Ads by Google X

رواية الان اقول احبك الفصل الخامس عشر 15 - بقلم ندي سامي

الصفحة الرئيسية

  رواية الان اقول احبك كاملة بقلم ندي سامي عبر مدونة دليل الروايات 


رواية الان اقول احبك الفصل الخامس عشر 15

تاليا كانت بتحاول تشيل ايدو و هو كان ماسكها جامد و بيحاول يشدها و كل واقف يتفرج و ف الوقت ده جه الياس و اول م شاف كده اتعصب و نزل م العربيه بسرعه و راح ناحيتهم و ضرب كريم بالبوكس
كريم : انت عبيط انت مين و ازاى تمد ايدك عليا
الياس بعصبيه : انا هوريك انا مين
نزل عليه ضرب و كريم كان بيرد الضربه مره و خمسه لا لحد م الأمن جالهم و ودوهم للعميد بتاع الكليه
~~~~~~~~ ف مكتب العميد
العميد بزعيق : ممكن افهم ايه الى كان بيحصل تحت ده
الياس بعصبيه : الاستاذ كان بيحاول ياخدها غصب قدام كل الناس و هما واقفين يتفرجو
كريم : وانت مالك اصلا و مين قالك انى باخدها غصب
الياس كان لسه هيقرب منو تاليا مسكتو
تاليا بصوت واطى : خلاص كفايه
الياس بصلها بعصبيه و سكت
المعيد بعصبيه : انتو الاتنين تقربولها ايه عشان تتخانقو عليها كده ممكن افهم
الياس بعصبيه اكبر : مراتى إلى بتخانق عشانها دى تبقى مراتى و قريبتى و الاستاذ كان عايز ياخدها غصب
كريم بتراجع : انا كنت هوصلها بما انى صاحبها
المعيد : و تقريبا كده هى موافقتش
مريم : لا وافقت مش كده يا تاليا
كلهم بصولها ف هزت راسها ب لا بتوتر
المعيد : انت مرفود لمده اسبوع و لو حصل مشكله تانى بسببك هيبقى ليا تصرف تانى … امشى من قدامى يلا
كريم خرج و هو متعصب و بصلهم بتوعد و مشى
الياس : مكنتش حابب اقول كده بس لو حصل موقف تانى زى كده او اى حاجه معاها تصرفى مش هيبقى معاك لأن ساعتها مش هيبقى فى جامعه اكتر و لو مش عارفنى تقدر تسأل ع الياس الخولى
قال كده و خد تاليا و خرج م المكتب تحت غيظ المعيد و ركب العربيه و مشى و هو ساكت و ماسك اعصابو بس مقدرش يستحمل للآخر ف وقف ع جمب بسرعه و هو سايق و فرمل جامد لدرجه ان تاليا كانت هتتخبط ف التابلوه
الياس بعصبيه : ممكن افهم كنتى بتعمل ايه معاه هو مش امبارح انا و بابا اتكلمنا و قولنا متكلميش الزفت ده مبتسمعيش الكلام ليه ولا عاجبك الوضع
تاليا بخوف من صوتو : بطل زعيق شويه و بعدين انا مكلمتوش هو إلى جالى و كان بيشدنى غصب عنى و عايزنى اركب معاه
الياس : اخر اسبوع تروحيه ف الجامعه عشان هو خد رفد بس بس بعد كده مش هتروحى غير ع الامتحانات و انا إلى هوديكى و اجيبك
تاليا : ليه يعنى و انت مين انت ناسى أن جوازنا ع الورق بس و عشان الحرمانيه مش اكتر بتتدخل ف حياتى ليه
الياس بزعيق : مش هكرر كلامى تانى و طول م انتى ع زمتى لازم تستحميلنى مدام وافقتى ع الجوازه دى
قال كده و شغل العربيه و رجع اتحرك تانى
تاليا ف سرها : كانت جوازه سودا
_______________________
بعد اسبوع
عدى اسبوع و كانت تاليا و الياس بيتخانقو ع طول و نيروز و مراد بقو يتكلمو و نيروز فرحت انو لسه فاكرها و فارس و ساره علاقتهم لسه حلوه زى م هى
_______________________
ف الفيلا
كانو قاعدين كلهم بيتفرجو ع التليفزيون و فجاه فارس وطى الصوت
فارس : بقولكو ايه
الكل بصلو باستفهام ف كمل : احنا هنطلع سفريه للغردقه اسبوع هنروح الاسبوع الجاى يوم الحد و انت يا الياس قول ل مراد يجى هو و زهران كمان
نيروز اول م سمعت اسم مراد بصت ل فارس و بعدين رجعت بصت قدام و ابتسمت بهدوء و تاليا شافتها ف خبتطها ف كتفها
تاليا بغمز : الحلو واقع ولا ايه
نيروز : اتلمى هيسمعوكى
تاليا : ايوه برضو معرفناش الحلو واقع ولا لا
نيروز : لا مش بالظبط بس بحب وجودو عادى و كمان انا و هو كنا قريبين اوى زمان
تاليا بضحك : ماشى يا ستى الله يسهلو
الياس : طب لما انا و مراد ناخد اجازه مين هيمسك مكانى انا و هو
فارس : متشيلش هم انت المهم بس قولو و انا هقول ل زهران
ساره بفرحه : اخيرا هنخرج كلنا و نسافر زى زمان بقالنا كتير اوى مسافرناش
نيروز : ايوه بجد اصلا شاليه الغردقه كان واحشنى اوى
الياس : طب انا هقوم اكلم مراد اقولو
قام الياس و بص ل تاليا بضيق لما استوعب أنها هتيجى معاهم و مشى بعيد عنهم و كلم مراد
الياس : بقولك ايه يا معلم فاضى الاسبوع الجاى
مراد : اه الشغل بس ليه
الياس : طب فكك منو بابا بيقول هنروح سفريه للغردقه اسبوع و هنطلع يوم الحد الجاى و شوف برضو عمو زهران
مراد : طب و الشغل هنعمل فيه ايه
الياس : مش عارف بس بابا بيقولى متشلش هم و الصراحه كده انا تعبت م الشغل و زهقت و عايز افك عن نفسى شويه
مراد : وانا والله يا ابنى .. خلاص ماشى هقول ل بابا و اقولك
الياس : تمام يلا سلام
قفل معاه و راح قعد معاهم تانى و قال ل فارس ع إلى مراد قالو و نيروز فرحت أنو وافق
_______________________
بعد اسبوع
عدى اسبوع و كانو كلهم بيجهزو للسفر و نيروز و تاليا نزلو يجيبو لبس و جه يوم السفر و اتقسمو ع عربيتين عربيه فيها فارس و ساره و زهران و عربيه فيها الشباب الى هما نيروز و مراد و تاليا و الياس و بعد ساعات ف الطريق وصلو و طبعا كان كل شويه مراد و الياس يبدلو مع بعض و فارس و زهران يبدلو مع بعض عشان الطريق كان طويل
_______________________
ف الشاليه
عربيه الشباب وصلت و بعديها عربيه فارس و إلى معاه و نزلو كلهم و نزلو الشنط و دخلو و كان فارس مبلغ حد يروح ينضف الشاليه و لما دخلو تاليا اتبهرت بجمال الشاليه من كتر م هو واسع و شكلو حلو و دخلت قعدت تتفرج ع الشاليه بعينها و هى بتحط الشنط و كلو دخل حط الشنط ع الأرض و قعدو يريحو ع الكنب
ساره : بقالنا كتير مجناش هنا
فارس : اخر مره جينا بعد جوازنا بكام شهر
ساره ابتسمت و هى بتسترجع الذكريات و الياس خد بالو من تاليا إلى كانت بتتفرج ع الشاليه و هى مبتسمه و هو ابتسم ع ابتسامتها من غير م ياخد بالو
فارس قام : يلا كل واحد يروح ع اوضته يحط الشنط و يريح … انا و ساره ف اوضه و زهران ف اوضه و نيروز و تاليا ف اوضه و مراد و الياس ف اوضه
الكل قام و راح اوضتو و حطو شنطهم و شنطهم
_______________________
ف مكان تانى
كريم : سافرت
_ انت عايز ايه يعنى
كريم : بقولك ايه انا البت دى حطتها ف دماغى و مش هسيبها غير لما اخد إلى عايزو منها و اظن انت فاهم كويس انا عايز ايه
_ مش معنى أنها كانت ف أمريكا و لبسها منفتح يبقى مش محترمه و هتيجى معاك سكه متحاولش عشان مش هتنول غير الضرب إلى اضربتو قبل كده م إلى بتقول جوزها ده
كريم يعصبيه : مش جوزها مستحيل يبقى جوزها هى مقالتش أنها متجوزه أو حتى أنها هتتجوز اكيد فى حاجه ورا الحوار ده
_ انت ناوى ع ايه يا كريم
كريم بخبث : ناوى ع حاجات كتير
_______________________
ف الغردقه بليل
تاليا صحيت اول واحده و نزلت قعدت تستكشف ف الشاليه و و لقت فى مرجيحه محطوطه ف الجنينه إلى عند البسين ف راحت عملت نسكافيه و خدت كتاب من شنطتها و راحت قعدت ع المرجيحه تقرأ الكتاب
~~~~~~~~ عند الياس
صحى م النوم و بص للساعه بنعاس و بعدين قام لبس التيشرت بتاعو و خرج دخل الحمام غسل وشو و نزل تحت عملو قهوه و قعد ع الفون و بعدين سمع صوت جاى م الجنينه ف راح
~~~~~~~~ ف الجنينه
تاليا كانت قاعده و لقت قطه بتتمشى ف الجنينه ف راحت ناحيتها
تاليا : بسبس يا قمر انتى تعالى
قعدت تبسبسلها و تشاورلها لحد م القطه قربت ف قعدت تطبطب عليها
تاليا : يا روحى عليكى عسل و اهههه
صوتت جامد لما القطه خربشتها و حطت أيدها مكان الخربشه إلى كانت بتطلع دم
تاليا بوجع : انتى قطه رخمه خربشتينى و يتجيب دم انا كنت بلعب معاكى
الياس دخل ف الوقت ده و لقى تاليا قاعده ع الأرض و كان سمع حته ” انا كنت بلعب معاكى ” ف قعد يدور ع اى حد تانى غير تاليا بس ملقاش ف قرب منها
الياس : انتى بتكلمى مين
تاليا بخضه : يخربيتك انت كمان بتطلع منين
الياس : اتكلمى عدل .. كنتى بتتكلمى مع مين
تاليا بصت للقطه ف الياس بص هو كمان
تاليا : الرخمه دى
قالت كده و قامت من ع الأرض و هى ماسكه أيدها و كاتمه دموعها و بتحاول تفكر ف اى حاجه غير أيدها عشان تنسى الوجع و الياس خد بالو من مسكتها ل أيدها و عينها إلى شبه احمرت
الياس : انتى ماسكه ايدك كده ليه
تاليا بدموع : القطه خربشتنى
الياس بسخريه : وانتى عامله كل ده و عينك محمره عشان خربشه !
تاليا شالت أيدها و رفعتها قدامو و هى بتقول : تحب اخليها تعملك م الخربشه دى
الياس لما شاف الدم إلى ع أيدها قلق و قال : ايدك لازم تتطهر تعالى
شدها من أيدها التانيه و بيدخلها ع جوا و هى كانت بتحاول تبعد و تشيل أيدها بس بلا فايده لحد م دخلها الحمام و غسلها أيدها و فتح علبه الاسعافات و طلع المطهر و طهر أيدها
تاليا : دى خربشه ع فكره ايدى متفتحش
الياس : و انتى ايه إلى يضمنك ان القطه نضيفه اكيد فى باكتيريا و اصلا خربشه القطط غلط .. اصلا القطه دى دخلت هنا ازاى
تاليا : معرفش اكيد م البوابه م هى مفتحه
الياس بصلها و بعدين رجع للبرود تانى و مشى بضيق
تاليا باستغراب : عندو انفصام ده !؟
~~~~~~~~
بعد شويه كلو صحى و بعد م فوقو لبسو و اتفقوا ينزلو يتمشو و يتغدو ف شارع شيراتون و بعد نص ساعه كان كلو خلص لبس و خرج من اوضتو
الياس بعصبيه : هو مش قولنا اللبس ده مش هيتلبس تانى
الياس : و هى الناس الى ف المصيف محرم يعنى ولا ايه مش فاهم
تاليا : خلاص بقى انا لبست و احنا نازلين كده هنتأخر
الياس : اخر مره و بعد كده انا إلى هنقى اللبس
قال كده و مشى و هى بصتله بغيظ و خرجت وراه و اتقسمو ع العربيات زى قبل كده و راحو شارع شيراتون
_______________________
ف مطعم ف شارع شيراتون
كانو كلهم مستنين الاكل و وهما بيتكلو كلهم لقو …
_______________________

google-playkhamsatmostaqltradent