Ads by Google X

رواية زين الصعيد الفصل السابع و العشرون 27 - بقلم دودي

الصفحة الرئيسية

   رواية زين الصعيد كاملة بقلم دودي عبر مدونة دليل الروايات 


 رواية زين الصعيد الفصل السابع و العشرون 27

عاصم :الو ،نعم
ورد:الو ي عاصم بقا كدا كل المدة دي متسألش علياا ولا خلاص ناستني
عاصم :غريبة يعني مش انتي اللي ناهيتي كل حاجة وقولتي كل واحد يروح ل حاله ولا انا غلطان
ورد بد*لع :وهو انت م صدقت ي عاصم للدرجادي هونت عليك اووي كدا
عاصم :ورد انتي فاكرة اخر مرة كلمتيني فيها قولتي ايه فاكرة ولا افكرك
ورد:يوووووه بقا ميبقاش قلبك اسود ايوه فاكرة كنت زعلانة ومضايقة وقتها ولا بشوفك ولا بتتصل علياا تطمن حتي يوم م بتنزل بتقضي الإجازة كلها نوم وشكرا ع كدا غصب عني بقا نفسي احس اني مخطوبة واحب واتحب
عاصم :اسطوانة كل شوية ،ماشي ي ورد ع العموم انا نازل إجازة الاسبوع الجاي أن شاء الله وهحط حد ل موضوعنا ده ونشوف مين فين اللي غلطان وله حق عند التاني ومين اللي بيخو*ن التاني
ورد بعدم فهم وتوتر :قصدك اي
عاصم :قصدي هتعرفيه كويس لما انزل … سلام علشان عندي شغل دلوقتي.
_ي تر عاصم يقصد اي بكلامه ل ورد وخيانة اي اللي بيتكلم عنها وده اللي هنعرفه البارت الجاي
_________________________
رحيم معدي ع مودة علشان يوصلها الكلية زي م اتفق معاها واستئذان كمان من عمه
_رحيم :يلا ي مودة علشان مش نتأخر
مودة :طاب يلا جاية اهو خلصت
رحيم :ساعة علي بال م تخلصي
مودة ؛يوووه م خلاص عااد ي رحيم اهو انت اللي عمل تضيع في الوقت اهااا
رحيم :طاب يلا
وطلعوا من الدوار …وهم راكبين العربية
رحيم :المستشارة بتاعتنا جاهزة ذكرت كويس ولا نص نص
مودة بتفخر :عيب عليك لما تقول كدهااا انت عارفني طول عمري طالعة شاطرة زيك ي ولد عمي
رحيم بيبص لها وبيستعجب : وه ولد عمك !! ي بت انا خطيبك والله
مودة بضحك :اه صحااا نسيت
رحيم :نسيتي اه ،اهي كلها اخر الترم ونتزوج بعدها ي آخرة صبري
مودة بضحك :ربنا يسهل
رحيم بضحك :طيب ، حلي بقا كويس عايزاك الأولي
مودة بضحك :ايوه ايوه ،يلا سوق بقا بسرعة كدا هتأخر ع الامتحان
رحيم بضحك :حاضر ي هانم
____________________________
_واحد من الغفر داخل ل حسن الجبالي المكتب وبيقوله
ي حسن بيه كساب الرايق عاوز يقابلك
حسن :كساب!!وعاوز اي عاااد
_معرفش هو قالي اخش اقولك أنه عايزاك ،هو واقف برا
حسن :طيب خليه يدخل
_حاضر
حسن الجبالي قاعد ع الكرسي بتفخر وكساب داخل عليه وبيمد أيده علشان يسلم بس حسن مش بيبدله السلام
كساب بصله بنظرة حدة وسحب أيده وبيضحك …ماشي هعتبر نفسك سلمت عليا
حسن :عاوز اي ي كساب طالب تقابلني ليه
كساب:جاي اعرف انت ليه حاططني في دماغك قوي كدهاااا
وداري تلعب في دماغ الفلاحين علشان مش يبعولي
حسن بضحك :وانا مالي يبيعوا مش يبيعوا انا داخلي ايه
كنك جاي ومتأكد أن ليا داخل في كدهااا
كساب : اومال هيكون مين محدش بيحقد عليا ولا بيكرهني قدك وكل م اجاي افتحه معاك صفحة جديدة مترحبش م تقولي عاوز اي من الاخر وتخلص
حسن بضحك :وانا هعاوز اي من واحد زيك ي كساب مش عارف انت بقيت كدهااا ازي وفلوسك وكل اللي انت فيه ده جبته منين ومهما تعمل هفضل احا*ربك ل حد م توقع وانت عارف انك نفسك امو*ت النهاردة قيل بكرا علشان تحتل البلد بظلمك بس طول م اللي معاه ربنا عمره م يخافش ابدا وانا معايا ربنا وإذا كان ع الكره والحب فده في القلب ومحدش يعرفه
كساب بضحك :انت شايل بقا كل ده ،ماشي ي جبالي بس خليك فاكر إني جتلك هنا ومدتلك ايدي وانت مرحبتش متزعلش بقا من اللي هيحصل في الاخر
حسن بضحك وبيقوم من ع الكرسي ورايح ناحية كساب
اعلي م في خيلك اكر*به واللي عندك اعمله …عاوز تقول حاجة تاني ولا عارف هتمشي منين
كساب بنظرة توعد وبيضحك وقام واقف ماشي ي جبالي همشي دلوقتي واند*مك بعدين … ومن غير سلام كمان
_____________________________
جنة لسه بتمسك القلم وسمعت صوت برا غريب قامت تشوف تتسحب براحة وتشوف في ايه من ورا الباب
سمعت حد بيتكلم برا
_عملتي اي
هدي :خلصت كل حاجة زي م قولتلي بالضبط ،بس تفتكر حد هياخد باله
_لا لا متخافيش ،المهم حاولي تبيني انك طبيعية علشان مش تلفتي الأنظار
هدي : ماشي ماشي ،اهم حاجة فين باقي الفلوس
_خدي اهي وراح مطلع ظرف من جيبه وادهولها
هدي خدته منه وبتفتح الظرف علشان تعد الفلوس
_انتي بتعملي اي
هدي:ايه هعد الفلوس
_هتعديهم، يلا مش وقته انجزي قبل م حد يصحاا ويشوفنا عديهم بعدنا متخافيش كملين ي حلوة
هدي بضحكة خفيفة…ماشي مضمون ي باشا
**جنة في سرها :ايه ده أنا عارفة الصوت ده كويس ده صوت هدي بس لحظة مين اللي بتكلمه ده وإزي جاه هنا وفلوس ايه دي كمان اللي خدتها انا دماغي لفت ي تر بتعملي اي ي هدي ومش عايزة حد يعرفه …جنة مشيت براحة ورجعت تاني ع سريرها …اوف يخربيتك ي هدي قطعتي حبل أفكاري …يلا مش مهم ومسكت النوت من تاني **
بتكتب …كل حاجة حاسة بيها في قلبها من كلام ومشاعر
_‏نفسي حد يجبلي هدية على شكل فراشة سلسلة بقا او حلق اي حاجة مش مشكلة واقول”أهداني إياها شخصي المفضل فشعرت كأني فراشة ترتدي أخري”
_محتاجة حد فـِ حياتى يفهمنى زى ما أنا، حد يبقي حاسس بيا من نبرة صوتى وملامحى، حد ميخلنيش أبرر أفعالى إللي بعملها غصب عنى لإنه فاهم أنا ليه عملت كده، حد مبقاش مضطرة أفكر معاه فـِ الكلام قبل ما اقوله، حد بتعامل معاه بكُل تلقائية وأنا حاسة بالأمان، حد حنين مهونش عليه مهما حصل.
_الأهم من إنك تتحب هو إنك تِحس إنك كفاية ، مشاعرك كفاية حُبك كفاية ، ووجودك دايماً كفاية ، تغيب ا
لناس بس إنت لا ، وإن غبت الحياة تكُون ناقصة بغيابك ، الحُب عُمره ما كان بس كلام ، الحُب بيبان فى التفاصيل الصُغيرة فى الاهتِمام وفى الحنية إنك تحس دايماً إنك مطمن إن مفيش ليك بدِيل ، الحُب أمان
وفي النهاية …
_أريده خلوقاً .. همه الآخره ويسعى لها سعياً ، يكُن لي معيناً على طاعة الله آخذاً بيدي إلى جنة النعيم ..أريده سوىّ النفس ، حنون القلب ، ليّن الطبع ، ناضج الفكر ..أجد في حضنـه السكن والأحتواء ،يغمرني بحبُـه ليِ .
لا يهمني شكله كيف يكون ، فـ يكفيني أن تكون ملامحه مريحة لي لأجد فيها السكينة والأمان ، أكون طفلته المُدللة’ة ، فـ يرى أسباب بكائي التافهة أكبر مشاكل العالم ، ولا يتركُني في وقت زعلي حتى يرسم الإبتسامة على شفتاي .
يختارني لذاتي ، لكوني أنا سَعادتـه’ه لا لشئ آخر فـ ينظر لي وكأني أعظم إنتصاراته . ان أكون له الصديقه والزوجه الصالحه ورفيقة دربـه فى الحياه .
**خلصت كتابة وقالت النوت بتاعتها ونمت .
________________________
في الصعيد
اختبار ورا اختبار وسليم بيسافر كل فترة من الصعيد للقاهرة
علشان اختبارات الكلية الحربية وخلاص كدا النهاردة اخر اختبار اختبار الهيئة
راضية بدموع:خلاص ي ولدي مسافر
سليم :يوووه يما بتعيطي ليه بس
راضية :بعيط من الفرحة ،لا لا انا مش هعيط خلاص انا هزغرط وتقوم مزغرطة ابني ضابط حربية قد الدنيا
سليم بضحك :ياااه لسه مبقتاش ضابط وبعدنا مين قالك أنهم ممكن ياخدوني هم لسه شافوني النهاردة اخر اختبار خلاص
راضية :بإذن الله تتقبل انت ولد كبير سوهاج كالتها واخو حضرة الضابط زين قلبي بيقولي انك مقبول إن شاء الله
سليم :ياارب يماا ياااارب ،وبعدنا انا لو قبلت في الحربية مش علشان زين اخويا لا هقبل علشان مجهودي وبس
زين اتحايل عليا كتير أنه هيتوسطلي وانا رفضت تعرفي ليه علشان مش عاوز اخد حاجة انا متعبتش لها وعافرت واحس لما اوصل لها اوي بمتعة وفرحة مش تجيلي ع الجهز
راضية بحب :ربنا ينصرك ي سليم وتكون مجبور الخاطر بحق جاه النبي
سليم وهو بيقبل أيدها …ايوه افضلي ادعيلي كدا دي اهم حاجة عاوزها …ادعيلي يماا تكون من نصيبي الكلية وحلمي يتحقق
راضية :بدعيلك ي بني في كل خطوة وكل ثانية
سليم :يلا انا لازم امشي دلوقتي علشان القطر والحق اوصل علشان بكرا الاختبار
راضية :ماشي ي ولدي وابوك مجهز العربية اللي هتوديك ل حد المحطة واقفة برا
سليم :فين ابويا عاااد
راضية :قالي هيقابلك عند المحطة هو طلع قبلك عنده كام حاجة كدهااا وهيستناك هناك
سليم:تمام يلا هتوكل ع الله.
**سليم مسافر قبل ميعاد الاختبار بيوم علشان هو من الصعيد وعلشان كمان ميتأخرش وفي اي اختبار قبل م كان قاعد عند صاحبه في القاهرة كان بيسافر قبله بيومه **
________________________
تاني يوم الصبح
جنة في قطاع المستشفي بتطمن ع العقيد نادر
جنة :هااا ي بكل عامل اي دلوقتي
العقيد نادر :هو اللي يشوفك يبقا عارف حاله
جنة بضحك :الله انت بتعاكسني بقا
العقيد نادر :حد يشوف الحلاوة دي ومش يعاكس برضوا
جنة :لا كدا انا اطمنت انك بقيت بخير ي باشا انت بتتدلع شكلك عايز تفضل في السرير
العقيد نادر :علشان اشوفك كل يوم وتيجي تتطمني علياا بنفسك وبيضحك
جنة بضحك :خلاص هكتبلك ع خروج من النهاردة
العقيد نادر :بس بشرط
جنة :اي هو
العقيد نادر :نلعب دور طاولة ،ونشوف مين اللي هيغلب التاني
جنة بضحك :معروفة انت اللي هتكسب في الاخر ي باشا مصر
العقيد نادر بضحك :ده الاكيد
العقيد نادر :بوق ع الفاضي وانا اللي بغلب ،يلا روحي ي بنتي وبيضحك
**طبعا الكل فاكر أن العقيد نادر ده شاب وكدا لا ،ده كبير في السن بس مش اووي يعني قد والد جنة وبتعتبره زي والدها بالضبط وهو كمان كذلك بيحب جنة زي بنته وبيحب يفضل يتكلم ويهزر معاها كدا جنة بترتاح معاه في الكلام ولو في اي حاجة أو مشكلة واقعة فيها بتلجأله ع طول **
جنة وهي خارجة بتلاقي اللي بينادي عليها
_لو سمحتي
جنة بتبص تشوف مين وبتعجب ….

google-playkhamsatmostaqltradent