رواية احلام المراهقة كاملة بقلم هي جنتة عبر مدونة دليل الروايات
رواية احلام المراهقة الفصل السابع 7
ياجين:مش هطلع من هنا غير لما اخد اللي انا عايزه
وبيمد ايده علي رقبتها مسكت ايده ولفتها خلف ظهره وزقته
علي الحيطه راسه اتخبطت ونزلت دم شاف الدم راح يضربها
بالقلم ضربته بالبوكس في وشه بقه جاب دم اتنرفز اكتر
ومسك تحفه علي المكتب وراح يضربها وفي الوقت دا دخل
رى ون مسك ايدع وضربو بالبوكس وقع علي الارض
وجره من رجله وطلعه برات المكتب ورجع لسلمي
رى ون : انتي كويسه
سلمي قعدت علي الكرسي وكانت منهاره : الحمدلله انا
كويسه مفيش حاجه بس عايزه امشي
رى ون :ماشي اتفضلي وخدي بكرا اجازه عشان ترتاحي
وتعوضي اليوم اللي راح منك
سلمي:ماشي ولمت حاجتها ومشت بس كانت ماشيه مش
عارفه تتلم علي اعصابها ورجليها مش شيلاها وصلت السكن
كان الكل نايم دخلت غرفتها
لقت مى راي واقفه ومبسوطه
سلمي: مي راي بلاش تخضيني كدا
مى راي:حاضر انتي كويسه وبتقول وهي فرحانه
سلمي:ايوا انتي مبسوطه ليه
مي راي :انا كنت في مكتبك مستياكي ولقيته(خايفه تقول
اسمه) دخل خوفت و استخبيت ورا الستاره وفرحت لما لقيتك ضربتيه كنت مبسوطه جدا
سلمي :ليه خوفتي منه
مى راي :اصل ….ولسه مكملتش لقت الباب بيخبط
فتحت سلمي الباب واول لم فتحت لقت مايا عل الباب
وبتبص على مى راي لقتها شكلها اتغير وبدأت تطلع اصوات غريبة
سلمي مسكت ايد مايا وطلعت برا الغرفه وقفلتها
وقالت عايزه ايه في حاجه
مايا مسكتها من ايدها جامد وقالتلها :انتي ازاي تضربي ياجين كدا
سلمي نفضت ايدها :ولو كررها هيحصلو اكتر من كدا
وانا عارفه انك مسعداه في اللي بيعملو وانا بنبهك احذري
مني انا مش ضعيفه ولا بنت هوينه انا واخده بطولة
الجمهوريه في الكونغ فو وبطوله ف التايكوندو وواخده
الحزام الاسود في الكراتيه يعني من الاخر ابعدي عني
احسنلك ….وسابتها ومشيت
عند رى ون راح عند ياجين بعد مالممرضات داوو جروحه
رى ون: ياجين انت عايز ايه من سلمي
ياجين :انا بحبها وعايز اواعدها
رى ون سمعه بيقول كدا اتعصب وقالو ابعد عن سلمي انا
بحذرك ودا اخر تنبيه وسابه ومشي
سلمي دخلت غرفتها لقت مى راي قاعده في جنب في الغرفه
وضامه رجليها الي صدرها راحتلها وقالتلها مى راي مالك في ايه
مى راي وهي بتبكي:قالتلها انا خايفه جدا
سلمي :خايفه من ايه
مى راي :انا هحكيلك كل حاجه
انا جيت هنا من سنه واتعرفت على البنات وحبيتهم جدا
وصاحبتهم وكنا كويسين مع بعض وبعد كدا اتعرفت علي
ياجين وحبينا بعض او كنت مفكراه بيحبني ودايما كان حابب
علاقتنا تتطور بعيد عن العلاقه البريئه وبدأ يصرحلي بنيته
وانا كنت برفض لان اهلي ناس محافظه ومبيحبوش اي علاقه
في غير اطار الجواز ولكن هو خلي مايا تقرب مني وتغير
تفكيري وابقي زيها ومع الايام فعلا قدرت مايا تغيرني
وفي يوم عزمتني وقالت انها عمله حفله لينا احنا التلاته
وبعد مشربنا وسكرنا مشوفتش حاجه غير الصبح وانا
نايمه في غرفه وهو نايم جنبي وبعد فتره اكتشفت اني
حامل روحت له وقلتله انه يجي يتقدم عشان والدي وعشان
اللي في بطني بس هو رفض ولما اصريت عليه اتفق مع مايا
انهم يموتوني ويبان انه انتحار عشان حامل لقيت مايا جايه
بتقولي انها عايزاني اروح مشور ورحت لقيتها وخداني في
مكان مهجور وكان هو مستني هناك وسابتنا ومشيت
وهو اخدني علي عماره عاليه تحت الانشاء وقالي انتي اللي
خلتيني اعمل كدا مكنتش عايزك تموتي انتي اللي اضطرتيني اموتك
اتوسلتله انه يسيبني وانا مش هتكلم وهبعد عنه بس هو
مسمعش كلامي وكان بيقرب مني وانا ببكي وبتحايل عليه
وبعد كدا معرفش ايه اللي حصل وبعدها لقتني هنا وفي بنات
بيجو يقعدو شويه ويمشو بسرعه لما بيشوفوني وحاولت
اكلمهم ومحدش سمعني غيرك عشان كدا عايزاكي انتي اللي
تساعديني وتجيبيلي حقي
سلمي:طب اساعدك ازاي قولي وانا اعمل
مي راي :انا هقولك تعملي ايه
- يتبع الفصل التالي اضغط على ( رواية احلام المراهقة ) اسم الرواية