رواية سلف و دين كاملة بقلم لولو محمد عبر مدونة دليل الروايات
رواية سلف و دين الفصل الثالث 3
سمر / انا عارفه انه مش وقت ادايقك فيه بس فى حاجه لازم تعرفها
محمود / خير
سمر / على
محمود يبتنهد
سمر / بلاش بلاش خلاص
محمود/ ماله
سمر / عمل خناقه كبيره على المفاتيح لما عرف انك فى العمليات
محمود يبص الناحيه التانيه
سمر / انا بعت المفاتيح للبيت مع أية و حلفتله انها مش معايا و لا اعرف مكانها بس اقول ايه عمل فيلم و حلف مهو ماشى الا لما ياخدها الحمد لله انك قومتلنا بالسلامه
محمود / مش قادر يستنى اما اموت عشان يورث كنت شوفت منه ايه عشان يورثنى الا ما فى مره جه و سال عنى مكفاهوش اللى عمله مكفاهوش اخته
سمر / خلاص يا غالى بقى كفايا كلام صحتك احنا من غيرك ما نسواش
محمود / فين الغوايش اللى فايدك
سمر / متدقش بقى ياخويا صحتك بالدنيا
محمود / هعوضك يا سمر هعوضك اول ما اقوم
سمر / قوم انت بس و يبقى كفايا عليا اوى يا غالى
محمود / بتقولى انه لسه بره
سمر / اه ياخويا بره
محمود / افتحى الباب و ناديه
سمر / انادى مين لا يا خويا لا اسمحلى انت تعبان و احنا فمستشفى و دا واد صايع و اخاف يتهور عليك و احنا لوحدينا
محمود / متخافيش افتحى
سمر / و النبى بلاش
محمود / ما تتعبنيش بقى يام أية افتحى
سمر تروح تفتح الباب تلاقى على قاعد على كرسى و ساند راسه على الحيطه و نايم تروح تخبط على كتفه بالراحه يصحى و يقوم يقف
سمر / ابوك عاوزك
على يقوم و يمشى وراها بيقدم رجل و ياخر رجل و يمسح وشه و يعدل شعره و هدومه يخبط على الباب و يدخل و هو على الباب
محمود / انت بتعمل ايه هنا
على / بطمن على حضرتك يمكن تحتاج حاجه
محمود / ربنا ما يحوجنى ليك امشى من هنا مش عايز اشوفك
على يبص لابوه بحزن
على / بابا انا
محمود / انا مش ابوك انا ما يشرفنيش اكون ابوك انا ما خلفتش امشى
على يبص فى الارض و يبص لابوه تانى
محمود / ايه مستنى ايه فاكرنى هموت و قاعد مستنى البشاره
على / بعد الشر
سمر / معلش يا على امشى دلوقت ابوك عيان
محمود / انا مش ابوه
على / لو احتجتوا حاجه كلمونى
محمود / مش هنحتاج غور … قال يعنى يوم ما هنحتاج حاجه هو اللى هيساعدنا دانا لو بموت و علاجى عنده مش عاوزه
سمر / خلاص يا محمود بقى صحتك العمليه مش كدا
على يمشى
سمر / اوووووه يا باى
محمود يبص الناحيه التانيه و هو حزين
………………………
فى شقه على
على يدخل جرى على اوضته عمر يقوم مفزوع يلاقيه قاعد بيعيط
عمر / على فى ايه ابوك جراله حاجه
على يهز راسه لا
عمر / امال فى ايه مالك
على / انا عملتله ايه غلطت فى ايه انا كل اللى كنت بحاول اعمله انى احمى عبير منها كان عاوزنى استنى اما تحرقها زى ما حرقتنى كان عاوز منى ايه
عمر / هو طردك
على / دانا من دمه انهى اب ده انهى اب
عمر / خلاص يا على
على / خلصت … مانا خلصت فعلا خلص عليا انا عمرى ما اتمنيت اكتر من انه يعطف عليا حتى و لو بكلمه من ورا قلبه انا راضى
عمر ياخد على فى حضنه
على / انا مقتلتش عبير هو اللى قتلها هو لما جاب الشيطانه دى وسطينا هو اللى رماها لما سكت لما صدقها و كدبنا لما شاف ابنه بيتحرق و معملش حاجه
عمر / خلاص يا على
على / هو بيعمل معايا كدا ليه …….
تليفون على يرن
على / ندى !!!!
على ياخد الموبايل و يطلع البلكونه ما يلاقيش حد يرد
…………………………..
على / الو
ندى / شوفتك و انت داخل باباك ازيه
على / الحمد لله بقى كويس
ندى / مال صوتك مالك
على / بقيت زى الفل لما سمعت صوتك
ندى / عاوزه اشوفك
على / هتروحى بكره الكليه
ندى / ايوه
على / تمام هجيلك
ندى / كل حاجه هتبقى تمام متخافش
على يبتسم
ندى / ايوه كدا
على يبص يمين و شمال يلاقى ندى واقفه جوه اوضتها ورا شباك مقفول
ندى/ الدنيا برد خش نام لتعيي
على / فداكى
ندى / تصبح على خير
على / والله يا ندى مفى حاجه هونت عليا غيرك اوعى تروحى منى يا ندى
ندى تبص فى الارض و تبصله
ندى / تصبح على خير يا على
على / و انتى الخير كله يا ندى
……………………….
تانى يوم فى الكليه
ندى / باباك عامل ايه
على / كويس الحمد لله
ندى / الحمد لله
سكوت ثونى و الاتنين بيبصوا فكل حته غير على بعض
ندى / على
على / ايوه
ندى / انا سمعت بابا و ماما بيتكلموا بالصدفه امبارح
على / على ايه
ندى / عنك انت و عمر عمو انور كان بيلعب مع بابا على القهوه و قاله انه كان مع باباك فى المستشفى و بابا مستغرب يعنى اصل عمو كان قايله قبل كدا يعنى انكوا ملكوش حد
على باصصلها
ندى / هو انت ليه مش بتعيش مع باباك
على يبص فى الارض
ندى / انا اسفه اكيد ما كانش وقته ابدا انا قولتلك قبل كدا انى غشيمه و ما بفكرش و…
على / بعد ما ماما حنان اتوفت انا و عبير و عمر بقينا تحت رحمه مرات ابويا بصراحه ما قصرتش ما خلتش فى جهدها جهد انها تعذبنا لو عليا عادى استحمل انا كبير يعنى هو انا صغير بس اخواتى لا يا ندى اخواتى لا فكان لازم اخدهم و امشى
ندى / طب ما قولتش لباباك ليه ؟؟؟ليه ما قولتلوش انها وحشه اوى كدا
على يدحك دحكه مكسوره و عنيه تتملى دموع و يداريها بسرعه
على / ما صدقنيش عمره ما صدقنى دايما عندها حجه دايما عندها مبرر لدرجه انه ساعات كان بيضربنى فوق ضربها
ندى / معقول
على / عادى بتحصل هى برده كانت حلوه اوى
ندى / قصدك ايه يعنى مفيش راجل بيفضل ست على عياله مهما كانت حلوه
على يبصلها و يهز راسه و يبص قدامه و يسكت
ندى / طب لما مشيتوا ما دورش عليكوا روحتوا فين
على / روحت لامى
ندى / هى مامتك كانت عايشه
على / ههههههههههههههههههههههههههههههههه
ندى / انت بتدحك
على / عوزانى اعمل ايه
ندى / فهمنى انا هتجنن مامتك كانت عايشه و طنط حنان هى اللى تربيك و بعد ما تموت مرات ابوك كل ده و مامتك الحقيقيه عايشه انهى اهل دول انهى ام دى
على يسيب ندى و يقوم يقف بعد خطوتين ندى تنفخ و تروح تقف جنبه
ندى / انا اسفه
على / بابا و ماما اطلقوا من و انا عندى تلت سنين و مفيش كام شهر و اتجوزت و بابا كمان بعدها بحاجه بسيطه اتجوز كانت بتيجى كل فتره تزورنا و ما كنتش اعرف انها امى كنت ببقى فاكرها صاحبه ماما عرفت بعد كدا انهم كانوا خايفين بابا يعرف انها بتيجى ماما حنان ادتنى رقم تليفونها يمكن احتاج حاجه تقريبا كانت حاسه انها هتموت بس امى الحقيقيه عمرها ما كانت ام ليا و عمرها ما فرقت معايا لان كان عندى ام فعلا و اسمها حنان مش بس بالاسم لا بكل حاجه ام بجد
ندى / خلاص اهدى انا اسفه
على / انا هادى
ندى / خلاص ممكن نقعد
على يروح هو و ندى يقعدوا تانى
على / بصى يا ندى انا عارف انتى حاسه بايه فاهم بس مش سهل عليا اشرح انا معنديش اجابه لكل اسالتك لانى محاولتش اسالها انا عشت عمرى كله بحاول اعدى من مرحله لمرحله بحاول اتاقلم معرفش ليه ابويا و امى اطلقوا بس من سرعه جوازهم بعد كدا ممكن تخمنى بس برده مش هظلم امى ليه سابتنا لبابا و ما طالبتش بالحضانه ما اعرفش يمكن كانوا متفقين يمكن عشان كانت عاوزه تتجوز يمكن بابا ما كنش هيرضى يمكن حاولت و فشلت ما اعرفش و عمرى ما سالت
ندى تقرب منه سنه
على / حتى عنوانها ما كنتش اعرفه انا كان معايا رقم تليفونها و اتصلت بيها و قولتلها انى محتاج اجيلها و خدت اخواتى و روحنا جوزها ما رضاش يستقبلنا قولتلها على الاقل خلى بالك من عبير عشان متتاذيش و رجعت لابويا بعمر اللى رد فعله بدل ما يسالنى عملت كدا ليه انه طردنى بعد ما نزل عليا ضرب
ندى تمسك ايد على على يسكت و يبص على ايده
ندى / اهدى
على يبصلها
ندى / انا جنبك
على يبتسم و عنيه تلمع
ندى / انا جنبك
على / تتجوزينى
ندى / ايه !!!
على / تتجوزينى يا ندى
ندى / معرفش اكيد اه بس لا معرفش بابا مش عارفه
على / اهدى … انا جنبك
ندى / انت متعرفش حاجه يا على انت لو فاكر انك الوحيد اللى اهله فى بينهم مشاكل فانت غلطان اه انا ظروفى غير ظروفك بس انت مش فاهم بابا و ماما مبيبطلوش خناق احنا قدام الناس و بس لكن بينهم و بين بعض مش عارفه اقولك ايه
على / المشاكل فى كل بيت يا ندى
ندى / على انا ممكن اقولك اى حاجه صح
على / اكيد
ندى / انا بابا و ماما عايشين مع بعض عشانى ماما بتقولى عشان شكلى قدام الناس عشان ما حدش يقول عنى مطلقه بس هما مش متجوزين … متجوزين بس مش متجوزين انت فاهم حاجه
على / تقريبا
ندى / انت عمرك ما هتضربنى يا على صح عمر حبك و حماسك ده ما هيروح صح
على / عمرى يا ندى اوعدك و رحمه عبير و غلاوه عمر عمر ايدى ما هتترفع عليكى
ندى / افرض طخنت افرض عجزت
على / هههههههههههههه
ندى / انت بتدحك
على / عوزانى اقولك ايه هو انتى هتعجزى لوحدك مانا هعجز معاكى و احتمال يطلعلى كرش و اصلع و اضرب الفنله الحمالات و من دلوقت بحزرك انا فى المنجه شوارع
ندى / هههههههههههههههههه
على / انا مش هعرف اقولك لو طلبتى لبن العصفور او نجمه من السما او الكلام ده عشان انا متعودتش ادى وعود الا لو واثق انى هوفى عشان كدا هوعدك انى عمرى ما هحب غيرك ان مشاعرى ناحيتك عمرها ما هتقل عمرى ما ههينك عمرى ما هضربك هعمل كل اللى اقدر عليه هشتغل ليل نهار عشان الليق بيكى و احققلك اللى بتحلمى بيه
ندى تبتسم
……………………………
فى البيت
عمر / انت مجنون ؟؟؟ انت لسه صارف تحويشه العمر كلها على عمليه ابوك و اداينت رايح تتجوز
على / بحبها يا عمر
عمر / البت راحت لامها و قالتلها جايلى عريس و قالولك تعال هتقول لابوها ايه
على / متكركبهاش فوق راسى بقى
عمر / انا بفوقك
على / انا فايق انا حوشت الفلوس دى و هقدر احوش غيرها و من هنا لحد ما تتخرج يحلها ربنا
عمر / قصدك من هنا لحد ما يتقدملها عريس عليه القيمه ابوها يحلقلك و يقبله
على يبص لعمر
عمر / انا اسف بس انا خايف عليك
على / ندى مش هتكون غير ليا انت فاهم مش هتكون غير ليا
عمر / ماشى ماشى انا اسف اهدى
على يسيب الاوضه و يرزع الباب وراه
………………………
فى البيت عند أية
سمر / الف حمدالله على السلامه يا غالى نورت بيتك و مطرحك
أية / سلامتك يا بابا
محمود / الله يسلمك يا أية
سمر / ارتاح ارتاح يا خويا انا هعملك لقمه تكلها ثوانى و الاكل يكون جاهز
جرس الباب يضرب
أية / هروح افتح
أية تفتح تلاقى عمر وشها ينور و تبتسم من الفرح
عمر / روحت المستشفى لقيتكوا مشيتوا
أية / جوه اتفضل
سمر / مين يا أية … هو انت … عاوز منه ايه مش كفايا اللى جراله بسببك ايه جاى تكمل عليه
أية / ماما
سمر / خشى يا بت جوه خشى
عمر / انا بس عاوز اطمن عليه
سمر / بخير طول ما انتوا بعيد حل عنا بقى
عمر / هتقابلى ربنا بانهى وش باللى بتعمليه
سمر / شوفوا قله ادب الواد … بقى دى اخرتها يابن محمود حقى عاوز تبهدل ابوك و مراته فى اخر ايامهم هى دى الربايه يابن الاصول
عمر يبص باستغراب و محمود يطلع من الاوضه سمر تجرى عليه و تعيط
سمر / اللحقنى اللحقنى يا غالى شوف ابنك لسه مامتش و جاى يهددنى امال بعد كدا هيعمل فينا ايه هيعمل فينا ايه
عمر / حسبى الله و نعم الوكيل
سمر / فيك فيك يابن حنان
محمود / كفايا …. انت عاوز ايه
عمر / جاى اطمن عليك يا بابا
محمود / كلامى ليك كان واضح انا ما خلفتش روحله و خليك جنبه مش عاوز اشوف وشك تانى
عمر / دا اخويا يا بابا
محمود / اخوك اللى قتل اختك و اللى انت ما تفرقش كتير عنه
عمر / على مش هو اللى قتل عبير
محمود / اعمل زيه قول قول ان انا اللى قتلتها لومنى قول ان انا السبب
سمر / و انت مالك يا محمود هو انت اللى قولتلها تنتحر ما هى كانت قاعده هنا معززه مكرمه
عمر / صح
سمر / صحين تلاته اربعه
أية / بس يا ماما بقى بابا تعبان
محمود / اخيرا فى حد حس .. انا تعبان و داخل انام اقفلى الباب يا أية
أية تروح تقف قدام الباب و عمر الناحيه التانيه
محمود / قولت اقفلى الباب
أية تبص لعمر و هو يبصلها سمر تروح ترزع الباب فى وشه
سمر / خشى شوفى مزاكرتك
محمود / فاكر لما هيجى يقولى بقيت معيد هنسى كل اللى فات هنسى اللى عملوه
سمر / خلاص ياخويا ما تعملش فى نفسك كدا صحتك احنا محتاجينك
محمود / ولاد الكلب ولاد الكلب
………………………………
فى الكليه
غاده / ليه ما قولتليش ان باباك كان عيان
عمر / عادى يعنى ما جتش مناسبه
غاده / و هو عامل ايه دلوقت
عمر / الحمد لله كويس
غاده / مالك يا عمر فى ايه
عمر / مفيش والله
غاده / امال بتقفل فى الكلام ليه على العموم مفيش مشكله عن اذنك
غاده تقوم عمر يقوم وراها
عمر / غاده غاده انا اسف بجد بس انا مش فى المود خالص
غاده / انا كنت فاكره اننا اصدقاء
عمر / يا ستى هو انتى فى زيك فتره و هتعدى استحملينى معلش
غاده/ تمام الله يعينك برده باباك تعبان هو انا ممكن اروح اشوفه
عمر يبصلها و يسكت
غاده / عادى يعنى زميلتك فى الشغل و كدا … معقول باباك يفهم حاجه غلط
عمر يحط ايده على وشه و يرجع يقعد مكانه تانى
غاده / و دا معناه ايه يا عمر
عمر / كانك سالتى و زياده
غاده / فهمت ما تاخدش فى بالك عن اذنك
عمر / ياربى غاده استنى
غاده / عادى يا عمر انا اصلا ما كنتش هاجى معاك لوحدى القسم مليان اكيد فيهم واحده مستعده تعمل الواجب يعنى دى زياره مريض على فكره
عمر / على فكره الموضوع مش كدا خالص
غاده / امال
عمر / مفيش حوار كدا بقولك ايه ما تيجى نفطر انا جعان
غاده / اكتر من اربع سنين يا عمر عمرك ما اتكلمت عن اهلك عمرك ما جبت سيرتهم حتى لما بتيجى بتغير الموضوع انت مش ملاحظ ده
عمر يبصلها و يسكت
غاده / سكت يعنى
عمر / مش شغلتى كورسات التنميه البشريه اتفضلى خدى راحتك
غاده / انا اسفه
عمر / على ايه
غاده / مفيش انا الغلطانه اصلا انى بسال انا مالى يعنى انت الخسران
عمر / ههههههههههههه اربع سنين نعرف بعض و لسه شايفك مجنونه
غاده / اسكت
عمر / حاضر
……………………
فى شقه ندى
مها / اهلا اهلا نورت يا حسام ازيك
حسام / الحمد لله ازيك يا عمتى اخبارك ايه امال ندى فين
مها / فى الكليه زمانها جايه انما ايه الحاجات دى كلها
حسام / دى شويه حاجات جبتها لندى يارب بس تعجبها
مها / كل دا كلفت نفسك والله يا حسام يابنى
الباب يتفتح و ندى تدخل
مها / اهى جت اهى
ندى / ايه ده ازيك يا حسام اخبارك
حسام / يا شيخه امال لو ما كانش بقالى فتره فى مصر ما سالتيش حتى بتليفون
ندى / سورى بجد انا عارفه انى مقصره فى حقك بس الدراسه و الكليه انت عارف
حسام / يا ستى و لا يهمك انا بقى طلعت اجدع منك و جتلك بنفسى اقعدى شوفى بقى جبتلك ايه
مها / اما انا عامله شويه كوسه انما ايه هتاكل صوابعك وراها هقوم اغرفلك
ندى / معلش يا حسام انت بقالك كتير اوى مسافر ماما نسيت انك ما بتحبش الكوسه
حسام / انتوا مكبرين المواضيع ليه يا جماعه عادى انا مش غريب
ندى / اقولك المحل اللى قدامنا بيعمل شاورما اممم ما اقولكش تحفه انا هنزل اجيب ليا و ليك ايه رايك انا عزماك يلا يا سيدى ان شالله ما عن حد حوش
حسام / طب بقولكوا ايه ما تيجوا نخلع و نتغدى بره كلنا
ندى / بص انا ما سبتش حته فى مصر ما اكلتش فيها الشاورما دى احلى واحده
مها / ما تحاولش دا كانه بيحطلها مخدرات فى السندوتشات دى مدمنه
ندى / انا هنزل اجيب اجيبلك و لا ايه
مها / هاتى استنى خدى فلوس
ندى / معايا
حسام / انا جاى معاكى
ندى / ما لوش لزوم مش هتاخر سلام سلام
……………………….
فى المحل
ندى تدى لعلى البون ياخده من غير ميبصلها
ندى / من ايه ده يعنى
على / مين اللى واقف فى البلكونه ده
ندى تبص فوق تلاقى حسام واقف يشاورلها تشاورله
على / و لما ادب السكينه دى فى بطنك بقى ترتاحى ساعتها
ندى / انت عبيط و لا ايه دا حسام اخويا
على / انتى ما لكيش اخوات
ندى / ابن عمى بس فى مقام اخويا بالظبط كلمتك عليه قبل كدا على فكره قولتلك انه جه اجازه و جه يزورنا
حسام يدخل
حسام / اتاخرتى
على / اتفضلى
ندى / ميرسى
حسام / يلا
ندى و حسام يتحركوا و على بيبص عليهم
حسام / كنتوا بتقولوا ايه
ندى / بنقول ايه فى ايه
حسام / انا شوفتك كنتى بتدحكى معاه
ندى / ما تركزش عشان ما تهيسش ماشى يلا
ندى و حسام يدخلوا الشقه
حسام / انا بتكلم جد مش بهزر ما تخليش الاشكال دى تاخد عليكى
ندى / اشكال ايه يا حسام و بعدين فى ايه عادى يعنى
مها / فى ايه ياولاد
حسام / هو عادى ندى تهزر و تدحك مع الواد بتاع السندوتشات
مها / على هههههههههههههه دول عشره عمر
حسام / والله
مها / اصل بعيد عنك و عن حبايبك ندى مدمنه سندوتشات تقريبا المحل اللى تحت ده فاتح على حسها تعالوا كلو يلا قبل الاكل ما يبرد
حسام / مش مبرر برده
ندى / كنت بقوله اتوصى بيقولى احطلك السيخ عادى يعنى دحكت ما عاكسنيش يعنى و بعدين انت مكبر الموضوع ليه
حسام / و لا حاجه
الباب يتفتح و مصطفى يدخل
مصطفى / فى ايه يا ولاد صوتكوا عالى ليه
حسام / هو عادى يا عموا ندى تهزر مع الواد بياع الشاورما ده
ندى / انت مكبر الموضوع ليه اوى كدا
مصطفى / ما يصحش برده يا ندى
ندى / ماشى انا اسفه يا بابا مش هعمل كدا تانى عن اذنكوا
حسام / ايه مش هتاكلى
ندى / مش جعانه لما اصحى ابقى اكل
مها / هو فى ايه يا ندى
ندى / مفيش يا ماما انا راجعه من الكليه تعبانه عن اذنكوا
ندى تدخل الاوضه و تقفل الباب
مصطفى / معلش يا حسام يابنى دا سن رخم بيبقوا فاكرين نفسهم كبروا و ما بيقبلوش نصيحه من حد
حسام / انا والله مش قصدى اتحكم فيها انا بس
مصطفى / و لا تتحكم دانت فى مقام اخوها الكبير
حسام / انا كنت عاوز حضرتك فى موضوع
مصطفى / اوى اوى يابنى تعال بس نتغدى و ننزل انا و انت على القهوه تلاعبنى عشرتين طاوله و احنا بنتكلم
……………………….
فى اوضه ندى
ندى ماسكه الموبايل و بتكتب رساله
ندى / عاجبك كدا اللى جرالى بسببك
ندى تجيلها رساله
ندى / خير ؟؟؟ و النبى انت عسل لتكون مقموص انت كمان والله اخاصمك بقى بطل رخامه مش كفايه جعانه بسببك
………………..
تحت عند على عمر يعدى
عمر / ايه يابنى مالك واقف متزنب كدا ليه
على / الشغل نايم بكلم ندى
عمر / طب اخلع انا بقى
على / لا استنى عاوزك فى حوار
عمر / استنيت
توصل على رساله على يبص و يكتب
عمر / اطلع و لا استنى و لا ايه
على / كنت بفكر اطلب من الحج انور يجى معايا اقابل ابو ندى
عمر / انت مستعجل بجد يا على
على / بحبها يا عمر
عمر / عارف بس هتقول لابوها ايه مش هيوافق يا على
على / انا كلمت الواد احمد و هدخل بنص مرتبى جمعيه هقبض التانى عشرين الف نجيب بيهم الشبكه و على ما تتخرج اكون كسرت قرش كمان
عمر / خلاص اللى تشوفه و بقولك ايه كلمه ادخل معاكوا فى الجمعيه دى
على / ليه انت ناقصك حاجه
عمر / احنا مديونين للحاج انور و لا نسيت
على توصله رساله تانيه
على / يابن الكلب يا جزمه
عمر / ايه
على / مش انت يا اهبل ابن الكلب اللى فوق اتخانق مع ندى و قاعده جعانه فى الاوضه بسببه الحيوان
عمر / انت بتتكلم كدا عن حماك عادى
على / حمايا مين يابنى عيل سيس كدا ابن عمها جاى من بره و عامل فيها بتاع
عمر / و اتخانقوا ليه
على / شافها بتدحك معايا
عمر / اوباااا
على / اوبا فى عينك دى مراتى
عمر / على فوق هتبقى مراتك لسه ما بقتش
على/ تصدق قفلتلى اليوم اكتر مهو مقفول اطلع ياله فوق بلا قرف
عمر / والله هى بقت كدا طب يارب .. و لا بلاش انت زى اخويا برضه ههههههههههههههههه
عمر يمشى و على يبص على البلكونه
………………………….
فى القهوه بالليل
حسام / قولت ايه يا عمى
مصطفى / والله يا حسام يابنى انت فاجئتنى بالموضوع ده مش عارف اقولك ايه
حسام / وافق و اقسملك انى هسعدها و مش هخليها ناقصها حاجه
مصطفى / بس دى صغيره فرق السن اللى بينكوا يابنى
حسام / مالو فرق السن مش احسن من عيل فرفور و بعدين دول حياله عشر سنين يعنى
مصطفى يسكت و يبص فى الارض
حسام / و بعدين انا جاهز و مرتبى كبير شقتى موجوده هى بس تنقى البياض و السيراميك و العفش يعنى شهرين بالكتير اكون جاهز
مصطفى / شهرين ايه يا حسام و الكليه دى لسه فى اولى
حسام / هى يعنى فى طب ما هى فى تجاره يعنى ممكن تحول انتساب و تزاكر من البيت بلاش خليها تتسلى على ما ابعتلها
مصطفى / انا مش عارف اقولك ايه
حسام / قول مبروك بقى يا عمى و خلينا نقرا الفاتحه و نكتب الكتاب و الدخله فى اجازه نص السنه ايه رايك
مصطفى / انت مش لسه قايل يابنى ان الشقه محتاجه توضيب نص السنه ايه ما تلحقش طبعا و حتى لو انت لحقت احنا مش هنلحق
حسام / يا عمى الشقه بتاعتكوا وضبوها زى ما انتوا عاوزين انا هحجز فندق فاى حته اسبوعين عسل و بعدين ترجع تقعد معاكوا لحد ما الشقه تجهز و انا هسيب لحضرتك فلوس توضبوا الشقه على زوقكوا براحتكوا
مصطفى / دا انت مستعجل بقى
حسام / على اخرى والله يا عمى
مصطفى / والله يابنى مش عارف اقولك ايه
حسام / تانى ما قولتلك قول مبروك
مصطفى / مش لما اسالها الاول يا بنى
حسام / ماشى هستنى … اسالها و رد عليا هتصل بيك بكره ماشى
مصطفى / ههههههههههههههههه والله انت مشكله
حسام / هههههههههههههههههههههههههه
…………………………
فى المحل
انور / والله يا على يابنى انا ما عارف اقولك ايه
على / انا ما ليش فى الدنيا بعد ربنا غيرك و اللى ما لوش كبير بيشتريله كبير يرضيك اروح لوحدى
انور / تروح لوحدك ازاى يا على بس انا بقول يابنى تشوف ابوك اهو على الاقل يمكن يساعدك خصوصا بعد ما وقفت جنبه فى عياه فى المستشفى
على يبص فى الارض
انور / روح يابنى بص على ابوك و اطمن عليه و شوفه يمكن يكون محتاج حاجه و هو لما هيلاقيك ملهوف عليه اكيد هيجى معاك و يمكن يابنى تقدروا ساعتها تحلوا المشاكل اللى بينكوا دا مهما كان الضفر ما يطلعش من اللحم
على يبص لانور
انور / يابنى اى اب فى الدنيا بيتمنى يشوف ابنه عريس و انت اول فرحته روحله و اطلب منه و صدقنى ان شاء الله مش هيردك خايب
على يهز راسه
انور / و لو لا قدر الله مرضاش انا هاجى معاك متشلش هم
على / كتر خيرك انت اللى عملته معايا ابويا نفسه ما عملوش والله ما عارف اردلك جمايلك دى كلها ازاى
انور / و لا جمايل و لا حاجه بس يا اهبل دانت ابنى ياريت ربنا كان رزقنى بابن راجل زيك يلا اطلع ارتاح بقى عشان انت وراك كليه الصبح مش كدا برده
على / ان شاء الله تصبح على خير يا حج
…………………….
فى الشقه فوق
عمر / و انت ناوى على ايه
على / هروحله بكره بعد الكليه اشوف هيقول ايه
عمر / تحب اجى معاك
على / مش عارف انت ايه رايك
عمر / انا لسه كنت عنده و طردنى
على / هههههههههههههههه
عمر / ادحك ادحك منها لله بقى
على / أية و لا امها
عمر يبص لعلى على يطبطب عليه و ينام و يستغطى عمر يسند ضهره عالسرير و يبص للسقف و يسرح
/////////////////////////////////
من اربع سنين
عمر يفتح الباب بالليل و يدخل شايل شنطه الدرس يلاقى محمود قاعد هو و سمر اول ميشوفوه يقفوا
محمود / انت شرفت يا بيه
عمر / انا متاخرتش والله يا بابا خلصت الدرس و جيت علاطول خير حضرتك كنت عاوز حاجه
محمود / انت طلبت ايه من أية امبارح يا عمر
عمر / مش فاكر بالظبط ليه خير
محمود / نسالها … نادى ل أية يا سمر
سمر تدخل و تطلع أية و هى بتعيط
محمود / اتكلمى يا حبيبتى الكلب ده طلب منك ايه امبارح
عمر يبصلها
سمر / قولى يا حبيبتى ما تخافيش ابوكى واقف مش هيقدر يعملك حاجه
أية تبص لعمر و تبص فى الارض
محمود / ما تخافيش يا أية اتكلمى يا بنتى اتكلمى
أية تبص لامها امها تضغط على كتافها
أية / طلب …. طلب
عمر / طلبت ايه يا أية ؟؟؟
سمر / انت بتخوفها و لا ايه
عمر/ انا ؟؟؟
سمر / انت هتمثل و لا ايه دانا سمعاك بودنى و انت بتقولها تديك بوسه و تقلع هدومها
عمر / انا ؟؟؟ ما حصلش طبعا ما تتكلمى يا أية انا عمرى طلبت منك كدا
أية تعيط و تبص لامها محمود يقلع الحزام و ينزل فى عمر ضرب و يطرده بره
الراجل / يابن الكلب يابن الكلب
عمر / والله ما عملت حاجه والله ما عملت حاجه
الراجل يشد عمر و يطلعه بره
الراجل / ما شوفش وشك تانى هنا انت فاهم
الراجل يقفل الباب عمر يرزع على الباب و هو بيعيط
عمر / والله ما عملت حاجه والله ما عملت حاجه
عمر يقعد يعيط على السلم و بعدين يبص على الباب و يمسح دموعه و ينزل يمشى
………………….
فى شقه تانيه عمر نايم بيعيط على سرير ولد من سنه يدخل شايل طبق يحطه على الكومدينو فى النص و يقعد جنب عمر يعمل نفسه نايم
الولد / عمر عمر العشا قوم كلك حاجه
عمر ما يردش
الولد / على العموم براحتك الاكل جنبك
صوت من بره / احمد .. احمد
احمد/ انا هروح اشوف بابا عاوز ايه
احمد يطلع من الاوضه و عمر يكمل عياط
احمد/ ايوه يا بابا خير
الراجل / هو صاحبك هيقعد عندنا قد ايه
احمد / مش عارف بس هو قالى انه هيصالح ابوه
الراجل / اسمع يا احمد انت ثانويه عامه و الامتحانات فاضل عليها حاجات بسيطه و انت اولى بكل ثانيه عشان مزاكرتك ما تدخلش نفسك فى مشاكل مالناش دعوه بيها يابنى
احمد / يا بابا عمر شاطر جدا و مش هيعطلنى
الراجل / و فلوس الدروس احنا برده اللى هندفعهاله يابنى لو على الاكل و الشرب احنا نكرمه بس الولد لازم يحل مشاكله مع ابوه ما ينفعش يفضل عايش عندنا كتير
احمد / طب اعمل ايه ما انا ما اقدرش اقوله يمشى
الراجل / اسمع انا هعتبره ضيف يومين لو ما قدرش يحل اموره مع ابوه بقى انا اسف يا احمد انا هضطر اخد موقف
احمد / باذن الله هيحلها يا بابا ما تشلش حضرتك هم
الرجل / خش شوف مزاكرتك بقى
احمد يدخل الاوضه يلاقى عمر قاعد و باصصله
احمد / انت صحيت و لا ايه .. طب ما اكلتش ليه
عمر / انا اسف انى سببتلك مشكله مع باباك
احمد / ما تقولش كدا ياله البيت بيتك
عمر / لا يا احمد البيت مش بيتى و باباك عنده حق
احمد / يابنى ابويا ما يقصدش ما انت عارفه هههههههههههههههه بقولك ايه يا عمر ما تروح لابوك الصبح و تراضيه ما هو مش معقول يعنى هيصدق البت دى و يكدبك
عمر / حتى لو سامحنى انا مش هقدر اعيش فى البيت ده بعد كدا مش هقدر اعيش معاها تحت سقف واحد
احمد / امال هتعمل ايه يا صاحبى
عمر / النهار يطلع و يحلها ربنا
///////////////////////////
عمر يمسح دموعه و ينام
عمر / عمرى ما هسامحك يا أية عمرى
فى الكليه تانى يوم ندى و على قاعدين و ندى ماسكه ساندوتش بتاكله
ندى / تعرف دى المره الكام اللى تجيبلى فيها شاورما و ما ترضاش تدوق قولى يابنى لو لحم حمير اعرف برضه
على / ههههههههههههههههههه لحم حمير ايه يا هبله سمى و كلى
ندى / بسم الله تعرف حتى لو ايه باللذى هاكلها انا اصلى علاقتى بالاكل علاقه حب افلاطونيه خاليه من اى تعقيدات
على / خاليه من ايه ؟؟؟
ندى / ههههههههههههه تعقيدات يعنى مليش دعوه لا بالمكونات و لا بطريقه التحضير انا ليا علاقه بالمنتج النهائى طعمه حلو اوى فعلا يابنى خدلك قطمه دا حتى طباخ السم بيدوقه
على / ما بحبهاش يا ستى بطلى بقى
ندى / احلف … انت عبيط و لا ايه فى حد ما يحبش الشاورما
على / انا ما بحبهاش
ندى / لا لا لا دى بدايه مش مبشره ابدا انت كدا هتخلينى اعيد تفكير فى علاقتنا
على / ليه بس دا المفروض شئ يفرحك انك هتاكلى الشاورما كلها لوحدك
ندى / و لزمتها ايه ما دام اللى بحبه مش بياكل معايا منها
على / قولتى ايه
ندى / هى مره واحده
على /بالله عليكي يا شيخه تقوليها تانى
ندى/ اللى بحبه
على / لا انا كدا اجيبلك ساندوتشات كل يوم بقى
ندى / هههههههههههههههههههههه جد بقى انت ما بتحبش الشاورما ليه بتقرف منها و لا عشان قدامك طول الوقت نفسك مش بتروحلها هو انا لما هبقى قدامك طول الوقت مش هتحبنى انا كمان و تزهق منى اوعى اقتلك
على / هههههههههههههههههههه هو لازم يبقى فى سبب ما بحبهاش و خلاص
ندى / اه لازم يبقى فى سبب اصلك لو قولت ما بحبش السبانخ القرنبيط ماشى لكن الشاورما ازاى بس
على / والله انتى عسل معاكى بنسى نفسى و بنسى الدنيا كلها
ندى / و انا كمان معاك بنسى الدنيا كلها يا على
على /و عشان كدا انا قررت انى لازم اجى اخطبك فى اسرع وقت ممكن
ندى / بتهزر
على / لا طبعا بتكلم جد جدا
ندى / هو انا ممكن اسالك سؤال من غير زعل
على / ايه هتسالى عن ابويا
ندى / عرفت منين
على / هههههههههههه ما اعرفش جت معايا كدا
ندى / هو انت ليه علاقتك بباباك بايظه اوى كدا انت و عمر يعنى اقصد ليه ما رجعتوش تانى لباباك بعد ما والدتك اتوفت
على / و عرفتى منين ان والدتى اتوفت
ندى / امال انتوا عايشين هنا ليه
على / عايشين هنا عشان ما لناش مكان تانى نروحه يا ندى
ندى / يعنى مامتك لسه عايشه هو جوز مامتك طردك انت كمان
على وشه يقلب
ندى / انا عارفه انك مش عاوز تحكى بس انا من حقى افهم مش كدا ؟؟؟
على / هحكيلك
/////////////////////////////////
من اتناشر سنه فى شقه مامه على
امه / ما تزعلش نفسك كنت مستنيه منه ايه يعنى ازاى يضربك بالشكل ده ازاى
على يبصلها و يسكت
امه / منه لله ما كفاهوش كل اللى عمله فيا لا و بيكمل على عيالى
على / عمل فيكي ايه
امه / لما تكبر هحكيلك ادخل نام عشان تروح المدرسه الصبح
على / انا مش معايا الكتب
امه / بكره هاخدك انت و عبير و اجيبلكوا حاجه المدرسه و اجى معاكوا عشان اتكلم مع المديره
على / شكرا
امه / الشقه مش كبيره زى ما انت شايف نام انت فى الليفنج ما يصحش تنام مع عبير فى اوضه واحده
على يهز راسه و امه تقوم تدخل اوضتها جوزها قاعد على السرير و ضارب بوز تنام جنبه
الراجل / و بعدين
الست / دول ولادى يا ابراهيم
ابراهيم / ماشى
الست / ابراهيم
ابراهيم / نعم
الست / انا عارفه انك ما بتحبش محمود و لا انا بس دول ولادى و انا بحبهم
ابراهيم / و لما يسيبهملك تتعلقى بيهم و بعدين يجى ياخدهم هنرجع لموال العياط و النكد طول الوقت مش كدا
الست / ههههههههههههههههههههههه دا بس اللى مخوفك
ابراهيم / قصدك ايه
الست / قصدى انك ما تخافش انت مش هتصرف على ولاد محمود حقى جنيه انا هتكفل بمصاريفهم
ابراهيم / و هى فلوسك دى يا هانم مش بيتك اولى بيها
الست / ما تشلش هم نام يا ابراهيم نام
………………
بره الاوضه على واقف يتسنط عبير تمسك ايده يتخض ياخدها يدخلها اوضتها
على / فى ايه
عبير / انت بتعمل ايه عيب
على / احكيلى ايه اللى حصل من ساعه ما سبتك
عبير / ما حصلش حاجه ما خرجتش من الاوضه هو عمر فين
على / مع بابا انا خايف عليه اوى
عبير / ايدك عامله ايه
على / كويسه عادى بجمله
/////////////////////////////
تليفون ندى يرن
ندى / سورى ثوانى
ندى تقوم ترد
ندى / ايوه يا حسام ازيك
حسام / انتى فين
ندى / فى الكليه ليه
حسام / انا كنت جاى اصلحك عشان اللى حصل امبارح انت…
ندى / سورى يا حسام انا فى محاضره دلوقت و الدكتوره جت خليها وقت تانى يلا سلام سلام
ندى تقفل و ترجع تقعد جنب على
ندى / كان مالها ايدك
على يفتح ايده لندى و يوريها حرق قديم اوى
على / كان يوم جمعه انا فاكر كويس نزلت انا و بابا و عمر نصلى الجمعه و بعدين بابا بيخلص الصلاه و يفتح المحل على فكره بابا عنده محل موبايلات تحت البيت و انا و عمر طلعنا على السلم سمعت صريخ عبير فتحت الباب جرى لقيتها مسكاها من شعرها حطيت ايدى قبل ما المعلقه السخنه تنزل عليها
ندى / ياربى و بعدين
على / زقتها خبطت فى الكرسى و شديت اخواتى و جريت بيهم فى الشارع
ندى / وروحت لمامتك
على / اه اتصلت بيها من كشك على ناصيه الشارع و روحنالها
ندى / ليه ما قولتش لباباك
على يبتسم ندى تبصله
على / الفرق الوحيد بين المرادى و المرات اللى فات انها ما كانتش نوياهالى انا المرادى لحقتها المره الجايه هعمل ايه
ندى / و بعدين
على / و لا قبلين روحنا لامى و قعدنا عندها كل يوم خناق و قرف اللقمه كانت بالعد و جوزها الله يحرقه مكنش يفرق كتير عن مرات ابويا امى كانت بتقولى انهم كانوا بيحبوا بعض فى الكليه و بعدين اهلها جوزوها لابويا غصب و متفقوش فاطلقت و ابراهيم اللى هو جوزها الله يحرقه اتجوزها و انها ما كانتش بتبطل عياط عشان مش قادره تشوفنا
ندى / ليه انتوا كنتوا صغيرين و اكيد المحكمه كانت هتسمحلها تشوفكوا
على / مسالتش اصلها ما كانتش تفرق معايا اصلا
ندى / و عمر شوفته تانى
على / روحتله مره اطمن عليه و ابويا شافنى و طردنى و قاله انت ما لكش اخوات غير أية و اللى يسيبك انساه بس كنت بطمن عليه من بعيد كان واخده تحت ايده فى كل حته اشتركله فى نادى يلعب كراتيه و كان مقعده فى المحل معاه ليل نهار ما بيطلعش الشقه غير على النوم مع بابا
ندى / يا سلام اشمعن بقى
على / يمكن كان خايف يهرب يمكن حس يمكن عشان ابن ماما حنان مش ماما ليلي دا اسم امى على فكره ليلي بقولك ايه ما تغيرى ام السيره دى اتخنقت
ندى / اسفه
على / و انتى ذنبك ايه يعنى
ندى / ينهار ابيض انا لازم اروح
على / طب تعالى اركبك و اشوف عمر فين
ندى / انت مش هتروح
على / لا ورانا مشوار صغير كدا ادعيلى
ندى / ربنا يوفقك
على / ماشى تعالى
على و ندى يقوموا يمشوا و بعيد شويه حسام واقف بيصورهم و يبص فى الصور
حسام / حلو اوى … ماشى يا ندى
…………………………..
قدام محل محمود
عمر / جاهز يا وحش
على / ابوس ايدك انا مش ناقص
عمر / بقولك ايه كلو عشان ندى
على يبص لعمر و ياخد نفس عميق و يطلعوا البيت و يضربوا الجرس أية تفتح تلاقى عمر تبتسم
على / بابا موجود
أية تهز راسها
على / ايه مش هتناديه ؟؟؟
أية / اسفه حاضر
أية تدخل جوه و على و عمر يدخلوا يقفوا جوه محمود يطلع من جوه و هو فى منتهى الغضب
محمود /انتوا ايه اللى جابكوا هنا انا هتصل بالبوليس يا ولاد الكلب
عمر / بابا لو …
محمود / انا مش ابوك كلامى ليك كان واضح اليوم اللى هتحط ايدك فى ايد الكلب ده انسى انى ابوك
على / انا عملت ايه لكل ده قولى
محمود / انت بتسالنى عملت ايه يا بجاحتك يا اخى
على / ايوه بسالك لاول مره بسالك عملنا لك ايه
سمر تطلع من جوه
سمر / اعصابك يا محمود صحتك انت لسه عامل عمليه
محمود / خلينى اموت خلينى اموت عشان ينبسطوا
على / و ايه اللى هيبسطنا فى ده هاه
محمود / اطلع بره يا قذر
على / يلا يا عمر مفيش فايده
عمر / على الاقل قوله احنا جايين ليه
على / يلا يا عمر
محمود / امشوا غوروا انتوا ولادى انتوا كلكوا مستنينى اموت كلكوا طمعانين فيا
عمر / احنا لو طمعانين فيك ما كناش
على / يلا يا عمر
عمر / على عاوزك تروح معاه يتقدم لعروسته
محمود / سمعتى يا سمر مكفاهوش و رايح ياذى بنات الناس
على يشد اخوه و يرزع باب الشقه
محمود / فى ستين داهيه … فى ستين داهيه .. كلمى المحامى شوفى وصل لفين … انا عملت ايه بس فى دنيتى عشان الهم ده
سمر تمشى و أية تقف تبص على محمود
محمود / ايه فى ايه
أية / كنت سمعتهم
محمود / دلوقت افتكر ان له اب دلوقت بس فكر يبص على ابوه لما احتاجله
أية / هما كانوا جنبك فى المستشفى
سمر تطلع من الاوضه
سمر / انتى مش عندك درس يلا عشان متتاخريش
أية / حاضر
………………………
فى الكليه تانى يوم عند عمر
غاده / مالك يا عمر بقالك فتره مش مظبوط و اقسم بالله لو قفلتنى زى كل مره ما هيحصلك كويس انت فاهم
عمر / هههههههههههههههههههه هتضربينى و لا ايه
غاده / اسوء
عمر / ههههههههههههههههه يا سوادك يا عمر لا دانا اتلم بقى
غاده / ايوه كدا بقى ادحك فيك ايه يابنى
عمر / شويه مشاكل و ان شاء الله هتعدى
غاده / قولى بس مين مزعلك و انا اقطعهولك
عمر / شايلك للتقيله
غاده / بقولك ايه انا خلصت و انت قدامك تلت ساعات بحالهم لحد السيكشن اللى بعده
عمر / منه لله اللى حطلى الجدول
غاده / ايه رايك نروح نتغدى فى اى حته
عمر / و ماله تحبى اعزمك فين
غاده / و تعزمنى ليه ان شاء الله لا فوق انا بقبض زيى زيك
عمر / خلاص روحى كلى لوحدك
غاده / انت صدقت و لا ايه دانا مفلسه اصلا قوم قوم
عمر / هههههههههههههههههههههههه وربنا انتى مشكله
غاده / قوم بقى جعانه
عمر / لا اقوم بدل ما تاكلى دراعى و لا حاجه
غاده / مليش فى المصمصه
عمر يرفع حاجبه و يبصلها تزقه و هى بتدحك يمشى و ينزلوا يركبوا عربيه و غاده تسوق و اول ما يطلعوا من البوابه يشوف أية واقفه
عمر / وقفى وقفى
غاده / فى ايه
عمر / اقفى بس
غاده تقف عمر يفتح الباب و ينزل يروح ل أية
أية / انا كنت بدات اياس انى اشوفك
عمر / بابا فيه حاجه قولى بابا جراله حاجه
أية / لا بابا كويس
عمر / الحمد لله الحمد لله … امال انتى بتعملى ايه هنا .. خلينى اخمن فى حد من الكليه هنا معلقك
أية / عيب كدا .. انا جايه عشانك … قصدى عشان اشوفك
عمر / انا .. اممم خير
غاده تنزل من العربيه
غاده / فى حاجه يا عمر
عمر / لا مفيش استنينى فى العربيه دقيقه و هجيلك
غاده / اوك
غاده تروح تركب و أية عينها عليها
أية / مين دى
عمر / و انتى مالك
أية / يعنى ايه و انا مالى مين دى
عمر / استغفر الله العظيم .. اقولك انا ماشى
أية / عمر استنى
عمر / خير
أية / انت لسه زعلان منى
عمر / انتى ايه رايك
أية / عمر انا عارفه انى غلطت بس والله كان غصب عنى انا قولت لبابا الحقيقه قولتله انك ما عملتش حاجه بس ساعتها
عمر عمال يبص فى اى حته الا على أية
أية / عمر انا بكلمك
عمر / و انا مش سامعك خلصتى ممكن امشى
أية / انا اسفه يا عمر سامحنى بالله عليك
عمر / اسامحك ههههههههه بتتكلمى جد انتى متخيله انى ممكن اسامحك انتى عبيطه اسامحك على ايه على انك ردتيلى كل حاجه حلوه عملتها معاكى بغدر اسامحك على انك بوظتى العلاقه بينى و بين ابويا اسامحك على ذلى قدام صحابى
أية بتعيط
عمر /تعرفى ليكى حق ما انتى ما عشتيش ما جربتيش انك تفرشى كرتونه و تنامى عليها على السيراميك فى عز البرد ما جربتيش ان الاكل يبقى قدامك و بتخافى تمدى ايدك ما جربتيش تعدى على نفسك اللقمه عشان تحطى القرش على القرش عشان توفرى مصاريف دراستك و فى الاخر ما تعرفيش تدخلى الكليه اللى كان نفسك فيها روحى يا أية روحى يا ماما معاكى فلوس تروحى
أية / كنت صغيره
عمر / امسحى دموع التماسيح دى عشان ما بتاثرش فيا يلا ياريت ما اشوفش وشك تانى
عمر يمشى خطوتين و يرجعلها
عمر / هتعرفى تروحى
أية / فارق معاك
عمر يبصلها و يبص الناحيه التانيه و يجز على سنانه و بعدين يوقف تاكس و يحاسبه و يفتحلها الباب
عمر / يلا امشى
أية تركب عمر يقفل الباب و ينفخ و هو هيطق و بعدين يبص على غاده فى العربيه يروح يركب و يبص من الشباك
غاده / انت كويس
عمر يهز راسه و يشاورلها تطلع تمشى
…………………………
فى مطعم
غاده / ليه عمرك ما حكتلى
عمر / و استفدتى ايه لما عرفتى
غاده / احنا مش صحاب ما انت عارف عنى كل حاجه ليه انا معرفش عنك كل حاجه
عمر / تصدقى لو قولتلك مش عارف ايه اللى مدايقنى اكتر كل اللى حصل و لا ان كل اللى حصل كان بسببها هى
غاده / مش سهله على فكره انت بتقول انها كانت اكتر من اختك
عمر / غيرى السيره مش ناقص قرف
غاده / تمام تمام
عمر / تفتكرى روحت
غاده تبتسم
عمر / ايه ؟؟ بابا هيقلق عليها لو اتاخرت و بعدين دى ثانويه عامه يعنى
غاده / انت بتبررلى و لا بتبرر لنفسك
عمر / هههههههههههههههههه
غاده / ايوه كدا ادحك و فكها انت عارف يا عمر ان انت الولد الوحيد اللى فضلت اتعامل معاه من يوم ما دخلت الكليه لحد النهرده
عمر / ولد !!! ماشى دا يشرفنى طبعا
غاده / عمرك سالت نفسك ليه
عمر / امممم لا
غاده / هقولك برده غتتاته
عمر / ههههههههههههه قولى
غاده / اولا لانى بحترمك جدا من و احنا فى الكليه خصوصا لما عرفت انك بتشتغل يعنى انت عارف ان دادى راجل عصامى بنى نفسه بنفسه فانت بتفكرنى بيه اوى
عمر / دا يشرفنى برده و ثانيا
غاده / ثانيا انك عمرك ما حاولت تستغل معارف دادى او انك تستغلنى
عمر / استغلك
غاده / يعنى حب و لفلفه و كدا
عمر / ااااااااااااااه فهمت فهمت و ثالثا
غاده / النصيب انك تتعين معيد و نفضل اصدقاء حتى بعد التخرج
عمر يبتسم
غاده / بس انت عمرك ما وثقت فيا
البسمه تروح
غاده / عمرك ما حكتلى مشاكلك كنت بحكيلك كل حاجه اول باول انت لا اه عارفه انك كنت بتشتغل بس
عمر / بس ايه
غاده / سورى متاخدش فبالك
عمر / كنتى عوزانى اقولك ايه اقولك مثلا انى فى يوم و ليله بعد ما كنت عايش فى اوضه لوحدى بنام على سريرى باكل لقمه نضيفه مش شايل هم اى حاجه اكتر من انى اجيب درجات عاليه لواحد ………
عمر يبص لغاده
عمر / انتى بجد عاوزه تعرفى هيفرق فى ايه
غاده / لو مش عاوز ما تحكيش
عمر / لا هحكيلك لو ده هيثبتلك قد ايه انا بثق فيكى و ياكدلك على مكانتك عندى هحكيلك
غاده / لو ده هيريحك احكى غير كدا شكليات
عمر / تفتكرى هيريحنى
غاده / جرب
عمر يهز راسه
//////////////////////////////////
من اربع سنين قدام محل الشاورما على واقف بيشتغل و عمر واقف بيبص عليه من بعيد و بعدين يعبى كيس و يديه لزبون و عينه تلقط عمر يبصله
زبون / هو فاضل كتير
على / لا ثوانى … احمد تعال مكانى ثوانى
احمد يطلع من جوه و على يروح لعمر و يجرى عليه و يقف قدامه من غير ما يحضنه
على / ازيك
عمر يبصله و يبص فى الارض
على / بابا عامل ايه
عمر يهز راسه اه
على / ايه كنت فى الدرس و لا ايه تعال تعال انا عازمك
على يحاول يشد عمر عمر يسحب ايده على يبص فى الارض
عمر / انا وعدت بابا انى مش هعرفك تانى
على يبص لعمر بحزن و يبص بعيد
عمر / بابا طردنى من البيت
على يبص على عمر
عمر / مرات ابويا و بنتها اتبلوا عليا انا ما عملتش حاجه بس بابا ما صدقنيش ما سمعنيش و طردنى انا ما ليش حته اروحها
على يحضن عمر و عمر بيمسح دموعه
………………..
بالليل فى المحل
على بيلم الترابيزات فى جنب و يفرد كرتونه و فوطه فيها هدوم و يعمل لاخوه زيها
على / معلش انا عارف انك مش واخد على نومه الارض بس اهو ارحم من الشارع
عمر / انت بتنام على الارض
على يتنهد
على / فتره كدا هتتعدل باذن الله ما تشيلش انت هم
عمر / هى عبير …
على/ انت جعان ؟؟ انا جعان انا عاين سندوتشين فى التلاجه جوه هقوم اجيبهم ناكلهم احسن ماةحد من العيال الصبح يبرشط عليهم ههههههههه
عمر / انا مش جعان
على / براحتك الا اخبار الدروس ايه ما تشيلش هم انا بقبض كويس هنا
عمر / هو انت فى كليه ايه صحيح
على / كنت فى تجاره فى تالته بس سبتها لما … اصل ما لهاش لازمه … لا ليها ما تسمعش كلامى .. بس انا ما كانش عندى وقت .. اصل ..
عمر يبص لعلى
على / انا كنت بشتغل فى الصيف صبح و ليل و فى الدراسه بشتغل بالليل بس لما وصلت لتالته عبير الله يرحمها كانت فى الكليه كان نفسها فى تجاره انجليزى و لبس جديد و كدا يعنى هى ما كانتش بتقول بس انا فهمت من كلامها هى ما كانتش بتطلب حاجه ما كانتش بتطلب
على يعيط عمر يطبطب عليه على يمسح دموعه
على / قولت مش مشكله هشتغل صبح و ليل و ابقى احضر امتحانات بس و عملت كدا فعلا بس ما حضرتش الامتحانات ما كانش فى وقت ماما كانت عيانه و المصاريف عادى يعنى بكره تتعدل مش كدا
على / بس انا كنت شاطر على فكره تعرف انا بشتغل من يوم ما سبتك بصرف على نفسى و على اختك كنت بشتغل فى المحل ده من ايام مكان بتاع فول و طعميه بس تعرف جيت للحج انور و قولتله انا عاوز شغل ادانى فلوس قولتله انا ما بشحتش انا عاوز شغل و سبتله الفلوس و مشيت ندالى و قالى هشغلك عشان انت راجل و بقالى تمن سنين معاه اهو
عمر / كويس
على / جدا تعرف يا عمر انا اول ما جيت هنا كنت بشتغل فى المطبخ اغسل الصحون انضف اقطع اغسل الخضار اى حاجه ما كنتش بقول لا كنت بطلع من المدرسه اروح اختك و اجى على هنا اغير هدومى فى الحمام و اعينهم و اشتغل و لما يبقى الشغل خفيف اطلع الواجب اعمله حاجه ازاكرها انا مش خايب على فكره بس انت ان شاء الله هتبقى احسن منى و هتكمل و هتبقى حاجه كبيره انت نفسك تبقى دكتور صح
عمر / مهندس انا علمى رياضه
على / احسن والله خمس سنين زى الفل لحسن سبعه كتير اوى ههههههههههههههه و تعرف كمان ممكن تبقى دكتور فى الهندسه لكن عمرك شوفت مهندس فى الطب هههههههههههههه
عمر يبتسم
على / انت واحشنى اوى يا عمر
على يحضن عمر اوى و عمر مش بيحضنه
………………..
- يتبع الفصل التالي اضغط على ( رواية سلف و دين ) اسم الرواية