Ads by Google X

رواية الان اقول احبك الفصل الثامن عشر 18 - بقلم ندي سامي

الصفحة الرئيسية

  رواية الان اقول احبك كاملة بقلم ندي سامي عبر مدونة دليل الروايات 


رواية الان اقول احبك الفصل الثامن عشر 18

الياس : انا اسف
تاليا بصتلو باستغراب ف كمل : عارف ان إلى عملتو غلط بس انا لما بتعصب مبشوفش قدامى عشان كده كنت بسكتك
تاليا : المفروض الواحد بيتحكم ف عصبيته مش يعمل كده
الياس : حقك عليا
تاليا بصتلو بحزن و كانت مستغربه أنو بيقول كده و سكتت و فضلو حبه ساكتين لحد م الياس قاطع صمتهم
الياس : شوفتها
تاليا باستغراب : هى مين
الياس : الاكس بتاعتى كانت مع صاحبى إلى سابتنى عشانو
تاليا : مش فاهمه سابتك عشانو ازاى
الياس : انا و هى كنا صحاب من زمان اوى و مع الوقت علاقتنا اتطورت و انا حبيتها و قولتلها لقيتها بتقولى أنها كمان بتحبنى بس مكنش حاسسها بس عشان بحبها مفكرتش و كان ع طول و احنا خارجين تقعد تقولى هات صاحبك معاك و انا هجيب صاحبتى و اغلب الوقت صاحبتها دى مكنتش بتيجى و كانت بتقول كل مره حجه شكل ع صحبتها لحد م جه ف فتره بعدت عنى و مبقتش ترد ع مسدجاتى غير قليل و صاحبى كمان بعد عنى و لما واجهتها نكرت و قالت إنها مشغوله و أن مفيش حاجه بينها و بينو و بعد فتره عرفت أن هما الاتنين خطوبتهم قربت و لقيتها بعتالى مسدج بتقول فيها شكرا ع انك قربتنى من حبيبى و ساعتها انا عرفت انى كنت مجرد كوبرى عشان توصل ل صاحبى و تحببو فيها و من ساعتها و انا بكره كل البنات
تاليا : انا فاهمه احساسك و فاهمه كسرتك بس ليه تشوف كل البنات وحشين بسببها زى م فى شخصيات وحشه فى شخصيات حلوه مش البنات كلها وحشه .. يعنى انا كان ذنبى ايه تعاملنى ب الطريقه دى و كل شويه معاملتك تتغير ع حسب مزاجك
الياس : انا اسف صدقينى انتى غيرتى فكرتى عنهم بس لما شوفتها نسيت كل ده و افتكرت كل الى فات و اتعصبت عشان كده عملت كده .. ادينى فرصه اخيره و صدقينى هتلاقى منى تعامل مختلف
تاليا : وعد !
الياس ب ابتسامه : وعد
تاليا و هى بتقوم : تمام انا هدخل انام
الياس : طب اقعدى شويه طيب
تاليا : لا ورايا جامعه الصبح ناقص امتحانين
الياس بضحك : ماشى يا ستى اتحججى ب الامتحانات اخر يوم مذاكره بكره خلاص
تاليا ضحكت بفرحه و هى ماشيه و طلعت اوضتها و الياس ضحك و حس قلبو بيدق جامد بس نفى الشعور ده و فكر ف حاجات تانيه و بعدين طلع اوضتو ينام
~~~~~~~~ ف الاوضه
الياس ب ابتسامه و هو نايم ع السرير : واضح انى هرجع اقع تانى بس المرادى مش همانع انا حقيقى مشوفتش منها حاجه وحشه و هى زى الفل الصراحه و محترمه اه كان لبسها يقرف ف الاول بس بعد كده غيرت من لبسها و كمان شخصيتها احسن مليون مره من الاكس و بحس معاها احساس مختلف
قعد يفكر شويه و هو مبتسم و يسترجع ذكرياتو معاها حتى لما كان بيرخم عليها و هو بيضحك
الياس بتنهيده : انا قررت هدى قلبى فرصه اخيره المرادى اتمنى تبقى قد الثقه يا تاليا
_______________________
تانى يوم ف الفيلا
ف اوضه ساره و فارس
ساره : مش واخد بالك أن علاقه تاليا و الياس غريبه شويه
فارس : اه العيال دول كل يومين بحاله مش فاهم فى مره يرجعو مبسوطين و مره متخانقيش
ساره : ايوه ولا نيروز إلى رجعت امبارح طلعت ع اوضتها و هى بتعيط دى .. العيال دول مش مطمننى ولازم نعرف فى ايه
فارس : هنعرف ازاى
ساره : مش عارفه بس اكيد فى طريقه
_______________________
عند مراد
كان قاعد بيفكر ف إلى حصل امبارح لما كان مع نيروز و فكر ف السؤال بتاعها و اجابتو عليها
مراد ف سره : معقول يكون الى ف بالى !! طب ازاى هى اصلا مش مبينه حاجه .. طب انا ليه بفكر فيها ع طول هو ممكن فعلا مبقاش معتبرها زى اختى ! .. بس احنا بقالنا كتير مع بعض من و احنا اطفال اكيد بحبها زى اختى يعنى مش اكتر
قعد يفكر كتير لحد م زهق و نفخ جامد و الباب خبط
مراد : ادخل
دخلت السكرتيره و هى بتقول : مستر الياس بيقول ل حضرتك يلا عشان الوفد الأجنبى عندو ف المكتب
مراد : تمام روحى انتى
خرجت و قفلت الباب و هو خد نفس جامد و خرج راح ل الياس
_______________________
ف مكان تانى
_ التنفيذ بكره اقسم بالله لو نسيت أو عملت اى غلطه مترجعش تلوم غير نفسك
– يا باشا طب م تأجلو شويه اخر يوم ده هيبقى صعب و هى هتبقى خارجه مع قريبتها و مش هتعرف ناخدها عشان بيبقو مع سواق و كمان قدام الجامعه و الناس
_ و هتعمل ايه تانى يعنى يا ناصح
– احنا نراقبها و هى اكيد هتخرج م البيت بعد الامتحانات و لما تخرج هناخدها بس انت ناوى تعمل ايه
_ هاخد إلى انا عايزه و هطلب مبلغ كبير لو عايزين ياخدوها تانى ” كمل بخبث ” انا اه كنت عايزها هى بس مفيش مانع ناخد شويه فلوس بما انهم اغنيه
– متنساش نصيبى بس
_ طيب اقفل انت بقى سلام
قفل معاه و ابتسم بخبث و شر
_______________________
تانى يوم الصبح ف الجامعه
تاليا و نيروز راحو الامتحان و خلصو و خرجو و وقفو كلهم مع بعض و اميره معاهم
تاليا : بقولك يا اميره تيجى نخرج كلنا
اميره : امتى
تاليا : مش عارفه بس مش دلوقتى عشان مش قادره خالص ممكن يوم تانى
اميره : تمام ظبطى يوم و قوليلى
تاليا بابتسامه : تمام يا روحى يلا سلام احنا عشان العربيه وصلت
سلمو عليها و مشيو و كان فى عيون بتبص عليهم بخبث و توعد
_______________________
ف العربيه
تاليا : انتى مش هتروحى تجيبى فستان التخرج
نيروز : مش عارفه و بعدين لما تظهر النتيجه الاول
تاليا : متخافيش انا واثقه فيكى هتجيبى درجه حلوه
نيروز بابتسامه : يارب
تاليا : نبقى ننزل مع بعض الاسبوع الجاى نجيلك فستان
نيروز بفرحه : هنروح المول إلى وريتك فيه الفستان إلى عجبنى
تاليا : ايوه و هندور كمان لو فى حاجات احلى مع أن انتى ماشاءالله اى حاجه بتليق عليكى يا قمر انتى
نيروز بضحك : والله انتى الى قمر
قعدو طول الطريق بيتكلمو و هما بيضحكو و مبسوطين أنهم خلصو امتحانات و طول الطريق كانت ماشيه وراهم عربيه و اول م وصلو العربيه ركنت بعيد شويه لحد م البنات نزلو م العربيه
_______________________
ف البيت بليل
تاليا و نيروز كانو سهرانين مع بعض و بياكلو مقرمشات و شبسيهات و حاجات حلوه كتير و فجأه جت مسدج ل تاليا كان فيها صور قديمه ل الياس و هو مع حبيبتو القديمه و بما أن تاليا متعرفهاش ف افتكرت أن دى صور جديده و اضايقت جامد و بدأت تحس بالغيره
تاليا : انا رايحه انام
نيروز باستغراب : بس الفيلم لسه مخلص
تاليا : نكملو بكره
خرجت و دخلت تنام و نيروز استغربت و قعدت تكمل الفيلم و وهى بتتفرج جه مقطع فكرها ب اخر مقابله ليها مع مراد ف حست بضيق و خنقه و قفلت الفيلم هى كمان و لمت الحاجه مسكت فونها فتحت الواتس لقت مراد كان باعتلها مسدجات كتير بس مرتدش و نامت و هى بتعيط
_______________________

تانى يوم بليل
تاليا كانت طول اليوم متجاهله الياس و كل م تفتكر المسدجات و الصور تحس انها عايزه تعيط و الياس كان مستغرب من تجاهلها و نيروز إلى كلامها قل و كل ده كان ملاحظه ساره و فارس إلى بيحاولو يلاقو حل للى بيحصل
~~~~~~~~ ف المطبخ
تاليا بابتسامه : داده صفيه ازيك
صفيه : بخير يا بنتى الحمدلله
تاليا : هى القهوه فين كنت عايزه اعملى انا و عمو فارس و طنط ساره
صفيه : انا هعمل يا حبيبتى ارتاحى انتى
تاليا : مش عايزه اتعبك و بعدين انا عايزه اعمل اصلا عشان بقالى كتير معملتش بنفسى
صفيه بابتسامه : تمام يا حبيبتى .. القهوه اهى
تاليا : تمام تسلمى روحى ارتاحى وانا هعملها
صفيه ابتسمتلها و خرجت و هى خلصت القهوه و خرجت
~~~~~~~~ برا
خرجت تاليا ب الصنيه بس كان فى حاجه ع الأرض و اتكعبلت فيها و الصنيه وقعت بس هى لحقت نفسها بس وهى بتعدل نفسها داست ع حته ازاز ب الغلط ف صوتت بوجع
ساره بقلق : حبيبتى انتى كويسه
الياس قام بقلق و راح ناحيتها : انتى كويسه
تاليا بوجع : اه كويسه .. اسفه ع الكوبايات بس مخدتش بالى
ساره : فداكى يا حبيبتى انتى بتقولى ايه
نيروز لاحظت رجلها إلى عليها دم و قالت بخضه : تاليا رجلك
تاليا كل ده مكانتش حاسه ان الازاز ف رجلها و فاكره أنها اتعورت منو بس بس لما رفعت رجلها اتصدمت و بدأت تحس ب الوجع اكتر و عينها اتملت دموع و الياس لما شافها شالها
الياس و هو طالع لفوق : انا هروح الاوضه هشيلها الازاز و اطهر رجلها
ساره بقلق : استنى يا حبيبى جايه معاك
كانت لسه هتروح لقت فارس بيوقفها و بصلها ب نظره هى فهمتها ف سكتت و قعدت هى و نيروز بقلق ع تاليا
~~~~~~~~ ف الاوضه
الياس دخل و نزلها ع السرير و دخل الحمام جاب علبه الاسعافات و طلع الملقاط و قطن و مطهر
الياس : لو وجعتك قولى
تاليا هزت راسها و هى بتدمع و هو بدأت يحاول يشيل الازاز و هى كل ده بتتغط ع كتفو م الوجع لحد م شالو
الياس بحنيه : اهدى خلاص اتشال هطهرو و احط بلاستر و خلاص
تاليا بدموع : بتوجع و المطهر هيحرق
الياس : م لازم يا حبيبتى ده جرح مفيش حل تانى
تاليا هزت راسها و كان كل تفكيرها ف الوجع و مخدتش بالها من كلمه “حبيبتى” الى هو قالها و هو بدأ يطهر رجلها و هى بتحاول تقنع نفسها انو مش بيوجع لحد م هو خلص و حط البلاستر و راح قعد جنبها و مسح دموعها
الياس : خلاص خلصنا اهو مفيش حاجه
خد حته الازاز و قال بضحك تخفيف لوجعها : كل ده عشان الازازه دى
تاليا ضحكت بخفه و هى موجوعه بس لما افتكرت المسدجات رجعت كشرت تانى و بصت قدامها و مسكت رجلها
الياس و هو بيقوم : انا همشى دلوقتى و انتى نامى و متقوميش من ع السرير و لو قومتى متحطيش رجلك ع الأرض عشان هتوجهك
تاليا هزت راسها و هو قام يمشى بس قبل م يمشى وقفتو جمله تاليا
الياس لفلها بصدمه : ايه !!؟
تاليا بدموع : زى م بقولك يا الياس طلقنى
الياس : انتى مجنونه يا تاليا التعويره قصرت ع دماغك بالغلط
تاليا : مش وقت هزار انا قولت إلى عندى و عايزه رد
الياس ببرود : تمام انتى …..
~~~~~~~~ تحت
الياس خلص كلامو مع تاليا و نزلو و هو متعصب و خرج م الفيلا تحت استغرابهم كلهم
ساره : هو فى ايه
فارس : الواد ده اهطل وربنا ايه ده ده كان لسه ميت فل و عشره من شويه
ساره : م انا بقولك العيال دى مش مظبوطه .. انا عندى فكره
فارس : ايه هى
ساره بخبث : …..

google-playkhamsatmostaqltradent