رواية حين تقع في الحب بقلم ندي علي حبيب الجزء الرابع عبر مدونة دليل الروايات
رواية حين تقع في الحب الجزء الرابع الفصل السابع و الثلاثون 37
بعد مرور شهر علي الاحداث ندي والبنات نجحو في الثانويه بتقدير كويس وندي اللي النزيف بدء يروح من عندها وحبيبه واسر اتخطبو خطوبة علي الضيق كدا للأهل بس وكدالك مصطفي وفرحه واخيرااااا النهارده الحنه بتاعت كريم ونيرا
يوم مستنينو بقالنا كتيررر اووي ويوم مهم بنسبه لينا كلنا
( في الشركة عند عاصي )
عاصي قاعد علي مكتبه وبيراجع الاوراق والعقود لقي الباب بيخبط وندي بتدخل
عاصي بص ليها بلامباله :اكيد مش جايا نتكلم في نفس الحوار تاني
ندي بدلع :لاء يا قلبي مش جايا اتكلم فيه انا جايا اعد مع جوزي شويه
عاصي رجع ضهره لورا وربع ايده :امممم طب ما انا كنت معاكي في البيت ضربتي ام الليله امبارح علشان عوزه تباتي عند صحبتك زي حبيبه وفرحه وضربتي مزاجي علي الصبح علشان نفس الكلام
ندي قربت منه وقعدت علي رجله وحوطت رقبته :طيب قولي انت رافض ليه يعني اديني سبب واحد يخليك ترفض ؟
عاصي اتعدل وحط ايده علي وسطها :مفيش ست متجوزه تسيب جوزها ينام لوحده وتروح تنام عند حد يا ندوش يعني يرضيكي بدل ما احضنك احضن المخده
ندي بضيق :ايوا يرضيني ومينفعش ليه جوزها ينام لوحده هيتخطف يعني عاصي بالله لو مخليتني انام عند نيرا زي حبيبه وفرحه لانزل انام مع ماما نڤين
عاصي بعصبيه :ندييييي اقفلي علي ام الحوار علشان وديني ما اناي طالعه من البيت ولا انتي خرجه بايته عند حد انا مش راجل ** علشان اسيب مراتي تنام عند حد
ندي بصت ليه :ولما باتت معايا ايام فرحي وكانت معايا في كل حاجه امها مرفضتش ليه يا عاصي
عاصي :علشان مش متجوزه خليها لما تتجوز تقوله هبات عند اختك حتي كدا او اقولك علي رحتك يا حبيبتي روحي باتي عندها ونزلها من علي رجله وكمل شغله
ندي بغيظ :خلاص يا عاصي مش راحه عند حد هقعد معاك وراحت قعدت علي الكنبه تلعب بفونها وعاصي ابتسم عليها والباب خبط
السكرتيره :مدام ناني يا عاصي بيه
عاصي :تمام دخليها
ناني دخلت ولبسه جيبه جلد قصيره وضيقه وكعب ميكب وجاكت ابيض وتحته شميز مفتوح مبين جزء من صدرها
عاصي وقف ببتسامه :صباح الخير يا مدام ناني اتفضلي
ناني:ايه دا مش قولت ليك قبل كدا ناني بس ولا ايه
عاصي ببتسامه : عارف المهم اتفضلي علشان نمضي العقود
ناني :عاصي ممكن كوباية قهوه لان حسه بصداع بجد رهيب
عاصي : اكيد وطلب ليها قهوه طيب نمضي العقود بقا
ناني راحت وقفت وراحت جنب عاصي ووقفت : تمام نمضي العقود
عاصي :تمام هنمضي العقود بس لو سمحتي يا مدام ناني اتفضلي ارتاحي مكانك لان احنا في مكان شغل
ناني بهمس :ممكن تيجي شقتي عادي
عاصي وقف بحزم :مدام ناني هتتفضلي مكانك ولا الغي الصفقه كلها
ناني راحت مكانها بغيظ ومضو القعود ومدت ايدها لعاصي تسلم عليه
عاصي هز راسه وممدش ايده :اتفضلي يا مدام ناني مبروك الصفقه
ناني اخدت شنطتها بغيظ ومشيت علي برا وعاصي رجع راسه لورا وغمض عيونه لقي ايد ندي بتتحرك علي جبينه بتعمل مساج ابتسم ليها
ندي ببتسامه :انا بحبك علي فكره يعني انا كنت هقوم اجيبها من شعرها لما لقيتها بتتكلم معاك بس حبيت اشوف ردة فعلك يعني متأثرتش بجسمها ولا بشكلها
عاصي شدها عندها وقعدها علي رجله ومد ايده قدامها :انا من يوم ما لبست البدله دي وانا اتحرم عليا اي بني ادمه في الدنيا علشان انا مكتفي بيكي يا ندوش
ندي حضنته :طيب انا مش هبات عند نيرا هرجع معاك بليل بعد الحنه بس خليني معاها النهارده بس ممكن
عاصي باس راسها :حاضر خليكي معاها ونرجع بليل سوا وبعدين هقولك ليه مينفعش تنامي مع حد او برا البيت
ندي باس خده بوسه كبيره وقامت :ماشي انا همشي انا بقا
عاصي رن علي السواق بتاع الشركة :مدام ندي هتنزل توصلها المكان اللي هي عوزاه وتطمن انها كويسه وترجع وقفل
ندي بعتت بوسه في الهوا :بااااي يا حبيبي ومشيت
………………………………….
في شقة نور
غسان واقف في المطبخ بيعمل عصير برتقان وجابه لنور اللي بترتب هدوم البيبي الجديده اللي اشتريتها مع غسان في الدولاب
غسان ناولها الكوبايه :حبيبي سيبي الهدوم دي كدا واشربي الكوباية دي
نور بفرحه :غسان بص الشراب قد ايه ياربي بجد هموت من حلاوتهم صغيرين اوووي
غسان ببتسامه :ايوا شكلهم حلو بس سيبك من الحجات دي كدا واشربي الكوباية دي كدا الاول
نور اخدت الكوبايه وبدأت تشرب :معملتش لنفسك ليه
غسان :لاء مش عاوز برتقان اشربي انتي يا روحي واحهزي النهارده علي 7 بليل نروح الحنه بتاعت نيرا
نور :عمله حسابي متقلقش حبيبه اصلا راحت من الصبح عندها
غسان بضحك :واسر سابها تروح عادي كدا
نور بضحك:ما دا اللي مجنني ونسمه بتشتكي من زهره البت حبسه نفسها في الاوضة حاي بعد الامتحانات ولا بتطلع ولا بتروح ولا نسمه عرفه تقول لابوها ولا اي حاجه
غسان :في الاساس قاسم واخد باله بس ايه السبب انها تفضل حبسه نفسها الحبسه دي يعني
نور :ولا نعرف بقا المهم انا عوزه اتكلم معاك في موضوع
غسان قعد علي الكرسي وحط رجل علي رجل وطلع سجاره ولعها :اتكلمي يا حبيبي
نور :بصراحه انا عوزه لما اولد اروح عند ماما
غسان بص ليها وطلع نفس من بوقه :اشمعنا ؟
نور :يعني عادي هروح اعد عندها شويه
غسان :لاء هتولدي وهتيجي علي البيت هنا اولا انا مبعرفش اعد من غيرك ثانيا حبيبه مش هترضي تعد هنا من غيرك ثالثا عاصي ايوا متجوز بس عوزك رابعا بقا بالله مفي طلوع من البيت
نور بضحك :غسان اهدي عليا يا حبيبي كدا انا هروح اعد اسبوع واحد
غسان طفي السجاره بتاعته في الطفايه وراح عندها باسها بقوة :ولا دقيقه انتي هتفضلي معايا مش هتخرجي ولا انتي ولا ابننا
نور بصت في عيونه :يبقي عليك تستحمل زنه بقاا
غسان بضحك :انا لو فكرت اخلف تاني ادبحيني
نور بردح :نعم يا اخويا انت بتتعب في ايه قولي دا اللي عليك بتخلصه في دقايق ولتكون مبسوط كمان لكن انا بقا حمل 9 شهور وبعدين رضاعه وزن طول الليل قولي انت بتتعب في ايه بقا
غسان برفع حاجب :بخلصه في دقايق ؟؟ هو ايوا بكون مبسوط بس باخد نكد وهرمونات الحمل دي كلها لوحدي
نور بغيظ :تقصد ان انا بنكد عليك يا غسان
غسان :فشررر مين اللي بيقول كدا قطع لسانه البعيد دا انتي ست الستات دا انتي الحته الشمال واليمين كمان دا انتي مفيش حد مفرفش فرفشتك
نور بضحك :ايوا كدا
غسان بتطبيل :اوماااال احنا هنهزر ولا ايه دا انتي سبب ضحكتي يا قلبي
نور بتأثير :انا اصلا بحبك يا حبيبي
غسان :ام عيالي الغاليه المهم بقولك ايه متقومي تعمليلنا دور شاي كدا ولا اروح اشربه علي القهوه وخلاص
نور :لاء مش قادره اقوم روح انت اشربه علي القهوه وتعالي
غسان باس دماغها :انا بقول كدا برضو يلا هروح ومش هتأخر ونزل علي تحت بسرعه
نور بحب :اعمل ايه بحبه بقا
………………………………..
عند نيرا البنات قعدين في الاوضة بتاعت نيرا والميكب ارتست بتعمل ميكب ليها وبرا اهل نيرا بيغنو وبيرقصو وبيعملو الحنه وفي الشارع الخيمة بتاعت الحنه بتتنصب ومحمد وقاسم واسر وقفين مع الناس تحت
( في اوضة نيرا )
ندي :والله اتزليت عليه بليل قولتله زعق فيا ونام متخانق معايا الصبح قولت ليه وبرضو فضل يزعق ومشي من غير فطار لبست وروحت الشركة ليه مرضاش برضو اعمل ايه بقا
حبيبه بغيظ :ليه يعني احنا غلطانين اننا خلناكي تتجوزي اصلا
ندي :ماما قالت تعالي البلد علشان تحضري معانا اليومين دول اخد الفون وكلمها وقالها مبعرفش انام من غيرها وانتي عرفه الاصول يا حماتي امي بقا عملت فيها الحمايه الاصيله وقالت لاء تعد في بيت جوزها
فرحه :لاااء الواد دا زودها اوووي وعاوز يتأدب
ندي مسكت لياقة هدومها :واااااد مين يبتاعت مصطفي اللي عاوز يتأدب ؟
فرحه بتوتر وانفاعل :مصطفي يا باشا ليكون مفكره قصدي علي عاصي انا مقصدوش انا اقصد خطيبي
نيرا بضحك :لاء تقصدي عاصي ندي اديلها بالبوكس في وشها علطول ساكته ليها ليه خايفه منها ولا ايه
الميكب ارتست :انتي هتثبتي معايا ولا اطردهم برا
ندي :تطردي مين يمااااا انتي كمان ؟
الميكب ارتست :الدبان يا حبيبتي في دبانه كل شويه تيجي علي ايدي تلخبطني اوعي تفكري اقصدكم دا انتو حتي مسليني عرفت عاصي واسر ومصطفي وكريم مفيش حاجه اسمها اسرار خالص عندكم
فرحه :اسرار ليه احنا بنقابلهم في السر دول قرر عينا
الميكب ارتست بستغراب :قرر ايه ازاي ؟
ندي :يعني عاصي قرة عيني كريم قرة عين العروسه اسر قرة عين حبيبه مصطفي قرة عين فرحه احنا بقا بدل كل شويه ما نقول قره عيني وقره عينها قولنا قرر عينا واسكتي علشان اسألنك كتير
الكل ضحك عليها والميكب كملت لنيرا
ندي مسكت الكرسي وطبلت عليه :انا عوزه الميكانيكي يجي يصلح الموتور سقفي يا بت انتي وهي
فرحه :حط ايده يااااه
ندي بصت ليها :حط ايده فين انتو لسه مخطوبين والنعمه لقول لابوكي
حبيبه :مكنش العشم ابدا يا فرحه
فرحه بصدمه :اسكتي انتي يا بتاعت اسر اخر وحده تتكلمي عن الحط وانتي يا استاذه ندي يا بتاعت عاصي احنا ناس محترمه مش متجوزين
نيرا زقة البت بتاعت الميكب :استني يما مالهم المتجوزين يختي ؟
فرحه :لاء بقا احنا محسودين بقينا نقف لبعض علي كل كلمة اهو
ندي شاورت علي البت بتاعت الميكب :هي عينك يا حقوده باينه زي عين الشمس انتي اسمك ايه
البت بتاعت الميكب :اسمي اسماء
الكل بص ليها وماتو ضحك
حبيبه بضحك :وانا اقول اليوم مش متبارك فيه لييييه
ندي :جيبالنا وحده اسمها اسماء يا نيرا حبنا فيها ولا غيظ فينا ولا علشان راحه هناك بتعدلي العلاقه بينكم
فرحه :نيرااااااا الخاين ملوش مكان بينا
اسماء بتاعت الميكب بضحك :بعيد عن ان مش عرفه بتتكلمو عن ايه بس انتو عسلات بجد ربنا يخليكو لبعض
فرحه بهمس :هاتي حتة بخور نتبخر بسرعه يابت
………………………….
في البلد قدام البيت في احصنه بترقص وكريم بيرقص عليها ومعاه مصطفي والعيله كلها وفي كمية ناس رهيبه وكلهم رجاله وجوا الستات بيرقصو ويسقفو
اميره واسماء عمالين يتصورو برا بس المقصد ان الرجاله تشوفهم
عزه طلعت ليهم :حربايه انتي وهي مرات عمي فريده بتقول ليكم ادخلو جوا بدل ما تجيب مصطفي يدخلكم بطريقته
اميره :واحنا وقفتنا هنا عمله ايه احنا بنتصور
عزه :بتتصورو يا دبه ولا وقفه تلفتي انظار الرجاله عليكي
اسماء بغيظ :بت انتي…. انتي مالك ومالنا احنا وقفين بنتصور ايه اللي شاغلك
عزه بضحك :وانا يوم ما هتشغل هتشغل بجوز عقارب دا عيب في حقي يا شيخه انتي وهي
اميره بغيظ فيها :مش دخلين وروحي قولي ليها كدا عجبانا الوقفه هنا قدام الرجاله
مصطفي من وراهم :وعز جلالة لله لو لمحت وحده فيكم وقفه برا لكون كاسر رقابته وزعق يلاااااا علي جوا
اميره واسماء دخلو علي جوا جري
عزه بضحك :الله عليك يا عم صاصا وعلي سيطرتك
مصطفي :علي جوا يابت اخلصي احسن اجي ارزعك قلمين
عزه بتهديد :انا هدخل بس خد بالك خطيبتك صحبتي يا زعامه ودخلت علي جوا
مصطفي بضحك :يوم ما اتهدد اتهدد بوحدة ست ومن وحده ست
كريم راح لمصطفي :خد بقا كدا يا كبير
مصطفي :خد ويا كبير استر يالي بتستر
كريم بضحك :لاء مفيش حاجه بقولك ايه انت عارف ان انا هاخد جدك ومرات عمك فريده ومرات عمك ناديه وعزه معايا في العربيه
مصطفي :اممممم واميره واسماء ونورا معايا وفرحه تولع فيا لما تشوفني
كريم :انا عريس يرضيك يتنكد عليا انما انت لسه قدامك اسر هيتجوز الاول انقذني اخوك مزنوق
مصطفي :عليا النعمه مفي كلام من دا هيحصل دا كفايه اسماء هتقلب العربيه سراحه وميكياج وقرف وتنسي قلم روج وفرحه تلاقيه يسواااادي لاء يبااااا مع نفسك
كريم :خلاص ماشي جدي يا جد مصطفي هياخد البنات وانا هخدكم انتو
الجد :خلاص ماشي
مصطفي :ياعم اهدي كرييم متعملش فيا كدا انت يلااا
كريم :ارقص ارقص واسكت محدش واخد منها حاجه
………………………………
بليل واخيرا بعد ما نيرا لبست فستان ازرق صك من قدام وبديل بسيط من ورا والكمام منفوشه من فوق شويه ونازله بكم عادي ولبست اسكارڤ لورا والميكب سمبل وكانت روعه وقموره اوووي اول ما شافت نفسها انبهرت بجمال شكلها
وندي وفرحه وحبيبه لبسو بدل حريمي بيضه كلهم وحجاب احمر وجزم حمرا وميكب سمبل برضو
ندي بملل :بنات مش عرفه اظبط شعري
حبيبه :ندوش عرفه انها حريه ليكي لكن جربي الحجاب كدا
فرحه :انا كمان بقول كدا الحجاب هيكون قمر عليكي اوووي
نيرا :يلا يا ندوش جري كدا
ندي بحماس :ماشي تعالي يا فرحه اعمليه بيا
فرحه لفت الطرحه ليها وندي بصت في المرايه :واووو شكلي حلو اووي عاصي هينبسط اووي لما يشوفني وبصت ليهم قررت البسه علطول
فرحه وحبيبه ونيرا :مبرووووووك وغسان خبط عليهم
غسان :ادخل يا بنات ولا ايه
حبيبه فتحت :ادخل طبعا يا بابا
غسان بص ليهم بحب وابتسامه :ايه البنات القمر اللي عندي دول يا ربي لاء انا مستخصركم في الرجاله دول بقا انا عاوز بناتي ومسك ايد نيرا مبروك يا ست البنات تعالي يلا
البنات زغرطو ومشيو وراها ونزلو علي تحت كان كريم ومصطفي وعاصي واسر وقفين تحت ورا كريم وجيهان بترش ملح وبتزغرط والديجي مشغل اغنية وصلو العرسان
غسان سلمها لكريم :حاليا بسلم ليك وحده من بناتي تشيلها في عينك يا كريم
كريم حضنه :في عيوني يابا وراح مسك ايد نيرا وباسها وراحو علي الكوشه
اسر راح لحبيبه :حبيبي القمر ايه الجمال دا بقا
حبيبه :بجد شكلي حلو
اسر :قمر يا قلبي عقبالنا يااارب بقا
حبيبه :خلاص فاضل تكه مبقاش كتير وفضلت وقفه هي واسر يتصورو ويسقفو
……
ندي راحت علي امها وعزه واهل البلد اللي مبهورين بشكلها والبرستيج بتاعها وسلمت علي الكل
عزه حضنتها كتير اوي :وحشتيني اوووي
ندي :وانتي كمان وحشتيني اووي
ناديه حضنتهم الاتنين :وحشتيني يا نن عيني
ندي :وانتي كمان يا ماما وسلمت علي الكل
وحده من البلد بهمس للي جنبها :هو فين جوزها من اللي وقفين دول
وحده تانيه :مش عرفه بس الوقتي هنشوفه
الست الاولي :البت جسمها تخن لتكون حامل
الست تانيه :ايوا باين عليها حامل بس مخبين
الست الاولي بلوية بوز :مخبين علي ايه ياختي الواد هيتخلل ولا اول وحده تحمل يعني دا انا مرات ابني المحروس ايمن حملت من الاسبوع التاني وكان نسوان البلد كلهم عرفين
الست التانيه :النفوس تختلف يا ام ايمن
ناديه :ندي سلمي علي جدك
ندي :حاضر هروح لعاصي وهروح اسلم عليه
عاصي كان وقف مع اصحابه واقرايبهم بشموخ وبيتكلم معاهم
ندي شافت سيف :سيف حبيبي روح نادي عاصي ليا
سيف جري لعاصي وقاله وعاصي بص عليها اتصدم وراح ليها كل اللي في البلد حسدوها عليه سواء ستات كبيره او بنات
عاصي ببتسامه :ايه القمر والجمال والحلاوة دي
ندي ببتسامه :ايه رأيك في المفاجأة دي
عاصي ببتسامه :لولا الناس كنت حضنتك ايه القمر دا يا روحي بجد مبسوط اووي
ندي بغمزه :نحتفل في البيت بقا
نور راحت عليها هي ونورهان ونسمه ويمني :اش اش اش القمر اللي اتحجب دا
عاصي :اهو بقا مراتي هتفضل تتعاكس منكم
يمني :اتنيل يا عاصي انت مبوظ ابني يرضيكي يا ندي كدا
ندي بضحك :ما هو بوظني خالص يا يمني
عاصي :تعالي نسلم علي جدك ونرجع تاني واخدها وراحو يسلمو علي جدها
نسمه ببتسامه :البنات بتكبر وولادنا بيكبرو
نورهان حطت ايدها علي كتف نور ونسمه :مين كان يتخيل ان الثلاثي المرح يبقي ليهم اولاد وعيله والانيل ازواج كمان
نور بحب :الايام بتعدي كأنها سعات يا بنات فكرين لما كنا نسهر مخصوص علشان نشوف الشمس وهي بتشرق
نسمه :ايام اتمني لو ترجع ساعه وحده
نور :كفايه اننا اخدنا رجاله بنحبها وبنرتاح ليهم وبتبص علي غسان وقاسم وعمر ومحمد وهما بيرقصو وفرحانين
……….
فرحه :حبيبي علشان خاطري هروح اسلم وارجع
مصطفي اللي مشبك ايده في ايدها :لاء
فرحه زعلت اووي وقعدت ساكته فجاة مصطفي قام واخدها معاه وطلع وقف مع عاصي واسر وكريم وقال لفرحه :لو رقصتي هتزعلي يلا روحي راحت هي فضلت تسقف وهو راح عن الشباب
ندي حطت ايده علي كتف عزه وحبيبه وفرحه ونيرا :هنعيش تحت اي ظروف هنغني كمان وكمان اااه وهنرقص علي الاحزان ويا دنيا جنان بجنااااان وفضلو يرقصو وبعديها ايجة كريم ورقص مع نيرا والبنات راحو يتصورو
ندي مسكت ايد عاصي :حبيبه انا وجوزي هنتصور الاول يلا يا عاصي وراحت وقفت جنبه وهو حط ايده علي وسطها ندي بصت ليه بخجل
ندي :شيل ايدك يا عاصي الناس بتبص لينا
عاصي بص ليها :مليش دعوه بحد وميهمنيش حد والكل اتصورو وبعدين العيله كلها اتجمعت في صورة وحده واتصورو
ندي بهمس لفرحه :العقارب عوزين نسمعهم كلمتين
فرحه :دا احنا هنسهر عليهم النهارده بس صبرك
فرحه :وبعدين يا اميره انتي شغله بالك ليه حامل مش حامل انتي مالك
اسماء :بنت عمنا وبنطمن انتي مالك
حبيبه ايجة :هاي عقارب اخباركم سوري سوري اميره وحاجب سورررري اسماء
ندي وفرحه ماتو ضحك
اميره شدت اسماء بغضب :عيال برده بصب احنا بيتين الليله والله لنوريهم صبرك عليا بس لكلاب دول
……………
غسان واقف جنب قاسم وبيبص علي ولاده وعيلته اللي بتكبر ببتسامه :قاسم
قاسم :حبيب اخوك
غسان ببتسامه وهو بيبص علي العيله :الظاهر ان حين تقع في الحب كبرت
عمر ايجة وحط ايده علي كتفهم بضحك :اوووي يا جدع
- يتبع الفصل التالي اضغط على (رواية حين تقع في الحب ) اضغط على أسم الرواية