Ads by Google X

رواية سلف و دين الفصل الحادي عشر 11 - بقلم لولو محمد

الصفحة الرئيسية

   رواية سلف و دين كاملة بقلم لولو محمد عبر مدونة دليل الروايات 


 رواية سلف و دين الفصل الحادي عشر 11

نور بتوقف تاكس ما يقفش التانى ما يقفش تنفخ على يخرج من العماره يشوفها يروح يفتح العربيه و يدور و يطلع يركن قدامها
على / هتقفى فى الشمس كتير
نور / بجد مش عاوزه اتعبك
على / متاكده ؟؟؟ يا ستى اعتبرينى تاكس
نور تبصله شويه على يمد ايده و يفتح الباب الورانى
على / اتفضلى
نور تركب و تبص لعلى فى المرايه و تبتسم
………………………..
فى الكليه عند عمر
غاده قاعده بتشتغل على اللاب عمر يروح يشد كرسى و يقعد جنبها ما تبصلوش
عمر / للدرجادى
غاده / عاوز ايه
عمر / الصاحب ليه عند صاحبه ايه
غاده / يعنى ايه
عمر / لما تلاقى صاحبك بيغرق تمشى و تسبيه
غاده / عمر ارجوك
عمر / انا محتاجك جنبى انا ما ليش غيرك انتى و على
غاده / ربنا يخليلك مراتك
عمر / تانى يا غاده على الورق بس مفيش بينى و بينها حاجه
غاده / ما تحاولش يا عمر لو مش منك منها انا شوفتها و شوفت ازاى بتبصلك ازاى بتكلمك ازاى بتجرى وراك
عمر / هتكرهنى ما تخافيش بكره او بعده هتفهم ان مفيش منى رجا هتلعن اليوم اللى عرفتنى فيه
غاده / و ده اللى انت عاوزه
عمر / انا مش عاوز حاجه على راى على انا دايما رده فعل
غاده / و اخرتها
عمر / ما اعرفش مطرح ما هترسى هدقلها
غاده / عمر فوق لنفسك و مستقبلك رسالتك و شغلك
عمر/ عارف كل ده و انا فعلا مش مقصر فى حاجه
غاده / متاكد انك هتعرف تركز فى شغلك بعد كل القرف اللى انت محاوط بيه نفسك
عمر / هقدر مش انتى هتساعدينى اكيد هقدر
غاده / هو انا اهمك فى ايه يا عمر
عمر / انتى فى غلاوه على وقفتوا جنبى فى اصعب وقت فى حياتى وقت ما كانليش فيه اى حد و من غير ما تستنوا منى حاجه
غاده / و فى الاخر روحت للى باعتك
عمر / عارفه انا حياتى عامله زى ايه
غاده / ايه يا سى عمر ايه
عمر / زى اللى اتجرح بسكينه جرح عميق و جاب حته بلستر و غطاها و عاش لا الجرح بيلم و لا الوجع بيروح
غاده / و جوازك من أية هيخفف الجرح ده هيضيع الالم
عمر / لا مش جوازى منها انتقامى منها انى احطها قدامى كل يوم انها تعيش اللى عشته
غاده / انت عاوز تقنعنى انك هتخلى أية تنام على الارض
عمر / ما اعرفش يا غاده بس السبب الوحيد لجوازى منها انها ما تقدرش تهرب منى
غاده / فوق يا عمر أية ما عندهاش اى نيه تهرب منك أية عوزاك بتحبك
عمر / البنات دول عليهم عقول هو اى حد يقول لاى حد بحبك تصدقوا كدا بطلوا جو الرومانسيه و الهبل اللى فيكوا دى فوقى شوفى مين اللى بتتكلم دى ما تعرفش تحب دى اكبر كدابه و ممثله فى التاريخ
غاده / اعمل اللى انت عاوزه مفيش فايده من الكلام معاك
عمر / انصر اخاك ظالما او مظلوما
غاده / ظالما انى ارده عن ظلمه
عمر / بس انا هنا مش الظالم يا غاده
غاده / بكره نشوف يا عمر بكره نشوف
………………………….
فى البيت
سمر قاعده بتعمل سلطه أية تفتح الباب و تدخل
سمر / حمدالله على السلامه اخبار الامتحان ايه
أية / الحمد لله جه فى الجزء اللى زاكرته امبارح
سمر / دعيالك والله تعالى اقعدى جنبى
أية / هو عمر جه
سمر / لسه ما جاش
أية تروح تقعد جنب امها
سمر / اخباركوا ايه
أية / فى ايه
سمر / الناس خبتها السبت و الحد و انا خبتى فيكى ما وردت على حد يا بت اخبارك انتى و جوزك انتى و عمر لسه حرنان عليكى و لا عرفتى تلينيه يا بنت الهبله
أية / ايه الكلام ده
سمر / امال انا بدفن راسى من المغرب كل يوم ليه يا موكوسه مش عشان افضيلكوا الجو كتك خيبه
أية / يا ماما انا ورايا مزاكره
سمر / المزاكره مش هتنفعك الحاجه الوحيده اللى هتنفعك مع عمر لو كنتى بتحبيه زى ما بتقولى هى عيل تربطيه بيه و العيل ده مش بيجى من الكتب يا عين امك
أية / و هو انتى كنتى ربطتى بابا محمود بعيل
سمر / عمك محمود كان عنده بدل العيل تلاته كان متجوزنى عشان يدلع مش عشان يخلف و بعدين ماشى حتى ده انتى فاكره عمك محمود كان متجوزنى ازاكرله و لا اطبخله لو ما كانش مبسوط معايا و متكيف كان حلقلى و رجع لمراته ام عمر
أية / يووووه انا مش فاضيه للكلام ده
سمر / اقعدى انا عارفه انك ما لكيش فى الهئ و المئ و لو حاولتى هتبقى مكشوفه زى الهبله بصى انا عوزاكى تسمعيلى و تطرطقى و دانك و تنفذى اللى هقوله بالحرف اتفقنا
أية / ربنا يستر
سمر / امين يا بنت بطنى يا اخره صبرى امين اسمعى
………………………………….
فى البيت بالليل
عمر يدخل ما يلاقيش حس فى البيت يستغرب يفتح اوضه أية يلاقيها نايمه يروح على اوضه سمر يلاقيها نايمه
عمر / نوم الظالم
عمر يروح المطبخ يفتح الحلل يلاقى محشى و فراخ
أية / اغرفلك
عمر يتخض
عمر / بسم الله الرحمن الرحيم
أية / ههههههههههههههههههههههههههههههههه
عمر / فزعتينى انتى مش كنتى نايمه
أية / قلقت لما قفلت الباب اغرفلك
عمر / اخبار الامتحان ايه
أية / عدى
عمر / زى ما توقعت ما انتى لو تركزى فى ام الكتب و تسيبك من الهبل اللى فى دماغك ما كانش ده بقى حالك
أية تاخد الطبق و تغرف لعمر و ترص صينيه
عمر / حلو والله الادب فضلوه عن العلم
أية / انت عاوز ايه يا عمر اتكلم مش عاجب اسكت مش عاجب اتفضل
أية تسيب الاطباق على الصينيه و تدخل الاوضه و تقفل الباب
عمر / و دا من ايه ده يعنى
عمر ياخد الصينيه و يروح على السفره ياكل ثوانى و أية تطلع تقعد جنبه
عمر / انتى مش المفروض مقموصه
أية / لقتنى جعانه اكل و بعدين اتقمص بعدين
عمر / هههههههههههههههههههههههههههههههههههههه
عمر يبص ل أية يلاقيها مبتسمه يبتسم
أية / انا حليت كويس على فكره صالحت غاده
عمر / اها
أية / مبروك
عمر / عقبالك
أية / امين
عمر / ما بتاكليش يعنى نفسك اتسدت و لا ايه
أية / من ايه عادى يعنى
عمر / حلو المحشى على فكره
أية / كان فى سلطه بس لما اتاخرت ماما رمتها
عمر / ما ليش فيها قد كدا اصلا
أية / انا شبعت انا داخله انام
عمر / و انا كمان شبعت شيلى الاكل و بعدين خشى نامى اكون غيرت هدومى
أية تشيل الاكل و عمر يدخل الاوضه
…………………………….
فى شقه مروان
مروان / ايوه مين على اصلا عشان تركبى معاه
نور / انت بتتخانق معايا على ايه انا دماغى ورمت من الشمس و المحايله على التاكسيات عشان توصلنى لماما
مروان / تقومى تركبى مع راجل غريب
نور / اولا ركبت ورا كانه تاكس عادى و حاسبته كمان
مروان / لا والله جديده و دفعتى كام بقى
نور / عشرين جنيه
مروان / يا شيخه عمرك ركبتى تاكس و روحتى لامك و دفعتى عشرين جنيه بس
نور / هو مرضاش ياخد اكتر من كدا قال دى بونديرته و عداده
مروان / و انتى طبعا ما صدقتى
نور / هو اصلا خدها منى بالعافيه كنت عاوزنى اعمل ايه ما انا كان ممكن ما اقولكش على فكره
مروان / ما كنتيش تقولى يا ست نور ما كنتيش تقولى و كان حد يشوفك و يقولى و كانت ليله اهلك تبقى طيبن بقى ساعتها
نور / اتكلم باسلوب احسن من كدا
1مروان / كل يوم كل يوم نكد مفيش يوم يعدى على البيت ده من غير ما الجيران تسمع بينا مفيش يوم ننام هادين عيب عيب على الست نور المحترمه المتربيه
نور / غصب عنك محترمه و متربيه انت نسيت اصلك بهدله التكسيات رايح جاى بالعربيه و انا بتبهدل فى التكسيات و تيجى تحاسبنى عدنى ركبت اوبر او كريم كان هيجرا ايه يعنى
مروان / مفيش فايده فى الكلام معاكى بصى اعملى اللى يريحك بس المره الجايه ما تجيش تحكيلى انا مش ناقص حرقه دم و قرف اوووف
مروان يشد هدومه و يدخل الاوضه و يرزع الباب
……………………………..
فى اوضه عمر
عمر نايم يسمع انين أية يقوم يبص عليها يلاقيها بتان
أية / لا لا
عمر يصحى أية
عمر / أية أية
أية تقوم مفزوعه و تتعلق فى رقبه عمر و تاخد الوضع الجنبنى
عمر / اهدى دا كابوس دا كابوس اهدى
أية / بيشدنى فى حاجه بتشدنى
عمر / مفيش حاجه
و أية بتحاول تلم رجليها فى حضنها
عمر / مفيش حاجه بتشدك يا أية كنتى بتحلمى انتى كويسه ما تخافيش
أية / رجلى بيشدنى من رجلى
عمر يعدى ايده من على كعوبها
عمر / مفيش حاجه اهو شوفتى
أية / اهو اهو
عمر / دانا ههههههههههههههه يا بت المجنونه انا والله اهو ايدى كنت بوريكى ان مفيش حاجه اهدى
أية تبص يمين و شمال عمر يمد ايده و يولع نور الاباجوره
عمر / كان كابوس ما تخافيش
أية / كان كابوس مرعب اوى
عمر / ما حدش قالك تضربى محشى قبل ما تنامى يعنى
أية / ما انت كلت معايا ما جالكش انت ليه
عمر / اعوذ بالله حتى الحاجات دى بتقروا عليها هههههههههههههههه
أية تحط راسها على صدر عمر و تنام
عمر / و دا ايه بقى
أية / بالله عليك يا عمر
عمر يطفى النور و ينام و هى راسها على صدره و حضناه تحرك ايده و تحطها على شعرها يبتسم و يحرك ايده بالراحه على شعرها مره اتنين تلاته يوقف تحرك ايده بايدها
عمر / ههههههههههههههههههههههه
أية / بالله عليك يا عمر بالله عليك
عمر / امرى لله بس ما تاخديش على كدا
أية تنام و عمر يفضل يعدى ايده على شعرها لحد ما تروح فى النوم خالص
…………………………….
تانى
يوم عند ندى
ست بتحط تلاجه صغيره فى اوضه ندى
ست / حاجه تانى يا ست ندى
ندى / لا شكرا تسلمى
تليفون ندى يرن تمسكه تلاقى اسم حبيبى تستغرب و تفتح
ندى / الو
حسام / اخبار التلاجه الجديده ايه
ندى / حسام
حسام / ليكى حبيب غيرى
ندى تقفل السكه و هى بتنفخ و تفتح الاسامى و تغير الاسم للرزل
ندى / قال حبيبى قال انا ناقصه حرقه دم
تليفون ندى يرن تلاقى الرزل ندى تضحك و ترد
ندى / نعم
حسام / وحشتينى
ندى / احسن عاوز ايه يعنى
حسام / طلبتى من الست تنقلك التلاجه فى اوضتك اشترتلك تلاجه جديده و برده مفيش شكرا
ندى / تمام انا عاوزه الست دى تمشى لو سمحت
حسام / ليه ضايقتك فى حاجه حرام عليكى قطع الارزاق
ندى / حسام ما تستفزنيش انا مش مرتاحه فى وجودها اقولك بناقص يا حسام خليها
ندى تقفل السكه و تروح توصل التلاجه بالكهربا و تروح المطبخ تجيب ازايز ميه و تملاها و تروح تانى تجيب فاكهه و اكل و تملا التلاجه على الاخر و تقفل باب اوضتها بالمفتاح
ندى / بس كدا نتى موبايلى اكلى شربى حمامى تعيش هى بقى فى الشقه … على الله ما يكونش وصل جنانه انه يركبلى كاميره فى الاوضه .. والله بقيت اتوقع منه اى حاجه بجد مفيش كدا ابدا
……………………………..
فى شقه عمر
سمر / هههههههههههههههههههههههه
أية / انا مضايقه من نفسى اوى يا ماما
سمر / ليه مش اتاكدتى انك غاليه عنده تفتكرى كان هيسهر طول الليل لو كان متجوزك ينتقم زى ما بيقول
أية / بس انا ضحكت عليه انا مش عاوزه ابدا حياتى معاه بكدب
سمر / هو اللى بيكدب يا أية مش انتى انتى بس بتفكيه
أية / لنفرض المفروض دلوقت اعمل ايه
سمر / والله انا عن نفسى بقول نضرب على الحديد و هو سخن بس يا ترى هتقدرى
أية / اقدر على ايه ؟؟؟؟؟؟؟؟؟؟؟؟؟
………………………..
فى المطعم
عمر / الورق اللى طلبته
على / تسلم و تعيش
عمر / انت بتشتت نفسك على فكره المحل ده و الجديد و المزاكره
على / هانت خلاص شهر و اللخبطه دى كلها تخلص
عمر / قول يارب
على / مش ناوى تحكى و لا ايه
عمر / احكى على ايه
على / و لا حاجه
عمر / لا بجد فى ايه
على / عنيك بتلمع فيك حاجه
عمر / لا دا الموضوع كبير بقى
على / ههههههههههههههههه الحركات دى مش عليا ياله انا اللى معلمهالك
عمر / مش انت بقيت خبير عيون بص فى عنيا شويه شويه و قولى شايف ايه
على / ايه اللى حصل امبارح
عمر / و لا حاجه صالحت غاده و روحت اتعشيت و نمت
على / قولها تانى كدا
عمر / هههههههههههههههههههه صالحت غاده و روحت اتعشيت و نمت
على / تؤ
عمر/ فى ايه يا على
على / ههههههههههههه مفيش مفيش بص يا عمر مسيرك يا ملوخيه تيجى تحت المخرطه فما تشغلش بالك
عمر / انت بقى فى ايه
على / عارف مثل يخلق من الشبه اربعين
عمر / اه ماله
على / من بين تسعين مليون مصري جاره الحاج انور شبه ندى اوى
عمر / لا و النبى
على / لما بشوفها بحس بده بيرقص
على يشاور على قلبه
عمر / فوق يا على ندى اتجوزت
على / و نور كمان متجوزه
عمر يخبط راسه بايده
عمر / ارحمنى يا رب
على / انا ما قولتش حاجه انا بس بحس انها وحشانى اوى و لما بشوف نور يعنى هى ما بتهونش كل حاجه بس مش عارف اوصفلك انت حاسس بيا فاهمنى
عمر / بحاول
على / مش قادر انساها مش قادر ساعات بحس انها بتنادينى بقوم من النوم مفزوع هو انا اتجننت خلاص يا عمر
عمر / لا يا على انت مجنون من زمان
على / طمنتنى الحمد لله
عمر / الحمد لله
على و عمر يبصوا لبعض و يضحكوا
………………………………….
فى شقه عمر
عمر يدخل يلاقى سمر قاعده بتتفرج على التليفزون
سمر / حمد الله على السلامه احطلك تتعشى
عمر / اكلت بره
سمر / كنت عوزاك فى موضوع
عمر / خير
سمر / تعال اقعد
عمر يروح يقعد
عمر / أية فين
سمر / بتزاكر فى اوضتها …. بص انت عارف ان ليا بنت عم فى البلد ما ليش فى الدنيا غيرها
عمر / عارف
سمر / كلمتها النهرده اطمن عليها ابنها قلى انها تعبانه اوى فكنت بفكر اروح اطمن عليها
عمر / هو انا حابسك ما تروحى
سمر / أية امانه فى رقبتك يا عمر بالله عليك و حياه اغلى حاجه عندك ما تاذيها
عمر / ترجعى بالسلامه محتاجه فلوس للسفر
سمر / معايا
عمر / براحتك عن اذنك
عمر يسيبها و يدخل الاوضه يلاقى أية بتزاكر على السرير
أية / اقفل ؟؟
عمر / مفيش داعى انا هقعد اشتغل جنبك
أية تهز راسها و تكمل عمر يفتح الدولاب و يطلع اللاب بتاعه و بحط فلاشه و يفتح ملفات و يراجعها على السرير جنبها ثوانى و يضرب بعينه يلاقى أية راشقه عينها فى اللاب يبتسم و يفتح ملف ورد و يكتب : اقر انا عمر محمود حقى انى متزوج من اكتر بنت حشريه شفتها فى حياتى
أية / ايه ده
عمر / هههههههههههههه تعرفى تخليكى فى حالك و مزاكرتك احسن
أية / مانا بزاكر هو انا يعنى بلعب دا انت رخم
عمر / اه ان كان عاجبك
أية تنفخ و تلم كتبها و تقوم تطلع فى الصاله و عين عمر معاها و بعدين يكمل شغل
………………………………..
فى شقه ندى
ندى ماسكه الموبايل و قاعده بتلعب و شويه و تليفون يرن فى ايدها برقم غريب ترد بتردد
نور / كدا يا واطيه مفيش مره تسالى على اختك
ندى / نور وحشتينى اوى اخبارك
نور / لا يا شيخه عليا انا الكلام ده يا بت دا انتى ما كلفتيش نفسك مره تدينى مسد حتى
ندي / والله يا نور غصب عنى اصلا اخوكى لسه جايبلى موبايل من مفيش حتى بابا و ماما ما بعرفش اكلمهم
نور / انا خدت رقمك من حسام المهم انتى طمنينى عليكى
ندى / تعبانه اوى يا نور و نفسى ارجع مصر اوى مخنوقه هنا
نور / للدرجادى
ندى / انتى مش متخيله انا عايشه فى سجن هاين عليا اولع فى نفسى و اخلص
نور / بطلى هبل ليه كل ده يعنى
ندى / اسالى اخوكى ياختى يلا حسبى الله و نعم الوكيل
نور / انتوا متخانقين و لا ايه
ندى / نور بالله عليكى كلمى عموا يخليه يرجعنى مصر بالله عليكى يا نور انا تعبت هنا و هو مش بيسمعنى و انا بموت هنا بجد بموت
نور / حاضر حاضر والله هكلمه بس انتى اهدى و ما تعمليش فى نفسك كدا
ندى / حاسه انى لوحدى مليش حد اتكلم معاه و لا حد اشتكيله حاسه انى مخنوقه و كارهه نفسى خايفه من بكره اوى يا نور
نور / ليه كل ده يا بنتى معقول ندى هى اللى تقول كدا
ندى / ندى هتموت هنا
نور / بعد الشر يا بنتى حرام عليكى …. بصى انا هقفل معاكى و انتى اهدى كدا و هتكلم مع حسام و انا متاكده اننا هنلاقى حل ماشى
ندى / ماشى
نور / اهدى كدا و بطلى عياط و قومى اغسلى وشك و اتوضى و صلى ركعتين انا متاكده ان دى عين انتى مش متخيله اصلا الناس ما بترحمش
ندى / ماشى مع السلامه
نور / سجلى رقمى بقى و ابقى كلمينى سلام
ندى / سلام
ندى تقفل السكه و تتنهد و بعدين تكتب رقم و تمسحه تكتب و تمسح و بعدين تتصل و تحط ايدها على الموبايل
على / الو …. الو … الو
ندى تقفل السكه و تحط الموبايل جنبها و تعيط
……………………………
عند حسام
حسام / والله يا نور اعملها ايه بس فسح و فسحتها و خروجات و ما خلتش مش انا ببعتلكوا الصور اول باول اعمل ايه اسيب شغلى و اقعدلها يعنى
نور / ما اعرفش يا حسام بس بجد حالتها وحشه اوى
حسام / يا نور يا حبيبتى افهمى انا كنت ناوى فعلا لو حصل حمل اخليها تنزل مصر اهو على الاقل تاخدوا بالكوا منها لكن الدكتور قال ان السفر فى خطر على حياتها و انها محتاجه راحه و هى ما بتريحش خالص دانا والله جبتلها خدامه تاخد بالها منها
نور / والله مش عارفه اقولك ايه
حسام / الدكتور قالى ان ده ممكن يكون اكتئاب حمل عادى فتره و هيروح خصوصا ان الفتره دى ترجيع و قرف
نور / ربنا يقومها بالسلامه
حسام / نور بالله عليكى ما تقولى الكلام ده لحد انا مش عاوزهم يقلقوا انا والله مش مقصر معاها بس انتى عارفه انها صغيره و مدلعه و بتعمل من الحبه قبه
نور / ايوه يا حسام بس
حسام / هو انا هاذيها يا نورمعقول يعنى هضرها دى مراتى يا ناس و اللى فى بطنها ابنى حد هيسيب ابنه يموت يعنى و يقف يتفرج
نور / انا فاهمه يا حسام بس بالله عليك حاول تتصرف
حسام / انا والله غصب عنى مسافر يومين و راجع غير كدا ما بسبهاش لوحدها ابدا
نور / ربنا يهدى سرها و يرجعك بالسلامه
حسام / المهم طمنينى انتى عليكى يا نونو
نور / انا كويسه طول ما انت بخير
حسام / انا لازم اقفل يا قلبى معلش هحاول اكلمك تانى
نور / لا ولا يهمك روح و خد بالك من نفسك
حسام / لا اله الا الله
نور / محمد رسول الله
…………………………………
فى اوضه عمر
أية تفتح الباب تلاقى الاوضه ضلمه و هو نايم تنفخ و تروح تنام الناحيه التانيه و تفرك فى السرير شويه و بعدين تروح تحشر راسها بين ايديه و تنام فى حضنه يشد عليها الغطا و يناموا
…………………..
تانى يوم
عمر نايم الموبايل يرن يقوم يطفيه و يدعك وشه بايده يلاقى أية داخله بتجرى على الاوضه
أية / صباح الخير
عمر / صباح النور
أية / الفطار جاهز
عمر / خير اللهم اجعله خير
أية / فى ايه يا عمر الحق عليا تصدق انا الغلطانه
أية تمشى و عمر يقوم ياخد غيار و يدخل الحمام شويه و يطلع يلاقى أية لابسه و بتحط كتب فى شنطتها
عمر / امك فين مش باينه يعنى
أية / سافرت البلد
عمر / بدرى كدا .. يلا احسن برده و انا اقول مال البيت هواه نضيف ليه
أية / دى امى يا عمر
عمر / و انا اعمل لامك ايه
أية / ربنا يسامحك
عمر / هتتاخرى النهرده فى الدروس
أية / اخرى الساعه اربعه و هروح … صحيح بعد بكره اول الشهر
عمر / كل سنه و انتى طيبه
أية / اول الشهر يا عمر مصاريف الدروس ماما قالتلى اطلبها منك
عمر / و كام بقى
أية / خمسميه جنيه
عمر / من عنيا حاضر اقعدى افطرى
أية / انت بجد هتدهملى
عمر / هو انتى عوزاهم عشان الدروس بجد و لا بتدحكى عليا عشان عاوزه فلوس
أية / الدروس بجد
عمر / خلاص هديهملك و لو عوزاهم النهرده هديهملك النهرده كمان
أية / اخبار غاده ايه
عمر / و انتى مالك بيها انتى ليه مش قادره تخليكى فى حالك
أية / انت ليه بتعاملنى كدا ليه كل ما احاول افتح معاك كلام بتجرحنى كدا
عمر / كل ما قللتى معايا فى الكلام كل ما قل التجريح انا نازل تيجى اوصلك
أية / طريقنا مش واحد
عمر / براحتك
عمر ياخد شنطه اللاب و ينزل و أية تشيل الاكل و هى زهقانه
……………………………
فى الشركه عند مروان
نهاد قاعده بتشتغل مروان يقعد و يحط كوبايه فيها نسكافيه على المكتب قدام نهاد تبصله
مروان / عملتلك معايا
نهاد / و ما خفتش مراتك تشوفك
مروان / انتى اللى بتقولى كدا
نهاد / بص يا مروان انا اكتر واحده بتحترمك فى الشركه دى بس ما كنتش مستنيه ابدا يجرالى كدا من وراك
مروان / والله اتكلمت معاها جامد
نهاد / انا ما بقولكش كدا عشان تتخانق معاها بسببى انا اخر حاجه عوزاها انى اكون سبب فى مشاكل فى حياتك مروان انت عارف انت قد ايه غالى عندى و قد ايه استقرار حياتك يهمنى و صدقنى لو حسيت فى ثانيه انى بهدد الاستقرار ده انا مش هتردد ثانيه انى انسحب من حياتك
مروان / و مين قالك انى عاوزك تنسحبى من حياتى او حتى انك بتهددى استقرارها انتى اكتر واحده عارفه ظروفى و ظروف نور انا لو سلمت على مرات البواب و لا حتى لعبت فى شعر عيالهم بتعمل فيلم موضوع الخلفه طيرلها عقلها
نهاد / و موضوع الخلفه ده ذنبى
مروان / و لا ذنبى انا و انتى اصدقاء و من فضلك ما تسمحيش لاى حاجه تاثر علينا صدقينى يا نهاد انا فعلا ببقى مرتاح جدا و انا بتكلم معاكى بجد بفصل عن كميه الكئابه و النكد اللى فى حياتى
نهاد / و انا كمان والله يا مروان بجد بنسى نفسى و انا بتكلم معاك بنسى اى مشاكل بقابلها فى حياتى
مروان / بس انتى عمرك ما اشتكيتى ان عندك مشاكل يا نهاد
نهاد / عشان ببقى نسياها بجد و انا معاك بحس ان همومى كلها اتبخرت بس بمجرد ما كل واحد يرجع حياته بفتكر كل القرف اللى عندى و حتى لو حاولت انسى هما مش بيسيبونى فى حالى
مروان / مين
نهاد / الناس الدنيا حتى اهلى اقولك ايه حتى نور يوم عيد ميلادى
مروان / انا فعلا اسف على اللى هى عملته
نهاد/ تصدق لو قولتلك انى عزراها جدا تعرف انا لو مكانها كنت كلتنى بسنانى
مروان / ههههههههههههههههههه للدرجادى
نهاد / طبعا اللى تتجوز واحد زيك يا مروان لازم تحارب الدنيا كلها عشانه
مروان ونهاد يبصوا لبعض و يبتسموا
……………………………
فى الدرس
أية بتكتب تيجى على موبايلها رساله الموبايل ينور و يطفى تشده تحت الترابيزه و تقراها و تبتسم و تكمل الدرس
……………………..
عند ندى
باب اوضتها يخبط و ندى نايمه تقوم تفتح تلاقى حسام فى وشها
حسام / صباح الخير
ندى تحاول تقفل الباب يمنعها تسيب الباب و تدخل يدخل وراها و يقفل الباب
حسام/ اول ما نور كلمتنى و قالتلى انك تعبانه اوى سبت اللى ورايا و اللى قدامى و جيتلك جرى
ندى ما تردش
حسام / عجبنى اللى عملتيه فى الاوضه
ندى / انت عاوز ايه
حسام / سلامتك
ندى / اطلع بره
حسام / ايه اللى جرالنا ليه بتعاملينى كدا
ندى / انت شايف انك تستاهل معامله احسن من دى
حسام / اكيد بس لو دا اللى عندك انا راضى
ندى / حسام انت لازم تفهم ان عمايلك دى اخرتها الوحيده انى كل يوم هكرهك عن اللى قبله
حسام يحاول يحط ايده على بطنها ترجع ورا يبتسم
حسام / كل ده هيتغير لما يتولد ابننا
ندى / مش هتقدر تحبسنى هنا العمر كله مسيرك فى يوم هترجعنى مصر مش هتفضل هنا عمرك كله يعنى
حسام / و لما نرجع مصر هتعملى ايه
ندى / هقول للكل على الحقيقه هفضحك و هفضح ابويا و عليا و على اعدائى
حسام / و ليه تستنى اما ننزل مصر هاه هتفضحينى فين عند ابويا و لا عند امك بما ان امك كانت بتساعدنى فبيتهيالى الاجابه هتكون ابويا
حسام يطلع موبايله و يتصل بابوه
حسام / ايوه يا بابا ازيك …. انا الحمد لله كويس اخبارك و اخبار ماما …. ندى ؟؟؟ كويسه كانت عاوزه تتكلم معاك فى حاجه … ثوانى هديها الموبايل
حسام يدوس هولد
حسام / قوليله الحقيقه قوليله اخوه و ابنه عملوا ايه
ندى تبص لحسام و تبص للموبايل باستغراب
حسام / قوليله و اى كان حكمه انا هوافق عليه
ندى تمسك الموبايل و حسام يروح يقعد و يبص عليها
ندى / الو
محمد / الو ازيك يا ندى يا بنتى عامله ايه و اخبار حزومبل ايه طمنينى
ندى تبص لحسام يشاورلها احكى
محمد / ايوه يا ندى حسام كان بيقول انك عوزانى فى حاجه
ندى تاخد نفسها
ندى / انا عاوزه انزل مصر
محمد / ايوه يا بنتى بس الدكتور قال ان ده خطر عليكى و على حملك انا عاوزك تعقلى يا بنتى انا عارف ان الغربه صعبه بس حياتك غاليه يا بنتى لو مش عشانك عشان البيبى اللى فى بطنك
ندى / البيبى ده ما يهمنيش
محمد / استغفر الله العظيم ليه بتقولى كدا يا بنتى
ندى / عشان عشان عشان ابن حرام
محمد / لا اله الا الله فى واحده عاقله تقول كدا على ابنها
ندى تبص لحسام و عنيها كلها دموع و هو مبتسم
محمد / حسام قالنا ان عندك اكتئاب حمل بس ما كنتش متخيل ابدا انه ممكن يوصل للدرجادى استهدى بالله يا بنتى و قومى اتوضى و صلى ركعتين لله ربنا يهديكى لنفسك و لجوزك
ندى / انا مش متجوزه
محمد / ندى
ندى / اسال بابا انا ما اتجوزتش
محمد / ادينى حسام
ندى / انت لازم تصدقنى حسام خاطفنى هنا انا لازم ارجع مصر انا ما ليش غيرك
محمد يقفل السكه
ندى / الو … الو
حسام ينفخ و يقوم ياخد منها التليفون و هى تقعد فى الارض تعيط
حسام / بابا شافك فى الفرح و شافك فى الفندق
ندى / كل ده كان تمثيل كل ده كان خطتك عشان ما حدش يصدقنى انا عملت ده عشان الفضايح و انت عارف
حسام / ندى اهدى
ندى / لو قدرت تكدب على الدنيا كلها هتكدب على ربنا ازاى هتقوله ايه
حسام / لا و انتى ملاك ما غلطتيش
ندى تبصله باستغراب
حسام / نمتى فى سرير واحد و اوضه واحده جنب واحد مش جوزك ليه
ندى / انت عارف
حسام / سافرتى بلد غريب مع واحد مش جوزك ليه
ندى / انت حيوان
حسام / و انتى مجنونه و لو ما عقلتيش يا ندى انا مش هقدر احميكى و زى ما انتى عندك استعداد تهدى المعبد انا كمان ممكن اهده و تلاقى نفسك مرميه فى اعفن مستشفى مجانين هنا او حتى فى مصر
ندى / انت بتهددنى
حسام / انا بفوقك انا عندى بدل الشاهد على جوازنا مليون عندى بدل الشاهد انك جيتى معايا هنا برضاكى و متجوزانى و سعيده معايا هنا مليون شاهد لكن انتى مين هيصدق تخريفك ده فجاه بعد ما حملتى اكتشفتى اننا مش متجوزين فجاه
ندى / اطلع بره
حسام / اعقلى عشان وشى التانى هيزعلك
ندى / اعلى ما فى خيلك اركبه اطلع بره اطلع ربنا ياخدك اطلع بره
حسام يطلع و ندى تقفل الباب و تقعد وراه تعيط
…………………………
قدام الدرس
أية تطلع تجرى تلاقى عربيه و عمر راكب قدام تجرى تركب جنبه
أية / ايه المفاجاه الجامده دى انا كنت هطير من الفرحه فى الدرس
عمر / عارف ان مفيش اكل فى البيت قولت تفصلى شويه عشان تعرفى تركزى فى المزاكره
أية / لا لو كل مزاكر اكتر هتفسحنى اكتر دانا اكل الكتب اكل
عمر / اتفقنا
أية / بجد
عمر / بجد و لو فاجاتينى و جبتى مجموع ليكى منى اللى تطلبيه
أية / امممم اى كان اللى اطلبه
عمر / على حسب مجموعك هاه تحبى تاكلى ايه
أية / اى حاجه انا فرحانه و نفسى مفتوحه و ممكن اكل عجل بحاله
عمر / يا ساتر
عمر يسوق العربيه و أية فى منتهى السعاده
……………………………
فى الشركه
اجتماع فى الشركه و غاده قاعده بتتكلم مع الناس
واحد / و دا كلو واضح فى دراسه الجدوى اللى قدمناها فى ملف المشروع
غاده / بس الريسك عالى جدا و دا تقريبا مهمل تماما فى الجدول العملى و لو اتاخرنا فى التسليم هنتحط تحت رحمه الشرط الجزائى و دى مجازفه ما اقدرش اخدها انا اسفه جدا
الباب يخبط و يتفتح و عمر يدخل و فى ايده ورق
عمر / انا اسف جدا على التاخير بس كانت ظروف خارجه عن ارادتى
عمر يدخل و يحط الورق قدام غاده و يقعد جنبها
غاده / كنت بقول ان مفيش دراسه كافيه للمخاطر فى دراسه الجدوى
عمر / خدت بالى و سهرت عليها الفتره اللى فاتت و هتلاقيها عندك فى الملف الجديد بتاع المناقصه
غاده / تمام هحتاج وقت عشان ادرسه و هرد يوم الخميس
عمر / تمام
غاده / تقدروا تتفضلوا
الكل يقوم و عمر بيلم حاجته يلاقى غاده بصاله
عمر / بصى انا عارف انى اتاخرت بس والله الطريق كان زحمه جدا و على ما وصلت ايه و رجعت انا حقيقى اسف اوى
غاده تبص الناحيه التانيه و ما تردش
عمر / قولت اسف بقى ما تبقيش مديره رخمه
غاده تضحك و تحاول تداريها
عمر / بقولك ايه
غاده / ايه
عمر / انا اسف
غاده / ماشى انا جعانه قوم نتغدى
عمر / اممم انا سبقتك اتغديت مع أية
غاده / والله و ماله
عمر / مامتها مسافره فمفيش اكل فى البيت فاتغدينا بره و روحتها و جيتلك
غاده / كان ممكن تبعت الملفات فى الايميل و ما تجيش على فكره
عمر / و اضيع على نفسى فرصه انى اشوفك
غاده / انت عاوز ايه يا عمر
عمر / وحشتنى ايام ما كنا صحاب ايام ما كان عندى اللى اتكلم معاها فى كل حاجه و انا مرتاح مش هتقعد تقطم فيا و تهزقنى
غاده / انا بخاف عليك
عمر / عارف و مقدر ده عشان كدا بلف اللف و ارجعلك
غاده / انا حقيقى مرهقه
عمر / بقولك ايه انتى جعانه قومى هعزمك على الغدا
غاده / انت مش قولت اتغديت
عمر / اه بس مفيش مانع انى اشرب قهوه
غاده / مفيش داعى انا اصلا مرهقه و هروح
عمر / اوصلك
غاده / معايا عربيتى سلام
غاده تقوم و تمشى
…………………………..
فى شقه نور
مروان / غريبه اوى فعلا دى
نور / بابا حالته زفت و عمال يضرب اخماس فى اسداس
مروان / طب و عمك رايه ايه فى الموضوع ده
نور / رايه ايه فى ايه بابا ما قالوش حاجه طبعا اصلا ما قالش حاجه لحد ماما بالعافيه عرفت تخرج الكلام منه لما لقته بيكلم نفسه و قلقان على ندى جدا و ماما بقى ما اقولكش عماله تعيط
مروان / انتوا مكبرين الموضوع ليه تلاقيهم متخانقين و هى افورت يعنى
نور / متخانقين ايه يا مروان انا مكلماها بنفسى فاكر قالتلى ايه ندى ما عادتش طبيعيه خالص حسام نفسه بيقول ان حالتها بقت خطيره و ان الدكتور حظره
مروان / كل ده بسبب الحمل معقول ممكن يوصل لكدا
نور / ماما بتقول محسوده او حد عاملها حاجه قلباها كدا الله يعينه حسام
مروان / ايه الكلام ده ليه يعنى ما كل الستات بتحمل و تولد يعنى عملت ايه جديد يعنى
نور/ امال تفسر بايه كل ده انت مش متخيل ماما عماله تتصل بحسام تتحايل عليه ينزل ندى مصر يوديها لشيخ
مروان / هى حصلت يا نور امال لو ما كنتيش متعلمه و فاهمه اصلا حسام عمره ما هيقبل يحط مراته و ابنه فى موقف زى ده حسام عاقل و انا عارفه هيروح يرميهم بايده للعرافين و الدجالين بدل ما ياخدهم لدكتور متخصص لا يا شيخه لا لا ما تقولوش كدا
نور / دا كان راى حسام فعلا
مروان / انا رايى انكوا تحكوا كل حاجه لابوها و امها و هما لما هيكلموها هيعقلوها
نور / ادعيلها يا مروان ربنا يعدى الايام دى على خير
مروان / امين يا نور
………………………………
فى شقه عمر
أية لابسه قميص نوم طويل بروبه و بتحط اطباق على السفره و تايد الشمع تسمع صوت حد بيحط المفاتيح فى الباب تجرى على الاوضه جوه و تبص فى المرايه و تجرى تطلع تسمع صوت بره
……………….
فى الصاله
عمر / ادخل يا على
على / بسم الله ما شاء الله ايه ده ما انت مدلع اهو
عمر / أية … أية … ثوانى هدخل اشوف راحت فين دى
على / و انا هستناك هنا مع اضواء الشموع ههههههههههههههههههه
عمر يشاور لعلى بايده و هو بيضحك و يدخل الاوضه يشوف أية يبصلها بانبهار مع صفاره صوتها واطى و هو ماسك ايدها و بيلفها بالراحه
عمر / ايه القمر ده
أية / هو ايه اللى جاب على
عمر يقفل الباب بالراحه برجله و يشد أية ناحيته و أية بتبص فى عنيه
عمر / ما انا لو اعرف انك هتلبسى كدا ما كنتش جبته
أية / حلو بجد
عمر يقرب اكتر و يشد رباط الروب بايده و يزقه من على كتافها بالراحه يقع الروب على الارض أية تبص فى الارض بخجل
عمر / انتى حلوه اوى يا أية بس ياريت ما ترخصيش نفسك قدامى تانى
أية تبصله باندهاش
عمر / انا مش عاوزك و اللى بتعمليه ده مش هتستفيدى منه اكتر من انك تحطى نفسك فى مواقف انتى فى غنى عنها
أية / برخص نفسى !!!
عمر / ركزى فى مزاكرتك احسن
عمر يجى يمشى أية تمسكه جامد
أية / هى الواحده لما تحاول تحافظ على بيتها و جوزها يبقى بترخص نفسها انت جوزى على سنه الله و رسوله انت مش جايبنى من الشارع انا مراتك
عمر / ما تقوليش كلام اكبر من سنك انتى عارفه كويس احنا متجوزين ليه
أية / ليه يا عمر اتجوزتنى ليه
عمر يجى يمشى أية تمسكه
أية / ما تهربش منى رد عليا اتجوزتنى ليه
الباب يخبط أية تسيب عمر و تروح تقعد قدام التسريحه بعيد و ضهرها لعمر
على / انت نمت و لا ايه
عمر / ثوانى و جاى
صمت ثوانى
عمر / غيرى هدومك دى و تعالى اتعشى و سيبك من الهبل اللى فى دماغك ده
عمر يفتح الباب و يطلع و يقفل الباب وراه أية ترفع عينها تبص على نفسها فى المرايه بحزن و دموعها تنزل ورا بعض ورا بعض تمسحها و تقوم تفتح الدولاب
………………………..
على السفره
عمر يطلع يلاقى على قاعد بيحرك صابعه على طرف الكبايه يرفع عينه و يشاور لعمر يقعد و يتكلموا بصوت واطى اوى
على / من اللى سمعته واضح ان الخناقه ما كانتش بسببى زى ما توقعت الظاهر انك مش محتاجنى عشان تنكد عليها ههههههههههههههههههههههه
عمر يرفع عينه يبص على على
على / اووووه واضح ان مش هى بس اللى اتنكد عليها النهرده
عمر / كان معاك حق سفر سمر كان وراه حاجه بس ما كنتش اتخيل انها ….
على / امشى ؟؟
عمر / انا داخل انام البيت بيتك
عمر يقوم و يفتح باب الاوضه يلاقى أية نايمه على جنبها و مدياله ضهرها و يسمع صوت الباب بيتقفل يتنهد و ياخد بجامته و يمشى
…………………………..
فى شركه مروان تانى يوم
نهاد / هههههههههههههههههههههههههه
مروان / بتضحكى
نهاد / طب بمزمتك دى مش حاجه تضحك
مروان / عادى يعنى بقولك ايه انتى هتسافرى المؤتمر
نهاد / طبعا دا انا بستناه من السنه للسنه قولى بقى انك مش هينفع تيجى زى كل سنه عشان نور اتقمصت
مروان / لا طالع
نهاد / بتهزر نور وافقت انك تبات لوحدك بره البيت اسبوع بحاله
مروان / ههههههههههههههههههههههههههههه انا لسه ما فاتحتهاش اصلا
نهاد / هههههههههههههههههههههههه طب ما تتكلمش بقلب جامد بقى و تقول طالع الا لما تاخد الاذن الاول
مروان / فى ايه يا نهاد بتتكلمى كانى عيل صغير و مستنى الاذن من امى مثلا
نهاد / انت اتنرفزت كدا ليه انا ما قولتش حاجه و يا سيدى هو انا هزعل ان هيبقى معايا صحبه حلوه اوى كدا فى المؤتمر انا هقوم اودى الملف ده و اجيلك عن اذنك
……………………………
بالليل فى شقه عمر
عمر يفتح باب الاوضه يلاقى أية قاعده على السرير و بتزاكر يفتح الدولاب و يطلع فوطه و غيار و يكلم أية و أية بترد من غير ما تبصله
عمر / هى امك عجبتها القاعده و لا ايه
أية / ما اعرفش ما كلمتهاش
عمر / متخانقين و لا ايه
أية / لا
عمر / انا هسافر و ما كنتش عاوز اسيبك لوحدك
أية / عادى انا مش صغيره
عمر / مش هتسالى مسافر فين او مع مين
أية / لو كنت عاوز تقول كنت قولت
عمر / هسافر رحله تبع الجامعه و على فكره غاده كمان طالعه
أية / تيجوا بالسلامه
عمر يستغرب و يحاول يدارى
عمر / مش هتسالى هسافر امتى
أية / مش فارقه
عمر / هههههههههههههههههههههه دا انتى زعلانه اوى بقى
أية تبصله
أية / انت فاضى اوى بقى انا ورايا مزاكره على فكره
عمر / واو ماشى تصبحى على خير
عمر يخرج من الاوضه و أية تقفل الكتب و تطفى النور و تنام و هى بتنفخ
………………………….
فى شقه نور
نور / و مدام انت قررت و سجلت بتاخد رايى ليه
مروان / الله يعنى تصحى في يوم ما تلاقينيش يعنى مش لازم تبقى عارفه تشوفى هتعملى ايه
نور / هعمل ايه فى ايه المفروض انك كنت تقولى قبل ما تسجل
مروان / اخد الاذن يعنى
نور / هى بقى اسمها كدا دلوقت
مروان / و كعاده كل حاجه فى حياتنا هنقلبها نكد و خناق بصى امسكى التليفون و اشتكى لامك و اختصرى الجاز و لا اقولك روحى خبطى على الجيران و اشتكيلهم
نور / انت بتكلمنى كدا ليه
مروان / عشان انا تعبت انا مسافر مؤتمر تبع الشغل مش رايح اتفسح
نور / خلاص اجى معاك
مروان / فين
نور / المؤتمر
مروان / صبرنى يارب هو انا رايح فسحه هتيجى معايا ليه تفهمى ايه انتى فى شغلى عشان تيجى معايا اصلا
نور / يعنى هو الاربعه و عشرين ساعه مؤتمر اكيد هيبقى فى وقت لنفسنا
مروان / لا طبعا بس الوقت اللى مش هبقى فيه فى المؤتمر هبقى بريح عشان اعرف اكمل مش هبقى فاضى لسموك
نور / انا مش عارفه اقولك ايه بصراحه
مروان / قولى تروح و تيجى بالسلامه يا حبيبى
نور / ماشى
مروان / هههههههههههههههههههههه ماشى ماشى تصبحى على خير انا داخل انام
نور / ماشى
……………………………
فى شقه عمر
عمر يخرج من الحمام يروح على الاوضه يلاقى أية نايمه و مستغطيه و مدياه ضهرها يدخل و ينام جنبها على جنبه ووشه ليها و باصصلها
عمر / نمتى
أية ما تردش
عمر / معقول لحقتى تنامى
أية تلفله عمر يبتسم
عمر / تحبى تيجى معانا
أية / عندى امتحانات
عمر / ماشى اللى تشوفيه
أية / تصبح على خير
أية تلف و تديله ضهرها
عمر / و انتى من اهله
عمر ينام على ضهره و يبص للسقف ثوانى و يبص عليها بحزن
……………………………….
فى شقه امانى بعد اسبوع
امانى / و الله انا من الاول ما كنتش مرتاحه للجوازه دى
مها / اهدى كدا يا امانى كل حاجه و ليها حل
امانى / عشان تعرفى بس الفرق بين مروان و حسام عشان تعرفى ان ندى فى نعمه
مها / ربنا يهدى الجميع المهم نور عامله ايه دلوقت
امانى / هتعمل ايه قاعده جوه حاطه ايدها على خدها مستنيه الفرج و كل ما تتصل بيه ياما مقفول ياما يكنسل و ما يردش و ان رد يقفلها فى الكلام
مها / ما يمكن مشغول فعلا
امانى / مشغول فى المشمش مهو كل سنه بيعتزر عن المؤتمر ده اشمعن يعنى السنادى اصلا كان المفروض ياخد باله من تصرفاته اكتر من كدا خصوصا بعد ما قفشناهم سوا
مها / ما انتوا كبرتوا الموضوع برده يا امانى و بعدين بطلى تقولى الكلام ده قدام البنت و تسخنيها على جوزها
امانى / جوزها دا انا لو كنت جوزتها فرده جزمه شمال كانت نفعتها احسن منه بلا وكسه
نور تطلع من الاوضه لابسه
امانى / على فين يا نور
نور / ازيك يا طنط مها …. هخرج شويه زهقت من البيت هتعوزوا حاجه من بره
مها / بقى انا جايه اقعد معاكى تسبينى و تمشى
نور / مشوار صغير كدا يا طنط و راجعه بس بجد كنت مخططاله من امبارح بعتزر عن اذنكوا
نور تمشى
مها / تفتكرى سمعتنا
امانى / ما اعرفش
………………………………
فى شقه عمر
سمر / و انتى هتفضلى مخصمانى كدا كتير
أية / انا مش مخصماكى
سمر / يا بنتى قولتلك مليون مره هو عمل كدا عشان على كان موجود بدليل انه بيجر معاكى ناعم من ساعتها
أية / خلاص يا ماما حوار و خلص انا عندى امتحان بكره فى الدرس عشان خاطرى سبينى ازاكر
سمر / طب على الاقل كليلك لقمه
أية / لما هجوع هاكل
سمر / بشوقك انا هروح اجهز الغدى هو هيسافر امتى صحيح
أية / بكره
سمر/ ماشى لو عوزتى حاجه نديلى
أية تهز راسها بابتسامه و سمر تطلع و تقفل الباب
………………………
فى عربيه على
عمر راكب جنب على سايق
عمر / نكد فى الكليه و نكد فى الشركه و نكد فى البيت حاجه تقرف
على / يابنى كبر مخك مش هتخلص
عمر / طب أية و ليها حق و عازرها لكن غاده بتعمل معايا كدا ليه
على / هههههههههههههههههههههههه بجد !!! لا يا شيخ
عمر / بتكلم جد يا على
على / مهو مش فاضل غير ان غاده تيجى تطلب ايدك منى عشان البيه يقتنع انها هتموت عليه
عمر / بطل هبل
على / بطلت سيبك من غاده الست الغندوره ليها حق تزعل ليه بقى
عمر/ مفيش حوار كدا
على / امممم و ماله بس يعنى المفروض عدى وقت على الخناقه اياها
عمر / خناقه ايه
على / لما كنت عندكوا يابنى لما سمر كانت مسافره انت لحقت تنسى و لا فى حاجه حصلت بعدها
عمر / لا ياعم مفيش حاجه حصلت و دى ما كانتش خناقه اصلا دا كان حوار اهبل كدا
على / يعنى مش هعرف اجرجرك فى الكلام ماشى ما تجيب اى حاجه من الكيسه دى يابنى
عمر يضحك و يمد ايده فى كيس تحت رجله و يطلع كنزايه و يفتحها تفور عليه على يمد ايده يفتح التابوله يطلع علبه مناديل
عمر / حاسب حاسب
على يفرمل بسرعه خبط حد و الناس متجمعه ينزلوا من العربيه بسرعه يلاقى نفسه خبط نور يحاول يساعدها تقوم
على / انا اسف انا اسف بجد …مدام نور
نور /استاذ على … ااااايى
نور مش قدره تقف على رجلها
على/ طب اركبى نروح مستشفى
نور / مفيش لزوم انا هبقى كويسه
عمر / كويسه ازاى حضرتك مش قادره تقفى اركبى بس اركبى
على و عمر يساعدوا نور تركب ورا و يطلعوا بالعربيه
على / انا اسف جدا حقيقى والله ما شوفتك
نور / حصل خير انا اصلا ما كنتش مركزه و انا بعدى
على يبص لعمر و يغمزله هى دى عمر يرفع حاجبه مش فاهم
…………………………
فى المستشفى
امانى تدخل جرى تلاقى دكتور بيربط رجل نور
امانى / انتى كويسه يابنتى
نور / الحمد لله اعرفك استاذ على كنت حكيتلك عنه قبل كدا
امانى / ربنا يخليك يابنى مش عارفه من غيرك كنا هنعمل ايه
على / ما كانتش هتحتاج تبقى هنا اصلا انا حقيقى اسف بجد
نور / على الاقل ما سبتنيش و جريت الكل بيعمل كدا فى الزمن ده و بعدين الحمد لله جت سليمه الدكتور قال هربطها يومين بس و هتبقى كويسه مفيش كسور و لا حاجه
على / الحمد لله
امانى / الحمد لله هتقدرى تروحى
على / انا هوصلكوا بنفسى
امانى / مش عاوزين نتعبك
على / تعب ايه حضرتك دا كفايا ان انا السبب انا مش عارف اعتزر ازاى على اللى حصل والله
امانى / قومى يا بنتى قومى معايا
امانى تسند نور و تدوس على رجل واحده يقابلوا عمر على باب المستشفى
على / تمام
عمر / تمام يلا
الكل يركب العربيه و على يسوق
نور / امال طنط مها مجتش معاكى ليه
امانى/ كانت نزلت قبل ما تكلمينى بمفيش
عمر يغمز على فى كوعه على يبصله
عمر / انا اسف بس حاسس انى شوفت حضرتك قبل كدا
امانى / انا
عمر / لا مدام نور
نور / ما افتكرش الا لو كنت جيت زورت الحاج انور بقى مهو انا جارته فى الشقه اللى جنبه علاطول
على / عمر اخويا معيد فى كليه تجاره
امانى / ما شاء الله
عمر / بس انا متاكد ان حضرتك شكلك مش غريب عليا هو ممكن تقوليلى اسمك يمكن تكونى قريبه حد اعرفه
على / عمر
نور / اسمى نور محمد
عمر / محمد ايه
نور / محمد احمد حلو كدا و لا اطلعلك البطاقه
على / انا بجد متاسف اوى
عمر / محمد احمد منغير اسم عيله
امانى / حسبو يابنى حسبو معلش اصلها بتتكسف منه
نور / ماما
عمر / ماله اسم حسبوا يعنى ما انا حقى ههههههههههههههههههه
نور / مش موضوع بنكسف منه و لا حاجه
على / وصلنا مش ده البيت برده
نور / اه هو كويس ان حضرتك لسه فاكر
امانى / ما تتفضلوا تشربوا حاجه
على / فرصه تانيه ان شاء الله تحبى اساعدك
نور و امانى ينزلوا من العربيه و على واقف بره
نور / لا خلاص نزلت شكرا
امانى تسند نور يطلعوا فوق و على يركب العربيه و يبص لعمر بغل
عمر / ايه
على / انت مش حاسس باللى هببته
عمر / اصلها شبها جدا دا انا شكيت للحظه ان الجدع ده اللى اسمه مصطفى زغلول متجوز على مراته و انها بنته
على / ايه يا اخى طب ما انا و انت اخوات كنا شبه بعض يعنى مش شرط يعنى يخلق من الشبه اربعين عادى يعنى بتحصل
عمر /خلاص خلاص ما تتعصبش كدا اطلع اطلع
…………………………….
بالليل
عمر بيطلع طقم من الدولاب و أية قاعده على السرير بتزاكر
عمر / ايه رايك اللبس ده و لا ده
أية تبص
أية / الازرق احلى
عمر / انا بقول كدا برده …مش كنتى جيتى معايا تغيرى جو احسن
أية / عندى بكره امتحان فى الدرس
عمر/ طيب انا هروح اخد دش و انام هتعوزى منى حاجه
أية / شكرا انا كمان هخلص الحته دى و انام
عمر / يعنى مش عاوزه اى حاجه فلوس مثلا
أية / شكرا معايا
عمر / متاكده
أية / معايا
عمر يهز راسه و يروح الحمام
………………………
فى فندق
مروان قاعد على حمام السباحه عمال يتصل بالموبايل و بنفخ نهاد تيجى من وراه و تحط ايدها على عينه
مروان / ههههههههههههههههههه هيكون مين غيرك يعنى
نهاد / اللى واخد عقلك
مروان / مش عارف نور ما اتصلتش و لا مره النهرده و جيت اكلمها تليفونها مقفول
نهاد / هههههههههههههههههه دا انت طلعت خفيف اوى
مروان / خفيف
نهاد / انا بصراحه مش فهماك يا مروان منين لسه امبارح كنت بتشتكى من انها بتتصل كتير و منين النهرده قلقان اوى كدا انها ما اتصلتش
مروان / لا انتى مش فاهمه انا بضايق انها بتتصل فى اوقات مش مناسبه لكن انا عارف مراتى نور نادرا موبايلها يفصل شحن ففكره انه يكون مقفول دى يعنى فى حاجه
نهاد / يا سيدى اعتبرها بتتقل عليك يوم انت يعنى مش عارف حركات الستات
مروان / امممم و انتى بقي شاطره فى حركات الستات دي
نهاد / ههههههههههههههههههههههههههههههه
مروان / ايه
نهاد / لو كنت شاطره ما كانش العره اللى كنت متجوزاه خانى مع اعز صحباتى
مروان / عمرك ما اتكلمتى فى الموضوع ده
نهاد / و عمرى ما تخيلت انى هتجرا و اتكلم مع حد و اقوله حاجه زى دى اصل فكر فيها كدا هقول ايه هقول انى هبله و انى مش كفايا و …..
مروان / لحظه لحظه يعنى ايه مش كفايا
نهاد / يعنى … هقولك ايه بس بص لنور مثلا مع انها ما بتخلفش مع انك بتشتكى طول الوقت من المشاكل معاها عمرك فكرت تبص لواحده تانيه بص تعرف حتى لو فيها العبر انت عمرك ما هتشوف اى واحده تانيه حتى لو الواحده دى بتحبك اكتر منها
مروان / ايوه بس
نهاد / هو ايه اللى وصلنا لهنا ايه النكد ده
…………………….

google-playkhamsatmostaqltradent