رواية سلف و دين كاملة بقلم لولو محمد عبر مدونة دليل الروايات
رواية سلف و دين الفصل التاسع عشر 19
الممرضه / لو سمحتوا يا جماعه دى مستشفى لو عاوزين تتخانقوا اتفضلوا اطلعوا بره
محمد / احنا اسفين يا بنتى
حسام / انا ماشى
اروى / على فين
حسام / بجد مش قادر استحمل هروح
اروى / ممكن توصلنى فى طريقك
حسام / اكيد تعالى
حسام ياخد اروى و يمشوا تليفون نور يرن تروح فى جنب و مها و امانى و تهانى بيبصوا لبعض بغل
نور / الو ايوه يا على ازيك
على / ما شوفتكيش و انتى ماشيه قولت اطمن عليكى
نور / مش عارفه اقولك ايه بس
على / مالك فى ايه فى حاجه حصلت و لا ايه
نور / حاجه حصلت قول حاجات هى كدا المصايب لما بتيجى بتيجى ورا بعضها
على / ليه بس كفالله الشر ايه اللى حصل
نور / سيبك منى طمنى انت عليك كنت قلقانه عليك اوى
على / اسيبنى منك ازاى بس و بعدين عادى يعنى ياما دقت على الراس طبول و اكيد هو فى مكان احسن دلوقت
نور / باذن الله
على / بصراحه مصدوم كنت فاكر انى هلاقيكى فرحانه عشان كدا اتصلت بس واضح انى غلطان
نور / على فكره الحج انور كان زى والدى بالظبط و كلت معاه عيش و ملح
على / بس اخوكى رجع و عاملك مفاجاه اكيد لازم تفرحى …. اه صح نسيت انه ما لحقش يوحشك و كان هنا من فتره قريبه
نور / والله يا على الحوار مش كدا خالص اخويا رجع قبل معاده بسبب مشاكل و دلوقت عمى فى المستشفى بيعمل عمليه و كان الدنيا قررت كلها تديني على دماغى فوقت واحد
على / لا اله الا الله صعبه اوى فعلا
نور / هتعدى كلو بيعدى
محمد يروح لنور و يحط ايده على كتفها تهزله راسها
نور / بص انا لازم اقفل
على / لو احتجتى اى حاجه فاى وقت كلمينى
نور / باذن الله …. سلام
نور تقفل و تروح تقعد جنب مها
……………………
فى العربيه قدام بيت اروى
اروى / احنا وصلنا بالسرعه دى معقول ما حستش بالوقت
حسام / الطريق كان فاضى
اروى / مش هاين عليا اسيبك و انت فى الحاله دى
اروى تحط ايدها على ايد حسام حسام يبصلها
اروى / اللى يبيعك بيعه و انت الكسبان بكره تجيلك ندمانه
حسام / اروى لو سمحتى
اروى / انا عارفه ان الجرح لسه جديد وواجعك بس انت اقوى من كدا هى الخسرانه هى اللى ما قدرتش تقدر قيمه واحد زيك دا انت عملتلها اللى ما كانتش تحلم بيه اللى اى بنت فى الدنيا ما كانتش تحلم بيه كان ناقصها ايه عشان تعمل كدا
حسام / مش وقته يا اروى
اروى / انساها يا حسام انساها و كمل حياتك على الاقل جت منها و ربنا نجاك كان ممكن تنزل معاك مصر و تفضل تخونك و المكالمه تبقى مقابله و المقابله تبقى …. و لا بلاش دى بنت عمى برده … طول عمرها شايفه نفسها الصغيره و الدلوعه
حسام / مش يمكن اكون ظلمتها من غير ما احس يا اروى
اروى / انت عمرك ما تظلم ابدا
حسام يفرد راسه على الكرسى و يبص لاروى
اروى / ما تبصليش كدا هو انا لسه هعرفك النهرده دا احنا متربيين سوا يا حسام عشت عمرى كلو معاك ما شوفتش منك حاجه وحشه و لا شوفت حتى زيك اوعى تخلى اللى ندى عملته يهز ثقتك بنفسك صدقنى انت لو بصيت حواليك هتلاقى ست ستها اللى تتمنالك الرضا ترضى اللى مستعده تعيش عمرها كلو تحت رجليك
حسام / انا تعبان يا اروى و عاوز انام
اروى / هكلمك اطمن عليك
حسام يهز راسه و اروى تنزل من العربيه و تقفل الباب و تدخل العماره و حسام يمشى
………………………….
فى شقه منال
منال قاعده فى الصاله بتقرا قران سمر تدخل عليها بصينيه عشا
سمر / قومى يا اختى بسم الله انا اعتبرت نفسى من اهل البيت و دخلت المطبخ و عملت العشا
منال / الف هنا عليكى طبعا من اهل البيت
سمر / طب يلا تعالى كليلك لقمه بقى ترمى بيها عضمك تلاقيكى على لحم بطنك من الصبح
منال / مش جعانه والله ما تعمليش تكليف اتفضلى انتى
سمر / ابدا والله ما يحصل على فكره يا ست منال انا عارفه كويس انتى حاسه بايه انا اصلى بعيد عنك عشته مرتين مره فى جوزى الاولانى ابو أية و مره فى جوزى التانى ابو عمر و صدقينى لو استسلمتى هتتعبى اوى هو فى مكان احسن عند ربنا و انتى ست مؤمنه
منال / و نعم بالله
سمر / تفتكرى هو هيرتاح فى تربته و انتى فى الحاله دى دانا سمعت انه كان بيتمنالك الرضا ترضى
منال / والله ما كان فى منه
سمر / كليلك لقمه ما تكسفينيش بقى كلى لقمه و انا هقوم اجيب المصحف و اقراله معاكى
منال / تسلمى يا ست سمر والله فيكى الخير
سمر / ما تقوليش كدا احنا اهل و بينا عيش و ملح دا كفايا جبرانك لبنتى بخاطرها امبارح عندكوا
منال / أية زى بنتى تمام و باذن الله وصيه الحج تتنفذ و يتعملها احلى فرح و تلبس احلى فستان و هسلمها لعريسها باديا
سمر / امال ما انتى فى مقام امها كليلك لقمه بقى ما تكسفنيش
سمر تجيب لقمه و تاكلها لمنال و هى مبتسمه
…………………………..
عند ندى فى المستشفى
ندى تفتح عينها تلاقى الممرضه جنبها بتدى للنونه رضعه
ندى / هاتيها
الممرضه / خليكى المره الجايه ما رضيتش اصحيكى قولت اسيب المسكن يشتغل
ندى / كتر خيرك
الممرضه / على فكره سمو الامير جه بنفسه يطمن عليكى و طلب بياناتك لما عرف ان باسبورك ضاع و قال هيخلص الموضوع ده مع السفاره بنفسه و انك هترجعى بلدك اول ما تقومى بالسلامه و كل تكلفه اقامتك و علاجك انتى و حبيبه على حسابه لحد ما توصلى باب المطار و تركبى الطياره و تروحى بالف سلامه
ندى / الله يخليه و يرزقه من وسع انا مديوناله بحياتى و اكتر
الممرضه / انتى شكلك طيبه و تستاهلى كل خير بس انا مش قادره افهم جوزك فين
ندى / ما اعرفش
الممرضه / ما تعرفيش
ندى عنيها تتملى بالدموع
ندى / ما اعرفش هو فين و ما اعرفش ازاى بقيت على الطريق ده و ما اعرفش باسبورى راح فين و ما اعرفش حاجه
الممرضه / اهدى بس و استهدى بالله الله يعينك طب ما تعرفيش حد هنا تكلميه فى التليفون تطمنيه عليكى
ندى / ما اعرفش نمر حد هنا حتى بيتى ما كنتش حافظه نمرته و لا عنوانه جوزى كان بيوصلنى و يجبنى
الممرضه / طب اهلك فى مصر معكيش ارقامهم هما كمان
ندى / مليش حد فى مصر كان ليا بس ما عادش
الممرضه / يا كبدى اقولك ايه بس هو فى كدا على العموم ما تزعليش على الاقل عندك حبيبه
ندى تبتسم الممرضه تقوم و تحط حبيبه فى سريرها نايمه و عين ندى معاها تمسح دموعها
……………………………..
فى شقه حسام
حسام نايم فى سريره تليفونه يرن
حسام / الو
محمد / انت فين يا حسام يا بنى
حسام / فى البيت خير فى جديد
محمد / انا قولت هتروح شويه و هترجع لكن هتسيب عمك فى الحاله دى و ما تقفش جنبه
حسام/ ممكن يا بابا تغير الموضوع
محمد / عمك ما لوش اى علاقه باللى ندى عملته هو كمان الله يعينه بنته الوحيده اللى تعب و شقى عليها اكيد ما كانش حد يتصور ابدا انها تعمل كدا
حسام / هو فاق؟؟؟
محمد / اه فاق و دخلنا بصينا عليه بس فى السريع عشان هو فى العنايه و كدا لحد ما يطمنوا عليه خالص ينقلوه اوضه عاديه
حسام / ربنا يقومه بالسلامه
محمد / انا مقدر يا ابنى الظروف اللى انت بتمر بيها و الصدمه بتاعتك و عارف كويس انت حاسس بايه
حسام / متاكد انك عارف
محمد / بحاول بس فى الاول و الاخر ده اخويا الصغير يابنى
حسام / اؤمرنى يا بابا
محمد / تعال على نفسك و تعال بص عليه و خليه يشوفك ما تديش فرصه لحماتك تقول عنك كلمه المستشفى هنا والعه لوحدها
حسام / قولها حسام اللى بنتك باعته و خطفت بنته و هربت عدى على الحسابات و هو مروح و دفع تكاليف المستشفى بالكامل مش عشان خاطر عيونها و لا عشان عيون بنتها عشان انا متربى و ابن اصول
محمد / يابنى كلنا عارفين اخلاقك و ما حدش يقدر يقول عليك كلمه بس الحوار مش سهل على الكل انا نفسى لسه مش قادر اصدقه
حسام / ما تصدقش ما كانش المفروض حد يصدق اصلا كان المفروض تلاقى اللى يرد غيبتها
محمد / انت بتقول ايه يا حسام انت كويس يابنى
حسام / تفتكر ينفع اكون كويس انا اسف يا بابا بس بجد عاوز انام
محمد / ماشي يابنى تصبح على خير
حسام / و حضرتك من اهله سلام
حسام يقفل فى نفس اللحظه موبايله يرن يبص و ينفخ و يرد
حسام / الو ايوه يا اروى
اروى / ايه يا حسام قلقتنى عليك مش قولتلك هكلمك لما تروح
حسام / ههههههههههههههههههههههه حقك عليا
اروى / بجد دماغى عمال يروح و يودى بيكلم مين بيكلم مين بيكلم مين
حسام / بكلم ابويا هكون بكلم مين يعنى
اروى / خير فى اخبار جديده و لا حاجه
حسام / مفيش غير ان عمك خرج من العمليات و دخل العنايه
اروى / طب الحمد لله خبر حلو اهو
حسام / الحمد لله
اروى / الا قولى هو المحشى بتاعى ما وحشكش
حسام / هو المحشى بوجه عام وحشنى هههههههههههههههههههه
اروى / ليه هى ندى ما كانتش بتعملهولك و لا ايه
حسام / هههههههههههههههههه ندى اخر مره دخلت فيها المطبخ عملت صينيه بطاطس بالقرفه ما اقولكيش يعنى هههههههههههههههههههه
اروى / ههههههههههههههههه و دى طعمها ايه دى
حسام / قرفه
اروى / بس انت مش كنت جايبلها خدامه
حسام / اه بس برده الاكل من ايديها ما كانلوش طعم ما يفرقش كتير عن اكل السوق برده اللمه بتفتح النفس
اروى / هى كمان ما كانتش بتاكل معاك
حسام / ساعات كنت برجع متاخر بتكون اكلت و نامت و ساعات ما بتبقاش قادره تقوم من السرير فبتاكل فى السرير الحمل بتاعها ما كانش سهل
اروى / الحمل برده يلا هى هتروح من ربنا فين
حسام / تعرفى ان نور مش مصدقه ان ندى تعمل كدا
اروى / نور طول عمرها طيبه و على نياتها و كان جزاتها ايه مروان اتجوز عليها و مراته حملت و راحتلها تغيظها و فى الاخر ضربها بالقلم قدام الجيران و طلقها
حسام / عرفتى جراله ايه بعدها
اروى / لا اخر حاجه انه نقل عفش مراته التانيه مكان عفش نور و عاشوا فى شقتها
حسام / اتحبس فى تهمه بنت كلب
اروى / يستاهل …. على العموم ايه رايك انا هعملك محشى بنفسى تيجى تتغدى معانا بكره
حسام / ما اقدرش اوعدك بحاجه اديكى شايفه الظروف ممكن تاجليها شويه
اروى / انا بس مش قادره اشوفك فى الحاله دى
حسام / انتى ليه محسسانى انى ماشى فى الشارع بكلم نفسى
اروى / بعد الشر بس على فكره لو قدرت تكدب على الدنيا كلها و تقولهم انك كويس ما حدش هيحس بيك قدى فبليز احترم ذكائى شويه
حسام / من عنيا حاضر
اروى / انا هقفل معاك دلوقت و اسيبك تنام و الصبح هكلمك تانى اطمن عليك
حسام يضحك
اروى / سلام
حسام / سلام
حسام يقفل السكه و يفرد ضهره و يبص فى السقف
…………………………….
تانى يوم فى شقه انور
باب الشقه يخبط سمر تروح تفتح تلاقى على
على / الحجه صاحيه
سمر / لا نايمه و بصراحه ما اقدرش اصحيها
على / ماشى … فى اى حاجه ناقصه البيت
سمر / ادخل ثوانى هكتبلك ورقه بالطلبات لحسن ما اقولكش فى حاجات كتير اوى ناقصه
على / حاضر
على يدخل يقعد ثوانى و باب اوضه يتفتح و تطلع منال من جوه على يقوم يقف
على / صباح الخير
منال / صباح النور سمعت صوتك طلعتلك عامل ايه
على / الحمد لله جيت اشوف لو ناقصكوا حاجه
منال / ربنا يخليك يابنى مش ناقصنا حاجه تسلم
على / طب ياريت تقعدى عاوزك فى موضوع
منال تقعد جنبه
منال / خير يابنى
على / انا قبلت ان الحج يدينى المحلات و الفلوس و الشقق عشان اريحه بس انا مش مرتاح يا حجه
سمر تطلع من جوه و تدى لعلى ورقه
سمر / خد ورقه الطلبات اهى هاتها بسرعه بقى عشان اللحق اعمل الغدى …. انتى صحيتى يا حجه
منال / اه صاحيه من بدرى بس كنت قاعده بقرا قران جوه
سمر / دا انا محضره الفطار من بدرى و مكسوفه اخش اصحيكى تاكلى ثوانى هجيب الصينيه من المطبخ
سمر تمشى
على / عامله معاكى ايه
منال / زى ما انت شايف غلبانه
على / ما افتكرش بس ماشى ربنا يهدى
منال / اسمع يا على يابنى الحاج اداك الحاجات دى عشان عارف انك تستحقها و كل يوم بتثبتلى انك تستحقها بجد كفايا يا ابنى سؤالك عليا
على / ما انا هسال عليكى برده يا حجه
منال / هعمل ايه بالفلوس يا على هعمل ايه خليهم يا ابنى و انا لو عوزت حاجه هطلبها انا الحمد لله مش ناقصنى حاجه
على / طب مش عاوزه تطلعى حج عمره اى حاجه
منال / اه اهو ده كلام احب اسمعه هو حد يرفض يا ابنى
على / يعنى امشيلك فى الموضوع
منال / ما يتقالهاش لا دى يابنى امشى على بركه الله
سمر تدخل شايله الصينيه
منال / اقعد افطر معانا يا على
على / هتروحى امتى يا سمر
سمر / شايفه يا حجه مفيش اى اعتبار لفرق السن
على / هتروحى امتى يا طنط
سمر / لا ما تعملش اعتبار احسن قال طنط قال
منال / ههههه ضحكتينى و انا مليش نفس
سمر / تدوم يارب … بص يا على اعمل حسابك مش هسيب الحجه الا لما اطمن عليها خالص او هى تطردنى
منال / تنورينى يا ست سمر
………………………………
فى الكليه
غاده / ممكن افهم البيه كان فين اليومين اللى فاتوا ايه هى الشركه دى ما لهاش صاحب
عمر يبصلها و يروح يقعد مكانه و هو ساكت
غاده / انا بس عاوزه افهم فى ايه
عمر / اولا يا غاده انا لولا عامل حساب للعشره ما كنتش سمحتلك ابدا تتكلمى معايا بالاسلوب ده انا مش بشتغل عندك انا بشتغل معاكى بساعدك لكن لو فاكره ان شغلى فى الشركه هيخلينى اتنازل عن كرامتى تبقى غلطانه
غاده / انا ما قصدش كدا انا اقصد
عمر / عارف قصدك بس بفكرك عشان تراجعى نفسك
غاده / انا بجد قلقت عليك امبارح و اول اتصلت كتير كنت غير متاح
عمر / اقعدى يا ستى و انا احكيلك اصلا مش هتصدقى اللى حصل
غاده / للدرجادى خير احكى
تليفون عمر يرن
عمر / ثوانى تليفون … ايوه يا اية خير ….. ليه ……. على فكره الست جوزها لسه متوفى مش …… اااااااه ان كان كدا ماشى …… خلاص اركبى تاكس و روحى عارفه العنوان صح… معاكى فلوس ….. تمام روحى و لما توصلى طمنينى سلام
غاده / خير
عمر / الحكايه بدات يا ستى ان على عزمنا على الغدى عند ………
……………………………………….
فى المحل عند على
احمد / انا مش معاك يا على
على / ليه
احمد / انك تعمل تلت ايام فى المحل اكل ببلاش للغلابه هتحكمها ازاى يعنى
على / هعلق يافطه و اكتب اطعام للغلابه على روح الحاج انور و الجعان يتفضل و احطها على باب المحل
احمد / بس الناس كدا هتاكل و هتفترى و هيدخل عاطل مع باطل
على / كدا كدا خدنا الثواب
احمد / ما تسمع منى يا ابنى احنا نعمل سندوتشات و اكياس و الطيارين ياخدوهم يفرقوهم فى الشوارع على الغلابه احسن
على / هى هياها برده وقت ما هتطلع الاكل توزعه الناس هتتلم و مش هتعرف مين محتاج و مين بياخد دناوه و اكيد مش هتعلق يافطه و تقول الاكل ده بمناسبه ايه لكن كدا على الاقل الناس تدعيله و اقولك انا هعمل الاتنين قول لحد يروح للخطاط يعمل اليافطه عشان نعلقها فى الشارع هنا و واحده تانيه عند المحل التانى و كام واحده فى الشوارع اللى جنبنا و قول للرجاله تزود الكميه و تظبط الاكل و ما يخافوش اليوميه الضعف خصوصا للطيارين
احمد / تمام هنفذ
على / انجز انا عاوز بكره يكون كل حاجه جاهزه
احمد / اعتبر اليفط اتعلقت انا هروح اقف على ايد الراجل بنفسى
……………………………
فى شقه منال
الباب يخبط سمر تروح تفتح تلاقى أية
سمر / اتاخرتى كدا ليه
أية / والله مسافه السكه
سمر / طب ادخلى امسكى مصحف و اقعدى جنب الحجه و اقرى قران
أية / حاضر
أية تدخل تقعد جنب منال منال تصدق و تحضنها
سمر / انا قولت بدل ما هى قاعده لوحدها هناك تيجى تقعد جنبك و تونسك و اهو نقعد كلنا نقرا قران على روح الحج انور
منال / خير ما عملتى
سمر / يلا يا أية خديلك مصحف و اقراى يلا يا بنتى
…………………………….
فى شقه مامه مروان
تليفون بيرن نهاد تجرى ترد
نهاد / الو …. لا حضرتك انا نهاد مرات مروان ……. اه موجوده اقولها مين ……… طب ثوانى
نهاد تحط السماعه و تدخل تنادى لحماتها اللى تطلع من ىالاوضه جرى
الست / ايوه يا حج طمنى عملت ايه
الراجل / لقيت مشترى للارض بسعر كويس اوى
الست / ياما انت كريم يارب
الراجل / شوفى تقدرى تيجى امتى تمضى العقود
الست / اجى حالا هلبس و اركب و اجيلك
الراجل / على بركه الله و على فكره الراجل هيدفع كلو كاش بس تهاوديه فى السعر
الست / والله على عينى ابيع ارض المرحوم بس اعمل ايه بس دا ابنى الحيله
الراجل / صحيح هو مين اللى ردت عليا فى التليفون دى
الست / دى نهاد مرات ابنى
الراجل / نهاد مين
الست / حكايه طويله يا حج هحكيهالك لما اجى جهز انت بس العقود و الفلوس و المشترى و انا مسافه السكه و اكون عندك
الراجل / على بركه الله
الست تحط السماعه و تقوم تجرى على جوه و نهاد وراها
نهاد / هو مين ده يا ماما
الست / دا عمك الحمد لله لقى مشترى للارض
نهاد / هيبيعها بكام
الست / مش مهم ما سالتش المهم الاقى فلوس اديها للمحامى عشان نخلص مروان حبيب قلبى اتبهدل اوى فى الحجز
نهاد / يعنى ايه يا ماما هتبيعى الارض بالميت و تسبيهم يسرقوكى
الست / عندك حل تانى ما انا بعت الدهب كلو قدامك و على تمن الارض ربنا يسهل ما نحتاجش نبيع الشقه
نهاد / ما احنا لو مسكنا فى السعر ممكن نجيب تمن كويس ما نحتاجش نبيع الشقه
الست / ما فيش وقت دلوقتى احنا فى عرض ثانيه
نهاد / طب ممكن اجى معاكى
الست / تعالى يلا انجزى اللبسى بسرعه يلا
نهاد تطلع من الاوضه جرى
…………………………..
فى القسم
مروان / انت بتعمل ايه هنا
حسام / جاى اشوفك
مروان/ ليك عين
حسام يشاور على عينه اليمين و بعدها عينه الشمال
مروان / انا اديت لاختك حقوقها كامله و من غير محاكم و لا بهدله كان ممكن ابهدلها ده جزاتى
حسام / لا مهو عشان كدا انا جاى اساعدك البهدله بتاعه الكام يوم دول كانوا بس عشان القلم اللى اديتهولها و كدبك عليا
مروان / هو فى فى الدنيا كداب زيك
حسام / ما هو عشان مبروم على مبروم ما يرولش انا كنت عارف انك بتكدب
مروان / و رقيتنى و نيمتنى لحد ما وقعتنى
حسام / هى طلعت اذكى منك و استقالت مع انى كنت مرتبلها حاجه حلوه تليق بيها
مروان / انت عاوز ايه يا اخى
حسام / طلق البت دى لو عاوز تخرج من هنا
مروان / و ابنى
حسام / ابقى ردها لما تخرج ما يخصنيش بس امسك ورقه طلاقها من هنا هتمسك ورقه اخلاء سبيلك من هنا
مروان / انت بجح اوى يا اخى
حسام / القلم اللى انت اديته لاختى هيطرقع على خد السنيوره بتاعتك يا كدا يا ما تنساش تبلغ سلامى لعشماوى بالاذن
حسام يخبط على الباب عسكرى يفتح و يطلع بره و العسكرى يدخل ياخد مروان
……………………….
فى شقه منال على الغدى
على و عمر و منال و سمر و أية قاعدين
سمر / انا عملت لقمه بسيطه كدا و قولت اكيد اللمه هتفتح نفسك يا ست الكل
منال / والله هعوز اكتر من كدا ايه ولادى حواليا والله فيكى الخير يا ست سمر
سمر / الله طب ما تمدى ايدك دا حتى كلو فضله خيرك دا انا طبخاه باديا الحج محمود الله يرحمه ما كانش بيحب ياكل الا من ايدى
سمر تقطع حته فرخه و تحطها قدام منال
سمر / اغرفى لجوزك يا أية
أية تغرف لعمر و سمر تغرف لعلى
على / كتر خيرك
منال / عارفين القاعده دى مش ناقصها غير نور
سمر / طب ما تكلميها تيجى حتى أية بتحبها اوى و بتشكر فيها بتقول طيبه و بنت حلال
منال / لا ما ينفعش اخوها لسه جاى من السفر و زمانها قاعده معاه دلوقت ما ينفعش اقولها تسيبه
سمر / اه والله معاكى حق طول عمرك بتفهمى فى الاصول
على / صحيح يا حجه
منال / خير يا ابنى
على / انا هعمل تلت ايام من بكره باذن الله اطعام للغلابه على روح الحج
منال / و ماله يا ابنى
على / و هشوف كام مسجد كدا و احط قدامهم كولدير و اتفقت مع مكتبه هتجيبلى خمسه و عشرين مصحف نفرقهم على المساجد صدقه جاريه يعنى
منال / والله فيك الخير يا ابنى
عمر / هو احنا ممكن نعمل صوان تحت و نجيب اكل فى الشارع و نعمل اطعام برده
سمر / والله فكره حلوه اوى يا عمر و انا بنفسى هقف على ايد الطباخ و اغرف للناس بنفسى
على / مفيش داعى انا كدا كدا كلمت كل الطيارين هيشتغلوا ورديتين و هيلفوا البلد كلها يوزعوا فيها على الغلابه و ربنا يسهل
منال / اعمل اللى انت شايفه صح يا ابنى
سمر تبص لعلى و تحشر معلقه رز فى بقها
………………………………….
تانى يوم فى القسم
مروان / و طلب منى انى اطلقك مقابل انه يخرجنى من هنا
مامته / انت بتقول ايه يا مروان
مروان / اقسم بالله حسام هو اللى ملفقلى التهمه دى و قالى بعضمه لسانه امبارح لو عاوز تخرج تطلق مراتك و تسلمها ورقتها تستلم ورقه اخلاء سبيلك و قالى لو عاوز تردها بعد كدا انت حر
الست / انا مش مصدقه
نهاد / و انت ناوى تعمل ايه
الست / انا هطلع من هنا على بيتهم انا متاكده انهم مستحيل يقبلوا بوضع زى ده
نهاد / عشان تبقى تجبرينى اتنازل عن المحضر تقدرى حضرتك بقى دلوقت تخليهم يتنازلوا و يخرجوه انا الغلطانه انى سمعت كلامك
الست / ملحوقه لو ما رضيوش نعمل اللى هو عاوزه
نهاد / يا سلام يعنى عشان ارضى غرورهم اطلق
الست / و فيها ايه تطلقى و تانى يوم ما جوزك يخرج يتعملك فرح كبير بمناسبه خروجه و ان كانوا بيكيدوكى تكيديهم بس نقول ايه ستات امخاخها على قدها
نهاد / و تضمنى منين ان بعد ما يطلقنى هيخرج مروان من الحبس
الست / مت هو تضمنى منين ان المحامى هيخرجه هو كمان ادينا ماشيين فى كل السكك
نهاد / و انت رايك ايه يا مروان
مروان / مش عارف
الست / ما تشلش انت هم و خلى دول معاك
الست تدى لمروان فلوس يحطها فى جيبه
……………………
فى شقه حسام
الباب يخبط حسام يطلع من الاوضه يفتح يلاقى اروى
اروى / الحمد لله انك هنا
حسام / ايه خير فى ايه
اروى/ موبايلى فصل شحن و كنت جايه اقعد شويه مع نور و بخبط بقالى ياما ما حدش بيفتح
حسام / كلهم راحوا المستشفى لعموا انتى ازى مش عارفه دول متفقين مع عمتى من امبارح
اروى / ما قالتليش حاجه اووووف هعمل ايه انا دلوقت يعنى اروحلهم المستشفى و لا اروح و لا اعمل ايه اخاف اروح المستشفى الاقيهم مشيو
حسام / ما تكلميهم فى التليفون
اروى / قولتلك موبايلى فاصل
حسام / طب خشى كلميهم من جوه و بالمره حطى موبايلك فى الشاحن عشان ما تمشيش فاصله كدا
اروى تدخل و هى مبسوطه اوى
حسام / انا جوه لو عوزتى حاجه نادينى خدى راحتك
اروى تروح تحط الموبايل بتاعها فى الشاحن و تمسك موبايل حسام و تقفله و تروح ورا حسام اوضته تلاقيه نايم على السرير اول ما يشوفها يقوم يقعد
حسام / عاوزه حاجه يا اروى
اروى / حطيت الموبايل فى الشاحن قولت ادخل المطبخ اشرب شويه ميه عشان مشيت فى الحر و كدا سورى لو كنت ازعجتك
حسام / الشقه هنا زى تحت بالظبط المطبخ فى نفس المكان
اروى / هو انت زعلان منى يا حسام
حسام / ابدا
اروى تروح تقعد جنبه على السرير
اروى / امال ليه ما كلمتنيش من اخر مره اتكلمنا فيها هو انا قولت حاجه غلط
اروى تحط ايدها على ايد حسام حسام يبصلها اروى تشيل ايدها
اروى / زمان الموبايل شحن انا همشى بقى
اروى تقوم حسام يمسك ايدها و يشدها فى حضنه
………………………………
فى شقه منال
سمر تدخل اوضه منال و معاها كبايه عصير
سمر / ممكن ادخل
منال / طبعا اتفضلى
سمر / عملتهالك بايدى
منال / تسلمى هو انا بودى فين مش ملاحقه هههههههههه
سمر / انتى لازم تتغذى عشان تقدرى تقفى على رجلك و تشوفى شغلك و شغل جوزك
منال / ربنا يباركله على شايل كل حاجه من ايام المرحوم
سمر / ايوه يا ست منال بس قاعده البيت وحشه اوى برده و ما حدش يضمن بكره و انتى لسه صغيره
منال / انا كدا كدا ما افهمش فى الشغلانه دى و على مش مخلينا محتاجين حاجه على يدك
سمر / و هو انا كنت افهم فى شغل الموبايلات بس لما سى محمود جوزى اتوفى نزلت وقفت مكانه فى المحل و سديت مكانه ولولا على قفله كان زمان المحل لسه مفتوح لحد دلوقت
منال / و قفله ليه مش كان باب رزق مفتوح
سمر / اهو نقول ايه بقى طب والله بتحايل عليه يفتحه تانى حتى اسم ابوه ينور فى الشارع زى زمان دا المحل كان له سمعه زى الفل و الناس كانت بتجيلنا من كل حته مخصوص عشان امانه الحج و شغله الحلو
منال / باذن الله يفتحه تانى
سمر / ياريت دا حتى قاعده البيت وحشه و بتجيب المرض اسالينى انا امال انا بتحايل عليكى تنزلى و تشوفى شغلك ليه
منال / انا بفكر اروح البلد ازور اهلنا و قرايبنا
سمر / عين العقل هو فى احلى من صله الرحم بس اكيد هيزعلوا منك
منال / منى ؟؟؟ ليه
سمر / انتى ناسيه ان الحج انور حرمهم من الميراث لما كتب كل حاجه لعلى
منال / ايوه بس
سمر / اصلا حرام الواحد ما ينفعش يقسم ورثه و يخالف شرع ربنا
منال / بس اللى اعرفه ان الاستاذ محمود الله يرحمه كان كاتبلك كل حاجه قبل ما يموت
سمر / هاه ؟؟؟ ااااه دا عشان كان متخانق مع العيال كانوا تعبينوا و كان عاوزنى انا اللمهم حواليا كان خايف يتفرقوا لكن انا اقسم بالله اديتهم كل حاجه حتى نصيبى من الورث اتنازلت عنه لما أية اتجوزت عمر قولت كدا كدا فى بيتها و انا هعمل بالفلوس ايه ما هى رايحه لبنتى فى الاخر حتى اسالى أية و عمر انا ما يرضنيش ابدا سى محمود ياخد وزر بسببى
منال / ما تخافيش الحج انور وزع ميراثه فى حياته سلم لكل واحد من الورثه ميراثه فى ايده
سمر / معقول ؟؟
منال / اه هو سال شيخ قاله ليك حق توهب تلت ثروتك فكتبها لعلى و بعدين انا مراته ليا الربع كتبتها لعلى و الباقى وزعه بشرع ربنا على اهله و ادى لكل واحد نصيبه فى ايده و رضاهم حتى كلهم كانوا فى العزا
سمر / والله فيه الخير
منال / احنا لا عندنا عيل و لا تيل هنعمل بالفلوس ايه و لا هنصرفها على مين و الحج كان بيعتبر على زى ابنه
سمر / اه بس يعنى تحبى تحجى تحبى تغيرى جو
منال / ما على ماشيلى فى الموضوع
سمر / والله
منال / من نفسه حبيب قلبى جالى و قالى مش عاوزه تطلعى تحجى قولتله و ماله حد يكره و هيقدملى
سمر / طول عمره طيب و امير
منال / و بعدين انا و الحج عملنا حج اكتر من مره و كذا عمره اصل ما لناش فى المصايف و الفسح كانت دى فسحتنا كل فتره و هو فى احلى من زياره بيت ربنا فسحه يا ست سمر
سمر / ابدا والله دا انا هموت و اروح
منال / بكره ربنا يكتبهالك و تلاقى نفسك هناك بس بالله عليكى تبقى تدعيلى
سمر / طبعا لازم
منال / هستاذنك بقى اقوم اتوضى و اصلى
سمر / انا هاجى معاكى بالمره نصلى جماعه
……………………………………
فى شقه حسام
حسام خارج من الحمام لابس البرنص و بينشف شعره يدخل اوضته يطلع هدوم يبص على السرير اروى نايمه لابسه تيشيرت البجامه بتاعته و هدومها فى الارض جرس الباب يضرب يروح يفتح يلاقى نور
نور /انت فين يابنى اتصلنا بيك كتير تليفونك مقفول
حسام / مش عارف انا لسه صاحى و يادوب دخلت الحمام ما بصتش عليه يمكن فاصل خشى
نور / لا خلاص مش مهم انا هنزل تحت عمتك جت معانا و طلبنا اكل انزل بقى كلك لقمه
حسام / والله هموت من الجوع
نور / تمام اللبس بسرعه و تعال بقى سلام
نور تنزل حسام يقفل الباب و يدخل يقعد على السرير جنب اروى و يلعب فى شعرها بالراحه تفتح عنيها و تبتسم
حسام/ امك عندنا
اروى تقوم تتفزع
اروى / ماما !!! فين
حسام ياخدها فى حضنه
حسام / اهدى اهدى تحت عندنا ما تخافيش بصى انا هلبس و انزل و انتى خشى استحمى و اجهزى و خدى وقتك براحتك و هسيبلك المفتاح فى الباب من بره عشان تقفليه من غير ما تعملى صوت و لما تجهزى خالص انزلى
اروى تبصله و تبتسم
حسام / ما تيجى نطنشهم و ما انزلش
اروى تضحك بصوت عالى
حسام / لا خلى اليوم يعدى بدل ما حد تانى يطب علينا ادى لنفسك نص ساعه على الاقل و انزلى و ما تنسيش تغيرى الملايه و تغسليها لحسن امى بتفتش ورايا هههههههههههههههههههههههه
اروى / حاضر
حسام يقوم من جنبها و يرجع يقعد تانى
حسام / انا بقول بجد اخلينى و ما انزلش
اروى / ههههههههههههههههههههههههه
……………………………………
فى شقه نور
تهانى / الله امال حسام فين يا نور
نور / كان نايم يا عمتى هيلبس و ينزل
تهانى / هو بينام فوق ليه يا امانى مش يخليه فى وسطيكوا ليكون الواد مكتئب من اللى عملته معاه بنت مها
امانى / هو عاوز كدا عاوز يفضل لوحده حتى اليوم اللى قعده معانا فضل قافل على نفسه الاوضه بالمفتاح و مهما خبطنا ما فتحش تانى يوم طلع شقته
تهانى / لا يا امانى ما تسكتيش على الوضع ده لحسن الواد يروح مننا
جرس الباب يضرب نور تفتح تلاقى حسام
نور / بتعمل ايه كل ده
حسام / انا ما اتاخرتش يادوب كاويت و لبست
تهانى / تعال يا قلب عمتوا اقعد جنبى
حسام يروحلها
حسام / ازيك يا عمتوا وحشتينى امال اروى فين مش شايفها يعنى
تهانى / عند واحده صحبتها هكلمها اشوف هى فين
حسام / انا جعان قالولى فى اكل و لا انتوا كنتوا بتضحكوا عليا و لا ايه
نور / لا فى يا طفس ثوانى
حسام / اخبار عمى ايه
محمد / احسن كتير الحمد لله احنا كنا فين ابقى روح بص عليه
حسام / ناوى والله
جرس الباب يضرب
حسام / انا هفتح مش عارف انا طالبين دليفرى و هنموت من الجوع ازاى يعنى
حسام يفتح الباب يلاقى مامه مروان
الست / ازيك يا حسام يا ابنى
حسام / اهلا يا طنط اتفضلى
الست / كويس انك هنا عشان عوزاك
حسام / تحت امرك اتفضلى اتفضلى
الست تدخل
محمد / اهلا يا حجه امينه اتفضلى
امينه تدخل تقعد و نور تطلع باطباق تحطها على السفره تروح تسلم عليها
نور / اهلا يا طنط ازيك اخبار مروان ايه
امانى تطلع من المطبخ شايله شفشق عصير و كبايات تحطهم على السفره و تروح تسلم
امانى / اتارى البيت منور اهلا بست الكل حماتك بتحبك
امينه / لما جيتونى تطلبوا منى انى اخلى نهاد تتنازل عن المحضر انا ما اتاخرتش بس لما اروح ازور مروان و اعرف منه ان حسام زاره و قاله يطلق مراته ام ابنه مقابل انه يخرجه من القضيه يبقى فى كلام تانى
حسام / انا عملت ايه تانى معلش
امانى / انتى بتقولى ايه يا ست امينه حسام لسه واصل مصر من مفيش و من ساعتها و احنا والله فى مشاكل دا كان على يدك
نور / هو حضرتك عرفتى ان الحج انور ما استحملش اللى حصل و اتوفى
امينه / البقاء لله بس
حسام / بس ايه بس يا طنط هى عشره يومين هو انا ممكن ائذى اخويا انا روحت ازوره فعلا لما عرفت اللى حصل بس اكيد ما عرضتش عليه حاجه زى دى اصلا هستفيد ايه لما يطلق مراته و لا لا هيرجع لاختى يعنى على اساس اننا ممكن نقبل يرجع و لو عديناها دى انا ممكن اخرجه من قضيه زى دى ازاى يعنى انا لا محامى و لا بفهم فى القانون انا اقصى حاجه ممكن اقدمهاله انى اوقفله محامى
امينه / يعنى مش انت اللى ملفقهاله
حسام / ههههههههههههههههه طب يعني هو انا اقدر و انا بره مصر اللفق تهمه لواحد جوه مصر بالعقل كدا هعمل كدا ازاى
امينه /زى ما رقيته يا حسام
حسام / ينهار اسود كمان انا اللى رقيته كنت رقيت نفسى يا جدعان و زودت مرتبى اولى هو حضرتك فكرانى مدير الشركه و لا حتى رئيس مجلس الاداره و بعدين حضرتك اكبر من كدا
نور / و حضرتك كمان شوفتى ست نهاد ازاى رمت بلاها على الناس و عملت مشكله و ايه اللى حصل من وراها الراجل مات يا طنط
امينه / طب قولولى اعمل ايه و انا اعمله قولولى فى ايدى ايه بس دا انا بعت اللى ورايا و اللى قدامى يا ناس عشان اخرجه من القضيه دى
امينه تقعد تعيط نور تقعد تطبطب عليها
حسام / انا متاكد ان مروان برئ و ربنا ما يرضاش بالظلم انا متاكد انه هيخرج منها باذن الله ما تقلقيش و احنا جنبك و ما تخافيش مش هنسيبك و لا هنسيبه
امينه / والله يا ابنى انا قولت كدا ولاد الاصول بيتعرفوا برضه
نور / قومى كليلك لقمه معانا و اهدى و باذن الله خير
امينه / لا انا يادوب اروح
حسام / تبقى مش مصدقانى و فكره ان ليا يد فى الموضوع ده
امينه / سامحنى يا ابنى بس انا برده ام
حسام / انا عازرك قومى كليلك معانا لقمه
الباب يخبط نور تروح تفتح تلاقى اروى
نور / اهى اروى كمان جت اهى خشى يا اختى لسه كنا هنكلمك
اروى / اممممم حماتى شكلها بتحبنى ايه الروايح الجامده دى
حسام / دى روايح الدليفرى هههههههههههههههههههههههه
تهانى / بنت حلال كنت لسه هكلمك اشوفك انتى فين
اروى / انا موبايلى فصل اصلا فقولت اجى على هنا
تهانى / خير ما عملتى يلا بقى ناكل بقى و لا ايه
حسام / يلا يا طنط قومى
امانى / طب والله ما هحط لقمه فى بقى الا لما تاكلى معانا يلا بقى الله يعينك و يصبرك
امينه تروح تقعد
امينه / امال ندى فين مش شيفاها
تهانى / قطعت و قطعه سيرتها
حسام / عمتى
تهانى / ايه خايف على سمعتها اوى اللى زى دى عاوزه الحرق
امينه / معقوله
محمد / مفيش حاجه يا ست امينه شويه مشاكل بس
تهانى / مشاكل ايه دى واحده ناقصه ربايه هو اللى جرا لخويا ده ما كانش من تحت راسها
حسام / انا ماشى عن اذنكوا
حسام يقوم يسيب المكان و يمشى و اروى تجرى وراه ما تحصلوش
محمد / ليه كدا بس يا تهانى ينفع كدا
تهانى / هى اللى تسيب جوزها و تهرب مع عشيقها يتقال عنها ايه يعنى
امينه / ندى ما تعملش كدا ابدا
تهانى / اهى عملت و اخويا فى المستشفى من ساعه اللى حصل عرفتى بقى ان مستحيل حسام يكون هو اللى عمل كدا فى ابنك يا ست امينه هو فى ايه و لا فى ايه
امينه / حقكوا عليا والله ربنا يصبره
اروى / طب حد يتصل بحسام طيب يشوفه هو فين دا نزل يجرى على السلم زى المجنون
امانى / كان مستخبيلنا كل ده فين بس ياربى
تهانى / كلو من مها و دلعها ياما قولتلها تشد على البت شويه اهى جابت راسنا كلنا فى الارض
…………………………….
فى المستشفى
مها قاعده بتقرا قران باب الاوضه يتفتح
حسام / ممكن ادخل
مها تصدق و تقفل المصحف و تنفخ مصطفى يشاورله يدخل حسام يروح يبوس راس عمه و يشد كرسى و يقعد جنبه
مها / جاى ليه عاوز مننا ايه تانى
حسام / حقك عليا يا عمتى حقك عليا يا عمى انا عارف انكوا زعلانين منى انا ما كانش المفروض اتكلم قدام الكل بس انا ما كنتش اعرف ان عمتى هتيجى هى و بنتها انا
مها / انت عاوز ايه
حسام / انا ما طلعتش الورق ده قدامهم فى البيت ما كنتش عاوز حد يعرف الحقيقه
مها / انت جاى تكمل على الراجل ورق ايه
حسام / دا كشف بارقام التليفونات اللى ندى كانت بتكلمها من ورايا الرقم اللى واجهتها بيه معمول عليه دايره دا رقم الواد بتاع الشاورما يا عمى ندى كانت بتكلمه و تقرطسنا كلنا حتى بعد السفر كانت بتستغل ثقتى فيها و تكلمه ما عملتش اى اعتبار انها متجوزه و الاكتر انها بعتتله جواب انا شفيته زى ما شفيت ورقه الهروب بس ما طلعتوش قدام اهلى عشان ما يسالوش مين على ده و نفتح على نفسنا القديم و الجديد
حسام يدى الورق لمها
حسام / بتقوله بفكر فيك كل ليله بحلم بيك كل ليله انا ما نزلتش مصر و سبتها غير من قهرتى ووجعى حامل منى و بتحلم بغيرى بتكلم غيرى هو لو كان الزفت ده محترم كان غرر بعيله متجوزه عاوز منها ايه غير انه يتسلى بيها
مصطفى يشاور لحسام يسكت
حسام / ندى ما لهاش ذنب انا عارف الكلب ده دخك عليها بس انا كمان بشر يا عمى
مها / انا بنتى فين دلوقت
حسام / ما اعرفش
مها / كانت امانه معاك كنت هتهالى و انا هربيها كنت هتهالى
حسام / كنت ناوى والله و حجزت تزاكر السفر و رتبنا الشنط و رجعت من بره ما لقتهاش سابتنى و هربت اعمل ايه بس يا عمتي حطوا نفسكوا مكانى اعمل ايه بس اعمل ايه عمى ارجوك ما تحسسنيش بالذنب ارجوك انا من ساعه ما رجعت و انا مش عارف لا اكل و لا انام و مش قادر اعيش انا مش عاوز اخسر مراتى و اهلى فى يوم واحد
مصطفى / قوم يا حسام روح و بالنسبه للفلوس اللى دفعتها فى المستشفى لما اخرج و اقف على رجلى ربنا يقدرنى
حسام / دى اخرتها يا عمى على العموم معاك حق انا برده ما قدرتش انفذ و عدى و احافظ عليها عن اذنكوا
حسام يقوم و يخرج
مها / انا مش قادره اصدق ان ندى تعمل كدا مستحيل ندى تعمل كدا
مصطفى يمسح دموعه و يغمض عنيه
مها / انا هتصل اشوف نمره مين دى و لو على فعلا هخليه يجى هنا و هبوس رجله لو يعرف مكان بنتى يقولى و لو ما يعرفش هستلف من طوب الارض و اسافر ادور عليها هقلب الدنيا حته حته لحد ما لرجعها
مصطفى / و انتى مين قالك انها عاوزه ترجع عندنا
مها / مش هصدق مش هصدق عمرى
مها تمسك الموبايل و تتصل بالنمره على يرد
على / الو
مها / على ؟؟؟
على / ايوه مين معايا
مها / انا مها جارتكوا مامه ندى
صمت ثوانى
مها / لو سمحت ممكن تيجى المستشفى
على / مستشفى ايه خير فى ايه
مها / ارجوك تعال انا هديك العنوان و هستناك
على / تحت امرك مسافه السكه
…………………………………
فى المستشفى
ندى بتتمشى و الممرضه شايله حبيبه بتديها ببرونه ندى تروح تقف جنب الشباك
الممرضه / ايه سرحتى و لا ايه
ندى / الجنينه حلوه اوى
الممرضه / اه بس الجو هناك فى الوقت ده نار ما تستحمليهوش التكييف رحمه
ندى / انتى هنا بقالك كام سنه
الممرضه / بشتغل هنا من سبع سنين و اكتر
ندى / و بتنزلى مصر
الممرضه / ساعات بس مش كل سنه
ندى / اهلك مش بيوحشوكى
الممرضه / الله يرحمهم ابويا و امى تعيشى انتى و اخواتى كل واحد فى ملكوته
ندى / على الاقل تزوريهم
الممرضه / كنت بنزل و اقعد فى بيت ابويا اصل انا مليش شقه اتجوزت و سافرت مع جوزى علاطول و حياتنا و عيالنا هنا فى المدارس كنا بننزل فى الاجازه نقعد عند امى اسبوع و عند امه اسبوع و فى المصيف اسبوعين بس لما اهلى اتوفوا نزلت مره واحده بعت بيت العيله و ما نزلتش تانى اصلى هنزل عند مين
ندى / و ليه ميا كونلكيش شقه فى مصر
الممرضه / ناويين اشترينا ارض فى البلد عند جوزى و مستنين نكسر قرش تانى عشان نكمل فلوس البنا سيبك انتى منى انتى ليه رفضتى الاقامه اللى عرضها عليكى سمو الامير
ندى / زى ما قولتله انا لا عاوزه اقامه و لا اى حاجه اكتر من انى انزل مصر و كفايه تعبوا معايا لحد كدا
الممرضه / هو حد يلاقى فرصه زى دى بس اللى مش فهماه ازاى جوزك ينزل مصر و يسيبك هنا ازاى دا انتى لو تهتى منه زى ما بتقولى يجرى يعمل محضر و يقلب الدنيا امال لو ما كانش ابن عمك
ندى / ما اعرفش
الممرضه / يمكن قالب الدنيا فى مصر عشان يرجعلك ما حدش عارف انتوا ليكوا شقه فى مصر
ندى / لينا
الممرضه / انتى اغرب حاجه شوفتها فى حياتى على العموم ربنا يوفقك فى حياتك خلاص نامت اهى انا هحطها و اسيبك تنامى حبه انتى كمان و شويه و هاجى ابص عليكى تانى
ندى تبتسم الممرضه تحط حبيبه فى سريرها ندى تروح سريرها و تاخد دوا و تفرد ضهرها على السرير و تفكر
……………………………….
فى المستشفى عند مصطفى
على باب الاوضه مها واقفه مع على
مها / انا متشكره اوى انك جيت
على / مفيش حاجه خير قلقت
مها / اسمع يابنى انا عارفه انك دخلت البيت من بابه و اتقدمت و احنا رفضناك انا عارفه ان يمكن عمك مصطفى كلمك باسلوب و حش و لا قالك كلام يجرحك و جوزها لابن عمها بس
على / دا موضوع و انتهى
مها / على ارجوك ندى بنتنا الوحيده عمك كان هيروح فيها ارجوك
على / انا مش فاهم حاجه
مها / احنا عرفنا كل حاجه و لما جوزها واجها هربت
على / هربت فين
مها / ارجوك يا على ساعدنى قولها اننا مش زعلانين منها قولها ترجع و احنا هنعمل اللى يريحها لو عاوزه تطلق هنطلقها لو عاوزه تتجوزك هنجوزكوا بس رجعهالى يا ابنى
على / انتى بتقولى ايه حضرتك انا مش فاهم حاجه فعلا هى ندى هربت و حقيقه ايه اللى عرفتوها
مها تطلع ورقه التليفونات
مها / احنا عرفنا ان ندى كانت بتكلمك لما كانت مسافره مع جوزها و لقينا الجوابات اللى كانت بتبعتهالك
على / لحظه لحظه جوابات ايه اقسم بالله ما وصلنى من ندى اى حاجه ورينى كدا رقم ندى
على يبص على الرقم و يطلع موبايله و يقلب فى النمر
على / اه انا عارف النمره دى كانت بتتصل و انا برد بس ما كانش فى حد بيرد كنت بقول الو الو الو و اقفل كنت فاكره عيل صغير و بيلعب او الشبكه وحشه مش عارف حتى مرات كتير جدا كنت برفض افتح عليه …. دى كانت ندى
مها / احنا جوزناها غصب عمك كان فاكر انها لما هتشوف حسام مقدملها ايه هتنساك احنا ظلمناها و ظلمناك بس دلوقت
على / دلوقت لازم نعرف هربت راحت فين لانى اقسم بالله ما كلمتها و لا اعرف حاجه عنها اقسم بالله ما جانى منها و لا جواب و لا حتى سمعت صوتها اقسم بالله ما اعرف عنها اى حاجه
مها / ارجوك ما تكدبش عليا انت الامل الوحيد اللى باقيلنا اننا نلاقيها والله ما هناذيها والله ما هنعاتبها حتى بس ترجع اى كلمه تكون عارفها هتفرق معانا
على / انا حلفتلك انى ما اعرفش عنها حاجه
مها / هتكون راحت فين يعنى دى على وش ولاده و فى بلد لوحدها
على / هو جوزها نزل و سابها
مها / اللى حصل
على / نزل و سابها لوحدها هناك ؟؟؟
على يمشى و يسيب مها واقفه بتعيط
………………………………………………
فى شقه حسام
الباب يخبط حسام يروح يفتح
نور / فى حد يعمل كدا
حسام / خشى و اقفلى الباب انا مخنوق و مش طايق نفسى
نور / اتصلت عليك مليون مره غير متاح و قلقتنا كلنا عليك ازاى تمشى بالطريقه دى
حسام / كنتى مبسوطه بعمايل عمتك يعنى
نور/ لا طبعا و على فكره حصلت مشكله كبيره بعد ما مشيت بابا و ماما و عمتى و اروى كلهم اتخانقوا مع بعض
حسام / ليه ايه اللى حصل
نور / عشان اللى عمتوا عملته و عمتوا عيطت جامد اوى
حسام / امال لو ما كانتش بنت اخوها
نور / ما انت كمان ابن اخوها يا حسام
حسام / اه بس ندى لسه مراتى و على زمتى و مش هسمح لاى حد يتكلم عنها نص كلمه
نور / انت لسه بتحبها يا حسام
حسام يبص لنور بحزن و يروح يقعد على اقرب كرسى
نور / هو ايه اللى حصل لكل ده ازاى فى الفتره القليله دى يحصل كل ده
حسام / كانت قليله بالنسبالك بالنسبالى كانت سنين .. سنين طويله اوى يا نور
نور / يمكن حوار حبيبها ده حوار فى خيالها او يمكن كانت بتلعب يمكن تاهت يا حسام يمكن كانت بتتصل باى حد انت بنفسك قولت انها كان عندها اكتئاب و مش فى وعيها
حسام / من ساعه ما رجعت و انا بقول لنفسى نفس الكلام و بفكر ارجع بس مش هقدر ارجعلها
نور / انا عارفه ان ندى طايشه و مجنونه بس مش للدرجادى ما كانتش اتجوزتك يا حسام
حسام / تفتكرى هى اتجوزتنى عشان بتحبنى فعلا
نور / الله امال كنتوا مستعجلين اوى على الجواز كدا ليه
حسام / عشان السفر و الفسح و الخروجات و الدهب و الفلوس عشان تبعد عن ابوها و امها و تحكماتهم
نور / تحكماتهم ما كانش فى حد فى الدنيا مدلع عياله قد مهما كانوا مدلعينها دى ما كانتش بتطلب حاجه الا لما تلاقيها
حسام / تحبى افتحلك الرسايل اللى كانت بينا و اقولك انا خناقات ابوها و امها و اللى عملوه يوم نتيجه ثانويه عامه
نور / ايوه يا حسام بس الحاجات دى موجوه فى كل بيت فاكر انت نتيجتى كان يوم اسود علينا كلنا
حسام / مفيش فايده من الموضوع ده
نور / طب ما نقدرش نكلم السفاره نسال عنها
حسام / هقولهم ايه سفرت و سبتها و دلوقت بدور عليها
نور / لا ممكن نشوف محامى يسال عنها فى المطار ان كانت نزلت مصر و لا لا ساعتها هنعرف نبدا ندور منين
حسام / و لما نلاقيها تقدرى تقوليلى هيحصل ايه بعدها هانسى اللى عملته
نور / على الاقل تطمن على بنتك يا حسام انت ازاى هادى كدا دى ضناك و لو ندى مش بتحبك و كل واحد هيروح لحاله على الاقل بنتك تبقى فى حضنك
حسام / و هى هتسبنى اخدها
نور / يعنى انت هتسيبها لواحد غيرك يربيها يا حسام
حسام / نور انا داخل انام البيت بيتك اقفلى الباب وراكى و انتى نازله
نور / حقك عليا لو كنت ضايقتك
حسام / مش انتى اللى ضايقتينى انسى انسى تصبحى على خير
حسام يدخل اوضته و يقفل الباب و نور تنزل و تقفل الباب
……………………………
فى مكتب محامى
مجدي / الاول احنا هنشوف هى نزلت مصر و لا لا و فى نفس الوقت انت هتخلص الباسبور بتاعك و نشوف فيزا سياحى بس حتى لو انت سافرت نتيجه انك تلاقيها مش مضمونه انت بتتكلم عن بلد كبير جدا
على / هقلبها شبر شبر
مجدى / ايوه بس انت لا جوزها و لا حد من قرايبها هتدور عليها بصفتك ايه انت ما تقدرش حتى تكلم السفاره بصفتك و شخصك
على / طب لو اخدت معايا والدتها
مجدي / اكيد هيسهل عليك الموضوع كتير
على / طب لو سمحت انا عاوز الموضوع يخلص فى اسرع وقت
مجدى / طبعا
………………………………
فى شقه امينه
امينه / هتفضلى لاويه بوزك لحد امتى
نهاد / واحده مستنيه ورقه طلاقها عوزاها تكون ازاى
امينه / شوف و انا اللى قولت هتقولى واحده جوزها فى السجن و ممكن يعدموه صحيح
نهاد / انا وديت الفلوس للمحامى و عملت اللى عليا مفيش فى ايدى حاجه تانيه اعملهاله للاسف
امينه / انا روحت لحسام و كلمته
نهاد / و طبعا ملاك برئ ملوش اى علاقه و مروان اتجنن و بيجيله تهيات صح
امينه / حسام معاه حق حسام نزل مصر بعد ما مروان اتقبض عليه يعنى ما يقدرش يلفقله حاجه زى دى
…………….
- يتبع الفصل التالي اضغط على ( رواية سلف و دين ) اسم الرواية