Ads by Google X

رواية سلف و دين الفصل السادس عشر 16 - بقلم لولو محمد

الصفحة الرئيسية

  رواية سلف و دين كاملة بقلم لولو محمد عبر مدونة دليل الروايات 


 رواية سلف و دين الفصل السادس عشر 16

تانى يوم فى بيت عمر
جرس الباب يضرب أية تروح تفتح
أية / ازيك يا على اتفضل
على يدخل
أية / عمر فى الحمام ثوانى و الاكل يكون على السفره اتفضل اتفضل
على يبصلها باستغراب و يدخل يقعد من غير و لا كلمه سمر تطلع من جوه شايله سيرفيس عليه بطه كبيره
سمر / ازيك يا على فى معادك بالثانيه حماتك بتحبك خشى يا أية هاتى باقى الاكل
أية تدخل المطبخ و سمر تروح تقعد جنب على يبصلها
سمر / اما انا بقى عملتلك حته اكله هتحلف بيها باقى حياتك
على / طب هو انا ممكن اعرف ايه المناسبه
سمر / يوووه هو لازم يبقى فى مناسبه عشان نتلم عيله والله الواحد من ساعه ابوك ما مات
على / الله يرحمه
سمر / الله يرحمه من ساعتها و الواحد حاسس ان الدنيا قطعت بيه
عمر يطلع و أية تدخل شايله سيرفيس محاشى مشكله
سمر/ طب اقوم بقى اجيب الرقاق من جوه تعالى يا أية ساعدينى
سمر و أية يدخلوا جوه و عمر يروح يقعد جنب اخوه
على / هو فى ايه يابنى انا بدات اقلق
عمر / اقسم بالله انا اكتر منك دى صممت انها تعمل العزومه النهرده مع ان أية عندها درس كمان ساعه
على / يا خبر بفلوس
سمر و أية يطلعوا من المطبخ و كل واحده شايله سيرفيس شكل
سمر / يلا يا على هو انت غريب تعال مد ايدك و قطع البطه دا بيتك برده
عمر و على يبصوا لبعض و على يقطع البطه و يفرق و أية توزع الاكل فى الاطباق
……………………………
فى شقه ندى
حسام / عملتى ايه
اخلاص / ما لقتش حاجه
حسام / و الزباله
اخلاص / قلبتها حته حته ما لقتش فيها قصقوصه ورق واحده
حسام / عاوزك اول ما تروح فى النوم تقطعى بالراحه اول ورقه فاضيه فى النوته
اخلاص / ورقه فاضيه ؟؟؟
حسام / تعرفى تنفذى اقولك انسى انا هشوف الموضوع ده بنفسى
اخلاص / اللى تشوفه
………………………………..
فى شقه عمر
أية / على قد ما انا مش قادره ابطل اكل بس لازم اخلع
أية تقوم
عمر / طب استنى اوصلك
على / خليك انا هوصلها
سمر / وربنا ما يحصل ابدا لانت و لا هو كملوا اكل هو يعنى التكسيات خلصت من البلد ايه يا عمر بتحرج اخوك تقومه من على الاكل دا انا حتى تعبانه فى الاكل ده والله ازعل منكوا اوى
على و عمر يبصوا لبعض و يبصوا لسمر أية تطلع من جوه
أية / خليك انا هكلمك تيجى تاخدنى على عشره و نص كدا اكون خلصت
على / كل ده
أية / اعمل ايه حكم القوى
أية تبص لعمر
عمر / معلش فتره مراجعه و امتحانات و كدا هانت
أية / سلام
سمر / سلام يا قلب امك سلام
أية تمشى
على / بيتهيالى أية مشيت و مفيش داعى نكمل فى التمثيليه دى بقى و لا ايه
سمر / تمثيليه ايه
على / هاتى من الاخر عاوزه ايه
سمر / عاوزه افتح صفحه جديده و ننسى اللى فات
على/ اللى فات ما بيتنسيش
سمر / دا كان زمان يا على دلوقت هنبقى نسايب و عمر و أية
على / ما تربطيش ده بده اللى بينى و بينك حاجه و اللى بين عمر و أية حاجه تانيه
سمر / انا ام يا على و اهم حاجه عندى هى مصلحه بنتى مش عاوزاها فى يوم من الايام تتاخد بذنبى مش عوزاك
عمر / والله ابعدى انتى بس عن ودانها و هى تعمر
سمر / ودانها ؟؟ انا ؟؟؟ طب قول كلام غير ده ان ما كانش على يدك لما سابت ايدى و اختارتك دا و لا كانك ساحرلها و لا عاملها عمل
على / ماشى موافق نبدا صفحه جديده اخر صفحه فى كراستك عندى اخر فرصه و مش عشانك عشان عمر
سمر / و انا قدام اخوك اهو اوعدك انى هقدم السبت و الحد و الاتنين و التلات و الاربع و الخميس كمان
على / و الجمعه ؟؟
سمر / عليك بقى يا على
عمر يبص لعلى
على / ماشى يا سمر اما نشوف
………………………………
فى شقه انور
منال / و دى حاجه تزعل يا نور احنا كنا فين
نور / انا ما صدقت حالنا اتعدل
منال / و هو انك تروحى و تكشفى تانى هياثر فى ايه بالعكس يمكن المرادى
نور / اهو كلمه يمكن دى اللى بتتعبنى فى كل مره بتعلق بالامل و بنسى كل الكلام اللى قاله الدكاتره التانين و اقول ده اللى هيجيب التايهه كلهم بهايم و اول ما يقول زيهم بتوجع نفس الوجع كانه اول مره اسمع الكلام ده انا ما عدتش مستحمله وجع ما عدتش قادره
منال / يا بنتى خلى عشمك فى ربنا كبير
نور / و لو قال زى كل مره هعمل ايه
منال / خلاص قضى ربنا هتعملى ايه
نور / و نعم بالله
منال / الا صحيح جوزك عمل ايه فى حوار البلد
نور / دا طلع حوار اهبل
منال / طب الحمد لله
نور / ابن عمه عرض عليه يبنوا مزرعه دواجن فى الارض بدل زراعتها هو هيدخل معاهم شريك بالارض و هما بالمبانى
منال / و ماله
نور / بس هيحتاجوا شويه سيوله فى الاول عشان يشتروا الكتاكيت و المعدات و كدا
منال / اااااه و هو قال ايه
نور / هو بيفكر يدخل جمعيه بنص مرتبه يقبضها التالت و لا الرابع على ما المبانى تخلص
منال / فكره حلوه
نور / و اهو ربنا يسهل بعد كدا
منال / بصى لو احتجتى اى حاجه
نور / ابدا انتى عارفه مروان نفسه عزيزه قد ايه عمره ما يقبل ابدا
منال / و هو مين هيقول لمروان بس انا هديهملك و انتى ابقى قوليله اى حاجه
نور / ما اقدرش اكدب على مروان ابدا انتى عرفانى اول ما هيسالنى جبتى الفلوس منين هقوله على كل حاجه
منال / هههههههههههههههههههههههه و ده احلى حاجه فيكى
نور / قولى اخيب حاجه فيا ههههههههههههههههههههههه
………………………………
فى شقه ندى
ندى نايمه حسام يدخل بالراحه يفتح النوته يلاقى اول صفحه فاضيه يقطعها بالراحه و يحط النوته مكانها و يروح اوضته و يقعد على المكتب و يمسك قلم رصاص و يظلل الورقه بالراحه تظهر كتابه مكان القلم فى النوته يقعد يقراها و هو مركز اوى
حسام / بفكر اخدك و نهرب حسام سايب فلوس فى خزنه فى الدولاب و عامل الباسورد عيد ميلادى ايه رايك ناخدها و نهرب فى اى حته و بالمره اخد مصروف البيت من درج المطبخ هو بيسيبه للوليه العقربه اخلاص احنا اولى بيه انا ما اعرفش الفلوس دى ممكن تكفينا لحد امتى او حتى هنعمل بيها ايه و يمكن يتقبض علينا و يرحلونا و فى اسوء الظروف السجن عادى و هو انا يعنى هنا مش فى سجن المهم نكون سوا بعيد عن هنا
حسام يطبق الورقه و هو بيضحك و يعينها فى وسط ملف احمر مليان ورق
حسام / و ماله ما يغلوش عليكى هههههههههههههههههههههههههههه
……………………………….
فى شقه مامه مروان بعد فتره
مامته / هو ده الحل اللى انت جايلى بيه
مروان / يعنى انتى مش موافقه
مامته / طبعا مش موافقه ابدا انت عاوز تقنعنى انك لما هتحط فى ايد نور طفل من واحده تانيه هتضعف و تقبل دا انت بكدا هتدبحها بسكينه تلمه دا انا كنت بقول نمهدلها موضوع جوازك الاول و بعدين نبقى نقول ان اللى اتجوزتها حملت و اهو احنا فى الاول مش مهم البيبى يجي ابن سبعه و نحط ايدنا على قلبنا و ندعى ربنا انه ما يطلعش ابن سبعه فعلا و تتكشف الحكايه
مروان / انا ما عملتش جريمه لكل ده
مامته / مش حقيقى حتى لو انا مقتنعه انك ما عملتش جريمه خوفك و رعبك ان نور تعرف ده اكبر دليل انك مقتنع ان اللى عملته مصيبه
مروان / بصى انا قولتلها انى داخل جمعيه بنص مرتبى عشان ادخل مع ابن عمى مزرعه دواجن
مامته / انت مش بتحل اى حاجه يا مروان انت بتعقد الامور فوق راسك و بتضيع وقت على الفاضى
مروان / و المطلوب اعمل ايه
مامته / هتفضل طول عمرك تدفع ايجار و هيجى يوم و هتخلف و المصاريف هتزيد قولها من دلوقت و اخلص
مروان / طب انا عندى فكره
مامته / قول
مروان / نهاد تيجى تعيش معاكى هنا
مامته / انت اتجننت و لا اتهبلت فى مخك انت عاوزها تيجى هنا ازاى فى ظروف زى دى يعنى لو مراتك جت تزورنى و لقتها عندى اقولها ايه
مروان / يووووه انا تعبت تعرفى معاكى حق انتى و نهاد معاكوا حق انا ما غلطش عشان استخبى انا هقولها الحقيقه و اللى يحصل يحصل
مروان يمشى و يرزع الباب وراه
………………………………..
فى شقه انور
منال / انتى بتعيطى ليه دلوقت مش احنا اتفقنا اننا مش هنعشم نفسنا
نور / مش بايدى
منال / عارفه يا نور زمان لما كنت فى سنك دوخنا على الدكاتره يقولولنا ما حدش فيكوا عنده مشكله بس ربنا مش رايد لو انتى اتجوزتى تخلفى و لو هو اتجوز يخلف قعدت انا و هو و سالنا نفسنا هو موضوع الخلفه ده مهم اوى كدا يعنى يستاهل اننا نسيب بعض طب لو انا سبته هقدر اكمل مع غيره قررنا اننا ما نضحيش بعلاقتنا نتمسك بحبنا و شوفى سبحان الله ربنا رزقنا باحلى بنت وولد
نور تبصلها
منال / هههههههههههههههههه انتى و على لو كنا خلفنا و ربينا ما كانش عيالنا هيبقوا احن علينا منكوا ان كان هو و لا انتى
نور / انتى بتحرجينى على فكره
منال / ههههههههههههههههه لو سالتى عمك انور ايه الحاجه اللى انت ندمان عليها يقولك من غير تردد على
نور / ازاى بس حتى بعد كل اللى عملهوله
منال / يا بنتى ان كان عمك كتب لعلى فهو كان بيصلح غلطته زمان على جه و هو صغير يدور على شغل عشان يصرف على نفسه و اخته و عمك شغله كان يا قلبى يجى الشغل بيجرى و غرقان عرق و فى يوم عمك ساله قاله انه بيطلع من المدرسه يروح اخته البيت و يرجع الشغل جرى عشان يوفر المواصلات لان بيته بعيد عمك ما زودش مرتبه و سكت و لما اخته ماتت على ما كانلوش مكان يبات فيه كان شاب ساعتها مش عيل عمك خلاه يبات فى المحل لا سرير و لا غطا حر برد ما تفرقش و لما اخوه راحله بعدها بمفيش استاذن الحج ان اخوه يبات معاه فى المحل انور ما زودش مرتب علي و عمر اخوه بقى بيشتغل هو كمان عشان يساعد فى المصاريف
نور / كل يوم بيكبروا فى عينى اكتر
منال / تصدقى على كان بيحب بنت و كان محوش قرشين عشان يخطبها و بعدين ابوه دخل المستشفى يعمل عمليه
نور / هو والده كان عايش والده كان عايش و هو بيتمرمط كل ده
منال / اه و امه كانت عايشه بس منفصلين المهم على خد الفلوس كلها و اداين و عمل العمليه لابوه اللى رميه هو و اخواته فى الشارع و فى الاخر لما طلب منه يروح معاه يشرفه قدام اهل حبيبته ما رضاش و طرده و ابو عروسته طرده و عايره انه ما لوش اهل
نور / و بعدين
منال / عمك قرر ان اللى زى ده ما بيجيش فى العمر غير مره و ندم انه ما وقفش جنبه من زمان مع انك لو سالتى على هيقولك ان فضل انور عليه كبير و انه و انه و انه عيال ولاد اصول اقسم بالله
نور / فكتبله كل حاجه
منال / و على يدك ليل نهار تحت رجلينا لو ابنى ما كانش عمل كدا مش شرط يكون رزقك من بطنك اهو قدام عينك
نور / معاكى حق
منال / انا نفسى و منى عينى اشوف لعلى زوجه و اولاد انا حالفه لارقص فى فرحه كانه ابنى و اكتر
نور / ههههههههههههههههههه ما تنسوش بس تعزمونى
منال / هههههههههههههههههههههه
……………………………
فى شقه عمر
عمر / أية كفايه كدا و نامى حبه و اصحى الفجر كملى
أية / خلاص فاضل اخر باب
عمر / هتضيعي وقتك على الفاضى نامى و ارتاحى و الصبح تركيزك هيبقى اعلى هتخلصى اسرع
أية / انت شايف كدا
عمر / اه تعالى نامى
أية / لو انا مضيقاك ممكن اكمل فى الصاله
عمر / لا مش مضيقانى انا عاوزك ترتاحى عشان تعرفى تركزى تعالى نامى
أية تقفل الكتب و تروح تنام فى حضن عمر
عمر / انتى عملتى اللى عليكى مش عاوزك تخافى من اى حاجه تانيه
أية تهز راسها
عمر / ما تفكريش فى حاجه و نامى و اهدى
أية / انا بحبك اوى يا عمر
عمر / و انا والله يا أية بحبك اوى
أية / قولها تانى
عمر / بحبك يا أية
أية / قولها تانى
عمر / ههههههههههههههه بحبك يا أية
أية / كمان مره
عمر / اخر مره
أية / مره كمان و خلاص
عمر / اكتبهالك
أية / ما تقول بقى ما تبقاش بخيل
عمر / بحبك يا أية بحبك يا أية بحبك يا أية نامى بقى
أية تنام و هى مبتسمه على الاخر
………………………………….
فى شقه نهاد
نهاد / انت معذب نفسك ليه ما تقولها و خلاص لو مش عارف تفتح معاها الموضوع سبنى انا اكلمها
مروان / يابنتى بتقولى ايه
نهاد / بص خلاص فى شقه حلوه معروضه للبيع و سعرها كويس اوى
مروان / منين
نهاد / انت مش قولت قبل كدا عندك ارض فى البلد بيعها و انا عندى دهب هبيعه و ربنا يسهل فى الاخر
مروان / ايوه بس
نهاد / يابنى هو انا بقولك بيع الارض و ادينى تمنها ما انا كمان هبيع دهبى و ندخل شركه اعتبره استثمار
مروان / بس امى كانت بتعيش من الاجار بتاع الارض على معاش ابويا
نهاد / خلاص يا مروان اعمل اللى يريحك
مروان / انتى بتتنرفزى عليا ليه دلوقت
نهاد / سورى بجد يا مروان انت عارف الحمل بيبوظ الهرمونات و انا طول اليوم مش مظبوطه بجد اعزرنى
مروان / لا يا قلبى مفيش مشكله انا مقدر بس انتى كمان قدرى موقفى
نهاد / مقدره انا مش عارفه النوم كابس عليا ليه كدا
مروان / خلاص يا روحى ارتاحى و انا هقوم اروح
نهاد / مش عوزاك تمشى و انت زعلان
مروان / لا ابدا و لا زعل و لا حاجه يلا تصبحى على خير
نهاد / و انت من اهله يا حبيبى
…………………………….
فى شقه نور
نور / مالك يا مروان سرحان فى ايه
مروان / ولا حاجه
نور / لا بجد فى مشاكل فى الشغل ؟؟؟؟
مروان / واحد معانا فى الشركه كان بيوزع شيكولاته فى الشركه بمناسبه ان مراته ولدت
نور / اه
مروان / ده ما كانش النهرده دا كان يوم ما قولتلك نروح للدكتور كلهم عمالين يقولولى عقبالك عقبالك
نور / انت عاوز تتجوز يا مروان
مروان / ايه ؟؟؟
نور / طنط منال قالتلى
مروان / رجعنا تانى لماما قالت و طنط عادت رجعنا تانى
نور / طب على الاقل اسمع يمكن كلامها
مروان / انا مش عاوز اسمع لحد كل اللى حواليا بيقولوا اتجوز كلهم بيقولوا حقك و كل اللى حواليكى بيقولوا مش ذنبك انا عارف انه مش ذنبك
نور / انت بتزعقلى ليه هو انت ليه بتلومنى على حاجه انا ما ليش ذنب فيها انا كمان نفسى اكون ام اعمل ايه يعنى
نور تعيط مروان يقعد يطبطب عليها
نور / انا مش هقدر امنعك تبقى اب لو عاوز تتجوز اتجوز ده حقك لكن انا مش هقدر اشوفك فى حضن واحده غيرى مش هقدر اشاركك مع واحده غيرى مش هقدر استحمل اكون استراحه فى حياتك بتيجى و تمشى وقت ما تحب انا مش هقدر استحمل ده
مروان / حتى لو عشان خاطرى
نور / هقولك ماشى و هاجى على نفسى و هتبقى النتيجه واحده اصلا افرض اتجوزت و ربنا برده ما اذنش بالخلفه هتعمل ايه
مروان / ما انا هنقى واحده متاكد انها بتخلف
نور / طب ما طنط منال ما عندهاش مشكله و لا عموا انور و فى الاخر ربنا ما اذنش يا مروان انا
مروان / انتى ايه بتخيرينى بين انى اقبل انى اعيش من غيرك او انى اعيش باقى عمرى ببص على العيال فى ايدين الناس بتطلبى منى …
نور / انا ما طلبتش حاجه انا بس
مروان / انا مش هروح انقى عيله اصغر منك انا هشوف واحده ارمله او مطلقه اتجوزها و صدقينى البيبى ده مش هياثر على اللى بنا مش هتحسى انى قصرت فى حقك عارفه البيبى اللى هيجى ده هيملى حياتك زى ما هيملى حياتى هتحسى انك ام
نور / ام لطفل مش منى ازاى
مروان / منى يا نور منى و انا و انتى ايه مش واحد
نور / طب نكفل طفل يتيم فى بيتنا و ينوبنا ثواب برده
مروان / مفيش فايده من الكلام
نور / اللى انت عاوزه اعمله بس على الاقل فكر تانى
مروان / انا اسف انى كلمتك كدا انا بجد تعبان و مخنوق بقالى فتره
نور تمسح دموعها
نور / انا تعبت و هدخل انام تصبح على خير
مروان / انا هاجى معاكى
مروان يحضن نور و يدخلوا اوضتهم
……………………………..
عند ندى تانى يوم
حسام يدخل يلاقى ندى قاعده فى الصاله بتتفرج على مسرحيه العيال كبرت و بتضحك يقفل الباب بالراحه و يدخل اوضته اخلاص تشوفه تروح وراه
اخلاص / اعملك الاكل يا سيدى
حسام / هى ندى اكلت
اخلاص / اه اكلت و قاعده قدام التليفزيون من بدرى
حسام / بلاش تضايقيها سبيها مدام مبسوطه و ما تفتحيش معاها اى حوار
اخلاص / والله يا سيدى انا كدا كدا بقيت بخاف اقرب منها بس باين عليها مبسوطه الفتره دى و هاديه كدا على غير العاده
حسام / ما عرفتيش برده بترمى الورق اللى بتكتبه فين
اخلاص / قلبت عليه الزباله كانها بتكتبه بالحبر السرى بس جبتلك اول ورقه زى كل مره
حسام / لا انا عاوزك دلوقت تروحى تجيبى النوته بالراحه و تجيلى
اخلاص / حاضر
………………………….
فى شقه امانى
امانى / انا قولتلك ما بتسمعيش كلامى
نور / يا ماما انتى بتقولى ايه
امانى / هو فاكر نفسه امله اوى داحنا واخدينه جبر خواطر
نور / هو ما غلطش
امانى / يعنى انتى هتسبيه يتجوز
نور / لا طبعا انا قولتله ان ده حقه بس انا مش هقدر اكمل فى وضع زى ده
امانى / اسمعى يا نور انتى تلبسى و تطلعى على بيت امه و كانك رايحه تزوريها عادى و اتكلمى معاها عادى
نور / اقولها ايه
امانى / قوليلها انك اتكلمتى مع مروان و عاوزه تاخدى رايها
نور / و بعدين
امانى / هتفهمى فى حد فى حياته و لا لسه هيدور
نور / و تفرق فى ايه
امانى / تفرق يا روح امك تفرق لو لسه هيدور يبقى مسكين و غلبان و يصعب علينا لكن لو عينه على واحده يبقى ربنا يستر و ما تطلعش اللى فى بالنا
نور / و انا هعرف ده ازاى
امانى / اهو طولى فى الكلام على قد ما تقدرى تعرفى انا مش عاوزه اظهر فى الصوره غير كدا كنت جبتلك قرار الموضوع ده بس على يدك المره اللى فاتت طلع نفسه الملاك البرئ و انا الشيطانه ام اؤيئ
نور / لا يا ماما مروان بس تعبان نفسيا لكن مفيش حد فى حياته انا ما صدقت ان حياتى اتعدلت مش هرجع ادخل الشك فى قلبى تانى
امانى / انا ما بقولش تدخلى الشك انا بس مش عوزاكى تبقى زى الاطرش فى الزفه عارفه انا اتغفل بمزاجى انما حد يغفلنى لا يمكن ابدا
نور تهز راسها
……………………………
فى شقه عمر
أبة تدخل بتعيط سمر تقابلها
سمر / مالك يا بت فى ايه
أية / مفيش حاجه انا داخله انام
سمر / تنامى ايه انتى عكيتى فى الامتحان و لا ايه
أية / ما اعرفش بقى سبينى فى حالى
أية تدخل الاوضه و تقفل الباب سمر تجيب التليفون و تتصل بعمر
عمر / الو
سمر / اللحقنى يا عمر
عمر /خير فى ايه أية جرالها حاجه
سمر / أية جت من الامتحان مفلوقه من العياط و دخلت قفلت على نفسها الباب
عمر / ليه بس طب اديهانى اكلمها
سمر / ثوانى اخبط عليها يمكن ترضى تفتح
سمر تاخد الموبايل و تروح تخبط على أية
سمر / افتحى يا أية عمر عاوز يطمن عليكى
أية تفتح الباب و تاخد التليفون
أية/ ايوه
عمر / فى ايه يا قلبى مالك
أية / مش عارفه انا كنت مزاكره كل حاجه و جاوبت و بعدين لما خرجت رجعت
عمر / بصى انتى حليتى و سلمتى الورقه و خلاص اللى يحصل يحصل و اى كانت النتيجه قولتلك امبارح انك عملتى اللى عليكى
أية / بس انا وعدتك
عمر / وعدتينى انك هتعملى اللى عليكى و انا شوفت تعبك انسى اى حاجه تانيه انسى
أية / بس
عمر / ايه يعنى مش قولنا عاوزين تجاره عشان تبقى معايا فى البيت و الشغل و بعدين انا مش عاوز عياط عشان عنيكى ما تورمش و تطلعى وحشه فى صور الفرح
أية تبتسم
عمر / اتغدى و نامى و انا هخلص السيكشن اللى عندى و هجيلك عاوزين نركز فى اللى جاى ماشى
أية / ماشى
عمر / يلا يا قلبى اغسلى وشك مش بحبك زعلانه
أية / حاضر
عمر /يلا ادينى مامتك بقى
أية تدى سمر التليفون
عمر / خليها تاكل و تنام ما تكلميهاش فى اى حاجه
سمر / حاضر سلام
عمر / سلام
………………………
فى شقه ندى
اخلاص تجيب النوته لحسام يكتب فيها و يديها لاخلاص ترجعها مكانها
حسام / حطيها مكان ما اخدتيها بالظبط
اخلاص / هههههههههههههه و النبى انتوا زى العسل بتبعتوا لبعض جوابات و انتوا متجوزين
حسام / هانت كلها تكه و نرجع مصر و كل حاجه ترجع لطبيعتها
اخلاص / ربنا يهدى سركوا يابنى والله انت جدع طيب و ابن حلال و تستاهل كل خير
حسام / تعيشى يلا بسرعه بقى قبل ما تحس
اخلاص / هوا
……………………………………
فى شقه مامه مروان
الجرس الباب يضرب تروح تفتح تلاقى نهاد
نهاد / ازيك يا ماما
الست / مين حضرتك
نهاد / مش حضرتك برضه والده مروان انا نهاد مراته
الست تبصلها باستغراب
نهاد / انا اسفه انى جيت من غير معاد بس انا قولت ما ينفعش نفضل طول الفتره دى من غير ما نتعرف على بعض
الست / طبعا اتفضلى
نهاد / ميرسى كلك زوق
الست / اتفضلى اتفضلى تشربى ايه
نهاد / ميرسى و لا حاجه
الست تقعد قدام نهاد
نهاد / الحقيقه مروان حكالى كتير اوى عن حضرتك بس الحقيقه احلى كتير هههههههههههه
الست تبتسم
نهاد / اكيد طبعا ما كانش نفسى نتقابل بالطريقه دى و اكيد حضرتك بتقولى عنى كلام كتير فى عقلك بس انا والله مش كدا انا و مروان حبينا بعض و حاولنا نبعد كتير انا عشت فتره صعبه قبله اتجوزت و فشلت و اطلقت و المجتمع ما رحمنيش مروان هو اول شخص يعاملنى كويس من غير ما يكون له اى مصلحه معايا
الست / انا …
نهاد / والله يا امى انا مش ناويه على خراب بيته انا وافقت على انى اتجوز من غير لا شبكه و لا مهر و لا اى حاجه حتى اتجوزنا فى شقتى و استقلت من شغلى لما حاولوا يفرقونا عن بعض بس عشان اكون جنب مروان انا كنت بقبض مرتب قد مروان بالظبط و كان معروض عليا اترقى زيه بالظبط بس رفضت لانى عاوزه اعيش معاه
الست / يا بنتى
نهاد / انا مش خطافه رجاله انا اتجوزت فى السر من غير فرح و لا معازيم بس عشان اراعى ظروف مراته لكن ارجوكى ما تحرمنيش من ان يكون ليا ام اللجالها فى ظروفى دى انا اهلى مش هنا و مش هقدر اربى ابنى لوحدى من غير مساعده حضرتك انا فكرت كتير قبل ما اجى لحضرتك و مع ان مروان رافض الفكره بس انا قولت ان مصلحه ابنى فوق اى شئ و اكيد حضرتك طبعا نفسك تشوفى اولاد مروان و تفرحى بيهم
الست / والله نفسى بس انا لازم اقولك ان مروان عقله و روحه فى نور لو نور سابته هيبقى الحمل عليكى تقيل اوى و ساعتها و لا انا هقدر اساعدك عشان تخليه ينساها
نهاد / و مين قال انى ممكن اقبل بخراب بيته او تعاسته انا سعاده مروان عندى فوق كل اعتبار حتى لو ناوي يطلقنى و يفضل مع نور انا هربى ابنى لوحدى و ربنا هيرزقنا من عنده و برده مش هحرم مروان من ابنه اللى بيحلم بيه انا اتجوزت مروان و انا مرتبى قد مرتبه فى شقتى لانى لا طمعانه فيه و لا فارق معايا اى حاجه غير انى اكون جنبه
الست / والله يا بنتى انا ما عارفه اقولك ايه على قد فرحتى بيكى و باللى فى بطنك على قد خوفى من بكره انا ياما اتحايلت على مروان يتجوز ياما جبتله عرايس و هو كان دايما يرفض كان بيخاف على زعل نور فوق اى شئ تانى
نهاد / هو مش بيخاف على زعل نور على قد ما بيخاف من عيلتها
الست / ايه الكلام ده
نهاد / انا بقول لحضرتك الحقيقه انا شوفت اخو نور لما نزل مصر عمل ايه و لولا نزوله مروان ما كانش هيصالح نور فى خناقتهم الاخرانيه
الست / هو حسام نزل مصر
نهاد / هو حضرتك ما تعرفيش ان حسام هو السبب فى نقلى من القاهره و انى قدمت استقالتى
الست / لا ما اعرفش و حسام ماله و مال الشركه
نهاد / ما اعرفش بس ده اللى حصل و حضرتك تقدرى تسالى مروان بنفسك
الست / ايوه بس حسام شاب محترم و ما شوفناش منه اى حاجه وحشه هى اه امها عصبيه شويه بس اهى حمى زى كل الحموات
نهاد / ما اعرفش
جرس الباب يضرب الست تقوم تفتح تلاقى نور
الست / نور
نور / ازيك يا طنط وحشتينى قولت اجى ازورك
الست / اهلا اهلا
نور / هو انا ممكن ادخل
الست / تدخلى ؟؟؟
نهاد تطلع من جوه
نهاد / انا همشى انا بقى
نور / انتى بتعملى ايه هنا
الست / دى دى
نور / ردى عليا بتعملى ايه هنا
نهاد / انا هنا زيى زيك بالظبط
الست / نهاد لو سمحتى
نهاد / هتفضلوا مخبيين عليها لحد امتى
نور / انتى بتقولى ايه انتى مش خلاص سبتى الشركه و خلصنا منك
نهاد / شركه ايه انا مالى و مال الشركه
نور / انتى لابسه دبله فى الشمال ؟؟
الست / تعالى بس يا نور تعالى ادخلى نتكلم جوه
نور / مش داخله الا لما افهم البتاعه دى بتعمل ايه هنا
نهاد / بزور حماتى ايه عندك مانع
نور تبص للست
نور / حماتك !!!!
الست / يا نور يا بنتى
نور / انتى اتجوزتى مروان
نهاد / عندك مانع
نور / كلامى مش معاكى انا كلامى مع النطع اللى اتجوزك عن اذنكوا
الست / يا نور نور استنى يا بنتى هفهمك اصل ,,,,,
نور تمشى و الست تبص لنهاد و تنفخ
نهاد / انا اسفه ما كنش قصدى الموضوع يوصل لكدا بس كنت اقول ايه يعنى
الست / لو سمحتى امشى
نهاد / يعنى كان المفروض استخبى ورا الستاره و لا تحت السرير و كانى واحده عامله جريمه هو ذنبى انها
الست / لو سمحتى يا نهاد لو سمحتى يا بنتى انا محتاجه اكون لوحدى نتكلم وقت تانى من فضلك تمشى
نهاد / حاضر عن اذنك
نهاد تمشى و الست تقفل الباب و تروح تجيب التليفون و تتكلم فيه
………………………….
فى شقه ندى
ندى تقوم تدخل اوضتها و تفتح التلاجه بتاعتها و تطلع علبه عصير و تفتح و تشرب شويه و تحطها على الكومدينو جنبها و تمسك النوته و تفتحها تلاقى في اول صفحه كلام
حسام / بالله عليكى تقرى الكلام للاخر النهرده اسعد يوم فى حياتى عارف انى وعدتك انى هبقى بعيد هسيبك تعيشى فى حالك مدام ده يرضيكى هكتفى انى ابص عليكى من بعيد تبقى جنبى حتى لو مش ليا مدام ده هيسعدك انا راضى يكفينى انى اطمن عليكى و ارجع اشوف ضحكتك من تانى انا اتعاقبت عقاب شديد اوى الفتره اللى فاتت عقاب مفيش قلب فى الدنيا يستحمله عارف انك بتقولى احسن و انه مش كفايه انا عارف انا غلطت بس ارجوكى ما تحكميش عليا بالموت انا مش هطلب فرصه اصلح غلطى لانى عارف انك عمرك ما هتقبلى بس ارجوكى ما تبعديش عنى ارجوكى و بالله عليكي عشان حبيبه ادينى فرصه اثبتلك ان كنت زوج و حبيب فاشل انى ممكن اكون اب كويس انا بحبك و مستعد اعمل اى حاجه عشان ارضيكى الا انى ابعد عنك اطلبى منى اى حاجه الا انى ابعد عنك و هتشوفى قد ايه مستعد انى انفذ انا بحبك يا ندى
ندى تتنهد و تحط النوته جنبها و تسرح
/////////////////////////////////
ندى / انت اخويا يا حسام انا ما ليش حد غيرك دلوقت ساعدنى ساعدنى ارجوك …………..بابا اللى مضى بايده و بصمنى غصب …………. اعمل حاجه يا حسام
حسام / طب انا اعمل ايه دلوقت المعازيم و الناس العيله صحابى زمايل بابا و صحابه دى فضيحه انتى متخيله الموقف …….. هقول ايه لاهلى انتى متخيله لو بابا عرف دا ممكن يقاطع عمى خالص بلاش ابوكى منظره ايه قدام الناس و قدام زمايله فى الشغل دا كلها كام ساعه و القاعه تبقى امم فوق بعض ……… نتجوز النهرده و نعمل اننا عرسان حلوين و الكل ينبسط و المعازيم تتعشى و تروح و بعدين شهر التانى ما اتفقناش ما عجبكيش العيشه فى الغربه اى حجه نطلق تنزلى مصر و يا دار ما دخلك شر
…………………
ندى / انا بتجيلى كوابيس ……. كوابيس وحشه اوى يا حسام ……….. بحس انى متكتفه و مش قادره اتحرك ………و فى حد … فى حد بي… بي…. بيغتصبنى ……… ببقى حاسه بس مش قادره اعمل اي حاجه كانى مشلوله بصرخ بس من غير صوت انا نفسى مش سامعه صوتى
حسام / و المفروض كنتى هتقولى ده لمامتك ازاى هتقوليلها ايه اصلا ينهار اسود …………الو ماما انا بحلم ان فى حد بيغتصبنى و انا بنت مع انى متجوزه من حوالى شهرين مش كدا
………………
حسام / انتى كبتيه تانى ………ما تفرقش كدا احسن كفايا كدب بقى
ندى تحاول تقوم من السرير حسام يشدها جنبه و هى بتصرخ
…………………
ندى / ما كانتش كوابيس …………ازاى ما شوفتش حقيقتك طول الفتره دى ازاى قدرت تضحك عليا طول المده دى ازاى …….انا ندمانه على كل لحظه احترمتك ووثقت فيك فيها اول ما ارجع مصر هقول للكل على حقيقته هفضحك فى كل حته
حسام / هههههههههههههههههههههههههه ترجعى مصر ؟؟؟ لمين ؟؟؟ لابوكى و لا لامك فوقى يا ماما ان كنت انا شيطان فابوكى ابليس
ندى / انا بكرهك بكرهك بكرهك
……………………
ندى / انت ازاى بارد كدا ازاى اصلا قادر تبص فى عينى انت اغتصبتنى
حسام / و مش فخور بس انتى اللى اجبرتينى
ندى تتف فى وش حسام يضربها بالقلم على وشها تقع فى الارض يقوم يمسكها من شعرها و هى بتعيط
حسام / انا صبرت عليكى كتير و خلاص فاض بيا اخر الكلام من النهرده مش هدادى تانى و لازم تفهمى انك بتاعتى و مفيش قوه فى الدنيا دى هتاخدك منى
………………………
ندى / انت حيوان
حسام / و انتى مجنونه و لو ما عقلتيش يا ندى انا مش هقدر احميكى و زى ما انتى عندك استعداد تهدى المعبد انا كمان ممكن اهده و تلاقى نفسك مرميه فى اعفن مستشفى مجانين هنا او حتى فى مصر …….عندى بدل الشاهد على جوازنا مليون عندى بدل الشاهد انك جيتى معايا هنا برضاكى و متجوزانى و سعيده معايا هنا مليون شاهد لكن انتى مين هيصدق تخريفك ده فجاه بعد ما حملتى اكتشفتى اننا مش متجوزين فجاه ……….اعقلى عشان وشى التانى هيزعلك
…………………….
حسام / انا هنزل مصر تحبى تيجى
ندى / انت بتتكلم جد يا حسام و لا بتعشمنى زى كل مره انا ما عدتش مستحمله
حسام / انا كان ممكن اسافر من بره بره و ارجع و اسيبك هنا على فكره …..بس انا شايفك عقلتى اخيرا
حسام يقف فى ضهرها و يبوسها من رقبتها تبعد عنه
ندى / انت بتعمل ايه ما تبطل قرف بقى يا اخى انت ايه
حسام / و انا اللى جاى و فكرك عقلتى
ندى / انا ابقى مجنونه لو طاوعتك لو فاكر انى ممكن استسلملك تبقى غلطان الطريقه الوحيده اللى هتطولنى بيها هى غصب عنى عشان اللى زيك ما ينفعش غير انه يكون حرامى
حسام / الله ما البوليس جالك لحد عندك ما بلغتيش عنى ليه ايه خفتى يحبسوكى الا قوليلى السجن اهون و لا مستشفى المجانين اهون يا ندى خفتى من انهى اكتر ايه اللى سكتك فيهم
ندى / كنت متاكده انك مش هتقولى تنزلى مصر من غير مقابل على العموم انت لازم تفهم ان على قد ما انا زعلانه عشان نور لازم تفهم ان ده حقى منك ربنا بيخلصه بس للاسف بيخلصه من اختك اللى ذنبها الوحيد فى الدنيا انها اختك زى ما ذنبى الوحيد انك ابن عمى اتفو عليك
حسام يسقف / حفظتيها لوحدك و لا حد ساعدك انا داخل انام هسيب باب الاوضه مفتوح يمكن تعيدى التفكير تانى تصبحى على خير
////////////////////////
ندى / ازاى عاوزنى اسامحك بعد كل ده ازاى عايزنى اكمل معاك بعد كل ده
ندى تمسح دموعها و تنام
…………………………
فى شقه منال
منال تفتح الباب على شايل حاجات كتير
منال / ايه ده كلو يا على هو انت كل مره يابنى تعمل كدا هات عنك هات
على / لا عنى ايه افتحى بس انا هدخلهم
منال توسع على يدخل فى نفس ذات اللحظه الاسانسير يوصل و يتفتح و نور تطلع منه و هى بتعيط تفتح باب شقتها و ترزع الباب
منال / نور مالك يا بنتى نور نور
منال تخبط على الباب نور ما تردش على يطلع من جوه
على / فى ايه
منال / والله يابنى ما عارفه نور جت من بره معيطه دخلت و قفلت عليها
منال تخبط على الباب و الجرس تانى نور تفتح الباب عنيها حمره دم
نور / ايوه يا طنط
منال / مالك يا بنتى
نور / مفيش تعبانه شويه و عاوزه انام
منال / طب ما تيجى تقعدى معايا شويه
نور / عشان خاطرى يا طنط سبينى شويه و انا هبقى كويسه
منال/ اللى تشوفيه يا بنتى
نور / عن اذنك
نور تقفل الباب
على / ما كانش المفروض تسبيها لوحدها كنتى دخلتى قعدتى معاها
منال / والله يابنى ما عارفه البت دى مالها مش مكتوب لها الفرحه ابدا انا هدخل اكلم امها تيجى تبص عليها
على / ماشى تعالى
على و منال يدخلوا جوه و يقفلوا الباب
………………………….
فى شقه عمر
عمر يدخل شايل كيس مليان حلويات و ايسكريم
سمر / حمد الله على السلامه اغرفلك
عمر / أية عامله ايه
سمر / كلت لقمتين بالعافيه و دخلت تنام
عمر / طب اغرفيلنا و انا هدخلها
سمر / ماشى
عمر يدخل بالراحه يلاقى أية نايمه يحط الكيس على الارض و ينام جنبها تصحى ياخدها فى حضنه
عمر / كدا يا أية ينفع
أية / والله السؤال الخامس
عمر / بلا خامس بلا سادس طظ انا بتكلم ينفع تعيطى كدا ينفع ايه يعنى امتحان و عدى و انا قولتلك انتى عملتى اللى عليكى خلاص
أية / كان نفسى تبقى فرحان بيا
عمر / و هى النتيجه بانت تعوضيها فى الماده الجايه تصدقى يا بت ما كنتش اعرف انك نكديه
أية / انا ؟؟؟
عمر / اه لازم تعملى حسابك انا بحب الست الفرفوشه اه ما ليش انا فى العياط و الغم ده شبعنا منه ااااااااااااااخ بخصوص شبعنا انا واقع من الجوع
أية / اغرفلك
عمر / هتاكلى معايا
أية/ انا كلت
عمر / خلاص هاكل لوحدى و احلى بكيس الحلويات ده كلو لوحدى
عمر يرفع الكيس من على الارض أية تبتسم
عمر / انسى الماده دى خلاص و نركز فى اللى جاى اتفقنا
أية تهز راسها و تقوم هى و عمر يطلعوا بره
…………………….
فى شقه نور
نور بتلم هدومها فى شنطه و تقفلها جرس الباب يضرب تروح تفتح تلاقى نهاد
نور / ايه البجاحه دى انتى بانهى عين تيجى لحد هنا
نهاد / انا مقدره موقفك
نور / انا ما ليش كلام معاكى
نور تحاول تقفل الباب نهاد تمنعها و صوتهم الاتنين يعلى
نور / هى بلطجه يعنى هو انا ما اقدرش ازقك و ارزع الباب فى وشك
نهاد / عاوزه تزقينى و انا حامل عاوزه تسقطينى
نور / حامل
نهاد / و انا اللى كنت فكراكى هتفرحى دا ايه الانانيه اللى فيكى دى يا شيخه
منال تفتح الباب
نور / اقسم بالله لو ما مشيتى من وشى السعادى لكون مفرجه عليكى امه لا اله الا الله انتى فاهمه و لا لا غورى
باب الاسانسير يتفتح و مروان يخرج منه
مروان / تعالى نتكلم جوه يا نور بلاش فضايح
نور / انت لسه شوفت فضايح و بعدين طول ما انا فى البيت ده بنت الكلب دى ما تدخلش بيتى انت فاهم و لا لا
مروان / اولا هى مراتى زيها زيك بالظبط
نور / انت كمان بتساويها بيا
نهاد / ليكى حق ما انتى كنتى من شويه عاوزه تزقينى تسقطينى
مروان / نور انتى اتجننتى
نور / اتفوا عليكوا زباله ولاد كلب
مروان يضربها بالقلم تقع فى الارض منال تجرى عليها
منال / هو فى حد بيعمل كدا تعالى يا نور تعالى
مروان / و انتى مال امك انتى
على يطلع من جوه و يمسك مروان و يوقعه فى الارض و ينزل فيه ضرب و منال عماله تصرخ و تحوش هى و انور اللى طلع على الصوت و يشدوا على و نور و يدخلوا جوه ويقفلوا الباب
مروان / يلا يا ولاد الكلب انتوا فاكرينها سايبه كتكوا القرف
نهاد / بينا على القسم نعمل فيهم محضر
مروان يروح يخبط على الباب جامد على يروح عشان يفتح انور يمنعه و نور قاعده بتعيط فى حضن منال
مروان / عنك ما فتحتى خليكى جوه انتى اصلا ما تلزمنيش لا انتى و لا البلطجيه بتوعك انتى طالق سمعانى طالق
مروان يقفل باب الشقه و ياخد نهاد و ينزل و نور عماله تعيط
على / انتى بتعيطى ليه دا حيوان دا انتى ربنا نجاكى منه
نور / و انت مالك اعيط و لا ما اعيطش انت مالك هو انت ايه شريكى انت ايه حكايتك اصلا كل مره تحصل فى حياتى مشكله بلاقيك واقف كل مره بتكون موجود ليه مالك و مالى يا اخى عاوز منى ايه ما ترحمنى بقى ما ترحمونى كلكوا
منال / نور
نور تقوم و تفتح الباب و تركب الاسانسير و تنزل
انور / ما تزعلش منها يا على هى برده مش فى وعيها
على / عارف عن اذنكوا انا لازم امشى
منال / احسن برده ابعد الفتره دى و ما تجيش هنا الا بتليفون
على يبص لمنال
انور / انا رايى كدا برده يابنى احنا لما هنلاقى الدنيا هديت هنقولك تعال
على يمشى
………………………
فى شقه ندى
حسام قاعد بيشتغل على اللاب تليفونه يرن يكنسل و يتصل هو
حسام / ازيك يا اروى
اروى / ازيك يا حسام عامل ايه
حسام / الحمد لله كويس انتى اخبارك ايه و اخبار عمتى و العيله
اروى / والله يا حسام اخبار ما تسرش خالص
حسام / فى ايه خير
اروى / عمتى معاك اهى
امانى / ايوه يا حسام شوفت اخره عمايلك
حسام / فى ايه يا ماما قلقتونى فى ايه اللى حصل
امانى / الكلب ابن الكلاب طلع متجوز من الزفته نهاد اختك كان معاها حق شوفت اللى جيت دافعت عنه شوفت ابن الحرام عمل ايه و فى الاخر طلق اختك و ضربها قدام الناس
حسام / نور عامله ايه دلوقت
امانى / قافله على نفسها الباب و ما فصلتش عياط و الله و الله ما انا سيباه
حسام / بصى خليكى جنبها و انسى مروان ده خالص ماشى
امانى / سبتك تتصرف قبل كدا انا قولت البت تطلق قولت نحل و فى الاخر ما نابنا غير انه يضرب اختك بالقلم
حسام / اسمعى الكلام انا عارف انا بعمل ايه و ما تقلقيش القلم ده هيتردله عشرين و احنا فى مكانا خليكى بس جنب نور و سيبى الباقى عليا
امانى / انت هتنزل تانى
اروى تشد منها الموبايل
اروى / انت هتنزل بجد يا حسام
حسام / لا طبعا مش هينفع انزل دلوقت خالص بس خليها تعمل زى ما قولتلها بلاش اى مشاكل مع مروان و انسوه خالص و ان جه ما حدش يحتك بيه
اروى / حاضر اللى تشوفه
حسام/ سلام دلوقت
اروى / سلام
اروى تقفل
امانى / قالك ايه هينزل امتى
اروى / مش هينزل بس قال ما لناش دعوه خالص و نبعد و هو هيتصرف من هناك
امانى / اه يابن الكلاب انا بنتى تنضرب
اروى / ما تخافيش يا عمتى حسام عمره ما هيخلى الموضوع ده يعدى على خير
…………………………..
فى شقه ندى
ندى تطلع من الاوضه تبص على حسام و هو بيتكلم فى التليفون حسام يقفل و يتصل بحد تانى
حسام / ازيك يا ياسر صرفت الفلوس اللى بعتهالك و لا لسه ….. لا طبعا مش هاخدها تانى انا بسال ان كنت عاوز زيهم …. بالظبط كفايه عليه كدا وصل الورق لحسين بيه …. يكون على مكتبه بكره الصبح انت فاهمنى …. كلمنى و قولى الاخبار خلصت على ايه عشان ابعتلك الفلوس ….. سلام
حسام يقفل
ندى / فى ايه
حسام / مروان طلق نور
ندى / انا هروح اكلمها
حسام / ندى
ندى / نعم
حسام / كنتى بتقولى ده حقك ربنا بيخلصه فى نور مش كدا
ندى / نور تبقى اختى يا حسام ما لهاش ذنب
حسام / انا اسف
ندى / عن اذنك
ندى تدخل اوضتها و تقفل الباب
……………………………..
فى شقه عمر
عمر / يوم لذيذ من اوله الصراحه
على / مش وقت هزار على فكره انا بجد مخنوق اوى
عمر / يابنى اكيد كلمتين قالتهم فى وقت نرفزه ما تقصدش
على / من زمان و انا بسال نفسى السؤال ده يا عمر من زمان و انا بقول هو انا نحس للدرجادى
عمر / و انت مالك يابنى
على / كل اللى حصل فى حياتنا و بتقول و انا مالى
عمر / ايوه انت مالك بكل ده
على / و امى و امك و عبير و ندى و انت و كمان نور كل دول
عمر / مالنا ما كلنا فى حياتنا مشاكل و انت يعنى حياتك سالكه اوى يابنى ما تحملش نفسك فوق طاقتها
على / عمر انا فى حاجه مخبيها عليك
عمر / ايه انا مش اخوك لقتونى قدام المعبد اليهودى
على / بتكلم جد
عمر / اسف اتفضل
على / يوم فرح ندى انا روحت لبابا المحل
عمر يبصله
على / يوميها اتخانقت معاه كنت مخنوق منه اوى ما كنتش فى وعيى يوميها قالى انه عرف الحقيقه و انه مستعد يصلح غلطه و يلمنا فى حضنه تانى قالى اجيبك و ارجع البيت قالى انه اسف و ندمان
عمر / و بعدين
على / سبته و مشيت و لا كانى سمعت حاجه كان بيحاول يوصلك فى الكليه عشان يعرف طريقنا و يراضينا كان بيحاول يراضينا بس انا ما دتلوش فرصه قهرتى من جواز ندى ….
عمر يحضن على اللى بدا يعيط
على / انا اسف يمكن لو …. يمكن كنت اديتك فرصه انك تكون جنبه فى لحظاته الاخيره …. انا اسف
عمر / الله يرحمه
على/ الله يرحمه
عمر / لو هلومك يبقى لازم الوم غاده اللى وزعته لما جه يسال عنى كلو مقدر و مكتوب كلو نصيب لا انت و لا انا و لا حتى بابا الله يرحمه كنا مخططتين ان دى تبقى حياتنا ما تشيليش نفسك هم فوق همك انت عملت اللى عليك وزياده حاولت و انا حاولت بس هو نصيبنا كدا نعمل ايه
تليفون على يرن على يطلعه يلاقى مدام نور
عمر / اوبااااااا
على يبص لعمر
عمر / رد يابنى مستنى ايه
على / هقولها ايه
عمر / ما تقولش اسمع هى هتقولك ايه
على / ماشى
على يقوم يطلع البلكونه و يرد
على / الو
نور / انا اسفه اوى
على / على ايه
نور / ما اعرفش انا ازاى كلمتك كدا انت ما لكش اى ذنب ما اعرفش انا قولتلك كدا ليه
نور تعيط
على / عادى على فكره انا مقدر و نوعا ما انتى معاكى حق
نور / لا طبعا
على / هههههههههههههههه ما انتى لما هتعرفينى هتتاكدى انى كائن النحس فعادى اوى مش بعيد اكون انا اللى نحستك
نور / انت ما كنتش دخلت حياتى اصلا لما بدات تبوظ
على / انتى عامله ايه دلوقت
نور / عادى
على / كويس ما طولتيش فى التعبانه و مخنوقه و الدنيا سوده فى عنيا و كدا
نور / انت بتقول ايه
على / والدتك عامله ايه
نور / ما اعرفش انا دخلت قفلت عليا الباب مش قادره اتكلم مع حد زمانها ماسكه التليفون و تتصل بطوب الارض تحكيلهم
على / و اخوكي
نور / اخويا سافر الله يعينه بجد لو ماما قالتله ينزل مش عارفه مراته تعبانه بره و مصاريف رايح جاى اصلا ما عدش له لزمه نزوله كل واحد يروح لحاله و كدا احسن كتير
على / انا شايف كدا برضه
نور / انا بجد اسفه اوى انا ما كانش المفروض اكلمك
على / لا ليه عادى تقدرى تكلمينى فى اى وقت و لو عوزتى اى حاجه
نور / انا مش قصدى انا قصدى هناك عند طنط منال ما كانش المفروض اتعصب عليك كدا
على / هههههههههههههههههه تانى …يا ستى و لا يهمك وقت ما تبقى مخنوقه رنيلى بس و انا تحت امرك فى اى وقت
نور / انت بتقول ايه
على / المهم بس نفسيتك تبقى مرتاحه
نور / انا طولت اوى و اكيد معطلاك عن شغلك
على / ابدا خالص
نور / انا لازم اقفل سلام و بعتزر تانى
على / مع السلامه
نور تقفل و على يلف يلاقى عمر واقف رافع حاجبه
على / فى ايه
عمر / انا عاوز واحده تهزانى تهزانى تهزانى
على / امشى يلا
عمر يضحك على يحضنه
عمر / و يقولك البنات هبله بتتراضى بكلمه دا احنا غلابه يعم
على / الله يعينها يابنى والله صعبانه عليا اوى
عمر / ما يصعبش عليك غالى بقولك ايه ما تيجى ننزل نجيب شويه حاجات
على / تعال
…………………………………
فى شقه نهاد
نهاد / انت زعلان اوى كدا ليه
مروان / انتى ليكى عين تتكلمى اصلا ما انتى السبب فى كل ده
نهاد / والله دلوقت بقيت انا السبب فى كل ده
مراون / ايه اللى وداكى عندها ايه اللى وداكى عند امى اصلا مش كان فى بينا اتفاق
نهاد / فكرنى معلش ايه هو الاتفاق تانى انى ابقى زوجه وقت فراغك اقبل باللى تديهونى انت اتجوزتنى ليه هاه كنت واخدنى تسليه اهو انام معاها و انبسط و مفيش عليا مسؤليات نزوه فى حياتك رد عليا
مروان يبصلها
نهاد / ازاى ما اخدتش بالى حتى من رده فعلك لما عرفت انى حامل طول الوقت بتشتكى بتشتكى بتشتكى و الكل غلطان قولى انا غلطت فى ايه انا اتجوزتك من غير لا شبكه و لا مهر و لا فرح و لا حتى شقه اتجوزتك عشان شوفت فيك الراجل الحنين اللى بالرغم من ان مراته ما بتخلفش و منكده عليه و اهلها بيئه و بتوع مشاكل مستحمل و مكمل قولت انك هتحسسنى بالامان و تعوضنى
مروان / و فى الاخر اكتشفتى ايه يا ست الكل
نهاد / اسمع يا مروان انا عملت اللى عليا معاك للاخر و ما طلبتش منك اى حاجه و سبت شغلى عشانك و ضحيت بمستقبلى بس كرامتى لا يا مروان مش هسمح لحد يمد ايده عليا انت فاهم
مروان / و هو انا سكت ما انا طلقتها
نهاد / حافظ على بيتك ده كمان يا مروان بيتك ده مش مجرد زوجه ده ولادك يا مروان مستعد تخسر ابنك اللى حلمت بيه سنين مستعد يا مروان
مروان يبصلها
نهاد / انت مقهور على فراقها و لا خايف من اهلها زى كل مره انا ما عدتش فهماك مدام بتحبها اوى كدا اتجوزت عليها ليه
مروان / عشان بحبك انتى كمان
نهاد / اخيرا قولتها يا مروان اخيرا نطقت كلمه حلوه من ساعه ما جينا
مروان / بس انتى عمرك ما هتفهمى بكره تشوفى و اه انا بحب نور بس فى نفس الوقت مفيش حد عارف اخوها قدى
نهاد / اعلى ما فى خيله يركبه بص اسمع روحلها روح لنور و اتكلم معاها مره اخيره و ان صممت اديها حقوقها كامله و انهى الموضوع بالمعروف و خلى الغلط من عندهم
مروان / انتى بتهزرى
نهاد / لا طبعا ما بهزرش هى ليها عندك ايه مؤخر و شبكه اديهملها
مروان / منين يا نهاد منين
نهاد / بيع الارض و بالباقى افتح مشروع او حاجه ليك
مروان / قولتلك قبل كدا ما اقدرش ابيع الارض امى بتاكل منها
نهاد / ما المشروع ده هيوفر دخل لوالدتك هو انا قولتلك ارميها دى امى يا مروان و فى عنيا
مروان / مش بالبساطه دى برده
نهاد / هتخسر ايه جرب خد والدتك و روحوا
نهاد / بالله عليك دى عيله يتبكى عليها يا راجل فكها بقى اقولك تعال نروح بكره نكشف عند دكتور النسا و لما هتسمع النبض بتاع البيبى هتنسى نور و عيله نور كلها مش بعيد تنسانى انا شخصيا و تنسى نفسك كمان يا مروان ده الحلم اللى اتمنيته سنين خلاص هانت كلها شهور و يتحقق
مروان يهز راسه و يحط ايده على خده
…………………..
فى شقه نور
محمد / انت بانهى وش جاى تانى
مروان / زى ما دخلنا بالمعروف نخرج بالمعروف
محمد / انا مش هسيب قشايه من حق بنتى
مروان / و انا مش ناوى اكل عليها حقها
……………..

google-playkhamsatmostaqltradent