رواية سأحبك بالتاكيد الفصل الثامن والخمسون 58 - بقلم بتول عبد الرحمن
رواية سأحبك بالتاكيد الفصل الثامن والخمسون 58
لؤي : تتجوزيني
فيروز بصدمه : ات .. جوزك
لؤي : اه زي م سمعتي كده
فيروز : بس ازاي
لؤي : هروح اطلبك من باباكي وهنعمل فرح عادي زي الناس
فيروز : انت هتقبل .. يعني هت….
لؤي : انتي ملكيش اي ذنب في ده … انتي مجرد ضحيه … وانا بصراحه بقا بحبك ومقدرتش استحمل بعدك من ساعة م مشيتي من المستشفى
فيروز : انت فاهم انت بتعمل ايه
لؤي : أنا اول مره اكون فاهم أنا بعمل ايه … اهم حاجه انتي موافقه ولا لاء
فيروز سكتت شويه وبعدين قالت : أنا مش عايزه اظلمك معايا … انت تستاهل حد احسن مني … وبعدين أنا خايفه … خايفه تحصل بينا مشكله الاقيك بتعايرني
لؤي : علشان انتي لسه معرفتنيش … بس انا مش زي م انتي متخيله … ولو انتي مش بتحبيني ومش هترتاحي معايا … أنا هقدر ده
فيروز : لا يعم هو أنا اطول … أنا بتكلم عليك انت
لؤي : صدقيني مش فارقه
فيروز : يعني انت بتحبني زي م بتقول ولا بتشفق عليا
لؤي : طب ده كلام يتقال
فيروز : حط نفسك مكاني … أنا خلاص كنت قررت اعيش كجسد بس
لؤي : وانا موجود! معتقدش … هااا موافقه ولا اروح انتـ ـحر أنا كمان
فيروز بابتسامه : لا موافقه طبعاا
رجع مازن الجامعه بالتاكسي ولقا صاحب التاكسي قاعد على الرصيف واول م شافها جري عليه بسرعه
نزل مازن وقاله : كويس اني لاقيتك … أنا كنت هدور عليك علفكره
_: وهو في حد يعمل اللي عملته ده غير أنه يكون حرامي … بس المهم أن التاكسي رجع … ده عليه اقساط
مازن : أنا اسف والله بس كانت فيه واحده بتتخطف ولازم الحقها وعربيتي في الجراش فكان لازم اتصرف
_: حصل خير يا استاذ … المهم أن التاكسي رجع وانك مش حرامي
مازن : طب تعالى معايا
بالليل عند عمر وميرنا
ميرنا : هتفضل مقموص كده ؟
عمر : مقموص ؟!!!
ميرنا : انت مش شايف نفسك ولا ايه
عمر : انتي اللي مش شايفه نفسك
ميرنا : انت اللي بتكبر المواضيع كلها … أنا بعدي انت لاء … ودي مشكله كبيره … وصدقني لو فضلت كده انا وانت هنخسر
عمر : وانتي شايفه أنه مش كبير … يعني انتي عارفه انك حامل بقالك يومين ومقولتيش واعرف بالصدفه
ميرنا بابتسامه بارده : كنت عايزه اعملهالك مفاجاه … كنت هعمل حركه رومانسيه واقولك اني حامل … بس انت اللي بوظت الدنيا
عمر : يعني انتي عايزه تفاجئيني فتعامليني بمعامله سمجه
ميرنا : انت اللي بدأت
عمر : فبتشربيني من نفس الكاس
ميرنا : مكانتش في دماغي علفكره … ولو مش مصدقني ممكن تسال لين … كنت بسالها وبقولها ايه اكتر طريقه ممكن تفرحك .. قالتلي الطريقه اللي فاجئك بيها اخر مره … وبما أنه استعملها معاكي فهيكون فرحان لو عملتيها فيه
عمر : ده بجدد
ميرنا : ااه بجد … انت دايما ظالمني مع اني عمري م ظلمتك … وده هيخسرنا بعض
عمر : يخسرنا ايه بس صلي ع النبي كده …. كل واحد وليه طباعه … بس انا هحاول اغير اللي مش عاجبك فيا
ميرنا : اتمنى بجد
تاني يوم الصبح
خالد : عايزه تعرفي ايه
منال : ايه السبب اللي خلاك تبعد عننا
خالد : شغلي … أنا مسبتش شغلي زي م قولتلك
منال : والله كنت حاسه … شغلك اللي مسببلي الغم ده
خالد : من غير شغلي ممكن اموت اصلا … وانتي اكتر واحده عارفه
منال : بس انت دلوقتي سبته … مش كده
خالد : قررت أقضي حياتي وسطيكوا … مش هلاقي حد احسن منك يستحملني
منال : وانت استحملتني زمان كتير برضو … احنا ملناش الا بعض
خالد : أنا عاملك مفاجاه
منال : ايه هيا
خالد : لو قولتهالك مش هتكون مفاجاه
عند ميرنا في الشركه
ميرنا : أنا تعبت بجد … كل شويه ابرر وكل شويه أعذر … وليه هو مش بيحس بكده
نيره : بس هو بيحبك جدا يا ميرنا
ميرنا : يا ستي ينعل ابو الحب الف مره لو هو بالمنظر ده … ده مش بيستحملني ساعتين على بعض في حين اني بستحمله كتير جداا
نيره : وهتعملي ايه يعني … دي حياتك
ميرنا : لا … أنا مش هفضل طول حياتي تعبانه نفسيا كده … بس صدقيني المره الجايه هاخد موقف
نيره : هتعملي ايه يعني
ميرنا : هتعرفي في وقتها
عند لين
فيروز : انتي محظوظه والله
لين : كله من عند ربنا بجد … بس طلع مش متجوز
فيروز : ولابس دبله ليه
لين : دي أخته كانت شاريهاله
فيروز : اهااا … بس بقينا مهتمين وبنسال اهو
لين : حاسه اني بفرح لما بشوفه … وحسيت اني لازم افتح معاه كلام واعرف إذا كان متجوز ولا لاء
فيروز : طب وليه الفرهده دي م الفيسبوك موجود … اول ظ تدخلي صفحته هتلاقيه حالته الاجتماعيه
لين : مجاش في بالي والله
بعد شهر من غير اي جديد
اتصلت فيروز بميرنا
ميرنا : فرح مره واحده كده
فيروز : أنا وهو عارفين بعض كويس … فالخطوبه ملهاش داعي
ميرنا : عالعموم الف مبروك وربنا يكملكوا على خير
فيروز : يارب … تعالي بقا انتي والعيله
ميرنا : عايزه اقولك أن عمو رن عليا وقالي نفس الكلام
فيروز : والله!!! … بابا سريع اوي كده
ميرنا : فرحان بيكي يا عروسه … وانا كمان فرحتلك
فيروز : تسلمي بجد
بالليل
ميرنا : عمو كلمك ؟
عمر : اه كنت لسه هقولك
ميرنا : عايزه اشتري فستان
عمر : اي وقت تكوني فاضيه فيه قوليلي وننزل نختار اجمل فستان
ميرنا : تسلملي … ممكن قبلها بيوم مثلا
عمر : على راحتك
ميرنا : لين بترن عليا … كانت قايلالي اروح اقعد معاها شويه
عمر : روحي بس متطوليش
ميرنا : اوكي
راحت ميرنا للين
لين : فيروز دي تقرب لمازن ايه
ميرنا : بنت عمه … وزي أخته كده بالظبط بدل ندى يعني
لين : ندى دي اللي ماتت
ميرنا : اه ربنا يرحمها … مشوفتيهوش كان عامل ازاي وقت م عرف انها ماتت
لين : هو بيحبها جدا
ميرنا : اكتر من نفسه … ده كان منهار عليها
لين : طب هيا ماتت ازاي
ميرنا : قالولي أنها تعبانه … وضد أنها تسمع خبر وحش ولما سمعت خبر وحش مستحملتش
لين : يا حراام … ربنا يرحمها … ويصبره برضو … هيا أخته الوحيده
ميرنا : اه علشان كده أتأثر بيها جدا … مكانش بيحب يشوفها متضايقه … كان بيحاول بكل الطرق أنه يسعدها … وهو عمل اللي عليه
لين : اكيد هيكون موجود في الفرح
ميرنا : ده اكيد يعني
لين : تخيلي اني محاولتش اتعرف على حد من عيلتك قبل كده … كان كلام سطحي جدا في فرحك وخطوبتك
لين : بس حساهم لطاف
ميرنا : اه جدا … هتحبيهم لو عاملتيهم
لين : هو فرحها امتا
ميرنا : اخر الاسبوع
لين : انتي هتشتري فستان
ميرنا : اه قولت لعمر
لين : وانا كمان عايزه اشتري … ولا مفيش داعي
ميرنا : لو عندك فساتين حلوه البسي واحد منهم
لين : عندي بس لبستهم كلهم قبل كده ومش هحب البسهم تاني
ميرنا : خلاص اشتري
لين : تمام ابقي قوليلي انزل معاكي
- يتبع الفصل التالي اضغط على ( رواية سأحبك بالتاكيد ) اسم الرواية