Ads by Google X

رواية اسمي جميله الفصل الخامس عشر 15 - بقلم حروف كاتب

الصفحة الرئيسية

 رواية اسمي جميله (كاملة جميع الفصول) حصريا عبر دليل الروايات بقلم حروف كاتب

رواية اسمي جميله الفصل الخامس عشر 

الحلقة الخامسة عشر............


 

اشتعلت جميلة من الغضب اكتر 

بعد ما خلص ماجد الضحك 

قامت سارة بغضب من على الاكل 

اما ماجد فقال بهدوء: مكنتش اعرف ان عصبيتك وحشة 

سابت جميلة القاعة كلها ومشيت بعصبية 

                           **** 

في اوضة بسيوني 

دخلت مي 

كان بسيوني قاعد ساند ضهره على السرير 

مي: اخدت الدوا بتاعك 

بسيوني: الحمدلله 

مي: الدكتور بتاعك قال هييجي النهاردة 

بسيوني: ايوة 

مي: بابا في موضوع مهم لازم نتكلم فيه 

بسيوني: موضوع ايه 

مي: موضوع ماهر 

بسيوني: ماله ماهر 

مي: بابا 

ماهر لازم يعمل العملية 

اتصدم بسيوني 

كح بسيوني جامد 

مي: بابا 

بسيوني بعصبية: انا مش عايز كلام في الموضوع ده 

مي: لا يا بابا 

احنا لازم نتكلم ودلوقتي 

ايه سبب رفضت للعملية 

بسيوني: انا قولتلك قبل كدة 

مي: ده مش سبب مقنع ابدا 

بسيوني: العملية خطر على ماهر

مي: بالعكس يا بابا 

العملية دي هترجع ماهر زي ما كان 

ومش خطر ابدا 

بسيوني: طيب طيب 

مي: محتاجين موافقتك قبل كل حاجة 

بسيوني: وانا مش موافق 

اضايقت مي جدا 

مي: هو عند يا بابا 

بسيوني: اخرجي برا دلوقتي 

مي: ماشي يا بابا ماشي 

وخرجت برا وقفلت الباب بغضب 

                              ****

في قصر ليلى 

قعد ماجد يشرب فنجان الشاي 

ماجد: عملتي ايه امبارح 

ليلى: مقدرتش اعمل حاجة 

وكملت بضيق: 

للاسف سارة اتدخلت في اخر لحظة قبل ما اوقعه في ايدي 

ماجد بضيق: بنت ال 

لا بصي انتي لازم توقعيه عشان انا وانتي نستفيد 

ليلى اعمل ايه يعني 

قعد ماجد يفكر ثواني وقال: جاتلي فكر عبقرية 

ليلى: ايه هي 

ماجد: اسمعي كويس 

انا هبعت ماهر وجميلة لشاطئ خاص على حسابي بكرة 

وانتي تروحي ومش هيكون معاكي حد 

وتبقى فرصتك جت لحد عندك على طبق 

من ذهب 

اتسعت ابتسامة ليلى وقالت: انت عبقري يا ماجد 

لا عبقري بجد 

ماجد: اهم حاجة تشوفي شغلك 

                           **** 

في المطبخ 

قعدت جميلة على الترابيزة وقعدت قدامها فاتن وادتها كوباية القهوة 

قعدت جميلة تقلبها على غير هدى 

فاتن.: مالك 

جميلة: مصدومة 

فاتن: في مين 

جميلة: فيه كله 

تصوري اللي انا شربته امبارح كان خمرة

انا مكنتش اعرف 

فاتن: اكيد طبعا مش ماجد كنتي متوقعة منه ايه 

ده سمعته سابقاه 

جميلة: المشكلة في الفضيحة اللي حصلتلي على الفطار

فاتن: متعتبريهاش فضيحة انتي معملتيش حاجة 

جميلة: بس انا مضايقة 

انني تعرفي مين تبقى ليلى 

فاتن بضيق: للاسف اه 

جميلة: طب هي ايه علاقتها بماهر 

فاتن: كانت خطيبته

جميلة بصدمة: خطيبته 

فاتن: ايوة 

كانت خطيبته زمان وانفصلوا لانها مستحملتش ظروفه وكانت انانية جدا 

جميلة: طب وهي ليه بتعمل كدة 

فاتن: تفتكري ليه 

سكتت فترة وكملت: عشان فلوسه طبعا 

كانت اجابتها خنجر طعن قلب جميلة 

جميلة بابتسامة شاحبة : طيب 

وقامت من مكانها من غير ما تشرب القهوة 

فاتن: على فين 

جميلة: تعبت وهطلع الاوضة 

طلعت جميلة اوضتها جري وقفلت على نفسها الباب وقعدت وراه وقالت: عشان الفلوس هاه 

طب تفرق عني ايه 

انا وهي زي بعض 

انت كمان اتجوزته عشان انقذ اهلي 

عشان الفلوس 

هضحك على مين ولا على مين 

انا يمكن اسوا منها كمان 

وسابت لدموعها العنان 

                             **** 

في اليوم التاني 

صحيت جميلة على صوت ماهر 

ماهر: جميلة اصحي كفاية نوم 

قامت جميلة 

لقت ماهر لابس ومتشيك وشايل في ايده عوامة 

جميلة بسخرية: ايه قررت تصيف في البانيو 

ضحك ماهر وقال: لا 

احنا هنسافر 

جميلة بصدمة: نسافر 

ماهر: ايوة ودلوقتي حالا 

جميلة: استنى بس عليا احنا هنروح فين 

ماهر: المصيف 

جميلة: المصيف 

بتهزر ولا ايه 

ماهر: تعرفي عني كدة 

احنا معزومين يوم كامل على الشط 

قومي البسي يلا هستناكي تحت 

وسابها في وسط ذهولها 

                                 *** 

جميلة: واااااااو 

كان البحر صافي قدامها ازرق جميل والهوا يهبل 

مسكت جميلة الطقية وثبتتها على راسها لتطير وقالت لماهر: الله اي ماهر

دي احلى رحلة في حياتي 

ماهر بابتسامة: المهم انها عجبتك 

مسكت جميلة دراعه وقالت بابتسامة: عجبتني جدا 

ابتسم ماهر وبص الاتنين على البحر 

كانت تتمنى جميلة تفضل معاه كدة للابد 

مااااهر 

ارتفع صوت انثوي بينادي على ماهر 

التفت ماهر وجميلة في نفس اللحظة واتسعت عيون جميلة من الدهشة 

كان قدامها اهر شخص تتوقع تشوفه 

ليلى بشحمها ولحمها 

كانت لابسة مايو بكيني ظاهر كل حتة في جسمها ونضارة شمس ولامة شعرها 

جميلة في نفسها: لااااا 

قربت منهم ليلى ومسكت ايدين ماهر وقالت: ازيك 

ماهر بضيق: ليلى مش كدة 

ليلى: ياه ذاكرتك مش بتخونك 

وباسته من خده 

اندهشت جميلة وكمان ماهر 

ليلى: ماهر تعالى نعوم 

ماهر: ايوة بس انا 

ليلى: يلا بينا انت جايب المايوه على الفاضي 

اشتعلت جميلة من الغيظ ومسكت ايد ماهر 

جميلة بضيق: ماهر هيفضل معايا 

ماهر: جميلة 

نتش ماهر ايده من ايدين ليلى وقال: انا مش هسيب جميلة 

اتغاظت ليلى جدا وقالت بسخرية: وانتي بتعرفي تعومي 

جميلة: جايز اكون مبعرفش اعوم 

لكن على الاقل مش شاطرة في خطف جواز الغير 

( ايه القصف ده شابوه)  

ضحكت ليلى بصوت عالي وقالت: عحبتيني جدا 

لعلمك انا كنت بختبرك بس 

جميلة باستنكار: فعلا 

ليلى: اها 

وعشان كدة هننزل نعوم سوا كلنا 

ضغط ماهر على ايد جميلة وقال: موافق 

جميلة: ماهر انا..

ماهر: متقلقيش مش هنبعد 

جميلة بضيق : ماشي 

نزلوا التلاتة البحر 

ليلى: ياه البحر منعش اوي 

جميلة بضيق: هو كان منعش 

وكملت بصوت واطي: قبل ما تيجي 

ليلى: ايه 

جميلة: ولا حاجة 

ابتسمت ليلى بخبث وقالت: اه 

جميلة: مالك 

حضنت ليلى ماهر 

اندهشت جميلة واتصدم ماهر 

ليلى: ماهر جالي شد عضلي 

مش قادرة احرك رجلي 

ماهر: طب نخرج من المياه 

ليلى: بقولك مش قادرة احرك رجلي 

ماهر: خلاص انا هشيلك 

جميلة: ابييييييييييييييه 

شال ماهر ليلى بين دراعيه وطلع بيها 

بصت ليلى لجميلة وغمزت 

اتغاظت جميلة جدا وقالت لنفسها: يعني يشيلها بالطريقة دي وعمره ما فكر يشيلني كدة الواطي 

ليلى: احنا وصلنا 

حطها ماهر على الرملة 

ليلى: متشكرة اوي 

وشدته من راسه وباسته

( اوباااااا 😱😱😱😱😱😂) 

وانصدمت جميلة بالمنظر 

بعد ماهر عنها بسرعة وقال بغضب: ايه اللي انتي عملتيه ده 

قربت جميلة من ليلى بمنتهى الغضب وضربتها بالقلم 

انصدمت ليلى 

ليلى بغضب: انتي...

مانتبهتلهاش جميلة 

وقالت لماهر: انا مروحة متكلمنيش 

ومشيت بسرعة

ماهر بدهشة: جميلة 

حطت ليلى ايديها على وشها مكان الضربة 

وقالت بكل الغضب: والله لوريها 

راحت جميلة عند الشاليه وقفلت على نفسها الباب وقعدت تعيط 

كان المنظر صعب عليها اوي 

كان نفسها تقتل ليلى دي قتل 

واكتشفت ان جوازها من ماهر كان مليان صعوبات 

وان في اكتر من شخص وقف في طريقهم 

واتمنت لو انها قابلته في ظروف تانية 

لو انه مكنش اعمى 

لو انها مكانتش فقيرة 

لو انها كانت جميلة 

بس للاسف 

بعد مرور ساعة قامت جميلة ومسحت دموعها 

وفجاة انفتح باب الشاليه ودخل ماهر بينهج جامد 

ماهر: جميلة انتي هنا 

جميلة بغضب: عايز ايه 

ماهر: انتي متعرفيش  انا عملت ايه عشان اوصل الشاليه 

جميلة: ميهمنيش 

وقالت بدموع: انا عايزة اروح 

سمع ماهر صوتها المليان دموع وقال: سيبيني اشرحلك 

جميلة: تشرحلي ايه ولا ايه

انت شلتها قدامي وباستك 

يظهر انك اشتقتلها 

كنت بتحبها صح 

هي كانت خطيبتك زمان 

عشان كدة المشاعر القديمة رجعت لقلبك تاني 

ماهر: اسمعيني الاول 

جميلة: مش عايزة 

انا عايزة اروح دلوقتي 

دلوقتي حالا 

 ماهر بحزن: طبعا 

ودخل يغير هدومه

                               *** 

رجعوا الاتنين القصر 

استقبلتهم مي 

مي بفرحة: هاه عملتوا ايه 

كانت رحلة حلوة 

مردتش جميلة واتجاهلت مي وطلعت لاوضتها بسرعة 

مي بقلق: ايه اللي حصل يا ماهر 

ماهر بحزن: حاجات كتير يا عمتو 

وانا متاكد ان جميلة مش هتسامحني تاني 

                             *** 

بعد مرور حوالي 3 ايام 

خبطت جميلة على اوضة بسيوني 

بسيوني: ادخل

دخلت جميلة 

وقالت: طلبتني 

بسيوني بابتسامة: تعالي اقعدي يا جميلة 

سحبت جميلة كرسي وقعدت قدامه 

بسيوني: سمعت انك زعلانة مع ماهر 

جميلة بحزن: ايوة صح 

ابتسم بسيوني وقال: دي حاجة طبيعي بينكو انتو ليه متجوزين جديد 

مردتش جميلة 

مسك بسيوني صورة كانت جمبه وبدا يمشي بصوابعه عليها وقال: صدقيني يا جميلة مهما حاولت اقولك 

انا حافظ ماهر حفيدي عن ظهر قلب 

واقدر اقولك انه عمره ما حب انسان بعد اهله قدك انتي 

حتى انا 

جميلة بحزن: معتقدش 

وقالت عشان تغير مجرى الحديث: المهم حضرتك عامل ايه 

بسيوني: مكدبش عليكي صحتي في النازل اوي 

جميلة: متقولش كدة ان شاء الله تتحسن وترجع احسن من الاول 

ابتسم بسيوني 

بسيوني: خدي دي 

خدت جميلة الصورة منه 

وبدات تتاملها 

كانت صورة عيلة ماهر 

غمض بسيوني عيونه بحزم وقال: اللي في الصورة ده ابني تحمد ومراته امل وولادهم ماهر وزياد 

جميلة: اه انا شوفت الصورة في الصالة 

بسيوني: الصورة دي معاها اسوا ذكرى عدت على قلبي 

بصتله جميلة باهتمام وكمل هو: ذكرى موته 

انتفض قلب جميلة 

جميلة: موته 

بسيوني: ايوة يا بنتي 

ونزلت من عيونه دمعة وكمل: جه الوقت اللي اقولك فيه عن سر خبيته جوا قلبي سنين 

وجه الوقت تعرفيه انتي كمان 

وغمض عيونه وبدا يحكي 


يتبع في الحلقة الجاية


   •تابع الفصل التالي "رواية اسمي جميله" اضغط على اسم الرواية 

google-playkhamsatmostaqltradent