رواية سلف و دين كاملة بقلم لولو محمد عبر مدونة دليل الروايات
رواية سلف و دين الفصل التاسع 9
أية قاعده فى البيت بتكتب رساله و تبعتها
أية /روحت فين بس يا عمر
سمر تفتح الباب و تدخل
سمر / اخبار المزاكره ايه
أية تهز راسها
سمر / انا عارفه ان الفتره اللى فاتت كانت صعبه علينا كلنا بس لازم تعرفى ان انا و انتى ما عدلناش الا بعض و لازم تعرفى اكتر انى فخوره بيكى جدا و ان اى حاجه عملتها فى حياتى عملتها عشانك عشانك انتى و بس
سمر تبوس راس أية و تسيبها و تمشى و تبص عليها
سمر / زاكرى يا حبيبتى و لو عوزتى اى حاجه نادينى
أية تهز راسها و سمر تقفل الباب و تمشى
…………………….
فى شقه ندى فى الامارات
حسام / حاسك مش مبسوطه
ندى / دى بقت سجن يا حسام
حسام / خلاص هانت انا اتكلمت معاهم و التليفون هيركب فى اسرع وقت
ندى / انا مش فاهمه انا مش المفروض ان ورقى كله خلص ليه ما ينفعش يكون معايا موبايل يعنى مش لازم يكون حاجه جامده اى حاجه بتتصل وخلاص
حسام / خلصتى
ندى / هو ايه اللى خصلت
حسام / انا لو مانعك تكلمى اهلك كنت اديتك موبايلى طول الوقت كنت خليتك تكلميهم فى دبى
ندى / انا ما قولتش انك مانعنى
حسام / امال بستخسر فيكى مثلا النهرده هشتريلك موبايل و عيشى بقى
ندى / انت بتكلمنى كدا ليه
حسام / عشان زهقت
ندى / امال انا اعمل ايه
حسام / يووووه دى ما بقتش عيشه الواحد لو عمل ايه برده مش هيعجب سعادتك انا سيبهالك و ماشى
ندى تدخل اوضتها و ترزع الباب و حسام يخرج
……………………..
فى مصر فى شقه انور
انور/ ايه دا كلو يا على
على / دا من خيرك هو انا عملت ايه يعنى المهم طمنى على صحتك
ست كبيره تدخل و تحط صينيه شاى
الست / تاعبنى اخر تعب لا بياخد العلاج و لا بياخد باله من صحته و لا اى حاجه ابدا
على / ليه كدا يا حج
انور يبص لمراته
الست / حتى امبارح كان عندنا كشف عند الدكتور و ما رضاش يروح
انور / اروحله ليه ما دام ما عملتش التحاليل
على / و ما عملتوش التحاليل ليه
الست / قوله
على / بص يا حج العربيه تحت اللبسوا و انا معاكوا طول اليوم
الست / والله غلبت معاه
على / والله ازعل يا حج هو انا ما ليش خاطر عندك و لا ايه
انور / يا جماعه انا والله كويس
على / و ماله نطمن يلا يا حج بقى بلاش كسل و لا انت خايف من الحقنه
انور / هههههههههههههههه بصراحه اه
الست / ههههههههههههههه قوم يا انور بقى
انور / حاضر حاضر هو انا هقدر عليكوا
انور و الست يقوموا يدخلوا جوه و بعد شويه يطلعوا لابسين و يفتحوا باب الشقه عشان ينزلوا يقابلوا نور بترمى الزباله فى الشقه اللى قدامهم
الست / اسبقونى انتوا هسلم على نور و احصلكوا
على ياخد انور و ينزلوا
الست / بقى انا يا جزمه اعمل الرز بلبن و استناكى و ما تجيش
نور / هههههههههههههههه والله يا طنط يادوب خلصت مسح و قولت هفرد ضهرى ما حستش بنفسى غير و مروان بيفتح عليا الباب
الست / عاملين ايه مع بعض صحيح
نور / الحمد لله
الست / انا لازم انزل لما ارجع نكمل كلامنا
نور / خير على فين
الست / هناخد عمك نعمله شويه تحاليل
نور / اخيرا عرفتى تقنعيه
الست / والله لولا على ما كنت قدرت عليه ابدا
نور / على مين ده انا اول مره اشوفه
الست / جالنا كتير قبل كدا بس تلاقيكوا ما اتقابلتوش دا بقى يبقى دراع عمك اليمين و الحج بيعتبره زى ابنه و اكتر و بينى و بينك رايه طلع فى محله والله لولاه ما كان حد سال عنا و لا عبرنا
نور / انتوا طيبين و تستاهلوا كل خير
الست / يلهوى الكلام هياخدنا سلام سلام
نور / هههههههههههههههههههه سلام
……………………………….
عند ندى
حسام يفتح الباب و يدخل ندى تعمل نفسها نايمه يطلع و يدخل بعد شويه و معاه صينيه عليها اكل و عصير و يحطه على الكومدينو جنب ندى و يقعد جنبها و يطبطب عليها بالراحه تعمل نفسها صحيت
حسام / انا جبت اكل
ندى / مش جعانه
حسام / ندى انا و انتى ما لناش الا بعض و بعدين ما تحسسنيش انى تقيل عليكى اوى كدا
ندى / انا تعبانه و عاوزه انام
حسام / طب قومى كليلك لقمه
ندى / بطنى وجعانى
حسام / طب حتى اشربى العصير
ندى / سيبه و لما اصحى هبقى اشربه
حسام / طب حقك عليا خلاص بقى ما تبقيش قاسيه اوى كدا
ندى / مفيش حاجه يا حسام انا بس مش فى المود معلش سبنى شويه
حسام / طب هخرج و اسيبك بس على الاقل اوعدينى انك هتاكلى على الاقل اشربى العصير
ندى / عصير عصير عصير انا كرهت العصير اقولك هات
ندى تشوط الكاسه على اخر دراعها تتكب و الكاسه تتكسر
ندى / ادى العصير ارتاحت
حسام يبصلها بعصبيه
حسام / انا دلعتك زياده عن اللزوم لو فاكره صبرى عليكى ضعف فوقى انا قلبتى وحشه اوى و انتى اكيد مش هتعجبك فاتعدلى بالزوق احسن
حسام يسيب ندى و يمشى و يرزع الباب وراه و هى واقفه شايطه و بعدين تبص حواليها و تقعد تعيط
…………………………..
بعد فتره قدام الكليه
أية واقفه بتبص على اللى داخل و اللى خارج من البوابه تليفونها يرن تمسكه بسرعه تلاقيه عمر
أية / الو عمر انت فين اتصلت بيك كتير
على / انا على
صمت ثوانى
أية / امال عمر ؟؟؟ دا تليفون عمر عمر جراله حاجه
على / عمر عيان اوى بقاله فتره
أية / ماله فى ايه ماله
على / عمر عاوز يشوفك يا أية
أية / قولى العنوان و انا هجيله
على / هقولك بس ارجوكى متتاخريش
………………………….
عند ندى
حسام يدخل يحط صينيه اكل جنب ندى و هى نايمه فى السرير و يقعد جنبها تقوم تقعد
حسام / احنا هنفضل متخانقين كدا كتير
ندى تبص فى الارض و ساكته
حسام / طب انا عملت ايه لكل ده
ندى تبص لحسام
حسام / ماشى يا ندى هنزلك مصر
ندى / بجد يا حسام
حسام / انتى مش سعيده معايا هنا فمعدش فى مبرر اننا نكمل فى التمثيليه دى اكتر من كدا
ندى تقوم تقعد على ركبها فوق الغطا و تمسك ايد حسام
ندى / امتى يا حسام امتى هننزل
حسام / للدرجادى مش طيقانى .. ماشى يا ندى وقت مت تحبى
ندى / انا ما اقصدش يا حسام بس انت عارف قد ايه انا تعبانه هنا انا بموت بجد
حسام / انتى اللى عامله فى نفسك كدا ما تخرجى يا بنتى انتى فى اجمل بلد فى العالم و حابسه نفسك فى اوضتك و نايمه طول الوقت
ندى / بجد مش عارفه مالى انا حقيقى مش قادره اقوم من السرير نايمه طول الوقت و حتى لما بصحى ببقى مكسره و همدانه و مش فاهمه فى ايه
حسام / لسه الكوابيس بتجيلك
ندى / مش كتير زى الاول
حسام / كويس يعنى فى تحسن من حاجه اهو انتى بس اللى مستسلمه للاكتئاب ده
ندى / مش عارفه بجد ما عدتش عارفه
حسام / انتى متاكده يا ندى انك هتبقى كويسه لما تنزلى مصر
ندى/ ما قداميش حل تانى و اصلا احنا بقالنا فتره مش قليله هنا ما افتكرش فى سبب نكمل تمثيل
حسام / و لما تنزلى هتقوليلهم ايه
ندى / ما استريحتش ما قدرتش اتخانقنا انا عاوزه انزل مصر و انت عاوز تعيش هنا هقول الحقيقه اللى بيحصل دلوقت
حسام / و انتى فاكره انهم هيقتنعوا بالبساطه دى اكيد هيحاولوا يضغطوا عليكى او عليا خراب البيوت مش بالبساطه دى يا ندى
ندى / انا سمعت كلامهم و ما قدرتش مفتكرش هيضغطوا عليا اكتر من كدا
حسام / ندى فوقى اللى مضى مكانك فى القسيمه و كتفك و بصمك بالعافيه و قص شعرك و……
ندى / كفايه يا حسام فى ايه ما تولع فيا اسهل
حسام / انا مش عاوز اضحك عليكى و لا اغشك انتى مش صغيره و لازم تعرفى ان الوضع اللى اتحطينا فيه مش سهل و نزولك مصر مش حاجه سهله دا بيكلفنى فلوس و لو ضغطوا عليكى و ما قدرتيش عشان ترجعى هنا فلوس اكتر انا مش مانعك بس لازم تكونى قدها هتقدرى تقنعيهم هتقدرى على ابوكى هتقدرى اصلا تعيشى معاه فى نفس المكان بعد اللى عمله فيكى
ندى / دا ابويا يا حسام
حسام / و عمى بس اوعى تفتكرى انى هقدر اسامحه على اللى عمله فيا قبل اللى عمله فيكى انتى متخيله كسره قلبى و انا داخلك و طاير من الفرح على انك مراتى و انتى بتقوليلى بابا اللى مضى انا ما مضيتش متخيله كام مره اصدق الكدبه اللى كدبناها و احلم و افوق على الحقيقه ما انكرش انى كنت هضايق لو قالى انك رفضتينى بس فتره و هتعدى هفرحلك و اتمنالك الخير و هسافر تانى و اكمل حياتى لكن انا رجعت للصفر بسببه و مش بتكلم على الفلوس عشان انا مرتبى كبير دلوقت وهعملهم تانى فى سنه و لا اتنين مش زى الاول انا بتكلم عن قلبى اللى عمره ما هيسامح
ندى / فى الاول و الاخر ابويا … بلاش على الاقل امى ماما ملهاش دعوه بكل اللى حصل و اكيد لما هتعرف الحقيقه هتقف فى صفى
حسام / امك تقف لابوكى
ندى / عموا محمد مستحيل يقبل باللى حصل
حسام / برافو يعنى هتضربى الاخين فى بعض حقيقى برافو
ندى / لو ما سمعليش و لا سمع لماما مش هيبقى قدامى حل تانى اعمل ايه يعنى اكمل عمرى كله هنا قولى اعمل ايه
حسام / و لا حاجه اهدى خلاص انا ما بقفلهاش فى وشك انا بفكر معاكى فى حل … اقولك انسى كل الكلام ده مش هنخسر حاجه لما نجرب بصى انا هطلع اقعد فى الجنينه شويه تحبى تيجى
ندى / معلش يا حسام بجد همدانه اوى
حسام / تعالى بس انطرى الطاقه السلبيه دى هتفوقى صدقينى
ندى / معلش خليها مره تانيه
حسام/ خلاص على الاقل تخلصى اكلك ماشى
حسام يجيب كاسه العصير و يحطها فى ايد ندى و يبصلها تهز راسها يبتسم و يقوم يمشى و يقفل الباب ندى تقعد تفكر ثوانى و تتنهد و تبص لكبايه العصير و ترفعها على بقها تاخد بق فجاه تجيلها قرفه و تحط ايدها التانيه على بقها و تحط الكاسه بسرعه على الصينيه تميل و تقع تتكب و ندى تجرى على حمام اوضتها و شويه و تخرج و هى ماسكه بطنها تبص عىى العصير مغرق الصينيه و الكومدينو تمسك المناديل و تنشف و تنضف و تعدل الكاسه و تفرد ضهرها على السرير
ندى / معقول يا حسام مش عارف تميز العصير الحامض من السليم حرام عليك والله قلبت معدتى ياربى ايه اللى انا فيه ده مش قادره هموت و انام
ندى تغمض عنيها و تنام
…………………
فى شقه جديده
جرس الباب يضرب و على يروح يفتح الباب يلاقى أية
أية / عمر فين
على / جوه اول اوضه على اليمين خشيله مستنيكى من الصبح
أية تجرى على جوه و على يقفل الباب و عينه عليها و يخش وراها و هو بيطلع موبايله أية تدخل الاوضه جرى تلاقيها ضلمه تدوس الزرار تنور عمر قاعد على السرير و باصصلها فجاه على وراها بيقفل الباب و بيصورها بالموبيل فيديو أية تبص لعمر تانى
أية / هو فى ايه
عمر / ابويا مات و هو زعلان منى عشان انا اتحرشت بيكى
أية / انا قولتله الحقيقه
عمر / يمكن بس ما يخلصكيش نطلع امك كدابه
عمر يشد أية على السرير جنبه و هى بتصرخ و على بيصور
أية / لا يا عمر لا لاااااااااااا
………………………………….
عند ندى
حسام يفتح الباب يلاقى ندى نايمه و الكاسه فاضيه جنبها يبتسم و يدخل ينام جنبها فى السرير و ياخدها فى حضنه تصحى تتفزع يبصلها باستغراب
حسام / انتى لسه صاحيه ازاى
ندى / هو فى ايه انت بتعمل ايه
حسام / انتى كبتيه تانى
ندى تبص على الكاسه و تبص لحسام و هى مش فاهمه حاجه
حسام / ما تفرقش كدا احسن كفايا كدب بقى
ندى تحاول تقوم من السرير حسام يشدها جنبه و هى بتصرخ
……………………………..
عند أية فى الاوضه
عمر يقطع بلوزه أية و هى بتصرخ و تعيط
على / بيتهيالى كفايا كدا عليا و اسيبكوا على راحتكوا
أية / حرام عليك يا عمر لا
على يخرج من الاوضه و يقفل الباب وراه عمر يسيبها و يقعد جنبها أية تسحب نفسها لاخر السرير و هى بتتشحتف من العياط
عمر / احمدى ربنا انكوا ما اتهمتنيش باكتر من كدا عشان ما اضطرش اوسخ نفسى بيكى اكتر
أية / انا وثقت فيك
عمر / و انا كمان خالصين
أية / انا قولتله الحقيقه
عمر / ما كانش كفايا
أية تبص لعمر بحزن و تمسح دموعها و تلم نفسها و تقوم عشان تمشى عمر يمسكها من ايدها و يزنقها فى الحيطه و هى بتعيط
عمر / فاكره نفسك رايحه فين
أية / هتعمل فيا أية اكتر من كدا يا عمر
عمر / لتكونى صدقتى انى كنت سامحتك … بجد صدقتى انى ممكن ابصلك تانى … انا ما كرهتش فى حياتى قدك
أية / و انا قدامك انتقم اقتلنى لو تحب
عمر / ما تخافيش ده هيجى بس لما اخلص القديم و الجديد منك و من امك
عمر يشد أية على السرير تقعد تعيط عمر يروح يفتح الكومدينو و يطلع ورقه
عمر / اما نشوف امك هتعمل ايه لما تشوف الفيديو بتاعك … امضى
أية تبص فى الورقه و تبص لعمر
عمر / مش هتخرجى من هنا غير لما تمضى
أية تمضى عمر يصور الورقه و يبعتها واتس
عمر / اما نشوف امك هتعمل ايه لما تعرف ان انا و انتى متجوزين عرفى
أية / انت مين … انت مستحيل تكون عمر اللى اعرفه
عمر / حقيقى عمر اللى تعرفيه مات على اديكى بس ما تخافيش هيبقى عندك وقت طويل اوى تتعرفى على عمر الجديد اتمنى ما يعجبكيش
عمر يشد شنطه أية و يخرج من الاوضه و يسيب أية بتعيط و يقفل الباب بالمفتاح من بره
………………………………….
عند ندى
ندى قاعده على السرير بتعيط و واخده رجليها فى حضنها و مستغطيه حسام يطلع من الحمام لابس البرنص
ندى / ما كانتش كوابيس
حسام يقعد جنبها و يحاول يحط ايده على شعرها تزقه و تقوم تقف ما تقدرش تقع فى الارض على ركبها حسام يقوم يحاول يقومها تزقه
ندى / ابعد عنى يا حيوان ابعد عنى انت ازاى كدا ازاى ما شوفتش حقيقتك طول الفتره دى ازاى قدرت تضحك عليا طول المده دى ازاى
حسام / صدقينى ما كنتش اتمنى ابدا تعرفى بالطريقه دى
ندى / انا ندمانه على كل لحظه احترمتك ووثقت فيك فيها اول ما ارجع مصر هقول للكل على حقيقتك هفضحك فى كل حته
حسام / هههههههههههههههههههههههههه ترجعى مصر ؟؟؟ لمين ؟؟؟ لابوكى و لا لامك فوقى يا ماما ان كنت انا شيطان فابوكى ابليس
ندى / انا بكرهك بكرهك بكرهك
حسام / هو النهرده كام فى الشهر ؟؟؟ هبقى اجيبلك اختبار حمل معايا و انا راجع سلام
حسام يمشى و ندى تحاول تقوم تقف على رجليها مش قادره تقعد مكانها تعيط
…………………………..
عند سمر
جرس الباب يضرب سمر تروح تفتح
سمر / مش عارفه اعمل فيكى ايه يا أية ضيعتى مفاتيحك تانى …..
سمر تفتح الباب تلاقي على ساند عليه بكوعه و مبتسم اوى
سمر / انت عاوز ايه
على / مش هتقوليلى اتفضل … مش مهم
على يزق سمر و يدخل يقعد فى الصالون و يحط رجله على الترابيزه و التانيه فوقيها و يشاور لسمر تقعد قدامه
سمر / دا ايه البجاحه دى اطلع بره بدل اقسم بالله اصوت و اللم عليك امه لا اله الا الله
على ينزل رجله و يتعدل فى قعدته و يطلع الموبايل
على / اتفضلى خدى راحتك بس لما هيجوا هوريهم الفيديو الجميل ده بتاع بنتك و هى فى حضن عمر و لمى انتى بقى الفضيحه براحتك
على يمسك الموبيل و الفيديو شغال سمر تجرى تاخده منه و هى مصدومه على يقوم يقفل الباب و يرجع ياخد منها الموبايل
على / اهدى كدا و اقعدى عشان نعرف نتفاهم و نشوف هنلم الموضوع ده ازاى
سمر تمسك على من هدومه
سمر / انا هقتلكوا انتوا الاتنين هقتلكوا
على يفك ايد سمر و يزقها على الكنبه
على / قولتلك اهدى عشان نعرف نتفاهم لو عاوزه تشوفى بنتك تانى تقعدى و تسمعينى
سمر تبصله
على / بصى العين بالعين و السن بالسن و البادى اظلم
سمر / اسمع يا على لو عاوز الفلوس انا هديك اللى انت عاوزه
على / هاخدهم ما تخافيش هاخدهم بس انا حقى عندك مش فلوس بس و لا نسيتى
سمر / اعمل فيا اللى انت عاوزه بس أية ما لهاش ذنب ما لهاش يا على دى عيله
على يصرخ فيها
على / ما كنا عيال كنا عيال احنا كمان و كنا اصغر منها كمان كنتى رحمتينا كنتى رحمتى حد فينا اقولك اصلا مين دخل أية اللعبه دى مش انتى خلاص استحملى للاخر بقى
سمر / انا مستعده اعمل اى حاجه قولى بس انت عاوز ايه
على / دى عقود بيع العربيه و المحل و الشقه و دول شيكات مجموعهم خمسه مليون جنيه
سمر / خمسه مليون
على / ايه شويه نزود
سمر / انا ما عنديش المبلغ ده و لا حتى البضاعه اللى فى المحل تساوى المبلغ ده
على / عارف انا بس عاوزك تعيشى عمرك كله تحت رحمتى زى ما عشت سنين تحت رحمتك
سمر تبص فى الورق و تبص لعلى
على / ضيعى وقت كمان خلى عمر ينبسط
سمر / حاضر همضى
على يديها قلم تمضى على كل الورق
على / تمام هنروح انا و انتى الصبح الشهر العقارى نسجل الورق ده
على يجى يمشى سمر تمسكه
سمر / أية أية يا على
على / ما تخافيش أية مع جوزها
على يفتح الموبايل و يوريها صوره ورقه الجواز العرفى
على / لو سمعتى الكلام و ما عملتيش مشاكل اوعدك انى اقنعه يسجل الورقه دى و اهو برده نستر عليها من الفضيحه
سمر تقعد على الكنبه و تخبط بايدها على رجلها و تعيط
على / سنين و انا مستنى اللحظه دى مش قادر اوصفلك احساسى بيها اشوفك بكره يا مرات ابويا سلام
على يمشى و سمر تجرى تجيب الموبايل و تتصل ب أية يرن عمر يرد
عمر / الو
سمر / فين بنتى يا حيوان
عمر يقفل السكه التليفون يرن تانى يفتح
عمر / اتكلمى بادب
سمر / فين أية فين بنتى
عمر / نايمه
سمر / اقسم بالله لو عملتوا فيها حاجه
عمر يقفل السكه و يهز راسه و ينفخ التليفون يرن تانى
عمر / التالته هحدف الموبايل من البلكونه
سمر / خلاص خلاص صحيها ابوس ايدك اسمع صوتها بس
عمر / خليكى جنب الموبايل يمكن تصعبى عليا و اسمعك صوتها
سمر / حرام عليك يا عمر
عمر / ما انتى لو كنتى ربتيها ما كانتش حطتك فى الموقف ده
سمر / أية ملهاش ذنب انتقم منى انا اعمل فيا اللى انت عاوزه
عمر /ما تستعجليش على رزقك يلا انا داخل انام مش عاوز ازعاج و لا اقولك انا هقفل الموبايل خالص
سمر / لا لا ابوس ايدك لا
عمر يقفل التليفون و يحطه على السفره و يدخل الاوضه على أية يلاقيها بتعيط
عمر / لو جعانه فى اكل فى المطبخ
أية تبصله و هى بتعيط
عمر / لو ما عملتيش مشاكل هخليكى تكلمى امك مش هقفل الباب خدى راحتك بس افتكرى ان امك مضت على شيكات توديها فى ستين داهيه فا فكرى فى بهدلتها فى الحبس لو فكرتى تعملى مشاكل انا فى الاوضه التانيه
عمر يسيب الباب مفتوح و يروح اوضه تانيه و يقفل الباب على نفسه
……………………………………
عند ندى
حسام يفتح الباب و فى ايده كيسه ندى تبصله
حسام / هاتى ايدك اخد عينه
حسام يمسك ايد ندى ندى تشدها
حسام / انا عارف انك زعلانه بس ليه بتبصيله من النحيادى ليه ما تقوليش بيحبنى لدرجه انه عمل كل ده عشان اكون جنبه ليه ما تقوليش انه مستعد يعمل اى حاجه عشانى
ندى تبص لحسام بحزن
ندى / ماما كانت بتحطلى المنوم فى العصير فى مصر ؟؟؟
حسام / هى عارفه مصلحتك هى عارفه انى هسعدك
ندى / حتى ماما اشتركت معاكوا حتى ماما باعتنى
حسام / و انا شاريكى
ندى / و انا ايه بضاعه مليش راى
حسام / انتى صغيره و مش عارفه مصلحتك
ندى / و انتوا اللى عارفين انا عمرى ما هسامحك عمرى ما هسامحهم
حسام / انتى بتقولى كدا بس عشان الموضوع لسه سخن
ندى / انت ازاى بارد كدا ازاى اصلا قادر تبص فى عينى انت اغتصبتنى
حسام / و مش فخور بس انتى اللى اجبرتينى
ندى تتف فى وش حسام يضربها بالقلم على وشها تقع فى الارض يقوم يمسكها من شعرها و هى بتعيط
حسام / انا صبرت عليكى كتير و خلاص فاض بيا اخر الكلام من النهرده مش هدادى تانى و لازم تفهمى انك بتاعتى و مفيش قوه فى الدنيا دى هتاخدك منى
حسام يسيبها و يقوم يجيب الكيسه من السرير
حسام / فى تحليل حمل و ادويه لو طلعتى حامل خدى حبايه الصبح و حبايه بالليل من كل نوع تصبحى على خير
حسام يطلع من الاوضه و يقفل الباب و يسند ايده عليه و يبان على وشه حزن شديد
حسام / كل حاجه باظت كل حاجه ليه خلتينى اعاملك كدا ليه تجبرينى اقسى
حسام يفتح الباب بالراحه يلاقيها قاعده مكانها بتعيط يدخلها و يقعد جنبها تبصله
ندى / عاوز ايه رجعت ليه عاوز تضربنى تانى هتعمل فيا ايه اكتر من اللى عملته
حسام / انا اسف
ندى / رجعنى مصر
حسام / شوفى اى حاجه تانيه انا مش هقدر ابعد عنك
ندى / كل وعودك ليا كدب كل اللى فات كان تمثيل انت وعدتنى
حسام / انتى ايه ما بتحسيش قلبك حجر ليه مش قادره تفهمى قد ايه بحبك انا لو سبتك هموت هموت
ندى / و انا لو فضلت هنا هموت … هموت نفسى يا حسام هموت نفسى
حسام / بكره هنفتكر الايام دى و نضحك
ندى تبصله باستغراب
حسام / انا و انتى ما لناش الا بعض كل الازواج بيتخانقوا المشاكل فى كل بيت عادى هنحلها
ندى / انت مجنون انت بتقول ايه انا مش مراتك انت مش جوزى
حسام / انتى لو قولتى الكلمه دى قدام اى حد انتى اللى هتبقى مجنونه مش انا تقدرى تثبتى اى حاجه من الهبل اللى فى دماغك انتى مراتى على سنه الله و رسوله و كل الورق و الشهود بيقولوا كدا
ندى / انت مريض
حسام / بيكى انا هطلب دليفرى تحبى اطلبلك حاجه معينه
ندى تبص فى الارض و مش قادره تمسك دموعها حسام يحاول يقومها على السرير تانى تزقه و تقع فى الارض و هى بتعيط
ندى / ابعد عنى ما تلمسنيش
حسام ينفخ و يخرج من الاوضه و يرزع الباب وراه
………………………………….
تانى يوم عند عمر
باب الشقه يتفتح و على يدخل و سمر وراه
سمر / أية أية
أية تطلع من الاوضه و تقف بعيد سمر تجرى تاخدها فى حضنها
سمر / انتى كويسه عملوا فيكى حاجه قوليلى
أية تهز راسها لا عمر يطلع من الاوضه التانيه و يركن على باب الاوضه و يبص عليهم
سمر / خدتوا اللى انتوا عاوزينه يلا يا أية
عمر / على فين
سمر / يعنى ايه على فين
على / انتى بعتيلنا البيت و لا نسيتى
عمر / ثوانى يا على … انتى عاوزه تتفضلى براحتك بس أية مش هتروح فى اى حته
سمر / انت خدتوا اللى انتوا عاوزينه عاوز منها ايه تانى ما تسيبها فى حالها يا اخى انت ايه ؟؟
عمر / هو انت ما ورتهاش صوره عقد الجواز العرفى اللى بنتها ماضيه عليها و لا ايه يا على
على / شافتها
عمر / امال مالها
سمر / الورقه اللى معاك تبلها و تشرب ميتها و لعلمك انا مش هسكت على اللى حصل
على / هتعملى ايه يعنى بجد عندى فضول اعرف هتروحى للبوليس مثلا هتقوليله ايه سقيناكى حاجه اصفره و مضيناكى على الشيكات و العقود و لا بنجناكى و خدناكى الشهر العقارى
عمر / كان الاولى تروحى امبارح
سمر / اى كان اللى خدتوه فى داهيه بس بنتى لا
عمر / بنتك مراتى عاوزه تفضلى جنبها تخدميها بادبك اهلا و سهلا هتصدعينا الباب يفوت مليون جمل
عمر يبص على أية يلاقيها واقفه باصه فى الارض و بتعيط
عمر / خشى اوضتك … بكلمك خشى اوضتك
أية تبصله تلاقيه بيشاورلها على اوضتها تبص لامها و تمسك ايدها
سمر/ يلا يا أية
عمر / لو خرجتى من الباب ده يا أية مش هترجعيه ابدا
سمر تشد أية و على يوسعلها و تفتح الباب و تطلع تشد أية ما بتتحركش وواقفه تعيط
سمر / أية
أية بتبصلها و هى بتعيط و ساكته و بعدين تبص لعمر واقف بيبص عليها و على يروح يقعد على الكنبه و يتفرج و حاطت ايده تحت خده سمر تزعق فى بنتها
سمر / أية
أية / انا اسفه
سمر / مش هيقدر يعملك حاجه ما تخافيش منه
أية / ما ليش مكان تانى ما لناش مكان تانى
سمر / الشارع اهون منهم صدقينى
أية تهز راسها لا سمر تضربها بالقلم
سمر / كان معاه حق لما قالى لو كنتى ربتيها ما كانتش حطتك فى الموقف ده انا ما ربتش انا ما خلفتش اصلا ياريتنى مت و لا شوفتش اليوم ده
أية تحاول تمسك ايد امها تشد ايدها و تمشى أية تيجى تجرى وراها
عمر / أية
أية تقف قبل ما تحط رجلها بره الشقه و تقعد فى الارض و تعيط على يقوم
على / انا ماشى هتعوز حاجه
عمر / شويه و هحصلك
على يمشى و عمر واقف مكانه بيبص على أية و هى قاعده فى الارض بتعيط يروح يقومها
أية / ماما
عمر / هترجع ما لهاش مكان تروحه خشى جوه
أية تتحرك مع عمر يقفل الباب و ياخدها اوضتها و هى بتعيط
عمر / انا رايح الشغل الاكل فى المطبخ موبايلك اهو لو احتجتى حاجه كلمينى هرجع بالليل
عمر يجى يمشى
أية / هتعمل فيا أية تانى يا عمر
عمر يبصلها
أية / فى ايه مستنينى بالليل
عمر / على حسب امك ناويه على ايه سلام
عمر يقفل باب الاوضه و يمشى
………………………………
عند ندى
ندى قاعده علة السرير و الدموع مغرقه وشها حسام يدخل معاه اكل و لبن يحطه على الكومدينو جنبها
حسام / عامله ايه دلوقت
ندى / رجعنى مصر
حسام / انا بقى عملتلك الاكل ده باديا انما ايه يستاهل بقك
حسام يحط الساندوتش على بق ندى ندى تزق ايده
ندى / انت بتعمل فيا كدا ليه انا عملتلك ايه يا اخى ارحمنى بقى ارحمنى
حسام / كل ده عشان باكلك بايدى امال لو بضربك هتعملى ايه
ندى / و انت لسه ما ضربتش هو انت لسه فى حاجه ما عملتهاش دانت حطمت الارقام القياسيه فى القذاره يا اخى انت ايه هاه ايه
تليفون حسام يرن
حسام / مامتك تحبى تكلميها
حسام يدى التليفون لندى تحدفه على اخر دراعها حسام يبص عليه و هو مبتسم و يبص لندى تانى
حسام / كنتى عاوزه ترجعى مصر لامك دلوقت ليكى مين فيها ترجعيله بزمتك مش هنا احسن
ندى / بره اطلع بره اطلع بره يا اخى امشى امشى من وشى غوووور
ندى تزق حسام بره الاوضه و تقفل الباب و تقعد فى الارض تعيط
………………………………
فى شقه انور
انور / ههههههههههههههههههههههه
على / هو الموضوع وحش اوى كدا
انور / يا على يابنى انت جاى تاخد اذنى فى فلوسك
على / فلوس ايه بس يا حج انت صدقت و لا ايه الفلوس بتاعتك و هرجعهالك وقت ما تطلبها
انور / و عمرى ما هطلبها يا على عمرى و بالنسبه لموضوع فرع تانى انا شايف انها فكره ممتازه
على / خصوصا عند الجامعه يا حج المحل بيصفى انا هكلم صاحبه و نتفق و نظبطه و نفتح حاجه محترمه
انور / و ماله بس اوعى الموضوع يافور منك
على / ما تشغلش بالك بالفلوس يا حج الخير كتير و الموجود يسد
انور / خلاص على بركه الله
جرس الباب يرن
الست / خليكوا انا هفتح
مرات انور تروح تفتح تلاقى نور شايله صينيه عليها اطباق بليله
الست / اهلا اهلا بالقمر
نور / عملت شويه بليله قولت مستحيل ما تدقيهاش
الست / خشى خشى دوقى عمك …. دى نور يا حج
نور تدخل تلاقى على قاعد مع انور تبص على الست
الست / خشى يا نور دا مش غريب
نور / معلش انا قولت اجيب البليله و يادوب اخلص اللى ورايا
على / طب استاذن انا بقى يا حج
انور / الله يا على
على / والله مرهق من الصبح و على العموم اى جديد هبلغك
الست / والله ما اانت ماشى الا لما تدوق بليله نور دا انا اللى معلماها
على / لا مدام تعليمك يبقى اكيد حلوه
نور / طب دوق
على ياخد طبق من الصينيه و ياكل معلقه
على / حلوه اوى فعلا تسلم ايدك عن اذنكوا
انور / مع السلامه يا علوه
على يمشى و نور تقعد
الست / والله ابن حلال
انور يمد ايده ياخد طبق بليله
الست / السكر يا انور
انور / سكر ايه ما على اول ما شوفت نور هههههههههههههههههههه
نور / اخص عليك يا عموا انا هعييك
انور / انتى السكر يا سكر بقولكوا ايه انا هاخد طبقى و ادخل اكله بمزاج و انتوا ارغوا براحتكوا
الست / ههههههههههههههههههههههه الف هنا
انور ياخد طبق و يقوم
نور / انا محرجه اوى بجد احرجت ضيفكوا و مشى
الست / على دا مش ضيف دا ابننا اللى ما خلفناهوش عوض ربنا عن النعمه اللى اتحرمنا منها
نور / خت بالى حبكوا فيه
الست / و يستاهلها على ده اصله واد يتيم و غلبان الحج اللى مربيه و معتبره ابنه من سنين و لما لقى نفسه بيكبر و المرض بيتمكن منه قرر انه يكتب كل حاجه باسم على عشان ما حدش من اهله يبهدلنى بعد بعد الشر عمر طويل يعنى
نور / بعد الشر
الست / بينى و بينك فى الاول كنت حاطه ايدى على قلبى بس يوم بعد يوم بتاكد ان الحج له نظره مفيش حاجه بنحتاجها والله من غير ما نطلب و بيسال علينا اكتر ما لو كان ابننا اللى خلفناه بجد
نور / تربيه الحج بقى
الست / يووووه نستينى تشربى ايه
نور / و لا الهوي انا عندى كوم مواعين فى الحوض لحد السقف يادوب اخلصها قبل ما مروان يرجع انا قولت اللحقكوا قبل ما تناموا
الست / عامله معاه ايه دلوقت
نور / اهو مفيش جديد العادى
الست / خلى دماغك كبيره و ما تدقييش هيلف يلف و يرجعلك
نور / و لا ما يرجعش فى حاجات لما بتتكسر ما بتتصلحش
الست / ما تقوليش الكلام ده انتى و مروان قصه حب حرام تموت بالبساطه دى
نور / اقولك ايه بس مش عاوزه اضايقك بمشاكلى
الست / ما وراييش غيرك وقت ما تحبى تتكلمى تعالى
نور / حاسه انه رجع للبت دى تانى
الست / ما تنسيش انها زميلته فى الشغل ووشهم فى وش بعض طول الوقت
نور / ايوه بس مهم مش لوحدهم فى المكتب اشمعن هى يعنى
الست / يا بنتى ما تدخليش الشيطان فى قلبك
نور / مش عارفه اقولك ايه سبيها على الله انا اصلا تعبت من الموضوع ده
الست / بصى وقت ما تحبى تتكلمى انا امك هنا
نور / من غير ما تقولى طبعا استاذن انا بقى
الست / نورتى يا قلبى
نور تمشى
…………………………..
فى شقه أية
جرس الباب يضرب أية تقوم تقف مفزوعه يضرب تانى تتحرك ناحيه الباب بالراحه خالص و بخوف تبص من العين تلاقى امها تفتح علاطول
سمر / هنت عليكى
أية / ماما انا
سمر / ياريتنى مت قبل ما اعيش اليوم ده
أية / صدقينى غصب عنى
سمر / ماسك عليكى ايه كاسر عينك ازاى كدا
أية / بحبه
سمر تضرب أية على وشها بالقلم و تدخل ترزع الباب
أية / غصب عنى والله غصب عنى انا متاكده انه مش وحش
سمر / حتى بعد اللى عمله
أية / انا اللى جرحته الاول
سمر / انتى هبله دا طمعان فى فلوسك كل همه الفلوس بس و خدها
أية / عمر عمره ما ياذينى يا ماما انا متاكده ان….
باب الشقه يتفتح و عمر يدخل يشوف سمر و أية
عمر / اتارى …. منورين
سمر / الفلوس و خدتها عاوز ايه تانى ما تسيب البت فى حالها
عمر / تؤ تؤ تؤ دا كلام برده اما انا جايب شويه كباب و كفته تاكلى صوابعك وراهم
سمر / قطع الورقه و امسح الفيديو و سيب أية تمشى
عمر / على فين
سمر / ما لكش دعوه انت مش كل همك الفلوس عاوز منها ايه تانى تهمك فى ايه هى
عمر / فى واحده تقول لواحد مراتك تهمك فى ايه
سمر / ما تلعبش بيها يا عمر دى عيله و ما لهاش ذنب ان كان فى حد اذاك يبقى انا حقك خده منى انا
عمر / و هو فى حاجه ممكن توجعك اكتر من بنتك
سمر تبص ل أية
عمر / بصى انا راجع تعبان و هدخل انام حلال عليكى الكباب
سمر تمسك ايد عمر يبعد ايده من ايدها
سمر / سيب أية تمشى
عمر / انا مش مانعها بس ساعتها تنسى عمر خالص لكن لو عاوزه فرصه تانيه معايا قدامها حل واحد بس انها تعيش معايا و تعمل المستحيل عشان اقدر اسامحها
سمر / انا اللى غلطت فيك
عمر / انتى مين انتى ما تهمنيش فى حاجه ما كنتش مستنى منك لا خير و لا شر و لا عمرك فرقتى معايا لكن هي هى عارفه كانت ايه .. اختارى يا أية للمره التانيه و الاخيره تمشى معززه مكرمه مع امك و لا تورينى هتستحملى قد ايه لحد ما اسامحك
أية / تتجوزنى بعقد رسمى
سمر / ايه !!!!
عمر / انا جاهز و بطاقتى فى جيبى ننزل حالا للماذون
أية / ماما عشان خاطرى
عمر / انا بنام بدرى هنزل خمس دقايق لو ما كنتوش ورايا هطلع انام بالاذن … و اه ما تنسيش انك ماضيه على نفسك شيك يحبسك باقى عمرك و فى الاول و الاخر مش هيكون ليها غيرى
عمر ينزل و يقفل الباب
سمر / انتى بتعملى ايه انتى مجنونه
أية / بعد بابا انا و انتى ما لناش غير عمر
سمر / هياذيكى هيهينك و يجرحك و فى الاخر هيرميكى على اخر دراعه لما يزهق منك لما يرضى غروره
أية / مش عمر
سمر / جايبه الثقه دى كلها منين
أية / عشان بيحبنى
سمر / صبرنى يا رب
أية / والله بيحبنى لو ما كانش بيحبنى ما كانش ادانى فرصه
سمر / مفيش فرصه دا بينتقم منى بيكى
أية / كلام بس عشان ما يبانش بيحبنى و مش قادر ابعد عنه او اخرج من حياته صدقينى
سمر / يا بنتى اعقلى يا بنتى
أية / اى كان كدا كدا هتبقى جنبى و مش هتسمحيله ياذينى انتى هتحمينى
سمر / ارحمنى يارب
أية / يا ماما بلاش بيحبنى عشانك عشان الفلوس اللى مضيتيها على نفسك
سمر / اولع انا بس ما يتلمسش منك شعره
أية / يا ماما ارجوكى
الباب يتفتح و عمر واقف بره ماسك الباب بايده أية تطلع عمر يبص لسمر
عمر / مش جايه
سمر / حسبى الله و نعم الوكيل
عمر / حسبى الله و نعم الوكيل
سمر تطلع و عمر يقفل الباب
………………………..
قدام البيت
عربيه على تقف عمر ينزل و يفتح الباب ل أية تنزل و سمر تيجى تنزل على يمسك ايدها
على / هوصلك بيتك
سمر / مكانى مع بنتى
على / عرسان جداد ما تبقيش رخمه
سمر / اوعى كدا
سمر تنزل ورا أية و تمسك ايدها و تسبق بيها عمر يضحك و يكتمها
…………………
فى الشقه عمر يفتح الباب
سمر / بيتهيالى اللى انت عاوزه حصل و مفيش داعى نكمل اللعبه دى اكتر من كدا
عمر / لعبه ايه
سمر / انت عاوز تتاكد ان أية مربوطه بيك خلاص اتجوزتها خلصنا
عمر / مش فاهم تقصدى ايه
سمر / لا انت فاهم كويس اوى ما تصعش عليا
عمر / بصى مش معنى انى احترمت انك ملكيش غيرها و هسيبك تعيشى معاها و مش هحرمك منها انى ما اقدرش اعمل غير كدا و أية بمزاجك غصب عنك مراتى على سنه الله و رسوله
سمر / غصب
عمر / ما حصلش اساليها قدامك … انا غصبتك على حاجه يا بنتى
عمر و سمر يبصوا ل أية تهز راسها لا
عمر / شوفتى بصى حاولى تتجنبينى على قد ما تقدرى عشان انا قلبتى والله ما هتعجبك ماشى
سمر / أية هتنام معايا
عمر / هههههههههههههههه عريس و عروسه ليله دخلتهم تنام معاكى تعمل ايه هى رخامه و خلاص الحق عليا انى طلعتك معانا يعنى …. من الاخر كدا هتخشى اوضتى و تقلعى و تنامى فى سريرى عاوزه تنامى جنب امك يبقى تاخدوا بعضكوا و بره انا تعبان طول النهار و مش فايق للهبل ده
أية تبص لامها و تبص لعمر و تدخل جوه
سمر / عمر اتقى الله
عمر / ربنا يجعلنا من المتقين هو انا هغتصبها دى مراتى مراتي انتى ايه سقطتى الساعه اللى فاتت و لا ايه
سمر / أية صغيره و ثانويه عامه و ما تفهمش حاجه
عمر / كنت قدها لما طردتينى من البيت صغير و ثانويه عامه و ما افهمش حاجه عن اذنك
سمر / ما تنتقمش منى فيها هى ما لهاش ذنب انا قدامك اعمل فيا اللى انت عاوزه ارحمها ما تستغلش حبها ليك ابوس ايدك
عمر يحط ايده على كتف سمر و يقعدها على الكنبه و يوطى عليها
عمر / عاوزك تقعدى هنا و تهدى و تفكرى مع نفسك و تراجعى ذكريات حياتك و تفتكرى كل الناس اللى اذتيهم فى حياتك صدقينى هتلاقى ان اللى هتشوفيه على اديا هنا ما يساويش حاجه جنب اللى تستحقيه … عن اذنك
عمر يسيب سمر و يدخل الاوضه و يقفل الباب بالمفتاح يبص جنبه يلاقى أية تحت الغطا و بتبصله يتحرك يتكعبل فى هدوم فى الارض يبص عليها و يبص على أية و يخبط راسه بايده
عمر / لو فرقوا غباءك على بلد بحالها مش هيخلص انتى قلعتى بجد
أية تبصله باستغراب يمسك الهدوم و يحدفهالها تلبسها و هو قاعد على السرير مديها ضهره
أية / انت قولت
عمر / انا عارف انا قولت ايه انا قولت كدا عشان احرق قلب امك مش اكتر
أية / اتجوزتنى ليه يا عمر
عمر / عشان تفضلى تحت رحمتى مش اكتر
أية / كداب
عمر يبصلها
أية / انت بتحبنى
عمر يبتسم
عمر / باماره ايه اوعى تكونى صدقتى الفتره اللى فاتت هههههههههههههه لا فوقى انتى و لا حاجه بالنسبالى و لولا امك جت الكليه و عملتلى مشاكل انا ما كنتش عبرتك اصلا لولا انها فكرتنى باذاها ليا و ان سمها لسه ما خلصش عمرى ما كنت اديتك وش
أية / انت مضيت ماما على اللى انت عاوزه بيعتها كل حاجه و مضيتها على فلوس كدا كدا كنا هنفضل تحت رحمتك ما كنتش مجبر تتجوزنى
عمر / انتى قاصر ما اقدرش امضيكى على شيك و سهل اوى امك تلزقك فى اى حد و تتجوزى و تهربى و ساعتها مش هقدر اعملك حاجه و حبسى لامك مش هيشفى غليلى
أية / مابتعرفش تكدب على الاقل مش عليا
عمر / مش قلتلك عليكى غباء مش على حد انا عندى شغل الصبح نامى يا أية
عمر يفرد ضهره و يستغطى
أية / انت لو مت دلوقت انا هورثك
عمر يقوم يتعدل و يبصلها و هو مبتسم
عمر / اقتلينى
أية تبصله
عمر / على فكره هتاخدى معاش من الحكومه كمان لتكونى ناسيه اقتلينى .. اجيبلك سكينه
أية / انت بتحبنى
عمر / تعرفى ايه عن الحب يا أية
أية / ما اعرفش غير الاحساس اللى بحسه ناحيتك لو ما اسموش حب يبقى اسمه ايه
عمر / اسمه استبحس نامى
عمر يشد الغطا و يدى ل أية ضهره و هى قاعده جنبه بتبص عليه
…………………………..
فى شقه نور
مروان قاعد بيقرا كتاب على السرير و نور تيجى تقعد جنبه
نور / كنت عند طنط منال النهرده
مروان يقفل الكتاب و يبصلها
نور / تعرف ان الحج انور كتب كل اللى حلته لواحد كان شغال عنده
مروان / من اول مره شوفته و انا بقول عليه اهبل
نور / من ساعه ما قالتلى و انا مش قادره ابطل تفكير فى الموضوع ده
………………………..
فى شقه نور
مروان قاعد بيقرا كتاب على السرير و نور تيجى تقعد جنبه
نور / كنت عند طنط منال النهرده
مروان يقفل الكتاب و يبصلها
نور / تعرف ان الحج انور كتب كل اللى حلته لواحد كان شغال عنده
مروان / من اول مره شوفته و انا بقول عليه اهبل
نور / من ساعه ما قالتلى و انا مش قادره ابطل تفكير فى الموضوع ده
………………………..
مروان / هو فى حد ضامن حد فى الزمن ده بكره يضرب نفسه بالجزمه
نور / مش عارفه ما يتهياليش طنط بتقول من ساعه مكتبله الفلوس و هو بيسال عليهم و طلباتهم كلها مجابه و مهتم بيهم اوى تفتكر فى حد كدا
مروان / مفيش ملايكه على الارض يا نور
نور / مش عارفه بس يمكن شاف فيه حاجه
مروان / بقولك ايه يا نور ما تشغليش بالك بمشاكل الناس بكره نقعد جنب الحيطه و نسمع الظيطه
نور / ما اتمنالهمش ابدا دول ناس طيبين اوى يا مروان
مروان / ما قولتش حاجه بس ما حدش بيلف حبل حوالين رقبته فى السن ده و يسلمه لواحد غريب يا بنتى دا فى رجاله بترمى اهاليهم فى دور مسنين و اللى بيرفع قضيه حجر و يحجز على ابوه و اللى بيزل ابوه على اللقمه احنا فى زمن ما يعلم بيه الا ربنا
نور / بس اكيد فى ناس كويسه ما تقولش انك ممكن تعمل فى مامتك الحاجات دى و لا انا هعمل فى اهلى كدا و لا حسام
مروان يحط ايده على شعر نور و يبتسم
نور / سيبك سيبك احكيلى اخبار الشغل ايه
مروان / العادى مفيش جديد ملل ملل ملل
نور / كلمت حسام النهرده ندى حامل
مروان / مبروك
نور / عقبالنا
مروان / امين
نور / بقولك ايه ما تيجى نخرج بكره نروح اى حته نغير جو
مروان / انا بكره عندى جرد فى الشركه خليها يوم تانى معلش
نور / خلاص هروح لماما
مروان / و ماله اوصلك الصبح و انا نازل
نور / لا ما تعطلش نفسك انا هبقى اتصرف فى ورايا حاجات فى الشقه اعملها قبل ما انزل
مروان / اللى يريحك يلا يا حبى تصبحى على خير
نور / و انت من اهله
………………………..
فى اوضه عمر
عمر نايم و أية صاحيه جنبه بتبص عليه ما بيتحركش تحط ايدها عليه بالراحه
أية / عمر .. عمر
عمر / ايه
أية / انت نمت
عمر / اه
أية / مش عارفه انام
عمر / حاولى
أية / حاولت
عمر يتقلب على ضهره و هو بينفخ
أية / مش عارفه انام
عمر / عادى مغيره سريرك عادى ما تعرفيش تنامى
أية / اشمعن انت عرفت تنام
عمر / مرهق طول اليوم شغل و لف و قرف مش قاعد زيك
أية / طب خلاص نام
عمر يتقلب و يديها ضهره و أية بتبص يمين و شمال و تفرد ضهرها فى السرير و تقوم تقعد تانى و تحط ايدها على كتفه
أية / عمر
عمر / يوووووه
أية / مش عارفه انام
عمر / تصدقى انا غلطان اقسم بالله انا الغلطان اومى يا بت روحى نامى جنب امك قومى
أية / هههههههههههههههههههههههههه
عمر يلف و يبص عليها يلاقيها بتضحك عصبيته تروح و يبصلها
أية / مش عارفه انام
عمر / اعملك ايه اللعب فى شعرك و احكيلك حدوته
أية تنام جنبه
أية / كانت بتجيب نتيجه زمان جرب
عمر يبص الناحيه التانيه و يبتسم أية تقوم تقعد
أية / ما تخافش شعرى نضيف و متسرح
عمر / انتى عاوزه ايه يا أية
أية / جعانه ما اكلتش من الصبح
عمر / و انا منعتك ما المفتاح فى الباب ما تقومى تاكلى الاكل مالى المطبخ فين الكباب و الكفته اللى كنت جايبهم
أية / و انا اش عرفنى انا … هو ده بيتك ؟؟؟
عمر / مفيش نوم النهرده صح ؟؟؟
أية / اكيد فى يعنى … فاكر لما كنا بنطبق للصبح انا و انت فى الاجازه
عمر / انتى عاوزه ايه يا أية بجد و من الاخر
أية / جعانه قولتلك و ما تقوليش قومى النهرده فرحى المفروض العريس بيجيب الاكل لعروسته فى السرير
عمر يبصلها و هو رافع حاجبه و هى مبتسمه
أية / ما تبصليش كدا فاكر لما وعدتنى انك هتعملى احلى فرح فى الدنيا و تلبسنى احلى فستان فاكر
عمر / مش انا اللى وعدتك مش عمر اللى قدامك دلوقت
أية / قولى اعمل ايه عشان ارجع عمر القديم
عمر / ما اعرفش بس اى يكن مش وقته لانى بجد عاوز انام … أية عاوزه تاكلى قومى عاوزه تنامى نامى لو سمعت صوتك تانى هزعلك خلاص تصبحى على خير
عمر يدى ل أية ضهره و يشد الغطى و ينام أية تبصله و تنام جنبه و تحضنه من ضهره يبص عليها و يفك ايدها تشبكها تانى يفك ايدها تشبكها تانى و هى بتضحك ينفخ و يسيبها و ينام
عمر / لزقه
أية / بحبك
………………………………………
عند ندى تانى يوم الصبح
حسام يفتح الباب يلاقى ندى نايمه يقرب منها الاكل زى ما هو
حسام / ندى ندى
حسام يهز ندى ما بتصحاش يحط ايده على رقبتها و يبان عليه الخضه و يشيلها و يجرى بيها على العربيه
…………………
فى شقه عمر
عمر بيلبس هدومه و أية نايمه عمر يسرح شعره و يعدل الغطى على أية و يفتح الباب و يقفل الباب وراه بالراحه و يطلع بره يلاقى سمر قاعده فى الصاله بتعيط
عمر/ صباح الخير يا حماتى
سمر تقوم تجرى تدخل على الاوضه جوه
عمر / صباح النور يا عمر
عمر يفتح باب الشقه و ينزل
…………………..
فى اوضه أية
سمر / أية أية
أية تقوم مالنوم
سمر / ايه اللى حصل عمل فيكى ايه الحيوان ده
أية / اهدى يا ماما مالك
سمر / ما تقوليش اهدى انا طول الليل بدعى ربنا ما يطلعش عليا نهار
أية / ما عملش حاجه هو كان بيضايقك بس
سمر / انا مش مرتحاله انا متاكده انه مخبيلنا بلوه سوده
أية / عمر عمره ما هياذينى عمره
سمر/ انتى ازاى واثقه فيه اوى كدا بعد كل اللى عمله يا أية
أية / عشان ما لناش غيره يا ماما ما لناش
سمر / قومى فوقى شوفى هتروحى دروسك و لا هتعملى ايه
أية / حاضر
أية تقوم توصل لباب الاوضه و ترجع و هى بتدعك فى عنيها
أية / كل كتبى فى البيت هناك
سمر / هنروح نجيبها انجزى
أية / ماشى
………………………
فى المستشفى
حسام واقف يتكلم مع دكتور على باب اوضه
حسام / ما بتاكلش خالص و لا بتشرب و ترجيع طول الوقت غير عياط مستمر
الدكتور / طب كل اللى فات طبيعى لكن عياط ليه
حسام / مش عارف الحمل تاعبها و عاوزه تنزل مصر جنب مامتها
الدكتور / انت هتقولى كلهم كدا
حسام / فاكرين نزول مصر و السفر رايح جاى ببلاش دانا دفعت دم قلبى عشان اجيبها
الدكتور / هههههههههههههههههههه هتبقى كويسه ما تقلقش هى بس محتاجه متابعه و رعايه
حسام / اعمل ايه اكتر من كدا انا يادوب بروح الشغل و ارجع اقعد معاها و برده مش عاجب و اطلب اى حاجه غير انها ترجع مصر هو انا لحقت يا بنى
الدكتور / اهدى يابنى انت بس اكمنك جديد فلسه الصدمه هو بس تعب الكام شهر دول يعدوا و هتلاقيها نسيت مصر اصلا
حسام /يارب انا هدخل اطمن عليها بالله عليك لو كلمتك تعقلها لحسن انا غلبت معاها
الدكتور / ما تقلقش انا هتصرف اى حاجه تانى
حسام / ما اتحرمش
حسام يدخل الاوضه يلاقى ندى نايمه على سرير و معلقينلها محاليل يوطى و يمسح على شعرها
حسام / عامله ايه يا قلبى احسن
ندى / هو انت هتسبنى لما اموت
حسام / بعد الشر يا ندى ما تقوليش كدا انتى مش متخيله انا ازاى كنت هموت عليكى عشان خاطرى يا ندى تاخدى بالك من نفسك لو مش عشانى على الاقل عشان ابننا عشان اهلك عشان نفسك يا شيخه
ندى / نزلنى مصر نزلنى مصر يا حسام والله هسامحك
حسام / ما اقدرش انزلك دلوقت مش بمزاجى اصلا الدكتور كتبلك راحه فى السرير و انا سالته بره السفر ممنوع
حسام / حقك بس ابقى اساليه لما يجى يبص عليكى اساليه
ندى تعيط و تبص الناحيه التانيه
……………………..
فى شقه أية
سمر / خشى وضبى شنطتك و انزلى روحى دروسك عادي و اياكي حسك عينك حد يعرف حاجه عن اللى حصل امبارح مش ناقصين فضايح
أية تبص لسمر
سمر / يلا اخلصى
أية / حاضر
أية تدخل اوضتها سمر تقعد تبص لصوره محمود
سمر / شوفت عيالك عملوا فينا ايه عشان تعرف ان اللى عملته فيهم ما كانش شويه بس ما يبقاش شعرى على ست اما ندمتهم ما بقاش انا سمر
تليفون أية يرن على السفره أية تطلع جرى ترد
أية / دا عمر …. الو ايوه يا عمر
عمر / انتى فين
أية / روحت انا و ماما بيتنا عشان اخد الكتب و انزل الدروس
عمر / ما لكيش راجل تاخدى اذنه مش كدا ماشى لينا حساب فى البيت
أية / انا قولت … انا اسفه ما كنتش اعرف انك هتضايق
عمر / هتروحى امتى
…………………..
- يتبع الفصل التالي اضغط على ( رواية سلف و دين ) اسم الرواية