مش طلب
جميلة بسخرية: والله
ليلى: اه والله
كملت بسخرية : طبعا انتي عارفة انه ماهر بعد العملية هيفتح واكيد مش هتبقي عايزاه يشوفك
جميلة بعملية: ملكيش في الكلام ده
ليلى بهدوء: انتي اتجوزتي ماهر عشان الفلوس اللي بيدوهالك انتي واهلك مش.كدة
انصدمت جميلة واتسعت عيونها بدهشة
ضحكت ليلى وقالت: انا صح
مقدرته جميلة تتكلم
ليلى: شوفي
انت هديكي نفس الفلوس دي في مقابل حاجة
جميلة بسخرية: مقابل ايه
بصتلها ليلى ببرود وقالت: تطلقي من ماهر
انصدمت جميلة
كملت ليلى بهدوء: وتخرجي من حياته
للابد
عجزت جميلة عن النطق
وكان كلام ليلى سيف انغرز في قلبها
•تابع الفصل التالي "رواية اسمي جميله" اضغط على اسم الرواية