رواية هذة ليلتي كاملة بقلم نجمة براقة عبر دليل الروايات
رواية هذة ليلتي الفصل الواحد و العشرون 21
ليلى بتروح عند صلاح وهي خايفه منه ومن ردت فعل منصور ولو عرف اللي حصل
ليلي _ ازيك ياعمي
صلاح بخبث _ ليلي حبيبتي تعالي في حضن عمك
ليلى تقرب منه بخوف وهو يحضنها
صلاح _ عامله ايه يابنتي
ليلي _ كويسه وحضرتك
صلاح _ زعلان منك، كده متساليش عليه مره واحده بعد ما اتجوزتي
ليلى _ معلش مفضتش
صلاح _ شوف منصور بيه، بتقولي مفضتش بعد ما ربيتها زيها زي بنتي، لا انا زعلان
منصور _ ليه كده يا ليلي، غلطانه كان لازم تسألي عليه
ليلى _ انا اسفه ياعمي
صلاح _ لا مش هقبل اي اعتذار، انتي هتيجي تتغدي معانا زي زمان وبعدين اشوف هسامحك ولا لأ
ليلى بخوف _ مش هقدر انا مسالتش يامن
صلاح _ ملكيش دعوه بيامن وهو يقدر يتكلم،.. واحد وخد بنته تتغدا معاه، وبعدين عمك منصور مكانه هنا ولا ايه منصور بيه
منصور _ صح يا بنتي .. روحي معاه وملكيش دعوه بيامن
ليلى _ مش هقدر
صلاح بإبتسامة _ تعالي عاوزك، اذنك منصور بيه هقولها كلمتين
منصور _ خليكم انا هطلع اوضتي شويه وانتو خدو راحتكم
بيمشي منصور وصلاح بيرجع لطبيعته
صلاح _ بقا كده متساليش علي الراجل اللي رباكي في بيته
ليلى _ انت عاوز منى ايه تانى
صلاح _ تيجى معايا
ليلى _ اجي معاك فين
صلاح بحده_ تيجي وخلاص مش عاوز نقاش كتير
ليلى _ مش هروح
صلاح _ مش بمزاجك، انتي لو مجتيش انا هبلغ حماكي علي اللي بيحصل وانكم بتستغفلوه انتي ويامن
ليلي _ قول اللي انت عاوزة انا معايا ورق يثبت اني متجوزاه
صلاح ببرود _ باين اني مش هعرف اجبرك تيجي معايا اعمل ايه اعمل ايه.. جوزك عامل ايه صحيح الا هو فين
ليلى _ مالك بيه
صلاح _ أبداً بس رجالتي وراه بالعربية ومستنين رنه مني عشان يضربوه بالرصاص،، خساره شبابه هيضيع بسببك
ليلي بانفعال _ لو يامن حصله حآجه انا هنسا انك ربتني
صلاح يمسكها من شعرها بشده_ صلاح مبيتهددش،.. معاكي خمس دقايق تبلغي حماكي انك هتيجي معايا، ولو لاوعتي انا هخلص علي يامن
ليلى بدموع _ ماشي هاجي بس سيب في حاله
صلاح _ اخلصي، وبيذقها
ليلي تدخل جوه هي وتبكي وتقابل رانيا في وشها
رانيا تبصلها بغضب وتضربها بالقلم _ انا هقول لعمي علي كل حآجه، لو حصلت حآجه ليامن مش هيكفيني فيكى عمرك
ليلى ببكاء _ رانيا استني الله يخليكي، مش هيحصله حآجه اوعدك، بس انتي لو قولتي لعمي منصور اكيد صلاح هيقتلو
رانيا بانفعال _ انا طلعالوه وهعرفه مقامه وبعدين افضالك انتي
ليلي ببكاء _ مش هتقدري عليه ، دا مربيني وحاول يقتلني .. الله يخليكي تهدي، انا لما اروح معاه مش هيعملو حآجه، هو عاوزني انا وبس
رانيا _ ماشي روحي اتمنا يخلص عليكي ونرتاح منك
ليلي بدموع _ لما يجي يامن قوليلوه اني روحت لا ادم وبلغيه ان كده مهمته انتهت معايا
رانيا _ اادم، اللي بتستغفلي يامن معاه
ليلي _ زي ما سمعتي انا ويامن مش متجوزين حقيقي احنا صحاب وبس وهو عارف بالحكايه كلها .. عن اذنك
نادر بيروح هو ورجالته ل عز، وبيودوه المستشفى يعملوله الازم وبعدين يرجعو البيت . ويقعدوه في الاستراحة بتاعت الفيلا
نادر بامتنان _ متشكر ياعز انا مديونلك،، بعد ما تخف ليك عندي مكفاه كبيره
عز_ متشكر نادر باشا،
جيلان_ حمدالله على سلامتك
عز _ شكرا يافندم
نادر_ تعالى ورايا، وبيمشي قدامها
جيلان بإبتسامه_ متشكره ياعز،
عز _ دا واجبي يافندم
جيلان_ ميرسي، الف سلامة عليك…
جيلان بتروح ورا نادر واول ما بتوصل عنده تلاقي قلم نازل علي وشها يوقعها علي الأرض
جيلان ببكاء_ .. بابا انا اسفه
نادر يجيبها من شعرها ويضربها قلم تاني وبغضب_ عرفتي تضحكي علينا كلنا انتي ايه، والله لو مش بنتي كنت دبحـ.تك انتي جبتيلي العار، منظري بقا زفت قدام الحرس بسببك
جيلان ببكاء_ انا عارفه اني غلطانه، سامحني يا بابا
نادر_ بعد اللي عملتيه اسامحك،.. مش ممكن، انتي هتدخلي اوضتك مش هتطلعي منها غير علي بيت ادم انتي فاهمه
جيلان ببكاء_ حاضر
نادر بزعيق _ ادخلي يلا مش عاوز اشوف وشك قدامي
بيت صلاح
ناردين بتكلم توقه في التليفون
ناردين_ اسكوتي كنت هتكشف
توقه_ يارب كان كشفك،.. عاجبك منظري وهو فاكر نفسه بيكلمني وهيمان فيه .. دا لو خطيبي عرف هيطلقني قبل ما يتجوزني
ناردين_ وهو هيشوفك فين تانى، انتى مش سافرتي خلاص
توقه_ الامر ميسلمش بردو
ناردين_ متقلقيش
توقه_ طيب وبعدين هيفضل كده كتير مش عارف انك انتي اللي بتكلميه ولا بتساعديه حتى
ناردين _ لا مش هيعرف
توقه_ انا بدات اقلق عليكى، مالك ياحبيبتي ايه حصلك
ناردين_ مالي ما انا كويسه اهو
توقه_ شيفاكي شاغله نفسك بسواق وبعتيلو من مجوهراتك عشان تساعديه ودي بشاير مطمنش
ناردين_ دي اقل حآجه اعملها تعويض عن اللي عملته معاه
توقه_ وافرضي ابوكي عرف
ناردين_ وهو هيعرف منين يعني
توقه_ افرضي عرف
ناردين بحيره_ معرفش،
توقه_ انا رايي انك تسيبك منه كفاية اللي عملتيه، وارمي الخط اللي بتكلميه منه وبكده مفيش اي مشكله
ناردين_ هستنا شويه وبعدين هعمل كده
توقه_ انتي حره انا حذرتك
ناردين_ طيب اقفلي اهو بيرن علي الخط التاني
توقه_ روحي يختي ربنا يسترها
ناردين_ بطلي رغي، يلا باي
ناردين_ ازيك
شامي_ الحمدلله عامله ايه
ناردين_ تمام
شامي بإبتسامه_ وحشتيني
ناردين_ وانت كمان، بتعمل ايه
شامي_ بفكر فيكي
ناردين_ انت بتعاكسني؟
شامي_ ههههه بتكلم جد، وجيتي علي بالي ف حبيت اسمع صوتك
ناردين بإبتسامة_ مبسوطه انك افتكرتني
شامي _ دايما فاكرك،.. مش هقابلك بقا
ناردين_ ان شاءلله بس مش دلوقتي
شامي_ امال امتي
ناردين_ لما ارجع من السفر
شامي_ مسافره فين
ناردين_ اااا.. اسكندريه
شامي_ هترجعي امتي طيب
ناردين_ ورايا شوية شغل هنا، لما اخلصه هرجع
شامي بإبتسامه_ متتاخريش
ناردين _ كدة هفهمك غلط
شامي_ ازاي
ناردين_ هفكر انك حبتني مثلا
شامي_ ههههه صريحه وجريئه انتي
ناردين_ انت اللي غريب
شامي بإبتسامه_ الحقيقه اني مشدود ليكي فعلاً، بس مكنتش متجراءاقولك لا تفهميني غلط
ناردين_ مش هفهمك غلط قول اللي انت عاوزة
شامي_ ههههه اللي انا عاوزة كله كله
ناردين_ ههههه مش اوي كدة
شامي_ انا مش هتكلم احسن
ناردين_ احسن،، قولي بقا اخبار الشغل ايه
شامي_ كويس
ناردين_ مبسوط فيه ولا اشوفلك شغلانه تانيه
شامي_ مبسوط
ناردين_ اهااا تلاقي الهانم اللي قولتلي عليها كويسه معاك او حلوة اوي علشان كده حابب الشغل ده
شامي_ هي حلوه بس انا مش بهتم بحلاوتها مبتبهرنيش يعنى
ناردين _ تلاقيها مغروره
شامي بإبتسامه _ كانت كده في الاول دلوقتي بقت احسن
ناردين بإبتسامة _ اه كويس
شامي_ هنقضيها كلام عنها ولا ايه
ناردين _ لا ههههه
شامي _ بتضحكي ليه
ناردين _ ههههه مبسوطه اني بكلمك
شامي بإبتسامه _ يارب دايما مبسوطه ياستي
وفجاه بيقطع حديثها صوت صلاح
صلاح _ ناهد.. ناردين
ناردين تقفل الخط فى وش شامي وتطلع تشوف فى ايه.. ف تلاقى ليلى جايه معاه وشكلها زعلانه
ناردين _ ليلي
صلاح_ ليلى رجعت بيتها تاني يا ناردين، فين ناهد ترحب بيها
ناردين_ مش موجوده دلوقتي.. ازيك يا ليلي
ليلى بدموع_ كويسة وانتي
ناردين باستغراب_ مالك زعلانه ليه
صلاح_ جوزها زعلها
ناردين_ ولا يهمك تعالي معايا
ليلي تبصلها باستغراب وتروح معاها
يامن بيرجع البيت وفي ايده علبة شيكولاته وبيقابل رانيا في وشه.. ويمشي ويتجاهلها
رانيا _ مش موجوده
يامن _ هي مين
رانيا _ ليلي مش موجوده وقالتلي اقولك انها راحت لادم وبتشكرك علي تعبك معاها
يامن _ انتي كدابه
رانيا _ مش مصدقني روح شوفها مش هتلاقيها
يامن يسيبها ويدخل جوه وينده علي ليلي متردش.. ويدور في البيت كله وميلقهاش وبعد شويه منصور بينزل من فوق
منصور _ اتاخرت ليه
يامن _ فين ليلي يا بابا
منصور _راحت مع عمها
يامن _ عمها مين
منصور _ صلاح
يامن بصدمه _ صلاح متأكد انه اسمه كده
منصور_ ايوه
يامن بانفعال _ ومحدش كلمني ليه
منصور _ وانت كنت هترفض يعني
يامن بعصبيه_ ايوة هرفض، ازاي تروح معاه من غير ما حد يقولي
منصور _ ياامن متنساش نفسك اللي بتعلي صوتك عليه ده ابوك
يامن بغضب _ انا ماشي وبيسيب البيت ويطلع من غير ما يرد علي ابوه
في بيت صلاح
يامن بيدخل الفيلا والحراس بيمسكوه
يامن بانفعال_ سيبوني انا عاوز اقابل صلاح
الحارس _ هنبلغه الاول
يامن _ بسرعه طيب
الحارس بيكلم صلاح وبعدين بيرجع يكلم يامن _ اتفضل مستنيك جوه
بيدخل جوه ويقابل صلاح
يامن_ ليلى فين
صلاح ببرود _ ليلي مين
يامن بانفعال _ بقولك ليلي فين يا صلاح
صلاح _ صلاح حاف كده
يامن _ قول وديتها فين احسنلك
صلاح يشاور للحراس يمسكوه
يامن _ سيبوني، والله لا هقتلك يا صلاح لو مقولتش وديتها فين
صلاح _ انت بتهددني وفي بيتي كمان
يامن_ لو ما رجعتهاش هاقتلك بجد
صلاح ببرود _ دي بنتي وانا رجعتها، هي مش عاوزاك ياخي
يامن بانفعال _ ملكش دعوه عاوزاني ولا لا هي فين دلوقتي
صلاح ببرود _ ليلي! تعالي
ليلي بتنزل وتشوفه
يامن يضرب الحارس ويجري على ليلي بقلق
يامن_ ليلي انتي كويسه
ليلى بإبتسامه_ ايوة
يامن_ مالك
ليلى_ مفيش انا تمام…
يامن_ الراجل ده عملك حآجه
ليلي_ لا بالعكس، كله تمام، متشكره على اهتمامك
يامن بأستغراب_ هو في ايه
ليلي_ انا قولت ل رانيا تبلغك اني خلاص ماشيه وتبلغك شكري علي تعبك معايا
يامن _ يعني ايه
ليلي_ يعني خلاص موضوعنا انتها عمي وافق علي جوازي من ادم واعتذرلي عن اللي عمله
يامن بوجع_ وانتي فرحانه؟
ليلى_ اه اوي، مش هو ده اللي كنا عاوزينه
يامن بوجع_ طب طيب انتي كنتي هتقوليلي حآجه لما ارجع
ليلي بإبتسامة_ كنت هشكرك علي تعبك معايا واقولك اني همشي، ونطلق بقا
يامن تغلبه دموعه _ ليلي هو غاصبك تقولي كده صح اتكلمي متخافيش
ليلى بإبتسامة_ وانا هكدب عليك ليه، هو لو كان غاصبني او خاطفني زي مانت فاهم، هيجبني في بيته بردو
يامن بترجي_ طيب اديني اي إشارة وانا هفهم، انا عارف انك مجبره تقولي كده
ليلي تمسك ايده بإبتسامة_ مقدره قلقك عليه، بس خلاص اطمن انا رجعت بيتي تاني، وبعد شهور العده هتجوز انا وادم
يامن بوجع_ مش مصدقك انتي بتكدبي انا عارف،، علشان خاطري خلينا نمشي محدش هيقدر يقربلك طول مانتي معايا
ليلي بإبتسامة_ مش بقولك انك جدع، احسن صديق في الدنيا، عارفه اني معاك في امان، لكن خلاص بقا دور ادم جه باركلي بقا
يامن _ بس يا ليلي انا .. صلاح يقاطعه
صلاح__ اظن كفاية كده، اهي قالتلك انها كويسه ومفهاش حآجه.. يلا اتفضل
يامن بانفعال ملكش دعوه أنت.. ليلي بلاش جنان وامشي قدامي
صلاح يشاور للحراس ويمسكوه ويطلعوه لبرا
يامن بانفعال_ سيبوووني … ليلي عشان خاطري ما تعمليش فينا كده، والله هحميكي
ليلي تبص عليه هو وماشي وتبكي لغيت ما بيختفي عن نظرها
ليلي بترجي _ اوعا يعملوله حآجه، انا اهو قولت اللي عاوزة
صلاح_ متخافيش مش هنعملو حآجه، هتروحي دلوقتي علي اوضتك وتقفلي علي نفسك مش عاوز الباب يتفتح لاااي حد. حتي لو ناهد خبطت متفتحيش
ليلى ببكاء _ ماشي، و بتطلع لفوق وتلاقي ناردين واقفه وبتبص عليها، ف بتمشى وتسيبها، وناردين بتروح وراها عند اوضتها
ناردين بحزن_ ليلى
ليلى تداري وشها منها_ نعم
ناردين تقرب منها وتحضنها _
وهي تضمها وتبكي _
ناردين بدموع_ انا اسفة،
ليلى ببكاء_ هو انا عملت ايه علشان يحصلي كل ده
ناردين_ اهدي، يا ليلي، كله هيتصلح اوعدك
ليلى ببكاء_ مفيش حآجه هتتصلح. سيبيني وتدخل اوضتها وتقفل علي نفسها
ناردين_ ليلي افتحي
ليلى_ سيبيني يا ناردين
ناردين تنزل بسرعه عند ابوها وهي متعصبه
ناردين_ ايه اللي سمعته ده، عملتلك ايه ليلى عشان تعمل فيها كل ده حرام عليك انت ازاي طلعت كده
صلاح يضربها بالقلم بكل قوته _ والله مش هي دي ليلي اللي كنتي بتكرهيها.. اطلعي فوق، اياكي تدخلي في الموضوع ده
ناردين بدموع_ والله حرام عليك انا بجد انا مصدومه فيك وتطلع علي اوضتها وتلاقي شامي بيرن ف تقفل عليه وتكمل بكاء
في مكان اخر
فهد بخيبه _ نور
نور _ جاي ليه
فهد بأسف_ جاي اقولك ان
نور بقرف_ هتقولي امتي هتحبيني صح، لا ياسيدي مش هحبك وبيتك هسبهولك اهو
فهد_ مش كده
نور بقلق_ امال في ايه
فهد_ ابن خالتك مات
نور بصدمه_ انت بتقول ايه
فهد _ زي ماسمعتي
نور ببكاء _ انتي بتكدب صح. مستحيل يكون ده حصل دا كان من كام ساعه معايا
فهد _ ده اللي حصل البقاء لله
نور ببكاء _ وده حصل ازاي وامتي
فهد _ زي ماحصل بقا المهم انه مات
نور بانفعال _ انتو قتلتوه صح
فهد _ انا مشوفتش حآجه
نور بانفعال _ اكيد قتلتوه انا هوديكم في داهيه، وبتمشي نحية الباب وهو بيوقفها
فهد _ رايحه فين
نور_ ملكش دعوه
فهد _ نادر لو شافك هيقتلك
نور بانفعال _ انا ريحالو ونشوف مين هيقتل مين
فهد _ طيب تعالي انتي هتقدري تقتلي انتي، استهدى بالله
نور ببكاء _ خالتى لو سمعت هتموت
فهد _ عمره كده هتعملو ايه
نور _ مش عمره انتو اللي قتلتوه،
فهد _ هو السبب محدش قالو يخطف جيلان ويحاول يتعدا عليها ومش بس كده.. عز راقد في البيت بسببه بعد ما طعنه
نور _ يعني عز اللي قتلو ولا نادر قولي
فهد _ دا الي همك مسمعتيش حآجه من اللي قولتها
نور ببكاء _ كان ممكن يتحبس بس ليه القتل
فهد _ هو اللي جابه لنفسه….
في فيلا صلاح
ادم بيدخل الفيلا يلاقي صلاح مستنيه
صلاح _ ازيك يا عريس
ادم بزهق_ بابا ريح نفسك انا مش هتجوز جيلان
صلاح ببرود _ عارف مين عندنا
ادم _ مين
صلاح _ ليلى حبيبة القلب
ادم _ ليلى.. هي فين
صلاح _ في اوضتها
ادم بفرحه _ بجد يعني انت وافقت اني اتجوزها
صلاح _ لأ مين فهمك كده
ادم _ امال ايه
صلاح _ أبداً ياسيدي، اصل فكرت ولقيت ان احسن حل اجبها هنا تحت عيني علشان لما تعند معايا اقتلها قدامك وبسهوله
ادم بغضب _ الظاهر انك كبرت وخرفت، ويسيبه ويطلع جري على اوضة ليلي
صلاح _ مش هتفتحلك، وهحاسبك علي غلطك في ابوك
ادم يوصل الاوضه، ويخبط علي الباب
ادم _ ليلي افتحي .. لكن مبيلقيش رد… ليلي انا ادم افتحيلي
ليلي ببكاء _ امشي يا ادم مش هفتح
ادم _ افتحي متخافيش
صلاح بيجي وببرود_ شاطره يا ليلي بتسمعي الكلام
ادم بانفعال _ قولها تفتح
صلاح_ لو الباب اتفتح هتموت وبهدوء كده تروح معايا لنادر عشان نخلص
صلاح ببرود_ ياااه يا ادم ليه تعصا الوالدين وتكون عاق ، انت كده هتخش النار، بس انا مسامحك،.. اممم بص كده..وبيطلع ريموت من جيبه
ادم_ اي ده
صلاح_ بص كده.. لا خليك بعيد شويه.. ايوه كده.. شايف الزرار ده
ادم بزهق_ مالو
صلاح _ ده ريموت قنبله بس مش قنبله كبيره يدوب تفجر اوضه واحده حذر فذر اوضة مين
ادم _ اوعى
صلاح ببرود_ شكلك فهمت ومش.محتاج اكمل.. القرار بايدك تجوز جيلان او تموت ليلي
- يتبع الفصل التالي اضغط على ( رواية هذة ليلتي ) اسم الرواية