رواية الان اقول احبك كاملة بقلم ندي سامي عبر مدونة دليل الروايات
رواية الان اقول احبك الفصل الحادي عشر 11
و هما بيتكلمو كانت تاليا بنتهم قالتلهم يقفو عند محل عشان تجيب حاجه و لما نزلت و هى لسه بتخرج م المحل لقت تريلا جايه بسرعه كبيره و خبطت العربيه الى فيها احلام و جوزها و ساره كانت سمعت صوت التريلا و صويت و فجاه الصوت سكت
ساره بخوف : احلام .. احلام ردى عليا
مسمعتش حاجه بعد كده عشان الفون قفل ف فضلت خايفه لحد م فارس جه و لاحظ خوفها
فارس : مالك فى ايه
ساره : كنت بتكلم مع احلام و هما وقفو عشان تاليا كانت عايزه تجيب حاجه و بعد كده سمعت صوت تريلا بتزمر و صوت صويت و بعدها الفون قفل
فارس بخوف حاول يداريه : اكيد محصلش حاجه أن شاء الله خير
_______________________
عند احلام
تاليا جريت عليهم وهى بتعيط و قالت بصراخ : مامااااا باباااا حد يساعدنا
الناس كلها اتلمت عليهم و بتوع المحل خرجو و اتصلو ب الإسعاف و كل ده تحت انهيار تاليا و عياطها و صراخها و ناس بتحاول تهديها و ناس تانيه بتحاول تحرك العربيه عشان تطلعهم و لما جت الإسعاف و البوليس كان للاسف احلام و اسلام ماتو و لما خرجوهم كان جسمهم كلو مكسر و مليان دم و تاليا اول م شافتهم قعدت تصوت لحد م أغمى عليهم و ودوهم كلهم المستشفى
_______________________
عند ساره و فارس
ساره : انا مش مرتاحه انا هكلم تاليا احلام كانت بعتتلى رقمها قبل كده استنى هشوفو
قعدت تدور ع الرقم لحد م لقتو و قعدت ترن كتير لحد م حد رد عليها
ساره : تاليا حبيبتى ازيك
_ حضرتك تعرفى صاحبه الفون
ساره بقلق : ايوه مين حضرتك
_ حضرتك صاحبه الفون جت تبع حادثه من شويه و هى حاليا ف المستشفى
ساره بخضه : اييه مستشفى ايه
_ مستشفى ****
قالتها كده و ساره قالت ل فارس و جريو ع المستشفى و هما بيدعو يبقو كويسين بس للاسف ميعرفوش أنهم اتوفو
_______________________
ف المستشفى
دخلت ساره و فارس و هما بيجرو بخوف و راحو للريسبشن بتاعت المستشفى
فارس : لو سمحتى فى اتنين هنا اسمهم اسلام و احلام و معاهم بنت فين
_ هما خدوهم ع العمليات ف الدور التالت
طلعولهم بسرعه و لقو تاليا ف اوضه لوحدها و فى ممرضه معاها ف دخلو الاوضه
فارس للمرضه : هى مالها و فين ابوها و امها
الممرضه : هى جالها صدمه و للاسف إلى جم معاها تبع الحادثه اتوفو
فارس و ساره نزلت عليهم الصدمه و مبقوش عارفين يردو و بدأو يدمعو و ساره بدأت تعيط و فارس بيحاول يهديها رغم أن هو نفسه مش قادر يستوعب و بعد وقت راحو يستلمو جثث*هم و بعد م تاليا فاقت عملو العزا و خدو تاليا تعيش معاهم عشان جدها و جدتهم اتوفو
( تاليا 21 سنه بنت جميله جدا بس عندها مشكله أن لبسها منفتح شويتين بسبب أنها قضت عمرها كلو برا مصر و منزلتش مصر من و هى ف ابتدائى )
_______________________
تانى يوم ف فيلا ساره و فارس
الياس صحى و نزل من اوضتو و هو نازل سمع صوت جاى م الاوضه بتاعت الضيوف ف قال يشوف مين عشان محدش بيدخلها ف راح ناحيه الاوضه و فتح فجأه من غير م يخبط ف إلى جوا اتخطت جامد
الياس : انتى مين و بتعملى ايه هنا
_ انت إلى مين و ايه إلى جابك اوضتى
الياس : اوضتك ايه انتى هبله اطلعى برا
_ لم نفسك انا مش نقصاك
الياس : لا والله عايزانى ابقى شايف واحده داخله تسرق و اسكت
_ اسررق !!
جه ع صوتهم ساره و فارس و هما مخضوضين
ساره : فى ايه يا ولاد صوتكو عالى ليه
الياس : مين دى و بتعمل ايه هنا دى اكيد حراميه
فارس : الياس اتكلم عدل دى يعتبر بنت عمك دى بنت احلام
الياس : طب و فين طنط احلام هى و عمو اسلام
ساره بحزن : الله يرحمهم
الياس بصدمه : ايييه
فارس : عملو حادثه و اتوفو و تاليا هتفضل معانا لحد م تخلص جامعه و يجيلها نصيبها
الياس بحزن : ربنا يرحمهم
ساره : تعالى يا بنتى عشان نفطر
تاليا : لا يا طنط شكرا انا مش عايزه اكل
فارس : مفيش الكلام ده لازم تاكلى يلا
تاليا : مش عايزه والله شكرا كلو انتو
الياس بزهق : انا نازل مستنيكو تحت
فارس بصله شويه و بعدين بص ل تاليا و قال : هبعتلك الاكل ع الاوضه
تاليا : مش قادره اكل يا عمو والله
ف الوقت ده كانت نيروز نازله من اوضتها و شافتهم و بصت ل تاليا باستغراب
نيروز : صباح الخير يا بابا صباح الخير يا ماما ” بصت ل تاليا و كملت ” صباح الخير
الكل : صباح النور
فارس : دى تاليا يا نيروز بنت احلام
نيروز : بجد اخيرا رجعتو وحشتونى اوى مشوفتكوش من و احنا صغيرين
حضنت تاليا بفرحه و هى بتدور بعينها ع احلام
نيروز باستغراب : امال فين طنط احلام
قالولها و هما زعلانين و هى اتصدمت و كانت عايزه تعيط بس مسكت نفسها عشان تاليا و قعدت معاها شويه بتحاول تخرجها م المود الى هى فيه و بعدين سابتها و نزلت معاهم ع الفطار
~~~~~~~~ تحت
ساره : عملتى ايه
نيروز : لسه زى م هى و قالت عايزه تنام ف سبتها و جيت
الياس ببرود : هى هتفضل قاعده كتير !!
فارس بغضب : الياس عيب كده دى بنت احلام يعنى هنا زيها زيكو و بعدين البنت أهلها اتوفو عايزنا نرميها ف الشارع .. مش عشان بتكره البنات بسبب صاحبتك القديمه يبقى كلهم زى بعض زى م بتحب اختك حبها
الياس قام بعصبيه من ع السفره و خد الجاكيت بتاعو و خرج م الفيلا
ساره : مكنتش تفكرو ب البنت دى يا فارس
فارس : ابنك بقى يتعدى حدودو كتير و كده غلط لازم نعرفه ايه العادى و ايه لا
ساره بصتلو و سكتت و نيروز كل ده كانت قاعده ساكته و مش راضيه تعلق
( الياس 23 سنه بجسم رياضى و شبه فارس و واخد نفس جمالو و بيشتغل ف شركه باباه مبقاش يخاف م الناس زى الاول و بقى غير زمان خالص و بقى جرئ و مش بيحب البنات بسبب موقف حصلو من فتره مع واحده … نيروز 22 واخده نفس جمال ساره و محجبه و بتحب الياس اوى و متعلقه بيه من و هى صغيره و هو كمان بيحبها .. خجوله جدا و معندناش جرئه الياس مع انها و هى صغيره مكانتش كده و برضو هبله زى ساره )
_______________________
ف الشركه
دخل الياس المكتب و هو متعصب و كان ملاحظ كده مراد ابن زهران ف راحلو المكتب
مراد : ايه يا ابنى داخل متعصب و بترزع الباب كده ليه
الياس : بقولك ايه سيبنى ف حالى
مراد : فى ايه طيب اهدى كده و احكيلى
الياس حكاله كل حاجه و هو متعصب و مراد بصله ب استغراب
مراد باستغراب : وانت مضايق أنها قاعده معاكو ليه
الياس مردش ف مراد قال : استاذ فارس عندو حق زى م بتحب اختك حبها هى ملهاش دعوه ب إلى حصل زمان
الياس بخنقه : فين ورق الصفقه الفرنسيه
مراد بصله بقله حيله و قال : عندك السكرتيره جابتو الصبح
الياس راح و طلع ورق الصفقه و قعد يبص فيه ف مراد بصله شويه و خرج
( مراد ابن زهران 23 سنه بجسم رياضى و عيون خضرا و حد كاريزما .. هو و الياس و نيروز صحاب من و هما اطفال بس هو و نيوز بقالهم فتره مشافوش بعض )
_______________________
ف الفيلا بليل
دخل الياس و كان الوقت متأخر و كان متأخر مخصوص عشان ميشوفهاش بس و هو طالع شافها خارجه م الحمام
تاليا باحراج : مساء الخير
بصلها بعدم اهتمام و مشيى من غير م يرد عليها
تاليا : بارد
قالت كده و دخلت اوضتها تانى و قفلت ع نفسها
_______________________
بعد يومين
كلهم صحيو و نزلو قعدو ع السفره يفطرو معادا تاليا
ساره للمساعده : معلش دخلى فطار ل تاليا يا صفيه
صفيه : تحت امرك يا هانم
خدت اكل ليها م المطبخ و طلعتلها و قعدت تقنعها تاكل لحد م وافقت و نزلت
فارس موجهاً كلامه ل الياس : هديك اوراق تروح تنقل ل تاليا ف جامعه القاهره ف السن عشان الدراسه بدأت بقالها حبه
الياس : مش فاضى يا بابا ورايا شغل كتير
فارس بجمود : إلى قولتو يتسمع مراد هيشيل مكانك لحد م تيجى
الياس بزهق : تمام يا بابا
ساره بصت ل الياس بعتاب و الياس بصلها و فهم نظرتها بس مقالش حاجه
نيروز : بابا انا كنت متفقه مع سيلا هنزل معاها تجيب حاجات فرحها
فارس : تمام يا حبيبتى روحى بس مع السواق
نيروز بفرحه : حبيبى يا بابا
فارس ابتسم و ساره كمان ابتسمت و بصت ل الياس إلى كان باصص لطبقو بصمت و بعدين قام
الياس : انا همشى يا بابا عايز الورق
فارس : استنى هجيبو م المكتب
راح جابو و رجع ادهالو ف خدها منو و مشى و بعدها ب شويه نيروز طلعت تلبس و نزلت مع صحبتها
_______________________
ف المول
نيروز بتعب : يا بنتى لففتينا المول كلو و مش عاجبك حاجه ايه بقى
_ يا بنتى لازم اجيب حاجه نضيف مش اى كلام
نيروز : حبيبتى انتى شيفانا بنجيب لبس م الزباله يعنى ولا ايه
_ بصى المحل ده شكلو حلو تعالى
نيروز بملل : يا مسهل
دخلو و صاحبتها عجبها الحاجات اخيرا و اشترت و راحو محل تانى و جابو منو و راحو يقعدو ف كافيه و وهما قاعدين فون نيروز رن و كان الياس ف ردت
الياس : نيروز معلش فى ورق مهم ف البيت ينفع لما تخلصى إلى بتعمليه تجيبهولى
نيروز : تمام ورق ايه
قالها ع الورق إلى عايزو و قفل و هى قعدت م صحبتها شويه و مشيت راحت الفيلا خدت الورق و راحت ل الياس
_______________________
ف الشركه
دخلت نيروز و هى بتسأل ع مكتب الياس و قالولها ف الدور الخامس ف طلعت و قبل م دخلت وقفتها واحده
_ معلش بس ممنوع حد يجى هنا الا الموظفين و الناس الكبار
نيروز : طب شاطره كويس انك بتسمعى بالقوانين روحى بقى كملى شغلك
_ ممنوع تطلعى الدور ده و تيجى هنا اصلا اظن انك سمعتى و انا بقول الموظفين بس أو الناس الكبار ” قالت اخر كلمتين و هى بتبصلها من فوق لتحت ”
نيروز : انتى عبيطه يا ماما انتى متعرفيش انا مين
_ هيكون مين يعنى
جه ع صوتهم مراد و هو بيقول : فى ايه ايه إلى بيحصل هنا
_ مستر مراد كويس أن حضرتك جيت الاستاذه دى بقولها ممنوع يجى هنا غير الموظفين و الناس الكبار بتقولى انتى عبيطه و متعرفيش انا مين
مراد لنيروز : معلش بعتذر بس هى عندها حق حضرتك اول مره نشوفك هنا ف عايزين نعرف انتى جايه لمين و ليه
نيروز : انا بنت صاحب الشركه و داخله ل اخويا فى مشكله ف دى
البنت بصتلها بصدمه و خافت عشان هى ممكن ترفدها و مراد بصلها شويه و بعدين افتكرها و ابتسم ابتسامه خفيفه
مراد : نيروز مش كده
نيروز : ايوه .. ممكن ادخل اديلو الورق ده عشان محتاجو
مراد : اه اكيد اتفضلى و انتى روحى شوفى شغلك
البنت مشيت و نيروز بصت ل مراد شويه بتحاول تعرف شافته فين قبل كده و دخلت
~~~~~~~~ ف المكتب
نيروز و هى بتدخل : الواحد لازم بتعب عشان يوصلك ده ايه ده
الياس : ليه حصل حاجه ولا ايه
حكتلو كل حاجه حصلت من ساعه م جت
نيروز : بس والله إلى اسمو مراد ده محترم زودله راتبه
الياس بضحك : انتى مش فاكره مراد بجد
نيروز باستغراب : لا هو مين
الياس : يا بنتى مراد ابن عمو زهران إلى كنا و احنا صغيرين ع طول بنلعب معاه .. انتى بس تلاقى عشان بقالك مده مشوفتيهوش بس إلى بتقولى ازودله راتبه ده مدير برضو ف الشركه
نيروز بصدمه : بتهزر القمر ده هو مراد الرخم بتاع زمان
الياس بصلها جامد و بعدين هى استوعبت قالت ايه ف قالت : قصدى يعنى ازاى ده هو ده اتغير اوى
الياس بصلها شويه و هى اتوترت
الياس : ربنا بقى .. و يلا طرقينا عشان ورايا اجتماع مهم
خلص جملته و الباب خبط
الياس : ادخل
مراد : مش يلا عشان الاجتماع
مراد : اه
الياس : تمام يلا ” وجه كلامو ل نيروز ” السواق معاكى صح
نيروز : اه هنزل اصلا عشان متأخرش
الياس : تمام خلى بالك من نفسك
خرجو راحو الاجتماع و نيروز بصت مكانهم بضيق عشان فاكره ان مراد مش فاكرها أو مظنشها و مشيت
_______________________
ب اسبوعين ف الفيلا
كانت تاليا بدأت ترجع طبيعى بس لسه مضايقه و مش بتخرج م الاوضه و بعد وقت ساره بدأت تخليها تنزل
~~~~~~~~ بليل الفجر
كانت تاليا قاعده ف الجنينه و هى مضايقه و فجأه حست بحد بيدخل الفيلا ف قامت بسرعه تشوف مين عشان المفروض كلهم ف البيت و لما راحت لقت حد بيطلع ع السلم ف …..
- يتبع الفصل التالي اضغط على ( رواية الان اقول احبك ) اسم الرواية