Ads by Google X

رواية احببت منتقبة الفصل السادس عشر و الاخير 16 - بقلم ياسر الانصاري

الصفحة الرئيسية

    رواية احببت منتقبة كاملة بقلم ياسر الانصاري عبر مدونة دليل الروايات 


 رواية احببت منتقبة الفصل السادس عشر و الاخير  16

صهيب. ووقت الزواج انا هاخدلها اجازه شهر ولا اكتر وبعدين هنعوض كل دا وطبعا بحكم شغلي ووظيفتي حضرتك عارف اني ممكن اعمل دا بسهوله
مصطفي. عارف يبني بس بردو مجوبتنيش عاوزه يكون امتي
صهيب . الاسبوع الي جاي يا عمي 🙈
مصطفي. لا لا مينفعش يبني
صهيب. وايه الي هيقل نفعه بس بالله عليك احنا مش صعبانين عليك !
مصطفي. بردو مهما كان
صهيب. يا عمي قول مبروك بقي
مصطفي. يبني وحتي لو قولت طيب الشقه والتجهيزات
صهيب بابتسامه. لا متقلقش من ناحيه الموضوع دا
#فلاش باك #
صهيب. زهراء احنا خلاص كتبنا الكتاب ولازم نبدا في الشقه من دلوقتي
الزهراء. يا صهيب لسا بدري
صهيب. بدري ايه بس انا كلمت مهندس ديكور بحيث يظبط الشقه علي زوقنا وبعتلك التصميمات ع واتساب شوفي هتختاري ايه
____________________
صهيب. بس كدا يا عمي من يوم كتب الكتاب وانا شغال في الشقه والحمدلله جاهزه ومنتظرة دخول الملكه ليها والملك لله طبعا
عائشه. قول مبروك بقي يا ابو الزهراء
صفاء. اه بالله عليك يا مصطفي بارك بقي
مصطفي . هقول ايه يعني مبروك وربنا يتمم على خير
صهيب بفرحه. هو دا عمي الي اعرفه وقام باس ع ايده
صهيب. ع فكره دي مش عشان مصلحه انا مقبلتش ف حياتي غير ايد امي وابويا بس بصراحه انتا بقيت ف مقام ابويا دلوقتي بافعالك مش بكلامك
مصطفي بابتسامه. ربنا يديم المحبه يبني
هدير. احنا نسينا محمود خالص
صهيب. سبيه مع خطيبته شويه هو خلاص الوقت اتاخر
وبا الفعل الليله خلصت والكل بدأ يمشي
صهيب كان عاوز يوصلهم بس كانت في عربيه جاتلهم ركب صابر ومصطفي وصفاء
صهيب. انا هوصل الزهراء يا عمي لحد السكن ولا اقولك خدوها معاكم دي عروسه تجهز حاجتها ونفسها
الزهراء بقمصه . كدا يا صهيب
صهيب. يا بنتي مش هغيب والاسبوع دا كل يوم هكون في وشك وكلها اسبوع تكوني معايا ف كل ثانيه يلا اركبي بقي
ركبت الزهراء با الفعل ومشيو
وصهيب اخد أمه واخته وطلعو
صهيب. كمل سهرتك يا حوده مع خطيبتك واحنا قدامك
محمود. تسلملي يا حبيبي
اول لما دخلو البيت
صهيب. حمدالله على السلامه يا حبايب قلبي
عائشه وهدير. الله يسلمك يا حبيبي.
صهيب. انا عاوز اقول كلمتين كدا وبدون اي زعل
عائشه. ربنا ما يجيب زعل يبني قول
صهيب. مبدئيا كدا بعون من الله الاسبوع الجاي هتشرفنا ضيفه خفيفه ولطيفه علي كل القلوب وهي الزهراء
هدير. الزهراء مش ضيفه
صهيب بابتسامه. دا العشم بردو يا قلب اخوكي…. المهم الزهراء هتعيش معانا هنا في البيت طبعا أنا ضد موضوع الحموات والسلايف ومرات الابن والكلام الغريب دا. الزهراء بنت لامي واخت ليكي يا هدير وانتو عارفين طبعا الزهراء متتخيرش عنكم تتحط ع الجرح يطيب بنت اصول محترمه بتحب بجد وتتحب وربنا يعلم هي بتقول عليكم ايه
عائشه.. يبني عارفين كل دا والله وربنا يعلم بس تقصد بكلامك ايه !
صهيب. المقصود بكلامي يا امي انك امي اغلي حد عندي في الكون وهدير بنتي مش اختي والزهراء حبيبتي ومراتي وهتكون ام عيالي وانا مش هسمح لأي حاجه تخسرنا اي حد منكم أو تكون سبب في دا.
ماما انتي وهدير مرحبين بوجود الزهراء في البيت ولا اشوف مكان تاني وقبل ما حد يرد والله العظيم بدون اي زعل بس مش عاوز ازعل اي طرف منكم لانكم انتو حياتي
عائشه بابتسامه. حد قالك انك اهبل يا حبيبي الزهراء بنتي ولو مشلتهاش الأرض نشيلها فوق دماغنا
هدير. عارف يا صهيب انتا فعلا اخدت مكان ابويا الي ملحقتش افرح بيه واكون معاه. يا صهيب مراتك اختي وانا بحبها مش عشان مراتك لا عشان هي حد يستاهل يتحب وعارفه معني كلامك كويس وهرد عليك بكلمه واحده بس. انا مفيش حاجه في الدنيا تزعلني منك. واترمت في حضنه
صهيب. اللهم لك الحمد كدا انا اطمنت .. يلا بقي اطلعو نامو عشان من بكرا هنبدا نفكر هنعمل ايه
عائشه. ماشي يا حبيبي تصبح على الف خير
صهيب. وانتي من اهل الخير يا ماما
هدير. ليلتك بتضحك يا مان
صهيب بضحك. ليله سودا ع دماغك اطلعي يا بت
هو كمان طلع كان مهدود ع الاخر يدوب حط جسمه ع السرير كان راح في النوم
تاني يوم.
عائشه. صهيب قوم يا حبيبي بقينا الضهر
صهيب. صباح الخير يا ست الكل
عائشه. صباح الفل يا حبيبي
اتحرك صهيب اخد الشاور بتاعه وصلي ونزل يفطر
محمود. صباح الفل يا دوك
صهيب. صباح العسل يا حبيبي. اتبسطت امبارح !
محمود. اتبسطت بس دا انا كنت حاسس اني قاعد ع المريخ وحاطط رجل ع رجل. ضحكو مع بعض
محمود. صحيح حددت فرحك بعد اسبوع ؟
صهيب. اه خلاص مبقتش قادر يلا شدو حيلكم انتا واميره والحقونا
محمود. الف الف مبروك يا حبيبي. قريب إن شاء الله هنلحقك
صهيب. إن شاء الله. المهم عاوزك تحجزلي تزكرتين طيران ع السعوديه
محمود. امتي وليه ؟
صهيب. امتي تاني يوم الفرح. ليه هنروح نعمل عمره أنا والزهراء وبعد ما نرجع أن شاء الله هنطلع فوج مع بعض كلنا
محمود. والله احسن حاجه هتعملها
صهيب. اكيد طبعا
نزلت علي صوتهم عائشه. طيب كل دا جميل اوووووووووووي اللهم مبارك بس الفرح هتعمل فيه ايه
صهيب. مفيش فرح
الكل استغرب من كلامه. محمود… مفيش فرح ازاي يا صهيب
صهيب. انا هقولك يا سيدي. انا اتفقت أنا والزهراء اني فلوس الفرح دي هتدفع في حاجه تستحقها زي مثلا ام غريمه علي شيك نسده. بنت عاوزه تتجهز نجهزها. عائله فقيره نوفرلهم مصدر رزق. كدا احسن من شغل الافراح والمنظره الكدابه دي ولا ايه؟
عائشه. مش ندمانه علي تربيتكم وتعبي معاكم ثانيه واحده. زين ما عملت يبني والي أولها فيها لله آخرها ستر ورزق
محمود. عاش يبني والله ربنا يباركلكم فكره حلوه واحتمال كبير انا كمان اعمل كدا
صهيب. يلا انا هشوف ورايا ايه بقي واعمله
بعد اسبوع …..
صهيب. صباح الخير يا ست بنات حواء
الزهراء. صباح الخير يا حبيبي
صهيب. النهارده هتكوني في بيتي وحضني والكل هيكون عارف دا
الزهراء بفرحه وكسوف. انا مش مصدقه والله … ايوه يا ماما جايه اهوو
صهيب. في حاجه ولا ايه
الزهراء. انتا ناسي اني النهارده فرحنا وفي مليون حاجه قوم يا استاذ شوف وراك ايه انتا كمان
صهيب بابتسامه. حاضر يا ستي هقوم. يلا خلي بالك من نفسك…. وقفلو المكالمه
صهيب قام بسرعه البرق اخد الشاور بتاعه وصلي ونزل
صهيب. انا العريس انا ومين دا قدي انا ( بيغني)
عائشه.. صباح الفل يا روح قلبي اخيرا هشوف مراتك معاك في بيت واحد
صهيب. أيوه بقي. واسمعو كلكم ممنوع الزيارات خلال ال ٢٤ ساعه إلي هكون فيها مع الزهراء قبل السفر سامعين ممنوع الزيارات. وتحديدا انتي يا بت يا اوزعه ( وبيضحك)
هدير بضحكه. من ٦ الصبح هكون قدام الشقه
صهيب. والله اولع فيكي
قام الكل يجهز وكان الوقت اتاخر
والزهراء مكنتش عاوزه تروح الكوافير بس صممو وصهيب حجزلها في كوافير كبير في القاهره
الكل بدأ يتجمع وصهيب فوق بيلبس ومحمود وصابر معاه
صهيب. هغير الجزمه دي لونها مش عاجبني
محمود. يبني والله حلوه وماشيه مع البدله
صابر. محمود عنده حق الجزمه حلوه
صهيب. ماشي يا عم يلا نتوكل ع الله ونسلم ع الناس الي تحت دي
نزلو كلهم وهما نازلين شافو حد بيحدف عليهم حاجه
محمود في ثواني كان ساحب سلاحه وهيضرب شاف عماته الي بيرشو الملح
محمود. يمين بالله حرام عليكم
صهيب ميت ضحك. تعيش وتاخد غيرها يا حوده… كلهم ضحكو
نزل صهيب سلم علي الناس وجاتله مكالمه أنهم خلصو ف الكوافير وبدأت العربيات تتحرك
صهيب راكب في العربيه وقدام صابر ومعاه هدير وأمه
وصلو ونزلو صهيب دخل عند الزهراء
ولفتله راح خاطفها حتت حضن ينسيها اسمها وبعد ما خلص اخدها في ايده وخرجو
محمود. طلع طبنجته وضرب دفعه فوق كا نوع من الفرحه
واتحرك صهيب وركب العربيه والكل وراهم لفو شويه وقالهم كفايه كدا يلا ع البيت
وبا الفعل وصلو البيت ومسك أيدها واتحرك بيها جواه
ووقف ع السلام. شكرا جدا جدا يا اهلي وعزوتي ربنا يديمكم ليا ونجيلكم في الافراح أن شاء الله وتصبحو ع خير واخد الزهراء واتحرك وقبل ما يطلع
صهيب بضحك.. الكلام للجميع انا هكهرب الباب محدش يقرب منه …. عم مصطفي شقه محمود في الرابع بعد ما تخلصو قعدتكم هي بتاعتكم
ووقف قدام شقته ولسا هيفتح الباب
الزهراء مقموصه. مش ناسي حاجه !
صهيب. يا ستي وربنا ما ناسي افتح الباب بس.
فتح الباب وراح شايلها علي ايده ودخلو. نورتي مملكتك يا عروسه ونزلها
صهيب. هو أنا قولتلك اني بحبك النهارده ؟
الزهراء. وايه يعني ما تقول تاني
صهيب بابتسامه. حاضر يا ستي انا بحبك قد الكون بحاله ومتمنتش اكتر من الي احنا فيه دلوقتي…. وو لا لا كدا مش هينفع بقولك ايه انا هقوم اغير واخد شاور وانتي عندك حمام ف الاوضه اهو خلصي عشان نصلي العشاء جماعه وركعتين لله
الزهراء هزت راسها با الموافقه وهو خرج غير هدومه
واخد شاور واتوضي وطلع لابس بيجامه رجالي كانت هي كمان خلصت ولابسه إسدال .. واكلو لقمه علي السريع كدا
صلو وهو كان الإمام بيها وبعدين فضلو يدعو شويه واخد رأسها وريحها علي رجله. مبروك عليا وجودك في حياتي يا حبيبي
الزهراء. ومبروك عليا انا كمان
صهيب. هقولك كلمتين ممكن ميكونش وقتهم. امي وهدير ومحمود عيلتي وسندي وكل حاجه ليا. امي امك يا الزهراء وهدير ومحمود اخواتك
الزهراء. مش محتاج توصيني يا حبيبي
صهيب. طيب الحمد لله يلا قومي غيري بقي
الزهراء. حاضر
صهيب صفر باندهاش. يا جمالو يا جمالو
الزهراء بكسوف. بس بقي
صهيب. بس بقي.طيب تعالي قعدو علي السرير واخدها في حضنه شويه واتكلمو.(( وقد تمت المهمه بنجاح))
نامو صحيو تاني يوم كانت الزهراء داخله في حضنه وهو محوطها بايده ورافع رجله عليها
فتحت عيونها وبدأت تلعب شويه في شعره وملامحه
وهو بدأ يفوق. فينا من كدا بتستغلي نومي وبتشبعي مني
الزهراء. انا مشبعش منك العمر كله. صباح الفل يا حبيبي
صهيب. صباح السعاده يا روحي. وصباحيه مباركه يا قلبي
ولسا بيتكلمو كان الباب شغال خبط عليهم .. افتح يا عريس افتح يا عريس
صهيب. دا صوت محمود 😂.. السفر يخربيت كدا قومي بسرعه 😲
طبعا دا اخر فصل في الجزء الاول وهشوفكم قريب إن شاء الله 💙
والسلام عليكم ورحمه الله وبركاته ♥️

 رواية احببت منتقبة الفصل السادس عشر و الاخير 16 -  بقلم ياسر الانصاري
nada eid

تعليقات

ليست هناك تعليقات
إرسال تعليق
    google-playkhamsatmostaqltradent