رواية انتي دمي ودموعي وابتسامتي كاملة بقلم منة محمد عبر مدونة دليل الروايات
رواية انتي دمي ودموعي وابتسامتي الفصل الثاني 2
عيسي بعد خناقته مع ابوه دخل قعد ع السرير وبيفكر في كلمه لما اخدناه اخدوه منين والمعني من الكلمه وهنا نزلت دموعه لما افتكر انه من لما كان طفل في الابتدائي عمر ابوه ما حن عليه بكلمه او حتي بنظره وكان كل حنانه وحبه لحسن وبس !!!
صباح فتحت الباب ودخلتله: ماتهتمش لـ ابوك هو سكران وبيقول كلام ملوش معني وهو بس مضايق عشان مش لاقي شغلانه وبيطلع زهقه عليك
عيسي عيونه فيها اثر للدموع: انا مش زعلان منه يا امي يمكن انا فعلا نحس
صباح قربت وأأعدت جنبه و همست بحنان: متقولش ع نفسك كدا ظروفنا ملهاش دعوه بيك يابني سواء ظروف البني ادم كويسه وحشه ده بيرجع للشخص وافعاله وبعدين انت ذكي ودخلت كليه الهندسه بس انت رفضت تكمل عشان مقدرتش ادفعلك المصاريف انا اسفه (اخدته جوه حضنها) بجد اسفه وحقك عليا
عيسي ضمها اوي ودخل جوه عمق حضنها الحضن الي دايما وابدا بينسيه بطش ابوه واحتقار اخوه!!!!
الروايا بقلمي قصص منه محمد كاتب
قاعده ع الكورنيش وبتفكر في امها لما انضرب عليها نار والسبب مجهول لما شخص اقتحم الثريا عشان يضرب ابوها لكن الرصاصه صابت امها ووقعت قدامها
امل قربت جنبها بقراطيس ترمس وأأعدت جنبها: بتفكري في الي حصل لـ امك
لوسين بصوت حزين: ايوه لما بشوف خناقه زي دي بفتكر الي حصل لماما وبشوفها بتحصل قدامي
امل طبطبت عليها: لوسي لازم تنسي ده من الماضي وامك بخير الحمد لله
لوسي مسحت دموعها : عندك حق انسي واكل الترمس الحلو ده
امل ضحكتلها وقضوها هزار طول القاعده
………..قصص منه محمد كاتب………………
اخد شور وطلع وقف قدام المرايا وابتسم لما افتكرها وهي بتجري وري صاحبتها بعصايا السلفي راح لبس هدومه ونزل صبح ع امه ومعاه كياس زينه رمضان يوزعها ع المحلات وحطها ع الموتسكل وربطها بأحكام
صباح طلعت وراه : خد يابني الخوذه
عيسي بصلها ببتسامته الحلوه: تسلمي يا ست الكل انشاء الله اجيب فلوس النهارده
صباح بحنان: متقلقش انا سحبت فلوس من الدفتر ودفعت مصاريف مدرسه اخوك
عيسي مسك ايدها برفق: اتحملي يا امي لحد ما القي شغل بمرتب كويس مش هيبقي فرض عليكي تخيطي ليل مع نهار بالشكل ده
صباح: اقدر يابني اشتغل ليل مع نهار بس انت كمان هتقدر تشغل كذا شغله
عيسي باس ايدها وابتسم: يعني عيسي بجلاله قدره مش هيقدر يا صبوحه
صباح ضحكت اوي
عيسي: ادعيلي يا امي ادعيلي في كل سجده كتير
صباح ضمته ليها وعيسي خرج من ضمتها وباس خدودها وراسها
صباح: يله روح ودي الشغل
عيسي ركب الموتسكل: انا ماشي اهو
صباح: ربنا معاك يا ابن قلبي وسوق ع مهلك
عيسي هزلها دماغه: حاضر
صباح طلعت وراه تودعه بقلبها
……….قصص منه محمد كاتب……………..
ع الموبيل
نجوان: عايزه مني ايه انا مقموصه منك
امل ضحكت: طيب انتي فين عرفتي بأن لوسين رجعت من امريكا وراحتلك تفاجئك في محلك
نجوان شهقت بفرحه: بجد رجعت استني اي محل
امل: محلك الي في المنشيه يله تعالي بسرعه قبل ما تشتري كل الهدوم وانا لازم اقفل باي
نجوان بصت للموبيل: نهار كروهات انا معنديش محل _ طلعت تجري وسط الناس وتزعقلهم_ طوارئ ابعدو وسعوا عن الطريق
لوسين للعامله: انا هاخد كل الهدوم دي
العامله: بس احنا مش بنقبل فيزا الدفع نقدي
لوسين بصتلها اوي وبغرور: انتي مفكره اني ممعيش فلوس عشان ادفع ثمن كل الهدوم الموجوده في الدكان اتفضلي روحي نديلي صاحبه المحل
البنت: انا صاحبه المحل
نجوان هنا دخلت بسرعه وشدتهم من ايديهم ع برا: ايه ده تعالوا اخرجي هنا الاول شهلي
امل بتجري معاهم: هو ايه الي بيحصل
نجوان بلعت ريقها وحركت ايدها بتوتر: انا هقولكم
امل: ايوه يله فهمينا
نجوان: كنت بفشر عليكم ان المحل بتاعي معرفش انكم هتفاجئوني وتيجوا تدهشوني
امل بغيظ: نعم ياختي بتفشري
نجوان: ايوه وقلت اول ما اعمل جمعيه كبيره من الفرشه هشتري الدكان بجد
لوسين بتواضع: خلاص حصل خير
امل: خير وانتي اشتريتي الهدوم دي عشانها
لوسين: عادي يا اموله احنا اصدقاء والصديق يقف جنب صديقته الفشاره دايما
نجوان: ايوه يا لوسي وبعدين يعني مش نهايه الحياه وعشان كدا لازم نستمر في الاحلام وعشان كدا ساعدوني نجذب الزياين ع الفرشه لاني لما بفرشها محدش بيقف يعبرني
امل عوجت بؤها: معنديش افكار
نجوان كشرت فيها: عشان عندي صديقه غتته للسبب ده انا منحوسه
امل ضربتها في كتفها: انتي الي غبيه هتعيشي وتموتي غبيه
لوسين نطت لفوق بفرحه: انا عندي حته فكره
نجوان اتحمست: ايه هي
لوسين: فعلا دي مش نهايه الحياه ولازم نستمر ونحارب عشان نوصل
لوسين اخدت الهدوم وفرشتهم ع الفرشه في سوق شعبي ولبست لوسين لبس شعبي شويه عباره عن بنطلون كاتنج وبلوزه بيضه منقطة بفيونكة من قدام وشغلوا اغنيه لمصطفي قمر اه يا ليل اسكندريه .. لملمنا والنبي من بحري للازاريطه .. اه يا عصافرة قربي اه يا حاضره ع الخريطه .. دي الحلقه مكسبي والمرسي ابو العباس اجدع ناس وبدئت الناس تروحلهم وانجذبت معاهم بأسلوبهم الجميل
ولوسين عملت هي وامل جو مرح ورقص ع الاغنيه بطريقه مبهره والناس بدئت تتلفت عليهم
في نفس المكان عيسي كان مع ولاد خاله ع كافيه شعبي من دورين بيشربوا شاي وسمعوا صوت الموسيقي قاموا يشوفه في ايه
عمار قعد ع حرف السور وعيونه ع نجوان: انا عايز دي
عيسي شخط فيه: عمار عيب احترم البنات
علاء حط ايده ع كتفه وبغمزه: عيسي مين فيهم عجبتك
عيسي عيونه مركزه ع لوسين والابتسامه اترسمت ع وشه
عمار بص لعلاء وبحركه سريعه: بس انتي يا حلوه
وبسرعه جريوا وعيسي اتغاظ منهم لما لوسين رفعت عيونها وبصتلوا بقرف وعيسي بقي في نص هدومه
عمار وعلاء طلعوا تاني وندوه : انتي ياحلوه ابن عمتي طالب منك تصاحبيه في خروجه تحبي تروحي
لوسين بصتلهم بغضب وشويه وتطلع تدبحهم
عمار: بس ام بلوزه بيضه مش عاوزه تروح طيب وام البلوزه الحمره ردها ايه
عيسي: عمار كفايه كدا
في نفس اللحظه دخل حميده مع معلمه التهامي ورجالته
نجوان بذعر: يله نلم الفرشه ونمشي من هنا هيتخانقوا
امل: طب يله نلم البضاعه بسرعه
لوسين بتلم معاهم: امل روحي قربي العربيه وانا هلم مع نجوان
امل جريت: تمام
حميده موزع عيونه ع المكان لحد ما لمحهم فوق والشرار طاير من عينيه شاور عليهم لمعلمه: اهم الاوباش هنا يا معلم
تهامي بأمر لراجل منهم: خد الرجاله واطلع جبهملي
عيسي شافهم ولف لولاد خاله: يله نمشي حالا من هنا
صاحب القهوه جري علي علاء الصبي عنده: خد قرايبك وامشي من هنا انا فتحت القهوه ولسه بسدد في القرض (شد من عليه المريله) وانت ملكش شغل عندي
طلع راجل واحد من رجاله التهامي ووقف في وشهم بمطواه
صاحب القهوه بخوف: شوف اعمل الي انت عيزه بس بلاش خناقه ارجوك
شويه طلع مجموعه من الرجاله والزباين بدئت تخااف وتمشي من منظرهم
صاحب القهوه برعب: اهلا وسهلا برجاله المعلم تهامي اتفضلوا اشربوا شاي قهوه عصير يا ولاد نضفوا التربيزات للرجاله ها تحبوه تاخده ايه؟؟!!
رجاله التهامي بدئت تهجم ع عيسي وولاد خاله وصاحب القهوه فضل يصرخ ع شقه عمره والكل دخل في خناقه كبيره ولعت للجو عيسي ضرب اتنين منهم ونازل يجري ع تحت يكمل ضرب فيهم لكن واحد من رجاله التهامي طلعله و بدء بينهم الاشتباك الدامي العنيف وكل واحد فيهم يكيل للتاني لكمات قاسية لحد ما قدر عيسي يضربه ويحدفه من فوق السلم ووقع قدام رجول لوسين الي صرخت واترعبت
التهامي بص لحميده والي معاه: يله واقف ليه اطلع ساعد اخواتك يله
حميده بيجري ع فوق مع رجالته وعيسي بيجري بسرعه البرق ينقذ ولاد خاله ولوسين بترجع من الخوف ع وري خبطته وكانت هتقع مسكها وبيبص لمح حميده مطلع مسدسه وصوبه ناحيته ونظره الغدر في عنيه
عيسي شد لوسين :يله بينا
لوسين فضلت تضرب في ايده بغل:انت بتشدني ليه
حميده جري وراهم وحاصرهم في زاويا وضرب عليهم نار عيسي خطف لوسين واتخبا بيها في جسم برميل وجري بيها ركب المًوتسكل وقالها تركب وراه بسرعه وحميده بيجري وراهم وبيضرب نار
التهامي لحميده :ابعد سلاحك
الرجاله قدره يمسكوا عمار واخده رهينه وكدا هيجيبوا عيسي راكع
الروايا لمنه محمد كاتب
لوسين بتعافر تنزل: انت اقف مش سامعني (صرخت اكتر زي المجنونة) اقف انا هنزل
عيسي ضرب فرامل مره واحده ووقف
لوسين: ليه وقفت هنا المكان مقطوع قولت نزلني ع الشارع العمومي
عيسي تلفونه رن وكان عامله صامت فتحه وقال: قول تاني
لوسين كررت: بقولك ليه منزلتنيش ع الشارع العمومي
عيسي لف عليها وبدون ما يبصلها شخط فيها: اسكتي
علاء ع الموبيل: الحق ياعيسي اخدوه عمار واكيد هيضربوه وانا هربت منهم بالعافيه
عيسي: انت فين دلوقت
حميده راح من وراه بخبث وشد منه الموبيل وحط المسدس في دماغه وعلاء رفع ايده لفوق
عيسي: علاء انت فين؟؟!!
عيسي: حميده سيبهم حالا
حميده ضحك يما وبعدها اغلق وعيسي فضل يصرخ عليه
لوسين اتكلمت بتوتر: لو مش هتوصلني سبني انزل
عيسي نطق بكل برود: انزلي
لوسين برعب: انزل فين نزلني ع الشارع العمومي
عيسي كرر بنفس البرود: انزلي
لوسين بنرفزه: انزل فين يا بني ادم انا خايفه
عيسي حرك الموتسكل: خلاص نروح سوي
لوسين ضربته ع ضهره وبنفعال: لاء خلاص اقف انا هنزل
عيسي بعد ما نزلت بصلها: استني هنا ,,هنا هتكوني في امان فيه ناس وعمدان نور ومتروحيش اي مكان لحد ما ارجعلك
لوسين نطقت بدهشة : استني انت هتسبني هنا بجد
عيسي حرك دماغه وساق بأقصي سرعه ومشي من قدامها
لوسين ضربت الارض برجولها: يا غبي يامجنون ازاي تسبني هنا في المكان روح انا هقدر اروح لوحدي
لوسين يادوب بتلف لقت راجل شكله يخوف وقام راحلها هنا أتجمدت أطرافها وجحظت عيونها في رعب من منظره وطلعت تجري
- يتبع الفصل التالي اضغط على ( رواية انتي دمي ودموعي وابتسامتي ) اسم الرواية