رواية سلف و دين كاملة بقلم لولو محمد عبر مدونة دليل الروايات
رواية سلف و دين الفصل الثامن عشر 18
على / و انا هاثر على علاقتك بعمر ازاى بقى يعنى
نور / على فكره كل واحد فيكوا بيتكلم فى ناحيه شكل و انتوا الاتنين معاكوا حق
عمر / عشان كدا ساكت هههههههههههههه
نور / على لو سمحت عمر اخوك و يوم ما هيحتاج حاجه مش هيكون له غيرك يطلب منه و ده دورك انك تكون موجود فى الوقت ده بس لو يقدروا يحلوا مشكلتهم من غيرك و ما جوش ليك مفيش عليهم لوم فهمت هى تقصد ايه
أية / بالظبط ان كانت المشاكل اللى بينى و بين عمر ماديه فانا متنازله عن كل حاجه
امانى / اللى على البر عوام يا بنتى حتى لو مش دلوقت سنه اتنين تلاته عشره هيجى عليكى يوم تحسى ان فرحتك اتخطفت منك هتحسى انك اقل من غيرك
أية / غيرى لو عندها الدنيا ما عندهاش عمر
منال / ههههههههههههههههههه تصدقى انا للحظه غرت
انور / الله الله الله
منال / مش غرت منها غرت من عمر
عمر / انا ؟؟؟
منال / مين فى الدنيا ممكن يلاقى حد يحبه اوى كدا
انور / لا بجد الله هو انا ما بحبكيش كدا
منال / بتحبنى بس فى بينا عشره سنين و زكريات حلوه بتزود حبنا لكن هما لسه
عمر / لا معلش انا و أية متربيين سوا يعنى الزكريات الحلوه مفيش اكتر منها
أية / و الوحشه
عمر يبص لأية
على / يا شيخه
أية / الاوقات الوحشه هى اللى بتخليك تعرف قيمه الحلوه لحظات الفراق بتخليك تعرف قيمه الشخص اللى معاك هتستحمل يبعد عنك هتستحمل تعيش من غيره هتخليك تتنازل عن اى حاجه مقابل انك تكون جنبه
نور / انتى عندك كام سنه تانى كدا
أية / ههههههههههههههههههههههههههههه
عمر يوطى على راس أية و يبوسها تنكسف ووشها يحمر
انور / لا ما اقدرش على كدا تصدقى يا بت اقسم بالله ليتعملكوا احلى فرح و تلبسى احلى فستان و طظ فى رايك انتى و لا الفسل اللى جنبك و يبقى حد يكسرلى كلمه
امانى / ما عاش و لا كان يا حج خلاص الحج قال كلمته يلا يا بنات ساعدونى نشيل السفره و نعمل شاى
…………………………………
فى القسم
مامه مروان / يعنى ايه
المحامى / زى ما قولت لحضرتك احنا هنمشى فى كل الاتجاهات و ربنا يسهلها بس انتى ظبطى الحاجات اللى طلبتها
الست / كان مستخبيلك فين دا بس يابنى
نهاد / مش عارفه فين يعنى يا طنط
الست تبص لنهاد و تسيبها وتمشى
نهاد / عن اذنك يا استاذ
نهاد تجرى ورا حماتها
نهاد / ماما ماما استنى هتروحى فين بس
الست / عاوزه ايه دلوقت انتى
نهاد / الله هكون عاوزه ايه هنعمل ايه فى الفلوس
الست / يعنى هعمل ايه هروح اشوف صرفه فى الفلوس هعمل ايه يعنى منه لله الى كان السبب
نهاد / انا هاجى معاكى انا ما ينفعش اسيبك فى الظروف دى
الست / تعالى هقولك ايه يعنى تعالى
نهاد تانج الست و الست بتبصلها من تحت الدرس و يمشوا سوا
………………….
عند ندى
حسام يفتح الملف الاحمر و يبص فى الورق و يطلع ورقه من جيبه و يحطها و ينفخ و يقفل الملف و يحطه فى وسط ملفات شغله
حسام / هعمل معاكى ايه بس يا ندى تعبتينى و تعبتى نفسك
اخلاص تدخل على حسام
اخلاص / لا مؤاخذه
حسام / خير
اخلاص / الست ندى قافله على نفسها الباب بالمفتاح و جربت اتصل عليها لقيت تليفونها مشغول
ملامح وش حسام تتغير و يشاورلها تمشى
اخلاص تمشى
حسام / انتى اللى بداتى ماشى
……………………………..
فى البلكونه
على / يعنى كلكوا فى صفها و مفيش حد شايف ان اسلوبها كان زفت مش كدا
انور / البت صغيره ما ينفعش تعمل عقلك بعقلها يا على و هى ليها حق هى متجوزه راجل له كلمته الست ما تحبش تحس ان جوزها راجل عليها بس بتحب تحس انه راجل قدام الناس و على كل الناس
عمر / انت كدا بتشتم و لا ايه يا حج ههههههههههههههههههه
انور / اه بشتمك
عمر / تعيش يا حج
انور / بقى يا جزمه لما كنت بوصلكوا تعمل نفسك مش طايقها و حياله بنت مرات ابويا و انت مدلوق زى الجردل بالمنظر ده بتسرح بيا ياله
عمر / هههههههههههههههههه ما عاش و لا كان يا حج بس بجد كانت فتره صعبه اوى
على / و اللى هتشوفه الفتره الجايه اصعب على فكره
عمر / انت غريب اوى بجد يوم معايا و يوم معاها انت مع مين يابنى
نور تدخل
نور / الشاى
على / تسلم ايدك
نور / على هو انا ممكن اتكلم معاك ثوانى لوحدنا
انور / يا خبر دا العصر اذن و انا ما صلتوش اما اقوم اتوضى اللحقه
عمر / انا هوصلك يا حج
عمر يدخل جوه هو و انور
على / خير
نور / أيه دى بنت مرات ابوك اللى انت حكتلى عنها صح
على يهز راسه
نور / و انت شايف انها مش مناسبه لاخوك مش كدا
على / مش النظريه بس
نور / ما تاخدهاش بذنب مامتها يا على هما الاتنين بيحبوا بعض و صدقنى هى بنت كويسه اوى انا اتكلمت معاها جوه
على / و انتى حكمتى عليها بالسرعه دى
نور / هو انا شمال يا على او وحشه او غلاويه او اى حاجه من دى
على / بالعكس انتى من اطيب الشخصيات اللى عرفتها
نور / عرفت منين و انت كل تعاملك معايا كام موقف يتعد على الصوابع
على / انا ليا نظره فى الناس
نور / نظره مسبقه بتبنى للانسان صوره فى خيالك على مزاجك انت مش كدا … ما تبصليش ما لهاش معنى تانى البنت بتحب اخوك و ان كان نفسها فى احسن حاجه فدا حقها كل البنات بتحلم بده و ان كانت اتنازلت فده عشان بتحب مش جزء من خطه و ان كانت طلبت من اخوك انه يستقل بحياته فده برده حقها ما تطلبوش منها تطلع مامتها من قراراتها و حياتها و تحشر نفسك انت يا على اصلا هما مش صغيرين هما كبار و يعرفوا يمشوا حياتهم كويس
على / انتى شايفه كدا
نور / اه سبهم يخوضوا تجربتهم بنفسهم و لو احتاجوا حاجه هيطلبوها منك و لو طلبوا النصيحه ملكش غير انك تديهالهم عملوا بيها او ما عملوش دى حاجه ما تخصكش ما تبقاش زنان
على / و انتى عرفتى منين انى زنان
نور / انا كمان ليا نظره فى الناس على فكره زى عزومه النهرده
على / مفقوس انا اوى كدا
نور / بصراحه انا كنت متاكده انى هاجى الاقيك بس المفاجاه كانت وجود اخوك و خطيبته
على / طب ممكن افهم بقى ايه اللى انا قولته زعلك اوى كدا و خلاكى تقطعى معايا فجاه
نور / مش انت خالص يا على
على /اصل مستحيل تكونى زعلتك من رساله مكتوب فيها كفايه عليكى كدا ان لابيك عليك حق و اسمايل بيطلع لسانه
نور / الموضوع ان بابا سالنى بتكلمى مين ما عرفتش ارد احرجت اه ماما عارفه انى بكلمك بس ما اعرفش ليه ما قدرتش اقول لبابا يمكن عشان مش واثقه ان اللى بعمله صح يمكن لان من جوايا مقتنعه انه غلط
على / الاتنين نفس المعنى
نور / يمكن
على / بصى لو ده هيطمنك فانا مش بتاع لف ودوران و لا بتاع بنات و لا كلامى معاكى ليه فيه اى غرض لا حلو و لا وحش
نور / انا لو كان عندى شك فده ما كنتش اتكلمت معاك من الاول بس انا لسه خارجه من مرحله صعبه و تقريبا لسه ما خرجتش و خايفه انى اقرب او اتعامل مع الناس بشخصيتى دى لان مش دى انا
على / و مين قالك انى مش زيك بالظبط بالعكس انا المرحله دى طولت معايا اوى
نور / الله يطمنك ههههههههههههههههه
على / بصى لو انتى شايفه ان الاحسن ان كل واحد يروح لحاله فانا اكيد مش هقدر اجبرك على العكس و اكيد مش هجبرك تعملى حاجه انتى مش مقتنعه بيها بس كل اللى عاوز اقوله ان الفتره اللى فاتت كانت فرقه معايا اوى و كنت محتاجلها اكتر ما انتى محتاجالها و نمرتى زى ما هى و بس هههههههههههههههههه
نور / باذن الله
………………………………
فى الشارع عند انور
تاكس يقف تحت البيت و تنزل نهاد تضرب بعينها لفوق تشوف على و نور واقفين فى البلكونه تدخل العماره و تطلع بالاسانسير و تتصل بالبوليس و تتكلم برعب
نهاد / الو بوليس النجده …. لو سمحت فى ناس بيحاولوا يتهجموا عليا فى شقتى و انا لوحدى
نهاد ترزع على باب الشقه بتاعتها باديها و رجليها
نهاد / ارجوكوا تعالوا بسرعه العنوان ….
…………………………
فى شقه انور
فى اوضه جوه أية قاعده هى و امانى و منال
منال / انا بكره الصبح اول حاجه هعملها هاخدك و ننزل نلف تانى على فساتين الافراح
امانى / انا اعرف واحده بتفصل انما ايه ايديها تتاقل بالحرير نقى الموديل اللى يعجبك من على النت و نروحلها هتقولك يتكلف كام و هى هتجيب القماش و كل حاجه و هتظرزهولك كمان و ارخص كتير من الجاهز
منال / نروح و نشوفها و ماله و نلف على الجاهز برده يمكن يعجبها حاجه
امانى / انتوا لو روحتوا عندها و اتفرجتوا على الفساتين اللى بتطلع من تحت ايديها مش هتخرجوا غير و انتوا منقيين فستان دا انا ما بتعاملش مع غيرها
صوت خبط جامد الكل يطلع يجرى من الاوضه يلاقوا انور و عمر بيقوموا و على و نور يطلعوا من البلكونه
منال / يا ساتر يارب مين اللى بيرزع كدا
عمر / انا هشوف مين
على / استنى انا جاى معاك
عمر يفتح الباب نهاد تشوفه تصرخ بعلو صوتها
نهاد / اللحقونى يا ناس اللحقونى عاوزين يسقطونى اللحقونى اللحقونى
عمر / ايه بنت المجنونه دى
نهاد تمسك فى هدوم عمر و تصرخ على اخرها و الكل بيحاول يفكها منه
نهاد / اللحقونى اللحقونى
الجيران تطلع من تحت و تنزل من فوق نهاد ترمى نفسها فى الارض و تعمل انها مغم عليها و الكل يتلم
……………………………
فى القسم
واحد / يا باشا انا سمعت صوت صريخ طلعت اجرى اشوف مين لقيت الناس دول ملمومين على الست دى و هى عماله تصرخ
عمر / حضرتك احنا سمعنا الصريخ زينا زيه و اول ما فتحت الباب مسكت فيا و فضلت تصرخ و انا والله ما لمستها
نهاد تشاور على على
نهاد / هو مش انت اتهجمت على جوزى قبل كدا و ضربته حصل و لا لا …. حضرتك انا جوزى كان متجوز و لما حملت قولنا لمراته يوميها اتهجمت عليا هى و الراجل ده و ضربوا جوزى عشان كان بيحاول يحوش عنى
على / والله العظيم !!!
الظابط / اسكت انت و ما تتكلمش الا لما اسمحلك اتفضلى حضرتك كملى
نهاد / حضرتك يوميها دخلوا شقه الجيران و اتحاموا فيهم و انا و جوزى سبنا الشقه و مشينا و اطلقوا و اخدت كل حقوقها كامله و العفش و المؤخر و كل حاجه و النهرده داخله شقتى يادوب قفلت الباب لقيت رزع على الباب و شتايم و اللفاظ و قله ادب ما اعرفش من خوفى فتحت شدونى على السلم و كانوا بيحاولوا يسقطونى لولا ولاد الحلال خلصونى من اديهم والله ما كنت عارفه هيجرالى ايه
نهاد تعيط عسكرى يخبط و يدخل كرت و يديه للظابط
الظابط / خليه يتفضل
راجل يدخل
الراجل / مجدى عمران المحامى حاضر عن عمر و على حقي
………………………………
فى شقه سمر
سمر / انا كنت عارفه ان الخروجه دى مش هيجى من وراها خير على اخر الزمن اجى اخدك من الاقسام
أية / ما حدش قالك تيجى
سمر / لا وحياه امك سى الفلحوس بتاعك اتصل بيا و قالى اجى اخدك امال انا عرفت مكانك منين
أية / ما كانش المفروض اروح و اسيبه اصلا
سمر / هتعمليله ايه يعنى هتباتى قدام القسم و لا اقولك خدى الغندوره اللى كانت معاكى هناك دى و اعملوا زى فيلم ابن حميدوا و خليها تشيلك تبصى عليه فى الزنزانه صبرنى يارب انا هدخل انام
أية / يا ماما انتى ازاى كدا الست دى اتبلت عليه و هو محبوس فى القسم اكيد زمانه محتاج حاجه ما يصحش كدا انتى مربياه و المفروض تكونى زى مامته لو انا مكانه هتبقى هاديه كدا
سمر / هاديه و انتى شيفانى هاديه صحيح و انتى هتحسى بيا ازاى هو انتى بتحسى بحد غير سى عمر
أية / يووووه انا تعبت انا داخله اوضتى
سمر / خشى نامى ياختى ما انتى ايدك فى المايه البارده خشى خشى
……………………………
فى شقه نور
نور رايحه جايه فى الشقه
نور / ما كانش المفروض انى اروح معاكى ما كانش المفروض اسيبهم اصلا كل ده بسببى انا هما ما لهمش ذنب
امانى / و انتى مالك بس يا بنتى
نور / انا مش قادره افهم الكلبه دى مروان جابها من انهى زريبه معقول معقول تطلع بالقذاره دى معقول دا شغل ناس متعلمه معقول انا هتجنن
محمد / ممكن بس يا نور تهدى شويه
نور / ازاى يا بابا عاوزنى اهدى ازاى يعنى دى اخره الجدعنه لما يسمعوا صوت واحده بتصرخ يجروا عليها دى اخرتهم تتبلى عليهم و يتحبسوا مع المجرمين لا لا مش هقعد انا هنا و هما هناك انا نازله
محمد / نازله رايحه فين بس يا بنتى دلوقت انتى عارفه الساعه كام
نور / مش مهم انا بجد مش هقدر اقعد يا بابا مش هقدر سامحنى
امانى / بصى اهدى بس و ارتاحى و الصبح نروح انا و انتى لام الموكوس طليقك و نحكيلها على اللى حصل و اكيد مش هترضى بالوضع ده
نور / ابدا انا هروحلها دلوقت
امانى / يا بنتى الصباح رباح
نور / مش هقدر استنى للصبح انا يا ماما
محمد / خلاص استنى ان هاجى معاكى
……………………………….
عند ندى تانى يوم الصبح
حسام يدخل اوضه ندى يلاقيها بتلم حاجتها
حسام / بتعملى ايه
ندى / انت مش حاجز تزاكر طيران الاسبوع الجاى
حسام / كنت حاجز اه
ندى / يعنى ايه كدبت عليا تانى سكتنى طول الفتره دى و خلاص
حسام / انتى بتكلمى مين فى التليفون يا ندى
ندى / هكون بكلم مين يعنى و بعدين انت مالك
حسام يشدها من ايدها و يصرخ فى وشها
حسام / لا مالى و نص لما كل ما ادخل الاقيكى ماسحه النمره و تقفلى على نفسك الباب و تليفونك مشغول يبقى مالى و نص
ندى / اه طبعا غطى على كدبك عليا بانك تتهمنى هو ده اخرك يعنى ملقتش طريقه جديده تضحك عليا بيها يعنى مش كدا
حسام / انا روحت شركه التليفونات و بكره هستلم تقرير بالمكالمات اللى عملتيها الفتره اللى فاتت فانا هديكى فرصه اخيره تفكرى مع نفسك ناويه على ايه اعرف منك و اسامحك و لا اعرف بطريقتى
ندى / اعلى ما فى خيلك اركبه انا ما بخافش منك هتعمل فيا ايه يعنى هتموتنى ياخى طظ فيك الموت عندى ارحم مليون مره من ثانيه واحده اقضيها معاك
حسام / اخلااااااااص
اخلاص تدخل تجرى و حسام عنيه ما بتتحركش عن عين ندى
اخلاص / ايوه ايوه خير
حسام / النهرده اخر يوم ليكى معانا كتر خيرك لحد كدا
اخلاص / و انا عملت حاجه غلط يا سى حسام
حسام / لا احنا خلاص نازلين مصر لمى حاجتك عشان بكره ترجعى بيتك و ما تقلقيش انا هسيبلك قرشين حلوين
اخلاص / كتر خيرك يا سى حسام
………………………………
فى شقه مامه مروان
امانى / مقبوض عليه يعنى ايه
الست / متهمينه بسرقه مواد مخدره و استغلال وظيفته و بيعها
نور / ازاى ده مروان بقاله سنين فى الشركه عمره ما يعمل كدا ابدا
الست / المحامى بيقول يا مؤبد يا اعدام
امانى تبص لنور
الست / و طلب مننا مبلغ كبير اوى عشان يحاول يطعن فى صحه التوقيع و انها مش امضته و بيقول انه لازم ياخد ضماناته فى الموضوع ده ساعتها هيخرجه منها او يخفف الحكم
نور / ربنا يفك كربه
الست / انتى كنتى اخر واحده مستنيه انها تيجى تقف جنبى فى موقف زى ده يا نور خصوصا بعد اللى حصل صحيح ولاد الاصول ما بيتعوضوش
نور / بصراحه يا طنط انا كنت جايه لحضرتك بخصوص حاجه تانيه
الست / خير يا بنتى
نور / انا هحكى لحضرتك كل حاجه و انا متاكده انك مش هتقبلى بوضع زى ده
…………………………
فى الحجز
عمر / ما عادش فاضل حاجه ما جربناهاش حتى البورش جربناه
على / لا لسه فى كتير انا ما ركبتش طياره ما سافرتش بره مصر لسه فى اماكن كتير اوى ما شوفتهاش
عمر / انت حد مسلطك عليا تشلنى النهرده يا اخى
على / هههههههههههههههههه ليه بس على الاقل انت مش لوحدك انا معاك اهو
عمر / اهلا و سهلا تشرفنا
على / الشرف ليا يا سيدى بص بكره نتعرض على النيابه و هنطلع ما تقلقش
عمر / لا قلقان بنت الكلب سبكت الدور على الاخر دا انا صدقت اقسم بالله
على / هههههههههههههههههه لا ما تقلقش
عمر / انت ازاى هادى اوى كدا
على / شوفت أية كانت هتتجنن عليك ازاى
عمر / اه شفتها و شوفت نور كمان
على / بقولك ايه شوفلك حته و افرد ضهرك فيها و ناملك ساعتين
عمر / انام فين هنا
واحد من المساجين / ما تسكتوا بقى وجعتوا دماغنا
على يطلع علبه سجاير من جيبه و يعزم على الراجل
على / سلامه دماغك يا زومل روق
الراجل ياخد واحده على يطلع كبريت و يديهوله
الراجل / توشكر
على / انت تؤمر بس
عمر يبص لاخوه و يفتح بقه
على / و احنا داخلين الواد ابراهيم ادهانى و قالى هتنفعك ههههههههههههههههههههههههههههه
عمر / صحيح مين كلم الواد ده
على / اكيد الحج والله انا ما قلقان غير عليه
عمر / ليه يا عم باذن الله خير
……………………….
فى الشقه عند انور
منال / انت لسه ما نمتش يا حج
انور / انام ازاى و عيالى الاتنين فى الحجز
منال / يا حج مش المحامى طمنك و قالك انهم هيتعرضوا على النيابه الصبح و هيخرجوا علاطول
انور / انا مش مرتاح
منال / صحتك يا حج اهدى انت بس و كلو هيبقى تمام باذن الله
انور / لا مش قادر انا حاسس انى مخنوق افتحى الشباك شويه
منال / شباك ايه يا حج احنا مشغلين التكييف
انور / بقولك مخنوق مخنوق
انور يقوم يحاول يروح ناحيه الشباك يقع فى الارض و منال تصرخ
………………………………
تانى يوم فى شقه ندى
ندى قاعده فى اوضتها تحس بحركه و اصوات ناس بره تطلع تبص تلاقى حسام معاه فخرى و اتنين تانين ندى تطلع من الاوضه و حسام يشوفها يروحلها
حسام / خشى اوضتك معايا ضيوف
ندى / مين دول
حسام / ايه لحقتى تنسيه دا فخرى اللى جيتى معايا عيد ميلاد بنته
ندى / اه افتكرته ماشى لو عوزت حاجه ناديلى
حسام / ما تشغليش بالك اخلص معاهم و اجيلك
ندى تبص لحسام تحس انه مخبيلها حاجه تهز راسها و تدخل حسام يروح يقعد مع الضيوف
حسام / هاه يا جماعه تحبوا تتفرجوا على الشقه الاول و لا تشربوا حاجه الاول
فخرى / انت بجد خلاص قررت تنزل نهائى
حسام / اه كفايا عليا هنا كدا مراتى خلاص هتولد و محتاجه اهلها و انا اكيد مش هقدر ابعد عنهم
واحد / ربنا يوفقك
حسام / الله يخليك دى اوضه المدام بحمامها مفروشه على احسن حاجه زى باقى البيت و فيها تلاجه صغيره كدا غير كدا تقدروا تلفوا فى البيت براحتكوا فرجهم يا فخرى على البيت و الجنينه على ما اجيب حاجه تتشرب
التانى / هو ليه فى حديد على الشبابيك
حسام / انا بحكم شغلى بتاخر ساعات بسافر مؤتمرات المدام بتخاف فطلبت احطهولها
فخرى / على فكره انا وقفت فى تركيب الحديد ده حاجه نضيفه و مصروف عليها
حسام / لو حضرتك عاوزنى اشيله قبل السفر و ارجع المكان زى ما استلمته انا تحت امرك و انا كدا كدا هسيب كل حاجه
الاول / على بركه الله
فخرى / اتفضلوا معايا نبدا من هنا
فخرى ياخد الرجاله و حسام يبص يلاقى باب اوضه ندى متوارب يروحلها
ندى / انتوا بتعملوا ايه
حسام / دا صاحب البيت و السمسار اللى ماجرها بيستلموا المكان قبل ما نسافر
ندى / بس احنا لسه قدامنا وقت على السفر
حسام / ما تشغليش بالك انتى انا هروح اجيب عصير من المطبخ ياريت تقفلى عليكى الباب عن اذنك
…………………………….
فى المستشفى
منال بتعيط نور تدخل عليها معاها ابوها و امها
نور / فى ايه يا طنط خير ماله عموا
منال / كان مضايق عشان على و عمر و فجاه قعد يزعق و يقول مخنوق مخنوق و فجاه وقع فى الارض
امانى / باذن الله هيبقى زى الفل اهدى انتى بس
احمد يدخل
منال / خير يا ابنى
احمد / انا دفعت الفلوس فى الحسابات و هيدخلوه العمليات اهو باذن الله يبقى كويس
امانى / ما تخافيش يا ست منال باذن الله خير
منال / سمحونى انى اتصلت بيكوا فى وقت زى ده بس والله مليا هنا غيركوا
نور / ما تقوليش كدا يا طنط دا احنا اهل
…………………………..
فى القسم
ام مروان واقفه مع نهاد فى جنب
الست / انا مش عارفه ارد عليكى فى واحده عاقله تعمل كدا
نهاد / و انا عملت ايه هما اللى اتهجموا عليا
الست / يعنى عاجبك انك تفضلى طول الليل فى القسم عاجبك البهدله دى انتى اصلا فكرانى مصدقه الحوار ده ما خلاص كل واحد راح لحاله هيسقطوكى ليه و بعدين الاتنين دول يعرفوكى منين و لا تفرقى معاهم فى ايه
نهاد / انتى معايا و لا معاهم
الست / بصى براحتك انا مش فايقه للاقسام انا فيا اللى مكفينى كفايا ابنى و اللى جراله من ورا راسك
نهاد / لا معلش مش من ورايا انا من ورا الست هانم و اخوها اصلا انا كنت مستغربه ازاى يوصى انه يترقى بعد ما طرد اخته و امه من شقته اتاريه كان بينصبله فخ الحمد لله انى قدمت استقالتى كان زمانى مشرفه معاه
الست / و هو انتى ياختى نايمه فى بيتكوا ما انتى قاعده هنا اهو فى القسم لوحدك طول الليل تعرفى انا بضيع وقتى معاكى
نهاد / صح معاكى حق ما انا عشان جوزى مسجون و مليش حد كلكوا تيجوا عليا و على ابنى
الست / تصدقى و تؤمنى بايه
نهاد/ لا اله الا الله
الست / انا دلوقت اتاكدت مليون فى الميه انك اتبليتى على العيال دول
نهاد / ربنا يسامحك
الست / انا رايحه للمحامى و خليكى انتى هنا لحد ما تتعرضى على النيابه و براحتك …. اه انا فكرت فى كلامك معايا امبارح معاكى حق انا هبيع شقه مروان عشان ادى للمحامى فلوسه ياريت تشوفيلك حته تنقلى فيها عفشك دا طبعا لما تفوقى من اللى انتى فيه سلام
نهاد / مروان مش هيرضى
الست / و ايه دخل مروان فى الموضوع هو مروان ما قالكيش ياختى انه عاملى توكيل عام
نهاد تبص للست بضيق
الست / عن اذنك
الست تمشى و نهاد واقفه تنفخ
……………………………
فى المستشفى
احمد و محمد واقفين و امانى ونور قاعدين جنب منال بيقروا قران دكتور يخرج من اوضه العمليات الكل يجرى عليه
محمد / خير يا دكتور
الدكتور / البقاء لله
منال تقع فى الارض و الكل بيصرخ و مخضوض
………………………….
فى القسم
نهاد / انا قدمت السبت و اتنازلت مع انى كان ممكن ابهدلكوا اكتر من كدا بس قولت يمكن تحسوا على دمكوا و تبطلوا افترا
عمر / هو كان حد جه جنبك اصلا
على يحوش عمر
نهاد / بلغوا ست نورا ان المره الجايه مش هتنازل و القضيه اللى لفقتها هى و اخوها لمروان هيخرج منها هيخرج منها و هتشوفوا
نهاد تمشى
عمر / ايه بنت المجنونه دى
على يبص فى تليفونه يلاقيه فاصل
على / هات موبايلك اعمل مكالمه بتاعى فصل
عمر / كان على عينه فاصل يلا تعال معايا ناكل لقمه يكون شحن
على / يلا
…………………………
فى الشقه عند ندى
ندى تفتح باب الاوضه ما تلاقيش حد تسمع صوت بره تطلع تلاقى حسام بيحط شنط على كنبه العربيه و فى شنطه العربيه
ندى / انت بتعمل ايه
حسام / انتى شايفه ايه
حسام يسيب ندى و يدخل جوه يفتح الخزنه و يفضيها فى شنطه صغيره و يحط شويه ورق معاه ندى تدخل
ندى / انت مسافر ؟؟
حسام / اه راجع مصر عندك مانع
ندى / بس انت قولتلى اننا هنسافر …
حسام /استنى كدا ثانيه
حسام يطلع كشف فيه ارقام تليفونات و فى رقم عليه دايره يتصل بيه
على / الو … الو … الو
حسام يقفل السكه و ندى تبلع ريقها
حسام / على صح ؟؟
ندى / ما كناش بنتكلم زى ما انت عملت كدا كنت بسمع صوته بس
حسام يضربها بالقلم بغل تقع فى الارض ترفع عينها و تبصله
حسام / انا عملت كل حاجه جربت معاكى كل الطرق بس واضح ان مفيش فايده اللبسى هننزل مصر دلوقت
ندى / بس انا ما لمتش حاجتى
حسام / الفستان اللى كان عليكى و انا باخدك من بيت ابوكى كان بتاعى و زى ما اخدتك من بيت ابوكى هرجعك بيت ابوكى بس انا هبقى اكرم منه هرجعك بالعبايه انجرى روحى اللبسى
ندى تهز راسها و تجرى تلبس
……………………………
فى المستشفى
على يدخل و على وشه اللهفه ووراه عمر يشوف منال بتعيط فى الارض يروحلها
منال / حبيبى يابنى هما خرجوك ليك نصيب تحضر الدفنه
على / ايه اللى حصل ما كان كويس ايه اللى حصل
نور / قضاء ربنا بقى يا على و انت مؤمن
على / هو فين
منال / بيغسلوه جوه
على / انا عاوز ادخله
نور / ما تقلقش بابا معاه
على يقعد على كرسى و يحاول يمسك دموعه عمر يروح يطبطب عليه على يحط راسه فى حضنه و يعيط و نور تعيط هى كمان
………………………..
عند ندى
فى شارع فى وسط صحرا من على الجنبين حسام يوقف العربيه و ينزل منها يروح ناحيه باب ندى و يفتحه ندى تبصله باستغراب حسام يشدها بره العربيه تقع و يرزع الباب
ندى / انت بتعمل ايه
حسام يطلع الباسبور بتاع ندى و يقطعه قدامها تحاول تمنعه يزقها
حسام / انتى مش بتقولى ان الموت عندك اهون من انك تعيشى معايا خلاص موتى
ندى / انت هتقتلنى
حسام / انا مش قاتل اصلا خساره انى اوسخ ايدى بدم واحده خاينه زيك
ندى / انا اشرف منك
حسام يشدها من هدومها و يزقها على اخر دراعه تتوجع و تحط ايدها على بطنها
حسام / الزباله اللى تتصل بواحد غريب و هى على زمه واحد تانى تبقى بنت كلب خاينه ما اتربتش اللى تكتب فى خواطرها عن واحد غير جوزها وحشتنى اوى بفكر فيك كل ثانيه تبقى زباله ما اتربتش
ندى بتعيط و تحط ايدها على بطنها و باين عليها الوجع حسام يطلع الورقه من جيبه
حسام / انتى فاكره انك لما هتقطعى الورق انا مش هعرف انتى كنتى بتكتبى ايه
ندى / انا تعبانه اوى
حسام / احسن ما انا بقالى ياما تعبان بسببك كنت بصيت لغيرك كانت الستات بتترمى تحت رجلى و انا رافضهم عشانك و انتى ايه هاه
ندى / ااااااااااااااه
حسام / انا زهقت منك مش هعيش مزلول ليكى و لمزاجك تانى انا هسيبك لنصيبك موتى يا ندى موتى زى الكلبه فى الطريق
ندى تحاول تقوم تقف حسام يزقها برجله تقع و هى بتصرخ و تعيط
ندى / ااااااااااااااااااااه
حسام يروح يركب عربيته و يسوق على اقصى سرعه و ندى نايمه فى الارض بتعيط و تنهج و حاطه ايدها على بطنها
ندى / حساااااااااااااااااااااااااااااااااام
ندى تنام على ضهرها و تعيط و بتبص على العربيه و هى بتختفى من قدامها
……………………………..
فى شقه مامه مروان
الجرس يرن الست تقوم تفتح تلاقى نهاد شايله شنطه هدومها وواقفه على الباب
نهاد / معاكى حق فى حاجات اهم من حاجات و انا والله ما عملتش ده عشان انا وحشه العين بالعين و السن بالسن و البادى اظلم و هما اللى لفقوا القضيه دى لمروان
الست / ادخلى
نهاد تشيل الشنطه و الست تساعدها و تدخل
الست / و ايه علاقه اتنين زى دول بشغل مروان
نهاد / مش الاتنين دول نور و اخوها اكبر دليل على كلامى العلاقه اللى بين نور و اللى اسمه على ده انا شوفتها واقفه بتضحك معاه فى البلكونه و انا طالعه و هو انا يعنى عرفت منين انهم فوق
الست / جوزك محبوس ظلم بدل ما تصلى و تدعى ربنا يفك كربه رايحه تحبسى ناس تانين ظلم لمجرد انهم بيضحكوا
نهاد / يا طنط انتى ليه مش قادره تصدقينى عدتها لسه ما خلصتش و هى رايحه تعمل علاقه مع واحد تانى
الست / اسكتى تعرفى تسكتى نور دى انا اشهد ليها و لاخلاقها بالعشره مش عشره يوم و افتكرى كلامى كويس و لولا دخولك لحياه مروان ابنى كان زمانها مراته اللى صيناه
نهاد / قصدك ايه ان انا اللى خربت عليهم بعد كل اللى عملته بعد كل اللى ضحيت بيه عشان مروان يعنى اروح فين بس يا ربى دانا سبت كل اللى ورايا و اللى قدامى عشانه سبت شغلى و بيتى و بعت دهبى و دلوقت برمى عفشى فاضل اعمل ايه
الست تتنهد و تحط ايدها على كتف نهاد و تطبطب عليها و نهاد تعيط
………………………………
فى المطار
حسام يركب الطياره و يقعد و يربط حزام الامان و يبص من الشباك دمعه تنزل من عينه يمسحها و يقفل الشباك
………………………….
فى الشارع عند انور
صوان كبير بيتنصب و على واقف على بتوع الفراشه و عمر بيساعد تليفون عمر يرن
عمر / ايوه يا أية خير
أية / ماما عاوزه تيجى العزا
عمر / ماشى اجهزوا و انا هخلص كام حاجه فى ايدى و اجى اخدكوا
سمر تشد التليفون
سمر / ايوه يا عمر يابنى بقولك ادينى العنوان انا هاخد تاكس و اجيب أية و اجى الراجل ده برضه له افضال علينا
عمر / حاضر
……………………………….
عند ندى
ندى نايمه فى الارض و ايدها على بطنها وبتولد و بتتالم اوى و بتعيط على اخرها
ندى / لا … لا مش هنموت هنا استنى …. ااااااااااااااااه يارب …….. استنى يا حبيبه هيرجعلك ما تخافيش ما تخافيش …….. لا يارب مش عاوزه اموت هنا يارب مش عاوزه اترمى كدا يارب ……….. اااااااااااااااااااااه استنى ………… يارب لا
ندى عنيها بتقفل
ندى / اااه … حبيبه لا يا حبيبه … يارب مليش غيرك يارب ساعدنى …… حبيبه ……حبي
ندى عنيها بتقفل خالص
………………………………………
فى شقه مامه مروان
الست بتتكلم فى التليفون
الست/ فى اسرع وقت يا حج انا محتاجه الفلوس دى امبارح….. كتر خيرك …. سلام
الست تقفل التليفون
نهاد / هاه عملتى ايه
الست تتصل بنمره تانيه
الست / ايوه يا حاج سيد مفيش اخبار و لا ايه …. طب لو فى بلغنى فى اسرع وقت …….. اه محتاجه الفلوس دى النهرده قبل بكره …….. على البركه اى جديد طمنى ……… سلام
الست تقفل
نهاد / ايه طمنينى
الست / مفيش جديد عمه قال هيحاول يدبرله قرشين مقدم الارض و السمسار بيقول لسه مفيش جديد
نهاد / طب ما نحاول ناخد قرض بضمان الشقه او الارض
الست / القرض هياخد وقت و احنا فى عرض ثانيه … تعرفي انا هنزل اروح الصاغه
نهاد / هتبيعى دهبك
الست / عندك حل تانى
نهاد / ياريت دا انا حتى دهبى بعته عشان اديله مؤخر نور
الست / يا عينى قال يعنى البت كان ليها مؤخر اوى اوعى مفيش وقت للرغى
الست تقوم و تدخل جوه
……………………..
فى العزا فى الشارع
تاكس يقف و أية و سمر ينزلوا و لابسين اسود عمر يروحلهم
سمر / البقاء لله يا ابنى اخوك عامل ايه
عمر / الله يعينه الراجل ده كان فى مقام ابوه و ابويا انا كمان
سمر / الله يرحمه أية حكتلى وقف معاها ازاى امبارح
عمر / كان راجل طيب ما بتطلعش منه العيبه
سمر / هى الست بتاعته فين اعزيها و اقوم بالواجب
عمر / فوق الستات فوق فى الشقه
أية / تعالى يا ماما انا عارفه الشقه العماره دى
عمر / اه من هنا
أية و سمر يدخلوا العماره و يركبوا الاسانسير
عمر يروح يقعد جنب على
على / تصدقنى لو قولتلك انى ما حستش بالوجع ده و انا باخد عزا ابويا
عمر / الله يرحمه اللى عمله عشانا ما كانش شويه و ما تنساش ان الوقت اللى بابا اتوفى فيه انت كنت زعلان عشان حوار ندى
على / انا هرجع كل حاجه لصحبتها الحجه منال اولى بكل قرش منى
عمر / اللى يريحك اعمله
على / الحاج اخر وصيته ان أية يتعملها احسن فرح و تلبس احلى فستان
عمر / فرح ايه يا على الراجل لسه ميت
على يبصله
عمر / هيحصل هيتعملها احلى فرح و تلبس احلى فستان بس مش دلوقت الحجه اتفقت مع أية تنزل معاها تنقى الفستان ما ينفعش نطلب منها قبل على الاقل الاربعين
على / اللى تشوفه صح اعمله
عمر / استنينا كتير شهرين مش هيفرقوا
على يهز راسه
…………………………….
فى شقه انور
أية تدخل و تحضن منال و تسلم على نور جنبها
أية / ماما
سمر تحضر منال
سمر / البقاء لله يا حبيبتى شدي حيلك انا والله ما صدقتش لما جالنا الخبر
منال / و نعم بالله
سمر / والله انتى ما تعرفى غلاوه سي انور عندنا ايه دا عمر ما بيتكلمش عنه غير بكل خير و بندعيله والله
منال / الله يخليكى
سمر / البركه فيكى بقى تكملى الخير اللى كان بيعمله والله ما بينفع الواحد غير الخير اللى كان بيعمله و الحاج ما كانش فى زيه
منال / معاكى حق والله الله يرحمه
منال تعيط اوى
امانى / مش كدا يا ست منال
سمر / خليها تعيط دا انا يوم ما سى محمود جوزى مات كنت هموت وراه عيطى ياختى و ارتاحى عيطى
سمر تاخد منال فى حضنها و تعيط
……………………….
فى شقه محمد
حسام يضرب الجرس ما حدش يفتح يضرب تانى ما حدش يفتح ينفخ و يطلع المفاتيح و يقلب فيها لحد ما يلاقى مفتاح يفتح باب الشقه و يدخل الشنط اللى معاه و يدخل يبص يمين و شمال فى الشقه
حسام / بابا …. ماما ….. نور …. بابا …. الله هما راحوا فين دول
حسام يمسك الموبايل و يتصل بحد ما يردش يتصل بحد تانى غير متاح يتصل بحد تانى غير متاح يتصل باروى
اروى / الو حسام ازيك
حسام / ازيك يا اروى هو ماما او بابا او نور عندك
اروى / ايه ده ده رقمك المصرى انت جيت مصر امتى …….. واو انا مش مصدقه انت جيت مصر
حسام / اه لسه واصل و مش لاقى حد فى البيت
اروى / تصدق انا مخصماك ابقى لسه مكلماك و ما تقوليش انك نازل اه يا مجرم كنتوا بتعملوا مفاجاه واو دى احلى مفاجاه فى الدنيا تعرف انا هلبس و اجيلك حالا بجد مش مصدقه نفسى واو
حسام / ههههههههههه اروى اروى يعنى مفيش حد من اهلى عندك
اروى / لا خالص ما جوش النهرده حتى ماما مش موجوده عند الجيران هناديها و نجيلك حالا
حسام / تمام سلام بقى
اروى / سلام
حسام يقفل التليفون و يتصل بحد تانى
……………………..
على القهوه تحت بيت مصطفى
واحد / ايه يا استاذ مصطفى انت مش هتروح العزا و لا ايه
مصطفى / لا اله الا الله عزا مين كفالله الشر مين مات
الراجل / الحاج انور صاحبك مش شايف المحل مقفول دا كل الشارع راح العزا حتى المعلم راح دا مفيش غيرى هنا
مصطفى / لا اله الا الله لا اله الا الله و العزا دا فين
الراجل / مش عارف والله بس لو تحب اتصلك بالمعلم و اساله
مصطفى / ياريت والله يا ابنى يبقى عملت فيا جميل كفايا فاتتنى الدفنه
تليفون مصطفى يرن يرد
مصطفى / حسام انت بتتكلم من الرقم المصرى ؟؟؟
حسام / اه يا عمى انا لسه واصل مصر انا فى شقه بابا
مصطفى / يعنى ندى جت معاك ندى عندك اقفل اقفل انا جايلك سلام
مصطفى يقفل السكه و يجرى اللى شغال فى القهوه يناديله
الراجل / يا استاذ مصطفى جبتلك العنوان …. يلا تلاقيه جابه من حد تانى
……………………………
فى شقه منال
امانى / البقاء لله يا حجه و شدى حيلك انا والله لو عليا كنت فضلت هنا لحد ما اطمن عليكى بس ابنى عمل مفاجاه و نزل مصر فجاه
منال / روحيله يا ست امانى ربنا يطمنك عليه و يلم شملكوا
نور / هاجى ازورك الصبح
منال / تنورى فى اى وقت يا حبيبتى
نور / مع السلامه
امانى و نور يمشوا
سمر / و لا يهمك يا ست منال انا و نور بنتى جنبك و مش هنسيبك الا لما نطمن عليكى
منال / كتر خيرك يا ست سمر ما نجلكيش فى حاجه وحشه
سمر / ما تقوليش كدا دا احنا اهل
………………………..
فى شقه حسام
الباب يخبط يروح يبص من العين و بعدين يفتح يلاقى اروى و امها
تهانى / ايه المفاجاه الحلوه دى
حسام / اهلا يا عمتى اتفضلى … ازيك يا اروى
اروى / الحمد لله بخير طول ما انت بخير
تهانى / الله امال فين ندى … ندى .. ندى
حسام / ارتاحى يا عمتى
تهانى / انا ارتحت لما اطمنت عليك ما اقولكش اول ما اروى قالتلى انك جيت فى ثانيه كنا فى التاكس شوفت الشقه يا حبيبى بقت على سنجه عشره مش ناقصها غير انك تنورها يا قلب عمتك
الباب يخبط
حسام / ثوانى هفتح
حسام يفتح الباب يلاقى عمه و مراته يحضنوه و يدخلوا
حسام / ثوانى و جاى اتفضلوا
مها / هى ندى فين ندى … ندى
حسام يدخل جوه اوضه مها تبص تلاقى تهانى قاعده تحرك شفايفها
مها / انتى هنا اهلا
مصطفى / ازيك يا تهانى
تهانى / ازيك يا خويا يا حبيبى
مها / هى ندى فين الله مش باينه ليه
حسام يطلع من الاوضه معاه ورق مطبق جوه بعضه
مصطفى / هى ندى فين يابنى هى مش عاوزه تسلم علينا و لا ايه
تهانى / تلاقيها متكبره علينا
مها / يا شيخه اتقى الله تلاقيها تعبانه من السفر و حامل و نايمه الله هو الواحد مش يحس شويه و لا ايه انا هقوم ادخلها
مها تقوم تدخل جوه حسام يمنعها
حسام / ندى مش جوه
مها / يا مصيبتى امال فين
اروى / يمكن فى شقتها فوق يا عمتى
حسام / ممكن تقعدوا و انا هفهموا كل حاجه
مها / اقعد فين بنتى فين يا حسام انطق
الباب يخبط حسام يروح يفتح ابوه و امه و نور يحضنوا بعض و مها واقفه هتطق
مصطفى / يابنى ما تنطق بقى وقعت قلبى البت فين
حسام / ما اعرفش هى فين ما اعرفش
محمد / ما تعرفش ايه يابنى هو فى ايه
محمد يدخل و الكل يقف
حسام / من فتره قصيره دخلت الاوضه على ندى لقيتها بتتكلم فى التليفون لما شافتنى قفلت السكه و لما سالتها بتكلمى مين توهت و انا ما حطتش فى دماغى لما الموضوع اتكرر حاولت افتح السجل اشوف النمره لقيته محزوف
مها / انت هتحكى فيلم ندى فين انطق
حسام / المهم الموضوع طول و بقى غريب روحت الشركه عشان اقطع الشك باليقين و جبت دليل المكالملات بتاعها و طلع ان فى نمره بتتكلم معاها كتير اوى و لما واجهتها عيطت و قالت مش هتعمل كدا تانى فسكت رجعت من يومين البيت ما لقيتهاش و لا لقيت دهبها و لا الفلوس اللى فى الخزنه و لا حتى مصروف البيت
مصطفى / حرامى
حسام / ندى ادت الخدامه اجازه بحجه انها عاوزه تقضى يوم معايا و تصالحنى لما رجعت لقيت البيت فاضى اتصلت بيها تليفونها غير متاح اتصلت بالخدامه قالتلى ان ندى مدياها اجازه قولت اتاخرت عند الكوافير مثلا بتعمل مفاجاه اقعد استنى و استنى و استنى
مها / بتستنى ايه دى فى بلد غريبه هى تعرف حد و لا تعرف اماكن
حسام / على اساس انى حابسها مثلا ما كل حاجه خطوتين من البيت الكوافير و المولات و كل اللى نفسها فيه
نور / امال ليه كانت بتشتكى فى الاول انها زهقانه
حسام / فى الاول ما كانتش تعرف الاماكن لما حفظتها بقت بتخرج لوحدها عادى و فى الاواخر كان كتير بتشترى هدايا ليكوا و هدوم للبيبى و انا كنت بقول اسيبها تتسلى
نور / المهم و بعدين روحت عملت محضر
حسام / دخلت اغير هدومى عشان انزل ادور عليها اصلى كنت بالبجامه غيرت اول ما عرفت انها عامله مفاجاه فتحت الدولاب ما لقيتش هدومها فتحت الخزنه لقيتها متنفضه حتى الدهب مش موجود كان فى نوته على المكتب فتحتها لقيتها فاضيه انا فاكر انها كانت بتكتب فيها خواطر كويس كان فى صفح كتير مقطوعه جبت القلم و شخبطت فى اول ورقه و طلعت دى
حسام يطلع الورقه و يقرا
حسام / بفكر اخدك و نهرب حسام سايب فلوس فى خزنه فى الدولاب و عامل الباسورد عيد ميلادى ايه رايك ناخدها و نهرب فى اى حته و بالمره اخد مصروف البيت من درج المطبخ هو بيسيبه للوليه العقربه اخلاص احنا اولى بيه انا ما اعرفش الفلوس دى ممكن تكفينا لحد امتى او حتى هنعمل بيها ايه و يمكن يتقبض علينا و يرحلونا و فى اسوء الظروف السجن عادى و هو انا يعنى هنا مش فى سجن المهم نكون سوا بعيد عن هنا
مها / انت كداب بنتى ما تعملش كدا
حسام / عملت
تهانى / اللى تحسبه موسى يطلع فرعون
مها / اخرسى انا بنتى اشرف مان لشرف
حسام / انا تعبان من السفر و داخل انام
مصطفى / داخل تنام فين و ندى
حسام / ما تخصنيش اللى تسرق جوزها و تهرب مع واحد تانى ما تلزمنيش
نور / و بنتك دى خلاص على وش ولاده
حسام / حتى ده ما عدتش واثق منه
مصطفى يضربه بالقلم على وشه
حسام / انت بتقول ايه يا حيوان انت
حسام / بقول اللى انا حاسه النار اللى جوايا تضمن منين ان اللى فى بطنها منى مش يمكن
مصطفى يشد حسام عليه بكل قوه و الكل بيحاول يحوش
مصطفى / قولتلك اخرس انت فاهم اخرس اخرس
مصطفى يحط ايده على قلبه و يقع فى الارض و تهانى و مها يصرخوا
……………………………..
فى شقه انور
على / انا خلصت كل حاجه
منال / كتر خيرك يا ابنى روح ارتاح انت متبهدل من امبارح
على يبص فى الارض و هو حزين
منال / روح يابنى لو عوزت حاجه هكلمك
سمر / معلش يا ست منال انا عارفه اننا اول مره نتقابل بس احنا اهل يعنى
منال / طبعا يا ست سمر
سمر / انا هبات معاكى لو ده مش هيضايقك ما اعرفش مش قادره اسيبك لوحدك فى يوم زى ده يمكن لو كان ليكى حد موجود كنت روحت و انا مطمنه معلش بصى لو مستتقلانى خلى أية
منال / انا مش عاوزه اتعبك
سمر / تعبك راحه كفايه اللى عملتوه مع عمر و على و أية بنتى
منال / على العموم تنورينى البيت واسع
على / بقول لو حد هيبات يبقى أية احسن
منال / لا يا على الحجه سمر احسن اخوك تعبان ما ارتاحش من امبارح خلى مراته جنبه
عمر / اللى تشوفيه يا ست الكل انا هخلى الموبايل مفتوح جنبى لو عوزتى اى حاجه
سمر / لو عازت اى حاجه انا موجوده ما تخافوش
منال / ما تخافوش يا ولاد ست سمر معايا
على / ربنا يعمل اللى فيه الخير عن اذنك
منال / مع السلامه
عمر / مع السلامه يلا يا أية
أية تحضن منال و تمشى
………………………………
فى مستشفى
ندى نايمه على سرير متوصله بمحلول تفتح عينها بالراحه تلاقى ممرضه قاعده جنبها اول ما تفتح تجرى عليها
الممرضه / حمد الله على السلامه حاسه بايه
ندى / وجع رهيب انا فين بنتى … انا حامل
الممرضه / حبيبه ؟؟؟ جمبك اهى ما شاء الله عليها زى القمر
ندى تبص الناحيه التانيه تلاقى نونه ملفوفه بالمبمى و نايمه فى سرير نونو جنبها دموع تنزل من عينها
الممرضه / انتى انكتبلك عمر جديد انتى او هى
ندى / انتى قولتى حبيبه صح ؟؟
الممرضه / كنتى بتهلوسى حبيبه حبيبه طول الوقت فخمنا
ندى / هو انا جيت هنا ازاى
الممرضه / حظك حلو كان فى امير معدى بعربيته هو و اصحابه بالصدفه لقوكى فى الارض اتصلوا بالاسعاف جابوكى هنا على فكره سموه اتكفل بكل مصاريف علاجك انتى و الطفله انتى مصريه صح باين من لهجتك منين فى مصر
ندى / انا بتقطع هو مفيش دوا
الممرضه / ليكى بس لسه ما جاش وقته على العموم استنى ثوانى هسال و اشوف
ندى / ارجوكى بسرعه
ندى تبص على حبيبه
///////////////////////
ندى / على قد فرحتى انك بخير على قد ما انا مش فاهمه ليه؟؟ مش لوحدك بس ليه احنا الاتنين عايشين ليه ما موتناش و ارتاحنا ايه مصيرنا احنا ملناش حد ليه جيتى دنيا وحشه اوى كدا ليه حطيتى عليا حمل فوق طاقتى ازاى احميكى و انا مش قادره احمى نفسى ازاى اضمن ان نهايتك تبقى احسن من نهايتى انك ما تشوفيش اللى شوفته يا ترى بكره مخبيلنا ايه بس ما تخافيش طول ما انا عايشه مش هسيبك هبقى جنبك هحميكى لو على رقبتى ما تخافيش عمرى ما هبيعك و لا هفرط فيكى نامى و اطمنى انا و انتى ملناش الا بعض هنسند بعض و مش هنحتاج لحد ما تخافيش
///////////////////////
ندى تمسح دموعها و تدخل الممرضه و معاها دكتوره الممرضه تحط حقنه فى المحلول
الدكتوره / اخبارك ايه حاسه بايه
الدكتوره تكشف على بطن ندى و تضغط بالراحه
ندى / ااااه بتوجع اوى
الدكتوره / طبيعى انتى والده قيصرى و بطنك مفتوحه انا خليتها تديكى مسكن و باذن الله هتبقى كويسه
ندى / هو انتى مصريه صح
الدكتوره / اه
ندى / هو لو بسبورك ضاع او اتقطع تعملى ايه
الدكتوره / بنروح السفاره
ندى / طب هو انا ممكن اخرج امتى
الدكتوره / لما تقومى بالسلامه الاول مش قبل اسبوع
ندى / اسبوع
الدكتوره تبص للممرضه
الدكتوره / انتى نزفتى كتير اوى و حالتك كانت صعبه و الرحم ما استحملش و ….
ندى / ايه ؟؟؟؟
الدكتوره / احنا كنا مضطرين نشيله
ندى تبص على حبيبه و تعيط
الدكتوره / الحمد لله ربنا رزقك ببنت زى القمر على فكره انها تعيش و ان انتى نفسك تعيشى دى فى حد ذاتها معجزه عشان كدا مش عوزاكى تزعلى و احمدى ربنا انتى فى نعمه كبيره اوى
ندى / الحمد لله
الدكتوره / بصى انا عارفه ان المسكن هيخليكى عاوزه تنامى بس على ما يشتغل ممكن بياناتك عشان على الاقل نعرف نسجلك او نندهلك و لا هو ام حبيبه عاجبك
ندى تبصلها بحزن الدكتوره تطبطب على ايدها و تخرج من الاوضه
الممرضه / اسمك ايه يا قمر
ندى / اسمى … ندى
…………………………..
فى شقه عمر
أية / كان يوم صعب اوى و طويل
عمر / معاكى حق انا هدخل اكب شويه ميه على جسمى و انام على الله بس الواحد يعرف ينام
أية / اعملك لقمه تاكلها انت ما اكلتش حاجه من امبارح
عمر / مليش نفس
أية / عشان خاطرى الاكل معمول هسخنهولك بس عشان خاطرى
عمر / ماشى يا أية
…………………………….
فى المستشفى
الكل واقف و مها بتعيط و نور بتطبطب عليها
مها / منك لله اشوف فيك يوم اشوف فيك يوم
امانى / الله و هو ماله هو كان حد قال لبنتك تصاحب مش كفايه انه ستر عليها دا انا لو منه كنت اول ما شوفت حوار التليفون كنت جبتها من شعرها تحت رجليا
مها / بس بقى انتى هتزيطى انا بنتى اشرف منكوا كلكوا انتى فاهمه
مها / كلمه كمان عن بنتى و هجيبك من شعرك
تهانى / هى فين بنتك دى يا حبيبتى اتاريكوا كروتوا الجوازه ربنا وحده اللى يعلم كنتوا بتداروا ايه
محمد / خلاص بقى يا تهانى عيب الكلام ده دى بنت اخوكى برده
ممرضه تدخل
الممرضه / لو سمحتوا يا جماعه دى مستشفى لو عاوزين تتخانقوا اتفضلوا اطلعوا بره
محمد / احنا اسفين يا بنتى
حسام / انا ماشى
اروى / على فين
حسام / بجد مش قادر استحمل هروح
اروى / ممكن توصلنى فى طريقك
حسام / اكيد تعالى
حسام ياخد اروى و يمشوا تليفون نور يرن تروح فى جنب و مها و امانى و تهانى بيبصوا لبعض بغل
نور / الو ايوه يا على ازيك
على / ما شوفتكيش و انتى ماشيه قولت اطمن عليكى
نور / مش عارفه اقولك ايه بس
على / مالك فى ايه فى حاجه حصلت و لا ايه
…………………….
- يتبع الفصل التالي اضغط على ( رواية سلف و دين ) اسم الرواية