رواية اسمي جميله (كاملة جميع الفصول) حصريا عبر دليل الروايات بقلم حروف كاتب
رواية اسمي جميله الفصل الثالث عشر
الحلقة الثالثة عشر.......
صحيت جميلة من النوم ودخلت تاخد دش وهي بتغني
المياه تروي العطشان
اها اها
😂😂😂😂😂( يلا نستناها عما تخلص ترويش)
طلعت جميلة من الحمام ولفت فوطة حواليها
وقفت قدام المراية وبدات تسشور شعرها
وتقول: ياه
هي دي الحياة ولا بلاش الله لا يعود ايام زمان
وفجاة انفتح الباب
ودخل ماهر
صرخت جميلة وسمعت الحي كله 😂
ماهر: جميلة
جميلة: يا حيوان
ورمت كل اللي على الحوض في وشه
ماهر: اه بتعملي ايه
جميلة باحراج: مش علموك وانت صغير تخبط على الباب قبل ما تدخل الحمام على الناس
ناسي ان في مخلوقة عايشة معاك في الاوضة
ماهر بضحك : اسف اسف
جميلة: غبي منحرف
وطلعت جميلة بضيق
****
في الجنينة
قعدت سارة بتنسق في الورد والهوا بيطير شعرها
كان شكله ساحر في الشمس
سارة: ياه يا ماما
لو ترجعي وتشوفي الجنينة بقت عاملة ازاي
وفجاة جت واحدة من الخدم وقالت: سارة هانم
سارة بضيق: نعم
قالت بتوتر: الفطار جاهز حضرتك
قامت سارة ونفضت هدومها
وقالت: طيب
بس يا رب تكونوا طابخين حاجة كويسة النهاردة
***
سمع بسيوني صوت خبطات رصينة على باب اوضته
بسيوني: ادخل
دخلت مي وشايلة صينية عليها اكل
مي بابتسامة: ده فطار مخصوص ليك
اتعدل بسيوني في سريره وقال: مكنش ليه لزوم التعب ده
مي: ازاي بس يا بابا
حطت مي الصينية قدامه وقالت: هو عندنا اغلى منك
بسيوني: شكرا يا بنتي
مي بضحك : عارف يا بابا خايفة اللي يشوف السعادة اللي احنا فيها دي يحسدنا
ضحك بسيوني
مي: مكنش ناقص غير ماما واحمد وامل وزياد الصغير
وكدة نبقى فرحانين بجد
بسيوني: ربنا يرحمهم هما اكيد فرحانين وفي مكان احسن من هنا
مي: يا رب
***
على سفرة الفطار
دخلت سارة قاعة الطعام
لقت ماجد بيعاكس بنت من الخدم وهي بتحاول تهرب منه
سارة بضيق: هو ده اللي اتغيرت هاه؟
ماجد: سارة
بصت سارة للخدامة بنظرة حادة
مشيت الخدامة بسرعة من الاحراج
ضحك ماجد بصوت عالي
قعدت سارة جمبه
سارة: واضح انك رايق اوي
ماجد: ومش هروق ليه بس
ما الحياة فل اهو
في الوقت ده نزل ماهر وجميلة
ماجد: جميلة يلا بسرعة تعالي يلا يا ماهر
قعدت جميلة وقعد جمبها ماهر
ماجد: عاملة ايه يا جميلة
جميلة: الحمدلله
ماجد: بس شايف انك احلويتي جدا عن المرة اللي فاتت
ضربته سارة في كتفه وقالت: مش ناوي تاكل بقا
ماجد: اه مالك
كان ماهر متابع الحوار وباين عليه الضيق
ماجد: اه صحيح نسيت اسالكم
انتو متجوزين من امتي
سارة: من خمس شهور
مش كدة
جميلة: ايوة صح
ماجد: الله ومش فيه حاجة جاية في السكة ولا ايه
عايزين نفرح بالحفيد الجديد
اتكسفت جميلة وحطت وشها في الارض
سارة: متسالهمش الاسئلة دي تلاقيهم بيتكسفوا من المواضيع اللي زي دي
ماجد: اللي يشوفك يختي بتتكلمي يقول انك فالحة ما انتي قعدتي متجوزة 4 سنين ومشوفناش حاجة
( قصف جبهة ده مش اي كلام 😂) احم احم
تفت سارة الشاي اللي كانت بتشربه واحمر وشها من الاحراج وقالت: لا على فكرة انا اللي مكنتش عايزة اخلف مش اكتر
ماجد: تمام تمام
فجاة قطع ماهر كلامهم وقال بثقة: هتشوفه قريب
بصله سارة وماجد بدهشة
عجزت جميلة عن النطق من الاحراج
جميلة: م..ا..ه..ر
ماجد بسخرية : وعد ده
ماهر بثقة: ايوة وعد
****
في المكتبة
قعد ماهر وقعدت جميلة جمبه
جميلة: ايه اللي انت قولته لماجد ده
انت خلتني هيغمى عليا من الاحراج
ماهر: مقولتش حاجة غلط
انتي مبتحبيش الاطفال
جميلة باحراج: لا بحبهم طبعا بس مش كان لازم تصرح كدة
ماهر بضيق: ماشي
جميلة: شكلك مضايق
مسك ماهر ايديها بقوة
جميلة: ماهر انت وجعتلي ايدي
ماهر: متخيلهوش يهزر معاكي تاني
جميلة باستغراب: هو مين
ماهر بعصبية: ماجد متخيلهوش يهزر معاكي تاني
متسمحيش لاي راجل يهزر معاكي غيري انتي فاهمة
انتي بتاعتي انا وبس
احمر وش جميلة وكمل ماهر: لو عرفت ان اي حد هزر معاكي كدة هكسر دماغك ماشي
جميلة: ح..حاضر
ابتسم ماهر
قرب منها ماهر اوي بوشه لدرجة معدش بينهم اي مسافة
ماهر: ما تجيبي بوسة
جميلة: ايه!؟!!!!!!!
بعدت جميلة عنه بسرعة واختل توازنها من المفاجأة ووقعت بالكرسي على الارض
جميلة: اي اي اي
ضحك ماهر جامد
ماهر: انتي وقعتي مش كدة
جميلة: بتتريق
ماهر بضحك: عارفة انا عرفت ايه اكتر حاجة انتي شاطرة فيها
قامت جميلة ونفضت نفسها وقالت: ايه هي
ماهر بضحك : تخريب اللحظات الرومانسية
( عارفين يا ابني والله وحاسس بيك انا والقراء 😂)
جميلة: نعم نعم نعم
اسمع كويس بقا لعلمك انا رومانسية جدا
ماهر بضحك: ما انا لاحظت كدة
قفل ماهر الكتاب وقام
سندته جميلة
جميلة: هنروح فين
ماهر: البسي واجهزي هخرجك
جميلة: بجد
ماهر: ايوة امال هزار
جميلة: شكرا يا ماهر
انا بحبك اوي
احمر وش جميلة
وانصدم ماهر
ماهر: اخيرا قولتيها
جميلة بضيق واحراج : متفهمش غلط دي مجرد كلمة
ويلا عشان منتاخرش
ضحك ماهر
****
وقفت العربية قدام محل هدوم فخم
نزلت جميلة ونزل معاها ماهر
جميلة: ايه ده
ماهر: هو ده محل الهدوم اللي عايزك تروحيه
عايزك تجيبي اي حاجة تيجي على بالك
جوا المحل
انبهرت جميلة من شكل الفساتين ومنظرها
وفجاة لفت نظرها قسم الاطفال
ماهر: ايه في حاجة عجبتك
جميلة: تعالى نروح عند قسم الاطفال اللي هناك
وشدته بسرعة
جميلة: الله ده هيليق اوي على ندى وده على فاطمة
يا ترى سالم هيبقى عامل ازاي في البدل
وراحت للبياع وقالتله: انا هاخد دول
البياع: حاضر
بس واضح انك صغيرة اوي معقول عندك تلات ولاد كبار كدة
جميلة بضحك: لا دول لاخواتي
لف الراجل لجميلة الهدوم
شالتهم جميلة
ماهر: انتي جبتي بس حاجات لاخواتك
متاكدة انك مش عاوزة حاجة لنفسك
جميلة: لا ابدا انا كويسة
وكمان انتو جبتولي حاجات حلوة اوي ومهتمين بيا
ماهر: فهمت
جميلة: تعالى معايا
ماهر: على فين تاني
جميلة: تعالى بس
خدتوا جميلة لقسم البدل
جميلة: ماهر تسمحلي انقيلك بدلة تلبسها
ماهر: بدلة؟
جميلة: اه حلم حياتي انقيلك حاجة على ذوقي لو توافق
ابتسم ماهر وقال: اكيد
فرحت جميلة وراحت تنقي ليه بدلة وفجاة وقع اختيارها على واحدة سودا
البياع: مش هتختاريلها كرافتة
جميلة: اه معاك حق
شاور البياع على ماهر وقال: جوزك ده
جميلة بخجل: ايوة
البياع: يبقى خوديله دي هتليق عليه
كانت كرافتة لبني
جميلة بفرحة : شكرا جدا
بعد ما ركبوا
جميلة: ماهر
ماهر: نعم
جميلة: عايزة اروح عند اخواتي ولديهم اللبس ده
ماهر: ماشي هما وحشوني قوي للعلم
جميلة بفرح: يلا بينا
عند بيت جميلة
دخلت جميلة لقت اخواتها صاحيين
بعد سلام واحضان وبوس كتير 😂
جميلة: عارفين انا جبتلكوا ايه
وطلعت شنط الهدوم
جميلة: يلا قيسوهم بقا ووروني
بعد ما قاسوا اللبس
منى: الله يا جميلة حلوين اوي
جميلة: اي خدمة مش حارماكو من حاجة
محمد: وانا يا كميلة
جميلة: يوغتي يا ناس
انت روح قلبي انا
وشالته وقعدت تبوس فيه
جميلة: ماهر انت شوفت محمد قبل كدة
ماهر: لا
جميلة: طب خد شيله واتعرف عليه لما اعمل الشاي
اخد ماهر الولد وشاله وقعده على رجله
بدا محمد يضحك
ندى: محمد ده الامير بتاع اختي
( مهووسة بيه زيادة يا ندى حاسبي جميلة تسمعك تدبحك 😂)
محمد: الاميل
ضحكت ندى وقالت: اه
بعد ما خلصوا الزيارة
سالم: جميلة تعالي تاني
فاطمة: وهلتيلنا لعب كتير
منى: مع السلامة
ندى ومحمد: مع السلامة
شاورتلهم جميلة وركبت مع ماهر العربية
****
في اوضة جميلة وماهر
كان ماهر قاعد تحت الشباك مباشرة
ماهر: جميلة تعالي اقفلي الشباك الجو برد
جميلة: حاضر
وراحت جميلة وهي ماشية اتكعبلت في رجل ماهر ووقعت في حضنه
كان وشهم قريب جدا من بعض
مسكها ماهر
ماهر: يغور الشباك
جميلة باحراج: هقوم اقفله
ماهر: لا
وحضنها وحط راسها عند قلبه مباشرة
ماهر: خلينا كدة شوية
غمضت جميلة عيونها وسمعت دقات قلبه سريعة جدا
جميلة بخجل : دقات قلبك سريعة اوي
ماهر بابتسامة: اكيد
وكمل بكسوف: مش بين ايديا مراتي اللي بحبها
كانت جميلة في قمة الاحراج
ماهر: عارفة نفسي في ايه
رفعت جميلة راسها وبصتله
ماهر: نفسي بصري يرجعلي تاني
خفق قلب جميلة
ماهر: زمان مكنش بيهمني اوي وكنت راضي بحالي لاني كنت فاكر ان الدنيا مش تستاهل تنشاف بس
من بعد ما قابلتك الحياة اختلفت
عرفت اد ايه الحياة جميلة وانها تستاهل
معاكي انتي وبس حسيت حاجات عمري ما كنت اتخيل اني هحسها
وعشان كدة اكبر امنياتي اني اشوفك
مش اسمع صوتك بس لا اشوفك
اشوف ضحكتك عاملة ازاي
وكمل بضحك
اشوف وشك وهو بيحمر من الكسوف
جميلة بحزن : نفسك تشوفني
ماهر: طبعا
جميلة انا بحبك
بحبك جدا
مقدرتش جميلة ترد
ماهر: انتي مبترديش ليه
انتي مش بتحبيني
جميلة: لا.. انا
ماهر بحزن: كنت حاسس انك مش بتحبيني
جميلة: لا متقولش كدة
ماهر بحزن : بتحسي بحاجة وانا جمبك غير اني عالة عليكي
جميلة: مستحيل
انا عمري ما حسيت انك عالة عليا
انا الوقت اللي بقضيه معاك بيساوي عندي الدنيا وما فيها
كفاية ضحكتك الصافية ولا هزارك معايا كفاية وجودك جمبي
انت الوحيد
انت الوحيد اللي بتخلي قلبي يدق
اتصدم ماهر
كملت جميلة باحراج: انت الوحيد اللي بيخليني اتكسف والوحيد اللي بيخليني معرفش اتكلم من الاحراج انت الوحيد اللي بتمنى افضل جمبه العمر كله واكون معاه
انت الوحيد اللي بحبه
وفجاة خفق قلب ماجد
كانت اول مرة يسمع كلام زي ده من جميلة
ماهر بخجل: مين يصدق ان الكلام ده يطلع منك
جميلة: ماهر
قربت جميلة منه وغمضت عيونها
وقرب منها ماهر وباسها
تحت ضوء القمر
*****
في القصر الخاص بليلى وعيلتها
جت وصيفتها وبلغتها ان في ضيف مستنيها واول ما بلغتها اسمه ابتسمت ليلى
خرجت ليلى للجنينة وقابلته
الضيف: انسة ليلى اهلا بيكي
ليلى: اهلا يا استاذ ماجد نورتنا
ماجد: ده نورك يا انسة ليلى
انتي كنتي عايزاني في ايه
ليلى: انت سمعت ان ماهر اتجوز
ماجد: ايوة حصل
ليلى: وانت راضي عن الجوازة دي
ماجد: قصدك ايه
ليلى: لا ده موضوع طويل
المهم
انا عاملة حفلة في القصر بكرة بمناسبة ولازم تحضروها
ماجد: ده يشرفنا طبعا
ليلى: ومتنساش تبلغ ماهر ومراته الجديدة هستناهم
ماجد: حاضر هيحصل
ليلى: يا ريت تديهم كرت الدعوة ده
وتقعد معايا شوية اصل القعدة لسه هتحلو
وابتسمت بخبث ومكر
****
في قصر عيلة النمر
في اوضة ماهر وجميلة
ماهر: جميلة
جميلة: نعم
ماهر: تعالي اربطيلي الكرافتة دي
قامت جميلة وراحت عنده
جميلة: متشيك كدة ورايح على فين
بدات حمي تحاول تربطها
ماهر: لا ابدا اصلي رايح كدة رحلة شغل مع جدو وعمو ماجد
جميلة: عشان كدة متشيك بقا
مسكها ماهر من وسطها
جميلة بحرج: ماهر
ماهر: غمضي عينيكي
اتحرجت جميلة واحمر وشها وغمضت عيونها
وفجاة قطع اللحظة صوت خبط على الباب
جميلة: انا..هروح افتح
راحت جميلة تفتح الباب
لقت فاتن في وشها
( بجد يا فاتن انتي دايما تيجي في مواقف بتنشن بتنشن يعني 😂)
فاتن: احم انا اسفة للمقاطعة بس
ناولت جميلة جواب
فاتن: ماجد بيه طلب مني اوصل ده
بدات جميلة تتفحص الظرف وقالت: ايه ده
فاتن: معرفش
جميلة: طيب شكرا يا فاتن
فاتن: العفو
وقربت من جميلة وهمست في ودنها: جميلة متنسيش تبقي تحطي مرطب شفايف
وغمزتلها ومشيت
جميلة بحرج : يخربيت سفالتك
ماهر: جميلة في ايه
قفلت جميلة الباب
جميلة: ده جواب فاتن بتقول ماجد باعته
شكله دعوة لحاجة
ماهر: طب افتحيه واقريه
فتحت جميلة وبدات تقرا
الانسة ليلى السيد تدعوكم لحضور حفل عيد ميلادها غدا الساعة الثامنة في قصرها الخاص
جميلة: هي مين دي
بدا ماهر يفكر وبعدين قال: ليلى السيد
الاسم ده مش غريب عليا
يا ترى سمعته فين ........
يتبع في الحلقة الجايه.....
•تابع الفصل التالي "رواية اسمي جميله" اضغط على اسم الرواية