رواية طفلة هزت كيان فرعون بقلم مروة موسي
رواية طفلة هزت كيان فرعون الجزء (2)الفصل الثلاثون 30
سليم مسك المايك مكانه واتكلم فيه : احنا ادنالك واحدة من عندنا تدينا واحدة من عندك عشان نبقي خلصين انا طالب ايد جنة مش عشان بحبها لاء اعتبرها تخليص حق
جنة وهي حاطة ايديها في وسطها: والله طيب بعد اذنك ي بابي انا رافضة
خالد: انت بتعمل اي وانتي كمان بتقولي اي
عز: هااا دا كان اتفاقنا ان سليم وجنة لبعض
سليم: انت كنت متكلم علينا
خالد: بس انا فكرت وقولت لاء وخصوصا ان بنتي قالت لاء وربع ايده
جنة: ايوا قال تخليص حق كدا ي سليم ماشي
سليم متجه ليها: وفيها أي اضحك علي الناس بكلمتين وانت عارف الاساس ي غالي
عز : ايوا ي جااامد ي ابو الجامدين بتعرف تثبت
خالد: باااااس اسكت
جنة: خلاص ي بابي نسامحه المرة دي بس
سليم، هااا ي عمي اطلع الدبلة
عز بصوت واطي: ي ابن الك*ل*ب انت مجهز كل حاجة
سليم: هشششش الكاميرا علينا
خالد؛ موافقة ي بنتي
جنة وهي شايفه سليم بيقعد علي ركبة قدامها وبيطلب ايديها: موافقة ي بابي
سليم لبسها الدبلة وقام يحضنها
عز وقف في النص: هنروح في داهية عمك خالد مش هيسيبك اثبت مكانك
سليم: عاوز احضنها ي عالم بقت حاجة ربطانا ببعض
نور بصوت واطي: علي اساس انه اول حضن ولا محضنتهاش قبل كدا
سليم : هو انا مفضوح اوي كدا
ملك: مبرووك ي حبيبي
سليم: الله يبارك فيكي ي طنط عقبال أدهم ان شاء الله
أدهم بعند: ان شاء الله قريب جدا
سيلين لحظت كلامه وسكتت
والكل كمل الحفل وكان في غاية الروعة
في احد الايام في الشركة
مايا: هاي بيبي
أدهم بقرف وتماسك : اهلا ي ماية
مايا: اسمي مايا مش ماية
أدهم لاحظ ان سيلين جايه عليهم: بقولك ي بيبي
مايا: قول ي بيبي انت
أدهم: ابقي ابعتلي رقم باباكي
مايا: بجد
ادهم: ايوا لازم اكلمه في الموضوع دا
سيلين بغضب: اطلعي برا واسحبي ملفك من هنا برااا
أدهم: مش معاملة لزميلة كدا
سيلين وهي راجعة القلم بايديها : انت تلتزم انت فاهم وإلا
أدهم وهو قاعد وحاطط رجل علي رجل: وإلا اي هتكثفي الشغل ميهمنيش
سيلين: انت ملكش اجازة لآخر الشهر
ادهم: ومين اللي هيسمع كلامك
سيلين بعصبية: انت زيك زي اي حد هنا تقول حاضر وبس
أدهم بصوت عالي: احترمي نفسك بقي وشوفي موقفك انا هنا زي زيك بالظبط انتي مهندسة وانا مهندس بالعكس كمان كل الشغل اللي معايا واحدة زيك متعرفش تخلصه في سنة ومش بس كدا انا هنا مدير المهندسين كمان مش معني اني بشتغل عشان اقلل الحمل علي الباقي تكلميني كدا انا وصلت للمكانة دي مش بالساهل زيك انا وصلت ليها من وانا بدرس بشتغل واترقيت بفضل مجهودي متجيش واحدة زيك واصلة بالجاهز تتكلم لاء لو الشغل هيمشي كدا احب اقولك اني هستقيل وخرج برا المكتب خالص
سيلين انصدمت من كلامه: معقول معقول دا أدهم
معقول اكون اخترت غلطت
معقول يقولي كدا وقعدت مكانها وحطت راسها بين ايديها
نور: فاضل بنت الكبيرة ي عز
عز: ربنا اختار ليها نصيبها
نور: الكبير والصغير خطب واتجوز
عز: من امتي واحنا بنفكر بالسن النصيب لما يجي مش هيفرق بين كبير وصغير
نور: ونعمه بالله ربنا يطمنا عليهم
عز: صحيح اطمنتي علي شمس النهاردة
نور: اه اطمنت عليها هي كانت تعبانه بس من ضغط الفرح
وملك في قمة السعادة عشان ابنها
عز: انا اللي عرفت قيمة الضنا منك ي نور
نور بحب: لو كنت أطول اجيبلك بدل الثلاثة دول عشرة كنت مليت البيت كله ي عز
عز: عشرة مرة واحدة .
نور: كفاية انهم هيبقوا منك ومن دمك وحنيتهم منك عليا ي سند عمري
عز: انتي اللي وتين قلبي ي نور العين
ادهم: السلام عليكم
ملك: عليكم السلام مبقاش غيرك انت وسيلين ي ابني اطلبها بقي
أدهم: اللي فيه الخير يقدموا ربنا
ملك : مالك ي حبيب امك
أدهم اترمي في حضنها وعيط: المعاملة والمسافة بقت بتبعد اوي ي أمي معقول دي سيلين اللي لما مكنتش اتصل بيها كل ساعه كانت تخرب الدنيا فوق دماغي
ملك: كل وقت وله اختلافات ي حبيبي
ادهم: قلبي وجعني اوي ي ماما
ملك بحزن: سلامتك وسلامة قلبك ي قلب امك
ادهم: اتصرف ازاي
ملك وهي بتمسح دموعه: دموعك دي غالية متعيطش انت عارف انها عنيدة ومش بتيجي بالغصب حاول تكلمها
ادهم: صدقيني مغلطتش معاها عشان اكلمها وفجأة سمعوا صوت نور وهي بتقول بنتي بنتي ي عز الحقني
أدهم جري لتحت ولقي سيلين علي الارض وايديها نازل منها دم
عز: حط يتصل بالاسعاف
أدهم: سيلين سيلين وشالها من وسط الجميع ونزل بيها وركب العربية وحاول يوقف الدم بقماشة وساق للمستشفي
دخل بيها والممرضات اسعفوها لكن فاقدة الوعي
كلهم جم بعدهم
نور: يارب يارب وعيطت
عز: اهدي ي نور
ملك: أي اللي وصلها لكدا
خالد: اكيد ضغط نفسي سيلين اي حاجة تهزها
نور: دا اول مرا تعمل كدا دي دايما قوية
عز: ربنا يرجعها بالسلامه سترك ي رب
ملك: ألطف ي لطيف
خالد: متقلقوش ان شاء الله خير
نور وهي ماسكة في عز : لو حصلها حاجة مش هسامح نفسي
عز: وانت ذنبك اي بس ادعيلها
عز بغضب: باااااااااااس باااااااس كلام كلام كلام انا قلبي هيقف من كتر الخوف عليها وأنتوا بتبرروا لنفسكوا حجج وكانت عيونه حمرا جدا محبوس فيها الدموع
الممرضات طلعت وطمنوهم انها كويسة
نور: يلا ندخل ليها
ادهم: طمنميني عليها ي أمي وانا هستناكي تحت
عز: تعالي معانا
ادهم: اسف ي عمي سبني علي راحتي ونزل واستني لما ينزلو في العربية
نور : كدا ي سيلين تنتحري
عز: ليه عملتي كدا
سيلين: انا دوخت ووقعت علي السكينة والله مش اكتر فتعورت
ملك وهي بتحضنها: سلامتك ي بنتي
سيلين: هو انتوا اللي جيتوا بس ومين اللي جابني
عز بخبث: انتي مستنظرة حد تاني
سيلين بزعل: لاء
أدهم في العربية وسيلين خرجت معاهم شافت أدهم لكن أدهم تجاهل نظرتها ومنزلش من العربية واتوزعوا علي العربيتين وروحوا
الكل متجمع حوالين سيلين بيسلموا عليها
سيلين كل تفكيرها في أدهم وإزاي بقي قاسي كدا مهي متعرفش انه االي جري بيها
سيلين، انا عاوزة …….
- يتبع الفصل التالي اضغط على ( رواية طفلة هزت كيان فرعون ) اسم الرواية