رواية سلف و دين كاملة بقلم لولو محمد عبر مدونة دليل الروايات
رواية سلف و دين الفصل العاشر 10
فى شقه أية
سمر / خشى وضبى شنطتك و انزلى روحى دروسك عادي و اياكي حسك عينك حد يعرف حاجه عن اللى حصل امبارح مش ناقصين فضايح
أية تبص لسمر
سمر / يلا اخلصى
أية / حاضر
أية تدخل اوضتها سمر تقعد تبص لصوره محمود
سمر / شوفت عيالك عملوا فينا ايه عشان تعرف ان اللى عملته فيهم ما كانش شويه بس ما يبقاش شعرى على ست اما ندمتهم ما بقاش انا سمر
تليفون أية يرن على السفره أية تطلع جرى ترد
أية / دا عمر …. الو ايوه يا عمر
عمر / انتى فين
أية / روحت انا و ماما بيتنا عشان اخد الكتب و انزل الدروس
عمر / ما لكيش راجل تاخدى اذنه مش كدا ماشى لينا حساب فى البيت
أية / انا قولت … انا اسفه ما كنتش اعرف انك هتضايق
عمر / هتروحى امتى
أية / اخر درس يخلص اربعه و نص هخلص و اروح علاطول
عمر / ماشى معاكى فلوس
أية / معايا
عمر / ادينى امك
أية تدى التليفون لسمر
سمر / خير
عمر / خير يا حماتى طبعا هو انتى يجى من وراكى الا كل خير اسمعى تخلصى اللى فى ايدك اى كان و تروحى هتلاقى على هناك جابلك اكل تطبخيه و تعمليلنا لقمه حلوه من ايديكى الحلوين اتفقنا
سمر / اى اوامر تانيه
عمر / اه ما تتعبيش نفسك و تدورى على صندوق دهبك عشان معايا سلام
عمر يقفل السكه
سمر / حقك حقك يا ابن الكلب
أية / فى ايه
سمر / ما تشغليش بالك انتى روحى دروسك يلا و ما تتاخريش و انا هقفل الشقه هنا و اسبق على هناك
أية / تمام مع السلامه
أية تنزل و سمر تقعد تفكر
………………………….
فى المستشفى
الدكتور بيبص على تقرير ندى
الدكتور / الحمد لله الضغط اتظبط و بقينا احسن كتير
حسام / تقدر تروح
الدكتور / رايى نخليها النهرده تحت الملاحظه عشان نطمن عليها و على النونو و بكره الصبح تمشى بس لو عاوز اكتبلها خروج و هى هترتاح فى البيت انا تحت امرك وقت ما تحب
حسام / الف شكر
ندى / هو انا اقدر اسافر مصر
الدكتور / فى وضعك ده صعب خطر عليكى و على البيبى
ندى / بس حضرتك قولت انى كويسه
الدكتور / انتى احسن طبعا من الوضع اللى جيتى بيه بس برده محتاجه راحه مستمره و ما تتعرضيش لاى اجهاد و لا توتر و اصلا السفر مش سهل
ندى تبص لحسام تلاقيه باصصلها
الدكتور / عن اذنكوا
الدكتور يمشى
ندى / انت متفق معاه يقولى الكلام ده صح
حسام / انتى خلاص لسعتى رسمى معقول يعنى هبقى متفق مع دكاتره المستشفى بصى انتى لو سالتى راجل عشوانئى من الشارع و قالك نفس الكلام هتقولى برده انى متفق معاه
ندى / انت تقدر على اى حاجه
حسام / دى شهاده اعتز بيها ههههههههههههههههههههههه ربنا يهديكى يا بنتى ارتاحى سمعتى الدكتور ارتاحى
ندى / ذنبه ايه الطفل ده فى كل ده
حسام / ذنبه ايه فى ايه يا ندى
ندى / هتقول ايه لربنا يا حسام
حسام / اللهم طولك يا روح دا وقته دلوقت الصحه جت و قادره تناهدى و تجادلى يعنى اقولك ايه انا سايبلك الاوضه خالص عن اذنك
حسام يسيب الاوضه و يطلع بره
………………………..
فى شقه عمر
سمر تضرب الجرس على يفتح الباب
على / خمس دقايق و كنت هنزل و نامى على الباب بقى
سمر تدخل و ما تردش
على / انا ما رضيتش اغير كالون الشقه هناك لحد ما تاخدى حاجتك منها بس ما كنتش متخيل انك هتجرى على هناك بالسرعه دى
سمر تبصله
على / ما اختيهاش امبارح ليه لما كنتى هناك و كلنا هنا
سمر / انت بتتكلم عن ايه
على / انتى عارفه
سمر / مفيش حاجه فى الشقه هناك تساوى بنتى يا على بكره لما ربنا يكرمك و تخلف هتعرف ان مش كل الناس يقدروا يرموا ولادهم فى الشارع مش كل الناس محمود حقى
سمر تسيب على بيغلى و تدخل المطبخ
…………………………
فى المستشفى
ممرضه تدخل تدى لندى حقنه
ندى / ممكن اسالك سؤال
الممرضه / اتفضلى
ندى / هو انا ممكن اسافر مصر و لا فى خطر على حياتى
الممرضه / هو ممكن فى ظروف تانيه بس حالتك الصحيه دلوقت خطر جدا انك تتحركى من السرير اصلا
ندى / شكرا
حسام يطلع من الحمام
الممرضه / عن اذنكوا
الممرضه تطلع
حسام / هتمشى شويه فى الدور هتعوزى حاجه
ندى / ما ترجعش عاوزه انام
حسام / هههههههههههههه ربنا يهدى
حسام يطلع يلاقى الممرضه على الباب يديها فلوس
حسام / سالتك ؟؟؟
الممرضه / ايوه و ما تقلقش قولتلها زى ما اتفقنا
حسام / انا مش عارف اودى جميلك ده فين
الممرضه / جميل ايه بس يا دكتور دانا بشتغل هنا بسببك ما تقولش كدا
حسام / انا والله مش عارف ايه اللى جرالها من ساعه ما عرفت انها حامل و هى عليها عفريت عاوزه ماما عاوزه ماما و انتى عارفه السفر مش بالساهل
الممرضه / معزوره يا دكتور صغيره و اول حمل و خايفه عشان لوحدها هنا
حسام / انا فكرت فعلا انى انزلها تولد فى مصر بس على يدك المستشفيات هنا انضف و الخدمات احسن هو عاد فى حد بيولد فى مصر دلوقت
الممرضه / هههههههههههههههه على رايك ربنا يقومهالك بالسلامه
حسام / تعيشى
…………………….
فى شقه عمر
باب الشقه يتفتح و عمر يدخل وراه أية يلاقوا سمر قاعده جنب على بيتفرج على ماتش و هى بتعمل سلطه
سمر / نورتوا اما انا عملالكوا حته صينيه بطاطس بالفراخ هتاكلوا صوابعكوا وراها
عمر يبص لعلى على يعمله بكتافه مش عارف
سمر / انتوا هتقفوا تبصولى يلا غيروا هدومكوا على ما اغرف
عمر و أية يقلعوا الجزم و يدخلوا اوضتهم و أية تفتح الدولاب و تطلع بجامه لعمر
أية / ههههههههههههه ماما جابتلى هدومى اهو
عمر / انا هروح اغير فى الحمام خدى راحتك
أية / انا قولت لماما على اللى حصل امبارح على فكره
عمر / و هو كان ايه اللى حصل امبارح
أية / ايوه ما انا قلتلها ان مفيش حاجه حصلت
عمر / كويس
أية / بكره عندى دروس من الساعه تمانيه الصبح للساعه سته المغرب هلكه بجد
عمر / كويس
أية / هو ايه اللى كويس
عمر / هتنامى النهرده بدرى و هتنزلى بدرى و هترجعى متاخر مهلوكه فهتنامى يعنى يوم كامل مش هتصدعينى فيه احمدك يارب
عمر يخرج من الاوضه و يقفل الباب و أية مضايقه
…………………
على السفره
عمر / اخبار اليوم ايه
على / روحنا شوفنا المحل الجديد و اتفقنا عليه و هنبدا اول الشهر فى التوضيبات
عمر / مصلحه
على / لا و الاحلى الحج كلم مهندس حبيبه هيمسك الموضوع من اوله لاخره هتابع انا بس من على الوش كدا
أية / هو هيبقى محل ايه
على و عمر ما يردوش
سمر / هو احنا هنعيش هنا علاطول
على / لو ما كانش يضايقك
سمر / هى الشقه دى ايجار و لا تمليك
على / يفرق معاكى
سمر / يعنى بقول لو ايجار ما لهاش لزمه ما نرجع شقتنا احسن اهى تمليك و نوفر فلوس الايجار
عمر / الشقه اللى اتحرمنا من اننا نعيش فيها و ابونا عايش ما لهاش اى قيمه بعد ما مات
على / و الشقه دى تمليك بتاعتى
سمر تبص لعلى باستغراب
على / ايه رايك
سمر / حلوه مبروك عليك
أية تقوم تغرف معلقه بطاطس و تحطها فى طبق عمر
عمر / بعرف اطول لوحدى ما تتعبيش نفسك
عمر يكمل اكل و أية تمنع دموعها بالعافيه و تبص فى الطبق ترفع عينها تلاقى على بيبصلها و مبتسم
أية / انا شبعت عن اذنكوا ورايا واجب كتير
أية تقوم تجرى على جوه و سمر متابعه اللى بيحصل
سمر / نسيت الملح عن اذنكوا كملوا اكل
سمر تقوم ورا أية تدخل تلاقيها بتعيط تدخل و تقفل الباب
سمر / بتعيطى على ايه يا خايبه
أية / مفيش
سمر / اسمعى انتى معاكى حق عمر عمره ما هياذيكى عمر بيحبك بس عمر عمره ما هيبين ده قدام على على بيكرهك و على اللى ممشى عمر
أية تبص لامها باستغراب
سمر / الشقه شقه على و الفلوس فلوس على و انا لما بعت الحاجه بعتها لعلى عمر ما حلتوش حاجه فلازم يطاطي لعلى
أية / على اخوه
سمر / على بيستغله على لولا عمر و حبك ليه ما كانش عرف ياخد معانا حق و لا باطل
أية / و انا اعمل ايه يعنى
سمر / قربى من جوزك و اكسبيه خليه يعرف ان انتى اللى هتنفعيه
الباب يتفتح و عمر يقف على الباب
عمر / الملح يا حماتى
سمر / ثوانى حاضر …. اهدى مفيش حاجه مستاهله
سمر تمشى و عمر بيبص ل أية أية مش عاوزه تبصله
عمر / قومى كملى اكلك
أية تبصله
عمر / يلا تعالى
أية تروح معاه تطلع تلاقى مفيش حد على السفره و سمر تطلع من جوه معاها الملاحه
أية / امال على فين
عمر / وراه شغل خلص اكله و نزل
أية تبص لامها تغمزلها أية و عمر يقعدوا ياكلوا
…………………….
فى بيت امانى
امانى / و انتى عاوزه تقنعينى انه هيقعد اليوم كله من غير اكل
نور / اكيد جابو اكل فى الشركه يعنى يا ماما
امانى / اه هو و الست الغندوره
نور / طنط منال بتقولى اطلع الافكار دى من دماغى
امانى/ منال دى اللى بعد جوازها السنين دى كلها جوزها راح كتب اللى وراه و اللى قدامه لواحد غريب و بكره لما يموت هتترمى فى الشارع و النبى تنقى حد عدل تاخدى منه نصايحك
نور / بس على يبان عليه طيب و ابن حلال يا ماما
امانى / و جوزك كان باين عليه ايه يوم مجه و فتحناله بابنا ياختى اتوكسى اكتر ما انتى موكوسه دا كل الناس خيبتها السبت و الحد الا احنا خيبتنا لا وردت و لا هتورد على حد
نور / انتى مش طايقه مروان ليه بس يا ماما
امانى / بعد كل اللى عمله و بتسالى بصى سيبك عرفتى ان ندى فى المستشفى
نور / لا ليه ايه اللى حصل
امانى / بتصل باخوكى قالى انه فى المستشفى ندى وقعت من طولها و هو معاها هناك الظاهر ان حملها صعب
نور / و عموا عرف
امانى / لا طبعا و لا حتى قلت لابوكى هيقولهم علاطول و هيقلقوا على الفاضى حسام معاها هتعوز ايه تانى اكتر من كدا
نور / على رايك ربنا يباركله مفيش زيه ابدا
امانى / امين يا نور يا بنتى امين
…………………………………
فى شقه عمر
عمر فى الحمام و أية قاعده على السرير بتزاكر تليفون عمر يرن جنبها تقوم تبص تلاقى غاده تنفخ و تبص على الباب و تفتح
غاده / ايه يابنى فينك
أية / الو
غاده / الو … مين
أية / ازيك يا طنط غاده انا أية
غاده / طنط ؟؟ أية مين
أية / معقول نستينى انا أية مرات عمر
صمت ثوانى
أية / الو … الو
عمر يدخل فجاه يلاقى أية بتتكلم فى تليفونه ياخد منها الموبايل
عمر / الو
غاده تقفل السكه عمر يبص ل أية
أية / هو فى ايه
عمر / مين اداكى الحق تردى على موبايلى
أية / كنت فى الحمام و هى رنت و خفت يعنى تكون عوزاك فى حاجه ضرورى
عمر / لا فيكى الخير
أية / هو انت زعلت انى رديت عليها
عمر ما بيردش و بيطلع طقم من الدولاب
أية / انت خارج
عمر / انتى وراكى مزاكره بيتهيالى خليكى فى حالك يمكن تفلحى
عمر ياخد هدومه و يروح يلبس فى الحمام و يخرج ينزل سمر تدخل الحمام تجيب البجامه و تحطها على السرير جنب أية
سمر / لحقتوا تتخانقوا
أية / الظاهر ان مش على بس اللى واقف بنا يا ماما
سمر / عمر جوزك و حقك و ان طلقك هو مش هيخسر حاجه الناس هتتعاطف معاه و انتى هتبقى مطلقه و كل الكلاب هتطمع فيكى
أية / عمر عمره ما هيطلقنى عمر بيحبنى
سمر / باين باين زى ما قولتلك يا أية اكسبى جوزك
أية / ازاى قوليلى اكسبه ازاى
سمر / قومى تعالى
سمر تشد أية من الكتب و تقعدها قدام المرايه
سمر / انتى مش شايفه نفسك يا بت دانتى احلى منى دا انتى عليكى جمال يحرك الحجر مش عارفه تحركى حته عيل زى عمر
أية / عمر زعلان منى اوى يا ماما
سمر / بصى قالوها زمان كل المشاكل الزوجيه بتتحل فى السرير
أية تبص لامها
سمر / ههههههههههههههههههه يابت هو انا بقولك حاجه عيب و لا حرام دا جوزك حلالك هو مش نفسه قال كدا امبارح لما انا كنت هبوس ايده
أية / ايوه يعنى انا اعمل ايه
سمر / ادلعى عليه حايليه لاعبيه خليه يشوف النعمه اللى بين ايديه
أية / ازاى برده
سمر / بريه منك بريه اشق هدومى يا بت فى ايه ما تفوقى كدا و تصحصحى معايا
أية / بصى يا ماما انا ورايا مزاكره و مش فاضيه
سمر / وماله خليكى فى كتبك لما تلاقيه داخل عليكى بواحده تانيه اتوكسى انا رايحه اشوف اللى ورايا
……………………………
فى كافيه
عمر قاعد غاده تدخل و تقعد و هى مضايقه
عمر / يااااه للدرجادى
غاده / انا جيت بس لحسن تفتكر ان جوازك مضايقنى و لا حاجه
عمر / ما انا متاكد انه عمره ما هيضايقك يعنى خصوصا لما تعرفى انا اتجوزت مين
غاده / لا سورى بقى هو ده اللى ضايقنى اولا انك اتجوزت فى السر و خبيت عنى انا كنت فاكره اننا اصدقاء ايه الفكره يعنى مش قد المقام انا
عمر / اولا
غاده / و ثانيا انك تكون اتجوزت دى البنت اللى انت بقالك قد ايه بتقنعنى انك قد ايه بتكرهها ايه يا عمر ما لقتش غير أية
عمر / فى ثالثا و لا ارد
غاده / لا تقدر ترد
عمر / شكرا اولا انا ما اتجوزتش فى السر انا اتجوزت فجاه و مش بمزاجى دا كان الحل الوحيد قدامى
غاده / حل وحيد لايه
عمر / انى اسلم من اذاهم و ارجع حقى انا و اخويا مهو مستحيل يعنى افضل طول عمرى اشتغل عند الناس و الهانم و امها متمتعين بخير ابويا الله يرحمه
غاده / و انا هبله اصدق بص يمكن كنت اصدق لو اى واحد غيرك قال الكلام ده بس انت لا يا عمر
عمر / ليه انا لا
غاده / عشان انا عرفاك يا عمر انت اخر واحد ممكن يتكلم عن الفلوس و اخر واحد ممكن يرجع حقه بالطريقه دى
عمر / معا..
غاده / اصلا لما اتجوزتها رجعت حقك ماشى لنفرض انك رجعته هتعيش باقى عمرك مع أية دى
عمر / ما لهاش مكان تانى تروحه
غاده / ايوه اعدل بقى مش حوار الحل الوحيد
عمر / اللى جوايا عمرك ما هتفهميه
غاده / لانك مش صريح و لا حتى مع نفسك على فكره انت عارف يعنى ايه جواز يا عمر هتعيش ازاى مع واحده انت بتقنع نفسك انك ما بتحبهاش
عمر باصصلها و ساكت
غاده / ما ترد عليا
عمر / اصلا ….
غاده / كل الفتره اللى فاتت كنت بتكدب عليا كل الفتره اللى فاتت كنت
عمر يضحك
غاده / انت بتضحك على ايه
عمر / انتى بتغنى و تردى على نفسك انتى حتى ما بتدنيش فرصه ادافع عن نفسى
غاده / بجد والله اسفه اتفضل
عمر / انا حكيتلك كل حاجه من الاول انتى اكتر واحده عاشت معايا كل اللى فات و اكتر واحده عرفانى بعد على
غاده / و عشان كدا هتجنن
عمر / حقك انا عن نفسى ما كنتش هقول لحد انى اتجوزت لانى مش معترف انى متجوز بصى احنا خدنا حقنا بطريقه وحشه انا نفسى كنت مجبر عليها بس ما كانش قدامنا حل تانى و عشان نامن نفسنا كان لازم نمضى سمر على فلوس كتير اوى ما تقدرش تدفعها
غاده / انت بتقول ايه مش فاهمه حاجه
عمر / يا غاده افهمى سمر دى واطيه لدرجه انها ممكن تبيع بنتها عادى عشان توصل للى هى عوزاه و انا على قد ما مش طايق أية بس مش عاوزها تدفع التمن ابويا كان بيحبها كان بيعاملها على انها بنته
غاده / حتى بعد اللى عملته فيك
عمر / تكريم لوالدى الله يرحمه مش اكتر و زى ما قولت انا و هى متجوزين على الورق بس عشان امها ما تقدرش تستغلها
غاده / لنفرض انى مصدقه تقدر تقولى لحد امتى
عمر / لحد ما اضمن انها هتقدر تقف على رجليها لوحدها
غاده / عشره خمستاشر سنه يعنى مثلا
عمر / مش للدرجادى يعنى ههههههههههههه اخرها خمس سنين يعنى تاخد شهاده و اشوفلها شغله و تحل عنى
غاده / والله و هو العمر فيه كام خمس سنين يا غبى انت
عمر / هههههههههههههههههه
غاده / انت بتغيظنى عمر ارجوك خليك صريح معايا بلاش انا طظ فيا يا سيدى
عمر / ما تقوليش على نفسك كدا انتى جميله
غاده / يوووووه
عمر / اسف خلاص كملى
غاده / يا عمر خليك صادق مع نفسك انت بتعمل كل ده ليه ماشى فى السكه دى عاوز توصل لايه
عمر / انتى متخيله انى ما فكرتش فى الموضوع ده
غاده / و وصلت لايه
عمر / و لا حاجه انا عاوز ايه او ايه هيريحنى و لا اعرف و لا عندى اى فكره انا عشت الفتره اللى فاتت كلها بحاول انسى و فى كل مره أية كانت بتنطلى زى الفرقع لوز و مش عارف اروح منها فين
غاده / فقررت تتجوزها
عمر / قررت انى امشى مع التيار قررت اشوف هياخدنى لفين
غاده / انت بتحبها يا عمر
عمر يشاور على قلبه
عمر / ده بيوجعنى اول فى كل مره بشوفها او افكر فيها ده عمره ما هيحبها
غاده / و لما تحطها قدامك طول الوقت
عمر / هياخد على الوجع هيبقى وجودها قدامى زى عدمه و ساعتها هخرجها من حياتى بكل سهوله
غاده / انت بتكدب على نفسك لو كنت بتحاول تقنعها بالهبل ده
عمر / يمكن
غاده / دا جواز يا عمر
عمر / سميه عقد ايجار مثلا كانى ماجر شقه بقضى بيها مصلحه و بعدين هسيبها
غاده / انت مستحيل تكون عمر اللى اعرفه و مستحيل تكون جزء من حياتى انا اسفه يا عمر على كل حاجه عن اذنك
غاده تمشى و عمر ما يحاولش يمنعها و ينفخ تليفونه يرن
عمر / الو
على / اخبارك
عمر / زفت
على / مالك فى ايه اتخانقت مع البومه
عمر / لا مع غاده
على / هى عرفت
عمر / اه
على / طب عدى عليا فى المحل نتعشى و نتكلم
عمر / نص ساعه و اكون عندك سلام
……………………………..
فى المحل
على / ههههههههههههههههههههههههههههههههه
عمر / انت بتضحك
على / طبعا هو فى واحد اهبل زيك يعمل اللى انت عملته
عمر / و انا عملت ايه ان شاء الله
على / انت بتحاول تفهم واحده ست يا عمر عمرهم ما هيفهموا دول مخهم على قدهم يابنى لا هتفهم بتحس بايه و لا هتفهم بتفكر ازاى
عمر / طب احنا رجاله زى بعض هو ايه اللى انا بعمله ده يا على
على / بتذلهم زى ما ذلونا بتربيهم بتفضى سمهم عشان ما يقدروش ياذوا حد تانى
عمر / بنفضيه فى عروقنا يا على
على / سمهم ما عدش بياثر فينا احنا اتربينا عليه عندنا مناعه
عمر / مش عارف مش عارف
على / احنا فيها اى كان الغلط اللى انت مش مقتنع بيه صلحه انت تقدر تطلق أية فى اى وقت ممكن تعملها مصروف شهرى تصرف منه لحد ما تتخرج لو يعنى البت صعبانه عليك تتبهدل و يا سيدى لو عاوز تقطع الشيك اللى على سمر قطعه احنا كدا كدا مش مستنين حاجه منها اقولك لو عاوز ترجع الحاجه اللى خدناها من سمر اسف حاجتنا اللى رجعناها من سمر انا برده ما عنديش اى مشكله المهم عندى راحتك يا عمر ايه اللى هيريحك يا عمر و انا هعمله بس الاول انت عارف ايه اللى هيريحك
عمر / لا
على / هههههههههههههههههههههههههههه طب و انا اللى هعرف بص يا عمر البت عندك لو بتحبها اهى مراتك لو بتكرهها اديك بتذلها و بتكسرها لو مش فارقه معاك هتعرف جرب كام يوم و شوف مرتاح لايه اكتر و اعمله
عمر / و غاده
على / هتهدى بكره تهدى و تراضيها بكلمتين بس ما تنساش انى قولتلك ان البت دى بتحبك
عمر / فاضل مين فى مصر ما بتحبنيش بقى يا على
على / هههههههههههههههههه اتلهى دا حيلى بنتين هتعملى عليهم فيلم و تفتكر نفسك حاجه
عمر / ههههههههههههههههههههه على الاقل انا عندى الدور و الباقى عليك انت
الضحكه تروح من وش على و يعمل نفسه مش فارقه معاه و يبتسم تانى بسرعه بابتسامه مكسوره و يدارى ضيقته و عمر واخد باله و ساكت و مش عارف يقول ايه و بيبص على على اللى بيبتسمله
……………………………..
فى شقه عمر
عمر يفتح الباب و يدخل أية تطلع تجرى من الاوضه و تبص عليه من بعيد يشوفها يقلع جزمته و يدخل من غير ما يتكلموا الاوضه
أية / حمد الله على السلامه
عمر / الله يسلمك امال امك فين
أية / نامت
عمر / نوم الظالم
أية / ربنا يسامحك
عمر / امين
أية / انت كل ده كنت مع غاده
عمر / خليكى فى حالك
أية / ده حالى
عمر يبصلها و ياخد بجامته و يروح الحمام تمسك ايده
أية / انا مجنونه و جنانى وحش ما تستفزنيش
عمر يتعدالها و يربع ايديه
عمر / يعنى مثلا ممكن تعملى ايه هاه اعلى ما فى خيلك اركبيه يا قلبى ماشى انا مش رايقلك النهرده
أية / ليه هى ضايقتك فى حاجه
عمر / أية اختصرى و لمى الدور عشان ما تباتيش انتى و امك فى الشارع
أية / اعلى ما فى خيلك اركبه ارمينى فى الشارع يا عمر ارمينى يلا
عمر يشد أية من ايدها لحد باب الشقه و هى مش بتقاومه و يفتح الباب و يزقها و يقفل الباب و يقف وراه ثوانى مفيش اى رد فعل يبص من العين نور السلم ضلمه ينفخ و يفتح الباب يلاقيها قاعده بتعيط على السلم فى الضلمه يروح يمسكها من ايدها و يدخلها تزق ايده و تدخل الاوضه و هى بتعيط يقفل الباب
………………………….
فى شقه ندى
حسام يدخل مسند ندى يوصلها للسرير
حسام / سمعتى الدكتور قال ايه حياتك مرتبطه بالبيبى ده لازم ترتاحى
ندى / انت اللى عملت فيا كدا انت اللى…
حسام / انت انت انت عملت فيكى ايه انا حبيتك اتجوزتك ايه الغلط فى ده
ندى / انت لسه فيك نفس تقاوح انت خاطفنى و حابسنى و بتغتصبنى عاوز ايه اكتر من كدا
حسام / انا عملت كل ده لا والله برافو عليا مجرم دولى انا بقولك ايه انا لسه ما قلعتش تحبى نروح للشرطه تعملى بلاغ فيا
ندى / ازاى و انت مرتب كل ورقك
حسام / صبرنى يارب على جنانك
ندى / ما انت اللى جننتنى
حسام / ههههههههههههههههههه كمان جننتك هل لديك اى اقوال اخرى فى اى تهم تانيه تحبى ترميها عليا فى حته هنا فاضيه شوفي هنا و لا هنا تهمه
ندى/ انت بتعمل فيا كدا ليه دانا بنت عمك يا اخى
حسام / بعمل فيكى ايه انتى ليه مكبره الموضوع عاوزه تنزلى مصر حاضر بس لما الدكتور يقول لما تقفى على رجلك و حملك يثبت
ندى / و مين قالك انى عاوزه البلاء ده يثبت خليه ينزل اهون مليون مره من ابن حرام هقوله ايه
حسام / ابن حرام فى عينك ليه شاقطك من الشارع و لا مرافقك فى الحرام فوقى انتى مراتى على سنه الله و رسوله
ندى / كدب
حسام / كل الورق بيقول كدا
ندى / ورق مضروب الورق مش هيقف قدام ربنا
حسام / ابوكى هو اللى هيقف قدام ربنا مش انا ابوكى اللى زور مش انا
ندى / و انت عارف لو ما كنتش عارف و متاكد انى مش مراتك ما كنتش استخدمت القرف بتاعك اللى بتحطهولى فى العصير عشان اسكت
حسام / دى مهدئات عشان اعصابك كانت تعبانه مش اكتر
ندى / كفياك كدب بقى انت ايه ما بتزهقش ما بتملش
حسام / عمرى مزهق منك ابدا
حسام يحاول يحط ايده على وش ندى تزقه
ندى / اوعى بقى كفايا قرف اخرج من اوضتى سبنى فى حالى يا اخى ارحمنى
حسام / هخرج عشان اسيبك ترتاحى لو عوزتى اى حاجه نادى عليا انا مش رايح فى حته
ندى / روح … روح مطرح ماةتحب اللهى ما ترجع جتك مصيبه تاخدك
حسام / ماشى يا بنت الاصول ماشى
حسام يخرج من الاوضه و ندى تقعد تعيط
…………………………………..
فى اوضه نوم عمر
عمر يدخل الاوضه يلاقى أية نايمه فى السرير مدياله ضهرها على طرف السرير خالص بعيد و فى صوت عياط بسيط طالع منها يقف ثوانى يبص عليها و بعدين يطفى النور و ينام و يديها ضهره و يفضل سامع صوت عياطها المكتوم يتقلب يبص عليها و هو ساكت و بعدين ينفخ
عمر / لو هتعيطى طول الليل ياريت يبقى بصوت اوطى شويه
أية تلف و تبصله باستغراب ووشها كله احمر و تسيب الاوضه و ترزع الباب وراها و تمشى عمر ينام على ضهره و يستغطى و ينام
……………………..
تانى يوم الصبح
عمر يصحى من النوم يتمطع يبص جنبه مفيش حد يقوم يلبس و يطلع يلاقى سمر قاعده بتفطر
عمر / أية فين
سمر / نزلت من بدرى عندها دروس طول اليوم اقعد كلك لقمه
عمر / فطرت قبل ما تنزل
سمر / قالت متاخره هتجيب حاجه من بره و خلاص
عمر / انا نازل هرجع متاخر
سمر / بقولك يا عمر
عمر / خير
سمر / البيت كان ناقصه شويه حاجات
عمر / اكتبيها فى ورقه و على هيبقى يجيبهالك
سمر / كدا ….ماشى
عمر / مش احسن من مشورتك و شحطتك الحق عليا يعنى
سمر / لا ازاى كتر خيرك
عمر / عن اذنك
عمر ينزل و سمر تقعد مكانها
سمر / ماشى يا ولاد حقى ماشى
…………………………….
فى الشركه عند مروان
نهاد تروح تقف قدام مروان و هو شغال على الكومبيوتر يبصلها
نهاد / اخبار الشغل ايه
مروان / شغال اقعدى
نهاد / انا مش عاوزه اعطلك بس بكره عيد ميلادى و انا عزمت الشركه كلها و هزعل اوى لو ما جتش
مروان / بجد كل سنه و انتى طيبه
نهاد / هنطفى اربعه و عشرين شمعه يارب بس جهاز انزار الحريق ما يشتغلش و يبوظلنا الليله هههههههههههههههههههههه
مروان / بتهزرى اربعه و عشرين بجد
نور تدخل فجاه
نور / انا كمان استغربت دا انتى على كدا اكبر منى بكتير اوى
نهاد و مروان يبصوا لبعض
نور / كل سنه و انتى طيبه فرحتلك جدا
نهاد / ميرسى عقبالك تنورينى
نور / اكيد
نهاد / طب عن اذنكوا انا بقى
نور / ما تخليكى انا بس جيت اخد من مروان فلوس عشان مشى الصبح و نسى يدينى و همشى علاطول خليكى كملى كلامك و نشوف موضوع الشمع ده
نهاد / هههههههههههههههه عن اذنكوا
نهاد تمشى
نور / شكلى جيت فى وقت مش مناسب
مروان / بالعكس جيتى فى وقت مناسب جدا عشان تشوفى بعينك
نور / انت شايف كدا ماشى ايدك على تلتميه جنيه زياده على الاقل على الفلوس اللى طلبتها منك امبارح عشان اجيب هديه محترمه للهانم
مروان / انا اصلا ما كنتش رايح
نور / ازاى و دى تيجى لازم اروح و اشرفك هات بقى هتاخر
……………………………….
بالليل عند عمر
عمر يدخل الشقه يلاقى سمر بتتفرج على التليفزيون
سمر / حمدالله على السلامه جعان اغرفلك
عمر / لا شكرا أية جت
سمر / من بدرى دخلت اوضتها و نامت
عمر / كلت
سمر / قالت كلت بره
عمر / طيب
عمر يدخل الاوضه يلاقى أية قاعده مربعه على السرير و بتعمل الواجب تبصله و تكمل
عمر / انا بكره اجازه ما وراييش شغل
أية ما تردش
عمر / بقول لو ناقصك حاجه اخدك بكره نجيبها ما انا مش اهبل عشان اديكى فلوس انتى و لا امك
أية ما تردش
عمر / كويس وفرتى انا تعبان و عاوز انام لو لسه وراكى مزاكره اطلعى كمليها فى الصاله عاوز اطفى النور
أية تبصلها و تقفل الكتب و تحطها على الارض جنبها و تنام
عمر / يارب دايما
أية تقوم تقعد و تبصله
أية / يارب دايما ايه
عمر / هاديه كدا و ساكته و ما تصدعيش نفوخى
أية / كفايا عليك صداع ست غاده هبقى انا و هى
عمر / اااااااااااااااااااااااه غاده شوف و انا اللى فاكرك زعلانه عشان سبتك على السلم طب مدام غاده بقى يبقى اتفلقى
أية / مش بمزاجك
عمر / هههههههههههههههههههههه امال بمزاج مين
عمر يقعد جنبها و هو مبتسم و يبصلها
عمر / انا ربنا ادانى اخ و اخت بس على الورق ما اتعلقتش بيهم ما اتوجعتش اوى بموت عبير لانى تقريبا ما اعرفهاش بس انتى ياللى مش اختى و ياللى عشت عمرى كله بعتبرك اختى و بعمل كل اللى اقدر عليه عشانك وجعتينى
أية / لحد امتى يا عمر
عمر / مش عارف لو اعرف هرتاح بس انا عن نفسى مش عارف مش عارف لحد امتى هفضل اتوجع كدا لحد امتى هفضل كدا مش عارف
أية / بتريحك دموعى يعنى لو بتريحك قولى و انا ما اخليهاش تقف ابدا
عمر / دموع التماسيح بتاعتك ما بتاثرش فيا و تمثيلك الفاشل ما بياكلش معايا محتاجه تشتغلى على ادائك شويه
أية / حاضر حاجه تانى
عمر / لا كتر خيرك انا هروح اغير هدومى و اجى انام تصبحى على خير
أية / و انت من اهله يا عمر
أية تنام على ضهرها و شويه و عمر يدخل الاوضه و ينام على ضهره و أية بتبص عليه و هو باصص فى السقف تروح و تحضنه و هى بتعيط
عمر / عاوز انام
أية / و انا كمان عاوزه انام
عمر / ما تنامى يا أية
أية / مش عارفه ما نمتش من امبارح
عمر / اه صح قولى كمان ما اكلتش من امبارح
أية / ما اكلتش جبت كيس شبسى و ما قدرتش اكله
عمر / احسن .. الشيبسى كله زيت و قرف
أية / هو انا وحشه اوى يا عمر
عمر / اه
أية / اوى
عمر / اوى
أية / ربينى يا عمر رجعنى أية بتاعتك تانى
عمر / بحاول
أية / ماشى
عمر / روحى نامى مكانك بقى
أية / دا مكانى
عمر / ارحمينى يا أية بجد تعبان
أية تقوم و تبصله و تروح بعيد يلف و يديها ضهره ثوانى و ترجع تحضنه من ضهره يفتح عينه و يغمضها تانى و هو بيتنهد و ينام و هى حضناه
………………………………….
تانى يوم
فى المحل عند على
عمر / هو انت ليه طاوعتنى لما قولت هتجوزها
على / و ليه امنعك
عمر / المفروض تساعدنى انساها
على / كنت نسيتها لو هتقدر كنت نسيتها من زمان
عمر / سمر هاديه اوى
على / هههههههههههههههههههه عادى اديها شويه وقت لحد متا لاقيلها مدخل و هترجع ريما لعادتها القديمه
عمر / تفتكر أية ممكن تكون المدخل ده
على / اكيد مفيش مدخل اسهل من ده
عمر / تعبانى
على / انت اللى تاعب نفسك
عمر / انت كمان
على / هو انت اللى ضعيف و لا انا اللى جبله
عمر / هههههههههههههههههههه ايه ده
على / انا و لا انت كل واحد حياته اصعب من التانيه بس انا ما عادتش حاجه بتوجعنى عادى ايه اللى هيجد يعنى اشمعن ده اللى هيفرحنى اشمعن ده اللى هيتحقق اشمعن ده بقيت بتوقع المصايب فلما بتيجى ما بتفاجاش
عمر / ليه يا على ربنا كرمك الفتره اللى فاتت اخر كرم
على / ادانى اه الحمد لله بش مش ده اللى كنت عاوزه يا عمر الفلوس ما كانتش تفرق معايا خصوصا فلوس ما تعبتش فيها تعرف حتى فلوس بابا اللى رجعناها من الحيه و بنتها ما كانتش تفرق معايا اصلى ما اتمتعتش بيها فى حياته فمش فارقه بعد مماته ما لهاش طعم انا كل همى انها ما تتمتعش بيها هى و خلاص
عمر / عارف
على / ما افتكرش ان عمرى كان ليا حلم اصلا عايش يومى بيومى بس كان نفسى عبير تكبر و تبقى عروسه و اعملها اكبر فرح و ازفها لعريسها كان نفسى اتجوز ندى كان نفسى تبقى سعيد يا عمر بس سبحان الله مهما عملت و لا حاجه اتحققت عبير ماتت و ندى اتجوزت و انت اهو حالك يصعب على الكافر بس انت الامل اللى باقى يا عمر انى اشوفك سعيد مبسوط اى كان اللى هيسعدك يا عمر انا عمرى ما هقف قدامه حتى لو جيت و قولتلى انا اتجوزت أية عشان بحبها مش عشان انتقم منها زى ما قولتلك
عمر / انت بتقول ايه يا على حب ايه هى هربت منك و لا ايه احبها بعد كل اللى عملته
على / ما انا لسه بحب ندى بعد كل اللى عملته
عمر / ندى ممكن تكون مغصوبه ممكن اهلها يكونوا ضغطوا عليها ممكن تلاقيلها مليون عزر
على / و أية كمان ممكن تلاقيلها مليون عزر بس لو انت عاوز تلاقى الاعزار دى هتلاقى ممكن تقول انها كانت صغيره ممكن تقول انك على ما حكتلى كنت مدلعها و تعمل كل مصيبه و التانيه و تشيل انت قرفها و هى واخده على كدا ممكن تصدق كدبها انها قالت لابوك فعلا و ابوك اللى طنش عشان انت جيتلى
عمر / كانك بتحطلى السم فى العسل
على / هو نفس الطبق انت بقى تقرر دا سم و لا عسل
عمر / يعنى ايه
على / بص انا مخنوق اليومين دول زياده الكوابيس ما بتفارقنيش
عمر / ما تشوفلك دكتور الموضوع زاد اوى فعلا
على / بفكر اسافر كام يوم اغير جو
عمر / انا عندى شغل بكره
على / عارف ما انا ما قولتش نسافر قولت اسافر هخلى احمد مكانى و اخلع كام يوم
عمر / فين
على / اسكندريه لينا مكان غيرها …. هبعد عن الناس و الدنيا … هههههههههههههههههه هستفرد بكوابيسى شويه هشوف انا و لا هى هههههههههههههههههههههه
عمر / شوف دكتور يا على
على / هروح لبنى ادم زيى اشكيله همى ليه يعنى
عمر / ما اسمهاش تشكيله همك هو اكيد يعنى
على / مفيش مخلوق هيقدر يساعدنى و على فكره انت كمان كدا لو فاكر ان فى حد هيساعدك و يريحك تبقى غلطان سيطر على حياتك يا عمر خلى كل الخيوط فى ايدك حكايه انك تكون رده الفعل مش الفعل دى هتبهدلك و انت مش ناقص
عمر يضحك
على / اضحك اضحك ما خيبتك تضحك فعلا
عمر / ههههههههههههههههههههههههههههههه
……………………………..
فى شقه ندى
حسام يدخل اوضه ندى تبص الناحيه التانيه و ينفخ
حسام / طب على الاقل شوفى جايبلك ايه معايا
ندى / اى حاجه غير ورقه طلاقى و تزكره سفرى لمصر غور بيها
حسام / معنى انك تطلبى الطلاق تبقى معترفه بالجواز و ده فى حد ذاته يسعدنى
ندى / انت ايه يا اخى بجد ايه ما بتحسش ما عندكش دم انت ايه
حسام يطلع موبايل لندى
حسام / ده تليفونك كلمى مامتك و باباكى و كل اللى انتى عوزاهم هو صحيح مش متسجل عليه لسه غير رقمى بس اهو يمكن تحتاجى لحاجه و انا فى الشغل
ندى / لا يا شيخ
حسام / انا وعدتك ان اول ما الورق يخلص هطلعلك تليفون انا ما بكدبش يا ندى و ادى تليفونك انا مش حابسك و لا مانعك تكلمى اهلك انا مش عدوك
ندى / لو مش انت مين
حسام / انتى انتى عدوه نفسك لما تقعدى تتعبيها و تعذبيها معاكى بالشكل ده يبقى انتى عدوه نفسك انا عملت المستحيل عشان اقدر اسعدك قوليلى فى ايدى ايه تانى اقدر اقدمهولك و ما عملتوش
ندى/ انك ترجعنى مصر يا حسام
حسام / مش بايدى لو رجعتك بظروفك دى ابقى بقتلك يا ندى بقتلك
ندى / انا عاوزه اموت يا اخى انا حره
حسام / لا مش حره حياتك ما تخصكيش لوحدك حياتك تخصنا كلنا حياتى مرتبطه بيكى
ندى / غنى غنى
حسام / ربنا يسامحك
ندى / السنادى ضاعت عليا خلينى ارجع اللحق السنه الجايه بلاش تضيع مستقبلى يا حسام بلاش تضيعنى رجعنى مصر
حسام / الله يعنى دلوقت عاوزه ترجعى عشان الدراسه و لا عشان عيلتك و لا عشان احنا مش متجوزين و لا ايه بالظبط
ندى / انسى يا حسام انسى الكلام معاك زى قلته
حسام / ماشى يا ندى ادى التليفون و الاكل فى المطبخ و انا خارج عشان اشوف اكل عيشى ادعيلى
ندى / ربنا ياخدك
حسام يبصلها و يضرب كف على كف و يمشى و ندى تبص فى الموبايل تلاقيه مليان جيمز و عليه نت
ندى / دا عبيط و لا ايه هو بيراضى عيله
ندى تنفخ و تخط الموبايل جنبها و تنام
…………………………..
فى العيد ميلاد بالليل
مروان داخل و مانج نور نهاد تروح تسلم عليهم
نهاد / اهلا نورتوا
نور / بيتك حلو اوى يا نهاد حقيقى عجبنى الديكور
نهاد / ميرسى دا من زوقك
نور تدى نهاد بوكس صغير متزوق
نور / كل سنه و انتى طيبه
نهاد / تعبتى نفسك
نور / تعبك راحه يا حبى افتحيها افتحيها
نهاد تفتحها تلاقى فيها علبه صبغه نفس درجه شعرها نهاد تبص لنور
نور / نفس الدرجه مش كدا انا قولت اجيبلك حاجه تنفعك
نهاد / ميرسى اتفضلوا اتفضلوا
نور و مروان يدخلوا يقعدوا
مروان / ايه ده
نور / ايه صبغه
مروان / بجد
نور / دى ماركه على فكره مش اى كلام و بعدين فى ايه البنات بوجه عام بتعشق الميك اب دى انسب هديه لاى ست
مروان / بس مش صبغه يعنى
نور / بكره تحتاجها لو مش النهرده يبقى بكره عادى يعنى يا مروان انت مدايق نفسك اوى كدا ليه
نهاد تدخل و معاها طبقين جاتوه
نهاد / اتفضلوا
نور / ميرسى
نهاد / تيجى افرجك شقتى
نور / اوى اوى
نور تسيب شنطتها و تقوم مع نهاد
نور / انتى عايشه هنا لوحدك
نهاد / اه بابى و مامى فى الكويت و انا اشتغلت بعد ما اتخرجت علاطول
نور / بس الكويت حلوه اسمع يعنى
نهاد / جميله جدا بس هنا اهلك و صحابك و حبايبك يعنى انا مرتاحه هنا اكتر
نور / طبعا حقك ترتاحى يعنى لا اب و لا ام و لا حد يقولك رايحه فين و لا جايه منين
نهاد / مش للدرجادى يعنى انا عارفه حدودى كويس تعالى افرجك على الشقه
نهاد تاخد نور و توريها اوضه
نور / اوضه نومك دى
نهاد / اه ايه رايك
نور / مش عارفه بنصحك تغيرى الالوان تحسيها كئيبه اوى
نهاد / اول واحده تقولى كدا
نور / يمكن عشان ما بعرفش اجامل
نهاد / تعالى افرجك على المطبخ
نور / و ماله
نهاد و نور يروحوا المطبخ
نهاد / ايه رايك انا مجنونه برامج الطبخ اى حاجه بشوفها فيها بشتريها علاطول
نور / بجد
نهاد / اه اصل انا ما اتعودتش يبقى نفسى فى حاجه و ما اخدهاش مهما كان تمنها
نور / اعرف واحده بتبيع الحاجات دى مستعمل هبقى اديكى رقمها
نهاد / مستعمل
نور / كنت فكراكى بتحبى الحاجات المستعمله
نهاد / معقول ايه اللى اداكى الاحساس ده
نور / مش عارفه شوفى انتى بقى
نهاد / حقيقى مش عارفه انتى بتحاولى توصلى لايه بس اديكى شايفه كل حاجتى سينيهات
نور / هو انا ممكن اسالك ليه ما اتجوزتيش لحد دلوقت
نهاد / ههههههههههههههههههههههه اتجوزت
نور / تصدقى اتفاجات
نهاد / اتجوزت سنتين و بعدين انفصلت
نور / التجديد مطلوب برده
مروان يدخل و نور مدياله ضهرها
نهاد / اتطلقت عشان سقطنى كنا بنتخانق زقنى وقعت سقطت ما قدرتش اكمل مع راجل ما قدرش نعمه الاطفال
مروان / تليفونك بيرن يا نور
نور تبص تلاقى مروان وراها
مروان / يلا
نهاد / ما لسا بدرى
نور / معلش اصل مروان كان متفق معايا من بدرى اننا نتعشى بره النهرده بس ما رضيتش ازعلك و قولت اجى
نهاد / نورتونى
…………………………..
فى اوضه عمر
عمر يدخل يلاقى أية رابطه راسها ونايمه على بطنها و بتزاكر
عمر / استغفر الله العظيم ايه المنظر ده دانا هنام احلم بكوابيس النهرده باين
أية / بص سبنى فى حالى النهرده مش طايقه روحى عندى امتحان بكره فى الدرس و مش عارفه احفظ جملتين على بعض
عمر / امتحان ايه
أية / ادب انا مالى انا بالقرف ده بجد انا مالى
عمر / هههههههههههههههههه طب اهدى بس و هتعدى هو يعنى امتحان اخر السنه
أية / انا عاوزه اجيب مجموع السنادى زى ما وعدتك
عمر / اتمنى
أية / اخبار على ايه
عمر / رايى تخليكى فى الادب بتاعك يمكن تفلحى
أية / تعبت و زهقت
عمر / و ماله تعالى فوقى عليا شويه
أية تقفل الكتاب و تقوم تقعد قدام عمر
عمر / ايه ؟؟؟ فى ايه ؟؟
أية / بفوق عليك
عمر / انتى كدا بتخرعينى يا ماما
أية / يووووه انت هتافور ده اللى تاعبك اهو
أية تفك المنديل
عمر / ما فرقش كتير
أية / بطل رخامه بقى يا عمر انا مخنوقه بجد والله
عمر / طب و انا مالى
أية / الله بقولك مخنوقه يا عمر
عمر / يعنى انا كعمر اعمل ايه لسموك اقوم اتحزم و ارقص مثلا
أية / بتعرف ؟؟؟
عمر / صبرنى يارب بت اتعدلى
عمر يمسك أية من البجامه و هى بتضحك
أية / هههههههههههههههههههههههه شكلك بيبقى عسل اوى و انت كدا
عمر / انتى مجنونه و لا شاربه حاجه و لا ايه
أية / زهقانه يا عمر
عمر / قومى ارقصى
أية / والله فكره اوعى
أية تقوم تقف و تحاول تتحزم بالطرحه عمر يشدها يقعدها
أية / الله
عمر / استنى اما اخد البجامه و اخرج مش ناقص موعان نفس على المسا
أية / ليه بس انا برقص حلو اوى والله
عمر / هههههههههههههههههههههههههههههههه
أية تبتسم و تبصله بدلع
أية / مزاجك رايق النهرده
عمر / مش طول اليوم بعيد عن خلقتك
أية / بتلف تلف و ترجعلى
عمر / عملى الرضي
أية / توب
عمر / هانت كل شئ بمعاد
أية / اتعشيت
عمر / اه شاورما
أية / اخص عليك انا بحبها اوى
عمر / و انا مانعك ما تاكلى بكره خلى امك تعملهالك
أية / طب ما تعزمنى بكره على الغدى
عمر / مش فاضى
أية / يعنى بكره مش هتاكل
عمر / لا بكره هحاول اصالح غاده
أية / ما تتفلق غاده انا و لا غاده
عمر / غاده
أية تقعد مكانها و تبص لعمر
عمر / كملى مزاكره يمكن يمكن تفلحى
عمر يسيب الاوضه و يمشي و أية بتبص عليه
……………………………
فى شقه نور
مروان / ممكن افهم ايه لزمه اللى عملتيه ده ملو مش طيقاها اوى كدا ما كناش روحنا بدل ما نروح و نهزء نفسنا
نور / انت محموق عشانها اوى كدا ليه
مروان / لا يا هانم انا مش محموق عليها انا مضايق عشان شكلى اللى بقى زى الزفت ما تنسيش ان كل زمايلى فى الشغل كانوا حاضرين
نور / الهانم بتقولى انا اى حاجه نفسى فيها بجيبها مهما كان التمن
مروان / و انتى بذكائك الخارق سبتى كل حاجه ممكن تكون تقصدها و قولتى هوبا بس هى تقصد مروان جوزى اصل مصر بالتسعين مليون بتوعها ما فيهمش غير مروان جوزى عشان تعجب بيه مش كدا
نور / مهو سى مروان مديها ريق حلو
مروان / صبرنى يارب يابنتى افهمى انا و هى زمايل فى نفس ام الشركه فى نفس ام المكتب وشى فى وشها طول الوقت عاوزانى اعمل ايه اعاديها ابوز فى وشها بصى لو ما كانش نهاد هيبقى غيرها ففوقى بقى و بطلى
نور / يا مروان انت ليه محسسنى ان مفيش غيرك انت و هى فى المكتب ما معاكوا اتنين موظفين كمان ايه مش محسوبين ما بتشوفهمش
مروان / الكلام معاكى ما منوش اى فايده اقولك انا داخل انام
نور / تصبح على خير
مروان يشوح بايده و يسيبها و يمشى و هى تقعد و هى بتنفخ
…………………………..
فى اوضه أية
أية قاعده بتزاكر عمر يدخل
عمر/ خلصتى و لا قدامك كتير
أية / خلصت
أية تلم الكتب و تحطها على الارض جنبها عمر ينام و يديها ضهره
أية / عمر
عمر / نعم
أية / انت قولت كدا عشان تضايقنى صح
عمر / قولت ايه
أية / ان غاده اهم عندك منى
عمر / نامى يا أية
أية / هو انت مش هتضايق لو جيت فى يوم و قولتلك انى قابلت حد و الحد ده بقى اغلى عندى منك
عمر / ربنا يهنى سعيد بسعيده و اللى بيشيل قربه مخرومه يستحمل بقى
أية / قصدك ايه
عمر / يعنى هو مين فى الدنيا ممكن يبص لواحده متجوزه غير واحد بيلعب بيها يا ست البنات
أية / و مين يعرف انى متجوزه يا عمر
عمر / كمان لا دانتى وصلتى
أية / ما تعاملنيش وحش يا عمر انا ما استاهلش منك كدا
عمر / امال تستاهلى ايه يا أية قوليلى قيمى نفسك كدا و حطى نفسك مكانى و قوليلى لو الوضع معكوس هتتعاملى معايا ازاى
أية / ولا حاجه يا عمر انسى تصبح على خير
عمر / و انتى من اهله
عمر يدى ل أية ضهره و ينام و هى تفرد ضهرها و تبصله و تبص للسقف فى حزن
……………………………..
فى اوضه ندى الصبح
حسام يدخل و ندى نايمه يقعد جنبها و يفضل بصصلها تفتح عينها و تتفزع
ندى / عاوز ايه عاوز ايه
حسام / اهدى يا ندى اهدى بطمن عليكى اهدى
ندى / اطلع بره اطلع بره
حسام / انا مش عدوك فوقى بقى انا بخاف عليكى انا جوزك
ندى / انا تعبانه سبنى فى حالى ابوس ايدك ارحمنى ارحمنى بقى
حسام / انا كنت جاى اقولك انى لازم اسافر تبع الشغل اسبوع مؤتمر طبعا لو كانت ظروفك احسن من كدا كنت هاخدك اكيد كنتى هتنبسطى بس
ندى / الحمد لله سافر يابنى سافر روح شوف شغلك شهر اتنين تلاته سنه عشره العمر كله بس ابعد عنى ابوس ايدك ابعد عنى
حسام / ماشى يا ندى ماشى الموبايل جنبك و فى واحده هتيجى من بكره الصبح تساعدك و تشوف طلباتك ما تقلقيش مش هتبقى لوحدك
ندى / برافو ما نستش حاجه سبت مكانك واحده تراقبنى
حسام / هههههههههههههههههههههههه كنتى بتتفرجى على افلام عربى كتير باين عليكي لو احتاجتى اى حاجه اى حاجه فى اى وقت كلمينى هتصرف حتى لو فى اخر بلاد المسلمين هعرف اتصرف ما تخافيش
ندى تهز راسها حسام يحاول يبوس راسها تحاول تزقه يمسك جامد لحد ما يبوس راسها و هى مضايقه
………………………………
فى اوضه النوم عند عمر
عمر يصحى يلاقى أية نايمه فى حضنه يبص و يبتسم و ياخد نفس عميق و يعدل الغطا عليها و يحاول يقوم بالراحه تصحى تقوم تقعد على ركبها
عمر / صباح الخير
أية / صباح النور هو احنا امتى
عمر / بدرى كملى نوم لو عاوزه
أية / لا انا هروح الحمام
عمر / ما تطوليش عاوز ادخل
…………………………..
فى شقه منال
منال / ههههههههههههههههههههههههه
نور / بتضحكى يا طنط
منال / يا شيخه فى واحده عاقله تعمل كدا
نور / والله لولا مروان دخل كنت عملت اكتر
منال / و استفادتى حاجه من اللى عملتيه
نور / ما اعرفش كنت فاكره انى هرتاح
منال / ما تحاربيش النار بالنار عشان فى الحالتين هتتلسعى
جرس الباب يرن
منال / ثوانى هفتح
منال تقوم تفتح تلاقى على شايل اكياس كتير اوى
منال / ايه دا كلو يابنى دا انت مسبتش حاجه فى السوبر ماركت ما جبتهاش
على / والله يادوب اللى فى الورقه
منال / ورقه ايه استنى
منال تبص فى الاكياس
منال / انا قولت رز يعنى كيسين تلاته مش شكاره و ايه العدس دا كلو دا و لا تموين المحل ههههههههههههههههههه
على / ما تاكلنيش فى الكلام الحج فين عنده كشف
منال / انت بتتكلم جد
على / دا انا ماكد عليه امبارح فى التليفون دانا لغيت السفر مخصوص عشانه
منال / اتاريه نزل بدرى زاغ منك
على / ههههههههههههههههههههههههه هيروح منى فين هجيبه
منال / ههههههههههههههههه والله يا على انت ما فى منك
نور تطلع من جوه
نور / انا همشى بقى يا طنط
منال / على فين يا بت
نور / انتى عارفه انا رايحه لماما قولت احكيلك الاول
منال / خير ما عملتى امك و انا عرفاها هتسخنك اكتر ما انتى سخنه
نور / ههههههههههههههههههههههه يلا عن اذنكوا
على / انا معايا العربيه تحت ممكن اوصلك على فكره
نور / لا ميرسى مش عاوزه اتعبك
منال / يا بت ما فيهاش تعب و لا حاجه و هو احسن من بهدله المواصلات
نور / مش مشكله السكه مش بعيد و هركب بسرعه عن اذنكوا
على / ادخلك دول المطبخ
منال / دخل يابنى اقولك ايه تعيش و تجيب كدا بقى تيجى تاخد اللسته الجديده كمان ست سبع شهور كدا و لا حاجه على الاقل
على / هههههههههههههههههههههه
………………………..
فى الشارع
نور بتوقف تاكس ما يقفش التانى ما يقفش تنفخ على يخرج من العماره يشوفها يروح يفتح العربيه و يدور و يطلع يركن قدامها
على / هتقفى فى الشمس كتير
نور / بجد مش عاوزه اتعبك
على / متاكده ؟؟؟ يا ستى اعتبرينى تاكس
نور تبصله شويه على يمد ايده و يفتح الباب الورانى
على / اتفضلى
نور تركب و تبص لعلى فى المرايه و تبتسم
………………………..
فى الكليه عند عمر
غاده قاعده بتشتغل على اللاب عمر يروح يشد كرسى و يقعد جنبها ما تبصلوش
عمر / للدرجادى
غاده / عاوز ايه
عمر / الصاحب ليه عند صاحبه ايه
……………..
- يتبع الفصل التالي اضغط على ( رواية سلف و دين ) اسم الرواية