رواية الان اقول احبك كاملة بقلم ندي سامي عبر مدونة دليل الروايات
رواية الان اقول احبك الفصل الثامن 8
ساره كانت بتلبس فارس جاكيت البدله و بتعدلو الياقه و هى بصاله بحب
ساره بغيره : عارف لو واحده كلمتك و اتدلعت عليك و رديت عليها هعمل فيك ايه
فارس : يا حبيبتى انتى إلى ف القلب اصلا
ساره بضحك : اوعى التثبيت
دخل عليهم الياس و نيروز بلبس المدرسه
فارس : حبايبى العسلات تعالو
وطى و فتح دراعاتو و حضنهم جامد و شاور ل ساره تيجى و هى راحتلهم و حضنو بعض كلهم و بعدين ساره بعدت
ساره : يلا عشان متتأخروش الباص قرب يجى و انت يا حبيبى يلا عشان متتأخرش ع الشغل
خرجو كلهم من الاوضه و ساره طلعت مع الياس و نيروز ركبتهم الباص و فارس سلم عليها و ركب العربيه و راح الشركه
_______________________
ف الشركه
دخل فارس بهيبه المعتادة و كل الناس بصاله و فى منهم إلى باصلله بحقد و عايز ياخد مكانو و فى منهم إلى باصص باعجاب
~~~~~~~~ ف المكتب
دخل فارس و قلع الجاكيت و قعد ع الكرسى و فتح اللاب و بعدها دخلت عليه السكرتيره و معاها كوبايه قهوه و راحت ناحيتو بدلع
قالت و هى بتحط القهوه : قهوه مظبوطه زى م انت بتحب
فارس بتعديل : حضرتك زى م حضرتك بتحب ” كمل بابتسامه مستفزه ” حطى الملفات و ارجعى مكتبك
حطت الملفات و بعدين قربت منو
_ الياقه مش مظبوطه استنى اظبطهالك
لسه هتمد أيدها بعد و قال : انا بحبها كده تقدرى تتفضلى
خرجت السكرتيره بضيق و فارس بص مكانها بعصبيه و بعدين كمل شغلو
_______________________
عند الياس و نيروز ف المدرسه
نيروز كانت قاعده ف الفصل بتاعها بتلعب ب العرايس بتاعتها و فجاه جت واحده رمت كل العرايس بتاعتها من ع الدسك
نيروز بطفوليه : ايه إلى عملتيه ده عرايسى
راحت ناحيتهم تلمهم و هى بتدمع و كلهم واقفين يتريقو عليها و فى ولد قرب ناحيتها و مسك عروسه كسرها و ف الوقت ده كان الياس معدى و شاف كده ف دخل اتخانق مع الولد و ضربو بعض و دى كانت اول مره يعمل كده عشان هو مكنش بيحب التعامل مع الناس اصلا .. المدرسين فكو بينهم و خدو الياس و الولد إلى اتضح انو قدو ف السن و نيروز و البنت التانيه و عملولهم استدعاء
_______________________
ف فيلا ساره و فارس
ساره كانت قاعده بتعمل الاكل مع المساعده و فونها رن ف سابت الحاجه و راحت ترد
ساره : السلام عليكم
_ و عليكم السلام .. حضرتك مدام ساره والده الياس و نيروز
ساره بخوف : ايوه هما كويسيين حصلهم حاجه
_ اه يا فندم كويسين بس كنا عايزين حضرتك تيجى المدرسه دلوقتى عشان فى مشكله
ساره : خير فى ايه
_ مش هينفع ع التيلفون
ساره : تمام انا جايه
قفلت معاها و قالت للمساعده تكمل هى و راحت تلبس
_______________________
ف الشركه
فارس كان قاعد بيشتغل و لقىث فونو بيرن و كانت ساره
فارس : حبيب قلبى لحقت اوحشك
ساره : عيالك عملو مشكله ف المدرسه يا فراس
فارس : ازاى يعنى
ساره : معرفش الاخصائيه كلمتنى و عايزانى و انا رايحه دلوقتى
فارس : طب انا جاى اقفلى
ساره بسرعه : لا خليك انت كمل شغلك وانا هشوف فى ايه
فارس : ماشى يا حبيبتى بس ابقى طمنينى
ساره : حاضر
قفل معاها و دخلت عليه السكرتيره
السكرتيره بدلع : مستر فارس الاجتماع هيبدأ و مستنينك
فارس بصلها بقرف و خد الجاكيت بتاعو لبسو و راح اوضه الاجتماعات من غير م يديها اهتمام و ده عصبها
_______________________
ف المدرسه
ساره وصلت و دخلت اوضه الاخصائيه لقت الياس و نيروز قاعدين جمب بعض و قدامهم الولد و البنت
_ اتفضلى حضرتك اقعدى هنا
ساره راحت قعدت مكان م الاخصائيه بتشاور و كل ده و هى باصه على الياس و نيروز
_ حضرتك زى م انتى شايفه ولاد حضرتك اتخانقو مع البنت و الولد دول أو بمعنى أصح ابنك هو إلى اتخانق
ساره : مستحيل الياس اصلا بيخاف يكلم الناس
الاخصائيه فتحت الكومبيوتر ع تسجيل الكاميرا و قالت : اهو يا فندم لو مصدقانى
ساره بعد م شافت الفيديو : بس هو مضربوش م الفراغ الولد كسر لعبه نيروز و البنت رمت اللعب ع الأرض
_ بس كان ممكن ينده اى ميس تتعامل مش يضربو
ساره : انا شايفه أن تصرف ابنى صح و سريع عشان الولد و البنت ميعملوش كده تأتى
الاخصائيه بغيظ : حضرتك الولد اتضرب جامد
ساره ببرود : المطلوب منى اعمل ايه يعنى
_ ابنك لازم ياخد فصل اسبوع
ساره : و انتى فاكره ان لما حد يعمل مشكله و يتفصل ده الحل ده بالعكس اصلا اغلب العيال دلوقتى مش بتحب تروح المدرسه انتو كده بتكافئوهم
بصتلها الأخصائية بغيظ و قالت : حضرتك تقدرى تاخديهم و تمشو مش هيكملو اليوم الدراسى
ساره قامت بثقه و خدت الياس و نيروز و مشيو و كانو طول الطريق ساكتين
_______________________
ف البيت
وصلو البيت و ساعتها ساره انفعلت عليهم
ساره : بتضرب الواد يعنى يوم م متبقاش خايف م الناس تضرب الواد يا جبروتك يا اخى ياض ده انت لسه ف كيچى امال لما تكبر هتعمل ايه … وانتى مقولتيش ليه للميس لما البنت وقعت لعبك
نيروز بدموع : مكانتش موجوده
ساره لما لقت أن نيروز هتعيط راحت نحيتها و حضنتها و قالت ل الياس يجى و حضنتو هو كمان و فضلو كده شويه و بعدين ساره بعدت
ساره : خلاص كفايه نكد بس متعملوش كده تانى “قالت لتغير الجو” عاملين حته حله محشى انهارده فله .. اطلعو غيرو و كلو السندوتشات لحد م الاكل يجهز
_______________________
ف الشركه
خلصو الاجتماع و فارس خرج راح مكتبو لقى السكرتيره “نانسى” جايه وراه ف وقف فجاه و لفلها
نانسى : كنت جايه اقول لحضرتك لو فاضى ننزل نتغدا مع بعض
فارس ببرود : لا هروح اتغدى مع مراتى
قال كده و خد حاجته و مشى و هى بصت بعصبيه و حلفت لتبوظ جوازتهم و تخليه يتجوزها
نانسى بحقد : ماشى يا زفته يا إلى اسمك ساره مبقاش نانسى لو مبقتش حرم فارس الخولى و ام عيالو
~~~~~~~~ تحت
قبل م فارس يمشى م الشركه شاف ابن صاحب ابوه إلى بيشتغل معاهم جديد ف راح نحيتو
فارس : عامل ايه يا بطل
_ الحمدلله ازى حضرتك
فارس : الحمدلله و بعدين متقوليش حضرتك دى تانى احنا اخوات
الولد بضحك : تمام
فارس : يلا همشى انا كمل شغلك
سلم عليه و مشى ركب العربيه و رجع الفيلا
_______________________
ف الفيلا
رجع فارس لقى نيروز قاعده بتلعب ب العرايس و الياس قاعد قدام التليفزيون بيذاكر
فارس : حبايب بابا مش هيجو يسلمو عليه
الياس و نيروز اول م سمعو صوتو جريو عليه و حضنوه
فارس بابتسامه : وحشتونى اوى
الياس و نيروز : وانت كمان
فارس : فين ماما
ساره و هى خارجه م المطبخ : انا اهووو
راحتلو و هى مبتسمه و هو حضنها بنفس الابتسامه
فارس : شامم ريحه اكل خطير و الواحد جى ميت م الجوع
ساره : عامله محشى
فارس بتلذذ : يالهوى ع الجمال يا جماعه انا رايح اغير ع بال م تحطو الاكل
ساره ضحك و هو باسها من خدها و طلع يغير و هى دخلت المطبخ و بدأت تجهز الاكل مع المساعده و لما فارس نزل كانت السفره جهزت
فارس بدهشه : ده شكلو امال طعمو عامل ازاى
ساره بضحك : دوق و احكم
قعد ياكل بتلذذ من طعمه و ساره بصاله بحب و بتأكل نيروز و كل م تقول ل الياس يقولها انا بعرف اكل لوحدى
_______________________
ف مكان مجهول
_ ضياء معايا
ضياء : ايوه مين
_ كنت عايزه منك خدمه
ضياء : سامعك
_ ساره فؤاد .. اكيد عارفها كنت عايزاك تساعدنى ف …..
_______________________
- يتبع الفصل التالي اضغط على ( رواية الان اقول احبك ) اسم الرواية