رواية اسمي جميله (كاملة جميع الفصول) حصريا عبر دليل الروايات بقلم حروف كاتب
رواية اسمي جميله الفصل الثامن عشر
الحلقة الثامنة عشر والحلقة التاسعة عشر
وقفو قدام القبر
وشافوا ابوهم وهو بيندفن
دخلت مي في نوبة عياط هسيتيرية وسارة كذلك
اما ماجد فوقف جامد صلب
مسكت جميلة ايدين ماهر ومقدرتش تمنع دموعها من النزول
اما ماهر فمتكلمش ولا نزلت منه دمعة
كانت ملامحه حزينة جدا
كسر ماجد الصمت وقال: يلا
احنا معاه بقالنا اكتر من ساعتين
لازم نمشي
مي: نمشي؟
سارة: لا يا ماجد مش هنمشي
اتنهد ماجد بضيق
ماجد: وانت يا ماهر
ماهر: انا هفضل هنا
جميلة بجدية : وانا كمان هفضل مع ماهر
ماجد: اللي تشوفوه انا مروح
ومشي وسابهم
سارة: معندوش قلب
وقعت مي على التراب وزادت دموعها اكتر
مي: كان نفسي اقوله اني بحبه كان نفسي اعتذرله وابوسه
كان نفسي ميزعلش مني
سارة: انا كمان
انا كمان كان نفسي اوي
مكنتش متوقعة انه هيروح من العالم بسرعة كدة
جميلة بدموع: دي سنة الحياة
بصولها تلاتتهم
كملت جميلة بابتسامة حزينة: احنا مقدرش نعيش للابد
كلنا هنموت مهما حاولنا نهرب من قدرنا ومهما طال عمرنا
ومسحت دموعها وقالت: كل اللي قدامنا ندعيله بالرحمة
هو اكيد في مكان احسن من هنا
سارة: وفري كلامك لنفسك
كلامك مش هيعدل حاجة من اللي حصلت
انتي مش حاسة بينا
جميلة: متقوليش كدة
وبصت للارض بحزن وكملت: انا حاسة باحساسكم
بابا مات وانا صغيرة وسابنا لوحدنا
مات قدام عينيا
انا عارفة يعني تخسر اب بس
احنا لازم نبص للامر الواقع
وكملت بدموع:
مهما بكينا عمر اللي راح ما هيرجع
ولو كان البكى بيرجع الاموات
زادت دموعها وقالت: كنت بكيت بدل الدموع دم
ضغط ماهر على ايديها وقال: جميلة معاها حق
لازم نتشجع ونكمل حياتنا
وندعي لجدو بالرحمة
هو اكيد في مكان احسن من.هنا
وقفت مس على رجليها وقالت: يلا بينا
انا تعبت وعايزة اروح
****
في مطبخ القصر
سادت حالة من الحزن الشديدة
قعدت جميلة على الترابيزة الخشب قدام فاتن
فاتن بعياط.شديد: مش مصدقة انه مات
مش قادرة اصدق
جميلة: ولا انا
كان زي ابويا بالظبط
فاتن: مفيش حاجة هتعوضوا
حتى بعد ما مات الدنيا معدش ليها طعم
جميلة بحزن: معاكي حق
حتى الجو بقا برد والشمس مبتطلعش
فاتن : كان امنية حياته تكون عيلته سعيدة
صح كان قاسي ساعات لكنه كان حنين اوي
كان بيتمنى الخير للكل
جميلة بدموع: مش هتقوليلي
جه الشيف الخاص بالقصر وقال: تعزياتي ليكي مدام جميلة
جميلة بابتسامة حزينة: التعزية دي لينا كلنا
كلنا حزينين على فراقه
الشيف: طبعا يا مدام جميلة طبعا
ابتسمت جميلة بحزن شديد
***
اتصدمت ليلى وهي بتسمع كلام ماجد وقالت: مات؟
ماجد: ايوة مات
ليلى: ازاي ده حصل
ماجد: الله يرحمه
ليلى: يا ربي
ماجد: كنت فاكرك هتفرحي لان ده هيسهلك الموضوع
ليلى: انا مش وحشة اوي كدة
ماجد بابتسامة: طبعا طبعا
ليلى: انا حقيقي مش مصدقاك بتضحك وتشرب وابوك.ميت مكملش اسبوع
ماجد بسخرية : يعني اعمل ايه
اصوت ولا اولول زي النسوان
ليلى بضيق: يا برودك
ضحك ماجد بصوت عالي
ماجد: المهم
ليلى: امم
ماجد: اما روحت للمحامي وعرفت منه ان بسيوني فعلا كتب كل حاجة باسم ماهر
حطت ليلى ايديها على بوقها
ليلى: او ماي جد
ماجد: مش وقت اندهاش خالص
خفي ايدك يا سكر اذا كنتي عايزة تطلعي بحاجة
بصتله سارة باختصار
ليلى: ايه الاسلوب اللي بتعاملني بيه ده
ماجد: بقولك ايه مش وقته
اتنهدت ليلى بضيق
ليلى: طيب اعمل ايه
ماجد: نعم يا حلوة
انا اللي هعلمك
شوفي بقا
ابويا مات وكل البيت في حزن
استغني الموضوع لمصلحتك يا حلوة
وكمان.
ليلى: وكمان ايه
ماجد: المكان ده محدش ينفع نتقابل فيه واحنا مكشوفين كدة لازم نشوفلنا مكان تاني
ليلى: قول عايز نتقابل فين وانا تحت امرك
ماجد: تعجيبني كدة
بس اسمعي
لو مقدرتيش تسيطري على ماهر انتي متلزمنيش
احسن تفتكري يعني انك مهمة.اوي لا يا حلوة
وكمل بجدية: انا خطتي هتعمل بيكي او من غيرك فاهمة
انصدمت ليلى من لهجته الجافة ومكنش قدامها غير انها تهز راسها في خوف
****
وقفت مي في اوضة بسيوني
وقعدت تتاملها شبر شبر
ونزلت دموعها على وشها
عمتو؟
التفتت مي ولقت جميلة
مي: جميلة
قربت منها جميلة وطبطبت عليها بحنان وقالت: كفايكي عياط يا عمتو دموعك دبلت
مي: ازاي يا جميلة
انا خسرت لتالت مرة انسان بحبه اوي
وده مش اي حد ده ابويا
جميلة بحنان: بس لازم نستمر في الحياة ونبقى اقوى عشان نواجه اللي جاي
هزت مي راسها وقالت: مفتكرش هقدر اقاوم الحياة بعد كدة
خدتها جميلة وقعدوا
مسحتلها جميلة دموعها
مي بحنان: عارفة يا جميلة
ساعات كتير بحسد ماهر عليكي
جميلة بخجل: ايه
مي: كان نفسي يبقى معايا حد حنين اوي كدة
زيك
جميلة بابتسامة : ما انا معاكي اهو
ابتسمت مي
جميلة: عمتو
بصتلها مي باهتمام
اترددت جميلة قبل ما تتكلم
مي: ايه يا جميلة
جميلة: ماهر
مي: ماله
جميلة: عمي قبل مل يموت قالي انه
انه ماهر ممكن يرجع يشوف تاني
مي بفرحة : بجد يا جميلة
جميلة: ايوة ووصاني اني لازم اعمله العملية
لمعت عيون مي وحضنت جميلة وقالت من بين دموعها: الحمدلله
كنت متاكدة
كنت متاكدة انه بابا لا يمكن يفضل رافض
جميلة: رافض لايه
بعدت مي عنها وقالت: رافض العملية
بصتلها جميلة بحيرة
مي بحزن: يا خسارة
كان نفسو يبقى عايش ويشوف ماهر وهو بيفتح تاني
بس يا خسارة
جميلة: هو اكيد هيفرح برضه لما ماهر يرجع يشوف
مي: ان شاء الله
احنا لازم نقول لماهر
لازم
هزت جميلة راسها بفرح
***
ماهر باستغراب: عملية
مي بحنان : ايوة يا حبيبي عملية
ممكن ان شاء الله ترجعك تشوف تاني
ماهر: وانتو عرفتوا الكلام ده منين
قعدت مي جمبه وقالت: فاكر لما جميلة
نفتكرلها العافية كانت في انجلترا تعبانة و الدكتور بتاع العيون كشف عليك
ماهر: افتكر اه
مي بفرحة: الدكتور قال ان في عملية ممكن ترجعك تشوف تاني
وعملت بحزن: وبابا الله يرحمه وصانا نعملهالك
ماهر: يعني انا فعلا ممكن ارجع اشوف
مي: ايوة ان شاء الله
ماهر بفرحة: اخيرا
اخيرا هقدر اشوفك يا جميلة
جميلة بفرحة: ان شاء الله يا ماهر
ماهر: جميلة خليكي معايا
لازم تبقي اول حاجة تقع عليها عينيا
ضحكت جميلة وقالت: ان شاء الله
مي بفرحة: احنا ليه هنتواصل مع الدكتور ونسأله احسن معاد ايه
ماهر: ان شاء الله
مي: طيب هسيبكم انا بقا
مشيت مي
اول ما مي مشيت حضنت جميلة ماهر من ضهره وقالت في ودنه بفرحة: انا فرحانة عشانك اوي
ماهر بحنان: قولي يا رب العملية تنجح
سابته جميلة وراحت قعدت جمبه وقالت: خلي عندك.امل في ربنا
ماهر: اوعي متجيش معايا
مسكت جميلة ايديه وقالت بحماسة: مستحيل
بس..
ماهر: بس ايه
جميلة بحزن: خايفة اما تشوفني ت..
ماهر: ت..ايه
جميلة بابتسامة حزينة : اصل انا مش جميلة اوي زي ما انت متخيل
يمكن انا اقل واحدة في الجمال مني بين كل البنات
اللي عرفتهم
ماهر بجدية: متقوليش كدة
خدها ماهر في حضنه وضغط عليها
جميلة بصدمة: ماهر
ماهر: انتي اجمل انسانة انا عرفتها
انتي مختلفة عنهم
ومهما كان شكلك هفضل احبك
ولو اني حاسس انك بتبالغي في الموضوع ده بس
كمل ماهر بجدية:
انا عمري ما اهتميت بشكلك عامل ازاي
متقوليش كلام زي كدة تاني
نزلت دموع جميلة غصب عنها واتعلقت في ماهر وقالت: ماهر انا
ماهر: متتكلميش
جميلة: انا بحبك با غبي
انصدم ماهر
بعدت جميلة عنه وبدات تمسح دموعها
ماهر: انتي بتعيطي؟
جميلة: دي دموع الفرح
ابتسم ماهر بحنان
حطت جميلة راسها على كتفه وقالت: بحبك
ماهر: وانا كمان
ابتسمت جميلة بخجل
واتخيلت ان مفيش حاجة ممكن تعكر سعادتها
****
في اوضة الجلوس
جت مس بلهفة وقالت: اسمعوا اسمعوا
ساب ماجد الكتاب اللي في ايديه
ماجد: خير
مي بفرحة: انا كلمت الدكتور وقال
قال ان ماهر هيعمل العملية بعد اسبوعين
قامت جميلة من مكانها بفرحة وقالت: بجد يا عمتو
هزت مي راسها في سعادة
سارة باستمرار: عملية ايه
انا مش فاهمة حاجة
جميلة: العملية اللي هتخلي ماهر يرجع يشوف تاني
ابتسمت سارة بفرحة
ماجد: بجد
مي: ايوة
هيسافر بعد اسبوع ويتجهز للعملية في لندن
حضنت سارة ماهر وقالتله: مبروك يا كوكو
مي بحنان: واكيد جميلة لازم تسافر معانا
قام ماهر وقال: ده شرط اساسي
ابتسمت جميلة بخجل وقالت: انا هاجي معاك لو لاخر الدنيا يا ماهر
ماهر بفرحة : بجد يا جميلة
مي بضحك : يا سلام على الرومانسية
تابعت سارة الموقف الرومانسي وبثت على ماجد اللي ابتسم بخبث وفهمت غرضه ايه
ومكنش قدامها غير انها تسكت
***
•تابع الفصل التالي "رواية اسمي جميله" اضغط على اسم الرواية