رواية الان اقول احبك كاملة بقلم ندي سامي عبر مدونة دليل الروايات
رواية الان اقول احبك الفصل التاسع 9
ف الشركه بعد يومين
دخل فارس الشركه بهيبتو ك المعتاد و اول م دخل المكتب ب ربع ساعه دخلت وراه نانسى
نانسى : جبت احلى فطار لاحلى فارس
فارس بضيق : متشكر خليهولك انا فطرت مع مراتى و عيالى
نانسى بغيظ : حاجه بسيطه طيب
فارس بجمود : قولت متشكر .. عايز ورق الصفقه الاطاليه
نانسى بغيظ : حاضر
خرجت و هى متغاظه و دخل وراها الولد ابن صاحب ابو فارس ” زهران ”
_ ممكن ادخل
فارس بابتسامه : اكيد تعالى
_ انا بستأذن من حضرتك كنت عايز اخد اجازه عشان ابنى تعبان و محتاج ابقى جمبو عشان مامتو مشغوله جامد مع اهلها عشان تعبانين
فارس : اكيد طبعا و الف سلامه عليهم
_ الله يسلمك
سلم عليه و مشى و فارس قعد كمل شغله و كل ده نانسى مش سيباه ف حالو برضو
_______________________
ف البيت
ساره كانت قاعده لوحدها و بتعمل الاكل و خرجت تتفرج ع التليفزيون شويه و فونها رن و كانت مامتها
ساره : نونو حبيبتى وحشتينى اوى
نهاد : لو وحشاكى بجد كنتى سألتى
ساره : يا حبيبتى وانا اقدر انتى عارفه انى ببقى مشغوله ف البيت بس ده ميمنعش انكو ع طول ف بالى
نهاد : ماشى يا اختى اضحكى عليا
ساره : بقولك يا نونو م تيجى انتى و بابا انهارده تتغدو معانا
نهاد : بتاكلى بعقلى حلاوه عشان مزعلش
ساره : لا طبعا ايه الكلام ده .. مستنياكو ماشى
نهاد بضحك : ماشى يا حبيبتى هقول ل فؤاد و نجيلك
ساره : تمام مستنياكو
قفلت معاها و هى مبسوطه عشان هيجو و راحت المطبخ عند المساعده
ساره : فايزه معلش ممكن تزودى الاكل عشان ماما و بابا جايين انهارده
فايزه : حاضر يا هانم تحت امرك
ساره : متقوليش هانم تانى ونبى احنا صحاب عادى قوليلى ساره
فايزه بابتسامه : حاضر
ساره ابتسمتلها و مشيت و طلعت اوضها و كلمت فارس و هى بتنقى لبس
~~~~~~~~ ف الاوضه
ساره : حبيب قلبى عامل ايه
فارس : الحمدلله يا حبيبتى و انتى
ساره : الحمدلله .. بقولك بابا و ماما جايين ع الغدا متتأخرش
فارس : ينورو يا قلبى و انا هحاول متأخرش
كانت لسه هتتكلم سمعت صوت نانسى و هى داخله بتكلم فارس بدلع
_______________________
عند فارس
نانسى : فارس الاجتماع هيبدا كمان شويه
فارس : تمام انا جاى اتفضلى
نانسى قربت ناحيته بدلع و قالت : ايه رأيك نتغدى سوا انهارده
ساره سمعتها ف الفون ف قالت بعصبيه : فارس افتح الاسبيكر
فارس فتح الاسبيكر و هو عارف ان ساره هتنفجر فيها
ساره بعصبيه مكتومه : مش هينفع يجى يا حبيبتى هيتغدى مع مراتو و عيالو و اهل مراتو يا صفرا
نانسى بغيظ : ازى حضرتك مدام ساره
ساره باستفزاز : احسن منك يا عسل و اتفضلى اطلعى برا المكتب
نانسى بصت للتليفون بغيظ و خرجت و فارس كان كاتم الضحك و اول م خرجت ضحك جامد
ساره بضيق : اضحك اضحك .. عارف لو روحت معاها مره تاكلو برا هعمل فيك ايه
فارس بضحك : مقدرش اعملها اصلا
ساره : يلا روح الاجتماع و متتأخرش و متكلمش الصفرا دى
فارس : ماشى يا حبيبتى متقلقيش
قفل معاها و راح الإجتماع
_______________________
ف الفيلا
ساره كانت واقفه بتنقى هدوم و جالها مسدج ف مسكت تشوف مين لقت رقم غريب باعتلها ” وحشتينى مش هنرجع ” ف استغربت جامد و ردت ع المسدج
ساره : انت مين
اتعمل سين و بعد شويه الرقم رد
_ انتى مسحتى رقمى ولا ايه
ساره شافت و مردتش ف جت مسدج تانيه
_ ع فكره فارس مش هيكمل معاكى و هتلاقيه قريب مع السكرتيره بتاعتو دى
ساره : انت اهبل انت مين
مردش عليها ف ساره قعدت شويه تفكر و بتحاول تفهم مين الرقم و بيقول كده ليه
~~~~~~~~ بعد ساعات
وصل أهل ساره و كان فارس موجود و الياس و نيروز رجعو م المدرسه و اول م شافو نهاد و فؤاد جريو عليهم و سلمو عليهم و بعد شويه ساره كانت بتحط الاكل مع المساعده و راحتلهم تانى
ساره : يلا الاكل يا جماعه
قامو كلهم و راحو ناحيه السفره و نهاد كانت قاعده و جنبها م الناحيتين نيروز و الياس بتأكلهم
ساره : كلى يا ماما و سيبيهم انا هأكلهم
نهاد : بس يا بت دول عيالى انا إلى هأكلهم
ساره ابتسمت بحب و قعدو ياكلو كلهم بفرحه لحد م خلصو و الاكل اتلم و طلعو يقعدو ف الجنينه يتكلمو و يهزرو لحد م الوقت عدى و نهاد و فؤاد مشيو و ساره نيمت نيروز و الياس و طلعت اوضتها هى و فارس
~~~~~~~~ ف الاوضه
ساره دخلت لقت فارس قاعد ع الفون و مبتسم ف بصتله بشك
ساره : فارس
فارس : ايه يا حياتى
ساره : بتكلم مين
فارس : مش بكلم حد يا حياتى
ساره قعدت جمبو و بصت ف الموبايل لقتو قافل اللوك
ساره بغيره و شك : افتح الفون
فارس باستغراب : ليه فى ايه
ساره : افتح الفون
فارس فتح الفون و وراهولها و هى شافتو و لقت انو كان فاتح فيس عادى بيتفرج ع فيديوز
فارس بضحك : اتأكدى انى مش بخونك
ساره بصتله و هى بتفكر المسدجات و مرتدش عليه و شدت الغطا و نامت و فارس بصلها باستغراب
_______________________
بعد اسبوع
عدى اسبوع و ساره مسلمتش م الرقم إلى عمال يبعتلها و فارس نانسى مش سايباه برضو و بتحاول تقرب منو
_______________________
ف الشركه
ساره كانت مجهزه اكل و راحت ل فارس الشركه تديهولو عشان هو هيتأخر و لما وصلت لقت نانسى بتخرج من عندو ف بصتلها بقرف و نانسى وقفتلها
نانسى : انتى مين
ساره : انا مين !! انتى إلى مين يا سكر
نانسى : انا السكرتيره بتاعت مستر فارس .. انتى الخدامه إلى جايه تجبلو اكل مش كده
ساره بانفعال : بقى انا خدامه يا حيوانه تعاليلى
مسكتها من شعرها و فضلت تضربها لحد م فارس خرج ع الصوت و حاول يبعد بينهم لحد م ساره سابتها
فارس بزعيق : بس خلاص و انتى يا نانسى روحى مكتبك
قال كده و شد ساره لجوا
فارس : ايه إلى انتى عملتيه ده بتضربيها قدام الشركه كلها
ساره : هى إلى استفزتنى و بتقول عليا خدامه
فارس : ف تجبيها من شعرها يا ساره
ساره بغيره : خايف عليها اوى
بصلها بقله حيله و دهشه م إلى بتعملو و هى خرجت الاكل و حطتو قدامو
ساره : الاكل اهو انا هدخل الحمام
قامت و فارس خرج برا يعمل حاجات و ف الوقت ده دخلت نانسى و هى مستحلفالها و مسكت فونها فتحتو عشان هى كانت نسيت تقفلو و دخلت ع الواتس و جابت الرقم إلى بيبعتلها و سجلتو و كانت متفقه معاه و بعتت كام مسدج و سابت الفون و خرجت قبل م هى تخرج و لما خرجت قابلت فارس برا
فارس : خير فى ايه
نانسى : مفيش كنت جايه اقولك حاجه بس ملقتكش جوا
فارس : عايزه تقولى ايه
نانسى بتمثيل البراءه : انا جالى خبر كده أن شاء الله يطلع غلط يعنى
فارس : فى ايه قولى
نانسى : عرفت أن مرات حضرتك بتكلم حبيبها القديم
فارس بعصبية : نعم
نانسى : ايوه و لو حضرتك مش مصدقنى هتلاقيها بتكلمو واتس انا لما دخلت من شويه اصلا لقيتها خبت الفون فجأه
فارس بصلها بعصبيه و سابها و دخل المكتب و رزع الباب وراه
~~~~~~~~ ف مكتب نانسى
نانسى : اسمع هقولك ايه و نفذو سامع
_ قولى سامعك
نانسى : بص هتعمل ….
~~~~~~~~ ف مكتب فارس
ساره باستغراب : فى ايه مالك
فارس : السواق مستنيكى تحت
ساره : بس انا ..
فارس بزعيق : يلااا
ساره قامت بخوف من صوته و هى مستغربه فى ايه و نزلت ركبت مع السواق
_______________________
عند الفيلا
نزلت ساره م العربيه و لقت ضياء واقف قدامها ف وقفت ف مكانها و بصتلو بصدمه و لقتو بيقرب عليها
ضياء : حبيبتى وحشتينى
ساره : انت بتعمل ايه هنا
ضياء قرب اكتر و كان بيبص ف مكان معين و قال : وحشتينى ف جيت اشوفك انا عارف انى غلطت ف حقك كتير بس انا عرفت غلطى و جاى اصلحو يا حبيبتى و عارف انك لسه بتحبينى
ساره بسخريه : لسه بحبك انا اكتشفت انى مكنتش بحبك اصلا و بعدين انت كنت بتعملى ايه لما كنا مرتبطين ها كل م اقولك اتقدملى تقعد تتحجج ب حاجه شكل و اقول يمكن معوش فلوس دلوقتى بس اتاريك بتنصب عليا اصلا
ضياء بعصبيه مكتومه و تمثيل الحب : بس كنت بحبك و مازلت صدقينى
ف الوقت ده ضياء كان عمال يقرب منها و هى تبعد و بيضحك و هو بيتكلم بطريقه غريبه خلت ساره تشك فيه و كان فى حد من بعيد عمال يصور كل ده
ساره و هى بتبعد ندهت ع الحراس بزعيق و هما جم و مشو ضياء ب العافيه و الى كان واقف بيصور استغبى و ساره بصتلو بقرف و دخلت الفيلا
_______________________
ف الشركه بليل
كان فارس قاعد بيشتغل ع اللاب و دخلت عليه نانسى و معاها اكل
نانسى : قولت اجيبلك عشا عشان شكلك مطول
فارس بصلها بعدم اهتمام و رجع بص للاب
نانسى : الاكل حلو اوى ع فكره جرب
فارس لسه هيتكلم لقى أن فونو جالو مسدجات كتير و نانسى بصت بخبث و ضحكه جانبيه و فارس خد الفون يشوف المسدجات لقى ….
- يتبع الفصل التالي اضغط على ( رواية الان اقول احبك ) اسم الرواية