رواية سلف و دين كاملة بقلم لولو محمد عبر مدونة دليل الروايات
رواية سلف و دين الفصل الرابع عشر 14
فى شقه عمر
عمر يدخل الاوضه و ايه وراه يفتح الدولاب و يطلع هدومه
أية / انت بتعمل ايه
عمر / بشوف لو كنت محتاج حاجه ابقى اشتريها قبل السفر
أية / تروح و تيجى بالسلامه هو انت عندك ميوه
عمر / ميوه ؟؟؟
أية / يعنى هتروح الغردقه من غير ميوه هتنزل البحر ازاى
عمر / انا رايح اشتغل مش رايح اتفسح
أية / براحتك على العموم تشتريه من هنا بدل ما يشيلوك هناك اوبح
عمر يمسكها من قفاها
عمر / بتقولى ايه يا بت انتى جبتى الكلام ده منين
أية / حور حور
عمر / لا اقعدى بقى كدا
عمر يشد أية للسرير من الياقه
عمر / بصى يا ست البنات اللغه دى ما بتعجبنيش فاهمه و لا لا
أية / لغه ايه يا عمر ما الناس كلها بتتكلم كدا انت ما بتتفرجش على التليفزون و لا ايه
عمر يبصلها
أية / ماشى خلاص حاضر هاخد بالى بس برده الميوه هنا ارخص
عمر / انا عاوزك احسن واحده فى الدنيا
أية / ماشى هسكت انت حر انا قايمه اغسل المواعين
عمر / اقعدى هنا بكلمك
أية / قعدت
عمر / انا رايح شغل لا هنزل ميه و لا هلبس ميوه ماشى
أية / و تزعل غاده لو طلبت منك تنزل
عمر / ههههههههههههههههههههه انتى مالك حاطه غاده فى دماغك كدا ليه يابنتى انا رايح استقبل ايطاليين عارفه بنات ايطاليا عامله ازاى
أية / يعملوا اللى يعملوه مفيش احسن من بنات مصر
عمر / يا شيخه
أية / يا شيخ
عمر / بس هما شقر و ملونين و جسمهم سمباتيك و كدا يعنى
اية / بص يا عمر يا حبيبى خلينى اقولك على حاجه مهمه اوى
عمر / اتفضلى
أية / ان رجاله ايطاليا شقر و ملونين و جسمهم بقى انت عارف دا غير ان الراجل الايطالى معروف بحنيته
عمر يحط ايده على خده و يرفع حاجبه
أية / ايوه انت ما بتشوفش افلام و لا ايه دا بيطبخلها
عمر / بيطبخلها !!!
أية / ايوه انا عامله عليك اصلا يا ابنى الوحيده اللى هتعبرك هناك هى غاده دا لو عبرتك فى وسط الرجاله الطليان دول اسمع منى
عمر / ايوه بس الراجل المصرى برده
أية / ما تكملش اشاعات يا ابنى
عمر / يا راجل
أية / امااااال بقولك عامله عليك مش عاوزه واحده تكسب بنط على قفاك
عمر يضربها على قفاها
أية / بقولك ايه ما لهاش معنى تانى الله
عمر / هههههههههههههههههههههه حد قالك قبل كدا انك عسل
أية / يووووووه كتييييير
عمر يمسكها من البجامه و يشدها عليه
عمر / نعم يا اختى
أية / ايه يا عمر ما تبقاش حمقى كدا انا اقصد صحباتى يعنى و المسات بتوعى الله
عمر يسيبها و هما الاتنين بيضحكوا
أية / ما تحاولش يا عمر انا عارفه انك بتحبنى انا و عرفاك و لا طلاينه و لا روس حتى شوف روس هيملوا عنيك اتكل يابنى على بركه الله انا واثقه فيك
أية تحط ايدها على كتف عمر يبصلها و يقوم يفتح الدولاب و يطلع شنطه اللاب و يفتحها و يطلع فلوس ويديهالها
أية / ايه دول
عمر / فلوس الدروس و الباقى عشانك
أية / بس دول كتير اوى
عمر / بصى الفلوس دى بتاعتك انتى ما تديهاش لامك عشان و انا مسافر ابقى مطمن عليكى
أية / على اساس ان امى هتحرمنى مثلا من حاجه ولا بتستخسر فيا بلاش الاسلوب ده يا عمر
عمر / امك كدا كدا طلبات البيت على هيجيبهالها انا اقصد اسيبلك فلوس تكفيكى مواصلات حبيتى تشترى اى حاجه ناقصك اى حاجه ابقى مطمن
أية / ماشى بس انت لازم تعرف انى ما بخبيش عن ماما حاجه
عمر / بس
أية / دى امى يا عمر ما بسش هى مش عاوزه فى الدنيا الا مصلحتى و بس حتى لو غلطت زمان حتى لو عملت ايه ما حدش هيحبنى قدها و لا حتى انت
عمر يبصلها
أية / الواحد ممكن يطلق مراته يا عمر لكن عمره ما يقدر يطلق امه
عمر / مفيش علاقه مضمونه بصى لعلى و انتى تتعلمى
أية / ما ببصش لحد زى ما انت غالى عندى امى كمان غاليه و زى ما انا ما بستحملش عليك الهوى ما بستحملش عليها يا عمر ارجوك عشان خاطرى انا لو بجد بتحبنى زى ما قولت
عمر / انتى عوزانى انسى اللى عملته فيا
أية / ما انا هنسى اللى عملته فيا يا عمر و لا انت ما عملتش
عمر يبصلها
أية / انت مسحت الفيديو يا عمر و لا لسه على موبايل اخوك
عمر / أية
أية / انا ما اتجوزتكش غصب عنى و طريقه جوازنا ما كانتش هى اللى وجعانى بس انك ترخصنى يا عمر وجعتنى بس برده بحبك
أية تدمع
أية / عشان عارفه انك ما كنتش ناوى تاذينى و عارفه ان كل ده كان تمثيل انا مش صغيره و عارفه كل حاجه
عمر / الفيديو و ورقه الجواز العرفى مسحتهم اول ما كتبت عليكى
أية / شكرا
عمر ساكت و باصص فى الارض و أية جنبه بتعيط فى هدوء تام
عمر / انا اسف
أية تمسح دموعها
عمر / انا مش فخور باللى عملته بس انا كنت مجبر امك جتلى الشغل و اتبلت عليا ما كفهاش كل اللى عملته كانت ناويه تكمل
عمر يبص لايه يلاقي عنيها حمره
عمر / انا اسف
أية / و انا كمان … بقولك ايه ريح شويه و انا هغسل المواعين
عمر / طب ما تريحى جنبى
أية تبصله يبتسملها و ياخدها فى حضنه و يعدى ايده من على شعرها بحنيه
…………………………
فى شقه مروان
مروان / اوعى تفتكر انى هعمل اى حاجه انا مش مقتنع بيها
حسام / انت كبير كفايه انك تعرف مصلحتك
مروان / انا تعبت كل يوم نكد كل يوم تحقيق كل يوم قرف
حسام / بص احنا رجاله زى بعض بس انت اهبل
مروان / انا ما اسمحلكش
حسام / اقعد يلا انا مش فاضيلك
مروان يقعد
حسام / لما تحب تلعب بديلك استذكى نضف وراك
مروان / انا ما عملتش حاجه ادارى منها
حسام / ههههههههههههههههه بجد امال كنت فين يوميها
مروان / كنت مع نهاد
حسام / ما كلنا عارفين
مروان / اه عارفين انى معاها بس حد فكر انا كنت معاها فين و بعمل ايه
حسام / و هو انت قولت
مروان / كان المفروض تثق فيا اكتر من كدا تثق فى نفسها على الاقل
حسام / كدااااااب فاشل بس ماشي يمكن تقدر تضحك على نور بالهبل ده قولى بقى يا سيدى كنت بتعمل ايه مع ست نهاد هانم
مروان / انا ما اقدرش اقول لنور انى كنت مع نهاد عمرها ما هتفهم انها كانت خدمه انسانيه
حسام / انسانيه !!!
مروان / اه نهاد كانت عاوزه !تشترى شقه و طلبت منى انى اروح اشوفها معاها راى تانى
مروان يبص لحسام و هو مبتسم و فى منتهى الهدوء مروان يمسح عرقه
مروان / و على فكره الموضوع ده كلو كان هيتحل لو ما كنتش حماتى ادخلت و انت عارف
حسام / سيبك من امى عشان ما تفتحش على نفسك فاتوحه انت عارف و انا عارف …. بقولك ايه لنفترض ان نهاد مقطوعه من شجره ما لهاش اى حاد و طلبت منك انت تروح معاها مين بقي كان عارف انكوا سوا غيرها
مروان / و انا اش عرفنى
حسام / مروان فوق انت وقعت فى جحر التعابيين و الوحيد اللى يقدر يساعدك انا مين له مصلحه يفتن عليك مين كان عارف انك مع نهاد
مروان / ما اعرفش
حسام / و نهاد
مروان / ما لها
حسام / ما تعرفش برده
مروان / كان رقم غريب اتقفل
حسام / الرقم معايا هنطلع انا و انت نسال عنها و نشوف متسجله باسم مين
مروان / و بعدين
حسام / هتيجى معايا توطى على رجل مراتك و حماتك
مروان / رجولتى ما تسمحليش انا اتهنت
حسام / براحتك انا هطلع من هنا على المحامى و نرفع قضيه طلاق و زى ما دخلنا بالمعروف نخرج بالمعروف
مروان / انا ما بتهددش
حسام / و انا ما بهددكش كل شئ بالخناق الا الجواز يا صاحبى و انت كبير و فاهم سلام …. صحيح يا مروان الشقه اللى انت روحت تشوفها فين
مروان / ايه !!!
حسام / عنوان الشقه … ايه نسيته
مروان / لا بس انا اصلى ما كنتش سايق و ما كنتش مركز فى الطريق
حسام / طب مش مشكله ممكن تتصل بنهاد تسالها مكان الشقه
مروان / على فكره انت بتتعدى حدودك و انا ساكت بس احترام للعيش و الملح
حسام / ما تسكتش سلام
حسام يفتح الباب و يمشى
…………………………………..
فى شقه ندى
ندى قافله الباب عليها و عماله تطلع على السرير و تنط اول مره عادى تانى مره تتوجع حاجه بسيطه التالته تنزل على ركبتها و تقوم الرابعه ما تقدرش تنزل تقع على ركبها تانى بس ما تقدرش تقوم و الوجع يزيد تحاول تقوم ما تعرفش الباب يتفتح و اخلاص تدخل
اخلاص / ايه الهبد ده يالهوى انتى بتعملى ايه
ندى / ابعدى عنى اوعى
اخلاص / هتموتى يا بنتى قومى بطلى هبل
ندى / ما لكيش دعوه ابعدى عنى
ندى تحاول تقوم تانى و تيجى تقف تقع فى الارض و هى بتصرخ على اخرها
اخلاص / استر يارب
اخلاص تحط ايدها فى صدرها و تطلع موبايل صغير و تتصل بحد
………………………
فى شقه عمر
عمر نايم على السرير و أية فى حضنه
أية / و بعدين
عمر / بس فى الاول اكتئبت بس على قالى انك تكون مهندس عادى و لا انك تكون معيد فى تجاره و يمكن ربنا شايلك حاجه احسن و كان معاه حق فرصتى كانت سهله اوى فى تجاره عن هندسه
أية / انت كنت هتبقى شاطر فى اى حته على فكره
عمر / على بيقول ان اى حاجه بتحصل فى حياتنا بتقوينا و تاهلنا للمرحله الجايه ساعات بفكر فى كلامه و اقول يعنى كل ما الدنيا هتدينى على دماغى و استحملي هتديني اكتر طب لو ما استحملتش هترحمنى
أية / لا
عمر / ما انا قولت كدا برده مدام كدا كدا مش هترحمنى يبقى لازم اكون اقوى لازم اركز على هدفى ما كنتش ببص لاى حاجه مش فارق معايا غير شغلى و دراستى و بس عشان كدا انا الفتره اللى فاتت كنت قاسى عليكي عشان انتى ما كنتيش بتركزى على مستقبلك انا مش عاوزك قليله انا عاوزك احسن حاجه
أية / عارفه
عمر / ما كنتش ببقى قاصد اضايقك و لا اجرحك بس انتى كنتى مستفزه بصراحه
أية / هههههههههههههههه دا انا
عمر / يعنى ما كنتيش مستفزه
أية / و انت لما قولتلى ان غاده عندك اهم منى ما كنتش مستفز
عمر / ما تقارنيش نفسك بيها هى حاجه و انتى حاجه
أية / ايوه انا مراتك لكن هى ايه انا ما عنديش فى الدنيا غيرك انا اولى بيك منها
عمر / و هى عمرها ما هتاخدنى منك
اية تبوز
أية / براحتك
عمر / بلاش البوز ده يا بت ما بحبوش
خبط على الباب عمر يقوم يفتح
سمر / على بره بيسال عليك
عمر يطلع بره و سمر تجرى تدخل مكانه
سمر / ايه الاخبار
أية / اخبار ايه
سمر / بوريه منك يا بنت الجزمه تصدقى انا الغلطانه على العموم يا خبر بفلوس بكره يبقى ببلاش
أية/ اقسم بالله يا ماما ما فى حاجه احكيها لك
سمر / بقالكوا فوق الساعتين قافلين عليكوا الباب بتعملوا ايه بتلعبوا صلح يا بنت العبيطه
أية / بنتكلم عادى يعنى
سمر / يا خيبتى لا انا كدا هموت ناقصه عمر انا هقوم اشوف المدعوء التانى ده بيعمل ايه
أية/ مدعوء ايه
سمر / صبرني يارب
سمر تقوم و أية مستغربه
……………………
فى الصاله
عمر / و انت اشعرفك انهم سافروا اصلا يا ابنى ما يمكن عايشين فى مصر
على / انت نسيت هو عايش فى الخليج بس مش فاكر فى انهى بلد و اكيد سافرت معاه ما هو يعنى لو ما سافرتش طول الفتره دى ما بتشوفش اهلها ليه
عمر / يمكن هما بيشوفوها
على / بلاش فاكر طول الفتره اللى فاتت مش كنت بقولك بيشتروا جهاز
عمر / يمكن عايشه مع امه
على / طب لنفرض انها فى مصر هو يروح يزور امها و هى ما تروحش معاه ليه
عمر / يمكن حامل و مش قادره تنزل
على / انا هقوم امشى
عمر / اهدى يا على اقعد بص انا اصلا مش فاهمك هى كدا كدا اتجوزت تنزل مصر بقى ما تنزلش تزور اهلها تعمل اللى تعمله كدا كدا انت ما لكش دعوه هى ما عادتش تنفعلك هى على زمه واحد تانى
على / انا مخنوق من ساعه ما شوفته انت ليه مش فاهم
عمر / طبيعى
على / لا مش طبيعى
عمر / انت عاوز تقول ايه يا على انه سايبها لوحدها بره و نزل مصر يتفسح مثلا ماشى هما فى اجازه و نزلوا مصر يتفسحوا و هو راح زار اهلها و هى مزارتهمش لاى سبب بس فالاول و الاخر هتعمل ايه
على / ولا حاجه زى ما انت قولت مفيش فى ايدى حاجه
عمر / يبقى تريح نفسك بقى
على / برده مش عارف بقولك ايه ما تيجى نخرج نروح فى اى حته
أية تدخل و شايله صينيه شاى و تحطها و هى بتبتسم لعمر و عمر بيبتسملها و على متابع
أية / الشاى … محتاجين اى حاجه تانيه
عمر / تسلمى
أية / عن اذنكوا
أية تدخل و عمر عينه عليها و مبتسم على مبتسم
على / حلو الشاى
عمر / اه
على / انا هقوم انا بقى عشان شكلى جيت فى وقت مش مناسب
عمر / ايه ؟؟؟ تقوم ايه استنى
على / ههههههههههههههههههه
عمر / ما تبقاش رخم بقى
على / حقك عليا احكى
عمر / انا وعدتها انى هعملها فرح كبير يا على
على / و ماله هو انا فى ديك الساعه اما اشوف اخويا الوحيد عريس طب اقسم بالله ارقص للصبح
عمر / انت بتتكلم جد
على / بتكلم جد طبعا
عمر / هو ينفع
على / و ايه اللى ما نفعوش ما حدش له عندك حاجه انت واحد كاتب كتابه و هتعمل فرح و اعزم انت بقى الكليه كلها و الشركه و الجيران و انا هعزم العيال و صحابنا و نعملها ليله
عمر / انا بقول كدا برده هى طيبه و بنت حلال و تستاهل
على / طب انجز بقى فى الحوار عشان لو حملت الحوار ده هيفكس
عمر / ايه
على / ايه مالك عمرك شوفت عروسه حامل
عمر / حامل ايه يابنى احنا لسه ما دخلناش
على باندهاش/ وحياه امك
عمر / وطى صوتك
على / انت بتتكلم جد يخربيتك انتوا متجوزين بقالكوا قد ايه يخربيتك ضيعت اسم العيله فى الارض قولى يابنى لو فى مشكله نلحق نلمها
عمر / ما تبطل هزارك ده بقى يا على الله ما انت عارف
على / ربنا يقوى ايمانك يا ابنى ماشى برده شوف حوار الفرح و ربنا يقدم اللى فيه الخير و ما تشيلش هم حاجه اى حاجه هتسعدك انا معاك فيها
عمر / عارف تحب ننزل
على / لا خلاص فكيت خليك انت و هنزل انا
عمر / ليه يابنى خليك اقولك هقوم اللبس و اجى معاك
على / بشوقك
عمر يقوم و على يشرب الشاى
…………………………………..
فى شقه حسام
حسام يدخل يلاقى ابوه و عمه قاعدين ياخد نفس و يبتسم و يدخل
محمد / تعال يا حسام
حسام / ازيك يا عموا عامل ايه
مصطفى / مها لسه بتحاول تتصل بندى ما بتردش و حلفت ما هى داخله هنا تانى فجيت انا عشان تجرب تكلمها تانى
حسام / بص يا عمى انا للمره المليون مقدر بس انا مش قادر افهم انتوا ليه مش قادرين تقدروا موقفى كان المطلوب اعمل ايه امى بتتصل بيا و تقولى لازم تنزل اعمل ايه
مصطفى / يا حسام انا ما ليش دعوه بكل ده هو لا مؤاخذه يعنى العيله ما عدش فيها رجاله غيرك ابوك و انا خلاص اتكلنا على الله عشان نستنى الباشا ينزل مصر يحل و بعدين انا عاوز افهم مدام الموضوع خطير اوى كدا و معقد و ما يحلوش غير حلال العقد سى حسام باشا انا ما اعرفش عنه حاجه ليه غير من سعاتك
محمد / تانى يا مصطفى
مصطفى / انا لا اتكلمت على الاسلوب اللى ابنك كلمنى بيه و لا علقت على كلام اختى و مراتك لمراتى و لا فارق معايا فى الدنيا غير انى اطمن على ندى سمعنى صوتها يا اخى و انا همشي
حسام / حاضر
حسام يطلع التليفون و يتصل ما حدش بيرد يتصل تانى ما حدش بيرد يتصل تالت ما حدش بيرد
مصطفى / خير
حسام / مش عارف يمكن نايمين هجرب تانى هخلينى وراهم لحد ما حد يرد
مصطفى / ادى الامانه اللى شيلتها لابنك يا محمد ادى بنتى الوحيده اللى وثقت فيه و اديتهاله اتكلم يا اخويا ساكت ليه
محمد / اقول ايه انا نفسي ما اعرفش انه نازل غير لما فتحتله باب الشقه
جرس الباب يضرب حسام يفتح يلاقى مروان شايل ورد يفتحله الباب يدخل و يروح فى جنب و يفضل يتكلم فى التليفون
مروان / السلام عليكم
محمد / اهلا يابنى اتفضل
مروان / متشكر يا عمى
مصطفى / انا ماشى
محمد / خليك يا مصطفى ما تمشيش الا لما تطمن على ندى
مروان / هى نور موجوده يا عمى
محمد / ثوانى اندها
محمد يقوم و مصطفى يبص لمروان و يبص الناحيه التانيه
مصطفى / لسه ما حدش رد
حسام / يمكن فى الجنينه و الموبايل جوه مش عارف
مروان / خير
حسام / خير ان شاء الله
امانى تطلع من جوه بتجرى
امانى / انت جاى تعمل ايه
حسام / ماما لو سمحتى ممكن تدخلى جوه
امانى / ابدا اطلع بره بيتى ياله
محمد / امانى ادخلى جوه
امانى / انا تقولى انتى مالك انا يا عديم الربايه و ايه اللى انت جايبه معاك ده اطلع بره و ما اشوفش وشك الا و معاك ورقه الطلاق انت فاهم
مروان / انا اسف انى انفعلت على حضرتك بس لو سمحتى
حسام / ماما ارجوكى خلينا نقعد قاعده رجاله من فضلك لو سمحتى
امانى / انا بنتى ما لهاش عيش مع الحيوان ده
حسام / خلى نور تسمعه و اللى هى هتحدده انا هقبل بيه بس ارجوكى الجو مش ناقص توتر
امانى / و دى اخرتها يا حسام انا اللى بوتر الجو انا اللى عامله المشاكل
محمد / ما خلاص بقى يا امانى مش وقته الواد فيه اللى مكفيه
امانى / ما البركه فى نسايبنا الحلوين اللى كل واحد فيهم ما بيفكرش غير فى نفسه و بس
مصطفى / قصدك ايه يا امانى
حسام / جيبانى ليه منزلانى مصر على ملا وشى ليه
امانى / حسام
حسام / مدام حضرتك قررتى خلاص ما طلعتيش على المحامى ليه
مروان / للمره التانيه انا اسف و انا بعترف انى غلطت و اتعصبت و جاى لحد عندك اعتزر
امانى / كدا كدا ما تفرقش معايا و لو نور قبلت ترجع معاك براحتها اصلا اللى بيشيل قربه مخرومه ما يجيش يشتكى عن اذنكوا
امانى تدخل و حسام ينفخ و نور تطلع
حسام / اقعدى لو سمحتى
نور تقعد
مروان / انا اسف انا ما كانش المفروض اتعامل مع الموضوع بالطريقه دى بس لما تسمعينى اكيد هتقدرى
محمد / و احنا كلنا قاعدين نسمعك اتكلم يابنى ……………………………….
فى المستشفى عند ندى
الدكتور / الحمد لله جت سليمه هى هتاخد الحقن دى يوم بعد يوم عشان نطمن على الحمل و باذن الله هتبقى كويسه
اخلاص / شكرا يا دكتور الف شكر
الدكتور / ابقى خدى بالك و انتى بتنضفى مش معنى انك فى الشهور الاخيره ان الحمل ثبت بالعكس الفتره دى مهمه زيها زى باقى التسع شهور
اخلاص / هتاخد بالها ان شاء الله مش كدا يا ندى
ندى / لو سمحت هو فى هنا تليفون
اخلاص / هتكلمى مين
ندى / هكلم جوزى اطمنه عليا ايه ممنوع
الدكتور / التليفون جنب حضرتك تقدرى تتكلمى براحتك
ندى / شكرا
اخلاص / لا مؤاخذه يعنى هى ممكن تروح امتى
الدكتور / انا رايي تخليها النهرده تحت الملاحظه و بكره باذن الله تروح علاطول
اخلاص / شكرا
الدكتور يمشى
ندى / كان معاكى المفتاح مش كدا و ياترى خبيتى شاحن موبايلى فين
اخلاص / انا عبد المأمور
ندى / هتقولى ايه لربنا
اخلاص / هقوله كنت بحميكى هقوله راجل جالى و امنى امانه انى اخد بالى من مراته التعبانه و كل يوم بعيشه معاكى بتاكد اكتر ان كل كلامه عنك حقيقى بتاكد انك مستحيل تكونى بتتصرفى تصرفات طبيعيه انتى كنتى بتحاولى تموتى نفسك فى واحده عاقله تعمل كدا
ندى / ما عادش يفرق معايا
اخلاص / هتقولى ايه لربنا لما تروحيله لما يقولك موتى كفره هتقوليله ايه
ندى / هقوله انت شاهد باللى بيا هقوله ما قدرتش استحمل
اخلاص / ربنا يهديكى يا بنتى
ندى / ربنا ياخدكوا
اخلاص تليفونها يرن
ندى / و كمان معاكى تليفون
اخلاص تطلعه و تبص تلاقيه حسام
اخلاص / روحت فى داهيه دا سى حسام
ندى / هاتيه
اخلاص / هنقوله ايه بس قطعتى عيشى
ندى / هاتيه
ندى تاخد التليفون و ترد
ندى / الو
حسام / ندى ازيك اتصلت كتير انتى فين
ندى / وانت مالك
حسام / عمى عاوز يكلمك
ندى / هاته
مصطفى / ندى قلب ابوكى يا بنتى ازيك
ندى تعيط
مصطفى / قولى حاجه يا ضنايا طمنينى عليكى
ندى / فارق معاك وحشاك اوى مش انت اللى رمتنى هنا
مصطفى / انا قولت لحسام هنجهز الشقه و هتنزلى تولدى فى مصر خلاص كل اللى انتى عوزاه هيحصل يا بنتى
ندى / اشمعن دلوقت لازم اموت يعنى عشان ترتاحوا
مصطفى / بعد الشر عنك يا بنتى انا ما يهمنيش الا مصلحتك
ندى / انا تعبانه و مش قادره اتكلم
مصطفى / سلامتك يا حبيبتى الف سلامه
ندى / مع السلامه
مصطفى / مع السلامه
حسام ياخد منه التليفون و ندى تقفل السكه
حسام / الو الو
حسام قفلت
محمد / الحمد لله انك اطمنت عليها يا مصطفى
مصطفى / ابدا يا محمد البت صوتها تعبان اوى قطعت قلبى
حسام / ياريت نخلينا فى الحوار اللى قدامنا الاول عشان نشوف هيخلص على ايه عشان اللحق ارجع
مروان / و دا يا ستى عنوان الشقه اللى روحناها عشان نشتريها و رقم تليفون السمسار اللى كان معانا تقدرى تكلميه او تروحيله و تساليه بنفسك
حسام قاعد يبص على نور
نور / و ما قولتش ليه لما سالناك
مروان / يا نور مش كل حاجه بينا تدخلى فيها امك انا ما كنتش هقولك عشان ما تضايقيش
نور / و مدام حاجه هتضايقني بتعملها ليه
مروان / يا نور نتكلم بالعقل انتى يعنى ما بتعمليش حاجه تضايقنى مش كل حاجه فى بيتنا بتروحى لجارتنا تحكيلها لما ركبتى مع الواد ده مش فاكر اسمه انا اضايقت و عاتبتك روحت بقى عيطت لامى و لا جبت اهلك و شهدتهم عليكى
حسام / واد مين ده
نور / كنت جايه هنا و كنت عند الجيران فعرضوا يوصلونى و انا رفضت بس ما كنتش لاقيه تاكس و الشمس فركبت ورا و عاملته زى التاكس بالظبط و قولتلك ما خبتش عليك
مروان / و هى المره دى بس يا نور نسيتى لما رد عليا فى التليفون تخيل انت يا حسام تبقى مسافر و تتصل بمراتك تلاقى راجل بيرد عليك
نور / كنت مخنوقه و ماشيه زعلانه و سرحانه ما اخدتش بالى خبطنى ودانى المستشفى و اتصلت بماما جتلى ووصلنى انا و ماما ما كنتش لوحدى يعنى
مروان / سبحان الله نفس الشاب
نور / صدفه
مروان / اهو يا سيدى ما عملتش فيلم انا و قولت مراتى بتخونى مع الواد ده و بدات اراقبها و انكد عليها عارفه ليه ما عملتش كدا
نور / عشان انا ما عملتش حاجه غلط
مروان / لا عشان انا واثق فيكي و فى نفسى وواثق فى البيت اللى جيتى منه
حسام يبتسم
نور / و موضوع الخلفه اللى كل شويه تعايرنى بيه
مروان / هو نفس الموضوع اللى كل يوم تتخانقى معايا بسببه بيحصل و لا لا انا ما قصرتش فى حاجه و على يد الكل دكاتره و روحت فلوس و صرفت ربنا مش رايد خلاص نسكت بقى مش لازم كل ما حاجه تحصل تربطيها بالخلفه
نور / انا ؟؟؟
مروان / اه انتى تحبى افكرك تحبى اعدهملك
حسام / خلاص احنا ولاد النهرده انتى ايه يرضيكي يا نور
نور / انا قولت من الاول البت دى تخرج من حياتنا
مروان / و انا ما اقدرش طول ما هى زميلتى فى الشركه ما اقدرش يعنى لو قالتلى صباح الخير اقولها اسف مش هينفع ارد عشان مراتى بتزعل
حسام / بس ما تروحش معاها يعنى عشان عاوزه تنقى شقه قولها مش فاضى تعبان اى حجه الشركه مليانه غيرك يعنى
محمد / و لا تقعد تضحك معاها فى مطعم
مروان / اهو هنجيب القديم و الجديد اهو مش قولنا ولاد النهرده
حسام / احنا بس عاوزينك تاخد بالك عشان بعد كدا ما هو التالته تابته يا صاحبى
مروان / حاضر حاجه تانى يا نور
نور / مش عارفه
مروان / اسمعى يا بنت الناس انا جيتلك لحد عندك خصوصا لما عرفت ان حسام هنا عشان انا عارف انه عاوز يحل خافى على بيتك يا بنت الناس خافى على بيتك
محمد / بصى يا نور
حسام / لا ثوانى يا بابا بعد اذنك بصوا انتوا قدامكوا تلت شهور بالكتير و انزل مصر فلو هتروحي معاه تعملوا حسابكوا مفيش مشاكل قبل ما انزل
مروان / هههههههههههههههههههههه لا باذن الله و لا حتى بعد عشر سنين خلاص اخر مره مش كدا يا نور هنعقل كدا و نهدى
نور / انا مش
حسام / المره الجايه لما هنزل مش هنزل عشان احل يا مروان المره الجايه مش هنزل عشان احل سمعت و لا اقول كمان
مروان / لا باذن الله خير
حسام / انا نازل يا عمى تحب اوصلك فى طريقى
مصطفى / مش هتستنى اما تشوف هيعملوا ايه
حسام / لا دوري خلص دلوقت دور نور اى كان قرارها احنا فى ضهرها عاوزه تديله فرصه اخيره براحتها عاوزه تنهيها براحتها مفيش مخلوق يقدر يفرض عليها حاجه
نور تبص لحسام يوطى على راسها يبوسها
حسام / لو زعلتها تانى اقسم بالله ما هرحمك عن اذنكوا
مصطفى / ماشى انا جاى معاك بالاذن انا
محمد / ما خلصناش كلامنا
مصطفى / وقت تانى بالاذن
مصطفى و حسام ينزلوا
محمد / انا هقوم و اسيبكوا لوحدكوا شويه
محمد يقوم
……………………………….
فى المحل عند على
على / بس انت ايه اللى طلع الموضوع ده فى دماغك
عمر / جيت عليها كتير اوى يا على
على / ما انا قولتلك
عمر / و هى استحملت
على / ربنا يهدى سركوا و يبعد عنكوا امها
عمر / بقولك انا قولتلك على حوار الغردقه
على / لا مش فاكر
عمر / انا مسافر مع الشركه عشان نستقبل جماعه طليان عشان نخلص حوار كدا فى الشغل
على / قشطه
عمر / مش هوصيك بقى
على/ و لا تشيل هم هتغيب يعنى
عمر / لا باذن الله نمضى العقود و ارجع علاطول
على / ماشى بقولك صحيح
عمر / قول
على / انت قولت لأية على حوار الفرح ده
عمر / لا هى كانت طلبت و انا رفضت و هى سكتت بس انا نويتها باذن الله
على / طب ما تقولهاش بقي لحد ما ترجع
عمر / اشمعن
على / اهو يمكن تجد فى الامور امور و تعجبك واحده طليانيه و لا حاجه
عمر / ههههههههههههههههههههههههههههههههه
على / عجبتك اوى
عمر / تصدق انها مقلقه من غاده و مش فارق معاها الطليان خالص
على / قول بجد
عمر / ههههههههههههههههههههه
على / البت دى غلبانه اوى
عمر / عارف مش كدا برضه
عربيه حسام تقف و حسام و مصطفى جواها و عمر و على يبطلوا ضحك و يتابعوا
حسام / اقسم بالله ما كان قصدى اى حاجه من اللى فهمتوها بس حضرتك شوفت السحله اللى انا فيها و هكلم المطار اشوف اول طياره امتى عشان اللحق ارجع
مصطفى / حصل خير
حسام / لو كانت الشقه خلصت كان زمان اليوم ده اتغير خالص يا عمى و على يدك اعمل ايه اختى و مراتى هعمل ايه
مصطفى / خلاص يا حسام خلاص مدام اطمنا على البنت خلاص مع ان والله و لا اطمنت و لا حاجه بالعكس قلقت اكتر
حسام / هانت كلها ساعات و ابقى عندها و اطمنك عليها بنفسى من هناك اهدى بقى
مصطفى / خلاص يا حسام قولنا حصل خير
حسام / عشان خاطرى بقى يا عمى بلاش تكبروا الموضوع انا ما اتكلمتش عشان عاوزك تديني فلوس و باذن الله اول ما هوصل هناك هبعت لحضرتك
مصطفى / خلاص يا حسام الموضوع ده اتقفل و عمتك داخله جمعيه الشهر الجاى هديهم لابوك على دول و هو يكمل
حسام / يا عمى
مصطفى / خلاص يا حسام سلام انت عشان تلحق تشوف هتعمل ايه
حسام / يا عمى
مصطفى يفتح الباب و ينزل و يروح يقعد على القهوه ثوانى و حسام يمشى
……………………………
فى شقه امانى
نور / انا تعبت يا مروان
مروان / انتى اللى تاعبه نفسك يا نور انا اترقيت النهرده روحت جرى عشان اقولك و نحتفل سوا بس ما لقتكيش
نور / مبروك
مروان / حاف كدا
نور تبصله بحزن يقوم يبوس راسها
مروان / حقك عليا يا ستى خلاص بقى
نور / ما اعرفش
مروان / طب بصى تعالى ننزل نغير جو و نتعشي سوا فى اى حته و لو لسه مش مرتاحه هوصلك بنفسي تانى لحد هنا ايه رايك
نور / ما اعرفش
مروان / تحبى ادخل لامك استاذنها نخرج سوا عدننا لسه مخطوبين هههههههههههههههههههههه
نور مش بتضحك
مروان / بهزر معاكى يا بت ايه مال دمك تقيل اوى كدا ليه
نور برده بتبصله بحزن
مروان / على فكره انا روحت اكشف على النمره اللى بعتتلك الرساله و مش هسكت هروح ابلغ عنه
نور / يا ترى مين
مروان / حد غيران مننا يا نور حد مش عاوزنا نكون مع بعض
نور / ما عدتش عارفه
مروان / كل حاجه مش عارفه مش عارفه فى ايه يا نور مالك
نور / تعبانه يا مروان تعبانه اعصابى ما عادتش مستحمله لا توتر و لا خناق و لا شك
مروان / ما هو انتى لو بتثقى فيا ما كانش كل ده حصل ما هو لو تبطلى ترمى ودنك لكل حد شويه هترتاحى انتى اللى تاعبه نفسك يا نور
نور / انت شايف كدا
مروان / جدا و مش لوحدى على فكره على العموم جربى جربى مره واحده بس تسمعى لقلبك و تثقى فيا و انتى هتشوفى حياتنا ازاى بتتغير قدامك انا باقى عليكى و شاريكي و جايلك لحد عندك مع انك كل مره بتحصل مشكله بتجرى و تغضبى ما تزوديش المسافه بنا يا نور اتمسكى بيا زى ما انا ما متمسك بيكي حسسينى ان ليا قيمه عندك
نور / امال كل ده ليه غيرتى دى معناها ايه
مروان / لا يا نور انتى مش بتغيرى عليا عشان بتحبيني انتى اهم حاجه عندك كرامتك قدام الناس الناس ما تشمتش فيكي
نور / انا ؟؟؟
مروان / بصى انا هسيبك النهرده تفكرى فى كلامى و هاجى بكره و اهو برده ما تبقيش سبتى اخوكى اللى جاى من السفر من غير ما تشبعى منه حبه بس لو عاوزه تخرجى برده ما عنديش مانع انا بصالحك اهو استغلى الفرصه بقى و اطمعى و انا اى كان اللى يرضيكي هعمله
نور / انا مش عاوزه حاجه
مروان / انا بقى عاوز عاوزك جنبى لانى محتاجك و بحبك
نور / كل مره بتقول كدا
مروان / لان هى دى الحقيقه مفيش غيرها …. ها امشى و لا ايه
نور تبصله
مروان / فكرى بالراحه و بعقلك مش بعقل حد تانى و قررى و زى ما قال حسام التالته تابته اخر فرصه تحبى تديهانى و لا ايه
نور تهز راسها مروان يبوس راسها و يمشى امانى تطلع من جوه
امانى / جدعه يا بت انك ما روحتيش معاه صنف نمرود ناقص ربايه
نور / عن اذنك يا ماما انا تعبانه يوم طويل و مقرف
امانى / صحيح من جوزك لعمك لمراته يا ميله بختك يا امانى فى جوازات عيالك
نور / عن اذنك
امانى / و لا اخوكى اخوكى اللى انا مسنوده عليه البيه جاى
نور / اخويا الله يكون فى عونه سايب مراته تعبانه و جه مخصوص
امانى / امال يعنى مش راجل البيت
نور / لا يا ماما بابا ربنا يديله الصحه و طوله العمر هو راجل البيت
امانى / و هو ابوكى حد بيعمله حساب من طيبته خلانا ملطشه بلا وكسه
نور / عن اذنك
نور تدخل اوضتها و تقفل الباب
امانى / الواحد ما بقاش عارف يلاقيها منين و لا منين مقفله زى الدومنه
………………………………..
تانى يوم الصبح
نور نايمه فى اوضتها حسام يدخل يقعد جنبها و يعدى ايده بالراحه من على وشها تصحى تلاقيه مبتسم تبتسم و تقوم تقعد و هى بتتمطع و تتاوب
نور / صباح الخير
حسام / صباح النور يا قمر جيت لقيتك نايمه
نور / انت اتاخرت اوى بصراحه
حسام / كنت مخنوق شويه امبارح كان اصعب يوم فى حياتى
نور / الله يعينك انا مقدره
حسام / ندى وقعت و نقلوها المستشفى
نور / ياربى ازاى امتى
حسام / ششششششششششش وطى صوتك امبارح بالليل
نور / و هى عامله ايه النونو عامل ايه
حسام / كويسه ادوها حقن تثبيت و هتمشي عليها لاخر الحمل
نور / انت لازم تسافرلها حالا يا حسام انا بجد اسفه اوى ما كانش المفروض تيجى
حسام / شششششش ايه يا بنتى انتى هبله انتى اختى الوحيده ما فيش اغلى منك
نور / انا بجد
حسام / نور انا ما قولتش لحد غيرك عشان بثق فيكى خصوصا بعد كميه الخناقات اللى حصلت امبارح عمى لو عرف ان ندى جرالها حاجه و لا عمتى مها
نور / دى تبقى مصيبه
حسام / انا حجزت على اول طياره راجعه
نور/ خير ما عملت
حسام / بس مش هقدر اسافر الا لما اطمن عليكى مش عاوز احس ان مجيتي جت على الفاضى
نور / بص يا حسام ماما اصلا غلطت لما كلمتك انت فى ايه و لا فى ايه
حسام / هنرجع للهبل اهو
نور / يا حسام مروان معاه حق انا لازم اتعلم اواجه مشاكلى بنفسى انا بحس ان ماما مسيطره على حياتى انا بخاف اخد اى قرار من غير ما ارجعلها
حسام / ماما بتحبك و يهمها مصلحتك
نور / عارفه بس
حسام / انتى حاسه ان مروان يستاهل فرصه تانيه
نور / انت ايه رايك
حسام / انتى لسه قايله انك لازم تتعلمى تواجهى مشاكلك بنفسك انتى رايك ايه
نور / انا بقول اخر فرصه و التالته تابته
حسام / عين العقل و على فكره نهاد و مروان مش هيجمعهم شغل تانى
نور / ازاى
حسام / طلبت خدمه صغيره من مدير الفرع و هو حبيبى ما اتاخرش
نور / مش فاهمه
حسام / مش مهم المهم عندى انك ما تشيليش هم
نور / و اللى عندها اخ زيك تشيل هم برده
حسام يلعب فى شعرها و يسيبها و يقوم
………………………………….
فى شقه عمر
سمر / بتتكلمى جد
أية / طبعا قالى اول ما النتيجه تبان و اجيب مجموع هنعمل فرح ما حصلش
سمر / ايوه بقى
أية / و هنحجز اسبوع فى اى حته اختارها
سمر / تركيا
أية / تركيا ايه يا ماما انا كنت بقول اسكندريه و لا السخنه
سمر / فقريه من يومك و بعدين
أية / و لا قبلين بس كدا
سمر / اهى خطوه برده احنا كنا فين
أية / ماما
سمر / يا عيون ماما
أية / عمر بيفكر ان حضرتك يعنى ترجعى شقه بابا محمود الله يرحمه
سمر تبصلها و ترفع حاجبها
أية / لا لا هو يقصد بعد الجواز و كدا مش دلوقت خالص
سمر / و انتى عاوزه ايه يا أية
أية / انا مش عاوزه غير انك انتى و عمر تتصالحوا انا ما ينفعش اختار بين جوزى و امى
سمر / لا يا أية انتى اختارتى فعلا فاكره و لا نسيتى فاكره لما سبتى ايدى و اختارتيه فاكره لما حطيتي سكنيتهم التلمه على رقبتى و سبتيهم يدبحونى بيها
أية / ماما ما تفتحيش فى اللى فات
سمر / و هو اللى جاى ينفع من غير اللى فات
أية / و اللى فات يا امى فى صفهم هما تعالى يا ماما نبدا صفحه جديده و حبى عمر و اتعاملى معاه كويس هو كمان بيعزك و ما يرضالكيش البهدله انتى برده ربتيه
سمر / يعنى انتى عاوزه ايه من الاخر
أية / بالله عليكى بلاش مشاكل
سمر / يادوب اداكى ريق حلو بقيت انا الشريره انا بتاعه المشاكل
أية / يا ماما انا ما قولتش كدا انا اقصد ما تديهوش فرصه يمسك عليكي غلطه عشان خاطرى انا
سمر / بصى يا أية اللى بيشيل قربه مخرومه انتى عارفه بيجراله ايه و انا مش هعيشلك العمر كله
أية / بعد الشر
سمر / شوفى مصلحتك يا بنتى و اللى هتشوفيه فى مصلحتك انا فى ضهرك و عمرى ما هعمل اى حاجه تضرك ارتاحتى كدا
أية / ربنا يخليكى ليا يا ست الكل
………………………..
فى الشركه عند مروان تانى يوم
نهاد / سبنى فى حالى عشان انا فاضلى تكه و اولع فى ام الشركه دى باللى فيها
مروان / ليه ايه اللى حصل
نهاد / طبعا ليك حق ما انت من اول ما جيت و انت فى المكتب المكيف الجديد و الناس نازله فيك مباركات
مروان / و ده اللى مضايقك دا بدل ما تباركيلى يا نهى
نهاد / ما انت مش عارف ايه اللى حصل مش حاسس بالمصيبه اللى انا فيها
مروان / ابوس ايدك انا مش ناقص ايه يعنى اللى حصل
نهاد / اجى الشركه الصبح الاقى ياسر الزفت مشطب عليا قال ايه هو اللى مسك مكانك الجزمه نسى نفسه دا من سنتين بس كان لسه متعيين تحت الاختبار و انا اللى بدربه يرقوه و يخلوه الريس بتاعى
مروان / ياسر ياسر الاهطل
نهاد / تخيل انا اصلا ما سكتش جريت على المدير
مروان / طبعا دا هيخربها
نهاد / بيقولى انتى بتعملى ايه هنا مش قولنا هتستلمى فى اسكندريه و لما قولتله انى مش عاوزه اسافر قعد ساعه يقنعنى انى اسافر و قد ايه انا محتاجه الترقيه دى و انها فى مصلحتى
مروان / و انتى قولتيله ايه
نهاد / ما قولتش انا استاذنت و مشيت طبعا عاوزنى اقول ايه طبعا
مروان / اللى اتفقنا عليه امبارح انك هتكملى فى مكانك
نهاد / بتهزر يا مروان انت عاوزنى اشتغل تحت ياسر الاهطل دا حمار و فاكر نفسه ابو العريف و هو عبيط و برياله
مروان / يعنى قررتى ايه فى الاخر
نهاد / لو ده اسلوب نسايبك عشان يطفشونى من الشركه يبقوا غلطانين على فكره انا ما بستسلمش بالبساطه دى تعرف انا هقدم استقالتى حالا و مش هسافر اسكندريه و يورونى استفادوا ايه
مروان / عين العقل و احنا اصلا كنا متفقين على كدا من الاول
نهاد / انا ياسر الاهطل يبقى ريس عليا لا دى باظت باظت و ظاتت كمان
……………………
فى المستشفى عند ندى
ندى تصحى تلاقي حسام قاعد جنبها اول ما تفتح يجرى يقرب منها تنفخ و تبص الناحيه التانيه
ندى / انت ايه اللى جابك بدرى طيارتك لسه بعد بكره
حسام / و هو ينفع اسيبك فى الظروف دى
ندى / اه والله ينفع عادى يعنى
حسام / ان كنتى انتى بترتاحى فى بعدى انا بموت فى بعدك يا ندى
ندى / بتحبنى ازاى و انت انانى بالشكل ده و انت ما بيهمكش مشاعرى و لا راحتى و انت خانقنى و معذبنى انا بس مش عارفه افهم انت عاوز منى ايه
حسام / انا مش عاوز اكتر منك
ندى / و انا عمرى شوف عمرى لو هموت لو انت اخر راجل فى الدنيا عمرى ما هكون ليك
حسام / مسيرك هتغيرى رايك او هموت بحاول
ندى / امين يا شيخ امين ربنا ياخدك و يريح البشريه كلها من شرك كتك مصيبه
حسام / ربنا يسامحك
ندى / نور عامله ايه
حسام / حلينا الموضوع
ندى / الحمد لله عقبالى
حسام / عقبالك … اوعدينى مش هتعملى كدا تانى
ندى تبصله باستهزاء
حسام / مش عشانى عشانك
ندى / كنت بتحاول تعمل ايه تحبسنى ادينى عرفت اخرج
حسام / هى الدنيا بتمشى معاكى عند يعنى
ندي / اه مش انت بتلوى دراعى انا هقطعهولك
حسام / كويس انك عارفه ان وجعك بيوجعنى
ندى تبص للسقف و تنفخ بخنقه حسام يضحك
حسام / دى تزاكر سفر مصر
ندى تبصله
حسام / و قدمت على اجازه من الشغل كمان
ندى / و المقابل
حسام / تصبرى لحد ما الشقه تخلص تلت شهور بس هننزل قبل معاد الولاده
ندى / انا عمرى مأ هكون مراتك يا حسام عمرى
حسام / ما تكونيش كفايه انك تكونى ام لبنتى كفايه اوى
ندى تبصله
حسام / انا بتكلم جد
ندى / انت عاوز تقول ايه اقبلى بالامر الواقع و عيشى معايا فى الحرام عشان خاطر بنتك صح ده اللى بتحاول تقوله
حسام / لا بقولك نبدا صفحه جديده
ندى / كان زمان و جبر
حسام / طب تمام انتى عاوزه ايه
ندى / تطلقنى و تنسانى
حسام / حاضر و بعدين
ندى / ما لكش فيه
حسام / لما بنتك تسالك عن ابوها كل العيال ليهم اب الا انا هتقوليلها ايه
ندى / مات
حسام / و انتى كدا مش بتظلميها
ندى / المفروض اقولها ايه ان ابوها حيوان و زباله اقولها انها بنت حرام اقولها ان ابوها انسان مريض و مكانه مستشفى المجانين او السجن
حسام يبتسم
ندى / النهايه الوحيده للى احنا فيه ان كل واحد يروح لحاله
حسام / بس انا ما يهمنيش النهايه انا عاوز طريقه عشان نستمر
ندى / مفيش انسى انا بكرهك و بحتقرك
حسام / انا عندى حب يكفينا احنا الاتنين و اه يا ندى لو عاوزه تموتى موتى انا اصلا شايف ان ابوكى و امك زهقوا من الدنيا و كفايه عليهم كدا
ندى / قصدك ايه
حسام يسيب المكان و يطلع بره و يقفل الباب وراه و ندى تبص للسقف و هى بتعيط
……………………………..
فى شقه اروي
اروى بتتصل بالموبايل يرد عليها حسام
اروى / الو
حسام / ايوه يا اروي اخبارك
اروى / زعلانه منك اوى يا حسام كدا تسافر من غير ما اسلم عليك انا حتى ما لحقتش اقعد معاك خالص
حسام / ملحوقه يا ستى اول ما الشقه تخلص هجيب ندى و ننزل مصر اجازه طويله و نقعد نشبع من بعض كلنا حلو كدا
اروى / ندى !!! هى عامله ايه صحيح
حسام / كويسه الحمد لله بتسلم عليكى اوى
اروى / الله يسلمها بقولك يا حسام انت شوفت جهاز ندى
حسام / لا بس سمعت انك نقيتى معاهم كل حاجه
اروى / انا نقيت كل حاجه كا انها حاجتى بالظبط
حسام / عارف
اروى / انا لازم اقفل بقى عشان الرصيد
حسام / اه اسف ابقى ابعتيلى واتس بعد كدا و انا هكلمك
اروى / بجد يا حسام
حسام / طبعا يا بنتى
اروى / انت مش هتصدق انا مبسوطه قد ايه اننا هنتكلم سوا
حسام / و ايه يمنع يعنى
اروى / هنشوف يلا سلام
حسام / سلام يا رورو
حسام يقفل و اروى تحدف نفسها تنام فى وسط السرير و تاخد دبدوب كبير ابيض فى حضنها و هى فى منتهى السعاده
………………………….
فى الشركه عند مروان
فى مكتب حسين الباب يخبط
حسين / ادخل
نهاد تدخل ماسكه ورقه ففيل
حسين / صباح الخير اتفضلى
نهاد / انا عارفه ان وقت حضرتك مليان عشان كدا انا هدخل فى الموضوع علاطول
حسين / دا موضوع كبير بقى
نهاد تديه الورقه
حسين / ايه ده ؟…… استقالتك
نهاد / انا اسفه
حسين / انا رايي تفكرى تانى فى القرار ده
نهاد / فكرت و لقيت ان جو الشركه ما عادش مناسب ليا انا اسفه
حسين / لو انتى شايفه كدا انا ما قداميش حل تانى
حسين يمضى الورقه بسمه الثقه تتمسح من على وش نهاد
حسين / تقدرى تعدى على الحسابات تاخدى باقى حسابك
نهاد تقوم و تبتسم و تمشى
…………………………….
بعد كام يوم فى شقه عمر
عمر بيجهز شنطته و أية بتساعده و كل شويه يبصوا لبعض و يبتسموا
أية / هتوحشنى على فكره
عمر / بس احنا هنتكلم كل يوم
أية / اما نشوف
أية تروح تجيب رصه هدوم من على ترابيزه المكوه و عمر يروح يحضنها من ضهرها
عمر / عارفه لما هرجع هنعمل ايه
أية تبتسم
أية / ايه ؟؟؟
عمر / هاخدك و نروح ننقى فستان الفرح
أية / علاطول كدا
عمر / مفيش قدامنا غير اقل من شهرين
أية / ماشى
عمر / بس زى ما اتفقنا
أية تلفله و تحط ايدها حوالين رقبته
أية / هزاكر و اركز و اعمل اللى عليا و زياده
عمر / هنشوف
أية / هتشوف
الباب يخبط أية تفك ايديها و هما بيضحكوا و تروح تفتح تلاقى امها
سمر / الغدى على السفره مش هتاكلوا
عمر / تسلم ايدك
عمر يعدى يطلع بره و سمر بتبص عليه باستغراب
………………………
فى شقه ندى
حسام و اخلاص مسندين ندى لحد ما توصل لسريرها تنام عليه
حسام / الدكتور قال مفيش حركه
ندى / يارب
حسام يشاور لاخلاص تخرج
حسام / انا هقدم السبت عيشى يا ندى لو انا اللى تعبك انا هبعد خالص يكفينى اطمن عليكى من بعيد بس تاخدى بالك من نفسك
ندى تشد الغطا يساعدها تستغطى
حسام / هسيبك ترتاحى عن اذنك
حسام يطلع بره
…………………….
في شقه نور
مروان / حمد الله على السلامه اتفضلي
نور تدخل تلاقي مروان مالي الشقه ورد و السفره عليها اكل و فاكهه
نور / انت اللي عملت كل ده
مروان / جابت نتيجه
نور / يعني هههههههههههههه
مروان / انا بحبك يا نور و عاوز احافظ على البيت ده ساعديني انا لوحدي مش هقدر اشيله
نور تهز راسها الباب يضرب مروان يروح يفتح يلاقي منال شايله صينيه عليها سلطه فواكه نور تروح تحضنها و تاخد الصينيه
نور / تعبتي نفسك
منال / نورتي بيتك كنت بنشر شوفتك ما قدرتش امسك نفسى قولت اجى اسلم بس انا همشى علاطول
نور / لا ازاى اتفضلى
منال / مره تانيه الجايات اكتر حمدالله على السلامه
منال تبوس نور و تمشى و نور تقفل الباب و تبص لمروان
مروان / بزمتك دى جيره تتساب
نور / ست طيبه اوى
مروان / حقيقه المهم كنا بنقول ايه
نور / كنا بنقول اننا هنعمل كل اللى نقدر عليه عشان نحافظ على البيت ده
مروان / و بالنسبه لنهاد اطمنى قدمت استقالتها و سابت الشركه و دلوقت انا ليا مكتب لوحدى ما فيهوش ستات
نور / هههههههههههههههههههه
مروان / تهمنا راحتك سمو الاميره
نور / فكرنى ابعت رساله شكر للى بعت الرساله عشان واضح انه قدملى خدمه هههههههههههههههههه
مروان / انا مش عاوز اكتر من كدا اننا نبقى سعدا و الضحكه ترجع تملا البيت ده بدل النكد و الزعيق و القمص و العياط
نور / و انا كمان والله مش عاوزه اكتر من كدا
مروان / خلاص اتفقنا يلا بقى لحسن زمان الاكل برد من بدرى
نور / هاخد على كدا
مروان / ادعيلى انتى بس اترقى كل يوم و كل يوم من دا
نور / هههههههههههههههههه هنشوف
……………………………
بعد كام يوم فى الغردقه
عمر بيتكلم فيديو كول مع أية
أية / واو المكان تحفه فعلا يكون فى علمك انت هتجيبنى هنا فى شهر العسل
عمر / على حسب مجموعك ياختى
أية / انت اوفر اوى انا اصلا ادبى
عمر / لا واضح ان سفرى جاب نتيكه عكسيه و انى لما هرجع هنفخك
أية / هههههههههههههههههههه انا اقصد اقولك حط فى بطنك بطيخه صيفى كدا كدا انا عاوزه تجاره عشان نبقى سوا و لعلمك انا مش ناويه على اى كلام انا ناويه ابقى معيده معاك عشان تبقى قدامى فى البيت و فى الشغل انا بقولك اهو
عمر / و هو احنا نطول
غاده تدخل و تقعد
غاده / مش هتبطل تصوير بقى اللي يشوفك يقول بتراقب طيور القريدس
عمر يلف الشاشه لغاده
غاده / اوووه سورى كملو كملوا
أية / ازيك يا غاده عامله ايه
غاده / الحمد لله على فكره المكان هنا تحفه مش ناقصه غيرك
أية / ما انا اتفقت انا و عمر خلاص اننا هنقضى شهر العسل بتاعنا هنا
غاده / بجد والله ما تنسوش بقى تعزمونى
أية / لا ازاى معقول امال مين هتيجي معايا عند الكوافير و تساعدنى
غاده / اكيد طبعا عن اذنكوا ثوانى
غاده تقوم
عمر / ايه العسل ده
عمر / و هى تستاهل على فكره
أية / صحيح يا عمر لحد دلوقت ما بعتليش ولا صوره مع الوفد الايطالى خالص
عمر / و مش هبعت هههههههههههههههههه
أية / ليه بقى ان شاء الله
عمر / اااااااخ لازم اقفل المترجمه بتنادينى اما اروح اشوف عاوزه ايه
أية / مترجمه ؟؟؟
عمر / و هو انا بتكلم ايطالى ياختى سلام
أية / لا استنى هنا شكلها ايه المترجمه دى
عمر / سلاااام سلام
أية / سلام اوووووف
………………………
فى شقه نهاد
نهاد / والله لو ما كنت جيت النهرده كنت زعلت منك اوى
مروان / انا ما اقدرش على زعلك بس والله انا عامل زى الطور المسحوب فى ساقيه
نهاد / للدرجادى ايه هى رجعت تنكد عليك تانى
مروان / ابدا دى اتغيرت خالص انا بتكلم عن الشغل لا عارف ازوغ و لا فى ماموريات و لا اى حاجه
نهاد / دول عاملين عليك كماشه بقى
مروان / مش فارق معايا قد انى بروح كل يوم الشغل مش بلاقيكى تحسى ان الشركه بقت كئيبه اوى حقيقى
……………………
- يتبع الفصل التالي اضغط على ( رواية سلف و دين ) اسم الرواية