رواية قلب من حجر كاملة بقلم سارة بكر عبر مدونة دليل الروايات
رواية قلب من حجر (عشق الالفي) الجزء (2) الفصل الاول 1
كانت بتضحك و قالت وسط ضحكها: ماما هو بابا هيفضل مسافر كده انا عوزه اشوفه بقي عوزه يبقي ليا بابا زي صحابي في الحضانه
ابتسمت مليكه بحزن علي حال بنتها: نور حبيبتي انا قولتلك بابا هيقضي وقت طويل بره و هيرجع و معاه حاجات حلوه كتير ل نور حبيبتي
البنت بفرح: هيجبلي مارشملوا كتير
ضحكت مليكه و اخدتها في حضنها: كتير كتير كتير
بعد وقت نامت نور و كانت مليكه بتكلم حد: نور سالتني تاني عن ابوها
الشخص: نور هتفضل تسالك يا مليكه خلاص مبقتش صغيره و كل ما تكبر هتفضل تسأل اكتر انتي غلطتي
مليكه بدموع: يعني عوزني اعمل اي اقولها الحقيقه
الشخص: من رأي تقوللها دلوقتي احسن تعرف هي لما تكبر و ااا
مليكه: هتكرهني
الشخص: مليكه عرفيها دلوقتي احسن تعرف هي لوحدها
مليكه: لا بنتي مش هتعرف حاجه و انا كده كده مش هرجع تاني هفضل هنا
الشخص: براحتك يا مليكه
مليكه: طيب انا هقفل دلوقتي هكلمك تاني سلام
_________________________________________________
طبعاً محدش فاهم حاجه نرجع بالذاكره شويه عشان نفهم
________________
وقف يوسف سمع كلام مليكه و نظر لها وهي تخرج من القصر و كان هيخرج وراها لكن رن هاتفه و كان غيث: غيث مش هعرف اكلمك دلوقتي سلام
غيث: اخرج من القصر حالا يا يوسف القصر هيتفجر بيك اخرج انت و اي حد يلا
في الخارج
ظلت مكنها تبكي حتي سمعت صوت انفجار لفت خلفها بسرعه وجدت اني القصر بيفنجر وصرخت مليكه قائله يووووووووووووووووسف ___ قامت مليكه بسرعه و كانت هتدخل البيت لكن وقفت و شافت العقرب نازل من عربيته بسرعه و داخل القصر، استخبت مليكه وراه الشجره و مشيت وراه
دخل العقرب بسرعه و شاف يوسف واقع وراه القصر و بياخد نفسه : يوسف انت كويس حصلك حاجه
يوسف وهو بينهج: اااه الحمد لله لحقت اخرج علي اخر لحظه و من قوه الانفجار اترفعت و وفعت علي الارض بس الحمد لله
العقرب: طيب في حد في القصر فارس و حور و مليكه كويسين
يوسف: فارس اخد حور و مشي و و مليكه عرفت الحقيقه و سابتني و مشيت
العقرب بزعيق: شوفت قولتلك ملوش لازمه تدخل مليكه من الأول في الموضوع عاجبك كده رضيت غرورك و كبرياءك دلوقتي لما انتقمت من حسين عابد
وقفت مليكه تكتم صوت عياطها باديها و جريت بره القصر وهي بتقول في نفسها: يعني اي كل دا كان مجرد انتقام بس حبه ليا كله لعبه كل دا اهئ اهئ، مسحت دموعها بسرعه و قالت وهي بتحرك يديها علي بطنها : انا لازم امشي و ابني الجاي لازم ابعده عن دايره الانتقام و الدم دي لازم يوسف ميعرفش مكاني فين لازم
________________________________________________
وصل فارس شقته و نزل و نزلت حور و دخلوا الشقه
فارس بحرج: ممميسون انا آسف بجد علي الحصل صدقيني انا
قاطعته حور بكسره: انا حور يا فارس
ادرك فارس ما قال: ااااا
حور: مش مشكله انا داخله عوزه انام
دخلت حور و اتفتحت في العياط: لسه شايفني هي بعد كل الحصل لسه مش مستوعب انه اتجوزني انا مش هي اهئ انا مش قادره اعترض علي قضاءك يا رب بس انا تعبانه تعبانه بسببه حبيبي سبب تعبي يارب ارحمني
كان واقف بره سامع صوت شهقها و حزين عليهم الاتنين
_____________________________________
في المستشفى
كانت حنه واقفه مصدومه وهي شايفاه صاحي قدامها
وليد بتعب: تتجوزيني يا حنه
حنه بتوتر: ااااا انت انت صاحي
وليد: الحمد لله الفضل ليكي، المهم دلوقتي تتجوزيني
حنه: استاذ وليد انت بتقول اي ارتاح
وليد: انا مش بخرف يا حنه انا كويس و هخرج بعد يومين عوزك تقولي ل مامتك اني هاجي اتقدملك يوم الخميس و وافقي يا حنه انتي محتجالي اكتر ما انا محتاجلك
خرجت حنه من عنده وهي في دماغها الف حاجه و اكنها حرب في دماغها
وصلت تحت البيت وجدت مراد نازل، راح عندها و مسكها بغضب و قال: مبسوطه بالحصل دا دلوقتي
حنه بوجع: اه مش مهم انا اتبسط المهم حلم تكون مبسوطه
قبض مراد عليها بغل اكتر: انتي ازاي بتفكري كده ازاي تكسري قلبي و قلبك بالشكل دا هيكون قلبك في حاله اي وانتي شيفاني بتجوز اختك الاسبوع الجاي
منعت حنه دموعها و قالت بجمود : هيكون في حاله كويسه لاني هتجوز انا كمان الاسبوع الجاي يا مراد
سبها مراد بصدمه و قال: اي هتتجوزي مين و وزاي الاسبوع الجاي
حنه بجمود اكتر: اه وليد الالفي هيجي يوم الخميس يتقدملي و هنتجوز معاكم الاسبوع الجاي
مراد بصدمه اكبر: وليد بس وليد في
قاطعته حنه: وليد فاق و اتحسن كتير حتي هيخرج من المستشفى بكره او بعده بالكتير
مراد: طيب ازاي وانتي مش بتحبي ولا هو بيحبك
ابتسمت حنه و قالت: معلومات غلط يا دكتور بعد اذنك عشان انت دلوقتي خطيب اختي و مينفعش وقفتنا دي
__________________________________________________
فاقت مليكه من شرودها علي صوت نور: ماما عوزه اشرب
مليكه: حاضر يا حبيبتي، خرجت مليكه من الاوضه و دخلت المطبخ تجيب مياه وهي خارجه لمحت صوره يوسف في مجله و بجانبه بنت زي القمر ترتدي فستان قصير جداً و عاري يشبه الانجيري، لفت نظرها ايد يوسف التي تحاوط البنت من خسرها
نزلت دموع مليكه و قبضت علي الكوبايه بغل وهي تكتم صوت شهقها، يد نور الصغيره وهي تطبطب علي رجل مليكه طفت البركان التي كان في قلب مليكه
نور: مالك يا مامي انتي بتعيطي
مليكه: لا يا نوري بس في حاجه في عيني
شاورت نور لها بان تنزل لها و فعلا نزلت مليكه لمستواها، ابتسمت نور لها و طبعت قبله علي عينيها
حضنت مليكه نور و حملتها و دخلت عشان يناموا
_________________________________________________
دخل يوسف القصر وهو يتمايل و يحضن فتاه
خرج فارس علي الصوت: تاني يا يوسف انت مش هتبطل بقي
نظر يوسف للبنت و قال: ميري اطلعي انتي استنيني فوق يلا
طلعت البنت و هو قال ل فارس: اي يا عم فارس في اي
فارس بحزن: في اي انت يا يوسف مش كفايه بقي بتضيع نفسك اعمل حاجه صح
يوسف بزعيق: عاوزني اعمل اي تاني اي هو الصح من نظرك اني ارجع شغلي الخسرني حياتي و مراتي
رد وليد من خلفه: لا يا يوسف تدور علي مراتك
يوسف بعصبيه: مين قال اني مدورتش انا بقالي خمس سنين بدور عليها في كل حته مبعرفش انام الليل لفيت عليها الدنيا عوزني اعمل اي تاني
رد فارس: متستسلمش انت استسلمت بسرعه يا يوسف
ضحك يوسف بستهزاق: بعد خمس سنين كده انا استسلمت مهو محدش حاسس كل واحد فيكم عايش مع مراته و متهني حطوا نفسكوا مكاني مره بقي
سابهم يوسف و طلع و هو الدموع في عيونه
فارس بحزن علي اخوه: يوسف عنده حق في كل كلمه هو اه غلط بس مش للدرجه دي
وليد: الاتنين غلطوا يوسف لما دخل مليكه اللعبه دي من الاول و مليكه لما بعدت كل البعاد دا خمس سنين حزن محدش شاف فيهم حاجه عدله
رد وليد: هيرجعوا الاتنين نجمه هترجع احسن من الاول و مليكه هترجع البيت تاني
فارس: انا هروح ل نجمه بكره انا و حور المستشفى
وليد: ماشي
فارس: انا نفسي يوسف يروح
وليد: لا اخر مره راح فيها حالتهت اتاخرت اووي بلاش يوسف خالص بلاش
يتبع….
الدنيا اتشقلبت و ياتره اي الحصل في الخمس سنين دول و اي الحصل ل نجمه و لي يوسف مينفعش يشوفها كل دا هنعرفه لسه في الفصول الجايه
- يتبع الفصل التالي اضغط على ( رواية قلب من حجر ) اسم الرواية