Ads by Google X

رواية حين تقع في الحب الجزء الرابع 4 الفصل الاول 1 - بقلم ندى علي حبيب

الصفحة الرئيسية

    رواية حين تقع في الحب بقلم ندي علي حبيب  الجزء الرابع عبر مدونة دليل الروايات

رواية حين تقع في الحب الجزء الرابع الفصل الاول 1

في صباح يوم جديد من ايام الشتاء الجميله
نور بدأت تتقلب في نومها وهي في حضن غسان بصت علي الساعه اللي جنبها لقت ان الساعه 8 صباحا
نور حطت ايدها في شعر غسان بحنان :غسان حبيبي قوم يلا يا روحي الساعه 8 هتتأخر علي الشغل كدا
غسان اتقلب راح الناحيه التانيه واداها ضهره :طيب يا حببتي صحيت اهووو
نور قامت من علي السرير وقعدت قدامه يا غسان : قووم يلا هتتأخر وهتقول ذنبي انا
غسان قام وعضل عضلاته وبص في الساعه :صباح الورد علي اجمل ورده في حياتي وكمل بخبث ايوا ما هو دمبك برضو مين اللي مسهرني طول اليل امبارح وغمز ليها
نور ببتسامه خجوله :صباح النور يا حبيبي انا اللي مسهراك ولا انت المهم يلا خد شور علي ما احضرلك هدومك والفطار واشوف الشباب صحو ولا لسه
غسان بجديه :عاصي راجع امتي امبارح ؟
نور بتوتر :عاصي احم رجع بدري
غسان بحزم :رجع بدري اللي هو كان الساعه كام … ومش عاوز تحوير
نور بدلع حطت ايدها حولين رقابته محاولة نسيانه رجوع عاصي :يعني لما اجي احور هحور علي المقدم غسان الالفي اللي بيكشف الكذب من العيون
غسان حط ايده علي خصرها وباس شفايفها برومانسيه :يبقي نقول الحقيقه من سكات وبلاش دلع علشان متاخر علي الشغل فا انجزي احسن
نور وهي بتلعب في شعره :يا روحي هو شاب لسه عنده 23 سنه يعني اكيد بيحب يسهر برا مع اصحابه بلاش نكتم حريته سيبه يعيش سنه يا غسان
غسان بعد نور عنه بغضب:والشاب اللي منكتمش حريته دا عمايله دي صح انتي شايفه انه يرجع وش الصبح عادي ؟ شايفه انه يسهر سهرات الله اعلم مين فيها ولا بيعمل ايه فيها عادي ؟ لو عندك عادي عندي انا هقطع رقابته ويلا جهزي الفطار وادعي انزل الاقيه قاعد علي السفره علشان وربي وما اعبد لو ما كان قاعد وجاهز يروح الشركه لهو حر ودخل الحمام بغضب
نور وقفت في نص الاوضه :طيب هو زعلان من عاصي ذنب اهلي ايه يتزعق في وشي كدا متجوزه راجل مفتري
غسان بصوت عالي من الحمام :انجزي علشان مطلعش اوريكي المفتري دا بيزعق ازاي بصحيح
نور بتوتر :وعلي ايه يا روحي انا بجهز هدومك اهو وبدأت تطلع هدوم الشغل ليه ودخلت علي اوضة حبيبه
(في غرفه حبيبه )
نور دخلت فتحت النور وراحت جنب حبيبه :بيبو يلا يا حببتي قومي الساعه 8 عندك دروس ايه النهارده
حبيبه بنووم :يا ماما سبيني شويه عوزه انام انا سهرانه طول اليل بذاكر
نور :هي اولي ثانوي كدا قومي يلا خليكي جدعه روحي دروسك وبعدين تعالي نامي براحتك يلا بلاش كسل
حبيبه شالت الغطي من عليها وقعدت علي السرير ترفع اديها لفوق وتتاوب:بابا راح الشغل ولا لسه
نور قامت :لاء لسه قومي يلا جهزي نفسك والبسي علشان تفطري وعلي دروسك جري
حبيبه :حاضر
نور بصت ليها بتحذير :هدوم طويله يا حبيبه وظبطي نفسك مش ناقصين مشاكل يا حببتي وطلعت برا الاوضه
حبيبه بغيظ :اكيد لازم هدوم طويله ولا السيد اسر هيطربق الدنيا علي دماغي ومسكت فونها وبعت مسج (حبيبي انا صحيت عندي دروس كتير النهارده احتمال اتأخر برا شويه بس لما ارجع هكلمك بحبك )وبعتت الرساله وقامت تجهز نفسها
………………………
في الدور الرابع من منزل منير الالفي حيث شقة عاصي واسر المشتركه اللي صمموها بنفسهم علشان تكون خاصه بيهم
(في غرفه اسر )
طلع اسر من الحمام كان لافف فوطه حولين وسطه مسك الفون بتاعه ورجع رجعه مكانه وبدء يلبس لبس الشغل اسر بقا ظابط مكافئ جدا ومن فريق المقدم غسان الالفي
اسر :اظن عاصي باشا لسه نايم في سابع نومه ومصحاش وراح علي قوضة عاصي فتح الباب ودخل
اسر شال الغطي من عليه :قوووم يلااا ابوك لو طلع ليك هيموتك المره دي انجز وانزل يلااا
عاصي بنوم :الله يحرقني علي اليوم اللي جيت في ام العيله دي بيضايقو لما يلاقو الواحد نايم اطلع انام علي السطح يعني ولا ايه
اسر بضحك :لاء يا خفه مش بنضايق بس الباشا راجع وش الصبح وابوك حالف عليك اخر مره هيموتك فيها ولو نزلت من غيرك هيطلع يخلص عليك فعلا انا بقول اشتري نفسك وانزل معايا
عاصي بكذب :يابني انا صاحي اصلا انا بس بحب اهزر معاك انزل انت وهتلاقيني في ضهرك علطول ويلا من غير مطرود براا علشان اغير
اسر بشك :يعني نازل ورايا ؟
عاصي :مش بعيد تنزل تلاقيني قاعد علي الاكل بفطر اصلا برااا يلا
اسر طلع برا وعاصي قفل الباب بالمفتاح واسر نزل خبط علي الباب
عاصي بنوم :يلعن ابوكو عيله تشل ودخل قفل باب اوضته ونام تاني هو الانسان ايه يا عالم ضايعه غير شويه نوم منكو لله
اسر بغضب :افتح يابن**** وعليا النعمه يا عاصي لطلع *** ماشي ونزل علي تحت
في المطبخ
نور دخلت ليهم المطبخ اول ما شمت ريحه البطاطس المقليه داخت اووي
نسمه لاحظت دا راحت عليها سندتها :نورر بت مالك فيكي ايه
يمني جابت مخلل من التلاجه :خدي خليها تاكل دي تلاقي ضغطها واطي
نورهان بصت ليها بشك :لاء الموضوع في حاجه دي بتدوخ الفتره دي كتير
الاربعه بصو لبعض بصدمه ممزوجه بفرح
نسمه ويمني في صوت واحد:معقول حااامل
نور بتعب :لاء يا بنات مفيش حاجه اكيد ضغطي واطي علشان مردتش اتعشي امبارح
غسان دخل عليهم المطبخ فجأة :ايه يا جماعه الفطار قدامه كتير ولا ايه …. مالك يا نور قعدة كدا ليه وقرب منها مسك ايدها
نور ببتسامه :مفيش يا حبيبي دوخت شويه بس علشان جعانه اطلع انت وثواني والفطار يكون عندك
غسان بشك :دوخة ايه اللي عندك علطول دي يا نور في ايه ؟
نور بكدب :يا روحي والله مفيش حاجه كل الحكايه ان مأكلتش امبارح بس مش اكتر
غسان بص ليها شويه :خلاص تمام يا حببتي الفطار بقاا بسرعه علشان اتأخرنا علي الشغل وطلع
نورهان وهي بطلع البطاطس من الزيت :نور اعملي اختبار حمل انتي نفسك شاكة ان في حمل
نور :يا جماعه حامل فين انا ابني الكبير عنده 23 سنه مش معقول يعني
يمني :انتي خلطة الامور ببعضها ليه ايه داخل دا في دا انتي حامل من جوزك ودا شيئ طبيعي ايه العيب في دا بقاا
نسمه :انا مع كلام يمني عندها حق ايه داخل دا في دا
سيف ابن يمني دخلت جري عليهم :مااامااا انا جعان خلصي بقااا الله عالم بطيئه
يمني بصدمه :متعدش مع عاصي كتير يا حبيبي لتلقط منه
سيف بغضب:عاصي حبيبي محدش يقوله عليه حاجه
نور بضحك :بيفكرني بعاصي وهو صغير كان لمض اووي
نورهان باست خده بحب شديد :خرااابي علي قلبي وعلي حياتي الحلو ابو عيون جميله احبك اووي ملكش دعوه بالناس دي
نور وهي بطلع الفطار علي السفره :دلعي فيه لحد ما يكون نسخه تانيه من الباشا ابني
في فيلا في وسط القاهره
كانت ياسمين نايمه علي السرير ودموعها مغرقه وشها الحروق اللي في جسمها شديده وبتوجعها جدا غير الكلبشات اللي في ايدها وفي رجليها
دخل ادهم عليها الاوضه وفي ايده حزام :ياسمنتي الحلوه اخبارها ايه النهارده
ياسمين بقهر :بتكرهك لاخر نفس فيها يا ادهم بكرهك من جوايا
ادهم بغل :وايه المشكله انا عاوز كرهك ليا يزيد مش عوزه يقل لما اموتك خالص وتروحي للي بتحاولي توصلي ليه تروحي جثه
ياسمين بعياط :هتفضل طول عمرك غبي واللي بيمشك دماغك عمرك ما هتقدر تفهم اللي قدامك انا اديتك كل حاجه كويسه سلمتك نفسي انا عملت ايه شكيت فياا ودمرتني
ادهم قرب منها ومسك شعرها بهدوء وبعدها شد عليه جامد :انتي ملك ليا تفكيرك قلبك جسمك كلك ليا لوحدي مسمحش لحد يفكر فيكي ولا تفكري فيه مين قاسم اللي بتحاولي توصلي ليه ميييين
ياسمين بتبكي وبس
ادهم بجنون :سكوتك دا معناه ايه انطقي هطلع رووووحك في ايدي خايفه عليه خايفه تقولي هو مين
ياسمين بشجاعه :ايوا خايفه عليه علشان دا الامل الوحيد اللي هيخلصني منك يا ادهم
ادهم بغضب معمي نزل ضرب فيها بالحزام وهي بتصرخ بأعلي صوت عندها
في منزل منير الالفي
نزلت حبيبه بلبسها المحتشم اللي عباره عن جيبه جلد اسود وبروڤل ابيض تقيل وطرحه سودا ومعاها الكتب بتاعتها وجنبها زهره وفرحه
حبيبه بهدوء:صباح الخير
اسر بص عليها وعلي لبسها برضي:صباح النور
غسان :عندك دروس النهارده لامتي يا حبيبه
حبيبه :عندي لحد الساعه 3 العصر يا بابا
غسان :تمام يا قلب ابوكي متتأخريش برا يا بيبو
حبيبه :حاضر يا بابا
فرحه :عمر باشا وحشني والله
عمر بص ليها :خير يارب مبخفش غير منك عوزه ايه
فرحه :قلب جيبك كدا شخلل يعني
عمر بصدمه :اقلب واشخلل ؟ انتي بتتعلمي الكلام دا منين يابت
فرحه ببرائه :انا معملتش حاجه انا بس عوزه فلوس علشان اشتري الكتب بتاعت المدرسه
عمر :دا انا دافع حق الكاب دي 6 مرات السنه دي
فرحه بتوتر :حبيبه حقه هو دفع حق كتب السنه دي
حبيبه :الصراحه لاء يا ابيه مدفعتش حاجه
زهره :انا من رأيي خلص نفسك واديها فلوس وخلاص
منير بضحك :بس كدا زهره جابت النهايه
عمر طلع فلوس واداها ليها :خدي يا قدري قدامكم اهو يا جماعه الكتب ادفعت واخدت فلوسها المهم لما اقوم اروح الشغل علشان قصة الرمل اللي عوزين يطلعوه من البحر دا
غسان :ايوا فعلا استخراج الرمل اليومين دول بسفن بتشيل فوق طاقتها دي ممكن تغرق يبني
عمر وهو بيلبس الجاكت :سيبها علي الله بقااا
غسان :سيبنها متقلقش هبقي اجي اشقر عليك كدا واتكلم مع القبطان اللي هناك علشان دي مخاطره بالحياه وفيها محاكمه دي
عمر :تنور يا حبيبي يلا مع السلامه عوزه حاجه من برا وانا راجع يا ام فرحه
نورهان :هات لبن بس وانا راجع
عمر :تمام يلا سلام
نورهان :مع السلامه يا حبيبي
غسان بغضب :والحيوان اللي اسمه عاصي فين ؟
اسر بغيظ:الحمار طردني برا الشقه وقفل الباب بالمفتاح
محمد بضحك :عليا النعمه يا غسان انت عندك عاصي دا حكااايه
قاسم :يا جدع الاسبوع اللي فات كنت معاه في اجتماع الشركه ساب الاجتماع والصفقه وفضل يضحك مع البت اللي هناك البت بتقوله عاصي بيه يرد الدنجوان بتاعنا نعم يا قلب عاصي في نص الاجتماع
الكل ضحك عليه الا غسان
غسان بص لنور :شايفك مبسوطه ابنك دا يا يموتني يا اموته ومفيش حل تاني
نور بضحك :بعيد الشر عنك وعنه هو شويه وهيتعدل لوحده
منير :انا لو امي الله يرحمها كانت عايشه وشافت منظر عاصي ابنك دا والله يا غسان كانت طخيته بنار
الكل اترحمو عليها وضحكو
زهره قاعده جنب سيف ابن يمني علي المرسي بتقرض في رجله
سيف بزهق قام تف عليها
زهره بصريخ :يمنيييييي ابنك الحيوان تف عليا
يمني :دا ينفع يا زباله يا قليل الادب
سيف ذات 3 اعوام قام جري علي محمد :يا بابا هي بترقص رجلي
محمد بضحك :بترقصي رجله ليه يالي تنشكي
سيف بهمس :وقالتلي ابوك بارد كمان
محمد بهمس :لاء دي كذبه واضحه اووي غير
سيف بقمص :قوم اضربها بقاا مليش دعوه
محمد بهمس: لما نمسكها لوحدها
محمد بحماس :لما نمسكك لوحدك هندقك يا زهره
زهره طلعت لسانها بغيظ ليه وهزت فرحه اللي مركزه مع اسر بكل حركاته بعشق مجنون
زهره :احم فرحه تعالي نعد في البلكونه شويه لسه قدامنا شويه علي دروسنا
حبيبه بستغراب:عندكو دروس سوا ولا ايه
فرحه بغمزه لزهره :لاء هاخدها معايا هنروح نشتري شويه حجات كدا
حبيبه :طيب برحتكم انا همشي علشان اتأخرت يا بابا سلام يا ماما
نور بسرعه :استني يا حبيبه عوزاكي تعالي
حبيبه راحت لأمها جوا الاوضه :نعم يا ماما في حاجه
نور بتوتر:وانتي راجعه هاتي اختبار حمل من الصيدليه بس اوعي حد ياخد باله
حبيبه بصدمه :انتي حامل
نور :حبيبه متعقدنيش انتي التانيه هاتي ونشوف الاول
حبيبه بضحك :حاضر يا مامي باي ونزلت علي السلم وهي بتضحك
اسر كان راكب العربيه بتاعته ومستنيها تحت وهي طلعت ركبت جنبه
اسر قرب عليها وباسها من خدها :الوحش بتاعي عامل ايه النهارده
حبيبه بخجل ضربته في كتفه :اسر بطل حركاتك دي لو حد شافنا كدا هيقول ايه
اسر :هيقول واحد بيعشق حببته بس هي مش راضيه عليه
حبيبه ضحكت بشده
اسر بستغراب :بتضحكي علي ايه اووي كدا
حبيبه وهي بتحاول تسيطر علي ضحكتها:مفيش مفيش بس احضني بردانه اووي
اسر اخدها في حضنه وبقا يسوق بإيد وحده : ادفيكي ياعمري بس بتضحكي علي ايه بقااا
حبيبه بضحك :باين ماما حامل بعتاني اجيب اختبار حمل وانا راجعه
اسر بعدم فهم :والامر في ايه يضحك برضو ؟
حبيبه بصت ليه :انا عاصي اخويا عنده 23 سنه وبابا كمان كبر يعني اسكت بقا
اسر بغمزه :احنا رجاله اووي يابت انا ذات نفسي مش هرحمك انا عاوز عيال كتير اووي
حبيبه بحب :بدام هيكونو منك يبقي موافقه
اسر باس راسها :يلا علي الدرس لو اي حاجه حصلت ترني بيا وخدي بالك علي نفسك يا قلبي
حبيبه :وانت كمان يا روحي خد بالك من نفسك ونزلت واسر استني لما دخلت السنتر ومشي علي ش
في الكتيبه غسان كان قاعد علي مكتبه بيشوف فرق المطوعين هو وقاسم ومحمد
محمد :اهدو بس يا جماعه انتو مش وخدين بالكو من اسم غريب من ضمن المطوعين دول ؟
غسان بغموض :نفس اللي اخدت بالي منه الاسم عربي لكن شكل الجندي مستحيل يكون عربي
قاسم :يعني تفتكرو الموضوع في تزوير بس لو هو كدا هدي المراحل بتاعر الجيش ازاي وهو ورقه متزور ؟
غسان :جاسوس اسرائيلي باينه زي عين الشمس
محمد :مالك بتقولها زي ما يكون عمي صبحي بتاع القهوه ليه كدا ؟ انتو وخدين بالكو ان دلوقتي في مأمره هتم ضدد الجيش ولا انتو فين ؟
قاسم بتركيز :كلام محمد صح جاسوس اسرائيلي موجود ضمن المطوعين يبقي حل واحد وان في تخطيط بيتم علشان يدمرو الجيش
غسان بقلق :احنا لازم نعرف كل حاجه في اقرب وقت انا هروح للواء اشرف واعرف منه دا دخل ازاي علشان مش الواد دا بس اللي موجود دول كتيبه كامله موجوده بس متفرقين
في حد خبط علي الباب
غسان :ادخل
العسكري بحترام :حضرت الظابط قاسم الجواب دا جي لحضرتك من حوالي اسبوعين
قاسم اخد الجواب وفتحه :جواب ايه دا وفضل يقرء شويه
غسان بص لمحمد ورجع بص لقاسم :في ايه يا بني جواب ايه دا
قاسم بستغراب:انا مش عارف في ايه مين ياسمين ومعنفه ولا في ايه
غسان :ايوا يعني ايه في الرساله
قاسم بتشويش:مش عارف بس صورة البنت مش باينه بس مش غريبه عليا خالص
محمد وهو بيهرش في دقنه:ايوا هنسيب الموضوع الاساسي ونركز في ياسمين ؟
قاسم قلب في الورق لقي سي دي مسكه بستغراب:غسان هات الاب توب بتاعك بسرعه انا متأكد ان البنت دي مخطوفه
غسان ادي الاب توب ليه وحطو السي دي وبدؤ يشوفو استغاثه البت وفجأة السي دي وقف في نص الفديو
غسان بستغراب هو ومحمد:تمام نعتبر ان البت مخطوفه اللي خاطفها جي من وراها بيقولها حببتي بتعملي ايه مش
منطقي خالص؟
محمد :انا مع غسان الكلام مش منطقي خالص
قاسم بصدمه :…..


رواية حين تقع في الحب الجزء الرابع 4 الفصل الاول 1 - بقلم ندى علي حبيب
حبيبة

تعليقات

ليست هناك تعليقات
إرسال تعليق
    google-playkhamsatmostaqltradent