رواية احلام المراهقة كاملة بقلم هي جنتة عبر مدونة دليل الروايات
رواية احلام المراهقة الفصل الواحد و العشرون 21
قبل مبدأ الفصل عندي كلمه عن مقابلة ري ون بسلمي
يابنات سلمي بنت منتقبه ملتزمه بدينها وعارفه ربنا كويس وكمان متجوزه يعني حد يقولي هتبقي مقابلتها بيه ازاي
نظرات ،احضان، قبلات اولا دا لايجوز لها لانها ملتزمه جدا
دا اولا وثانيا متجوزه وانا ككاتبه للروايه مش هقبل علي
نفسي اكتب حاجه فيها مخالفة للشرع ولا تغضب ربنا
نبدا على بركه الله
سلمي حست بغيره من رهف لما اتكلمت معاها عن الفاروق
سلمي لنفسها:لا مش هسمح لقلبي يضعفني انا
هعيش لبنتي ونفسي وماما بس كفايه عليا
كدا مش عايزه رجاله تتحكم فيا تاني
ركبت عربيتها وهي بتفكر انها عايزه تاخد
قرار مهم وقرار مصيري بالنسبه لها وهو
تقرب ما بين رهف والفاروق ومتخليش
الفاروق يعرف انها اطلقت روحت بيتها وقعدت مع جوجو وفاطمه بس سرحانه
جوجو:ماما حبيبتي انتي بتفكري في مين
سلمي : مفيش ياجوجو بس ماما تعبانه شويه
فاطمه:مالك ياقلب امك فيكي ايه
سلمي راحت عند فاطمه وحضنتها وبكت:تعبانه قوي ياماما (والله ياختي انتي اللي تعبتينا معاكي الله يهديكي) مش عارفه اعمل ايه قلبي بيوجعني
فاطمه بتطبطب عيها وهي في حضنها: بتحبيه ؟
سلمي سمعت كدا بعدت عن امها وعدلت قعدتها وقالت وهي
بتفرك في ايدها :بحب اااا بحب مين ياماما
فاطمه: الفاروق ياسلمي انا سمعتو وهو بيحكيلك عن حبه وبعده عنك
سلمي:مقدرش ياماما بنتي مقدرش افرط فيها
فاطمه:بنتك بتحبه جدا اكتر من ابوها اللي
خلفها وهو بيحبها زى بنته واكتر يعني متخافيش من النقطه دي
سلمي وقفت وقالت ماما خديجه عمري
ماهجيب لها زوج ام يتحكم فيها وان كان هو
بيحبها ما يمكن بيحبها عشان هي بنتي مش زى بنتو زى مبتقولي ولو سمحتي
ياماما قفلي ع الموضوع دا وياريت
متتكلميش قدام جوجو عشان هي لسه صغيره ومتفهمش حاجه
جوجو:ماما جوجو كبيره وبتحب بابا عمر وبابا عمر
بيحبها خالص وبيحب ماما خااااالص خالص
سلمي:جبتي الكلام دا منين يا جوجو
جوجو:بابا عمر قال لجوجو انه بيحبني وبيحبك وعايزنا نعيش معاه
سلمي ادايقت لما سمعت كدا ازاي يقول
لجوجو حاجه زي كدا وهي لسه طفله صغيره
وقالت لجوجو : جوجو مفيش كلام في الموضوع دا تاني سامعه
جوجو. بكت لان ماما اول مره تزعقلها كدا
تاني يوم في المشفي سلمي راحت لرهف
وقالتلها انها موافقه انها تساعدها عشان تقربها من الفاروق
دخلت المكتب لقت الفاروق موجود
سلمي: السلام عليكم ورحمه الله وبركاته ازيك يادكتور
الفاروق وعلي وشه اجمل ابتسامه في الدنيا كلها :
وعليكم السلام ورحمه الله وبركاته الحمد لله سلمي
انتي كويسه شكلك مش كويس خالص
وحاسس ان فيكي حاجه (احلي حاجه لما تحب حد ويبقي حاسس بيك من غير متتكلم )
سلمي:لا ابدا يادكتور بس عايزه اتكلم معاك في موضوع بس محرجه
الفاروق اول لما سمع كدا قال بس هي تقولي انها اطلقت ومكسوفه تقول
سلمي وهي منزله راسها في الارض : دكتوره رهف (اول لما سمع اسم رهف راحت البسمه )
دكتوره جميله ورقيقه وبنت عيله كبيره وكمان بتحبك
الفاروق:طب وانا مالي جميله ولا وحشه بتحبني ولا مبتحبش مش ليا انا قلبي مفيهوش غير واحده بس
سلمي وهي خايفه تبص في عينه : دكتور هي بتحبك وهي انسب واحده ليك
الفاروق:انتي بتقولي ايه انسب لمين ليا انا
قلبي مليان بحبك ومفيش مجال يحب حد تاني
سلمي:يادكتور انا مقدرش اقبل حبك ومش
عايزه اظلمك معايا انا خلاص مش هقدر اتجوز تاني واتحطم تاني
الفاروق ياسلمي انا مقدرش اعيش من غيرك
لو كنت اقدر مكنتش سافرت وعبرت بحور وقارات عشان اعيش معاكي
واستحملت انك متجوزه وانا عرفت انك
اتطلقتي من زمان ليه مخبيه عني ليه وانا
عندي استعداد ابقي اب لخديجه وعمري ماهحسسها انها فقدت ابوها
سلمي:اسفه ياري ون مقدرش اعيش بنتي مع زوج امها وليه مقلتش علي طلاقي عشان بنتي نفسيتها بنتي دى كل ماملك في الحياه
الفاروق:دا اخر كلام عندك( هو عارف انها بتعشقه بس بتكابر ومش عايزه تعترف بكدا)(معلش يابني اصلها فقريه ونكديه )
سلمي:ايوا انا خلاص اخدت قراري
سابها الفاروق وطلع من المكتب وهبد الباب بعنف
قعدت سلمي_علي الكرسي وقعدت تعيط بتبص لقت فون من الخارج
السلام عليكم ورحمه الله وبركاته
سلمي: وعليكم السلام ورحمه الله وبركاته عثمان ؟
عثمان :نعم عثمان كيف حالك سلمي
سلمي : الحمدلله على كل حال
عثمان :مال صوتك اختي
سلمي:تعبانه جدا ومش قادره اعترف بحبه
عثمان :سلمي انتي اتبهدلتي كتير عيشي حياتك اختي
وفكري في نفسك وفي الفاروق اللي ترك الدنيا
كلها عشانك انتي ،ساب اهله وبيته ودينه
والمستشفي اللي اتربي فيها فتيجي دلوقتي
وتقولي خلاص ملكش مكان في قلبي سلمي
الله يهديكي لوضيعتيه المره دي هتندمي
العمر كله وهتدورى عليه بعدين مش هتلاقيه اسمعي كلامي متضيعيش الفرصة
وقبل متدخل مكتبها سمعت حوار ري ون مع رهف
رهف :د/الفاروق انا انا بحبك وبتمني اننا نتجوز
الفاروق اتصدم من جرئتها ولسه هيرد شاف طرف سلمي
الفاروق :رهف انا كنت بحب واحده ودلوقتي
هي اتخلت عني ممكن تنتظريني بس اخرجها
من قلبي ومن حياتى وبعد كدا ابقي فضيت لك
سلمي سمعت كدا كانت هتموت من الغيره وخبطت علي الباب بغل ودخلت
ياتري ايه اللي هيحصل
- يتبع الفصل التالي اضغط على ( رواية احلام المراهقة ) اسم الرواية