Ads by Google X

رواية ونس الفصل الثالث 3 - بقلم فاطمة حسن

الصفحة الرئيسية

  رواية ونس كاملة بقلم فاطمة حسن عبر مدونة دليل الروايات 


 رواية ونس الفصل الثالث 3

وصلت البيت و كنت تعبانه جدا ملقتش امي في البيت فتأكدت انها راحت عند خالتو احنا ملناش غير بعض 

لقيتها سيبالي الاكل سخن و كاتبه رساله في محتواها انها راحت عند خالتو و ان اكل و اخد علاجي 

دخلت اوضتي غيرت هدومي و خرجت قعدت اكلت و قومت جبت التليفون قعدت العب و شويه و امي كانت جات 

- مساء الخير يا أيام 

= مساء الفل يا ماما

- مشوفتيش يونس

سؤال انا عارفه و متأكده إن ماما عارفه ان اكيد شوفت يونس بس مفهمتش اي لزمة السؤال 

= شوفته يا ماما 

- تمام 

سبتها و قومت نمت و صحيت تاني يوم لبست و نزلت الجامعه لوحدي كنت حاسه ان اتحسنت و عندي قدرة ان أروح لوحدي

فاتت اول محاضرة و خرجت قعدت افطر برا  و فجأة لقيت بنت جت قعدت جنبي واحدة واحدة بدأت تعيط فخوفت عليها 

- أنتِ كويسه؟

= لا أنا مش بخير حاسه اني تايهه ممكن احضنك 

خدتها في حضني فعيطت اكتر ... و مكنتش عارفه اهديها غير إني بطبطب عليها لحد ما هديت 

- شكرا خالص حقيقي كان نفسي حد يطبطب عليا زيك كدا

= حبيبتي انا معاكي و جنبك وقت ما تحتاجيني  صحيح اسمك اي

- اسمي هدى 

= و انا ايام 

سابتني و مشيت ... 

أحيانا كتير مش مطلوب منك لما حد يجي يحكيلك مشكله إنك تقوله معلش او ترد عليه ،سيبه يطلع كل اللي في قلبه و اسمعه كويس أحيانا مش بنكون محتاجين كلمة معلش بس محتاجين حد يحضنا و يطبطب علينا و يقولنا هتعدي.. 

خلصت محاضرات و قعدت شوية فلقيت يونس اتصل بيا و قالي انه مستنيني عند بوابة الجامعه.. 

فمشيت علشان اطلعله بس حسيت ان مكان العمليه في الم شوية فمشيت ببطء  لحد ما وصلت 

- بقالك ساعه علشان تيجي 

= الاحساس نعمه

- سبنالك الاحساس كله

=طيب عايز اي 

- بصراحه زهقان اووي 

سكت شوية و بعدين رديت

= بص تعالى ناكل ايس كريم و بعدين نروح الملاهي 

ابتسم و بعدين قال .... ماشي 

ركبنا العربيه و مشينا و نزلنا عند الملاهي.. كان في حد بيبع ايس كريم فجبنا اتنين اكلناهم و احنا واقفين مع ان الجو كان بارد تلج.... بس الجو ميحلوش من غير ايس كريم في ديسمبر.... ايس كريم في جليم..

خلصنا و دخلنا الملاهي لعبنا بالعربيه و ركبنا الحصان و كذا لعبه غيرهم.. كنت بضحك بصوت عالي كأن اول مرة اضحك  و يونس بيضحك على ضحكي 

- تعرف اول مرة اضحك كدا من قلبي 

= ضحكتك جميله اووي 

- تسلم يا غالي 

ركبنا العربيه و مشينا شويه و تليفوني رن و كانت ماما 

- ايوه يا ماما 

= يونس معاكي؟

-اه

= طيب تعالوا انتوا الاتنين على بيت خالتك 

- حاضر يا ماما

قفلت معاها و قولت ليونس على الحوار 

- تفتكري في حاجه مهمه للتجمع دا 

= لا بصراحه مش فاهمه حاجه 

سكتنا و عم هدوء غريب علينا لحد ما وصلنا 

دخلنا الشقه لقيت ماما و خالتو 

فسلمت على خالتو و حضنتهاا و قعدنا كلنا ناكل سوى و في هدوء 

خلصنا اكل ف خدت الاطباق على المطبخ و روحت جبت الشاي  و طلعت الصاله 

كانوا قاعدين ساكتين لحد ما شربنا الشاي و خلصنا 

فاتكلمت خالتو

- خطوبتكم و كتب الكتاب كمان يومين و مش عايز اي نقاش...

بصينا أنا و يونس لبعض بصدمة و محدش فينا فاهم حاجة او فاهم اي سبب القرار دا اصلا بس اهي كارثه على دماغنا.  .

  • يتبع الفصل التالي اضغط على ( رواية ونس ) اسم الرواية

 رواية ونس الفصل الثالث 3 - بقلم فاطمة حسن
nada eid

تعليقات

ليست هناك تعليقات
إرسال تعليق
    google-playkhamsatmostaqltradent