Ads by Google X

رواية ولو بعد حين الفصل السادس عشر 16 - بقلم خلود احمد

الصفحة الرئيسية

  رواية ولو بعد حين كاملة بقلم خلود احمد عبر مدونة دليل الروايات 


رواية ولو بعد حين الفصل السادس عشر 16

يوسف.. متعمليش فيها غبيه انتى عارفه انا بتكلم على مين

ليال خافت من نبرة صوته وسكتت

يوسف.. بسألك مره تانيه مين ده

ليال بصتله وبعدين بصت من الشباك .. كان حبيبي القديم

يوسف حرك راسه .. اممم حبيبك القديم!

ليال فضلت باصه برا ومردتش عليه وهو كان سايق بعصبيه وبسرعة

وصلوا البيت وهو مكلمهاش تاني خالص فضل تحت وهى طلعت

…..

عمر.. الصبح معرفتش اتكلم معاك بس فهمنى بقي اللى حصل ده

يوسف.. محصلش حاجه

عمر.. اتكلم عدل يايوسف انت غلطان وبتعاند راجع بليل سكران من عند واحده وسايب مراتك انت مكنتش كده خالص هو سفرك امريكا نساك كل حاجه وبقيت زيهم هناك كده حرام وغلط

يوسف.. تمام

عمر.. هو ايه اللي تمام انت فييي ايييه يابنى آدم انت

يوسف بعصبيه.. خلاص بقي سيبنى فى حالى يعم انت مش معاك مراتك ومبسوط عايز منى ايه

عمر.. وانت برضو معاك مراتك ومبسوط ليه بتعمل كده

يوسف.. مبسوط آه

عمر.. كلامك مش عاجبنى بس خليك فاكر بنات الناس مش لعبه لو كان لينا اخت مكنتش هترضي يحصل معاها كده

يوسف.. لو بقي

عمر.. ولما انت مش بتحبها وبتزفت تحب اللي اسمها مى متجوزتهاش ليه

يوسف بصوت عالي.. ولا بحب دى ولا دى ارحمني بقا وحل عن دماغي دلوقتي انا مش طايق نفسي ياعمر

عمر.. تمام وسابه ومشي

يوسف حط ايده على وشه ونفخ بضيق وبعدين قام طلع

ليال كانت قاعده علي السرير وماسكه التليفون هو دخل وهبد الباب جامد هى اتخضت

يوسف.. كملى كملى

ليال.. اكمل ايه؟

يوسف.. اللى كنتى بتكلميه

ليال.. مكنتش بكلم حد على فكره اى الاسلوب ده

يوسف.. ماله الاسلوب مش عاجبك صح

ليال.. ايوا مش عاجبنى يا يوسف مبحبش الطريقه دى ولهجة الكلام دى

يوسف.. ماشي مانا عرفت ذوقك اصلا طلع وحش اوى

ليال .. اوووف ابتدينا بقي انا غلطانه اني صارحتك


يوسف.. امم وانتى بقي كنتى راحه التويلت ولا راحه تشوفيه شكله كان وحشك وانا اقول من ساعة ما دخلنا متوتره ايه وشكلك اتغير طلع كده بقي طلعتى بستغفلينى وواخدانى معاكي المكان اللي حبيبك فيه.. كان بيتكلم بصوت عالي

ليال.. وطى صوتك ده علشان انا مش مستعده ان حد يسمعك ويفكر فيا حاجه وحشه انا معملتهاش وقولتلك مكنتش اعرف انه موجود وكاااان يعني ماضي خلاص بقا ارتحت وبعدين مانت راجع في نص الليل سكران وحالتك زى الزفت وبكل بجاحه بتقولي انك عندها وبتخليها ترد علي التليفون كمان


يوسف خبط الكرسي بعصبيه.. متقارنيش نفسك بياا فاااهمه


ليال خافت من صوت الكرسي وصوته العالى وافتكرت سامح وهو بيعمل كده وبيضر بها على طول رجعت لورا وبعدين قعدت على الارض وسندت على السرير

هو كان مديها ضهره استغرب لما مسمعش صوتها تانى وانها مردتش عليه لف وشه وهو حاطط ايده علي رقبته لقاها قاعده كده

يوسف.. انتى كويسه!

ليال كانت بتدمع وساكته

قرب منها شويه.. ليال في ايه انتي كويسه

ليال هزت راسها

يوسف قعد جمبها علي الارض رفع وشها لاقاها بتعيط 🥹

مسح دموعها.. خلاص اهدى انتى اللى عصبتينى بكلامك


ليال.. قولتلك الموضوع خلص في الماضي انت مش مصدقنى مبحبش حد بكدبنى يا يوسف بتضايق بتخنققق

يوسف.. ماشي خلاص خلاص متزعليش اهدي انا مصدقك قال كده لما لاقها بتعيط جامد وحالتها وحشه

ليال حضنته مره واحده هو اتفاجأ منها وايده فضلت بعيدة عنها

ليال بصوت متقطع من العياط.. انا معملتش حاجه كانت ماسكه في القميص بتاعه وبتعيط افتكرت موقف من كام سنه

….. سامح.. مين اللي شال الاوراق من مكانها

منى.. هو حد بيدخل مكتبك يا سامح

سامح شد ليال من ايدها.. انا شايفك خارجه من المكتب وديتى الورق فين انطقي

ليال حطت ايدها علي وشها بخوف.. والله ما شوفته صدقني

سامح.. عيله بنت شوارع زيك متعوده على السرقه اكيد انطقي يابت انتي

منى.. سيب البنت يا سامح حرام عليك بقي

سامح شدها من شعرها دخلها الاوضه وقعد يضر.. ب فيها وهى تصرخ وتقول معملتش حاجه والله ما شوفته انااا مش كدااابه

… فاقت على ايد يوسف على ضهرها وهو بيهديها

اول ما قربت منه وحضنته افتكر موقفه مع ملك لما عمر زعلها ويوسف دخلها وحكتله وهى بتعيط وبعدين حضنته كان اول حضن ليهم وده اول حضن ليه مع ليال اللى هى ملك بس هو ميعرفش 😂 حس بشعور غريب ناحيتها وتلقائي حاوطها بإيده وفضل يهدى فيها

يوسف بصوت هادي.. حقك عليا متزعليش

ليال بعدت عنه ومسحت دموعها .. انا آسفه

يوسف.. محصلش حاجه خلاص انتى بقيتي احسن؟

ليال هزت راسها بنعم

يوسف بص في عينها.. اكيد

ليال.. ايوه

يوسف قام وقف خلع جاكيت البدله وفتح زراير القميص عشان يغير خد هدومه ودخل الحمام

خرج لقاها لسه قاعده

مد لها ايده.. انتى لسه قاعده ليه قومي

مسكت ايده وقامت راحت عند السرير تاخد مخده عشان تنام علي الكنبه

يوسف.. لا خليكي على السرير زمانك تعبانه

مردتش عليه لانها كانت تعبانه فعلاً وطلعت نامت

يوسف طلع على السرير هو كمان

ليال.. أنت بتعمل ايه؟؟؟؟

يوسف.. هنام

ليال.. لا والله

يوسف.. هى ليله مش معديه خلاص ياحبيبي بقي هنام مانتى لسه بايسانى من شويه

ليال حدفته بالمخده .. متقوليش حبيبي دى تانى

يوسف وطى خد المخده من ع الارض.. انتى تطولى 😒 وراح نام على الكنبه هو

……. …………. تانى يوم

نزلوا كلهم على الفطار وكانوا متجمعين وبياكلوا

سعاد دخلت.. في واحده برا اسمها مى بتقول عايزه يوسف

عمر بص ليوسف وليال كمان

يوسف اتصدم …

google-playkhamsatmostaqltradent