Ads by Google X

رواية سلف و دين الفصل الثاني و العشرون 22 - بقلم لولو محمد

الصفحة الرئيسية

 رواية سلف و دين كاملة بقلم لولو محمد عبر مدونة دليل الروايات 


 رواية سلف و دين الفصل الثاني و العشرون 22

على / يطلق من هنا و يجوزوه من هنا و كان مفيش فرصه للصلح
نور / مفيش فرصه للصلح يا على
على / مفيش مستحيل يا نور ربنا قادر على كل شئ و انتى ياما حكتيلى عن حب اخوكى لمراته يبقى ازاى فجاه لحق يحب غيرها العلاقه دى عمرها ما هتستمر بالظبط زى علاقه مروان و مراته قصدى طليقته بيملا بيها نقص عنده بس مش هتحل المشكله
نور / سبق السيف العزل الفرح الاسبوع الجاى و يادوب نلحق نجهز
على / كنت عاوزك تتصلى بأية و تعرضى عليها تساعديها فى حاجه فرحها بس واضح انك مشغوله بفرح اخوكى خلاص مش مشكله لسه بدرى اصلا على فرح أية
نور / اهى أية دى كمان اللى غريبه اوى
على / ليه بتقولى كدا
نور / انت نفسك غريب و اخوك غريب حكايه فيلم مفيش ناس حياتهم كدا
على / ههههههههههههههههههههههه دا انتى طيبه اوى اللى يسمع غير اللى يشوف غير اللى يعيش يا بنتى
نور / معاك حق ههههههههههههههههههههههههه
على / بتضحكى على ايه
نور / عارف لما يبقى جواك سؤال هتموت و تعرفه بس ما ينفعش تساله
على / هههههههههههههههه استر ياللى بتستر
نور / لا بجد الفضول هيموتنى اعرف بس ما افتكرش عندى الشجاعه انى اساله
على / لا مش مرتبط انا هههههههههههههههههه
نور / لا يا شيخ
على / لا بجد سؤال ايه
نور / مش عاوزه انكد عليك
على / لا ما تخفيش انا و النكد فى بينا معاهده سلام اصله جاب اخره معايا مش عارف يعمل معايا ايه
نور / يعنى اسال
على / اسالى تعبتينى
نور / هى اختك انتحرت ليه
صمت
نور / انا اسفه اوى انا من ساعه ما عرفت انها انتحرت و انا هموت و اسال ليه ايه اللى وصلها للمرحله دى خصوصا لو عندها اخ بيحبها زيك
على / هى حياتها ما كانتش سهله احلامها كانت بسيطه اوى اقل حاجه بتفرحها اقل حاجه بس هى نصيبها كدا
صمت
على / تعرفى كنا سهرانين بنتعشى فى يوم و قالتلى ان فى زميل ليها فى الكليه معجب بيها و كلمها و هى قالتله لو بيحبها بجد لازم يكلم عيلتها يوميها على قد ما كنت فرحان انها اتصرفت صح على قد ما كنت زعلان انها كبرت و هتتجوز و تسبنى انا مليش فى الدنيا غيرها بس الشاب ده و اهله هيجوا يكلموا مين ابويا و لا جوز امى و لا انا اللى بكمل عشايا نوم يا ترى اهله لما هيشوفوا عيشتنا و يعرفوا ظروفنا هيقبلوا بينا و لا هيجرحوها ياترى هتستحمل الرفض ياترى هتعمل ايه لو الجوازه باظت وقعدت طول الليل سهران افكر ياترى هتبوظ بسبب مين لو على الفلوس هشتغل ليل نهار عشان اجهزها بس انا اصلا بشتغل ليل نهار عشان تعليمها و مصاريفها هعمل ايه طول الليل ما نمتش
على يعيط
نور / على
على / فكرت فى كل حاجه الا حاجه واحده بس ان زى ما كبرت و لفتت عين زميلها فى الكليه كبرت و لفتت عين حد تانى حد عمرنا ما عملناله حساب عمرنا ما فكرنا ان الغدر هيجى منه امى كانت بتشتغل فتره مسائيه فى عياده دكتور و انا كنت بشتغل فى المحل عند الحج الله يرحمه و هى كانت بتفضل فى البيت تزاكر بس ما كانتش لوحدها جوز امي الله يحرقه كان معاها الراجل اللى امى سابتنى انا و هى عشانه ما صانش الامانه تقرير الطبيب الشرعى قال انها اتعرضت لاغتصاب عنيف ادى لنزيف شديد
صمت
على / لما طلعنا الشقه لقينا جوز امى نايم فى سريره غرقان دم و مضروب بالسكينه فوق العشرين طعنه نفس السكينه اللى لقوها مرميه فى البلكونه مكان ما رمت نفسها
نور / انا اسفه اوى
على / شافتنى جاى من بعيد و شاورتلى و رمت نفسها و هى بتضحك لسه صوتها و هى بتخبط فى الارض صوت صريخ ما اعرفش منها و لا من الناس دم فى كل مكان فى الارض زحمه الكل واقف يتفرج كانت لبسه الجلبيه اللى اشتريتهالها فى العيد كانت بتحبها اوى و بتلبسها طول الوقت كان لونها بمبى و فيها ورد تعرفى كانت عاوزه بلوزه جديده تروح بيها الكليه بس انا ما كانش معايا فلوس تكفى فجبتلها الجلبيه دى بس ازاى هديهالها هقولها ايه دا انا حتى اقل طلب ليها مش قادر احققهولها مش قادر بس ما رضيتش ما تعيدش بحاجه جديده و دى كانت بالظبط على قد الفلوس اللى معايا لما دخلت بالكيسه فى ايدى جريت و خطفتها و فتحتها تعرفى قلبى كان هيقف من الخوف من رده فعلها ههههههههههههههههههههههههه قولت هتعيط و تزعل و تتقمص بس ما عملتش كدا خالص فرحت بيها اوى حضنتها و جريت لبستها و فضلت تجرى فى كل حته و جت عليا جرى تحضنى و تقولى انت احلى اخ فى الدنيا
صمت و على بيحاول ينظم نفسه و يدارى دموعه
نور / على
على / ايوه
نور / انت فعلا احلى اخ فى الدنيا
على يبتسم
نور / و انا اسوء صديقه فى الدنيا انا بجد مش عارفه اقولك ايه
على / هتقولى ايه فى ايه كل ده ما يجيش حاجه جنب اللحظه اللى عرفت فيها انها ماتت كافره من يومها و انا ما بعملش حاجه غير انى اصلى و ادعيلها ربنا يسامحها
نور / انت مين اللى قالك انها ماتت كافره
على / كل الناس الحقيقه اللى عرفوا حتى سالت فى مسجد قالولى كدا
نور / تعرف ان ربنا وحده اللى عالم بالبشر هو الوحيد اللى له الحق يحاسبهم لا انا و لا انت نقدر نحكم على حد
على / بس هى قتلت نفسها
نور / اش عرفك
على / انا شوفتها و هى بترمى نفسها بقولك شاورتلى
نور / انا مش خبيره بس فى امراض نفسيه كتير بتسبب الانتحار على فكره ممكن ما تكونش فى وعيها ممكن يكون اللى حصلها ده مش بايدها و لا فى وعيها يعنى ليس على المريض حرج
على / ما تحاوليش انا سالت امام مسجد
نور / امام المسجد مش مفتى الجمهوريه و مش ربنا كلمه كافر دى كلمه كبيره اوى و ما لناش اننا نوصف بيها حد ربنا رؤوف رحيم هو عالم بيها و بظروفها هو اللى عارف هى رمت نفسها ليه و ازاى هو ارحم بيها مننا كلنا احنا بس علينا ندعيلهم بالمغفره و الرحمه مش اكتر
على / قلبى مرتاح لكلامك اوى
نور / تعرف يا على فى ناس يوم القيامه هيبقوا فى النار و اصحابهم فى الجنه هيسالوا عنهم فربنا عشان يفرح الناس اللى فى الجنه هيجيبلهم اصحابهم اللى فى النار معاهم الجنه كل اللى عليك انك تحاول تدخل الجنه يا على ههههههههههههههه
على / هههههههههههههههههه ربنا يكتبهالنا كلنا
نور / امين
على / انا برتاح اوى فى الكلام معاكى
نور/ صدقنى يا على انا لو مكانك اقطع علاقتى بيا فورا الاشكال دى مل بيجيش من وراها غير الغم و القرف اسالنى انا
على / ههههههههههههههههه بالعكس انتى شخصيه مرحه و طيبه و جدعه و تستاهلى كل خير
نور / الجدعان فى الدنيا دى عايشين ياخدوا على دماغهم بس يا على
على / ضريبه الجدعنه انا عن نفسى ادفعها و لا انيش اكون عيل سيس ابن امه
نور / ههههههههههههههههههههههههههههههه لا فى دى معاك حق وراك ايه بكره
على / كنت ناوى اروح انا و عمر نشترى لبس بينى و بينك محتاج طقمين حلوين للسفر
نور / ايه حكايه السفر دى
على / مش قولتلك انى لقيت البنت اللى كنت بحبها
نور / اه بس ما حكتش تفاصيل
على / بس عاوزها تشوفنى حلو عشان ترضى ترجع معايا
نور / ما تحاولش مش هتشوفك حلو ههههههههههههههههههه
على / ليه بقى ان شاء الله
نور / بص خدها قاعده لو رايح اى مناسبه اى مناسبه و نفسك تطلع حلو سبحان الله كل العوامل البشريه و الطبيعيه هتقف ضدك حاجه تقع على هدومك فى اخر ثانيه حبايه تطلع فى وشك و اشياء من هذا القبيل
على / ههههههههههههههههههههههههههههههه
نور / و بما انك زميلى فى النحس فلازم هيحصل معاك كدا فانا لو منك اسيبها على الله و اخلى عندى ثقه فى نفسى
على / وحشتنى اوى يا نور بصراحه كل يوم بقعد افكر اول ما هشوفها هعمل ايه هقف بعيد كدا و لا هجرى عليها و لا هسلم و لا هحضنها و لا ههبب ايه بالظبط هههههههههههههههههه
نور / للدرجادى
على / و ياترى هى رده فعلها لما تشوفنى ايه هتقابلنى بنفس الضحكه و لا …. اصل انتى ما شوفتيش ضحكتها حاجه كدا كفيله انها تخلى الورد يفتح لما بتضحك كل حاجه فى وشها بتضحك عنيها و شفايفها و خدودها تحسى ان الدنيا بترقص على صوت ضحكتها مزيكا طالعه من القلب
نور / ما خلاص بقى فى ايه دا انا حبيتها سلف يا راجل مش كدا ههههههههههههههههههه
على / هههههههههههههههههههههههه بحبها اوى و مش قادر استنى
نور / انا متاكده انها هى كمان بتحبك و زمانها مستنياك هى كمان
على / عقبالك
نور / انا ؟؟؟ لا انسى انا اخدت نصيبى خلاص
على / ايه الهبل ده انتى لسه صغيره و حلوه و الف من يتمناكى
نور / طظ
على / طظ؟؟؟؟؟؟؟؟؟؟
نور / اه طظ فى الالف المهم انا اتمنى مين انا ما اتمناش حد
على / يا جامد انت يا واثق من نفسك انتى بس لسه ما قابلتيهوش الواد الجامد اللى هيهزك
نور / ينهار ابيض انت عارف الساعه كام كل مره تعمل كدا و تاخدنى فى الكلام و نسرح
على / هههههههههههههههههههههه الاوقات الحلوه بتعدى بسرعه
نور / معاك حق انا هقفل بقى سلام
على / سلام
……………………………………..
فى قاعه افراح تانى يوم
سمر / التانيه اللى شوفناها قبل دى كانت احلى
عمر / ايه رايك يا أية
أية / الاتنين حلوين بس فكره ان انا و انت نطلع من تحت الارض و التورته تنزل من السقف يعنى شدانى شويه
عمر / طب و الهودج هنا ما شدكيش
أية / بصراحه حوار ان رجاله تشيلنى ده و يقعدوا يدعوا عليا منك لله قطمتى ضهرنا دى ههههههههههههههههه
عمر / ههههههههههههههههه تحبى نروح نشوف فى حته تانيه
أية / ما عنديش مانع
عمر / خلاص نشوف فى حته تانيه الاول قبل ما ناخد القرار
عمر يانج أية و يمشوا و سمر واقفه بتنفخ ورا تمشى وراهم
…………………………….
فى شقه عمر
عمر يفتح الباب يلاقى على قاعد جوه و معاه اكياس كتير اوى يدخل ووراه تدخل أية و امها
سمر / على!!! انت بتعمل ايه هنا و دخلت ازاى
على / ايه اللى دخلت ازاى انا معايا المفتاح و لا نسيتى
سمر / يا سلام يعنى ايه معاك المفتاح يعنى هى البيوت ما لهاش حرمه و لا أية
عمر / حرمه ايه يا مرات ابويا اهدى كدا و خدى نفسك من السلم
سمر / صحيح و انا هستنى منك ايه … لما تصحى من النوم تلاقيه قاعدلك فى الشقه ما تجيش تعيطيلى ابقى روحى عيطى لجوزك ال…
على / انتى بتقولى ايه انتى اعقلى كلامك
سمر / انت باى حق تدخل الشقه و هما مش فيها
على / و انتى مالك
عمر / ثوانى … على اتصل بيا قولتله يدخل يستنانى هنا
سمر / ما يصحش يبقى معاه نسخه من المفتاح اصلا البيوت ليها حرمه
عمر / انا ادرى بمصلحه اهل بيتى ما تشغليش انتى بالك
سمر / و انتى طبعا لازم هتعومى على عومه مش كدا
على / انا مش هتهجم على مرات اخويا و لا حتى هبصلها من اصله فاهدى كدا و ارتاحى
سمر / انا ما بيجيليش من وراكوا غير حرقه الدم انا مروحه بلا قرف
أية / طب استنى اتعشى معانا يا ماما
سمر / و ليكى نفس يا بعيده انتى ايه ما عندكيش دم ما عندكيش كرامه اعمليلك قيمه بقى اعمليلك لازمه بكره يرخصوكى و لا هيرخصوكى اكتر من كدا ايه انا قرفت منك اوعى
سمر تمشى و أية تبص لعمر و تدخل اوضتها و هى بتعيط
عمر / أية استنى
عمر ما يلحقهاش يبص لعلى و هو مخنوق
على / انت عارف ان كل الكلام اللى قالته الست دى تخاريف صح
عمر / طبعا تخاريف بس هى يعنى تعمل ايه بين امها من ناحيه و بينا من ناحيه تانيه
على / انا كنت جاى اوريك الحاجات اللى اشتريتها ابقى اتفرج عليها براحتك لو حاجه عجبتك حلال عليك انا ماشى
عمر / استنى يابنى كلك لقمه
على / خش راضى مراتك هى اولى بيك دلوقت سلام
عمر / سلام
على يمشى و عمر يهبد نفسه على الكنبه و هو بينفخ
عمر / هتفضل فى الهم ده لحد امتى يا عمر
عمر يقوم يدخل جوه
…………………………………….
فى اوضه عمر
عمر يدخل يقعد جنب اية و هى بتعيط و ياخدها فى حضنه
أية / انا عارفه ان على انسان محترم و عارفه انه عمره ما هيبصلى
عمر / هغير الكالون
أية تبصله
عمر / المفتاح اللى مع على للطوارئ مش لاى حاجه تانيه و انا اللى قولتله يفتح بيه و اننا مش موجودين كنا متفقين اننا هنخرج سوا نشترى لبس ليا و ليه و كان ماجل المشوار ده مخصوص عشان اجى معاه و انا نسيت و روحت معاكوا فجاب ليا و ليه و قولتله بدل ما اثعدى عليه فى المحل يجى هنا نتعشى سوا و كدا قولتله يفتح و يدخل انا اللى قلتله اكيد يعنى بغير عليكى اكيد مش مركب ارايل يعنى
أية / انا عارفه انا مش زعلانه منك انا بس مش قادره افهم ماما ليه مفيش فرحه ليا بتكمل هى معاها حق و لا مكبره الموضوع هى بتعمل كدا ليه
عمر / ما اعرفش بقى فكك و على فكره انا كمان هركب ترباس على الباب تقفليه لما تبقى لوحدك فى الشقه
أية / يا ترى الخناقه الجايه هيكون سببها ايه بقى
عمر ينفخ و بعدين يبص لأية
عمر / تعرفى انا تعبت و هفكنى من كل الهرى ده ايه رايك اقوم اجيب الهدوم و اقيسها و اشوف
أية تبصله
عمر / ناكل الاول ؟؟
أية تضحك
عمر / لا انا بقول ننام خفيف احسن
عمر يغمز لأية تضحك
……………………………….
تانى يوم فى الصاغه
اروى / حلوه اوى دى يا ماما ايه رايك
تهانى / لا التانى احلى
حسام يسيبهم و يروح يقعد جنب ابوه و ينفخ
محمد / ما تشلش هم انا معايا زياده
حسام / عاجبك عمايل عمتى دى يعنى هو ده اتفاقنا
محمد / خلاص يا حسام انسى و انا هتعامل
حسام / دا و لا كانى ثرى عربى هو حد بيعمل كدا
تهانى / احنا هناخد الطقم ده اوزنه كدا و شوف كام
حسام يشاور لمحمد اتفضل محمد يحط ايده على رجله و يقوم يقف جنبهم و حسام قاعد بيتفرج
الراجل / خمسه و اربعين الف و تلتميه
محمد يوطى على اخته
محمد / احنا اتفقنا على خمسه و عشرين بس يا تهانى
تهانى / و انا بنتى اقل من ندى ان شاء الله و لا ايه زى ما جبت شبكه بخمسين لندى تيجى اختها لاروى دا غير انى هحط فوق الشبكه اللى هيجيبها دهب اروى لتكون فاكر انى هجوزها ببلاش زى ما مصطفى عمل شوف بنفسك شوف
تهانى تطلع علبه دهب من شنطتها و تديها للبياع
تهانى / خد اوزنلى دول و شوف يعملوا كام …. هو انا عندى غير اروى
امانى / يا تهانى مش حوار ندى و اروى حوار احنا عملنا حسابنا على مبلغ و احنا جايين ما ينفعش نيجى هنا و تنقى حاجه اغلى كدا بتحرجينا
نور تسيب المجموعه و تروح تقعد جنب اخوها اللى بيتابع بصمت
نور / عيله غريبه اقسم بالله
حسام / فاكره شبكتك حصلت خناقه زى دى على الفين جنيه و دفعتهم انا عشان نعدى الليله فاكره
نور / فاكره عشان كدا ما اتكلمتش مع عمتى كل ام بتبقى عاوزه احسن حاجه لبنتها
حسام / و يولع العريس مش كدا
نور / بعد الشر عنك
اروى تروح لحسام
اروى / شوفت الدبله دى يا حسام هتبقى تحفه عليك
حسام يرفع ايده و دبله ندى فيها
اروى / يعنى ايه ان شاء الله لا طبعا دى تقلعها و ترميها فى الزباله اصلا انت هتهزر دى مكتوب جواها ندى
حسام يبص لنور
نور / معاها حق
اروى / قيس دى كدا
حسام يقيس الدبله
اروى / شوفتى يا ماما مش قولتلك هتبقى حلوه اوى على حسام خلاص هناخدها ضيف دى للحساب بس اكتبلى جواها اروى بقى لو سمحت
الراجل ياخد الدبله
نور / هو انت مش ناوى تقلع دبله ندى ؟؟
حسام يقلعها و يحطها فى جيبه نور تطبطب على اخوها و تقوم تروح لامها
امانى / احنا كل اللى معانا دلوقت خمسه و اربعين الف الخمسه و عشرين اللى حسام اتفق معاكى عليهم و عشرين مننا شيلى حاجه من الشبكه يا تهانى
تهانى / و اشيل ليه انا هكمل الباقى من معايا هديه بنتى حبيبتى هى اقل من بنت مها و لا ايه
محمد / اللى تشوفيه فى الاول و الاخر شبكه بنتك
تهانى / مبروك يا اروى مبروك يا حسام
حسام يبتسم لعمته اروى تروح تقعد جنبه
اروى / عرفت الشبكه عملت كام كلها
حسام / فى الاول و الاخر ليكى يفرق معايا فى ايه
اروى / مالك يا حسام
حسام / انتى ايه رايك؟؟ فى البيت يا حبيبى احنا بنشترى راجل و اللى معاك و احنا جنبك و هنا ابدا ما احناش اقل من ندى مالك انتى و مال ندى
اروى / انا احسن منها مليون مره
حسام / على العموم عمتك مها باعت دهبها و لمت فوقيه فى الشقه اللى هتتجوزى فيها يا ست البنات
اروى / و فى الاخر بنتها سرقتك و هربت مع عشيقها بيتهيالى خالصين و هما مديونين كمان بتقارن ايه بايه
حسام / ما بقارنش اعملى اللى يريحك
اروى / الشبكه هديه العريس للعروسه يا حسام بتستخسر فيا كام الف زياده هو فى الاول و الاخر الشبكه دى مش هتبقى فى بيتنا
حسام / ههههههههههههههههههههههههه
اروى /بتضحك على ايه
حسام / على اساس انى يوم ما هتزنق هتدينى منها حاجه
اروى / هديهالك كلها على فكره انت كدا بتغلط فيا على فكره انا بنت اصول برده ما تقارنش بينى و بين ندى
حسام / هى ندى دى عدوتك تعرفى تنسيها احسن
اروى / اعرف عن اذنك
اروى تقوم و نور تروح تقعد جنبه تبتسمله يبتسملها
………………………………
فى بيت مها
محمد / انا قولت عيب ……..
مها / العيب انك تيجى تعزمنا على فرح ابنك اللى ما استناش حتى يطمن مراته الاولانيه عايشه و لا ميته امال لو ما كانتش بنت عمه بقى
محمد / انا مقدر
مها / نورت يا محمد
محمد يبص لمها و يبص لمصطفى
مصطفى / الف مبروك يا محمد بلغ تهانيا الحاره لحسام و اروى
محمد / يا مصطفى
مصطفى / نورت يا محمد
محمد يقوم و ينزل
مها / يا حبيبتى يا بنتى انا اللى عملت فيكى كدا
مصطفى / معلش بكره
مها / كل يوم بيعدى علينا قلبى بيوجعنى عليها اكتر ياترى هى فين عامله ايه ياترى يا قلبى اخبارك ايه انا تعبت مش عارفه اعمل ايه يارب انت العالم بحالنا غلطنا بس ما تعاقبناش بالشكل ده ما تاخدهاش بذنبنا يارب
مها تعيط و تحط راسها فى حضن مصطفى
……………………….
فى شقه سمر
سمر / انتى جايه ليه
أية / انتى بتعملى معايا كدا ليه
سمر / ما بعملش انتى مش كبيره كفايه انك تعرفى تمشى حياتك عاوزه منى ايه بقى سبينى اعيش اليومين اللى باقينلى من عمرى فى هدوء بقى كفيانى قرف و مشاكل
أية / ايوه بس انا محتاجاكى جنبى تساعدينى
سمر / و هو انتى بتسمعى كلامى هو انا رايى بيفرق معاكى فى حاجه
أية / يا ماما انا محتاجه رايك طبعا بس فى نفس الوقت حياتى لازم اخد قراراتى فيها بنفسى و اللى يناسبنى هو اللى اعمله عشان انا اللى هتحمل نتيجته
سمر / اللى يناسبك و لا اللى يناسب سى عمر
أية / هو عمر ده عدوك عمر ده جوز بنتك يعنى فى مقام ابنك
سمر / يا بنتى انا اكبر منك و افهم فى الجواز احسن منك اللى بتعمليه ده
أية / يا ماما عمر مش وحش و بيخاف عليا و بيحبنى
سمر / بكره يزهق يا حبيبتى بكره يتعرف على واحده تزغلل عنيه عشان هيكون شبع منك و تعرفى مش بعيد تكون البت زميلته دى اللى حكتيلى عنها
أية / غاده ؟؟؟
سمر / اه ست غاده معيده و قدامه طول الوقت و كمان غنيه و بتلبس احسن لبس و بتعمل شعرها عند احسن كوافير و انتى يا حسره ملبوخه فى نفسك بتحاولى ترضى جنابه يا بنتى انا بحاول اعملك قيمه
أية / لا يا ماما عمر عمره ما هيبص لغاده هى قدامه طول الوقت اصلا لو كان بيحبها
سمر / يمكن دلوقت ما بيحبهاش عشان الغربال الجديد بتاعك له شده بس الزن على الودان امر من السحر و هى بقى اكبر منك و تعرف تصطاد كويس تقدرى تقوليلى ليه ما اتجوزتش لحد دلوقت مع ان فيها كل الصفات دى دى الف من يتمناها
أية / النصيب
سمر / النصيب و لا القلب و ما يريد يا روح امك فوقى يا هبله جوزك زى الطير من عشه لعشه قصقصى ريشه قبل ما يطير منك
أية / يا ماما ما ينفعش كدا على فكره
سمر / ياختى بقى انا هقوم اشوف الاكل
…………………………………
فى شقه حسام
حسام يرمى نفسه على السرير من التعب تليفونه يرن يرد
حسام / الو
اروى / انت فين يا حسام
حسام / هكون فين على السرير فى محاوله بائسه انى ارتاح شويه
اروى / انا بجد غلبت معاك احنا تقريبا ما بنتكلمش خالص
حسام / يعنى اعمل ايه هو انتى مش واخده بالك من الهم اللى انا فيه
اروى / هو جوازنا هم
حسام / التوقيت انتى اللى اخترتيه و لا انتى فاكره انى هتجوزك و اقعد جنبك فى البيت مش فى يا ست هانم صيدليه بتتوضب تحت عشان تتفتح ناكل منها و لا هنعيش على القرشين اليتم اللى باقيين معايا
اروى / ايوه بس يعنى ما حبكتش فى حاجه اسمها اولوليات
حسام / و هى ايه الاوليات دى بقى يا ست البنات اننا نتجوز و بعدين اسيبك يوم الصبحيه و انزل اقف مع العمال انا مش قادر افهمك الصراحه
اروى / طب خلاص قولى هنعمل ايه فى حوار شهر العسل
حسام / شهر عسل ايه
اروى /حرام عليك يا حسام هو احنا مش اتكلمنا فى الموضوع ده قبل كدا و اتفقنا ان مفيش فرح عشان نعمل شهر عسل محترم بفلوسه
حسام / لا افكرك انا قولتلك مفيش فلوس اعمل فرح و ان كل جنيه معايا اولى انى احطه فى الصيدليه بس ابويا صمم يبقى فى شبكه عشان عمتى ما تزعلش و انا رضيت اعمل ايه يعنى لتكونى فاكره ان عندى مطبعه فلوس مثلا
اروى / انت بتكلمنى كدا ليه و بعدين و انا مالى هو انا اللى سرقتك
حسام / لولا اللى سرقتنى دى ما كنتيش هتلاقى مكان فى حياتى اصلا فما تكتريش فى الكلام مش قادرلك
اروى / يعنى اقول لماما ايه دلوقت
حسام / قوليلها اتخانقنا و حسام فشكلها مع السلامه
حسام يقفل السكه و يقفل الموبايل
حسام / مش حاسه بروحها دى و لا ايه قال شبكه و كمان عاوزه شهر عسل دا بدل ما تحمد ربنا انى هستر عليها صحيح نسوان ما يملاش عنيها الا التراب حاجه نكد
…………………………..
فى شقه على
عمر / بس يا عم و صالحت أية و النهرده راحت لامها تصالحها و انا جيت اصالحك
على / تصالح مين يا ابنى دانت حالتك تصعب على الكافر
عمر / البت غلبانه برده يا على
على / الزن على الودان امر من السحر و طول ما امها وراها هتقلبها فى يوم
عمر / يعنى اعمل ايه اقولها اقطعى علاقتك بامك ما اقدرش يا على
على / والله يا ابنى ما لقيلك حل ربنا يعينك و يصبرك بس انتوا لسه فى الاول و بتعمل كدا امال لما يبقى فى عيال و كدا هتعمل ايه
عمر / فكك منها اخرها كلمتين زى دول و بتعدى
على / سيبك قولى قست الهدوم
عمر / و لا شوفتها جبتهم بكيسهم نشوفهم سوا
على / امال انا سبتهملك ليه امبارح
عمر / بقولك ايه يا على امبارح عدى و خلص خلينا فى النهرده بقى لحسن انا خلصان بجد من الكليه للشركه لمشاوير الفرح حتى البيت اديك شوفت
على / صحيح نقيتوا القاعه
عمر / بالعافيه الحمد لله اووووف كان هم و انزاح يا راجل
على / طب مادام رسيتوا على التاريخ ما تخدها تاجرلها الفستان اللى كان عاجبها و عملوا عليه الفيلم اياه
عمر / بعد ايه هو انا ما حكتلكش
على / خير
عمر / مش كان فى فيلم تانى قريب عشان راحوا يفصلوا و اتخانقوا على الموديل
على / هههههههههههههههههههههههههه انا لو منك اخلع اقسم بالله دى مش جوازه دى خناقه
عمر / بتقول فيها بس هى الحجه منال ما حكتلكش ازاى دى كانت معاهم
على / لا والله ما حكتلى حاجه انا اصلى انا راخر مسحول فى الورق بتاعى ما انت عارف
عمر / تروح و تيجى بالسلامه خلاص حددت معاد السفر
على / اخيرا انت مش متخيل يا ابنى انا الفتره اللى فاتت عدت ازاى انا اصلا مش عارف الفتره اللى جايه هتعدى ازاى
عمر / تروحوا و تيجوا بالسلامه
على / يارب بس تعرف اما انا جبتلك شويه اطقم ناااااااااااار نار
عمر / افتح وورينى يا عم هههههههههههههههه
عمر يفتح الاكياس و يطلع هو و على الهدوم منها
…………………………..
فى شقه حسام
الباب يخبط حسام يروح يفتح يلاقى نور
نور / قافل موبايلك ليه
حسام / كنت بحاول انام عادى يعنى
نور / بابا اتصل بيسال هتنزلوا تشوفوا البدله امتى
حسام / بكره لو هو فاضى انا النهرده خلصان
نور / انت كويس يا حسام
حسام / انتى شايفه ايه
نور / انت لسه بتفكر فى ندى
حسام / و هى فين ندى
نور / تحب ناجل الفرح لحد ما عمك يرجع و نطمن على ندى
حسام / ناجل الفرح و الله انتى مزاجك عالى يابنتى انا محاصر هى الست اروى هانم هتهدى الا لما تتجوزنى
نور / ليه سقتك حاجه اصفره بقولك ايه يا حسام فى الاول و الاخر انت غلطت
حسام / انا راجل على فكره
نور / قول الكلام ده لربنا قوله انا راجل
حسام / اكمل كلامى ما ينفعش تجيبلى واحده بقميص نوم تقولى اصل موبايلى فاصل ممكن احطه فى الشاحن و تدخلى لحد اوضه نومى و سريرى و تقوليلى غض بصرك
نور تسكت
حسام / اه غلطت بس ان كنت انا غلطت فهى اللى بدات بالغلط انا ما وعدتهاش باى حاجه و لا رسمت عليها الحب و لا حتى ضحكت عليها هى اللى جتلى لحد عندى و عرضت عليا نفسها و مش مره و لا اتنين لا دى راميه نفسها اوى كمان
نور / كفايا بقى يا اخى
حسام / اقسم بالله لولا انها بنت عمتى ما كنت قبلت انى اربط حياتى بواحده شمال كدا بس قولت عشان عمتى ما تتصدمش فى بنتها و عشان برده انا غلطت و طاوعتها بس كنت تعبان مخنوق و ضايع اعمل ايه
نور / ممكن تهدى
حسام / هاتلها شبكه هاتلها فستان اعمل فرح يلا بسرعه كلو بيزن مؤامره من كلو هى و امها حتى انتى و ابوكى
نور / انا لو ما كنتش عرفت الحقيقه ما كنتش وافقت على الجوازه اصلا انا من ساعتها و انا ما بنامش كابوس طول الوقت لو حد عرف هنعمل ايه دى مش هتبقى فضيحه بس دى هتبقى قطيعه فى العيله و فى الاخر برده هتتجوزها
حسام / و ده اللى مسكتنى على فكره
جرس الباب يضرب حسام يروح يفتح يلاقى اروى
اروى / هو انت ايه حكايتك بالظبط
حسام / اهلا اتفضلى
اروى تدخل تلاقى نور جوه
اروى / نور ازيك بتعملى ايه هنا
نور / والله دى شقه اخويا السؤال انتى بتعملى ايه هنا
اروى / ايه دى شقه خطيبى و كلها كام يوم و تبقى شقتى
حسام / اروى … نور عارفه كل حاجه انتى ناسيه انها شافتك قبل كدا و لا نسيتى ورينى كدا جايبالى معاكى ايه المرادى
حسام يشد من اروى الشنطه و يطلع منها قميص نوم يهزه قدام نور و يرميه فى الارض
حسام / انا داخل انام تصبحوا على خير
حسام يدخل اوضته و اروى و نور بيبصوا لبعض
اروى / بتبصيلى كدا ليه
نور / صعبانه عليا
اروى / انا و حسام بنحب بعض و اللى حصل بينا بيحصل عادى بين اى اتنين مخطوبين
نور / على اساس انى ما اتخطبتش قبل كدا بصى انا مليش انى احاسبك بس افرضى ماما شافتك المرادى تفتكرى هتعمل زيى و تسكت و لا هتقول لامك و تبوظ الجوازه امك هيكون رد فعلها ايه طنط مها هتشكت
اروى / و ايه علاقه طنط مها تروح تتشطر على بنتها
نور / و هو فى فرق بينك و بينها دلوقت بصى انتى حره فى نفسك انا نازله
…………………………..
بعد يومين فى الكوافير
تهانى / بسم الله تبارك الله هو فى عروسه حلوه اوى كدا فى الدنيا
اروى / بجد يا ماما … ايه رايك يا نور
نور / حلوه اوى فعلا
اروى تبتسم و تبص فى المرايه امانى تدخل
امانى / ايه يا جماعه العريس واقف بره
اروى / ايه رايك
امانى/ قمر ما شاء الله يلا يا ولاد المعازيم فى البيت و لسه هنروح الاستوديو
اروى تمسك ايد نور نور تشد ايدها و تمشى اروى ترفع حاجبها و تمشى
……………………….
فى المحل عند على قدام بيت ندى
عمر / جهزت شنطتك
على / الحمد لله بقولك يا احمد
احمد / اؤمر يا مريسه
على / كل حاجه تمشى زى ما كانت ماشيه بالظبط و انت اللى هتمسك كل حاجه مكانى
عمر / خربت هههههههههههههههه
احمد / والله قولتله هو اللى مصمم يقفلها
على / انا بتكلم جد و انت يا عمر الحجه امانه تعدى عليها تشوف طلباتها مش عاوزها تحس ان ناقصها حاجه و ياريت تبعتلها أية مره حتى تقعد معاها حتى تستفيد من خبراتها
عمر / انت مالك شايل الهم كدا ليه
على / اول مره هسافر بره يا جدع برده و مش عارف هعمل ايه
عمر / انت تفكك من كل الهرى ده و تركز انت رايح ليه و لمين و باذن الله ربنا هيسهلهالك هتروح تلاقيها فى وشك علاطول
احمد / ما افتكرش انه محتاج يروح اصلا
على / نقطنى بسكاتك
احمد / ياعم ركز ندى هناك اهى
على يبص وراه يلاقى ندى واقفه على الناحيه التانيه على الرصيف قدام بيتهم شايله شنطه صغيره على ايدها و بنتها على ايدها التانيه على يجرى عليها
على / ندى
عمر و احمد يشدوه بسرعه قبل ما عربيه نقل تعدى تحجب الرؤيا و اول ما تعدى ندى تختفى
……………………………….
فى شقه حسام
الماذون قاعد و ايد حسام فى ايد راجل
الماذون / قول ورايا قبلت زواج موكلتك الانسه اروى محمود زعتر البكر الرشيد على كتاب الله و سنه رسوله و على مذهب الامام ابى الحنيفه النعمان و على الصداق المسمى بيننا
حسام / قبلت زواج موكلتك الانسه اروى محمود زعتر البكر الرشيد على كتاب الله و سنه رسوله و على مذهب الامام ابى الحنيفه النعمان و على الصداق المسمى بيننا
الماذون / مبروك
زغاريط تملا المكان و محمد ياخد الماذون فى جنب
امانى / الف الف مبروك يا حسام
تهانى / ايه يا امانى هو القاعده هتبقى سوكيتى كدا فين الدى جى يرقصنا ما تقوم يا عريس تقعد جنب عروستك
حسام يقوم يقعد جنب عروسته و الاغانى تشتغل امانى تروح تقف جنب نور
امانى / مالك فى حاجه مضيقاكى
نور / لا ابدا هروح اجيب صوانى الاكل اوزع على الناس السندوتشات و الجاتوه و الساقع
امانى / هتقدرى لوحدك انا هاجى اساعدك يلا بينا
……………………………….
فى شقه ندى
جرس الباب يضرب مها تروح تفتح تلاقى ندى فى وشها شايله حبيبه تحضنها ندى ترجع لورا
ندى / ممكن ادخل
مها / طبعا حمد الله على سلامتك … مصطفى مصطفى
مها توسعلها و على وشها علامات فرح على يوصل
على / ندى
ندى تدخل اوضتها و تقفل الباب عليها و تقعد على السرير و تبص على الاوضه تحاول تمنع نفسها انها تعيط تسمع خبط على الباب
مها / ندى انتى كويسه
مصطفى / ندى رديا علي يا بنتى
مها / احنا كنا جايين بكره ندور عليكى
على / ندى
ندى تسمع صوت على ما تقدرش تمسك دموعها
على / انتى كويسه ؟؟
حبيبه تعيط ندى تشيلها و تحضنها و تمسح دموعها
ندى / احنا فى البيت خلاص …فى البيت ….
الخبط شغال ندى تحط حبيبه على السرير و تروح تفتح
ندى / ايه فى ايه فزعتوا البنت عاوزين ايه
مصطفى / عاوزين نطمن عليكى يا بنتى
ندى / انا مش بنت حد و خصوصا انت انا مش بنتك
مصطفى / حقك عليا
ندى تبص لعلى و تغمض و تدخل اوضتها و تقفل الباب تانى و تروح تشيل حبيبه من على السرير و تاخدها فى حضنها
على / على الاقل عرفنا انها عايشه و قدامنا بيتهيالى نسيبها ترتاح
ندى تفتح الباب و تطلع شايله حبيبه و شنطتها
مصطفى / على فين يا بنتى
ندى / و انتوا مالكوا ابعدوا عنى
على يمسكها
ندى / انت اتجننت سيب ايدى
على / طب اهدى و ارتاحى و بعدين هوصلك مكان ما انتى عاوزه
ندى / توصلنى !!!!
مصطفى / طب قوليلى رايحه فين اجى معاكى
ندى / اى حته الا هنا اى مكان بعيد عنكوا بعيد عن هنا انتوا ايه محاصرينى انا مش عارفه كنت بفكر فى ايه لما جيت هنا
باب الشقه يخبط و عمر يدخل
ندى / اهلا كملت ايه مش تتصلوا بحسام بالمره عشان تكمل لمتنا
ندى تدخل الاوضه و تقفل الباب
عمر / صوتها جايب الشارع
على / احنا هننزل تحت يمكن تهدى لو فى اى حاجه كلمونى انا مش هتحرك من المحل
مصطفى يهز راسه
مها / تعبناك معانا اوى يا ابنى
على / سلامتها بالدنيا اى حاجه كلمينى ماشى
مها تهز راسها على ياخد عمر و ينزل و يقفلوا الباب وراهم و مصطفى يروح يقعد فى الصاله مها تخبط على ندى
مها / ندى حبيبه قلبى مشيو خلاص … طب اجيبلك حاجه تاكليها
ندى تفتح الباب و فى ايدها بامبرز
ندى / ليه مفيش باسكت زباله فى اوضتى
مها / اجيبلك يا قلبى كل اللى تعوزيه اجيبهولك
ندى / حسام فين
صمت
ندى / تعالى ادخلى
مها تدخل و ندى تروح ترمى البامبرز فى الزباله و تدخلها تلاقيها شايله حبيبه
مها / شبهك اوى كانك انتى و انتى صغيره
ندى / هتقوليلها ايه
مها / لايق عليها ملك اوى
ندى / اسمها حبيبه بس انا بسالك لما تكبر و تسالك ليه عملتى كدا هتقوليلها ايه
مها / انا عارفه انك زعلانه منى بس انا
ندى تبص لامها بلا مبالاه
مها / يوم الصبحيه كنتى بتضحكى لما سالتك عملتوا ايه قولتى الحمد لله انا فرحت ما اعرفش ايه اللى حصل هناك خلاكى تقلبى عليا اوى كدا
ندى / ممكن موبايلك
مها / اه ثوانى … ثوانى
مها تجرى تجيب الموبايل من بره
مها / اتفضلى
ندى تدور فى النمر و تتصل
ندى / حسام فى مصر صح
مها تسكت و تبص فى الارض
ندى / الو
حسام / ايوه يا عمتى خير
ندى / انا مش عمتك هو صوتنا واحد اوى كدا
صمت
ندى / سكت ليه مستغرب انى لسه عايشه لا اطمن ما موتش و جيت نصفى حسابنا
حسام / انتى فين
ندى / هكون فين فى بيتى مستنياك
حسام / مسافه السكه
ندى / ما تتاخرش
ندى تقفل
مها / اعملك حاجه تشربيها
ندى تبصلها و تضحك
مها / والله كنت بعمل كدا لمصلحتك …. على فكره على طلع واد جدع اوى و ابن حلال لما عرف ان حسام رجع من غيرك جابلى انا و هو تاشيرات و كنا هنسافرلك بكره
ندى / طظ
مها / حسام ورانا جواباتك لعلى ورانا سجل المكالمات انتى لسه بتحبيه صح هو كمان لسه بيحبك اوى يا ندى دا كان هيموت من القلق عليكى
ندى / جوابات ايه هو حسام قالكوا ايه بالظبط
……………………………………
فى شقه حسام
محمد / يعنى ايه اغطى عليك يعنى ايه
حسام / فى مشوار لازم اروحه حالا
محمد / ده فرحك الناس تقول علينا ايه اى حاجه تانيه تتاجل
حسام / حتى لو كان ان ندى رجعت
محمد / سفرهم كان بكره
حسام / ما اعرفش اتصلت بيا من تليفون امها و مستنيانى
تهانى تدخل
تهانى / فى ايه يا محمد سايب عروستك وواقف على باب الشقه كدا ليه يا حسام
محمد / ندى رجعت
تهانى / اما صحيح اللى اختشوا ماتوا اه طبعا رجعت عشان تبوظ الفرح
محمد / بس يا تهانى بتقولى ايه
حسام / نص ساعه وراجع
تهانى / تروح فين دا على جثتى والله ما يحصل ابدا دا انا اصور قتيل هنا زمايلى فى الشغل يقولوا عليا ايه الجيران اهل ابوها يقولوا ايه مش كفايه عاملين الفرح على الضيق و عازمين القريبين بس كمان نتفضح قدامهم ما تقول حاجه لابنك تعقله يا محمد
امانى تدخل
امانى / فى ايه يا جماعه اللى يشوفكوا يقول بتتخانقوا
تهانى / تعالى شوفى ابنك اول ما سمع ان ست ندى رجعت عاوز يسيب الفرح و يجرى وراها
امانى / ندى رجعت ؟؟ امتى
تهانى / شوفى بقى امتى و كانت مداريه لحد ما عرفت بالفرح قررت تبوظه اقسم بالله يا امانى لو ابنك ساب الفرح و نزل لاخد البت و ما تعرفولناش طريق جره هو فى ايه
امانى / اهدى بس يا تهانى … حسام يا حبيبى ادخل جوه و اقعد جنب عروستك و اول ما الناس تمشى انا بنفسى هروحلها اشوف ايه حكايتها البت دى
حسام / كان زمانى رجعت
امانى / حبيبى البت دى مفيش من وراها خير كفايا اوى اللى عملته فيك لحد دلوقت جايه تقولك ايه بحبك و ندمانه اوعى يا حسام اللى خانتك مره تخونك تانى و كفايا اوى اللى جرالنا من تحت راسها و اروى بتحبك و انت بتحبها مش انت يا حبيبى اللى مستعجل على الجواز كمل الفرح
محمد / اسمع كلام امك يا حسام لم الليله
امانى / انا متاكده ان كرامته وجعاه بس يا تهانى مش حوار يجرى وراها يا تهانى دا الخوف فعلا انه يروح ليقتلها و لا حاجه و يودى نفسه فى داهيه دا طبعه حامى مش بتاع مياصه معلش ياختى
محمد / ادخلوا كلكوا يلا الناس بدات تاخد بالها مش ناقصين فضايح
………………………
فى شقه ندى
ندى تقف و تفضل تصرخ فيهم
ندى / و انتوا صدقتوه ازاى
مها / اقسم بالله ما صدقناه و ابوكى دخل المستشفى و عمل عمليه و حلفنا لندور عليكى و قطعنا اى صله بيهم
ندى / انا مش هسكت … يا ابن الكلب يا ابن الكلب بعد كل اللى عملته فيا بتغلط فى شرفى كمان دا انت … دا انت
مها / اهدى يا ندى اهدى يا بنتى
ندى / لا مش ههدى مش ههدى الا لما افضحه و اخلى الكل يشوفه على حقيقته انا … انا يقول عنى كدا انا اشرف منه انا سته و تاج راسه … دا قتلنى عارفه يعنى ايه قتلنى
ندى تاخد ايد امها و تحطها على بطنها
ندى / انا مش هقدر اخلف تانى بسببه سابنى بموت و هرب ضربنى و رمانى و سابنى و هرب شوفتيش دمى و هو ناشف على الاسفلت فى الصحرا ما شوفتنيش و انا بصرخ و مفيش حد جنبى كنت بموت عارفه يعنى ايه بموت
مها / اهدى يا ضنايا اهدى
ندى / جاى ينام فى حضن اهله و كمان يغلط فيا له حق ما انا رخيصه انتوا اللى رخصتونى انتوا اللى بعتونى ليه
مصطفى يدخل
ندى / له حق يتكلم فى شرفى له حق اذا كان ابويا نفسه رضا انى اعيش معاه من غير جواز هو هيقول ايه
مها / انتى بتقولى ايه بس يا ندى
ندى / انا لسه ما قولتش انا هقول و هقول و هقول هقول كل حاجه هفضحكوا كلكوا هقول كل اللى عملتوه فيا هقول اللى هو عمله فيا هقول و المرادى ما حدش هيقفل السكه فى وشى ما حدش هيخرسنى ما حدش هيقول عليا مجنونه مش هخاف من حد ما حدش هيمنعنى
مها تحضن ندى و تطبطب عليها عشان تهدى و ندى تقعد فى الارض منهاره من العياط
ندى / مش هخاف من حد ما حدش هيهمنى ما حدش خاف عليا ما فرقتش مع حد ما فرقتش مع حد ما فرقتش مع حد
مها / حقك عليا يا ضنايا حقك عليا
ندى / انا هروحله انا مش هسيبه الا لما اخد حقى حقى على كل ثانيه ضيعها من عمرى على كل لحظه اتمنيت فيها الموت عشان ارتاح على كل لحظه شوفت فيها الموت بسببه مش هسكت ما تحاولوش تمنعونى
مها / مش هنحاول يا حبيبتى ما حدش هيمنعك قوليلى عاوزه تعملى ايه و احنا نعمله
ندى / انا رايحه لحسام حالا رايحاله سمعينى هروحله
مصطفى / قومى تعالى انا هاجى معاكى
ندى / ماشى يلا
ندى تقوم من الارض تشيل بنتها
مها / ثوانى هحط حاجه عليا و اجى معاكوا استنونى
……………………………
فى فندق
حد يخبط على الباب نهاد تفتح تلاقى واحد
الراجل / كفاره
نهاد / والله ؟
الراجل / بصراحه ما كنتش فاكر هيطلعوكى بالسرعه دى شوفتى بقى عشان تسمعى كلامى لما اقولك ما تخليش الفلوس معاكى
نهاد / اميره فين
الراجل / اميره فى اسكندريه هتيجى بكره
نهاد / و ما جتش معاك ليه على العموم احسن بدل بهدله السفر استنى هجيب شنطتى و اجى معاك
نهاد تدخل جوه
الراجل / ما تتاخريش انا هنزل اخلص حساب الاوضه تحت على ما تنزلى
نهاد تطلع و فى ايدها شنطتها
نهاد / الشنطه جاهزه من ساعه ما خرجت ما اعرفش اصلا انت ايه اللى اخرك
الراجل / بشوف مكان امين احط فيه الفلوس انتى مش واخده بالك و لا ايه انتى نفسك تحت المراقبه و احنا اتحطينا معاكى و اى فلوس هتبان علينا هنتجاب كلنا فى الرجلين فلازم الفلوس دى تتدارى و تطلع بشويش عشان ما حدش يشم عنها حاجه
نهاد / هى دى فلوس دول حياله نص مليون جنيه دا المحامى لاهف قدهم و كان عاوز دول كمان ابن الوارمه يلا يلا لميت حاجتى يلا بينا
………………………….
قدام بيت ندى
ندى و ابوها و امها نازلين على يجى يروحلهم مصطفى يشاورله يقف و يوقفوا تاكس و يمشوا
عمر / هو فى ايه
على / مش عارف بس مش مرتاح
عمر / طب هى عملت ايه لما شافتك
على/ ما كانتش طيقانى
عمر / معلش لسه المشكله طازه و كدا لما هتهدى……
على / خست اوى شكلها كانها خارجه من دور عيا جامد
احمد / خست ايه سلامه الشوف دى ملت و ربربت ما شاء الله
على / تعرف تنقطنى بسكاتك دى كانت حامل و باين اوى انها لسه والده بس وشها تعبان اصفر و مرهق كانها …..
عمر / طبيعى يا على تلاقيها والده قيصرى و ما تنساش انها كانت لوحدها الفتره اللى فاتت
احمد / بس انت كدا مش هتسافر صح
عمر / لا هيسافر ما هو لازم يسافر عشان يخلع من اسالتك الغبيه يسافر يروح فين يا ابنى
احمد / والله ما حد غبى قدك انا بتكلم عن فلوس التزاكر و التاشيرات و كدا راحت عليه و لا ايه النظام
عمر / تصدق ياض معاك حق انا هكلم المحامى اشوفه يعرف يتصرف و لا ايه
على / و لا فارق معايا اصلا بجد هتجنن راحوا فين مش عارف كنت روحت وراهم احسن
……………………………….
فى شقه منال
اروى / هو فى ايه يا حسام مالك مش على بعضك كل شويه تبص فى الساعه فى ايه
حسام / مش كفايه بقى و لا ايه
اروى / ايه مستعجل اوى كدا
اروى تبتسم بدلع
حسام / انتى شايفه ايه هنكمل للصبح يعنى ما كفايا
اروى / طب ما تقولهم
تهانى تروح تقف جنب اروى
تهانى / اضحكوا بقى عشان ناخد صوره جماعيه للعيله تعالى يا نور يلا يا محمد
امانى / استنونى
الكل يتجمع
تهانى / اضحك يا سمسم الله دا انت عريس برضه
المصور ياخد الصوره و حسام مبتسم بالعافيه
المصور / صوره كمان قربى شويه يا عروسه
اروى تقرب و فى ثانيه تقوم تقف و تبص ورا المصور ندى واقفه شايله البيبى و مبتسمه و وراها ابوها و امها تهانى تقوم تجرى عليهم
تهانى / انتوا ايه اللى جابكوا دلوقت
ندى / ايه يا عمتوا مش كنتوا عزمتونى دا انا حتى كنت هقوم بالواجب
اروى / انتى ايه اللى جابك
ندى / انتى ايه اللى بتعمليه فى نفسك ده ما لقيتيش الا ده
ندى تعدى صابعها فوق و تحت على حسام
مصطفى / احنا هنستنى جوه شويه بلاش فضايح قدام الناس يا ندى
ندى / اسفه خفت من الناس و الفضايح مره و خدت على دماغى و كويس خلى اللى ما عرفش يعرف خلى الكل يعرف حقيقه البيه اللى جايين فرحه
امانى / حقيقه ايه انتى ليكى عين تتكلمى واحده غيرك كانت شافتلها تربه و دفنت روحها فيها
ندى / ليه عملت ايه ادارى منه عملت ايه غلط اللى يشوفله تربه هو ابنك
امانى تيجى تضرب ندى بالقلب حسام يمسك ايد امه
امانى / انت لسه بتدافع عنها
ندى/ انا سرقتك و هربت طب ما بلغتش البوليس ليه ما دورتش عليا ليه طب انا مش فارقه معاك ضناك دى مش فارقه معاك
حسام / مش وقت الكلام ده يا ندى
ندى تزعق / لا وقته و نص
امانى / ما تلمى بنتك بقى يا مها
ندى / ساكت ليه مش عارف تالف كدبه جديده تقولها قدامنا كلنا تروح لكل واحد تالف قصه شكل انت المفروض ما كنتش تبقى صيدلى المفروض تبقى كاتب عظيم
حسام / لمى الدور احسنلك
ندى / هتعمل ايه يا حسام هتهددنى بايه المرادى هتاخدنى فى الصحرا و تضربنى و تقطع بسبورى و تسبنى بنزف على الطريق و تمشى تانى
صوت الناس بتتكلم
مها / ندى
ندى / ما ستغربتوش انه ما دورش علينا ما ستغربتوش انه يتجوز بالسرعه دى عشان البيه كان فاكرنى مت اصل ايه احتمال ان عربيه تعدى بعد ما انت تمشى بوقت بسيط و تطلب الاسعاف و ينقلونى المستشفى اللى زيك المفروض يتعدم فى ميدان عام اللى زيك ….
حسام / هو عشان ساكتلك و لا ايه ما انا كمان ممكن اتكلم
تهانى / ايوه اتكلم قولهم على مكالماتها مع عشيقها و جوابتها قول كل حاجه علمها الادب
ندى / انتى اللى بتقولى عنى كدا يا عمتى دا انا ربايه ايدك
تهانى / انا ما ربتش الاخلاق دى
ندى / و انتى يا اروى ما صعبتش عليكى ما وحشتيكيش تسالى عنى ما صدقتى اختفيت
اروى تبص الناحيه التانيه
ندى / صدقت ازاى انى اعمل كدا يا عمى
محمد / انتى ظروفك الصحيه تخليكى تعملى اكتر من كدا
ندى / انهى ظروف دا انا اتصلت بيك استنجد قفلت السكه فى وشى
حسام / كفايا فضايح بقى و لمى نفسك
ندى / لا اسفه ان كان على الفضايح فا انا جايه و نويهالك و قدام الكل و اوعى تفتكر انى باقيه على حاجه
حسام / اخرسى ما تخلنيش ائذيكى
محمد / حسام بس
حسام / عاجبك الفضايح دى يعنى يا بابا قولتلك اروحلها
ندى / تيجى تخرسنى تانى ما كنتش هتقدر مفيش فى الكون قوه ممكن تسكتنى النهرده و زى ما قولت خفت من الفضيحه مره و مش هخاف تانى هقول كل حاجه
تهانى / فضيحه ايه اللى عماله تتكلمى عليها مفيش فضايح غيرك
ندى / فعلا مفيش غيرى مفيش بنت فى الكون كله اتباعت غيرى و مين اللى باع اهلى ابويا و امى
مصطفى و مها يبصوا فى الارض
امانى / دى اتجننت خالص
ندى / قولهم الحقيقه يا بابا مين اللى مضى قسيمه كتب الكتاب عملت ايه فيا قولهم بعتنى ازاى حسام مسكتك ازاى ماسك عليك ايه
حسام / انا هطلب مستشفى المجانين ياخدوكى من هنا
مصطفى / انا اللى مضيت
حسام يبص لعمه
مصطفى / ندى ما كانتش موافقه
حسام / ليه بقى ما كانتش موافقه عشان كان فى عيل صايع معلقها و ماشيه معاه فى الحرام
ندى تلطشه بالقلم على وشه
ندى / مش انا اللى اعمل الحرام الحرام انك تبقى عارف اننا مش متجوزين و تغتصبنى
ندى / انك تحطلى المنوم فى العصير
حسام / امك اللى كانت بتحطهولك
مها / و انتا اللى بتجبهولى
ندى / ضربتنى و حبستنى و حملتنى غصب هددتنى انك هتدخلنى السجن او مستشفى المجانين و فى الاخر رمتنى بنزف فى قلب الصحرا و مشيت تنكر
حسام / انا شيطان و انتوا ملايكة مش كدا
ندى / خليك راجل لمره واحده فى حياتك و قول الحقيقه خليك راجل قدام نفسك على الاقل كنت بتنام ازاى و دمى فى رقبتك كنت بتنام ازاى
نور / ندى
ندى / نعم
نور / كفايه
ندى / دى بنتى ربنا ما رضيش انها تموت ما رضيش انى اموت عشان كنتوا هتفضلوا تتهمونى فى شرفى بالباطل ربنا اراد انى اعيش عشان افضحك و ابرئ شرفى اللى انت بعد ما قتلتنى ما هانش عليك غير انك توسخه … سيبنى اربيها و انا مش عاوزه منك اى حاجه
…………….

google-playkhamsatmostaqltradent